Post: #1
Title: الوزير العجلاتي
Author: د.محمد حسن
Date: 05-06-2008, 12:00 PM
Parent: #0
هذا الموضوع عبارة عن خواطر شخصية بحتة وليس له اي علاقة بسياسة بسمارك الداخلية او الخارجية
والقصة وما فيها اني اكتشفت ان المغترب وخاصة مغتربي السعودية ما عندهم اي طريق للسرحان ، والسرحان ثقافة سوداني متأصلة فينا . فاي زول يكون قاعد يقولول ليك فلان سرحان بي غنم ابليس ، وغنم ابليس لمن لا يعلمون او هو مواليد الشتات في دول المهاجر الكثيرة هي تلك العوالق التي تتراقص في شعاع الشمسر الداخل من الرقراق ، وغنم ابليس تختلف عن بت ابليس ولمزيد من الاطلاع حول بت ابليس يمكن مراجعة كتابي الشيخ معتصم دفع الله الذي كتبه بعد سنوات من العزوبية الممنهجة وهو بعنوان (عروستي الفي الكوشة جالسة ولا مبارات بت الابالسة) . فنحن في دول الاغتراب ممنوعين من السرحان اطلاقا. يعني لو بالصدفة وانت في عربيتك بانتظار الاشارة تفتح سرحت قبال ما تتامل في السرحة كويس الوراك يديك بوري يقطع قلبك يعني الاشارة ولعت اخضر . اما اذا سرحت في الدوام والدوام لله ، يجيك الكفيل ،ويبد الحوار التالي
- محمد وايش فيك كسلان
- ما كسلان طال عمرك ، سرحان
- غريبة تسرح في الدوام وايش اللي يخليك تسرح ، ضرايب السفارة؟
- يا ريت ، انا سرحان في التعداد الكساني
- ايش لون
- بلغو اخرةى الاحصاء السكاني ، وهو ما تقوم به الدولة لحصر الموارد البشرية والطبيعية توطئة لتقديم افضل الخدمات وفق كثافة السكان على االكيلونمتر المربع وبالتالي التقسيم العادل للثروات
- وايش هذا اللي تقول ، مو بصاحي ، واش هدي الخرابيط والسواليف
- يا ابو فهد باختصار عايزين يعرفو عدد السودانيين كم
- طيب وايش المشكلة
- المشكلة فينا نحن البرة السودان ، قالوا مامعدودين
- ليش هو كم عددكم انتو اللي برة السودان
- نحن يا طويل العمر قد نتجاوز العشرة مليون خارج السودان
- يا الله هدول اكتر من سكان البحرين وقطر والكويت ، تدري يا محمد انهم كلهم كفاءات لانهم اطباء ومهندسين وزراعيين وبياطرة واساتذة جامعات ومحاسبين واداريين اكفاء هدول ثروات قومية ، ابش لون ما يحسبوهم ، بجد الجماعة ديل بالغوا عديييييييييييييييييييييييييييل. وهذه قالها بالسوداني فقلت له دون اشعر
-ابو فهد انت قلبت والا شنو؟!!
اما اذا دخل عليك في بداية السرحة زميلك الشامي فيتم السيناريو التالي :
- بوحميد موعاجبني بنوب ، مانك فطران اليوم ، ما كلت شي ترويأة عالصبووح
- ترويقة شنو يا فادي، انا سرحان
- سرحان عبد البصير .. هييييييييييييييييكا
- انت برضو قلبت يا فادي ، انا سرحان في الوزير البقى عجلاتي
- شو؟!! وزير صار عجلاتي ، ماني فهمان عليك
- شوف كان عندنا وزير للري والموارد المائية ، بكري ابوبكر شال منو الباس وورد خلاه لافي صينية ، قام اشتغل عجلاتي
- برضو ما ني فهمان ، شوالاصة
- انت سمعت الفنان البغني ( ارويني ارويني) ما الاغنية دي ليه هو
- ابوحميد شربان شي امس انت
- اشرب بي وين مع ناس د. نجيب زيادة
اما في البيت
تجي بعد دوام الصباح داخل البيت الساعة واحدة ، تملص وتخش في اي حاجةمريحة وتعاين للسقف ، يادوب ماتسرح في قطعة الارض الوعدك بيها جهاز شئون المعذبين قبل عشرة سنين يجيك صاروخ جو ارض موجه ولا بقبل اي انحراف
( الغاز قطع)
|
Post: #2
Title: Re: الوزير العجلاتي
Author: فدوى الشريف
Date: 05-06-2008, 12:14 PM
Parent: #1
ربنا يصلح الحال
قول آمين
|
Post: #3
Title: Re: الوزير العجلاتي
Author: ابو جهينة
Date: 05-06-2008, 12:54 PM
Parent: #2
أبو التومات د. محمد
سلام
أما بعد
فقد علمنا من مصادرنا الرئاسية بأن الوزير المذكور قد قرر تغيير وزارته إلى وزارة أخرى ، و بالتالي فقد أبرقني برقية مستعجلة مفادها :
عجلتكم رُدَّتْ إليكم ... و بما أن الصاحب أولى بالشفعة فإنني أتنازل عن وزارتي و عجلتي المعنية و بقية العجلات إلى حبيبنا و زميلنا أبو التومات و يا ليته ياخد بيها ( سحبة ) من بيته إلى حي النسيم و بالعكس .. و نحن نضمن له عدم حدوث أي سرحان أو زيارات غنم إبليس له فالعجلة الأم بها من الإكسسوارات ما تحمي الجالس عليها من السرحان..
إنتهت برقية وزير الري المستقيل من وزارته و المتبرع بعجلته و ببقية العجلات في ورشته.
تخريمة بدون دريكسون :
يا دكتور ... العجلة من الشيطان ... أقصد العجلة إياها
|
Post: #19
Title: Re: الوزير العجلاتي
Author: د.محمد حسن
Date: 05-11-2008, 06:11 AM
Parent: #3
| Quote: بما أن الصاحب أولى بالشفعة فإنني أتنازل عن وزارتي و عجلتي المعنية و بقية العجلات إلى حبيبنا و زميلنا أبو التومات و يا ليته ياخد بيها ( سحبة ) من بيته إلى حي النسيم و بالعكس .. B] |
السيد الريس
القصة ما فططان
لكن بعد المطالبة بسقوطك
ابتدع السيد الوزير سباق للهجن
وبما اني كنت من ضمن المدعوين
لتشجيع ناقة طارق نقد فقد كنت بجد محتار
هل طارق حيفوز والا حيفشلنا
وبالفعل
فشبلنا وجا الطيش
وتسجيل الاحداث مع السيد وزير الري
نعتذر ونحبكم
|
Post: #22
Title: Re: الوزير العجلاتي
Author: طارق عبد اللطيف نقد
Date: 05-12-2008, 01:44 PM
Parent: #19
Quote: وبالفعل
فشبلنا وجا الطيش |
تعرف يا دوك لي فشلتكم
لاني بصراحة كنت سرحااااااااااااااان
ومصيف كمااااااااااااااااان
|
Post: #4
Title: Re: الوزير العجلاتي
Author: د.محمد حسن
Date: 05-06-2008, 12:55 PM
Parent: #2
آمييييييييين
Quote: ربنا يصلح الحال
قول آمين |
انا كل يوم قاعداقول كدة
انت عليك الله قاعدة تقولي
|
Post: #5
Title: Re: الوزير العجلاتي
Author: فيصل محمد خليل
Date: 05-06-2008, 01:01 PM
Parent: #2
| Quote: وليس له اي علاقة بسياسة بسمارك الداخلية او الخارجية |
الاسبوتنق بتاعي طرشق
|
Post: #8
Title: Re: الوزير العجلاتي
Author: د.محمد حسن
Date: 05-08-2008, 07:32 AM
Parent: #5
| Quote: الاسبوتنق بتاعي طرشق] |
ما طرشق بس انت استعجلت
مودتي
|
Post: #6
Title: Re: الوزير العجلاتي
Author: طارق عبد اللطيف نقد
Date: 05-06-2008, 01:20 PM
Parent: #1
| Quote: عجلتكم رُدَّتْ إليكم ... و بما أن الصاحب أولى بالشفعة فإنني أتنازل عن وزارتي و عجلتي المعنية و بقية العجلات إلى حبيبنا و زميلنا أبو التومات و يا ليته ياخد بيها ( سحبة ) من بيته إلى حي النسيم و بالعكس .. و نحن نضمن له عدم حدوث أي سرحان أو زيارات غنم إبليس له فالعجلة الأم بها من الإكسسوارات ما تحمي الجالس عليها من السرحان.. |
قال يسرح قال
وكان ما لقيت العجله بنجيب ليك الحصان
|
Post: #7
Title: Re: الوزير العجلاتي
Author: الطيب رحمه قريمان
Date: 05-06-2008, 01:37 PM
Parent: #6
الدكتور محمدحسن
| Quote: فاي زول يكون قاعد يقولول ليك فلان سرحان بي غنم ابليس |
تعرف با دكتور ابليس ما عاد ليه غنم, كملن تب
|
Post: #12
Title: Re: الوزير العجلاتي
Author: د.محمد حسن
Date: 05-08-2008, 12:45 PM
Parent: #7
| Quote: تعرف با دكتور ابليس ما عاد ليه غنم] |
ليه
شالوهم ناس الضرايب
والا باعهم واشترى سوداني؟
|
Post: #10
Title: Re: الوزير العجلاتي
Author: د.محمد حسن
Date: 05-08-2008, 12:11 PM
Parent: #6
| Quote: وكان ما لقيت العجله بنجيب ليك الحصان |
الحصان خليته ليك
انا عايز الجمل
|
Post: #11
Title: Re: الوزير العجلاتي
Author: علاء الدين حيموره
Date: 05-08-2008, 12:43 PM
Parent: #6
بس همك في تجيب دي يا اخوي طارق وتجيب اي حاجة ....
حصان .. حمار .. زيادة .... المهم تجيب
شوف ليه عجلة يا دكتور
والله انا مستمتع بالكلام الجميل ده
موتي
|
Post: #16
Title: Re: الوزير العجلاتي
Author: د.محمد حسن
Date: 05-09-2008, 10:15 PM
Parent: #11
Quote: شوف ليه عجلة يا دكتور
والله انا مستمتع بالكلام الجميل ده
موتيB] |
طبعا يا علاء
انت ما عندك فكرة انو طارق اشترك في سباق الهجن
وجا الطيش
مودتي ليك
وشوق
|
Post: #9
Title: Re: الوزير العجلاتي
Author: Safia Mohamed
Date: 05-08-2008, 07:52 AM
Parent: #1
د. محمد وين ياخي
مشتاقين
تعرف نحن في السودان عكسكم تماما
حياتنا كلها سرحان وعيشة في عال منصنعه بخيالنا واحلام يقظة
هروبا من الواقع المرير
في الشغل ما في زول بسالك كان رئيس ولا وزير ولامدير ولا غفير
وزملائك كل واحد الفيه مكفيه كلهم سراحة (جمع سرحان)
وفي البيت هو في زول جايب خبر زول
ما كل زول سرحان في عالمه الخاص
اها نبيع ليكم شوية سرحان مما لدين ولا رايك شنو
طبعا الدفع يالدولار
|
Post: #21
Title: Re: الوزير العجلاتي
Author: د.محمد حسن
Date: 05-12-2008, 12:07 PM
Parent: #9
Quote: اها نبيع ليكم شوية سرحان مما لدين ولا رايك شنو
طبعا الدفع يالدولار
[/QUO
ما عندنا مانع نشتري
بس الدولار العايزنزو
غسيل
والا
مكوة
|
Post: #13
Title: Re: الوزير العجلاتي
Author: ماجدة عوض خوجلى
Date: 05-08-2008, 12:50 PM
Parent: #1
بالغ
|
Post: #14
Title: Re: الوزير العجلاتي
Author: كمال سالم
Date: 05-08-2008, 01:30 PM
Parent: #1
د محمد ,, يأخى تمها بالفحم ,,
|
Post: #25
Title: Re: الوزير العجلاتي
Author: د.محمد حسن
Date: 05-15-2008, 11:55 AM
Parent: #14
| Quote: د محمد ,, يأخى تمها بالفحم ] |
يا ريت يا كمال لوفهمتها
كنت رديت ليك
|
Post: #15
Title: Re: الوزير العجلاتي
Author: ناهد بشير الطيب
Date: 05-08-2008, 01:48 PM
Parent: #1
د.محمد حسن ......
البوست دمه شربات زى مابيقولوا ....
مع الزميلةالسعوديه برضو .....
كيفك يام هبه مالك سرحانه كده اش فيك
لا ابدا بس بفكر فى بناتنا البقوا كتار ديل ومافى عرس ليهم
مافى ايش...عرس ...مافهمت عليك؟
مافى زواج ...يعنى ...عرسان ماااافى
ليش ايش المشكلة ....وفين هى اصلا مااحنا كمان ماعندنا زواج
لكن نحنا بناتنا كتااااار.....ياام فيصل
والله ماشفتى البنات العندنا يازينهم وجمالهم ...تتزوج الواحدة من هنا وتتطلق بكرة
ليه يام فيصل ..مالهم ؟
يختى الواحدة بيجوزوها واحد عجوز ...
ونحنا بناتنا يام فيصل بيفتشن على العجايز ديل....وقالوا اخير ليهن من الشباب تصدقى ....
تضحك
|
Post: #24
Title: Re: الوزير العجلاتي
Author: د.محمد حسن
Date: 05-15-2008, 10:57 AM
Parent: #15
Quote: يختى الواحدة بيجوزوها واحد عجوز ...
ونحنا بناتنا يام فيصل بيفتشن على العجايز ديل....وقالوا اخير ليهن من الشباب تصدقى ] |
الاخت ناهد
انت ما سمعتي المثل بيقول:
حب العجايز ليه ركايز
وبعدين العجايز اتعودوا على شيل الاكياس وانابيب الغاز
هسي
حسب كلامك ده
اعتبر نفسي في السوق؟
|
Post: #17
Title: Re: الوزير العجلاتي
Author: طارق عبد اللطيف نقد
Date: 05-10-2008, 01:54 PM
Parent: #1
والله يادوك
الواحد من كترة السرحان
داير ليه سكرتيره عشلن تذكروا!!!!!!!!!!!!!!!
وانا ابشرك لقيت الجمل
احسن واريح من العجله ومن الحصان
وتسرح ساااااااااااااااااااكت بي مهلتك؟؟؟؟
شوف السرحان ده كيف
مرة انا مندمج ليك مع د0فيل 000 واذا بهادم الذات
يا طارق 00000يا طارق 0000 يا طارق 000 يا طارق
بدل ما اقول ايوه ولا حاجه 000قلت ليها 000الو
ومرة في المكتب اتصلت علي واحد من الثابت وطلعته رقموا من الجوال
بعد رد انا شابكو ليك الو00000الو0000 الو0000 وماسامع حاجه
اتاري انا بتكلم في الجوال المقفول 0000وداقي من الثابت
الله يجيب العواقب سليمه ويرجعنا لي اهلنا سالمين
قول --امين
|
Post: #18
Title: Re: الوزير العجلاتي
Author: ابو جهينة
Date: 05-10-2008, 02:05 PM
Parent: #17
أبو التومات
فاطيني في الرد مالك يا دكتور ؟
خلاص ياخي ما حنغير الإكسسوارات ... حنخليها زي ما هي
|
Post: #20
Title: Re: الوزير العجلاتي
Author: الحاج حمد الحاج
Date: 05-11-2008, 06:51 AM
Parent: #18
صاحبنا ود العبيد يعمل بالرياض و يوم صاحي متأخر بدل يشيل الجوال شال ريموت التلفزيون و دخلو ليك في جيبو ، وصل المكتب و بعد شوية الاتصالات بدأت على التلفون الثابت و كل واحد يتصل يقول ليهو مالك ما بترد على الجوال و بعد اتصالين انتبه لحكاية مالك ما بترد على الجوال ، قال اشوف الجوال دا يمكن في الصامت ، دخل يدو في جيبو يشوف الجوال اذا برموت التلفزيون قاعد بمزااااج ما اصلو ما متعود يلقى ليهو حته زي دي يلبد فيها..سرحان يا ود العبيد
|
Post: #23
Title: Re: الوزير العجلاتي
Author: د.محمد حسن
Date: 05-13-2008, 01:03 PM
Parent: #1
قبل ما اكمل ردودي
استميحكم عذرا
لاهدي هذه السرحة العجيبة
لكل من
د. صفية
ماجدة
عواطف اسماعيل
وناهد بشير
السيناريو التالي
واحدة بترد على التليفون مع صاحبتها
- آي يا سعاد عرفت انو عرس فيني ن وحاتك ولا اهتميت
قضيت شغلة البيت من احسن ما يكون ، ختيت الريموت على النار، قطعت االملاية وفرشت السلطة
اتكيت ومسكت الحلة وجبت قناة الجزيرة وقعدت اتفرج على المسلسل
|
|
|
