عندي معلومات تسَقِـط الحكومة و توديها في ستين ألف داهية !!

أولاً ..

هلا هلا على الجد !!

ثانياً :

عشان الواحد يرمي قدام لازم يكون ورا مأمن ـ مثل كيزاني ـ و عشان كدة و حيث أنو الواحد زي نوى يرمي قدام شدييييد فلا بد من الشباب القاعدين لينا هنا ديل يأمنوا ورا تمام و يتحركوا بسرعتين كدة و يشوف لينا أقرب سفارة غربية ولً أي منظمة حقوق إنسان و لُ بالعدم منظمة إغاثة لزوم الأسايلم و الذي منه .. عشان الواحد يكون ضامن المسألة بتاعت المخارجة و ما يقعد يتجهجه من قولة تيت .. خاصة و إنو المسألة دي خترية شديد و ما بتقبل المجازفات ..فمن هسع دي لو الحكاية جعجعة ساكت و ما مضمونة و لً فيها أي سيك ميك أحسن الواحد يحتفظ بمعلوماتو لنفسو و لا أنكسرت الجرة و لا أندفق الفيها و شغلة السوق دي ما فيها زعل كلو كلو يفتح الله و يستر الله ..

ثالثاُ :

أنا عايز ناس الحكومة ديل بالذات يركزوا على كلامي دا و أنا في الحقيقة ما عايز أضر لي أي زول و من زمانك الواحد قاعد يقول ( خلوها مستورة ) ياخي لكن خليناها لحدي ما ميتينا ذاتو طلع ، لي بتين ياخي نقعد ساكتين كدة ؟؟ إنتو أصلكم ما بتحسوا ياخي ،، إنتو عارفين المعلومات العندي دي أهميتها شنو بالنسبة ليكم؟ طيب ياخي ما تحسوا !!

رابعاً :

و الله أنحنا البلد دي شدة ما بنحبها تقول ناكلها نبلعها عدييييل كدة ..



علينا جاي ..

يعني ما في زول عايز ( يهبب ) لينا ساكت ..

طيب .. حتشوفوا !!

[U][email protected]

أطالب بحماية عاجلة صوناً لحياة الأخ عصام أبو أحمد!

شارب شربوت يا عصام؟

لو معلوماتك طلعت بالجد
انا غايتو بعدين بنكرك حطب ولا بعرفك

والله يا فدوي ما كان العشم بدل تشوفي ليهو حتة يستخبه وراها
قبال يفك مدفعيتو المزعومة دي..تقومي تنكريهو حطب

عيب الشوم والله..


....



يا حسين..جاري البحث عن منظمة للاخ المدفعجي الدهبي

Quote: يا حسين..جاري البحث عن منظمة للاخ المدفعجي الدهبي

سامي ،، الله و النبي شدوا حيلكم و بي سرعة ياخي .. المعلومات العندي دي حـ تبوظ .. و حـ تودينا كلنا في مليون داهية !! ياخي مافي منظمة ما مشكلة .. حاولوا مع الحكومة !!

Quote: شارب شربوت يا عصام؟

شارب شربات ذاتو ، إنتي مالك ؟؟

Quote: لو معلوماتك طلعت بالجد

غايتو انتي بتاعت مجلس الوزرا دي بالذات شدي حيلك ، بعدينك ما تعملي كاني .. ماني ..

Quote: انا غايتو بعدين بنكرك حطب ولا بعرفك

لا باللآي .. دي موثقة بالثابتة ، أرجي الراجيك !!





وش كظاب ..

Quote: أطالب بحماية عاجلة صوناً لحياة الأخ عصام أبو أحمد!

أحبطتني شدييييد لكن ..

هسع أنا منتظر البوستات تتطاقش ..

تجئ تعمل لي حتة مداخلة ..

يا سحس ..

حس ياخي ..



يدكم معانا ..

يا آخي !!
إذا أصلك متجرس للدرجة دي ، ما عايزين.
بعدين يا آخي ،
إنت حاجة ما قادر تتحمل نتائجها ،
الجابك ليها ، والجابرك عليها شنو؟؟
خلاص ،
ريحنا ياخي.
تحياتي.

يا آخي !!

Quote: إذا أصلك متجرس للدرجة دي ، ما عايزين.

خلاص بدينا الخرخرة .. و ما عايزين .. طيب يعني أمشي وين شوفوا لي حلل ..

Quote: إنت حاجة ما قادر تتحمل نتائجها ، الجابك ليها ، والجابرك عليها شنو؟؟

ياخ انا ما كنت قايل الحاجة دي قدر دة ..

Quote: خلاص ، ريحنا ياخي.

ما يحلني منكم إلا الحلا بلة ..


ــ
تحت .. تحت .. بلة جاهو لوتري ..

تحياتي

أول حاجة ياشيخ عصام ، الحاجات البتسقط الحكومة وتوديها في ستمية ألف مش ستين ألف داهية موجودة من يومهم التلبوا فيها ، يوم الجمعة 30/يونيو/1989، وأهم قعدوا 19 سنة وبيقولوا لسع في عمر الزهور ...!!!!!!
فيا حبيبنا مافي حاجة حتسقط هذه الغمة دي إلا إنتافضة أخرى مثل أكتوبر ومارس/أبريل ........!
وبعدين ....

Quote: و الله أنحنا البلد دي شدة ما بنحبها تقول ناكلها نبلعها عدييييل كدة ..

ما تتعب نفسك ، بالأكل والبلع عدييييييل كدة ....!!!
التماسيح راقدييييييييييين وشغالين أكل وبلع عديييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل .... وبالكوم ...!!
مع تحياتي
أبوفواز

Quote: أول حاجة ياشيخ عصام ،

الليلة وووب !!

Quote: الحاجات البتسقط الحكومة وتوديها في ستمية ألف مش ستين ألف داهية موجودة من يومهم التلبوا فيها ، يوم الجمعة 30/يونيو/1989، وأهم قعدوا 19 سنة وبيقولوا لسع في عمر الزهور ...!!!!!!

أنا معاك في كلامك دا لكن حاجاتي دي خترية خترية عديييل كدة ، الحكومة ذاتا كان عرفتها حتقلب نفسها براها و ترجعها محل ما شالتها .. لكن الحكومة مهودة و غبيانة ساكت ما عارفة الحاصل ..

Quote: فيا حبيبنا مافي حاجة حتسقط هذه الغمة دي إلا إنتافضة أخرى مثل أكتوبر ومارس/أبريل ........! وبعدين ....

يا زول إنتفاضة شنو !! أنا أقول ليك معلومات ، ياخي دا عصر الأسافير و الفضائيات .. تقول لي أكتوبر و حركات ،، الحركات كان بتنفع كان نفعت حركة تحرير الأبيض و عبري ، و كان مكضبني أسأل الكوماندور م ./ تروتسكي ..

Quote: ما تتعب نفسك ، بالأكل والبلع عدييييييل كدة ....!!!

و عايزا نقعد مرتاحين كدة لحدي بتين بس ؟؟

مع عاطر تحياتي

الدهب:
غايتو انا ما بقصّر معاك وعمود يوم الجمعة ده عليّ انا ..
الأولاد ما بكضب عليك حدي معاهم الثانوي (مدارس حكومية)الجامعة دي تشوف ليها زول تاني يصرف ليك عليهم ..
كان بادي ليك بنا كلمني أواصلوا ليك وأسكن لي فيهو 80 سنة وبعد ما تطلع تجي تشيلو..
إحذر شراب المياه الغازية في المعتقل فهكذا حكى لنا مناضلو المعتقلات في سودانيز أون لاين عن خطورتها.وكان عصرو عليك شدييييييد أطلب محلبية ..

تخريمة :
ياخ كل ما اشوف صورتك دي بتذكر حمزة سليمان

ودعناك الله يا حبيب ونلاقيك يوم الحشر

Quote: و الله أنحنا البلد دي شدة ما بنحبها تقول ناكلها نبلعها عدييييل كدة ..

اوعي تفتن علي الشركه اياها..علشان الستره وكده

بس بيني وبينك كلام صديق عبد الجبار هو المختصر المفيد..

وينك يازول ما ظاهر؟

لحظة من فضلك ..

Quote: اوعي تفتن علي الشركه اياها..علشان الستره وكده

و الله الحكاية دي على حسب الزرة ، الخوف الحكاية تسخن الواحد يقوم يفتن على الشركة و على السترة ذاتها .. الله يستر ..

Quote: بس بيني وبينك كلام صديق عبد الجبار هو المختصر المفيد..

المفيد دا ما نحنا الكايسين ليهو كواسة ، قرضي على كدة ..

Quote: وينك يازول ما ظاهر؟

المـ/1/ظاهر خداعة ..
كنت بلقط في المعلومات ..

أظهري ..

Quote: توديها في ستين ألف داهية !!

الصحيح:

تودينى فى ستين ألف داهية !!

Quote: الصحيح: تودينى فى ستين ألف داهية !!

أنا و لً إنت يا صلاح ..

أنا غايتو عايزها ـ المعلومات أو الحكومة ما فرقت ـ توديني برة ..


ـ...
برة يعني بلد ترطيبة( باللهجة الاسايلمية ) ..

Quote: الأولاد ما بكضب عليك حدي معاهم الثانوي (مدارس حكومية)الجامعة دي تشوف ليها زول تاني يصرف ليك عليهم .. كان بادي ليك بنا كلمني أواصلوا ليك وأسكن لي فيهو 80 سنة وبعد ما تطلع تجي تشيلو.. إحذر شراب المياه الغازية في المعتقل فهكذا حكى لنا مناضلو المعتقلات في سودانيز أون لاين عن خطورتها.وكان عصرو عليك شدييييييد أطلب محلبية ..

عمر كيفنك
الله يجازيك بقيت اضحك براي في المكتب لمن خفت يجي زول داخل ولا حاجة
والله يوم بتكتل ليك زول بي طريقتك دي

الاخ عصام دهب
قبل ما تفك فرمالتك دى
اول بالتبادي شاور الخالة تراجى
وما خاب من استشار يااخى

عصام نشوف ليك واسطة لجوء في أديس
بس على شرط: أول ما تسقط الحكومة ترجع الخرطوم طوالي. إيه رأيك؟

Quote: عصام نشوف ليك واسطة لجوء في أديس

يا العوض ياخي في أديس ، في أسمرا في في أي حتة ياخي .. بس أوعة من ليبيا و اليمن !!

Quote: بس على شرط: أول ما تسقط الحكومة ترجع الخرطوم طوالي. إيه رأيك؟

أهاااا دا الكلام البجيب كسافتنا يعني أها لو الحكومة سقطت و رجعت .. تاني نرجع للجهجهة ؟؟ خليك تفتيحة ياخي ..

الأخ سيف ..
أولن بالتبادي وقبل ما أفك الفرمالة ، طبعاً انت عارف أخونا الفاروق ما قصر و التزم لي بموضوع العيال لحدي الثانوي ، و كمانالأخت أم وضاح برضو بشرتنا بيك ..

Quote: الجامعات ما تشيل هم محمود عوض وسيف الدين العوض ماليزيا ساكت وارقد قفا رجال تمام للدراسات العليا يوصلوهم ليك

و انا عارفك و عارف ماليزيا و و ..
و الله أنا ما بفسر و عارفك ما بتقصر ..

Quote: اول بالتبادي شاور الخالة تراجى وما خاب من استشار يااخى

تراجي دي أنا خاتيها ـ كان أحتجت ـ للشديدة القوية ..



ـــ
الشديدة القوية دي إسرائيل ..

أبو حفص

Quote: غايتو انا ما بقصّر معاك وعمود يوم الجمعة ده عليّ انا ..

كتر خيرك خابرك أخو أخوان ياعمودي ـ أقصد يا عموري ـ بس أوعة من اللوايييق ..

Quote: الأولاد ما بكضب عليك حدي معاهم الثانوي (مدارس حكومية)الجامعة دي تشوف ليها زول تاني يصرف ليك عليهم ..

بتبالغ ياخي ..أنا كان عايز أدخلهم مدارس حكومية المناٍضلـ لها شنو !!

Quote: كان بادي ليك بنا كلمني أواصلوا ليك وأسكن لي فيهو 80 سنة وبعد ما تطلع تجي تشيلو..

كان دة كلامك يالأخو من هسة دي ـ ما تواصل لي ـ بس أعرش على كدة و خلاص ..

Quote: و كان عصرو عليك شدييييييد أطلب محلبية ..

المشكلة الواحد يقوم يكتر في المحلبية يفتكر نفسو مناضل جد جد ..

Quote: كل ما اشوف صورتك دي بتذكر حمزة سليمان

الله يطمنك ياخ .. الغريبة أنا كل ما أشوفها بتذكر سليمان حمزة ..

Quote: ودعناك الله يا حبيب

ودعناك الله يا ليبرالي انت ..

Quote: نلاقيك يوم الحشر

أستغفر الله العظيم ..

أبو الدهب يا لذيذ

Quote: فمن هسع دي لو الحكاية جعجعة ساكت و ما مضمونة و لً فيها أي سيك ميك أحسن الواحد يحتفظ بمعلوماتو لنفسو و لا أنكسرت الجرة و لا أندفق الفيها و شغلة السوق دي ما فيها زعل كلو كلو يفتح الله و يستر الله ..

ولايهمك ياحبة من هسع انا البقدر عليها افتح ليك بوستات علي شاكلة

فلنتحد لاطلاق سراح أبو الدهب

توقيعاتكم لاجل زميلنا بالبورد وهكذ دواليبك وبكري مابقصر بعلقو ليك فوق زي سواق البنطون



لكن اكان داير النصيحة ماتدفق مويتك علي الرهاب ساي




أبوأحمد

إنتو الزول ده إتعكش ول شنو..؟؟؟

ياود دهب

رسل لي صورة جوازك عشان ناس م العفو عايزنها ضروري











لاحظ دي قبل دعايات القبض عليك

والله البوست دا شكلو زى حصان طروادة



ياعصام اتوكل على الله وارمى قدام ،، حتى لو ما لقينا ليك منظمة ، بنلقى ليك فكي

ركز على تراجي يا عصام ...

الحكومة الامريكية بكل فروعها .. بريطانيا وفرنسا ... ولو ما نفعوا ان شاء الله تشاد


بس كدي قول لينا

Quote: جدة - واس: وصل فخامة الرئيس عمر حسن البشير رئيس جمهورية السودان إلى جدة أمس في زيارة للمملكة يؤدي من خلالها مناسك العمرة. وكان في استقبال فخامته لدى وصوله مطار الملك عبدالعزيز الدولي صاحب السمو الملكي الأمير مشعل بن ماجد بن عبدالعزيز محافظ جدة ومدير عام مطار الملك عبدالعزيز الدولي المهندس مازن خاشقجي ومندوب عن المراسم الملكية والسفير السوداني لدى المملكة محمد تاريدي وعدد من المسؤولين.

http://www.alriyadh.com/2008/05/06/article340458.html


يا شباب ..

شكلو الكلام دخل الحوش عديييل كدة ..
و الحكاية سخنت سخونية جد ..
بعدين المكنة بتاعت أنو الرئيس جايي هنا عشان يؤدي مناسك العمرة دي ما تشيل فيكم ..
الزول دي جاي قاصدني بالدرب العديل ..
و الله يستر ما يقوم يشمشر مع الكفيل ..

شفتو المعلومات العندي دي خترية كيف ؟؟
يلا يا شباب شدوا حيلكم ..

بيانات .. قنصليات .. منظمات .. توقيعات ..
أي حاجة ..

يدكم معانا يا ..

أب أحمد ..

Quote: ولايهمك ياحبة من هسع انا البقدر عليها افتح ليك بوستات علي شاكلة فلنتحد لاطلاق سراح أبو الدهب توقيعاتكم لاجل زميلنا بالبورد وهكذ دواليبك وبكري مابقصر بعلقو ليك فوق زي سواق البنطون

و الله كان دي إعانتك لي .. الله يعينك إنت ذاتك !!
ياخي فلنتحد و فلنتضامن ديل أنا مكجنهم من زمن شرف طعن الأسد ..
نحنا دايرين شغل .. دايرين بيان بالعمل يعني لجوءات ، تأشيرات أي حاجة من النوع دة..

الفياقة بتعمل أكتر من كـــــــــــــــــــدا

يعني الواحد يأكل نارو ..

و يمشي يشوف ليهو مخرج براهو ..

خليتكم لي الله ..

و بمشي بلقط حاجاتي براي ..

قولوا واحد ..

Quote: Human Rights Watch 2nd Floor, 2-12 Pentonville Road London N1 9HF, UK Tel: 44 20 7713 1995 Fax: 44 20 7713 1800 [email protected]

يلا ..
ساعدونا بالألفاظ ..

يا ( دهب ) ..
خليها بعد الانتخابات الامريكية .. لانه لو فازت ( هيلاري ) .. العالم دا كلو حيبقى ( كيزان ) ..
تاني ألا تنتظر الابحاث بتاعت ناسا القالوا ماشين بيها المريخ ..

Quote: غايتو انا ما بقصّر معاك وعمود يوم الجمعة ده عليّ انا .. الأولاد ما بكضب عليك حدي معاهم الثانوي (مدارس حكومية)الجامعة دي تشوف ليها زول تاني يصرف ليك عليهم .. كان بادي ليك بنا كلمني أواصلوا ليك وأسكن لي فيهو 80 سنة وبعد ما تطلع تجي تشيلو..

انا غايتو بساعد الفاروق فى العمود وخاصة المفروكة والمحشى وكدة
الفاروق فى المدارس حدو الثانوى اما الجامعات ما تشيل هم محمود عوض
وسيف الدين العوض ماليزيا ساكت وارقد قفا رجال تمام للدراسات العليا
يوصلوهم ليك بس خليك مرتاح مع الاشباح اصلو طبعا لما يجى انقلاب تانى
يحلك الحلا بله { اموت واعرف بله ده منو ؟ واتحلى من شنو ؟؟ }

ام وضاح

منتظرين
ارمي قدام

كرينق كرييتق كرينق كرينق
مافي رد

كرينق كرييتق كرينق كرينق
مافي رد

كرينق كرييتق كرينق كرينق
الو
مين معاي عصام ؟؟
لا النمرة خطأ

الو عصام ألو ألو ألو


والليلة والليلة

عصام دهب.. حبابك يا صديق

يازول حكومة شنو..معلومات الحكومة دي قاعدة في سوق الله اكبر العالمي.. على قفا من يشيل..
و اليومين دي الشغلانة.. لازم تعرف معلومات عن زول واصل ..مش واحد في طريقو للتلجين (واقع ليك الكلام ده؟)..

جرب الجاكة دي.. لو عندك فكرة تمشي امريكا.. قول انك كنت شغال في شركة بترول صينية..و عندك ملفات.. و يايات..و كده ..

بالمناسبة.. هو ابو احمد ده منو؟..عصام..ولا خالد..ولا بشير..؟

كبر
(ابو احمد)

وصلتني معلومات شبه مؤكدة عن إعتقال زميلنا بالمنبر عصام دهب ..
معاً من أجل عصام دهب ولا لإرهاب أعضاء سودانيز أون لاين والموت لكلاب الإنقاذ ..

العزيز عصام تحياتي

يا زول عمرك شفت ليك دهب دق الدلجة . ما تخاف عشان دهب دي أقدل زي ما عايز ودي براها تأمين


بحيراوي

Quote: وصلتني معلومات شبه مؤكدة عن إعتقال زميلنا بالمنبر عصام دهب ..

يا شباب ..
بالله خليكم جادين ..
و أسمعوا كلام الزميل عمر الفاروق دا كويس ..
و للأسف الشديد الكلام دا صاح ..
الزميل / عصام دهب إعتقلوه ..
و عشان أثبت ليكم إنو الكلام دا صاح أنا عايزكم تعرفوا إنو أنا القاعد أكتب هسع دا ما عصام دهب .. عصام دهب ختفو الدودو .. يعني بالعربي كدة هسه هو في غياهب المعتقلات و الزنازين ..
و في الحقيقة أنا على علاقة و ثيقة جداً بالزميل / عصام دهب و هو الأداني الباسوورد حقو قبل ما يعكشوه و قال لي ياخي ( الظروف ما معروفة ) ..
عشان كدة أنا حبيت أدخل هنا و أرحب بكل المتداخلين خاصة المتداخلات و أهنئكم بمناسبة الأعياد و كدة .. و أنقل ليكم الحقيقة المؤسفة ،
و من هذا المنطلق أناشدكم يا جماعة نعمل أي حاجة ؟؟ عشان خاطر الزول دا ..
و بالمناسبة الزول دا أداني سي دي قبل ما يعكشوه و قال لي لو الحكاية سخنت و قبضوني الس دي دا رسلوا لناس الرايت هيومان ووتشي ..
يلا يا شباب
وزي ما قال الزميل عمر :

Quote: معاً من أجل عصام دهب ولا لإرهاب أعضاء سودانيز أون لاين والموت لكلاب و كلبات الإنقاذ ..

Quote: معاً من أجل عصام دهب ولا لإرهاب أعضاء سودانيز أون لاين والموت لكلاب و كلبات الإنقاذ .

الله بيسألك يا عصام كلبات دي انا قلتها؟
غايتو يا زول أبشرك بي طريقتك دي في الإستجواب الحبببببة ما بتجيك
تخريمة :
الحقيقة إنو عصام ترك صفحة الموقع مفتوحة في مقهى للإنترنت والزول اللي كتب ده واحد جا ورد بي إسم عصام ..

أهة صدقتوا إنو الزول دا عكشوه و لَ لسع ما صدقتو ؟؟

Quote: الحضور الان بالمنتدى العام لسودانيز أون لاين دوت كوم 1092 شخص » (47 )عضو و (1045) زائرا »Abd Alla Elhabib »ABDELMAGID ABDELMAGID »Ahmed Alrayah »Ahmed musa »Amira Osman »Ammar Eldaw »anwar abdulmajid »Badreldin »Deng »Elsanosi Badr »Hassan Makkawi »Hisham Amin »Ibrahim abdelaziz Osman »jini »kamalabas »kh_abboud »Mannan »mayada kamal »Muhammad Elamin »musadim »omer abdelsalam »Omer Gariba »smart_ana2001 »sumah »taha »Tragie Mustafa »Waeil Elsayid Awad »Yasier Elsayed »Zomrawi Alweli »ابراهيم عدلان »ابوبكر على »الجندرية »اندرو كوات »حمد فتح الرحمن »صديق الموج »طلعت الطيب »عبدالرحمن عوض عبيشي »عبدالفتاح أبوشيمة » صاحب زميلكم / عصام دهب »عمر الفاروق »عوض محمد احمد »فارس موسى »فضيلي جماع »ميسرة غاندي »ناذر محمد الخليفة »ناهد بشير الطيب »ود محجوب

يلا يا شباب أتحركوا شوية ..
الموضوع ما بستحمل ..

Quote: انا غايتو بساعد الفاروق فى العمود وخاصة المفروكة والمحشى وكدة

أم وضاح أها كان كدا أنا زاااااتي

Quote: عندي معلومات تسَقِـط الحكومة و توديها في ستين ألف داهية !!

............ وتلحقهم أُمات طه









ــــــــــــ
طه ده منو ؟؟؟؟؟؟؟؟؟؟؟

Quote: وصلتني معلومات شبه مؤكدة عن إعتقال زميلنا بالمنبر عصام دهب ..

Quote: الزميل / عصام دهب إعتقلوه ..و عشان أثبت ليكم إنو الكلام دا صاح أنا عايزكم تعرفوا إنو أنا القاعد أكتب هسع دا ما عصام دهب .. عصام دهب ختفو الدودو .. يعني بالعربي كدة هسه هو في غياهب المعتقلات و الزنازين ..

شكراً للزميل / عمر الفاروق
شكراً لصاحبي و حبيبي و زميلي المناضل / عجب الدور أبو شمارات ..
شكراً لكل المناضلين الذين ضربوا الروراي و كبروا حناجرهم لأجلي ..
شكراً لكل المناضلات اللائي كبيِن الجرسة لأجلي و لأجل حرية الكلمة و التعبير ..
و قد تأكد لي تماماً أن من كان هؤلاء وراءه فإن حقه راح .. و الشكر لله أولاً و أخيراً ..
و حقيقة الأمر يا شباب أنه فعلاً تم توقيفي و سجني أمس ..
و حقيقة توقيفي أنني و في إطار ممارستي لمهامي النضالية الخطيرة إرتكبت مخالفة تفحيط و قطع أشارة و عكس إتجاه السير و وقوف في الممنوع فتم القبض علي و إنتهاك حرياتي بإيداعي التوقيف ظلماً و جوراً ، و رغم برودة طقس المعتقل بسبب التكييف و رغم المعاملة القاسية بتقديم ثلاثة وجبات فقط في اليوم و تعمد الإكثار من الفواكه في كل وجبة ، إلا أنه لم تلن لي أي قناة و هيهات أن نفصل أو ننكسر .. و أبشركم بأنني صمدت صموداً أذهل السجان نفسه الذي سرعان ما أطلق سراحي بعد أن دفعت له الغرامة دفعاً مهيناً ..
إن ما تعرضت له من إعتقال لن يثنيني عن المضي قدماً في مواصلة مسيرة الكفاح و النضال لأجل دارفور و و جبيت و كجبار و رومبيك و لشعبنا الذي أعياه الوقوف على رصيف التغيير ..

شكراً شباب ..
و نعود للمعلومات ..

و سأحدثكم عن الأشخاص الذين ألتقيتهم في المعتقل و حاولوا مساومتي على المعلومات لكن هيهات ..