ود هباني .. مبروك .. البغل رحل ..لعناية عماد عبداللة

**
*

نستميح الاخ عماد عبداللة عزرا ليستمر هذا الحكى ..

العمدة ود هباني .. مبروك .. البغل رحل


عينة أولى :
نطالب السيد بكري بتفعيل قوانين المنبر ، وايقاف العضو هشام هباني
نطالب السيد بكري بحذف البوست الفلاني
هسي انت يا هشام بترضى أختك والا بتك تقرا كلام زي ده ؟؟
يجب أن يتدخل بكري لوقف هذه الأساليب البذيئة
هذا المنبر يزوره آلاف ، سودانيين وغير سودانيين ، لذلك يجب أن تكون المفردات المستخدمة غير خادشة للحياء ..
عينة ثانية :
كل زول حر في اختيار مفرداتو ، وتحديد أسلوب كتابتو
ياخي لو ما عجبك كلام هشام ما تدخل بوستاتو وما تقرأ ليهو ، في زول جبرك؟؟
كان ما عجبك أسلوب هشام ده ، أمشي اشتكيه في (التُمنة)
كل زول عندو أدوات بيناضل بيها ، وهشام عندو (كلامو الأعوج ده) إنتو في زول سألكم من أسلوبكم ؟؟ طيب ما تسيبوه في حالو !!

العينة الأولى زي ناس جامعة الدول العربية ، تدين وتشجب وتستنكر
والعينة التانية روحها محراقها وزهجانة من الحاصل ..

اتفقنا أو أختلفنا مع أسلوب هشام فهو في الآخر أختار هذا الأسلوب لإيصال أفكاره وآرائه فيما يحدث في السودان ويرى أن هذا هو الاسلوب الوحيد والناجع في كشف وفضح وتغيير الحال ..ومفروض نحترم اختياره ده وان اختلفنا معه.


النقة دي كلها سببها اعفاء مدير شرطة الجمارك من منصبه .
طبعاً سودانيز أون لاين واحد من أكبر الموقع السودانية (إن لم يكن أكبرها على الاطلاق) ويضم في عضويته كل ألوان الطيف السوداني ويتصفحه عدد كبير من الزوار ..
لذلك أنا على يقين تام من أن هذا الموقع يسبب كثيراً من القلق لناس (الخرطوم) وأن سودانيز أون لاين (مرصود).
وأتصور أن هناك وحدة خاصة ( في جهة أمنية ما بالسودان) مهمتها متابعة ورصد وتحليل ما يكتب هنا..
و (الجماعة) هناك بيكونو قروا البوست بتاع ود هباني عن (البغل) وشاهدوا اللقاء (الكارثي ، البغلي) ..
وهذا ما زاد قناعتي أن ذلك البوست و تناول هشام لشخصية ذلك المسؤول وتساؤله عن كيفية بقاءه في هذا المنصب ، سبباً أو على الأقل أحد الأسباب التي عجّلت في اتخاذ قرار إعفاءه من منصبه؟؟؟
وهذا (في نظري) دليل على نجاح أسلوب هشام (الما عاجبكم ده)
عن نفسي سأسجل لهشام هباني نجاحه في محاولته (تغيير الحال) ومساهمته في تجنيب خلايق الله المساكين شرور هذا الرجل الذي لا يتورع في وصف رجل مثله وعلى الهواء بالجبن وعدم الرجولة !!!!
غايتو أنا لو في محل الضيف التاني (الزول المسيكين) داك ، (سعادتو) ده إلا يمرقنو كرعيه..

ســـؤال لناس العينة الأولى:
هسي أمانة في زمتكم دي ، أسلوب هشام ، والا أسلوب البغل ده ؟؟؟


___________________________
عدّلنا بعض السطور المكعوجة..

انة يوم فرح وعيد ...
نرجو من الاخوة ان يعزرونا على ذلك..
لقد رايت ان نعيد قراة هذا الكلم الفصيح..
للاخ Salah Abdulla

ولكل المتداخلين فى البوست قبل الارشفة ان يدلوا بدلوهم فى هذا الاجاج...

مع محبتى وشكرى..

اقول:-
لك كل لحق فى هذا السفر العظيم..
وما نحن الا متداخلين كغيرنا..
ولربما نكون من حمالة الحطب.
اذا احسسنا ا نه يريد بعض العتالة..
او الرفع..


كل الجمال
على وزن كل المحبة لاخونا
كمال سالم.

ان شاء اللة دائما سالم..
وكامل..
يعنى دى دبلوماسية ..
انت صاح وهو برضو صاح
لربما نقبلها على مضض ..
ولكن لا يصح الا الصحيح ...

صلاح عبدالله ,,
والله زى ماصاحبى الجميل عماد عبدالله استـاذ فـى الادب
طلعت أنت خطير فى السياسه ( يعنى سياسه وأدب ) على
وزن سمع وشوف..

**
لذلك يا خى نتوقف كتيرا..
قبل ان نتداخل مع ايهم..
لكى لايختلط الادب والسياسة ..
لذالك نرجو منهم السماح..

الموضوع المهم..
طرد الخروف !!!
واللة لم اسمع بهذا الحديث و الحدث ..
الا الان لربما..
تضامنت اشياء
كثيرة لتجعل من ذلك الخبر المهم..
نسيا منسيا ..
الا انة علم ذلك الخروف..
الذى علمنا اللغة الاوندية ..
واصبحت لغت المنابر ولغة الحوار..
انها اللغة الاللاوندية..
قد اعطت كثبرا من الناس فرصة لكى يعبروا
عن ما بدواخلهم..
وصار لللاوندية احباب ..
وطلاب علم ومعرفة وصيت..
اين انت الان ايها الخروف الان ..
ترفل فى ثياب مجدك الافل..
وتاكل من مال السحت الذى لقفتة..
تتهنى بالمعاش على رتبة لواء..
وانت الذى ماكنت تحلم بتراب الميرى..
ايها المنحط الاضينة ..
وتنعم بتلك الكرش..
ذات التسعة اشهر..
التى يحسدنك عليها العواقر..
شكرا ليك اخى صلاح عبداللة..
ولك العتبى حتى ترضى..
ولاخيك عماد عبداللة..
او شماتتاة...
لصاحب اللاوندية ...
اللهم لاشماتة..
..
..
.

صديقنا إسماعيل
إنت عارف قبيل إتنرفزت من الناس ديل{مين كده عبدالله} والغريب في ألأمر بيكتبوا من {منصات}عاليه...علما بأنها زي منصات{تجاني عبدالقادر} و [الـمحبوب عبد السلام}..وكلها طلعت فالصو!!!!

الأخ اسماعيل

تحياتي واحترامي

سأعود للحديث عن هذا الموضوع ، ولكن قبل ذلك اسمح لي أن أوجه حديثي للزول الاسمو ( مين كده الشيخ ) واطلب منه أن يفسر لي ما كتبه أدناه ، والله ما فهمتك قاصد شنو
واتنرفزت من منو؟؟ علماً بأنني لا أذكر أنني قد تداخلت معك من قبل.. ومنصات عالية وواطية والتجاني والمحبوب ، والمش عارف مين ، وفالصو..
يا زول في شنو قايم بي نمرة خمسة وفاتح فينا ؟؟ وإنت قاصد منو بي (مين كده عبدالله) عشان نعرف نرد عليك الرد المناسب ...

Quote: صديقنا إسماعيل إنت عارف قبيل إتنرفزت من الناس ديل{مين كده عبدالله} والغريب في ألأمر بيكتبوا من {منصات}عاليه...علما بأنها زي منصات{تجاني عبدالقادر} و [الـمحبوب عبد السلام}..وكلها طلعت فالصو!!!!

الزول ده الزعلو منو يا أخوانا ؟؟؟

هو بالله مين كده الشيخ ده ، يا هو نفسو البيكتب عن فلانة حامل وفلانة دافقت

Quote: يا صاحب المسرحية المشهورة إمرأة الرئيس حامل

والله لميت في الموضوع ده بالصدفة ..
يا زول أنا ما بتكلم في زي مواضيعك دي ..
إذهب فأنت طليق ..