تراجي أكتبي مية بوست في الساعة والناس يقولوا ليك أنتي مكنة كتابة ويطقوك عين وتجي تبكي لينا

الأستاذة تراجي

مرحباً بعودتك المثيرة للعواصف والاعاصير .

معقول بس مية بوست في الساعة؟

ثروت سوار الدهب قال ليك إنتي (مكنة كتابة) ؟

بطقوك عين والله وتمرضي وتجي شايلة منديلك تقشقشي في الدميعات وتقولي عيانة الحقوني ؟

ماشاء الله عليك .

بعدين ماتخافي أنا جلابي عيني باردة لكن الخوف عليك من عين ناس الهامش

روقي المنقة ياتراجي .

ازهري يا حبيب
وحياتك الناس كل ما زادت حمرتهم كل ما بقت عينهم نار حمراء واسالني انا
وكويس الجبته سيرة العين عشان افتي لك بتجاربي حولها.

Quote: الأستاذة تراجي مرحباً بعودتك المثيرة للعواصف والاعاصير . معقول بس مية بوست في الساعة؟ ثروت سوار الدهب قال ليك إنتي (مكنة كتابة) ؟ بطقوك عين والله وتمرضي وتجي شايلة منديلك تقشقشي في الدميعات وتقولي عيانة الحقوني ؟ ماشاء الله عليك . بعدين ماتخافي أنا جلابي عيني باردة لكن الخوف عليك من عين ناس الهامش روقي المنقة ياتراجي .

ةحاتك العين الاخدتها في الاردن في السودان ماش فته زيها

والباقي ليقيته في كندا ومن الخوجات ديل.
وآخيرا تموها لي الجلابه بالمنبر وجراقيسهم وقرض على جراقيسهم دي شديد.

ويلا يا جراقيس الجلابه شوفوا حقيقية اوضاعكم بعيون ناس ازهري.




يا ازهري يا اخوي
الكلام ورغم لهجة الهظار فيه الا انه يدل على التنميطات التي
حقن بها عقلك سنين ان السحارين هم ناس الغرب.

وصدقني السحر بيكون ليس من وعرق محدد
وتأمل في قوله (ص) .....(كلكم معيانون الا من بورك فيه)
حديث لا اعرف مدى ضعفه من صحته ولكن ظلت والدتي تقوله لنا
وتعلمنا ان نقول دوما ماشاء الله,كعادة كل اهلها في الغرب.


العين المغرونه بزوال النعمه
العين المغرونه بالحسد و الغيرة
هي العين الضارة.
لذا قولك هذا اعتبره ايضا حقيقية:

Quote: بعدين ماتخافي أنا جلابي عيني باردة لكن الخوف عليك من عين ناس الهامش

هنا توجد فئة منهم فعلا يتمنون لي الموت جادين
وما فعلوه معي يفوق ما فعله الجلابة مجتمعين.

ولكن اقول حسبي الله ونعم الوكيل
واعوذ بالله من الحريصين على قمع صوتي لا لشيئ سوى مصالحهم الشخصيه.

هنا توجد فئة منهم فعلا يتمنون لي الموت جادين








تراجي يابتي دى كلام شنو !!! ربنا يطول في عمرك , ماتخلي ظنونك تصور ليك حاجات ماصحيحة


البحصل بينك و بين من تعنيهن ما اكتر من مناقرات بتحصل بين الاخوات في البيت


الليلة و للا بكرة كان لاقيتي واحدة منهن بتسلمي عليها بالأحضان


و بعدين بقيتي مابتستحملي الهظار , الازهري ظاهر انه بهظر معاكي قمتي اخدتي الكلام جد


و خدر برضو فاتح بوست بيسال عليكي كاتب كلام بتاع مشاكسة جيتي زعلتي من كلامو


الليلة لو نحن حسينا انه الكلام دى جد و ليه مغزى تاني تفتكري كنا حندخل ليه


في بوستيهو و نسأل عنك ؟؟ كان المفروض على الأقل تشكري الناس السألوا عنك


و مافي داعي للحساسية الشديدة لأنه بعد كدى حتفقدي الناس البحبوكي


و بعدين ماترهقي نفسك كتير , صحتك اولى بيها وليداتك


و انسي الناس البتضايقك بمجرد ما تعملي ساين اوت

سناء كيفك؟؟
يازوله الهظار ظاهر من الما هظار
ومنو قال لك ما جايه اشكر النايس زول زول؟؟؟؟
الا خدر بعرف حركاته كوريس
وعلى فكرة انا زولة بقدر ما طيبة لكن كلمة واحدة فارغه ما بفوتها:

Quote: و بعدين بقيتي مابتستحملي الهظار , الازهري ظاهر انه بهظر معاكي قمتي اخدتي الكلام جد و خدر برضو فاتح بوست بيسال عليكي كاتب كلام بتاع مشاكسة جيتي زعلتي من كلامو الليلة لو نحن حسينا انه الكلام دى جد و ليه مغزى تاني تفتكري كنا حندخل ليه في بوستيهو و نسأل عنك ؟؟ كان المفروض على الأقل تشكري الناس السألوا عنك و مافي داعي للحساسية الشديدة لأنه بعد كدى حتفقدي الناس البحبوكي

اما هؤلاء فانا اعني ما اقول تماما وهذا لاني هبشت مصالحهم
وليس شغل منابر فقط وعشان كده ما تتخيليني تبوهم:

Quote: تراجي يابتي دى كلام شنو !!! ربنا يطول في عمرك , ماتخلي ظنونك تصور ليك حاجات ماصحيحة البحصل بينك و بين من تعنيهن ما اكتر من مناقرات بتحصل بين الاخوات في البيت الليلة و للا بكرة كان لاقيتي واحدة منهن بتسلمي عليها بالأحضان

تحياتي لك وكوني بخير ولا متخافي علي.
تحياتي.
وشكرا لسؤالك.

الأستاذة الزميلة تراجي

تحياتي وتقديري

طبعاً من ناحية دينية العين حق وفيها أحاديث كتيرة وكمان وردت في القرآن الكريم (وإن كاد الذين كفروا ليزلقونك بابصارهم لما سمعوا الذكر).

وكمان في قصة سيدنا يعقوب عليه السلام لمن قال لأولاده يابني لاتدخلوا من باب واحدة وادخلوا من أبواب متفرقة.

وفي السنة احاديث كثيرة كما أسلفت .

وفي الحضارات الأخرى يوجد الإيمان والإعتقاد بالعين وأتذكر قريت بحث عن مسألة العين في المجتمعات غير الإسلامية .

المهم في نقطة صغيرة كدا : لمن قلت ليك أنا عيني باردة الخوف عليك من عيون ناس الهامش . كانت هذه الجملة هظار والله على ما أقول شهيد.

ولم يخطر في بالي الإشارة إلى أي جهة أو مجتمع بأنه يتصف أفراده بأن (عينهم حارة)

أنا عشت خارج السودان أكثر عمري ولم يمارس علي أي نوع من التنميط عن كون أهل الغرب سحارين ولم أسمع هذا الكلام من قبل إلا في هذا البوست .

أنا كتبت كلمة الهامش دي في مقام المزح لإهتمامك بأهلنا في مايسمى مناطق الهامش .

كدي أحكي لينا عن تجاربك في مسألة العين :

تعرفي أديبنا العظيم د. عبد الله الطيب قبل مايمرض أخد جائزة عالمية وبعدها بكم يوم زار جهة دعته وقام القى محاضرة إرتجالية جات عرضاً كدا بدون ترتيب وهو واقف عن جزء من تاريخ البلد الزاره. انا ومعاي واحد من سكان البلد جينا متأخرين ودخلنا القاعة عشان نسلم عليه , قام زميلي دا ونحنا داخلين قال : أووووووووه الزول هذا صوته غير طبيعي واصل من الدور التاني لبرة وبدون مايكرفون (دي البداية) لمن دخلنا وسمعنا جزء من كلامه عن تاريخ البلد الهو فيها وكتير من اهلها ماعارفينو وإستطرد في الكلام زميلنا قال لي : زولكم دا الهادريسك حقو مية جيجا .

والله الدكتور سافر وماتم كم يوم ووقع في غيبوبة المرض حتى توفاه الله .

في نظري ممكن الزول دا يكون أداه عين خاصة إنه معروف في نطاق العمل إنو عينه حارة .

وكمان إن شاء الله مافي زول بتمنى ليك الموت وإن شاء الله عمرك طويل وربنا يخليك لي وليداتك بس أقري آية الكرسي صباح ومساء والمعوذات وقولي بسم الله الذي لا يضر مع اسمه شئ في الأرض ولا في السماء وهو السميع العليم 3 مرات صبح ومساء .

الزميلة تراجي

قلت لك من قبل : مهما إختفلنا سياسياً تظلين سيدة سودانية جديرة بالإحترام وأخت كريمة نتمنى لها الخير.

تحياتي وتقديري

الازاهري صباح الخير
وعارافك بتهظر يا اخوي وانا بهظر ايضا......
وشكرا للايات التي كتبتها هنا لي

وزولك داك اعوذ بالله منه امانه ما قرض البروفيسر قرض حمانا الله من امثاله.


بسم الله الذي لا يضر مع اسمه شئ في الأرض ولا في السماء
بسم الله الذي لا يضر مع اسمه شئ في الأرض ولا في السماء
بسم الله الذي لا يضر مع اسمه شئ في الأرض ولا في السماء

Quote: الزميلة تراجي قلت لك من قبل : مهما إختفلنا سياسياً تظلين سيدة سودانية جديرة بالإحترام وأخت كريمة نتمنى لها الخير. تحياتي وتقديري

شكرا لك اخي وصدقني نفس الشعور
كن بخير يا اخي.
وتحياتي وتقديري.

Quote: شكرا لك اخي وصدقني نفس الشعور كن بخير يا اخي. وتحياتي وتقديري

شكراً جزيلاً يا أم حازم على تفهمك وكلماتك الطيبة .

تحياتي وتقديري

Quote: بسم الله الذي لا يضر مع اسمه شئ في الأرض ولا في السماء بسم الله الذي لا يضر مع اسمه شئ في الأرض ولا في السماء بسم الله الذي لا يضر مع اسمه شئ في الأرض ولا في السماء

اولا حمدلله بسلامة الرجعه ......




وكونى بخير......

خالص تحياتى لك....


خالص التحايا الاخ ازهرى.....

الأخت العزيزة أستاذتنا ناهد

ولك خالص الود والتقدير والإجلال .

ربنا يملاك عافية ويحبب فيك خلقه كمان وكمان .

كور علي , ماقلت ليك يا تراجي الولد دى بهظر ساي


و بصراحة انا اول مرة اسمع انه ناس الغرب عينم حارة , الكلام دى تكوني الفتيهو من راسك


ساي عشان تشاكلي الولد المسكين دى. الشي السايد انه الرباطاب هم العينم حارة , نتخارج


قبل ما يجونا بمساختم دي . على العموم انا عندي تجارب و معرفة عميقة في موضوع العين


دي ممكن نفتح ليكم بيها بوست و تعالي شاركي و هاتي ماعندك . بس بعد نفسك يهدى شوية

أستاذة سناء

آآآآي عليك الله كلميها قولي ليها أنا بهظر ساكت .

لكن بيني وبينك ياأستاذة سناء : تراجي لو ماعارفة كلامي هظار كان دخلت فيني شمال طوالي وشاتت ضفاري.

لكن كلامها الفوق دا هادي غير مصحوب الكتاحة والأتربة ونفسها فيه بارد .

عارفاني بهظر .

شكراً ليك على التفهم وحسن الظن .

سناء قسم السيد
يا زولة اولا انت بتتكلمي عن اي ناس غرب؟؟؟؟

Quote: كور علي , ماقلت ليك يا تراجي الولد دى بهظر ساي و بصراحة انا اول مرة اسمع انه ناس الغرب عينم حارة , الكلام دى تكوني الفتيهو من راسك

اولا تحدثنا عن ناسين غرب عنا
غرب السودان وقلت البكرهوني منبهم بهذا المنبر

وثاني تحدثت عن ناس الغرب الامريكي عندما قلت الناس الحمر ساحرين اكثر؟؟؟؟؟
وقلت لي تجارب في الاردن وكندا.


اما عن التنميط القلته للازهري فهذا صحيح وكان انت حنكوشة ولا قمت بره السودان فدي مشكلتك
لكن انا لا الفته لا افترت كل اهل الشمال بيفتركوا ناس الغرب سحارين.
والنزيدك علم ناس الغرب ذاتهم اي زول بيوقع غرب منهم بيقولوا عليه سحار.


طيب اضيف لهم بنات الجلاتبه الفي المنبر البكرهوني برضهم سحارت اها شن قولك؟؟؟؟

يازول اي زول بيكرهك ومكجنك وممكن يفكر لقدراتك و الممكن تكون تافهة احيانا ولو بانك بتضع نقطة في بوست لكن ممكن يحسجك فيها.


وانا عشان عيونهم الفقر دي قررت اوزع مجهوداتي لمنابر ثانيه
لاانه بكري مع الانتي فايروس بتاعه ما خت لينا انتي سحر.

يبقى نعمل الانتي سحر برانا وبطريقتك
شم يقعدوا يحسبوا لينا 22 الف مداخلة وان 30 الف نقطة.

غايتو الازرهي حكاية سحروني باين غاظة ناس عشان كده حارفع البوست ده كيه فيهم.

الأخت / تراجى

قولى : ( حسبى الله لآ إله إلآ هو عليه توكلت وهو رب العرش العظيم )

تحياتى لك و الى الأخ / الأزهرى