Post: #1
Title: ضاع عمرها من أول ...
Author: معتصم الطاهر
Date: 05-05-2008, 08:26 PM
Parent: #0
مداخلة ..
رغم أنها أجمل من القصائد ..
قصيدة رشا حاتم ..
ما قدرة العمر الكلام..
لا قادر القلب ينشرح..
ساعات يمر عمرك ضلام..
ساعات يجيك مليان فرح..
تبرا الدروب الما بتجيك..
وتفارق الدرب التعب..
من شوقو ليك..
ياهو قدرك يا شقا..
ملصت كم خاتم وفا؟
وسممت قدر الايد معاك..
حزيتا بخاتم صدا..
وسوار كضب..
ما طوق القلب البحب..
لا طال شتاهو معاك دفا..
ما كنت ببكيك يا مطر..
لو كنت عارفة الموية فيك..
مليانة طين..
تدفق عكر..
لو كان سحابك ما غلط..
ما كان سماك منك فتر..
ندمان عمر..
سكسك مشتت من عقد..
منضومة فيو حبات صبر..
ما بتبكي مطمورة البلا..
لمن ترش الوجعة حر..
والشمس ما دايما نهار..
ولا الضلام دايما قمر..
وياهو القدر..
اخدر طريقك يا قلب..
لو تزرع التيرابو حُر..
زرعك حصادو يكون فلاح..
وارضك ترابا تشوفو دُر..
افتح اشاراتك طريق..
خلي الغمامات التُمر..
ازرق سماك..
صافي ولبن..
طلك نداك..
قوسك قزح..
فرعك لدن..
لحنك فرح..
وضياك غناك..
شوقك وتر..
افتح المقفولة باب..
واقفل المفتوح كتاب..
وابدا من اول سطر..
حاءك حنين..
باءك أمَر..
|
Post: #2
Title: Re: ضاع عمرها من أول ...
Author: تولوس
Date: 05-05-2008, 09:01 PM
Parent: #1
Quote: اخدر طريقك يا قلب..
لو تزرع التيرابو حُر..
زرعك حصادو يكون فلاح..
وارضك ترابا تشوفو دُر..
افتح اشاراتك طريق..
خلي الغمامات التُمر..
ازرق سماك..
صافي ولبن..
طلك نداك..
قوسك قزح..
فرعك لدن..
لحنك فرح..
وضياك غناك..
شوقك وتر..
افتح المقفولة باب..
واقفل المفتوح كتاب..
وابدا من اول سطر.. |
شكرا اخي معتصم وهذا عمل جميل يشرح النفس شكرا لاهدائك لنا هذه القصيده وشكرا لشاعرها
|
Post: #6
Title: Re: ضاع عمرها من أول ...
Author: معتصم الطاهر
Date: 05-06-2008, 08:07 PM
Parent: #2
| Quote: شكرا اخي معتصم وهذا عمل جميل يشرح النفس شكرا لاهدائك لنا هذه القصيده وشكرا لشاعرها |
شكرا تولوس
الكلام السمح .. بخلي الزول يقولها عديل " دا كلام سمح"
الشاعرة هي اختنا .." رشا حاتم "
|
Post: #8
Title: Re: ضاع عمرها من أول ...
Author: Rasha Hatim
Date: 05-07-2008, 06:30 PM
Parent: #2
| Quote: شكرا اخي معتصم وهذا عمل جميل يشرح النفس شكرا لاهدائك لنا هذه القصيده وشكرا لشاعرها |
وجميل اعجابك به يشرح نفسي اكثر..
كل الود
|
Post: #3
Title: Re: ضاع عمرها من أول ...
Author: haroon diyab
Date: 05-05-2008, 09:06 PM
Parent: #1
ياهندسة
احلي مساء
Quote: حاءك حنين..
باءك أمَر.. |
(حب )
حبك جميل
طول العمر
كده انفع من ال.....؟
او الغاوؤن علي الاقل
احلام سعيدة
هارون دياب
|
Post: #9
Title: Re: ضاع عمرها من أول ...
Author: Rasha Hatim
Date: 05-07-2008, 06:33 PM
Parent: #3
Quote: حبك جميل
طول العمر
كده انفع من ال.....؟
او الغاوؤن علي الاقل
احلام سعيدة
هارون دياب |
كدا تنفع متذوق جيد للشعر..
والمرة الجاية حق الرغيف علي 
كل الود
|
Post: #4
Title: Re: ضاع عمرها من أول ...
Author: معتصم الطاهر
Date: 05-05-2008, 09:07 PM
Parent: #1
Quote: ياهو قدرك يا شقا..
ملصت كم خاتم وفا؟
وسممت قدر الايد معاك..
حزيتا بخاتم صدا..
وسوار كضب..
ما طوق القلب البحب..
لا طال شتاهو معاك دفا.. |
قالوا هل غادر الشعراء من متردم
اهي دى واحدة غادرت ..
|
Post: #11
Title: Re: ضاع عمرها من أول ...
Author: Rasha Hatim
Date: 05-07-2008, 06:38 PM
Parent: #4
Quote: اهي دى واحدة غادرت ..
|
لسة قاعدة شوية يا معتصم ياااخ
|
Post: #5
Title: Re: ضاع عمرها من أول ...
Author: محمد البشرى الخضر
Date: 05-06-2008, 04:41 PM
Parent: #1
|
Post: #10
Title: Re: ضاع عمرها من أول ...
Author: Rasha Hatim
Date: 05-07-2008, 06:37 PM
| Quote: |
بهناك تضبحو وبجاي تسبحو
|
Post: #7
Title: Re: ضاع عمرها من أول ...
Author: Rasha Hatim
Date: 05-07-2008, 06:29 PM
Parent: #1
الاخ معتصم الطاهر..
اعجزني الرد على جميل مبادرتك..
إن كنت أعلم ان كلماتي ستجد منك كل هذا الاهتمام.. لما توقفت عن الكتابة..
ولا اجدني استحق كل هذا الاطراء..
ودي وتقديري
|
|