Post: #1
Title: عطبره........................معاويه المدير ................................
Author: munswor almophtah
Date: 05-05-2008, 08:23 PM
Parent: #0
عطبره
يا غاليه ريدك فى مسارب جسمى إتسرب سرى
ومازج دماى معاها فى الشربات جرى
ما إنتى يا حبى الكبير داخل قليبى محكره
وبلاك مين طاق الحياه وصبحت رويحتو معكره
يا حلوه يا مصدر غناى وشموخى وأكبر مفخره
من جوف مشاعرى الهايمه بيك بديك حروفى معطره
وأنا ما نسيتك لحظه شان أطراك يوم يا عطبره
السياله يا مرتع صباى وأوتار غناى ينبوع حياتى ومصدره
أنا ببدأ منك شوط طوافى على المدينه وبندره
بطرا الجزيره نواوى كيف زمن التساب النيل حواها وحاصره
العارفين ناس ود نواوى أهل العلم ورثو الصلاح من الورا
الداخله فى جوارهم أمان روعه وحنان ما أحلى ناسها ومنظره
السكه الحديد والسودنه آيات جمال وكرم خصال جل البرا
فى حلة الصاج الكنيسه ومدرسه ودار الرياضه وجمهره
فى القيقر السوق القديم والمدفعيه وعسكره
حوش المخازن والورش ومبنى العموم آيات فخار ما أظهرها
وفى ساحة المولد فرح فى كل عام بمولد النور السرى
الجامع الكبير شارع السلك كليه فيك ما أشهره
بين أم بكول والسوق دوام أجمل حديث ومناظره
الأتبراوى مع الطليح القلعه نورها وجوهره
بهدى الحصايا أجمل غرام بى نورو دايما بحضره
ليك يا الغريبه مكانه فى داخل قلوبنا مسطره
ومين فينا بس مدنى الفكى ما بيذكره
يا إمتدادنا الشرقى فيك أطياف جمال تثرى الخيال ما أكثره
منسابه من حى المطار وفيض الشمالى نعيمها دافق ومصدره
وحلة الصنفور بتفتح للقطر هيمان جرى
إنت يا قلعة نضالنا وحى عمالك مفخره
فى عمومك ساعى طايف يا أم جمال والذوق حاصره
ليك حليوه مناره للتثقيف وفيضا من فنونك آزره
شبابا والشيب تسمو بيك فوق الثرى يا عطبره
يا الفيك قضيت أحلى السنين ليها طارى وبذكره
وكيف كان لياليك الحنان العطبراوى بيسكره
ويشجيها بالنغم الطروب بى ريدو هايمه مخدره
أعلام شموخك عاليه فوقك واضحه للبيك ما درى
المحطه رصيفها والناظر نقابتو عرين أسود متل الشرى
والورش دى عيونها ساهره وفيها حاج الريح والعماره ورفعة منبره
وكبرى للحريه إنبرى
الجبابره رقابهم كسره
والنضال سيرتك طهره
بالحديد والنار سطره
وأنا ما نسيتك لحظه شان أطراك
يوم يا أتبره
معاويه المدير فورت ماكمرى البرتا كندا 7808380298 وطبعا كود كندا 1
|
Post: #2
Title: موضوع الرسالة
Author: علي الكرار هاشم
Date: 05-05-2008, 08:40 PM
Parent: #1
الاخ منصور
ولأن من الحب ما قتل
ولان عطبره الجميله بلد الحبائب
اعمل حسابك من وهج الغرام ونار الشوق
ــــــــــــــــــــــ
......
شالني الحنين
عاد بي سنين
رجعني تاني لعطبره
والدنيا كانت حاله زين
عزابه كنا مره نبدو منظمين
ومرات كتيره مجهجهين
والدنيا كانت حاله زين
كان بيتنا من أحلي البيوت
شامخ جوار السوق هناك
من غرفتين
والصاله حلوه منوره
باللمبتين
والحوش وسيع
مزروعه فيه النخلتين
والمزيره والقلتين
والسراير ديمه برا
والشنط مردومه جوه
ونحن كان بيناتنا خوه
وعيش ملح لمده
امتدت سنين
والدينا كانت حاله زين
|
Post: #3
Title: Re: موضوع الرسالة
Author: المسافر
Date: 05-06-2008, 05:29 AM
Parent: #2
Quote: السياله يا مرتع صباى وأوتار غناى ينبوع حياتى ومصدره
|
يا منصور
عبرك تحياتنا للأخ معاوية ود المدير..
لقد عشت سنتين في منزلهم الكائن بالسيالة .. جوار الحرازات .. خطوتين من البحر والجزيرة التي يتغنى بها..
|
Post: #4
Title: Re: موضوع الرسالة
Author: ود الباوقة
Date: 05-06-2008, 05:51 AM
Parent: #3
اخي المفتاح ..
يا سلام يا معاوية عليك عدت بنا الى الوراء كثيرا عندما كنا نسرح ونمرح في دراكم
ونظرات والدكم العم محمد عثمان ترمقنا دخولا وخروجا. التحية عبرك لكل
اهلنا في عطبرة وفي السيالة والسيالة الجديدة ..
منصور قول لي الراجل اتصل قطعت الاتصالات مالك ..
ود الباوقة
|
Post: #6
Title: Re: موضوع الرسالة
Author: munswor almophtah
Date: 05-06-2008, 08:53 PM
Parent: #3
المسافر إنت إنقريابى زى معاويه من آل عجيب المانجلوك يا زول بوصلو سلامك
وكان عندك عده للوصال بنوصلها له وتلفونو هداك فوق وأحرق الهلل والشغل
بالجاز ولك ولعطبره السلام.......................
منصور
|
Post: #5
Title: Re: موضوع الرسالة
Author: munswor almophtah
Date: 05-06-2008, 06:51 PM
Parent: #2
عامل حسابى وقلبى تقيل وأتبره مدينة كنت أتوق لرؤيتها لأنها ليست نورا لمن فيها بل شمسا للسودان أجمع تدفئ جنباته وتبعث فيه طاقة الإستمرار بحبال وصالها التى تأتى بالخيرات حتى واو ونيالا معكم يا آل تبره نحتفى ونحتفل بها..............................
فيا علي الكرار هاشم
لك السلام والرحمه فهذا طل من طلل
منصور
|
Post: #7
Title: Re: موضوع الرسالة
Author: yasir Abdelgadir
Date: 05-06-2008, 09:19 PM
Parent: #5
سلام
مالك داير تقلب علينا المواجع
لو أنسربت الي البطين الايسر ستجد رسم عطبرة...يضخ الدم الي كل الوجدان
تحية لكل عطبراوي اصيل
د. ياسر زين العابدين عبدالقادر
|
Post: #8
Title: Re: موضوع الرسالة
Author: munswor almophtah
Date: 05-07-2008, 07:14 PM
Parent: #7
يا ود الباوقه السلام ورحمة الله عليكم
وكلامك وصل لمعاويه لكن عليكم الله يا من فى جزيرة العرب إنتو تلفوناتكم
حارس مرمى والله شنو كلكم ما فى زول بكون راس حربه يا شيخ قول يا لطيف من خلالك نبعث رسائلنا لعالم كثر المهم معاويه سيحرك لك السلوك وهو فى حاله تهيؤ للذهاب للسودان وسيحتفل مع آل أتبره وآل الباوقه فى أفراح الخريف وما أجمل فرح الخريف وزرعه وروائح عبقه وخالص الود والسلام................
منصور
|
Post: #9
Title: Re: موضوع الرسالة
Author: طلعت الطيب
Date: 05-07-2008, 07:30 PM
Parent: #8
عزيزى منصور
جينا نسلم عليك وعلى ناس عطبرة الحلوين
اظهر علينا خاصة فى عطلات نهاية الاسبوع
تحياتى وتحية من الاسرة كذلك
|
Post: #17
Title: Re: موضوع الرسالة
Author: munswor almophtah
Date: 05-08-2008, 07:24 PM
Parent: #9
يا طلعت الذى أطل بطلعته فى أتبره سلام من الرحمن عليك وأين أنت يا رجل تلفون الحكومه ذاتو راح وجدولك ما منقوش وقبلنا سلامكم يا عزيز و سلامنا للأولاد ومنعول أبوها بلد ياخ....ومليح أتبره الحلوه حافظه ليكم
دوافع حبها الخاص وحب من فيها والمدير دا أنا قايل عندو قرين بقولو قول البقول فيهو دا...........................
منصور
|
Post: #10
Title: Re: موضوع الرسالة
Author: munswor almophtah
Date: 05-07-2008, 10:27 PM
Parent: #7
الأخ دكتور yasir Abdelgadir
قالوا أن الطيب صالح عندما كان بالبى بى سى قال ذات مرة هنا أم درمان
وعندما أستدرك أنه فى لندن
قرأ
وللأوطان فى دم كل حر يد سلفت ودين مستحق
وللحرية الحمراء باب بكل يد مضرجة يدق
ثم أعقب
ديارى وإن جارت على عزيزة
أهلى وإن ضنوا على كرام
فالحمد لله الذى جعل من البطين ينساب عشق عطبره
لك منى السلام
منصور
|
Post: #11
Title: Re: موضوع الرسالة
Author: Seif Elyazal Burae
Date: 05-08-2008, 02:56 AM
Parent: #10
يا منصور
معاوية ده انا بعرفو من سنة 1990
بلغه تحياتي
سيف اليزل برعي
|
Post: #12
Title: Re: موضوع الرسالة
Author: ابو جهينة
Date: 05-08-2008, 09:00 AM
Parent: #11
منصور
سلام و مودة يا عزيزي و ليك وحشة زى شوقي لعطبرة ( حبيبة قلبي )
و التحية لمعاوية
| Quote: فى القيقر السوق القديم والمدفعيه وعسكره |
هنا مربط فرسي و بيت قصيدي
دمتم
|
Post: #21
Title: Re: موضوع الرسالة
Author: munswor almophtah
Date: 05-08-2008, 08:29 PM
Parent: #12
الريس أبو جهينه ياخ الشوق والريد والتحايا
وبعدين سبحان من لا يخطأ
ويعنى شنو لوغلـط الريس
قلت لى القيقر تعرف دى زى القنقر ياخى أنعل ابو التسالى واحد واحد
تعرف يا الريس بعض الأماكن إذا رجعت إليها ساسعى فيها أطوف ثلاثين مره
وأرمى جمرات الأسف على إبليسها الذى أخرجنى منها كما أخرج أبونا
وأمناجميعا من الجنه..................
خالص السلام يا عزيز وقال القيقر قال
منصور
|
Post: #20
Title: Re: موضوع الرسالة
Author: munswor almophtah
Date: 05-08-2008, 08:21 PM
Parent: #11
سيف اليزل معاويه يعرفك وهاتفك عندما كنت بالقاهره ويعرف أخوك والرجل الذى توفى بنيويورك هو صديقنا المرحوم جمال بدر وهو خريج آثار وهو صاحب فصاحه ومستوى تعبيرى رفيع عرفت بوجوده بنيورك يوم وفاته عليه من اللطيف الرحمه وذلك فى ما كتبت فى قصتك المسروده والمفروده على صفحات هذا المنبر ولك يا عزيزى السلام..................
منصور
|
Post: #13
Title: Re: عطبره........................معاويه المدير ................................
Author: aydaroos
Date: 05-08-2008, 09:59 AM
Parent: #1
شكرا" ليك يا منصور.... و عبرك التحية لي معاوية المدير ود حلتي و قريبي و قول ليه " انت انقريابي و لا رباطابي من الحامداب ؟؟؟"
|
Post: #14
Title: Re: عطبره........................معاويه المدير ................................
Author: MOHAMMED ELSHEIKH
Date: 05-08-2008, 10:44 AM
Parent: #13
سلام يا ناس اتبرة
و ما بالسمنة وكدى
|
Post: #15
Title: Re: عطبره........................معاويه المدير ................................
Author: yasir Abdelgadir
Date: 05-08-2008, 06:26 PM
Parent: #14
الاخ منصور المفتاح
Quote: قالوا أن الطيب صالح عندما كان بالبى بى سى قال ذات مرة هنا أم درمان
وعندما أستدرك أنه فى لندن
قرأ
وللأوطان فى دم كل حر يد سلفت ودين مستحق
وللحرية الحمراء باب بكل يد مضرجة يدق
ثم أعقب
ديارى وإن جارت على عزيزة
أهلى وإن ضنوا على كرام |
كنت أحسب أنه المذيع اللامع أيوب صديق ...شكرا لتصحيح المعلومة
لك التحية ولكل أبناء مدينتي الحبيبة
|
Post: #16
Title: Re: عطبره........................معاويه المدير ................................
Author: noon
Date: 05-08-2008, 06:39 PM
Parent: #15
| Quote: كنت أحسب أنه المذيع اللامع أيوب صديق ...شكرا لتصحيح المعلومة |
that is right it was Ayoom Sadiq
واظن انو قال
وطني ولو شقلت بالخلد عنة ,,نازعتني إلية في الخلد نفسى
Noon
|
Post: #18
Title: Re: عطبره........................معاويه المدير ................................
Author: yasir Abdelgadir
Date: 05-08-2008, 07:40 PM
Parent: #16
يعني أنا صاح يانون.....شكرا ليك
ولا كيف يا منصور؟؟؟
|
Post: #19
Title: Re: عطبره........................معاويه المدير ................................
Author: noon
Date: 05-08-2008, 07:57 PM
Parent: #18
نون دخلت كدة من غير إحم ولا دستور علي قول حبوباتنا
اولا اسفة جدا كان مفروض اسلم اول بس مرات كدة بتكون مشدود ودة معناة انو البوست ظريف جدا
وشكرا ليك يا استاذ منصور المفتاح و شكرا لي كتاباتك الثرة التي لا تقاوم و بتخلي
الزول ينسي ادب الحديث ذى كدة بالظبت
ياسر عبد القادر معلومتك صاح
Noon
|
Post: #25
Title: Re: عطبره........................معاويه المدير ................................
Author: munswor almophtah
Date: 05-08-2008, 09:00 PM
Parent: #19
بسم الله الرحمن الرحيم
(نون والقلم وما يسطرون)
صدق الله العظيم
يا noon مرجعك شنو يا ظريفه وإنت عارفه إنو الطيب صالح كان فى البى بى سى ومين الممكن يقول البيت السمح القلتيهو داك بسرعه زى سرعة ردك مرتين يا زوله والله كلامك صاح وانا زول بتاع غلاط وعارف ناس بجو يصححونى وأنا وإنتى فى المنبر دا وإنتى أغلطى وأنابحلف إنك right وشكرا على الحروج من الموضوع والدخول فى أم ضبيبينه ولك من السلام قدر الكون دا كلو....................
منصور
|
Post: #24
Title: Re: عطبره........................معاويه المدير ................................
Author: munswor almophtah
Date: 05-08-2008, 08:50 PM
Parent: #15
تعرف يا دكتور على الحرام أنا عارف أن الذى قيل عنه أنه قال تلك القوله وخت تلك السمته هو أيوب صديق لكن لمن تقول قالها الطيب صالح بتكون قويه الله يسلمك والله شنو وبعدين الحصه أدب وأطلال وناس نون بتاعين التاريخ ديل أصبر ليهم ما هداك بوست السودان عبر القرون لياسر شبيكه لكن الشبك من الشابك بت البحل الشابك وقولو يا لطيف ,,,,,,,,,,,,,,,,,,,,
منصور
|
Post: #23
Title: Re: عطبره........................معاويه المدير ................................
Author: munswor almophtah
Date: 05-08-2008, 08:43 PM
Parent: #14
سلامك المخسوس مقبول وسلام خاص ليك يا MOHAMMED ELSHEIKH
منصور
|
Post: #22
Title: Re: عطبره........................معاويه المدير ................................
Author: munswor almophtah
Date: 05-08-2008, 08:39 PM
Parent: #13
يا عيدروس كيف حالك ومعاويه دا إنقريابى أظنو وأكان عندك زياده ليهو ماتبخل بيها ولك السلام.....................
منصور
|
Post: #26
Title: Re: عطبره........................معاويه المدير ................................
Author: yasir Abdelgadir
Date: 05-09-2008, 00:03 AM
Parent: #22
| Quote: لكن الشبك من الشابك بت البحل الشابك |
وقديما قال عبد الحليم حافظ: اللي شبكنا يخلصنا
|
Post: #27
Title: Re: عطبره........................معاويه المدير ................................
Author: حسن الطيب يس
Date: 05-09-2008, 03:14 AM
Parent: #1
منصور الف تحية عاطرة و معطرة بيى ريحة الدميرة من طرف العطبراوي
لك و لكل الأحباب في عطبرة الجميلة وكل الزملآء الذين درسوا في عطبرة الغربية
و الأميرية و خلوة جامع القيقر
عطبرة السكة حديد
لنا عوده مع هذة الريحة الطيبة
|
Post: #28
Title: Re: عطبره........................معاويه المدير ................................
Author: munswor almophtah
Date: 05-09-2008, 05:24 PM
Parent: #27
رحم الله عبدالحليم يا ياسر وأبقى الله شوق الناس وحبهم لأوطانهم
ولك كل السلام
منصور
|
Post: #29
Title: Re: عطبره........................معاويه المدير ................................
Author: مؤيد شريف
Date: 05-09-2008, 11:08 PM
Parent: #28
ياااااه علي دي ذكريات
عدت بنا الي زمن الطفولة
السكة حديد-بيوت الموظفين-ميدان الاميريكان - المدرسة الغربية-الحصايا-حي السوق-ميدان المولد........استاد عطبره وجنبو الجامع والكنيسة والقطاره الصغيرة (بتاعت عمال الدريسه) نسيت اسمها ... يا منصور بجيك راجع انته نتيت ذكريات الطفولة الجميلة
|
Post: #30
Title: Re: عطبره........................معاويه المدير ................................
Author: munswor almophtah
Date: 05-10-2008, 10:33 PM
Parent: #27
حسن الطيب السلام عليكم يا آل عطبره وعلى آلكم وصحبكم أجمعين وعلى أتبره
منصور
|
Post: #31
Title: Re: عطبره........................معاويه المدير ................................
Author: Ibrahim abdelaziz Osman
Date: 05-11-2008, 07:11 AM
Parent: #1
الا خ معاوية إنت وصلت عطبرة(فورت ماكميري) ونحن لسع في أرقو(كالجري)
تحياتي للشباب في عطبرةجميعا وخاصة أولاد الحصاياسابقا(أدمنتون)
لكم من الود أخلصه
إبراهيم
|
|