Post: #1
Title: هيثم مصطفى...الأمير وقيثارة الكرة السودانية
Author: هشام المجمر
Date: 05-05-2008, 07:27 PM
Quote: * في الدقيقة السادسة نقلة مرسومة تصل لهيثم مصطفى فيرسلها بمهارته المعهودة إلى البلدوزر في مواجهة المرمى الرواندي وبكل ثقة يودعها هذا الأخير في مرمي رواندا على شمال الحارس هدفاً للسودان.. وقد توقعنا أن يشكر البلدوزر البرنس على هذه التمريرة المتقنة قبل أن يرقص فرحة بالهدف، ولكنه لم يفعل.. وإلى ذلك نلفت نظره ونظر كل من يحرز هدفاً في مباراة من المباريات إلى ضرورة أن يشكر اللاعب الذي صنعه له.
* في الدقيقة 11 تمربرة أخرى ذكية من البرنس لطمبل ومنه أذكي للبلدوزر ولكن الحارس لحق بها في آخر لحظة.
* ومن كرة معكوسة ينال مهند الطاهر الهدف الثاني للسودان.
* في الدقيقة 28 فرصة خطيرة لرواندا إثر هجمة من ناحية الزومة انتهت بعكسية أرضية تفرج عليها دفاعنا قبل أن يقتنصها مهاجم رواندا ويرسلها ضعيفة في يدي المعز المتابع.
* في هذا الشوط أفضل اللاعبين هيثم مصطفي يليه قلق وسفاري.. وأقلهم عطاء جوليت والباشا والزومة وطمبل والبقية فوق الوسط.
* ويبدأ الشوط الثاني فاتراً مع بعض السيطرة للمنتخب الرواندي على منطقة الوسط.. ويجري مدربنا تبديلاً في صفوف لاعبينا بدخول سيف مساوي وخروج علاء بابكر الذي قل عطاؤه كثيراً وأكثر من الفاولات.
* في الدقيقة العاشرة يهييء البرنس كرة على طبق من ذهب لطمبل الذي فشل في استثمارها لتضيع.. وبعدها بأربع دقائق يهييء البرنس فرصة مشابهة لمساوي فيفشل أيضاً في استثمارها.. وبعدها بدقيقة يهييء البرنس كرة ثالثة لمهند فيفشل في استثمارها.. وهكذا توالى ضياع الفرص بطريقة غريبة، إلا أن البرنس جاء ونال الهدف الثالث للسودان بنفسه من تمريرة مساوي.. وسجد بعد الهدف شكراً لله. |
هذا بعض مما جاء فى عمود الصحفى اسماعيل حسن بجريدة الصدى اليوم
كل الذين شاهدوا مباراة الامس بين السودان ورواندا لابد وان استمتع بالاداء فوق العادة السهل الممتنع الذى اتحفنا به اللاعب الفنان هيثم مصطفى.
لعب اكثر من 8 تمريرات اهداف وسجل هدفا غاية فى الروعة و الذكاء وباقل مجهود
هيثممصطفى قاد الهلال للفوزببطولة الدورى لخمس سنوات متتالية
وقاده للوصول لدورى المجموعات كاول فريق سودانى يفعل ذلك بالشكل الجديد للبطولات
وقاده للوصول للمربع الذهبى لدورى الابطال و للترشح كافضل فرق القارة الافريقية لعام 2007
كان احسن لاعب فى منتخب السودان الذى شارك فى بطولة الامم الافريقية فى العام الفائت وما يزال عقل الفريق السودانى المفكر و رئته التى يتنفس بها
التحية له على هذا التألق الملفت
وفعلا انت قيثارة الكرة السودانية واميرها فى العصر الحديث
|
Post: #2
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-05-2008, 08:59 PM
Parent: #1
لوبالامكان انزال الفيديو الخاص بالهدف الثالث هنا لو سمحتم
|
Post: #3
Title: Re: هيثم مصطفى...الأمير وقيثارة الكرة السودانية
Author: مزاحم الضوي
Date: 05-05-2008, 09:34 PM
Parent: #2
هيثم نجم المباره
اهدى طياره الهدف الأول بباص ماركة رونالدينهو
اهدى مساوى باص قون لكن مساوى عكسها ليهو
وبمنتهى الحرفنه عملها بلاسنق هدف تالت
اهدى هيثم لهيتم باص بينى ورا المدافعين وانفرد بالقون وضاع هدف
قام هيثم رجع لهيثم وقاليهو سورى انا عارف ده باص مابضيع لكن المشكلة
الباصات الزى دى انا طولت منها
قام هيثم لطف الموضوع وقاليهو خيره فى غيره
|
Post: #4
Title: Re: هيثم مصطفى...الأمير وقيثارة الكرة السودانية
Author: معتصم مصطفي الجبلابي
Date: 05-05-2008, 09:50 PM
Parent: #3
ماشاءالله
|
Post: #5
Title: Re: هيثم مصطفى...الأمير وقيثارة الكرة السودانية
Author: Maawya Hussein
Date: 05-05-2008, 10:17 PM
Parent: #1
شكرا هشام
فعلا هيثم مصطفي يلعب الان افضل مواسمه مع الهلال والفريق القومي ...
لكن المؤلم حقا وفي نفس يوم مباره السودان تكتب الصدي وبالخط العريض ( برانكو يصرح بأن جيل هيثم مصطفي قد ولي ) او بهذا المعني ....
طبعا المقصود هو تحطيم هيثم مصطفي معنويا بهذه العناوين الرخيصه واللقاءات المفبركه ... ولكن ولله الحمد فقد اثبت هيثم مصطفي أن جيله قد بدأ الان
|
Post: #6
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-05-2008, 10:47 PM
Parent: #1
نعم انه كذلك يا مزاحم
و اكثر
لقد كان اداؤه بالامس لوحة من الابداع الكروى
الاهداء لكل جماهير الكرة السودانية
|
Post: #7
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 05:50 AM
Parent: #1
| Quote: فعلا هيثم مصطفي يلعب الان افضل مواسمه مع الهلال والفريق القومي ... |
نعم يا معاوية
هذا اللاعب الفنان اصبح ثابت المستوى يمتعنا من مباراة الى أخرى
و روعته انه لا يلتفت الى ما يكتب فى هذه الصحف
|
Post: #8
Title: Re: هيثم مصطفى...الأمير وقيثارة الكرة السودانية
Author: essam&amal
Date: 05-06-2008, 06:29 AM
Parent: #1
البرنس يا حبابو
هيثم الله زان شبابو
الله للاهله جابو
جابو لعدال الحال
صدق النطق ونضم وقال
الذوق والفهم فى الهلالالالالالالالالالالال
هشام ازيك
وكل الهلالاب الظرفاء
احمد الريح تعال بى جاى اتحفنا بروائع الهلال
ام الهلالاب
ام وضاح
|
Post: #9
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 06:48 AM
Parent: #1
Quote: البرنس يا حبابو
هيثم الله زان شبابو
الله للاهله جابو
جابو لعدال الحال
صدق النطق ونضم وقال
الذوق والفهم فى الهلالالالالالالالالالالال |
ام وضاح مرحب بيك يا هلالابية يااصيلة
كلامك سمح تب
|
Post: #10
Title: Re: هيثم مصطفى...الأمير وقيثارة الكرة السودانية
Author: عماد محمود علي
Date: 05-06-2008, 07:01 AM
Parent: #9
أخي الكريم ود المجر
مودتي واحترامي
| Quote: لابد وان استمتع بالاداء فوق العادة السهل الممتنع الذى اتحفنا به اللاعب الفنان هيثم مصطفى |
رغم مريخيتي التي أتباها بها حد التفاخر ، ولكن وللحقيقة ولانني أمغت التعصب بكل أطيافه وأنواعه ، هيثم مصطفى لا يستحق أن يكون برينس لانها أصغر من مقاسه وظلم له ، فيجب أن يطلق عليه اسم الكنغ لأنه يستحق ذلك فهو أفضل لاعب مر على الكرة السودانية في الفترة الأخيرة ويعتبر إمتداد لجيل العمالقة . فهنيئاً للهلال والسودان بهذه الفلتة الكروية . ومزيد من الابداع يا والشكر لله ياكينغ .
مودتي
عماد
|
Post: #11
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 07:23 AM
Parent: #1
| Quote: رغم مريخيتي التي أتباها بها حد التفاخر ، ولكن وللحقيقة ولانني أمغت التعصب بكل أطيافه وأنواعه ، هيثم مصطفى لا يستحق أن يكون برينس لانها أصغر من مقاسه وظلم له ، فيجب أن يطلق عليه اسم الكنغ لأنه يستحق ذلك فهو أفضل لاعب مر على الكرة السودانية في الفترة الأخيرة ويعتبر إمتداد لجيل العمالقة . فهنيئاً للهلال والسودان بهذه الفلتة الكروية . ومزيد من الابداع يا والشكر لله ياكينغ . |
شكرا يا عماد يا رائع
كلامك ينبئ عن حسن معدنك واصالتك
هكذا يكون الرياضى الحق
|
Post: #13
Title: Re: هيثم مصطفى...الأمير وقيثارة الكرة السودانية
Author: عمران حسن صالح
Date: 05-06-2008, 07:57 AM
Parent: #11
شكــراً هشام ...........
|
Post: #12
Title: Re: هيثم مصطفى...الأمير وقيثارة الكرة السودانية
Author: الناظر
Date: 05-06-2008, 07:44 AM
Parent: #1
Quote:
وفعلا انت قيثارة الكرة السودانية واميرها فى العصر الحديث
|
نعمة و الحمد لله و الراجل يستحق اكثر من ذلك . و الله فنان , فنان , فنان
|
Post: #14
Title: Re: هيثم مصطفى...الأمير وقيثارة الكرة السودانية
Author: essam&amal
Date: 05-06-2008, 07:59 AM
Parent: #1
هيثم وهو بلسم وهو البداويلنا
الهلال الجمال والجمال هيلنا
الهلال فيهو ابطال هيبة زى نيلنا
هشام وراك طوالى
واطمئن على البوست طوالى فووووق
زى الهلال
ام وضاح
|
Post: #15
Title: Re: هيثم مصطفى...الأمير وقيثارة الكرة السودانية
Author: essam&amal
Date: 05-06-2008, 08:14 AM
Parent: #1
والله يا عمران تستحق جائزة
ولا اقول ليك اديناك الاوسكار عدييييل كدة
ام وضاح
|
Post: #16
Title: Re: هيثم مصطفى...الأمير وقيثارة الكرة السودانية
Author: abuguta
Date: 05-06-2008, 08:44 AM
Parent: #15
نحن ما بنخشاك يا أهلي
لا بنخاف من الترجي..
ليك يا افريقيا جينا
وجينا قاصدين التحدي..
المعز حارس عرينو وداريو
وريتشارد في التصدي..
في اليمين يوسف بيعكس
وبي الشمال جبريل بيمشي..
مهما قلنا في المعلم
ما اظن نقدر نكفي..
ضابط الايقاع حمودة
شوفتو للمرضان بتشفي..
في الوسط بس شوفوا سيدا
يوزع في الباصات ويهدي..
انت أبصم يا علولو
وقّع إقرار تاني وامضي..
وما في اخطر من كليتشي
وكيف مع قودوين بعدي..
الهلال قوة وإرادة ليهو بالارواح بنفدي..
الهلال قوة وإرادة ليهو بالارواح بنفدي..
الهلال قوة وارادة ليهو بنفدي»...!
|
Post: #17
Title: Re: هيثم مصطفى...الأمير وقيثارة الكرة السودانية
Author: معتصم دفع الله
Date: 05-06-2008, 08:45 AM
Parent: #1
تحياتي هشام ..
هيثم مصطفى من أميز اللاعبين الذين أنجبتهم حواء الكرة السودانية في الفترة الأخيرة ..
وهو يعد الأفضل من بين زملائه في القيادة وحسه الوطني العالي ..
يجيد هيثم صناعة اللعب وتهيئة الفرص لزملائه لإحراز الأهداف ..
وإن كان نعيب عليه عدم إحرازها وهو القادر على ذلك ونلاحظ أنه بدأ يتخلص من هذا العيب ..
هيثم لا يزال عنده الكثير ليقدمه لفريق الهلال والمنتخب القومي ودليلنا ما يقدمه من مجهود لهما وهذا عكس كلام المدرب برانكو والذي قال أن جيل هيثم قد إنتهى ..
نتمنى أن يظفر مع الهلال والمنتخب بكأس خارجي يعضد مسيرته الكروية الذاخرة بالإبداع والفن والطرب ..
شكراً هيثم مصطفى البرنس أو سيدا كما يحلو لمعجبيك لأنك أمتعتنا وأطربتنا ..
وشكراً لك أخي هشام على هذا البوست الجميل ونتمنى أن يكون توثيقي للاعبنا المحبوب ..
|
Post: #18
Title: Re: هيثم مصطفى...الأمير وقيثارة الكرة السودانية
Author: abuguta
Date: 05-06-2008, 08:52 AM
Parent: #17
Quote: وهو يعد الأفضل من بين زملائه في القيادة وحسه الوطني العالي ..
يجيد هيثم صناعة اللعب وتهيئة الفرص لزملائه لإحراز الأهداف |
صدقت يا معتصم,,,
يماثله عربيا ابو تريكة ,,مع انو هيثم بحتفظ بموقعه كصانع العاب
عالميا,,,
رونالدينو فى برشلونة
سيدروف فى ال ac milan
راين قيق فى المانشتر,,,
هذا من وجهة نظرى الخاصة
|
Post: #19
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 09:19 AM
Parent: #1
| Quote: شكــراً هشام ........... |
بل الشكر لك انت يا عمران
|
Post: #20
Title: Re: هيثم مصطفى...الأمير وقيثارة الكرة السودانية
Author: عبد اللطيف بكري أحمد
Date: 05-06-2008, 09:25 AM
Parent: #1
يستاهل هيثم المبدع ما قيل فيه،،
والهلال دايما يكون عندو لاعب في عصر ما
وهذا هو عصر الهيثم،،
أعجبني والله حديث فيصل العجب عن هيثم وقال
أنه شخصيا يستمتع بمشاهدة فنياته ومعجب
بأخلاقه العالية ،،
|
Post: #23
Title: Re: هيثم مصطفى...الأمير وقيثارة الكرة السودانية
Author: mohanad haimoura
Date: 05-06-2008, 10:02 AM
Parent: #22
سيدا مافي شك
ولعب اجمل كوره ليهو
يسلم سيدا
ويسلم الملك
ــــــــــ
بس عشان خاطر سيدا
|
Post: #24
Title: Re: هيثم مصطفى...الأمير وقيثارة الكرة السودانية
Author: نسرين جمال
Date: 05-06-2008, 10:17 AM
Parent: #1
شكرا ليك الاخ هاشم المجمر
Quote: هيثم مصطفى من أميز اللاعبين الذين أنجبتهم حواء الكرة السودانية في الفترة الأخيرة ..
وهو يعد الأفضل من بين زملائه في القيادة وحسه الوطني العالي ..
|
والله البرنس يستاهل اي تكريم ليهو
شكرا لسيدا وشكرا للهلال سيد البلد
والهلال دائمابطلع خيار اللاعبين الفي الساحة
عاشقة الهلال
|
Post: #25
Title: Re: هيثم مصطفى...الأمير وقيثارة الكرة السودانية
Author: almogira alemam
Date: 05-06-2008, 10:32 AM
Parent: #1
دايما ممسخييين علينا فرحة الوطن يا هلالاب
دايما تخربو المزاج والراس
دايما مناقرين الزعيم(المريخ)!!!
دايما فى حالة بتاعت غيرة من الزعيم !!!!!!
فى داعى تقول ياهشام كان يسلم عليهو وكان يشكروا ياخ من الفرح للوطن نسى يشكر دلوعتكم فى حاجة دى!!!!!!!!!!!!!!
|
Post: #26
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 10:34 AM
Parent: #1
شكرا الناظر
وسلمت يا ابوقوتة وشكرا على القصيدة الجميلة
فلنحتفى فى هذا البوست بنجم الهلال و السودان هيثم مصطفى
|
Post: #27
Title: Re: هيثم مصطفى...الأمير وقيثارة الكرة السودانية
Author: Safia Mohamed
Date: 05-06-2008, 10:37 AM
Parent: #1
هشام
صباح الخير
يا سلام ياخ
كدة دي بقى صباح جميل
بس
من
تعليق
|
Post: #28
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 11:13 AM
Parent: #1
Quote: شكراً هيثم مصطفى البرنس أو سيدا كما يحلو لمعجبيك لأنك أمتعتنا وأطربتنا ..
وشكراً لك أخي هشام على هذا البوست الجميل ونتمنى أن يكون توثيقي للاعبنا المحبوب .. |
شكرا معتصم دفع الله و ارجو ان يكون البوست كذلك
|
Post: #29
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 11:31 AM
Parent: #1
Quote: أعجبني والله حديث فيصل العجب عن هيثم وقال
أنه شخصيا يستمتع بمشاهدة فنياته ومعجب
بأخلاقه العالية ،، |
شكرا عبد الطيف
نعم انه حديث منصف من لاعب فنان
|
Post: #30
Title: Re: هيثم مصطفى...الأمير وقيثارة الكرة السودانية
Author: essam&amal
Date: 05-06-2008, 12:09 PM
Parent: #1
تيمك صاح يا صلاح صار شرف جيلنا
يا الاسد من حصد الله يغطيلنا
بريكاردو الفرح هيلنا
والهلال والسودان نيلنا ونخيلنا
ام وضاح
|
Post: #31
Title: Re: هيثم مصطفى...الأمير وقيثارة الكرة السودانية
Author: طلحة عبدالله
Date: 05-06-2008, 12:22 PM
Parent: #1
الحبيب معتصم دفع الله كتب :
Quote:
هيثم لا يزال عنده الكثير ليقدمه لفريق الهلال والمنتخب القومي
|
الزول دا قرب للاربعين يا معتصم ..
انت قايلو روجيه ميلا واللا رماريو .. 
حسب عبد اللطيف بكري فيصل العجب قال :
Quote:
أنه شخصيا يستمتع بمشاهدة فنياته ومعجب
بأخلاقه العالية ،،
|
فنياتو دي خليها لكن بصراحة اخلاقو العالية دي شطحت فيها يا عجب .. 
|
Post: #33
Title: Re: هيثم مصطفى...الأمير وقيثارة الكرة السودانية
Author: abuguta
Date: 05-06-2008, 12:28 PM
Parent: #31
| Quote: فنياتو دي خليها لكن بصراحة اخلاقو العالية دي شطحت فيها يا عجب |
طلحة
قول فنياتو دى ما بتغالطو فيها اتنين
والباقى ما مسئول منو,,,,
اها ملكم قال كدا,,,انتو تانى مع شنو
|
Post: #37
Title: Re: هيثم مصطفى...الأمير وقيثارة الكرة السودانية
Author: معتصم دفع الله
Date: 05-07-2008, 07:53 AM
Parent: #31
طلحة المسكين ازيكك ..
الصحفي الرياضي ياسر فضل المولى بيسلم عليك ..
Quote: الزول دا قرب للاربعين يا معتصم ..
انت قايلو روجيه ميلا واللا رماريو .. |
هيثم دا وجوده في الميدان ليهو لون وطعم ..
ونحن محتاجين خبرته وباصاته القاتلة ..
حتى أسأل هيثم طمبل وعلاء الدين طيارة  
|
Post: #32
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 12:25 PM
Parent: #1
شكرا معاوية حسين
نسرين
سلام يا عاشقة الهلال
Quote: والله البرنس يستاهل اي تكريم ليهو
شكرا لسيدا وشكرا للهلال سيد البلد
والهلال دائمابطلع خيار اللاعبين الفي الساحة |
صدقتى
|
Post: #34
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 12:41 PM
Parent: #1
المغيرة
سلام
| Quote: فى داعى تقول ياهشام كان يسلم عليهو وكان يشكروا ياخ من الفرح للوطن نسى يشكر دلوعتكم فى حاجة دى!!!!!!!!!!!!!! |
يا جماعة حسه انا قلت كده؟
فى حد جاب سيرة المريخ هنا؟
|
Post: #35
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-06-2008, 09:59 PM
Parent: #1
Quote: الزول دا قرب للاربعين يا معتصم ..
انت قايلو روجيه ميلا واللا رماريو .. |
طلحة
سلام
ارجع لل بى بى سى عشان تعرف اعمار اللعيبة الشاركوفى كاس الامم الافريقية الاخيرة
|
Post: #36
Title: Re: هيثم مصطفى...الأمير وقيثارة الكرة السودانية
Author: هشام المجمر
Date: 05-07-2008, 05:35 AM
Parent: #1
Quote: برانكو ملأ الصحف بالتصريحات ومنتخبه صفر كبير :-
سخر المدرب رأفت سيد مدرب حي العرب المصري الجنسية كثيرا من مدرب المنتخب الرواندي الكرواتي برانكو وقال: الذي يقرأ تصريحات هذا المدرب في الصحف قبل المباراة
يخيل له ان هذا المدرب يدرب المنتخب الكاميروني او النيجيري .. المنتخب الرواندي الذي شاهدناه في مباراة امس الاول لا لون له ولا طعم له وافتقد ابسط مقومات الاداء ولعب بدون خطط او تكتيك ولا ادري كيف كان يدرب برانكو الهلال والمريخ بقدراته التدريبية المحدودة وتابع رافت سيد حديثه عن برانكو: قبل المباراة قال انه درب الهلال والمريخ وانه يعرف كل شئ عن المنتخب السوداني الذي يضم لاعبين عواجيز انتهي عمرهم الافتراضي مثل هيثم مصطفي والعجب ووعد بان يتفوق عليهم ولا ادري كيف يدخل برانكو نفسه في هذا الرهان الخاسر بهذا المنتخب المتواضع امام منتخب كبير وقوي مثل المنتخب السوداني .. اعتقد ان استفزازات برانكو هي التي دفعت نجوم المنتخب السوداني للتفوق عليه وتلقينه درسا قاسيا لن ينساه قريباً.
وتغزل رأفت كثيرا في قائد منتخبنا الوطني هيثم مصطفي وقال: هذا اللاعب متفرد جداً .. يقوم بدور كبير في صناعة اللعب والقيادة ويحسن توزيع الفرص للمهاجمين وقد وظف مهاراته العالية وقدراته المتميزة لمصلحة المجموعة وادي بمستوي مميز للغاية علي مدار الشوطين وصنع العديد من الفرص السهلة ولم يكتف بذلك بل احرز هدفا رائعا وجميلا لا يحرزه الا لاعب كبير بمواصفات وقدرات هيثم مصطفي..[/QUOTE]
نقلا عن صحيفة الكابتن عدد الامس 6/8/08
|
|
|
