Post: #1
Title: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 05:53 PM
تابعت عودة كل طيور الظلام المحتفلين بغياب تراجي.....
وجاءت القلب النابض بحب الباطل......مدعية بانها ترفض العنف اللفظي و الظلم....
وكانت هي من اكبر المروجين للغمز و اللمز بهذا المنبر.....
واذكر قبلها...وكنت مغيبة بجبروت بكري ايضا..فتحت البوست الاتهمت فيه قتل الحركة
الشعبية لامراتين بتهمة الزنا وهو بوست مفبرك ومن صنع فتية الانتباهة
وطفقت القلب النابض ترغي وتزبد لما ستكتت الجندريات لماذا سكتوا ناس المعارضة
لماذا سكت ناس البطيخ......
اليوم انا جايها وباكثر من دليل على نفاقها وميلان ميزانها ..
وسؤالي لها لماذا سكتت عن كل هذا؟؟؟
افراد من شرطة الاحتياطي المركزي تقوم باغتصاب فتاتين في منطقة عبري بالسكوت
|
Post: #2
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 06:04 PM
Parent: #1
اها يا القلب النابض
هؤلاء بنات باسمائهن لا نكرات ولا غيره
تعرضن لجريمة اغتصاب..تم التعامل معهن بكل عنصريه.
فمن حاول الترويج لان هذا جزء من ثقافتهن,لمن حوال ان يدعي حتى اثار الاغتصاب لم تظهر وانما
بالتراضي......لمن.......لمن.....
من سلوكيات عنصريه.
يلا يا بتاعت شتم امركيا انت
لو تم هذا في امريكا لتم المحاسبة بجريمة التحرش جنسيا بقصر
فالبنات قاصرات , تعالي وينا عدالتكم السماويه
ووورينا انت سكتي ليه وامتنعتي عن دخول هذا البوست
وانا متأكدة انك قريتيه ,فالبوست قاعد مشعلق له دشليون يوم
وانت ساكنه المنبر ده شايفاك سكنه في الايام الماضيه.
Quote:
الدكتور نبيل والأخوة الكرام لكم كل الود والتقدير
تلقت هذا الخبر الدخيل صباح اليوم وتألمت كثيراً وقمت بفتح بوست فى منتديات عمارة فور سماعي بالنبأ وكتبت بأن الحادث
دخيل علينا وهي الأولي من نوعها وبعد ذلك قمت بالأتصال مع أكثر من شخص ولكي لا يكون أتصالي مقتصر علي المسؤولين فقط ويكون
منقوصاً بأعتبارات سياسية قمت بالأتصال علي مستقليين وشباب من دوري وطلعت بحصيلةالبنت سبق وأن طلب امير عبد الله كوكو أيدها من ذويهم وتم
الرفض وركبوا سيارة الجيش الدفار بشناطهم الهانباك !!!
منذ أن بدأ تمركز الأحتياطي المركزي فى وحدة السدود واصبح السيارات المترطشة بعلامات الجيش والاحتياطي المركزي من دفارات
ولاندكروزرات يتحاومون من الشمال الي الجنوب ومن الجنوب الى الشمال ليل نهار فى مناطقنا الآمنة بسرعات جنونية كان من
بينهم شاب أسمه أمير عبد الله كوكو من النوبة يتردد الى دار السلام( جبرونة ) الأسم المتداول منذ القدم وكان يجلس من يومين الي ثلاثة أيام في كل رحلة
ولهم علاقة قرابة وصلة رحم قوية جداً والكل كان يعتقدهم بأنهم أخوان وبعد ذلك عندما قرر المجني عليهم بالرحيل
تم الاتفاق سراً مع البنتين أن يسافروا معهم الى دنقلا من وراء علم ذويهم وأعدوا العدة وجهزوا شناطهم وبعد مغيب الشمس تحرك
المجرم عبد الله كوكو من داخل السوق بدفاره القبيح والبنتين تنتظران من دون علم ذويهم وفي يد كل واحدة شنطة هاندباك وبدأ الرحلة الطويلة وبعد ذلك تم الغدر بهم بعد ان فعل فعلته تركهم فى خور أبو صاري وعندما تم فتح البلاغ من أهالي البنتين تم أخطار شرطة دلقو وتم العثور عليهن فى أبو صاري وأحضروا البنتين بسيارة الشرطة وفور وصلهن تم الكشف عليهن عن طريق الشرطة فى مستشفي عبري وتقريرالطبيب كتب بالنص عدم وجود غشاء البكارة وفي التحري أعترفوا بكل ما تم وبأنهم كانوا ماشين دنقلا والآن البنتين فى الحراسة خلف القضبان وتم القبض علي المجرم امير كوكو بدنقلا وهو الآخر خلف القضبان وسينال عقابه بأذن الله وهو معروف لديهم بأسمه ومسكنه ويربطهم صلة قرابة مع ذوي البنتين ومن نفس العائلة
مموشي سيدا
عمارة |
طيب لعلمك الزول ده حذف اسماء البنيتن وحذف كلام ثاني كثير
اولا عند كلمة التقرير الطبي كتب,تمت ازالة غشاء البكارة وبلا خدوش
تذكر مما يعني ان الامر تم بالتراضي!!!!!!!!!!!!!!!!!!!!
وذكر اسماء البنات
عشان يوضح انهم من جبال النوبه من بلاد ناس امير كوكو يعني
وكمان اتكتب في غير هذه المداخلة,بنفس البوست ان الناس دي عادتها
كده؟؟؟؟؟يعني يقصد النوبه يسمحون بذلك؟؟ّ!ّ!
طيب يا اختي ما كان تنصري صديقتك نور تاور على الاقل؟؟؟؟
ولا هي بس محاولة تطبيع مع الجلابيات حتى كان كانوا يساريات؟؟؟؟؟
|
Post: #3
Title: Re: ولماذا سكتي عن هذا ايتها (القلب النابض) بحب الباطل!!
Author: على محمد على بشير
Date: 05-05-2008, 06:25 PM
Parent: #2
هوى يا تراجى
جايانا راجعه وشايله بقج غباينك من بكرى
ودايره تتفشى فى البنيه المسكينه دى
غايتو الله قال بى قوله البيتعرض ليك فى الايام الصعبه دى
بعدين يا اختى الجاب سيرة نور تاور اسع شنو
غايتو بحرك دا لمن يقوم ما بتفرزى جكس من رجال
كلو بياخد على راسه
غايتو جنس غايتو
وبعدين حمد الله على سلامة العوده يا ام حازم
نظام صحوبيه وكدا عشان ماتدينا على راسنا كمان
|
Post: #9
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 06:46 PM
Parent: #3
علي كيفنك؟؟؟؟
Quote:
هوى يا تراجى
جايانا راجعه وشايله بقج غباينك من بكرى
ودايره تتفشى فى البنيه المسكينه دى
غايتو الله قال بى قوله البيتعرض ليك فى الايام الصعبه دى
بعدين يا اختى الجاب سيرة نور تاور اسع شنو
غايتو بحرك دا لمن يقوم ما بتفرزى جكس من رجال
كلو بياخد على راسه
غايتو جنس غايتو
وبعدين حمد الله على سلامة العوده يا ام حازم
نظام صحوبيه وكدا عشان ماتدينا على راسنا كمان |
الله يسلمك
مش هي عاملها فيها ميزان العدل؟؟؟
يازلو عيازة تطبع ما تطبع قشة ما تعتر ليها
الا تعمل لينا فيها ام الحق لا.
|
Post: #4
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 06:25 PM
Parent: #1
تذكروا موضوع سفارة الامارات
وكم بوست انفتح يطالب خضر عطى المنان بالاعتذار
انا ايضا اطالب خضر عطا المنان باالاعتذار
ولكن قبله اطالب ادانتكم جميعا لهذه الجريمه
ومحاولة الايحاء بانها ليست جريمة اغتصاب
والايحاء بان هنالك قبائل بعينها تعتبر الاغتصاب
مقبول في ثقافاتها المحليه.
هؤلاء الصبايا اجدر بنصرتكم من رجل السفارة فهو في النهاية رجل
ولكن هؤلاء بنات ذكرت اسمائهن هنا وذكرت معومات سخيفه توحي بان ما تم برضائهن
ونسي هؤلاء ان هذه البنات قصر وقانونيا يفترض يتعاملن كقصر.
|
Post: #5
Title: Re: ولماذا سكتي عن هذا ايتها (القلب النابض) بحب الباطل!!
Author: على محمد على بشير
Date: 05-05-2008, 06:37 PM
Parent: #4
يا ترجى
رابط الموضوع الفوق دا بيودى للصفحه الرئيسيه للمنبر العام
ارجو ان تعدلى الرابط حتى نطلع على موضوع الاغتصاب دا
وندلو بدلونا فيهو
|
Post: #6
Title: Re: ولماذا سكتي عن هذا ايتها (القلب النابض) بحب الباطل!!
Author: طارق جبريل
Date: 05-05-2008, 06:38 PM
Parent: #1
تراجي كيفنك
كدي قولي بسم الله
محبتي الاكيدة
|
Post: #8
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 06:44 PM
Parent: #7
علي شلاقتك دي
انا جبت الرابط وعدلته لك:
يلا ما تنسى تدينا رايك في الجريمه دي:
Quote: غايتو فترتينى جنس فتر
الله يفترك |
ويعني انا الما مفتراني حكومتك دي ولا دجل بعض العضويه؟؟؟
كثر خيرك وتسلم على المرور.
|
Post: #10
Title: Re: ولماذا سكتي عن هذا ايتها (القلب النابض) بحب الباطل!!
Author: سيف النصر محي الدين محمد أحمد
Date: 05-05-2008, 07:26 PM
Parent: #8
سلامات يا تراجي
ما فعلته القلب النابض في البوست المعني في رأيي هو من قبيل
الاصطياد في الماء العكر و تأليب الناس ضد بعضهم و الا ففي المنبر
عبارات أشد قسوة بل و شتائم عديل توجه لبعض الزملاء و تمر مرور
الكرام..هذا مع اعتراضي على اللغة التي استعملها محمد سليمان
في حق رجاء..
بالنسبة لبوست الأغتصاب في عبري..ففي سبيل أن يبرئ بعض ابناء
المنطقة بنات بلدهم من (Stigma ) الأغتصاب للأسف قاموا بالأساءة
لقومية سودانية باكملها..بدلا من ادانة الأغتصاب كجريمة بشعة
في حق اي امرأة من اي ملة و لون و قبيلة.
|
Post: #11
Title: Re: ولماذا سكتي عن هذا ايتها (القلب النابض) بحب الباطل!!
Author: سيف النصر محي الدين محمد أحمد
Date: 05-05-2008, 07:31 PM
Parent: #10
و بالمناسبة كتبت المدعوة ميادة كمال في حقي ما يلي:
| Quote: والله انا ما عارفة بكري بجيب الأشكال دي من وين |
و ما في أي زول اتضامن معاي..بس شوفي إذا رديت عليها بنفس الخشونة
يجيك العميان شايل المكسر..
|
Post: #12
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 07:34 PM
Parent: #10
العزيز سيف النصر محي الدين محمد أحمد
شكرا لمروك
Quote:
سلامات يا تراجي
ما فعلته القلب النابض في البوست المعني في رأيي هو من قبيل
الاصطياد في الماء العكر و تأليب الناس ضد بعضهم و الا ففي المنبر
عبارات أشد قسوة بل و شتائم عديل توجه لبعض الزملاء و تمر مرور
الكرام..هذا مع اعتراضي على اللغة التي استعملها محمد سليمان
في حق رجاء..
بالنسبة لبوست الأغتصاب في عبري..ففي سبيل أن يبرئ بعض ابناء
المنطقة بنات بلدهم من (Stigma ) الأغتصاب للأسف قاموا بالأساءة
لقومية سودانية باكملها..بدلا من ادانة الأغتصاب كجريمة بشعة
في حق اي امرأة من اي ملة و لون و قبيلة |
يا اخوي انت ما ناصرتني ليه يعني لما وصفوني بالتمساح العشاري
حسه في زمتك ود خالتي ده ما وداني في داهيه في مرة بوصفوها
بالتمساح العشاري؟؟؟
بيني وبينك الورله اخير ناعمه ورقيقيه الا التمساح ده
ما شفته زول بيشبهوه بيه الا محمد سليمان ود خالتي الاشتر.
Quote: بالنسبة لبوست الأغتصاب في عبري..ففي سبيل أن يبرئ بعض ابناء
المنطقة بنات بلدهم من (Stigma ) الأغتصاب للأسف قاموا بالأساءة
لقومية سودانية باكملها..بدلا من ادانة الأغتصاب كجريمة بشعة
في حق اي امرأة من اي ملة و لون و قبيلة |
Quote: بالنسبة لبوست الأغتصاب في عبري..ففي سبيل أن يبرئ بعض ابناء
المنطقة بنات بلدهم من (Stigma ) الأغتصاب للأسف قاموا بالأساءة
لقومية سودانية باكملها..بدلا من ادانة الأغتصاب كجريمة بشعة
في حق اي امرأة من اي ملة و لون و قبيلة |
هذه طبزة.....خليها ساي الا البيحير سكات الاعضاء؟؟!!
|
Post: #29
Title: Re: ولماذا سكتي عن هذا ايتها (القلب النابض) بحب الباطل!!
Author: Maawya Hussein
Date: 05-05-2008, 11:35 PM
Parent: #10
Quote:
ما فعلته القلب النابض في البوست المعني في رأيي هو من قبيل
الاصطياد في الماء العكر و تأليب الناس ضد بعضهم |
طيب بي نفس منطقك الاعوج دا مافعله صاحب البوست المعني بجريمه الاغتصاب هو اصطياد في الماء العكر لتأليب القبائل ضد بعضها البعض !!!!!!
بتفتكر اني لو سجلت بوست ادانه ضد اي كلمه نابيه هنا وجهت لي زميل أو زميله اصطياد في الماء العكر وتاليب ؟؟؟
المنظور بقي يا اسود يا ابيض هنا 
|
Post: #13
Title: Re: ولماذا سكتي عن هذا ايتها (القلب النابض) بحب الباطل!!
Author: خالد عبد الله محمود
Date: 05-05-2008, 07:46 PM
Parent: #1
أم حازم
حمد الله على السلامة
عودة القلب النابض و محاولة أصطيادها في الماء العكر مقرونة بعودة محمد حامد جمعة بالتهديد و الوعيد تنذر بأن هناك مؤامرة خطيرة تجري في الخفاء خصوصاً مع أقتراب موعد الإنتخابات و لو ملاحظة إنو بدت الشغل طوالي بمحاولة ضرب قضية دارفور عن طريق ضرب محمد سليمان. محمد سليمان أخطأ خطأ شنيع و لكن لا يقارن بالإغتصاب طبعاً. تخيلي زعلها محمد سليمان و ما زعلتها جريمة الإغتصاب في عبري؟؟
هؤلاء لا قلب لهم لكي ينبض من الاساس.
المهم سعيد أنا بعودتك و عقبال خالد الطيب و د.مصطفي و هشام هباني و بقية عقد النضال
خالد
|
Post: #14
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 07:58 PM
Parent: #13
شكرا خالد
وفعلا تابعت مداخلتك الحقانيه
ولكن نقول شنو يا اخوي في المطنبرين و المنطبرات
والدجالين و الدجلات العاملين كلهم ما بيتذكروا
ما قالته القلب النابض من غمز ولمز
كثر خيرك انت ورشا حاتم:
Re: لماذا صمتم على هذه اللغة ..."ورلة"
Quote: أم حازم
حمد الله على السلامة
عودة القلب النابض و محاولة أصطيادها في الماء العكر مقرونة بعودة محمد حامد جمعة بالتهديد و الوعيد تنذر بأن هناك مؤامرة خطيرة تجري في الخفاء خصوصاً مع أقتراب موعد الإنتخابات و لو ملاحظة إنو بدت الشغل طوالي بمحاولة ضرب قضية دارفور عن طريق ضرب محمد سليمان. محمد سليمان أخطأ خطأ شنيع و لكن لا يقارن بالإغتصاب طبعاً. تخيلي زعلها محمد سليمان و ما زعلتها جريمة الإغتصاب في عبري؟؟
هؤلاء لا قلب لهم لكي ينبض من الاساس.
المهم سعيد أنا بعودتك و عقبال خالد الطيب و د.مصطفي و هشام هباني و بقية عقد النضال
|
وفعلا هذه الكوكبة
الي جانب
ابوبكر ادروب
وبشاشا
وخضر حسين
وسيف مساعد
وكل من غيب عن هذا المنبر.
|
Post: #15
Title: Re: ولماذا سكتي عن هذا ايتها (القلب النابض) بحب الباطل!!
Author: سيف النصر محي الدين محمد أحمد
Date: 05-05-2008, 08:06 PM
Parent: #14
| Quote: يا اخوي انت ما ناصرتني ليه يعني لما وصفوني بالتمساح العشاري |
بالله يا تراجي في زول قال ليك كده؟؟ عاد يطرشني الكلام ده ما سمعت بيهو
و بيني و بينك التمساح و خصوصا العشاري ما شتيمة و ما ممكن
مقارنته بالورل(ورلة دي سمعناها عند محمد سليمان بس)
|
Post: #16
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 08:10 PM
Parent: #15
اليجازي محنك يا سيف يا اخوي
ما التمساح العشاري وصفني بيه محمد سليمان من باب المدحقال شفت المدح ده؟؟!!
Quote:
بالله يا تراجي في زول قال ليك كده؟؟ عاد يطرشني الكلام ده ما سمعت بيهو
و بيني و بينك التمساح و خصوصا العشاري ما شتيمة و ما ممكن
مقارنته بالورل(ورلة دي سمعناها عند محمد سليمان بس) |
|
Post: #17
Title: Re: ولماذا سكتي عن هذا ايتها (القلب النابض) بحب الباطل!!
Author: Maawya Hussein
Date: 05-05-2008, 09:11 PM
Parent: #1
تراجي حمد لله علي السلامه وشكلك كدا نسيتي الكتابه في فتره النقاهه
| Quote: اليوم انا جايها بتكثر من دليل |
| Quote: ’تعالي وينا عادلتكم المساويه |
| Quote: ,فالوست قاعد شمعلق |
| Quote: حذف اسماء البنيتني |
| Quote: واذكر اسماء البنات |
ركزي شويه يا تراجي
وبعدين هل انتي مطالبه بادانه كل ظلم يحدث خارج المنبر ؟؟؟
|
Post: #18
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 09:16 PM
Parent: #17
شكرا معاويه للتنبيه
ولكن يا غالي عن اي خارج منبر تتحدث انت؟؟؟
| Quote: وبعدين هل انتي مطالبه بادانه كل ظلم يحدث خارج المنبر ؟؟؟ |
هي تحدثت عن تجاوزات في داخل المنبر
وجئنها بعنوان يشبه عنوانها وبقصص نكشتها من كم سنة هنا ايضا.
|
Post: #22
Title: Re: ولماذا سكتي عن هذا ايتها (القلب النابض) بحب الباطل!!
Author: Maawya Hussein
Date: 05-05-2008, 09:49 PM
Parent: #18
| Quote: ولا هي بس محاولة تطبيع مع الجلابيات حتى كان كانوا يساريات؟؟؟؟؟ |
| Quote: ولكن يا غالي عن اي خارج منبر تتحدث انت؟؟؟ |
انا ما عارف العلاقه شنو بين ادانه اسلوب قبيح ضد زميله معانا هنا وبين جريمه الاغتصاب دي
Quote: هؤلاء بنات باسمائهن لا نكرات ولا غيره
تعرضن لجرمية اغتصاب..تم التعامل معهن بكل عنصريه. |
|
Post: #30
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 11:38 PM
Parent: #22
معاويه يا غالي
انت المفروض تركز معانا شويه
العلاقه قال......
قلنا لك قبل كده اتكتب كلام انه ناس الحركه الشعبيه نفذوا القتل رجما بنساء لانهن زنن.
واقامت القلب النابض الدنيا ولم تقعدها.
فكيفك الجندريات سكتوا عن مناصرة هاتيني الضحيتين.
اها انا اسالها لماذا سكتت عن هاتين الضحيتين؟؟؟؟ايضا.
وبالعدين البيخاف على مشاعر عضوة من مجرد كلمة اولى يخاف على هؤلاء الصغيرات من ظلم الدنيا.
ظلم رجال قدر غررورا بهن مستغلين سلطة (اليوني فورم)
وظلم صفوة عايو تطلمس موضعهم باطار جهوي
وظلم تقارير اطباء مزورة
و...و,,,
من اولى بالمناصرة؟؟؟؟
|
Post: #31
Title: Re: ولماذا سكتي عن هذا ايتها (القلب النابض) بحب الباطل!!
Author: Maawya Hussein
Date: 05-05-2008, 11:48 PM
Parent: #30
طيب يا اخت تراجي لماذا لم تديني القلب النابض في عدم مشاركتها في بوست الطفله المغتصبه مرام؟؟؟؟؟
ولماذا لم ادينك انتي في استنكار ذلك الحادث الفظيع ؟؟؟ لماذا لآن مرامشماليه ؟؟؟
تراجي ... مافي عقل في الدنيا بتقبل جرائم الاغتصاب .. مافي زول عاقل ما بيبكي ويتألم علي جريمه اغتصاب والمساله ما شعارات مرات حجم الالم بيكون اكبر من الكلمات الرنانه البتتكتب هنا !!!
خليك واقعيه يا تراجي ما تشوفي الدنيا بي منظور جلابه وما جلابه .. نحن هنا كلنا اخوان
|
Post: #20
Title: Re: ولماذا سكتي عن هذا ايتها (القلب النابض) بحب الباطل!!
Author: Emad Abdulla
Date: 05-05-2008, 09:35 PM
Parent: #17
تراجي تتحدى الدقداق ..
ياها زاااتا .. جات بكتاحتا .
بركة الجيتي يا الحردانة .
|
Post: #19
Title: Re: ولماذا سكتي عن هذا ايتها (القلب النابض) بحب الباطل!!
Author: عزاز شامي
Date: 05-05-2008, 09:25 PM
Parent: #1
تراجي،
سلامات
في مواضيع الاغتصاب دائما المراة ملامة، و يحضرني موقف المفتي المسلمين في استراليا و موقفه الغريب و نظرته التي تحمل المسؤولية كاملة للمراة و تبرجها كأن الراجل ده نونو بريء ما عارف الصح من الخطأ...
دي حكاية عادية أنو المرأة تبقى الضحية مرتين و التلميح بأن ثقافتها بتسوغ الامر محاولة إحكام الحلقة عليها .. يعني حتى لو اغتصبوها برضو الراجل ما غلطان و الغلط على الثقافة! و القصة المتناقلة هناك في منطقتنا ان صحت الرواية، أمر محزن جدا جدا .. محزن انو نقبل امتهان كرامة الانسان علشان نلمع صفوية قبيلة ولا عرق كأن النوبيين ديل ما بني آدمين و معرضين للخطأ زيهم زي غيرهم..
كونها قاصر أو مجبرة دي موضوع بيمر مرور الكرام لأن المراة ما مطروحة بني آدم يختار!
يعني لما الموضوع يكون اغتصاب يفترض نقيف بعيد ونوكل أمر المغتصبة لله لأن بيجيك مليون زول ناطي يبرر للرجل و يطلعه برئ وتمت غوايته سواء بتبرج المراة أو بثقافته! انا عمري ما سمعت بثقافة تبرر الاغتتصاب! دي جديدة علي!
الجريمة مفروض نتعامل معاها انو الجناة جهاز يمثلوا الامن غرروا بقاصرات و اغتصبوهن ، التفاصيل الإضافية زادت الوجع وورتنا عمق الشرخ الحاصل في عقليتنا.
|
Post: #21
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 09:46 PM
Parent: #19
ياعماد عبد الله
الاخطاء الزي دي مهمة عشان اشغلكم وشويه تفكروا عايزنها جاهزه؟؟
لازم تبزلوا مجهود شويه عشان تفهمونا
Quote: تراجي تتحدى الدقداق ..
ياها زاااتا .. جات بكتاحتا .
بركة الجيتي يا الحردانة .
|
كثر خيرك
الا جيب نضارتك الاستعداد للكتاحه.
مشتاقين يا ابو شنب.
|
Post: #23
Title: Re: ولماذا سكتي عن هذا ايتها (القلب النابض) بحب الباطل!!
Author: ثروت سوار الدهب
Date: 05-05-2008, 09:49 PM
Parent: #21
جيتي يا بحر الدميرة
يا حاجة ما تروقي شوية نتونس معاك.فاتحه ليك عشروميت بوست. انت مكنة؟
حاجزينك اليلة و بكرة للبرايمرس بتاعة انديانا و نورث كارولاينا. بعدين هيلاري مطلعة ليها دعاية زي الزفت. المشكلة ما بتتلحق طلعتها قبل شوية في الزمن الضايع.
ابقي مارقة
و التحلايلات بتقول لو فاز غدا
He will close the deal
رايك شنو؟
|
Post: #27
Title: Re: ولماذا سكتي عن هذا ايتها (القلب النابض) بحب الباطل!!
Author: Marouf Sanad
Date: 05-05-2008, 10:29 PM
Parent: #23
هعع
وفي رواية أخرى
"اللدر العلي ضهرو الخبوب والطين"
دي أشتر من حقت محمد سليمان, قصرت معاك
مرحبا ام حازما
|
Post: #24
Title: Re: ولماذا سكتي عن هذا ايتها (القلب النابض) بحب الباطل!!
Author: طارق جبريل
Date: 05-05-2008, 09:52 PM
Parent: #1
يا زولة هووووووووووووووووي
انا موش سلمت عليك فوق
مالك ما رديتي
اقوم اتجنن هسة
|
Post: #25
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-05-2008, 09:55 PM
Parent: #24
طارق يا غالي
كيفن ما رديت يا اخوي ما المشكلة رديت في بوستات ثانيه
عشان كده اختلط علي الامر:
Quote:
يا زولة هووووووووووووووووي
انا موش سلمت عليك فوق
مالك ما رديتي
اقوم اتجنن هسة
|
سامحني يا غالي
ومحبتي الاكيدة برضو.
|
Post: #26
Title: Re: ولماذا سكتي عن هذا ايتها (القلب النابض) بحب الباطل!!
Author: بدر الدين اسحاق احمد
Date: 05-05-2008, 09:56 PM
Parent: #1
العقد والقرط الابرانى
تراجى
سلام ثم سلام
اريتريا الشقيقة تبحث عنك ...الشكلة مدورة وما عارفين نحجزهم ...
ثانى حاجة ...هو انت تفتحى البوست وتغيبى كده فى فترة نقاهه ثقافية دون اعلان ...نشجب وندين غيابك عن بوستنا ...
تخريمة حلوة :
ماهى الشروط اللازمة لمنح الجنسية فى هذا السودان الالكترونى ؟؟؟؟...اول سؤال الى الاستاذ بكرى فى لقاء البورداب فى بحرى السبت القادم ...
الشؤال التالى ما هى شروط سحب الجنسية السودانية فى هذا السودان الالكترونى ؟؟؟
طلب ملكية فكرية ...جملة تخريمة حلوة ده حقتى حقو تسجل باسمى فى سودانيز اون لاين
|
Post: #28
Title: Re: ولماذا سكتي عن هذا ايتها (القلب النابض) بحب الباطل!!
Author: القلب النابض
Date: 05-05-2008, 11:31 PM
Parent: #26
الاخت تراجي
السلام عليكم وحمداً لله على السلامة
أولاً: رجاء عضوة هنا واسئ إليها مباشرة بكلمة "الورلة" ولم يتصدى أحد لهذا الكلام ..عشان بكرة كل واحدة في البورد تلقى من يسئ اليها بمثل هذه العبارة ..
أما موضوع الإغتصاب فلا يوجد دين أو صاحب ضمير لا يدينه أو يستنكره ويطالب بتطبيق القانون وأشد العقوبة على الجاني ...
وأنا لا أختلف عن مجتمعي وأهل ملتي وديني.... أتظنيني أوافق على هذا الفعل المنكر المهين؟
|
Post: #33
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-06-2008, 02:50 AM
Parent: #32
الاخ معاويه انت مصر انه الموضوع اغتصاب؟؟؟
الموضوع ليس اغتصاب عادي وانما له بعد بالتناول السياسي:
Quote:
وهنا مثلا ياتراجي
مأساة أخلاقية جديدة في الخرطوم .. إغتصاب الطفلة ميعاد ف...الثاني ( توجد صور )
لا انتي لا القلب النابض ماسجلتوا صوت ادانه .. ودا ما دليل علي انكم ما مستنكرين المسأله دي ..
وعدم مشاركتم دي ما بتكون مانع ليكم انكم تدينو اي اسلوب سيء اوتجه ضد احد الزملاء او الزميلات هنا
|
|
Post: #34
Title: Re: ولماذا سكتي عن هذا ايتها (القلب النابض) بحب الباطل!!
Author: Tragie Mustafa
Date: 05-06-2008, 02:34 PM
Parent: #33
ويتاوق الجلابه ويصمتون
وكان سالوهم ما عقلته لي يقولوا لك ما سميتونا جلابه؟؟!!
هو سموكم جلابه لي ليه غير من عمايلكم دي تشفو الحق وتعملوا
صمم بكم عميا.
|
|