Post: #1 Title: مادام نسى العشرة واختار سوانا حبيب !! Author: انعام حيمورة Date: 05-05-2008, 10:51 AM Parent: #0
خليتو للايام !!
____________________________
شاكووووش
Post: #2 Title: Re: مادام نسى العشرة واختار سوانا حبيب !! Author: محمد عثمان Date: 05-05-2008, 11:06 AM Parent: #1
اول المعزيين..
Post: #4 Title: Re: مادام نسى العشرة واختار سوانا حبيب !! Author: انعام حيمورة Date: 05-05-2008, 11:27 AM Parent: #2
Quote: اول المعزيين..
محمد عثماااان
انا قلت البوست دا بالنهار ما بجيبك .. كمان اول المعزيين .. كويس !!!
Post: #29 Title: Re: مادام نسى العشرة واختار سوانا حبيب !! Author: محمد عثمان Date: 05-06-2008, 08:56 AM
Quote: انا قلت البوست دا بالنهار ما بجيبك .. كمان اول المعزيين .. كويس !!!
و الليل نهااار.......!!!
Post: #3 Title: Re: مادام نسى العشرة واختار سوانا حبيب !! Author: osman righeem Date: 05-05-2008, 11:17 AM Parent: #1
Quote: شاكووووش
كفاره عارفة الشاكوش لو كان لو كان في مقدمة الرأس يعني العين في العين يودي الجبهة الديمقراطية اما اذا كان من خلف الرأس يعني غدرا يودي انصار السنة و خمار وعدم مصافحة
اها شاكوشك من ياتو نوع
Post: #7 Title: Re: مادام نسى العشرة واختار سوانا حبيب !! Author: انعام حيمورة Date: 05-05-2008, 11:40 AM Parent: #3
Quote: عارفة الشاكوش لو كان لو كان في مقدمة الرأس يعني العين في العين يودي الجبهة الديمقراطية
Quote: نصيحة للعشاق من زول محب ومجرب ياما في دنيا الحب اهوال تخيف وتشيب
Quote: يعنى شاكوشك دة عادي طالما مافي شيب ظهر..
Post: #5 Title: Re: مادام نسى العشرة واختار سوانا حبيب !! Author: adil amin Date: 05-05-2008, 11:31 AM Parent: #1
بت يا انعام سلام قلنا ندخل البوست نستكين مع علي ابراهيم اللحو والاغنية الرائعة نقوم نلقى شاكوش خايفين نخش بوستك تاني نلقى كماشة وثلاثة مسامير وما اكثر المسامير في البورد
في زول أداني الرابط حق البوست ده و فاتح في مكان أضف رد !! عايزيني أكتب مغمض مُش كده دي حسادة من الزول الاداني الرابط ده .. صاح ؟؟!!
انعام .. ياخ ما كلمناكـ قلنا ليكـ نوم الظالم عبادة ياخ !! في داعي تساهري انتي !! اها أخير الظُلم ولا الشاكوش ؟؟
نصيحة مني ليكـ أعملي ليكـ مغارب و بحر .. و أعملي في البحر ده قلعة بالرمال .. و هيمي هناكـ عند المغيب .. و إنتظري الشمس تفوت .. و الطيور تعود الي أوكارها .. جابت نتيجة جابت .. ما جابت .. شوتي القلعة بكراعكـ الشمال .. أهم شيء الشمال .. عشان تستعدلي سريع .. ( الشاف نص البورد ده كرعينو الشمال معوقة ما يسألني ) .. كان ما إستعدلتي بأجيب ليكـ صوت زول بيغني يستعدل بيكـ !!
_ أوعي يكون ده له علاقة بالراهب (خلي بالكـ الراهب ما حاجة تاني) ما تجيبي لينا المشاكل
Post: #31 Title: Re: مادام نسى العشرة واختار سوانا حبيب !! Author: محمد الطيب حسن Date: 05-06-2008, 09:52 AM Parent: #28
غايتو يانعومة انا كلمتك قلت ليك لمة فرقة ال أ م (الضروس ) نهايتا مامضمونه ياتودى الدانتيس يا ذى على ابراهيم ده ابيتو تسمعو الكلام الرسل يقول بنحظر الموبايلات وهسة جا اول المعزيين ولا ماعارفه قال شنوو شنو وجابت ليها حردان راى عديل تقول احنا بيهمنا كمان وكان القصد اولا واخير مننا التحسب لليوم هذا وقلت ليكى كده بيجيب ليكم الهوا
إنعام بالله بطلي حركات .. شكلك كده حتى ما فاضية للشواكيش يوم السبت جيتي الأجتماع في بحري متأخرة .. ليه ؟ كنت بسفر الطفل عبد الله !! دا شغل زول فاضي للشواكيش ..
سلام ياختنا انعام اشاء الله يكون اخر شاكوش واسمعى غنيه زيدان ابراهيم (ياخائن) والخائن الله بخونو بدلا من ابراهيم اللحو الجمره ياناسيها حقيقة بتحرق الناطيها والله العظيم انا ما بحب الشواكيش ،مرة كدا ادوني شاكوش قربت امشي الآخرة ماشي من امتداد الدرجة التالتة شوفوا الحالة دي الواحد قال امد كدارينو قدر لحافوا، ورضينا بالهم والهم ابا يرضي بينا- لحدي بحري كداااااااااااري لمن زيتي طلع مع انو كنت والله بكتب ليها جوابات احسن من قصايد عنترة بتاعت الحب واي جواب بختمو بي (يامسمار قلبي ويا زردية حياتي) بعد الربيط والسمكرة فكتني ليك بالشاكوش ابو قدوم الكنت بثبت بيو مساميرها ظاااتو لمن قربت احوم في شوارع الخرطوم بدون هدوم، لكن زعلت مني نفسي مرة واحد لي سببين ، الاول علي مشيتي الكداري ، والتاني قلت لي روحي انا البوديني العب في الدرجة التالتة شنو (الليق) الواحد مفروض يكون عندو طموح طالما هو اصلا جاي من مناطق مهمشة مفروض طوالي يفكر في الدرجة الاولي حتي كانو ختوهو كنبة احتياطي ويلقط في الكور ويصرخ مع الجماهير (هو والقون ، هو والقون، هو والقون ، آآآآآآآخ طلعت اوت ،اها شوفتو انحنا مرات بنهمش (روحنا) بي (نفسن)ا ونجي نكورك ونقول العرب همشونا وبرانا بنختار الدرجة التالتة غايتو جنس تلتلة، ولا شنو يا ابوشاكوش...؟ تضامنا معاك انا بسمع مصطفي سيد احمد (جوني الصحاب وقالوا الزولة لابسة الزفاف وقاعدة في الكوشة، وغدار دموعك ما بتفيد في زول خلاص شتت، ونسي العشرة والدرب الطويل،والشاي تحت النيمة،وكل المظللات وكل اعمدة الكهربة، وياما استلفنا قاش من منو وقميص من منو وشدينا الجزمة برضوا كلوا عشان الحلوين، ولي هسي قلبي في يدي جواباتي تقع يد ناس المصنفات الأمر بالمعروف والنهي عن الحب، والله جوابات دي كان كانوا رجعوها لي كان طبعتها في كتاب وبدار عزة للطباعة والنشر كمان، وتقول لي بلقيس ونزار قباني، نزار لو شاف المسامير الكتبتها كان شهد لينا ظاااااااتو... لكن عندي صاحبي كدا لذيذ جاب لي شريط فيهو غنية بتقول بكرة يا قلبي الحزين تلقي السعادة اها بسمع فيهو ستة شهور طول فترة النقاهة. المهم اتصبري ما تشيلي هم، اخوانك متحسسين في مساعدة الناس علي عبور كبري الشاكوش، ابشري ساااااااااااااااي وكتري الفول المدمس والتسالي...وصبارات الشاي بالنعناع، ومافي عوجة بنصنقر ليك امن تتخارجي ...
أذكر إن أحد الأخوان عندما تلقى شاكوشه الأول، أصيب بصدمه عظيمة، فبدأ كل من فى الشلة يستحضر معلوماته فى الإسعافات الأولية التى تلقاها قبل عشرات السنين لإخراج المعتدى عليه من تلك الصدمة (المشاكوسيه) آسف....الشاكوشيه. أحد الواقفين وضع سفه فى زاويه قصيه من فمه وبدأ يهبب للمشوكش. صاح أحدهم ....ينعل أبو العرس!! رد أحدهم....دى حالته المناظر....الفلم كيف؟؟؟؟ تقدم أحد ذوى الخبرات المتنوعه..فجّ الجماعه..إقترب من(المضروب)..بسمل وحوقل وأعقبها بتمتمه غير مفهومه..أطلق قذيفة فم ـ جو معها بقايا سعوط فى وجه صلاح شاكوش الذى حمل ذلك اللقب مرادفا لإسمه منذ ذلك اليوم..حتى أن والده قال له بزعل شديد(قالو عملت ليك أبو تانى). إنتفض صلاح شاكوش من هول تلك القذيفه الصاروخيه....فتح عينيه وتجول ببصره فى الجماعه....تشهد ثلاثا وقرأ سورة الناس . إستقبلته الشلة بالأحضان(حمدالله على السلامه آ زول) أكتسب صلاح شاكوش مناعه مستفيدا من التجربه من يومها وهو يتلقى الشاكوش تلو الشاكوش وما زال صامدا خرج من التجربه برأس كونكريتيه
عندما يكون فى مزاج رايق كثيرا ما يدندن برائعة على ابراهيم(ما دام نسى الشاكوش)
خلي بالك المواجهة افلاس..و الإفلاس ما معانا..ياخي..!
كنت تشتغلي شغل.. رصد..و متابعة..و استدراج..و كمين..و تتبعي استراتجية " وكت سيرتك يجيبوها..اهلي كتير بيريدوها"..عشان الظروف ما معروفة.. لي قدام .. يمكن يصل " تراضي"..و كده..!
