Post: #1 Title: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 08:34 AM
الزول ده أكثر من مجرد مغني .. الزول ده ما طبيعي أبداً عمر جعفر كرار .. شاب من مدني ... يمتلك خامة صوتية مبالغة .. وإحساس موسيقى أكثر مبالغة .. وإمكانيات تطريبية ..خلوها ساكت ..
يلا يا حسام .. أرقعنا بي حاجة سريع وما تفشلنا ...!!
Post: #2 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 08:38 AM Parent: #1
يا حسام .. يا صحافة 30 وعشان ما تزعل خليها صحافة 40 أو 100 زاتو .. بس أرقعنا بتسجيل ولا حاجة للزول ده ..
ولا أقوم أطرح أسهم المشاركة في البوست ده للجمهور ...!! أنا قلت الود حسام ده أولى .. وما بيجلي من تسجيل ولا فيديو .. فهو عاشق للجمال ..
Post: #5 Title: Re: يا صحافة تعال شاركني في بوست عن المبدع الشاب عمر جعفر ....! Author: haroon diyab Date: 05-05-2008, 08:58 AM Parent: #2
يادغيس صباح الخير
الدقسة في العنوان ياماااااااااااااااااان صحافة يااما شغال..... يانائم
Quote: ولا أقوم أطرح أسهم المشاركة في البوست ده للجمهور ...!!
ماكان من الاول..... والله حنيني اليك الزول ده مجضمة جنس جضيم..... اما وضاحة ابداع عدييييييييييييل الزول ده طلعتوا من وين ياشقي لكن برضو ارجي صحافة وعييييييييييييييييك.....!
التحايا هارون دياب
Post: #8 Title: Re: يا صحافة تعال شاركني في بوست عن المبدع الشاب عمر جعفر ....! Author: haroon diyab Date: 05-05-2008, 09:04 AM Parent: #2
Post: #9 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 09:08 AM Parent: #8
حبيبنا هرون الجميل .. إنت راجل فنان فعلاً فعلاً يبدو إني دقست في إختيار الشريك الصاحي ...! فكينا التسجيلات .. مين يزودنا بروائع الزول ده ..؟؟؟
Post: #3 Title: Re: يا صحافة تعال شاركني في بوست عن المبدع الشاب عمر جعفر ....! Author: osman abdala Date: 05-05-2008, 08:55 AM Parent: #1
دي الاغنية الفائزة في مهرجان الاغنية العربية..
Post: #4 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 08:56 AM Parent: #1
Post: #6 Title: Re: يا صحافة تعال شاركني في بوست عن المبدع الشاب عمر جعفر ....! Author: osman abdala Date: 05-05-2008, 08:59 AM Parent: #1
Post: #7 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 09:03 AM Parent: #1
أيوووووووووه .. كتلتو كتلة ...!! ياهو زاتو الزول البنتكلم عنه .. تسلم يا سميِ وتشكر على الدعم اللوجستي ...
Post: #10 Title: Re: يا صحافة تعال شاركني في بوست عن المبدع الشاب عمر جعفر ....! Author: osman abdala Date: 05-05-2008, 09:15 AM Parent: #1
موقع شهس بتحتاج لي اسم المستخدم وكلمة مرور وهي كالاتي:
user name: shahss
password: shahssmus
Post: #11 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 10:35 AM Parent: #1
تشكر يا أبو عفان على المشاركة الشحمانة .. عمر جعفر من الذين أحبوا الفن فعلاً .. متشرب بالحس الموسيقي العالي جداً ,, عرفته منذ نعومة أظافره ( فنياً ) .. كان حينها طالباً بالصف الأول الثانوي ..
وكنا عازفين بإتحاد فناني الجزيرة .. الكلام ده كان في أواخر الثمانينات بواد مدني .. لي شرف أن شهدت ميلاد فنان أتنبأ له بمستقبل قادم لا محالة .. فهو يمتلك مقومات النبوغ ..والحس المتجدد ..
Post: #12 Title: Re: يا صحافة تعال شاركني في بوست عن المبدع الشاب عمر جعفر ....! Author: osman abdala Date: 05-05-2008, 10:56 AM Parent: #1
طيب يا عثمان انا برضو من ناس مدني...
وبعرف عمر جعفر من بدايتوا...
لانو كان صديق ابن خالتي المصور التلفزيوني والمخرج باذاعة ودمدني رحمه الله هيثم الازهري ..
Post: #13 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 11:25 AM Parent: #1
يا زول ...! المرحوم هيثم كان من أصدقائي المقربين .. رحمه الله رحمة واسعة ... طيب المفروض نكون إتقابلنا .. زمن فرقة عصام محمد نور وفرقة عبد المنعم وردي وسعد البناء وياسر عبد الوهاب ( سيد خليفة ) وفرقة صديق متولي ...خالكم ,,والا أنا غلطان ؟؟
دحين صديق متولي مو عم المرحوم هيثم ؟؟؟
مرحب بيك وسعيد بوجودك بجانبي ..
Post: #14 Title: Re: يا صحافة تعال شاركني في بوست عن المبدع الشاب عمر جعفر ....! Author: haroon diyab Date: 05-05-2008, 11:35 AM Parent: #13
دغيس اخوي تعال النسعلك انت عملت شنو خليت الصفحة دي اتفتلت كده ....؟
Post: #20 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-06-2008, 07:55 AM Parent: #14
الحبيب هرون .. والله أنا زاتي ما عارف الحكاية شنو ...! فجأة كده لقي ليك الحكاية بقت مفتولة ... لمن شكيت إني بقيت ختري في التكنولوجيا وأنا ما جاايب خبر !! وينو شريكي صحافة ده ...! دقسنا بالوصية وعمل نايم ...! ياخي ما تجي تشوف ليك بصير ولا بت بتي تستعدل لينا البوست ده ياخي .. دي شراكة شنو دي ..!!
Post: #15 Title: Re: يا صحافة تعال شاركني في بوست عن المبدع الشاب عمر جعفر ....! Author: osman abdala Date: 05-05-2008, 11:36 AM Parent: #1
ايوة يا عثمان ...
صديق متولي برضو خالي....
واكيد نكون اتقابلنا في بيت ناس هيثم ...
انا ساكن حي الثورة ...
Post: #16 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-05-2008, 11:53 AM Parent: #1
جاييك برواقة ..
Post: #17 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-05-2008, 02:38 PM Parent: #1
الوصية
Post: #18 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-05-2008, 07:14 PM Parent: #17
حسام يا كارثة ....! التسجيل ده لقيتو وين .؟؟؟؟
يا خي عمر ده لو داير بدندن في الحمام بيديني خبر قبل ما يدخل في تنفيذ الفكرة ... أول مرة أعرف إنو غنى رائعة العملاق وردي ( الوصية ).. وكمان يبدو إنو تسجيل كارب ويمكن يكون ماستر ...
مزبد من الدرر للمبدع ده ...
Post: #19 Title: Re: يا صحافة تعال شاركني في بوست عن المبدع الشاب عمر جعفر ....! Author: أبو ساندرا Date: 05-06-2008, 07:24 AM Parent: #1
كتب الفنان عثمان دغيس :
Quote: الزول ده أكثر من مجرد مغني .. الزول ده ما طبيعي أبداً عمر جعفر كرار .. شاب من مدني ... يمتلك خامة صوتية مبالغة .. وإحساس موسيقى أكثر مبالغة .. وإمكانيات تطريبية ..خلوها ساكت ..
هذه شهادة خبير لايمكن دحضها
لفت إنتباهي له إبننا محمد عثمان وحرصت على الحصول على شريطه الأول المذكور فإستمتعت بصوت عالي التطريب
سوف أعود لهذا البوست حتى أحظى بغنائمه
شكرآ يا دغيس وشكرآ يا حسام والشكر لمحمد جعفر
Post: #34 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-07-2008, 07:33 AM Parent: #19
أبو ساندرا .. وأبو الجمال كلو .. لينا شرف مرورك بعد الغياب .. وبعد الليالي المرة في حضن العذاب ..
أعتذر عن التأخر في التعقيب على مداخلتك .. أشكرك على الذوق العالي .. الشريط الأول للفنان عمر جعفر كان بعنوان ( نمة حب ) وحسب ما علمت من عمر نفسه أن الذي إختار له الإسم هو العملاق أبو عركي البخيت .. والذي يتنبأ له بمستقبل باهر .. وكذلك تنبأ له العملاق أبو اللمين ..
Post: #21 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-06-2008, 09:35 AM Parent: #1
إشــتقت ليـــك . .
الشكر للأخ أبو سجود من مزيكا سودانية ..
Post: #22 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-06-2008, 09:49 AM Parent: #1
ينصر دينك يا حسام .. وأنا زاتي إشتقت ليك وليهو ! شفتوا الكلام ده كيفن ؟؟؟!! يا خوانا وين ناس الموصلي والجهابزة يلحقونا وينجدونا ... ويحللوا لينا الحاصل ده ...!!
Post: #23 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-06-2008, 09:54 AM Parent: #1
[
كــلام الريــد . .
الشكر للأخ أبو سجود من مزيكا سودانية ..
Post: #24 Title: Re: يا صحافة تعال شاركني في بوست عن المبدع الشاب عمر جعفر ....! Author: osman abdala Date: 05-06-2008, 04:46 PM Parent: #1
فوق عشان عثمان دقيس وابو ساندرا وصحافة 30 وناس مدني
Post: #25 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-06-2008, 05:05 PM Parent: #1
فوق عشان عثمان دقيس وابو ساندرا وصحافة 30 وناس مدني
وعشان الأذن الموسيقية الذواقة .... وعشان خاطر الفن زاااااااتو .. وعشان نوع ناس قنبلة يمشوا يشوفوا ليهم ليمون يبيعوه ولا أي حاجة تانية غير الغناء ... ( مع إحترامي لأهلى الخضرجية ...)
Post: #26 Title: Re: يا صحافة تعال شاركني في بوست عن المبدع الشاب عمر جعفر ....! Author: Elmosley Date: 05-06-2008, 08:15 PM Parent: #1
حبيبنا عثمان ياخي والله حاولت كتير لكن الفايلات دي فيها مشاكل أخونا بكري مما غير الكودات دي والفايلات الصوتية تئن من الالم عموما انت رجل ذواق وطالما رايك جيد فيه فنحن نشجعه
Post: #27 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-06-2008, 09:49 PM Parent: #26
كويس انو ربنا جابك يا أستاذنا .. في حاجات أفتكر انها حتعجبك ..
ترقبوا "الأماني السندسية" و "الكلام القالو عنك" بصوت عمر جعفـر ..
Post: #29 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-06-2008, 10:18 PM Parent: #26
أستاذنا العبقري الموصلي .... جيداً جيت يا أستاذ... هذا الشاب في إعتقادي هو من يستحق وقوف أمثالكم من العباقرة الخلاقين لخلق جيل فنان يحمل سمات التغيير نحو فن راقي معافى .. ويحمل مسئولية الإرتقاء بالمستمع وبالأذن الموسيقية الواعية ... بالمناسبة وحسب قربي من الزول ده سنين عدداً فإني أشهد بأنه يحمل لكم إمتنان وإفتتان وإعجاب أيما إعجاب بما ظلت تجود به قريحتكم من رؤى موسيقية وتوزيعية في كافة أعمالكم من زمن حصاد ... سواء في أعمالك الخاصة وتجاربك في المعالجات التوزيعية التي قمن بها لعدد كبير من عمالقة الغناء ,, بل ظل يردد في بداياته أعمال من متل الأماني السندسية وغيرها .. بل وكان يصر علينا أن نقوم بتنفيذها حسب توزيعكم الموسيقي .. حتى في مسألة التوزيع الآلي والصولو ...
لنا وللمبدع عمر جعفر عظيم الفخر بإنضمامك للبوست ده .. لكنه يؤسفني أنك لم تستطيع فتح الملفات المرفقة .. أتمنى أن تعيد المحاولة بطرق مختلفة فهذه الأعمال جديرة بلفت إنتباهكم .. وأنتم فقط وليس سواكم من يستطيع إعطاء هذا الشاب نقداً بناءً وتشجيعاً وربما دعما لا محدود متى ما سمحت ظروف اللقيا ...
أشكرك شكرا بلا حدود لتشريفك البوست وننتظر مساهماتك فيه ...
Post: #28 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-06-2008, 10:17 PM Parent: #1
الأماني السندسية . .
Post: #30 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-06-2008, 11:37 PM Parent: #1
شوف الراجل ده بيعمل شنو هنا
و الله مشتاقين . .
Post: #33 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-07-2008, 06:43 AM Parent: #30
صحافة يا فنان .. شفت الشغل ده كيف ؟؟ بالله يشهيك في أي أغنية يرددها .. يعني لو جبت ليهو أي أغنية تكون زهجان منها بس قول ليهو غنيها لي .. وتشوف العجب ..
هنالك ملاحظة عجيبة لاحظتها في أداء عمر جعفر وهي إنو نفس الأغنية واللي كل يوم نغنيها معاه ، تلقاه كل يوم يعنيها بطريقة تختلف عن اليوم القبله ...! حتى في نفس المرة لما يردد كوبليه ولا جملة موسيقية تلقاه في المرة التانية يغير شكل الجملة وشكل التطريب بطريقة تانية خالص ..! والتطريب عندو مش شيئ محفوظ يسمعه ككثير من فنانينا ، بل هو إحساس متجدد بشكل مستمر ..
شنو يا حسام ما عندك حاجة خاصة للزول ده .. أنا عارف إنو عندو عدد كبير لا يستهان به من الأعمال الخاصة والمتميزة جداً وغير التقليدية في اللحن والكلمات والأداء ( تاني فضل شنو ..!!!) .. عندو ( إنت الهواء البتنفسو ..) وعندو ( هي دنيا ) وعندو يا السلبت منى القلوب ..) وغيرها وغيرها ..
خليك معانا طوالي بالله ...!! وبطل زوغات ..!
Post: #31 Title: Re: يا صحافة تعال شاركني في بوست عن المبدع الشاب عمر جعفر ....! Author: ناهد بشير الطيب Date: 05-07-2008, 03:35 AM Parent: #1
الاخ عثمان
شكرا على اللحن والاغنية ........من جعفر عمر
وحلوة من رائعنا وردى ..... اختيار موفق دغيس.....
Post: #32 Title: Re: يا صحافة تعال شاركني في بوست عن المبدع الشاب عمر جعفر ....! Author: يوسف الولى Date: 05-07-2008, 04:00 AM Parent: #1
حقيقه الراجل ده موهوب قدر يغنى ووراه الجيش العرمر ده من الموسيقين اكيد زول ما ساهل بس لو شويه ضغط على الحروف عشان الصوت يبقى جهور ومسموع زى ماجده الرومى وكاضم الساهر وايضا لو ساب ( مط ) حروف القافيه .. انا لست خبيرا فى الموسيقى .. ويمكن كمان السماعات عندى ما شغاله كويس
Post: #35 Title: Re: يا صحافة تعال شاركني في بوست عن المبدع الشاب عمر جعفر ....! Author: osman abdala Date: 05-07-2008, 08:08 AM Parent: #1
شنو يا عثمان فتحتوا لينا كدة
Post: #36 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-07-2008, 09:05 AM Parent: #1
فتحنا ليك كيف يا أبو عفان ؟؟! نقدر نحن نفتح للحبايب ؟؟ إلا نفتح ليهم نافذة يطلون منها على أعماقنا ليروا بأم أعينهم مكانهم القصي في أخص ع=غرف القلب .. إنت فيك من ريحة المرحوم الملائكي هيثم أزهري .. ونشترك كمان في حب عمر جعفر .. خليك قريب وشوف لينا من أعمال عمر الخاصة ,,, بس ما تفتل لينا الصفحة أكتر من كده ...!!.!!.!.!..
Post: #37 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-07-2008, 10:22 AM Parent: #1
الهوا البتنفسـو . .
Post: #46 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-09-2008, 07:13 PM Parent: #37
شكراً كتيراً صحافة على المواظبة والإستجابة ... عمل فوق الممتاز - في رأيي المتواضع - وفي غاية الإتقان .. راجين رأي الموصلي لو تيسر له فتح الملفات .. وعلى كل ما عايزنو يفتح لينا ( الموصلي أقصد ) رأيك يهمنا ويهمه يا بروف ...
Post: #38 Title: Re: يا صحافة تعال شاركني في بوست عن المبدع الشاب عمر جعفر ....! Author: الطاهر عثمان Date: 05-07-2008, 10:45 AM Parent: #1
حبيبنا عثمان ازيك ياخي انته عارف انا قاعد متحير في فتلة البوست ده ولاحظته كده من مداخلتك ادناه اتفتل
Post: #40 Title: Re: يا صحافة تعال شاركني في بوست عن المبدع الشاب عمر جعفر ....! Author: الطاهر عثمان Date: 05-07-2008, 04:14 PM Parent: #1
احححح بالله البوست اتعدل ياخي ده كان مقوم نفسنا
Quote: بتلاقي المثير عندنا ..
عندنا وعندناوعندناوعندنا.......
وحتشوفو وحتشوفو وحتشوفوا
ياخي البت دي لذيذة وبريئة كده مع حبة شقاوة
ياخي ادخل لي علي موضوع الفيس بوك ده يا الدغيس خلينا نعمل بزنس
Post: #43 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-08-2008, 08:44 AM Parent: #40
الطاهر يا مبدع .. قلت لي حتشوفوه وحتشوفيه ..وحتشوفه .. قلت لي بت لذيذة وبريئة وفيها شقاوة ..؟
يا ود ما تبطل براءة ...!...!!.!.!.!.!.
Post: #41 Title: Re: يا صحافة تعال شاركني في بوست عن المبدع الشاب عمر جعفر ....! Author: Sabri Elshareef Date: 05-07-2008, 07:32 PM Parent: #1
تحياتي الاخ دغيس
عمر جعفر صديقي وغسان اخيه ساكن كان معي وعمر وغسان اصدقاء زمن جميل
Post: #42 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-07-2008, 08:44 PM Parent: #1
أخوي صبري الشريف ما مشحود على المرور والمواظبة على البوست ده .. ومما فتحته راجيك تجي .. وزمااااان قلت ليك بيننا صديق مشترك وهو غسان جعفر ... في بوست وفاء سلطان ... مرحب بيك في دارك ... وعايزين دعمكم للراجل ده ...فهو مستحقه ...
لك كل مودة ،،،،
Post: #44 Title: Re: يا صحافة تعال شاركني في بوست عن المبدع الشاب عمر جعفر ....! Author: علي محمد سند Date: 05-08-2008, 04:15 PM Parent: #1
دغيس ،،، حياكم الله أهل مدني الجمال ،،
أذكره تماما أيام بداياته الأولى في أواخر الثمانينيات وهو لم يزل يافعا يتلمس خطاه بثبات وأناة
مرتادا إتحاد فناني الجزيرة بود مدني ،، أذكر أيضا أنه كان خلوقا، صارم الإلتزام فيما يتعلق بالتفاصيل الفنية ،عبقريا في إختيار ما يردد من أغاني مدركا تماما لإمكانياته وكيفية إبرازها ، عرفته أيضا زاهدا في أداء (فاضي الكلام)
كنت واثقا أنه حتما سيصل لما يصبو إليه
شكرا لهذا الجمال ، لك ولعمر جعفر ولمدني التجلة
Post: #45 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-09-2008, 07:18 AM Parent: #1
الحبيب علي سند شخصياً ....! والله بوست قلعك لينا ده معناه إنو بوست ما ساهل ...! نشكر لكم تفضلكم بالمرور والكلمات الطيبة في حق هذا المبدع ... هي كلمة حق قلتها في حقه .. نبهني لدخولك بعد مدة طويلة من الإنقطاع عن المنبر أخونا الطاهر عثمان .. تسلم يا الغالي على المشاركة القيمة .. وخليك قريب ...
Post: #47 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-20-2008, 07:34 PM Parent: #45
فوق
Post: #48 Title: Re: يا صحافة تعال شاركني في بوست عن المبدع الشاب عمر جعفر ....! Author: nashaat elemam Date: 05-22-2008, 08:48 AM Parent: #47
اخوي عثمان تحياتي استمتع جداً بهذا العمر.. وساتيك للكتابة عنه بشكل اشمل باذن الله تعالى قريباً لكن لزوار البوست اضع هذا الرابط حتى تتسنى لهم معرفته عن قرب.. وهذا حوار اجرى معه قبل اكثر من خمس سنوات
Post: #49 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-22-2008, 09:29 AM Parent: #1
الأستاذ نشأت الإمام .. لك التحية والتقدير على المجهود المقدر .. عمر فعلاً فنان مميز .. ونتمنى له أن يجد مكانه الطبيعي بين طليعة مبدعي بلادي ..
خليك قريب وراجينًك ...
Post: #50 Title: Re: يا صحافة تعال شاركني في بوست عن المبدع الشاب عمر جعفر ....! Author: Seif Elyazal Burae Date: 05-23-2008, 02:23 AM Parent: #49
up
Post: #51 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-25-2008, 09:22 AM Parent: #1
تشكر يا سيف اليزل لكن الجماعة ديل مشوا وين ؟؟؟!! غارة خليل وإنتهت بنهاية خليل وزمرته غلى غير رجعة ...! تاني في شنو ....؟ يا صحافة .. يا موصلي .. يا فنانين .. يا لؤي شمت ... هرون دياب .. السني ... قولوا حاجة .. أي حاجة عن الزول ده ..!
Post: #52 Title: Re: يا صحافة تعال شاركني في بوست عن المبدع الشاب عمر جعفر ....! Author: لؤى Date: 05-25-2008, 08:09 PM Parent: #1
طييييييييييب بيجي الخريف
خونة
أنـا في البـعـيـد مُـشـتـاق لهـمـسـة من الوطن يا نـسـمـة
Post: #53 Title: Re: يا صحافة تعال شاركني في بوست عن المبدع الشاب عمر جعفر ....! Author: Alsa7afa_30 Date: 05-25-2008, 08:59 PM Parent: #1
Quote: غارة خليل وإنتهت بنهاية خليل وزمرته غلى غير رجعة ...!
جابت ليها سياسة يا دغيس ؟؟
يادوب كده داير تطفشنا ..
Post: #54 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-25-2008, 09:14 PM Parent: #1
صحافة .. السياسة بدأها لؤي .. قال خيانة قال ... مافي خيانة ولا حاجة .... نحتاج رأيكم ومشاركتكم في بوست ما فيه غير الإبداااااااع وبس ...
ولإنت يا صحافة أصلاً ما عندك طريقة تطفش .. العنوان ده سيك سيك معلق فيك ...!!
Post: #55 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-26-2008, 11:11 AM Parent: #1
فوق
فوق ... عشان ناس الموصلي وناذر الخليفة وبقية الفنانين يشوفونا ويعبرونا ...!
Post: #56 Title: Re: يا صحافة تعال شاركني في بوست عن المبدع الشاب عمر جعفر ....! Author: مرتضى الكجم Date: 05-26-2008, 11:56 AM Parent: #55
Post: #59 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-27-2008, 09:08 PM Parent: #58
تشكر يا مرتضى الكجم..على المساهمة ولو أنها أوردناها فى صدر البوست .. خليك قريب وزودنا بتعليقك على الزول ده .. أنا شخصياً بتنبأ له بمستقبل عمالقة ...
فوق .. مشركين بالبوست ده لكل الفنانين إبتداءً وإنتهاءً بعاصم الطيب الذي عاصر معنا بدايات عمر جعفر ويعرف عنه الكثير ... ويعرف عن الموسيقى الأكثر .. يلا تعال يا عاصم ...
الموصلي باين عليهو ما فاضي لينا من العدادات الدولارية ...!! الله يزيدك ...
Post: #57 Title: Re: يا صحافة تعال شاركني في بوست عن المبدع الشاب عمر جعفر ....! Author: ناذر محمد الخليفة Date: 05-26-2008, 10:45 PM Parent: #1
شايفكم يا دغيس ومستمتع جدا بالداير هنا ..
جاييكم لي عمر جعفر ..
Post: #60 Title: Re: يا صحافة تعال شاركني في بوست عن المبدع الشاب عمر جعفر ....! Author: Omer Hummeida Date: 05-27-2008, 09:31 PM Parent: #57
Post: #61 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-28-2008, 09:51 AM Parent: #1
عمر حميده .. كيفنك يا راقي .. عمر حميده طه المحامي .. إبن عمنا ولا واحد تاني ...! تشكر على المرور والتعريف بالرائع عمر .. وكمان أخته الصغعيرونة زوبا ( زينب ) وأخوه الصغير مصعب .. ديل أيامنا ديك كانوا شفع صغار .. سمعت أنهم في الجامعة ولا تخرجوا منها ما عارف ...!
كبرنا وكبرت أحزانا وعمر جعفر كبر وزاد إبداع .. خليك قريب يا عمر ....
Post: #62 Title: Re: يا صحافة تعال شاركني في بوست عن المبدع الشاب عمر جعفر ....! Author: Omer Hummeida Date: 05-28-2008, 09:54 PM Parent: #61
دغيس واحد ثاني ...كسلاوي .. ولكن سأكون قريبا ... سعدت بمعرفتك ... و الولاد كبرت .. تخيل شيرين استاذه جامعية ... الحق يا دغيس .. انت عجزته .. لنواصل عمر
Post: #63 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-29-2008, 11:01 AM Parent: #1
عجوز ساي يا عمر ...!!؟؟ أنا عثمان الليلي ؟؟؟! الله يدينا حسن الخاتمة بس ...
Post: #64 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 05-30-2008, 03:19 PM Parent: #1
حسام شريكي .. ألحقنا بي دفرة .. وين يا شباب ..؟؟؟
Post: #65 Title: Re: يا صحافة تعال شاركني في بوست عن المبدع الشاب عمر جعفر ....! Author: عثمان دغيس Date: 06-03-2008, 08:55 AM Parent: #1
