Post: #1
Title: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-05-2008, 07:25 AM
Parent: #0
كتب صلاح الغول الشاعر الأمدرماني المقيم بمدينة الرياض السعودية إبن أبوروف
متفاعلاً مع المشروع الإنساني الذي إبتدره شاعر الشعب محجوب محمد
شريف الذي أقام مستشفى للغلابه بعد عودته من رحلته الاستشفائية
بلندن، وقد عرفنا محجوب عبر مدرسة الشماسة وعبر:
الشعب بأسرو اندلع
حرر مساجينو وطلع
قرر نهاية المهزلة
ولا كريت أنا لا أنكريت
لا بعت ذمة ولا أشتريت
سنيت قلم صدقي وبريت
وبنعم
نعم السلاطين أزدريت
محجوب شريف
عشه كلمينا
ميري ذكرينا
كل سونكي أحسن
يبقى مسطرينا
يالله جيبوا مونه
نبني نبني نبيني
مصنعا وبوسته
كبرى اسبتاليه
وقد قامت إسبتاليه بمبادرة محجوب شريف وبجهد المساهمين
من أطباء وفنيين وعمال وممرضين، وكل الذين يحلمون بوطن
نبنيهو فرادي
ما بالضجة في الرادي
ولا الخطب الحماسية
ساهموا بما خف وزنه وقل ثمنه في مشروع علاج
مستشفى وكلية طب الهامش ..
كتب صلاح الغول
نفره
صحة راكب فكره معطره بي أنفاس سوداني حبيب
عميد كلية طب الهامش المحجوب الوطني الطيب
صُحبة راكب ، فضل نعالو، قميصو القصّر ، سقط متاعو
هدوم أولادو الزايده الضاقت ، تستر عرض العريو وجاعو
باق الأكل الديمة مفضل الكُل يوم ملفوف في جريده
والله جريمة دي أشهى وليمة للجيعان الحلمو عصيده
ياخي العشرة جنيه أو خمسة وحتى جنيهك ماهو قليل
تأكد أنو حيرسم بسمه ويفرح نسمه ويشفي عليل
راكب راجع ليك يا عازه شايل همك وشايل همو
وشايل هم أولادك وهم أولادو وجارو وأبوهو وأمو
وهم الأهل المن ما فارق لا أتلاقوا ولا إتلموا
راكبين شيمة ولافين عكسي لا إرتاحو ولا إنجمو
وهم أحبابو وهم أصحابو وهم أخوانو وخالو وعمو
وهم القالع حقو وحاقر بيهو ويومي بمص من دمو
وشايل هم القاعده تباصر البيت الصابرة وست الوجعة
وهم اللسع ننو ماشي الروضة وشايل هم الرجعة
من الحر النارو تطلّع زيت الزلط الوالع ولعه
والمحظوظ والابن الإيه راكبين الإيه زايدين السرعة
شايل هم القيّل في المستشفى ومات ما حصّل دورو
واللي دفع حق الروشته ومشى كداري ودكّ فطورو
شايل هم الهم الحملو اليوم والبكره حيصبح زايد
هم البلد الكلو مآسي ينوم على ضيق ويقوم في شدايد
هم الزول الدارع شمسو سادر حافي وعرقو يشُر
يشقى ويحفت، يزرع ويحصد يوم ما ضاق غير طعم المُر
صحة راكب راجع ليك يا وطني وكاتلو الشوق لي نيلك
لي الصامدين في ربوع أم در الشامخة البيها اتغنى خليلك
للغّبش الصابرين راجنك وللسُمر البالخير طارنك
العايشين بي الله كريم وعافين ديمة وراضين عنك
ما تتخاذل الله يعظم أجر الفكر وخطط ليها
جود بالعندك وربك إبارك ويخلف ليك بالنفسك فيها
يا أبو مروة العافية دي نعمه وحمد النعمة حديثك بيها
سوّي الفيك محريّة وأبشر الفي السما ما خاب حاريها
صحبة راكب الفكرة والمشروع الخيري من بنات الفكر الثاقب
لشاعرنا الكبير الأستاذ محجوب شريف – جعلها الله في ميزان
حسناته – نشارك فيها بقوة ونرجو لها التوفيق حتى نراها ترسم
أروع بسمة على الوجوه العابسة من وخذ الفاقة
صلاح سيد أحمد الغول – الرياض – المملكة العربية السعودية
|
Post: #2
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: محمد غلامابي
Date: 05-05-2008, 07:22 PM
Parent: #1
مامن مشروع وقف أمامه وخلفه الشريف محجوب شريف
الا وكان ناجحاً
محجوب يعمل ويؤمن بشعبه..
..........
|
Post: #3
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-07-2008, 06:30 AM
Parent: #2
Quote: مامن مشروع وقف أمامه وخلفه الشريف محجوب شريف
الا وكان ناجحاً
محجوب يعمل ويؤمن بشعبه |
الآخ - محمد - تحياتي،
قال مبارك بشير
أبوي بشير وصاني
قبال ما يموت
لا تمدح الحكام
مصيرم تنحرف بيهم
غشاوات البيوت
والمنافقين حولهم
ياكلوا راسم
بالكلام الهبهباني
.....
.....
وبغني لمحجوب شريف
محجوب شريف
راجل نضيف
جانا من عرب المدينة
وبالنهار
عنوان
مدرسة الاساس
في المساء بيكتب أغاني
شاعر الشعب المفضل والأثير
وهكذا أخي محمد ظل محجوب
لم يقعده المرض أن يواصل
مسيرته الثورية بأشكالها
المبدعة والمتعددة..
عافاك الله يا محجوب
|
Post: #4
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-07-2008, 09:32 AM
Parent: #3
أنا تلميذ في مدرسة الشعب
والمدرسة تفتح ع الشارع
والشارع يفتح في القلب
والقلب مساكن شعبية
ما بتحير بين الفوق
وبين الناس التحتانية
إلا عقوق
والله مغير
والله كفيف الإنسانية
|
Post: #5
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-07-2008, 10:16 AM
Parent: #4
النجمة ما بتستأذن الليل الطلوع
والنهر ما بستأذن الصخرة المرور
فتلك بقوتها الضوئية وهذا بقدرته
الانسيابية وجماهير الفقراء
بالصمود وإبتداع أشكال التضامن
الإنساني حتى مطلع الفجر
|
Post: #6
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-07-2008, 01:45 PM
Parent: #5
هناك إمكانية في كل الظروف لخلق واحات
إنسانية رغم القبح الماثل والدجـل
والفساد الذي باض وفرخ في زوايــا
مجتمع كان إلى وقت قريب يوصـــــف
بالإستثنائية من حيث التكافل
والتراحم والتوادد والنفير والدين
(بمعنى حسن الخلق)
|
Post: #7
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-08-2008, 09:52 AM
Parent: #6
وظل محجوب مراهنا واقفا على
أقدامه يغني:
يا شعبا تسامى
يا هذا الهام
تفج الدنيا ياما
وتطلع من زحاما
ذي بد التمام
|
Post: #8
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-08-2008, 01:25 PM
Parent: #7
كتب صلاح الغول
نفره
صحة راكب فكره معطره بي أنفاس سوداني حبيب
عميد كلية طب الهامش المحجوب الوطني الطيب
صُحبة راكب ، فضل نعالو، قميصو القصّر ، سقط متاعو
هدوم أولادو الزايده الضاقت ، تستر عرض العريو وجاعو
باق الأكل الديمة مفضل الكُل يوم ملفوف في جريده
والله جريمة دي أشهى وليمة للجيعان الحلمو عصيده
ياخي العشرة جنيه أو خمسة وحتى جنيهك ماهو قليل
تأكد أنو حيرسم بسمه ويفرح نسمه ويشفي عليل
راكب راجع ليك يا عازه شايل همك وشايل همو
وشايل هم أولادك وهم أولادو وجارو وأبوهو وأمو
وهم الأهل المن ما فارق لا أتلاقوا ولا إتلموا
راكبين شيمة ولافين عكسي لا إرتاحو ولا إنجمو
وهم أحبابو وهم أصحابو وهم أخوانو وخالو وعمو
وهم القالع حقو وحاقر بيهو ويومي بمص من دمو
وشايل هم القاعده تباصر البيت الصابرة وست الوجعة
وهم اللسع ننو ماشي الروضة وشايل هم الرجعة
من الحر النارو تطلّع زيت الزلط الوالع ولعه
والمحظوظ والابن الإيه راكبين الإيه زايدين السرعة
شايل هم القيّل في المستشفى ومات ما حصّل دورو
واللي دفع حق الروشته ومشى كداري ودكّ فطورو
شايل هم الهم الحملو اليوم والبكره حيصبح زايد
هم البلد الكلو مآسي ينوم على ضيق ويقوم في شدايد
هم الزول الدارع شمسو سادر حافي وعرقو يشُر
يشقى ويحفت، يزرع ويحصد يوم ما ضاق غير طعم المُر
صحة راكب راجع ليك يا وطني وكاتلو الشوق لي نيلك
لي الصامدين في ربوع أم در الشامخة البيها اتغنى خليلك
للغّبش الصابرين راجنك وللسُمر البالخير طارنك
العايشين بي الله كريم وعافين ديمة وراضين عنك
ما تتخاذل الله يعظم أجر الفكر وخطط ليها
جود بالعندك وربك إبارك ويخلف ليك بالنفسك فيها
يا أبو مروة العافية دي نعمه وحمد النعمة حديثك بيها
سوّي الفيك محريّة وأبشر الفي السما ما خاب حاريها
صحبة راكب الفكرة والمشروع الخيري من بنات الفكر الثاقب
لشاعرنا الكبير الأستاذ محجوب شريف – جعلها الله في ميزان
حسناته – نشارك فيها بقوة ونرجو لها التوفيق حتى نراها ترسم
أروع بسمة على الوجوه العابسة من وخذ الفاقة
صلاح سيد أحمد الغول – الرياض – المملكة العربية السعودية
|
Post: #9
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: محمد غلامابي
Date: 05-08-2008, 05:31 PM
Parent: #1
Quote: النجمة ما بتستأذن الليل الطلوع
والنهر ما بستأذن الصخرة المرور |
نقطة ... مافي سطر تاني زاتو
أجمعوا الورق
...
|
Post: #10
Title: Re: نفرة (صحبة راكب) شاعر الشعب محجوب شريف - كتب الشاعر صلاح سيد أحمد الغول
Author: Mohamed Abdelgaleel
Date: 05-10-2008, 08:50 AM
Parent: #9
الأخ/ غلامابي - تحياتي
رغم المحن، فقد ظل محجوب
فاقعاً وواضحاً ومتفائلاً، يعمل
وفق إستراتيجية الانحياز للأطفال
والشماشة وملح الأرض ويغني كل
رهاناته لاختيارات الشعب السوداني
رهانات من قبضوا على نار صدقهم
في زمان الزلزلة .. فلم يداهنوا
ولم يبيعوا موقفاً ..
لا كريت أنا لا أنكريت
لا بعت ذمة ولا أشتريت
سنيت قلم صدقي وبريت
وبنعم نعم السلاطين أزدريت
ولا أفتخار إلا لمن لا يضام
|
|