Post: #1
Title: الانتخابات قربت اها مصير المنبر دا شنو بعد الانفصال؟؟؟؟؟
Author: 7abib_alkul
Date: 05-04-2008, 10:45 AM
وانا اتجول في ازقة البورد وقفت عند عدت بوستات تتحدث عن الانتخابات
وبعيد عن مضمون تلك الكتابات خطر علي بالي هذا السؤال عنوان البوست
فهل سيكون منبر السودانين تبعا لشكل الدولة الجغرافي الجديد ام سيكون تابع
للدولة التي سوف تكون في جنوب السودان الحالي طبعا هذا السؤال في حالة خيار الانفصال(( والا شنو المنظر يا بكري))
|
Post: #2
Title: Re: الانتخابات قربت اها مصير المنبر دا شنو بعد الانفصال؟؟؟؟؟
Author: tmbis
Date: 05-04-2008, 11:03 AM
Parent: #1
المنظر عادي زي الزبادي يا حبيب الكــل
وبي صورة أوضح:
بعض المتأمركة البجو خاشين بالليل خالص بي توقيتنا بتاع هنا .. وبي النهـار بتاع عندهم .. ح يكتبو ليك عن الشاطئ الرملي في لي بيتش من العالم .. في واحدين ح يجوك لابسين نضارات سوداء كبيرة الفريم .. ونوعية ح تجيك لابسه (برانيط)
في نوعية ح تجيك بي ترابه .. وكترابته وفي نفس الوقت لابسين ليك نضارة بتاعت غواصين والواحد لابس ليهو اطسطوانتين بتاعات اوكسوجين في ضهرو .. وفاتح صمام الأمـان ..
المنظراتيه .. والمهمشين .. ديل سوف يظلوا كما هم (خطوات تنظيم) .. طبعا ح تتغير الموجـه .. لي والله غشاني يا العمدة قال يل بعرسك .. وتاني جا قال لي ما بعرسك .. ويقوم واحد من انصاف المثقفاتية ديل يكورك بي اعلى حسو.. (السسسيييل) .. طبعا في بوست منفصل .. ويعمل ليهو ايقونة بتاعت وش مكشر ووش ضاحك ..
بالنسبة لي ناس قريعتي راحـت .. القلاعين .. النشالين .. البندقجيـه العاملين ليك فيها انهم بتاعين اي حاجة ديلاك .. ديل بروحو تحت الرجلين ساكت .. والله بعد تلاتة ايام الواحد تسمعو انفقع .. طاااخ ؟؟
ينفقعو عديل كدا ..
هــذا:
وكل من يانس في نفسه ونيابة عن اي مجموعة .. يجي يسجل لينا اسمو هنا دا .. قبال ما نجيب (المحبرة) وقلم (الترمسة)..
سودان قديم .. ويااااي
|
Post: #3
Title: Re: الانتخابات قربت اها مصير المنبر دا شنو بعد الانفصال؟؟؟؟؟
Author: 7abib_alkul
Date: 05-04-2008, 11:30 AM
Parent: #2
تيمبس
اها طيب الناس ابان برانيط ديل حاجوا داخلين بتاشيرة والا المنظر شنو
|
Post: #4
Title: Re: الانتخابات قربت اها مصير المنبر دا شنو بعد الانفصال؟؟؟؟؟
Author: tmbis
Date: 05-04-2008, 11:47 AM
Parent: #3
إنت قاصد ياتو واحدين فيهم ..؟
في واحدين برانيطهم دي في راسه في ريشة .. زي النوعية دي بتجي داخله توووشك .. من دون (نوبـه) ..
اهــا
زي المفكرين ديل عايزين مع الريش القايم ليهم دا .. نشوفهم ح يتحفونـا بي شنـو ..؟
المنظراتيه الكبـار كبار فيهم .. ما الصغار
اما الما عندو برنيطه وفوكـه ريشة .. اخير ليهو يسعى ليهو برنيطه من حسع دي .. الكلام دخـل الحوش .. ونحن الواحد فينا راجع الحلة .. لكن شايل معاهو (عقـــال) بتاع جلـد نمر ..
ومن حسع دي اي زول عايز معانـا يدينا مقاس دماغو .. والما عندو راس اخير ليهو يجهز ضهـرو ..
|
Post: #5
Title: Re: الانتخابات قربت اها مصير المنبر دا شنو بعد الانفصال؟؟؟؟؟
Author: ALZOLZATOO
Date: 05-04-2008, 12:08 PM
Parent: #1
ياحبيبنا ،،،
لو تم الانفصال لاقدر الله
ح نفصل البورد زاتووو نص سودانيز اون لاين والتاني سودانيز اوف لاين
بس ماتسالني الاوف لاين ده الفوق ولا التحت هههههه يكه
زاتوووووو
|
Post: #6
Title: Re: الانتخابات قربت اها مصير المنبر دا شنو بعد الانفصال؟؟؟؟؟
Author: ابو جهينة
Date: 05-04-2008, 12:17 PM
Parent: #5
حبيب الكل
سلام
من الملاحظ أن حبيب الكل و تمبس و زول ذاتو كلهم من دفعة 2002م .. و أنا الدفعة ال بعدهم طوالي في 2003م .. يعني كلامي هنا حيكون زى كلام ملازم ثاني مع ملازم أول...
نجي للموضوع يا عزيزي حبيب الكل
لو حدث الإنفصال لا قدر الله .. على الأقل فلنترك اللحمة و الوشيجة هنا في المنبر .. فلنتركه يتحدث بإسم السودانيز كلهم .. فربما ساعد على الوحدة مرة أخرى ... تفاءلوا الخير تجدوه
دمتم جميعا
|
Post: #8
Title: Re: الانتخابات قربت اها مصير المنبر دا شنو بعد الانفصال؟؟؟؟؟
Author: Fadl Karrar
Date: 05-04-2008, 12:51 PM
Parent: #6
| Quote: الانتخابات قربت اها مصير المنبر دا شنو بعد الانفصال؟؟؟؟؟ |
الإنفصال دا بعد الإنتخابات واللا بعد الإستفتاء
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لعن الله العجلة
|
Post: #7
Title: Re: الانتخابات قربت اها مصير المنبر دا شنو بعد الانفصال؟؟؟؟؟
Author: عبدالله كع
Date: 05-04-2008, 12:50 PM
Parent: #1
حبيب الكل ..
تمبس
ابو جهينه
تحيات لا حدود لها ..
| Quote: لو حدث الإنفصال لا قدر الله .. على الأقل فلنترك اللحمة و الوشيجة هنا في المنبر .. فلنتركه يتحدث بإسم السودانيز كلهم .. فربما ساعد على الوحدة مرة أخرى ... تفاءلوا الخير تجدوه |
لافض فوك يا ابو جهينه ده الكلام ...
برانيط تمبس البريش والبدون ريش دي بجيب كلا كتير ما ليهو اول ولا اخر 
|
|