تزرعوا فى الوهم !!

والله حيرتونا ، قال شنو سامى الحاج حضن البشير وعبدالرحيم محمد حسين وقوش ، وكان مبسوط معاهم ، والله ليهو حق ينبسط منهم ، الوحيدين السكو قضيتو دى سرا وعلانية لغاية ربنا ما فك اسرو ، وربنا ليه الحمد والمنة وعقبال ما يكتب الفرج لباقى شبابنا ، الجوه الحبوس فى السودان ولا طرف امريكا ،
الزملاء المعارضين الشايلين امواسهم ساى ديل اخير ليهم يلزموا الجابرة دى ، منو من قيادتكم فتح خشمو مع الامريكان ، ما سلفاكير ومنى اركوى وغيرهم عملو الدرب ساساكة لواشنطن فى راجل منهم جاب سيرة سامى الحاج ولا هبب لاخوانو .
ولو ما عارفين نكلمكم الحوار بشان المعتقلين فى كوبا من اولادنا شغل كبار على عثمان اشتغل فيهو وقوش اشتغل فيهو ونافع اشتغل فيهو ، هسة لمن ربنا جاب الفرج عاوزين سامى والمعاه يعملو شنو يعنى ، يشتمو الحكومة وما يسلمو على ضيوفهم فى بيوتهم عشان تطلعوهم مناضلين وتحتفلوا بيهم ، انتو زاتو تعالوا هنا مالكم مال سامى الحاج وسجون امريكا والانقاذ ما انتو برضو عندكم سجون وعندكم اوامر قبض ما تبقو رجال كان وتطلعو لسان الدين الخطيب ووليد التوم من ارتريا القريبة ، وعشرات الشباب زيهم ، وبالمناسبة كيزاننا بسجمهم ورمادهم دا هسة شغالين عشان كل السودانيين المخمشوين فى ارتريا يجو راجعين .
يا جماعة عليكم الله ما تبقو ناس انفعالية والواحد قاعد بمص ليهو فى عصير تفاح وضارب الترطيبة وعاوز ينصب نفسو مالك صكوك البراءة والوطنية وهو ما ناقش ابو النوم ..

و هم " الكبار" ديل علاقتهم بال CIA كانت علاقة نسب و حسب
ولا علاقات بسبب القبح المشترك المتبادل هنا و هناك! .. { علاقات شيطانية}

مبسوط من الإرتباط ده آ ..!

الأخ محمـد حامـد جمعـة،

أؤكد لك مافى معارضـة لنظام الجبهـة.. وحكومـة الجبهـة لما يئست من المعارضة، قامو
عينوا معارضين منهم.. واحدين أدوهم سلاح زى خليل إبراهيم، وواحدين سياسيين ساكت.
الأحزاب كلها دخلت الحكومـة وعاملـة عندها سند كوادر يحمى ظهرهـا!! وديل طلعو مثل
كلب الحنكوش، يقول ليك (هـو!) ويقعـد يحرك ضنبو يمين شمال.

أنت من زمن الزراعـة،

الناس بتحصـد ياخ..

((يا جماعة عليكم الله ما تبقو ناس انفعالية والواحد قاعد بمص ليهو فى عصير تفاح وضارب الترطيبة وعاوز ينصب نفسو مالك صكوك البراءة والوطنية وهو ما ناقش ابو النوم ))
تسلم يا ودجمعة على هذه البوست الرائع ولكن بعد شوية مؤكد تماماً دخول الجعجاعيين والمطبلاتية والمرتزقية سيتحول بقدر قادر على ان سامي كوز وانه لو ما كوز ما زاره البشير ونافع ونس سلفا ومني ما عندهم شغلة بيه العندهم مكفيهم وما شاكل ذلك
تسلم يا سيد وتشكر كذلك على هذه الايضاح وكثرة الشرح تفسد المعنى

مسكين هذاالسامي

ربما لو كان يعرف بهذه (الهيلامانة) لطلب من كابتن الطائرة الهبوط فى نفس المكان الذي إعتقلوه فيه

دعوه وشأنه ...