السنى الجميل لندن قال ما ورونى حاجة لغاية هسى البرنامج كالاتى نقوم الصباح على جرس التلفون ننوم الساعة سبعة صباحا ضحك وونسة نفكر فى المرقة الناس تجيك الليلة صحانى قاسم نصر من السويد كالعادة ضحكنا لمن شرقنا الضحك امس كان معانا منى عوض خوجلى ، وعصمت العالم انت عارف الونسة كلها المنبر وناس المنبر وبقينا زى الاهل مالاى سبب لكن المنبر قرب المسافة بين الناس وعرفهم على بعض عنى لمن جيت هنا ما جونى غير بنات خالتى صفية اخوات اسياوبنات عماتها (واسرهم) الباقى ناس المنبر ماجدة عوض خوجلى ،محمد ابوقصيصة وعزالدين وهسى اليوم منتظرة القلب النابض يعنى بالطريقة دى الزول ما حيشوف اى حاجة واسيا تشيل وتطمن فينى ـ يا بت خالتى كلها فى يوم حنشوفا من اولها لاخره ما تشيلى هم وما شايلة هم لانى سعيدة بوجودى بين الناس السمحة دى
يا كيكى ياخ انت عارف سبب طفشتى من الدوحة شنو؟ لانها مافيها باصات ولا مترو يعنى الخلق دى كلها سايقة عربات خاصة وشوية تكاسى يا كيكى انت عارف اختك ما بتسوق شفت بعد الفصاحة دى كلها ما بسوق لانه عندى فوبيا مش اسيا كانت بتسوق الباص(ابو دورين) ومع كده عندها فوبيا من السلم المتحرك اول حاجة لفتت نظرى فى الدوحة خلوها من محطات الباصات قلت يا حبيبة دى ما بلدك اتخارجى اها لمن جيت هنا ياخ فرحت فرحة قطر ما قطر باص ما باص الناس قاعدة فى القهاوى الحياة جارية بايقاع حلو خلاس اها اقعد ليكم فى الدوحة دى كيف؟ ودا بالمناسبة سبب زعلى من السودان لانهم لغوا الباصات عليك الله نحنا مش قاعدين نغتال فى بلادنا؟ نلغى السكة حديد،والباصات المحلية حقت المواصلات ليه ؟مالا؟عيبوا لى القطر والباص
مصطفى بشار القال ليك منو البحوم فى الليل حرامى؟ هسى الفنانين ديل كيف؟ مش بحوموا الليل والزهاد العباد؟ اها نحنا العباد ديل اول السفر دا ما عبادة؟ اجمل حاجة فى الدنيا انك تسافر حتى لو تسافر دون رضانا
ياسلام على لندن وناس لندن من ما وصلت وهاك يا ترحيب والسبب انه اسيا زولة جميلة وبتحب الناس هدى العباسى صديقة العمر الجميل كانت اول زول فى المطار لانه اسيا بتخاف من السلالم البتمشى شفتو كيف ؟ اول ماصادفنى فى المطار طائرة مكتوب عليها(للاعبى الفريق القومى) طبعا لكرة القدم وصلت وكلى دهشة من المدينة العريقة شوارع ماشه يمين وبيوت زى بيوت السكة حديد زمان وكوزموبوليتان فى اقصى تجلياته وهسى البيت مليان ضيوف
سلامات وعوافي حمدا لله علي السلامة اها يا استاذة اسيا ما قلتي راجعين .. انتو راجعين بي بص كنانة والا شنو ..هاهاهاها.. اسمعيني قولي لي استاذة سلمى قال ليك ودرملية مشتاقين ..
ود رملية ازيك ود امى عارف اسيا قامت خلت لى البوست حردتو لى بخشم الباب وزعلت لكن برضو ولا يهمك وبرضو مشتاقين طال علينا فراقكم والله يا غايبين قدرما ننسى العلينا برضو مشتاقين عارف الغنية دى لمن اسمعها بتلبش خاصةلمن يقول كيف تفارق الضفة والنيل هان عليك او لمن يقول الخدود الشاربة من لون الشفق عند المغارب ديل خدودك سيدى سيد الناس ويا سيد الحبايب العيون طرتنى زول من اهلو غايب والشعرفى كتيفو اتهادل سبايب احب هذا الاسماعيل حسن ومحمد وردى الذى اشاد لحنا على مستوى الاهرام فى هذه الاغنية وعثمان مصطفى الذى خلد هذا اللحن تسلم ود امى
يا خليفة لندن جميلة لكن اجمل مافيها الحميمية البيوت العتيقة الشوارع المزدحمة الحياة المنسابة كنهر التيمز لمن تعاين للخريطة تحس انك على مشارف عالم تدخله لاول مرة لم اشهد الضباب حتى الان فهذا هو الصيف لكن حاكتب عن المدينة بعد مشاهدتها كاملة
ياصحافة تسلم حبيبنا والله يديك العافية وتزور لندن بلد جملة واهلها جميلين خاصة السودانيين اتمنى ان تزورها لجمال يغمرها بمتاحفها وشوارعها العتيقة وتكاسيها وباصاتها ام دورين لكن تاكد انك ما حتشوف انجليزى حايم كل الناس اجانب فكرة لذيذة استعمار مقلوب
Post: #18 Title: Re: سلمى سلامة و الاشواق ... ربنا يوصلهم بالسسسسسسسسلامة Author: كمال سالم Date: 05-04-2008, 10:52 PM Parent: #1
حمد لله على السلامه ياسلمى , أوربا كلها نورت , بس لازم تخطفى رجلك مع منى خوجلى وتشرفينا فى الدوحه , ماتنسى تزورى قريبى صلاح حسن أحمد وتسلمى عليهو . أسيا ربيع إنتى ذاتك موجهين ليك دعوه تزورينا فى الدوحه , وطبعا إنتو ياخواجات مابتحتاجوا لى أى تأشيرات , تدخلوا ساى , عاملين جوازتكم السمحه دى ,, كتير التحايا ,,[/B]
كمال سالم من الليلة انت صحبى جدا لانى بموت فى كتابة زول اسمه صلاح حسن احمد رغم انى ما لاقيتو لكن ياخ دا زول من اجمل الكتاب السودانيين فى الدراما والقصة القصيرة امسك عندك موسى ود السرور دى من اعظم المسلسلات الاذاعية لغاية يوم الدين القصة القصيرة عصفورة انجليزية من امتع القصص القصيرة للابد زول ما عادى فلو دا قريبك تبقى اسعد زول واتمنى انى الاقيهو لانى بحب كتاباته جدا لكن حكاية اجى الدوحة دى صعبة شوية بلدكم ما فيها باصات ياخى ناس مفلهمين وعندهم قروش كتااااااااار ما عملوا حساب للناس المتلنا عشن كدى زعلانه وحردانه الدوحة
Post: #19 Title: Re: سلمى سلامة و الاشواق ... ربنا يوصلهم بالسسسسسسسسلامة Author: Adil Osman Date: 05-04-2008, 11:07 PM Parent: #1
منى يا منى ياخ كان يوم من اجمل الايام يا الهليت فرحت قلوبنا واطريت الليلة وجيتنا نور بيتنا وحقيقة كان يوم سعيد وكانه عيد يا حبوبة الجميلة تسلمى ويسلم عمرك وتجى بالسلامة
معروف سند عارف حكاية انه الزول يعمل حركة سوميتا دى كانت مكلفة لاسرة ما فى مكان ما فى العالم الزول وصل زوجته المطار وما صدق انها مشت الحياة دورت بشكل تانى قومى يا الطيارة اتلغى وتعالى يا ست البيت ولقت ليك القيامة قايمة طلقنى ما طلقنى اتطلقت هسى نبقى لى جنس دا ؟ تسلم يا حبوب
Post: #58 Title: Re: سلمى سلامة و الاشواق ... ربنا يوصلهم بالسسسسسسسسلامة Author: سلمى الشيخ سلامة Date: 05-08-2008, 11:52 AM Parent: #22
حمد يا حمداسماعين كيفنك ود امى ومالك قاطع الحركة النشكى ليك اصحابك ناس الموسيقى ولا زول منهن ما جانا مش عليك الله يخثى عليهم؟ لكن عارفة الغايب عذرو معا ومع كل كنت مؤملة الاقيهم بعدالسنين الطويلة من الفراق امكن المرة الجاية نتلاقى كان مد الله فى الايام
لكن قلت لى نشحم الحيطان؟ عارف حكاية الشبه بنى وبين اسيا واحد من اولاد اختها وفاء جا بيت اسيا كنت قاعدة اول المدخل الولد سلم على ومشى قعد اسيا قالت ليهو ـ جدو (اسمه ربيع )ليه ما سلمت على ؟ انقر ما اتهجم وقعد يتلفت بيناتنا قامت اسيا قالت ليهو ـ دى تومتى جات من امريكا انقر ما صدق ؟
سوميتا اصبرى لامن اجى بالدرب ياالممسوخة عارفة زمان كنا لما امى تسافر وابوى يمرق الجامع يا حبة بنعك لك عكة اول حاجة بننضف البيت الحوش الكبير داك ببقى نضيف ونرص ليك السراير زى كانه فى مسرح ونبدا نعمل برنامج مسرحى وغنائى كل المخدات بتشتغل جيتارات والكمش كمنجات والازياء بنجيب هدوم ابوى نلبس هدوم الرجال منها ومن هدوم امى بنعمل ازياء النسوان ياخ مسرحيات وغنا وجو بكون لطيف لكن لا بنكسر عدة ولا بنتشاتر خلاس بس ارجينى لمن اجى واموص ليك الفطيرة
Post: #25 Title: Re: سلمى سلامة و الاشواق ... ربنا يوصلهم بالسسسسسسسسلامة Author: انعام حيمورة Date: 05-05-2008, 09:35 AM Parent: #1
الف حمد لله على السلامة يا سلوم ...
وبختكم يا ناس لندن يعني هسى منى خوجلي دي ما تمشي الدوحة ولا القاهرة ولا شنو يعني ..
اسوية عليكم الله استمتعوا لينا معاكم .. انا كان ربنا هون ماشة القاهرة ..
سوميتة انتي لذيذة ياخ اتخيلت منتظر البيت بعد الحفلة شكلو حا يكون شنو!!
انعام حيمورة ازيك بت امى وحات الله منى دى كان الزول قال ليها ما تمشى معناها امشى راسا زى الحجر لكن زولة عسولة جدا وحميمة جدا انسانة ما تتخيلى مقدار جمال روحها قدر كيف المهم يا زولة لندن ما سمحة ولاحاجة غيرنا راينا مش حرين ؟ لاوالله بهظر غايتو ما شفت جنس حاجة فيها غير ناس سودانيز اون لاين بث
Post: #26 Title: Re: سلمى سلامة و الاشواق ... ربنا يوصلهم بالسسسسسسسسلامة Author: mustafa bashar Date: 05-05-2008, 11:44 AM Parent: #1
الاستاذة سلمي الشيخ تحياتي وسلاماتي حمدالله الف علي السلامة وجيتا جيتي ولندن منورةّ بيك وكده تحياتي تتواصل
معتصم محمد صالح اولن شى شكرا ليك على المكالمة امس كانت عندنا حفلة فضلة خيرك لذيذة جدا غنى لينا ياسر مبيوع وانبسطنا غاية الانبساط لكن كلها جكس وجكس لطيف جدا وطلعنا من الحفلة لقينا ليك برد ما حصل لاننا لمن وصلنا مكان الحفلة كان الحر مبالغ فيهو واتفاجات طبعا انه المحلات فاتحة والباصات شغالة اصلو بعيد عنك فى البلد القاعدين فيها فى امريكا دى الساعة تمانية كل قردا طلع شجرتو وركبنا البص ابو دورين اول مرة طبعا دا البص الكانت بتسوقو اسيا ظاتاقبل الحادث عالم عجيب لكن ما اظن اقدر اعيش فى البلد دى نحنا ناس قرى ساكت وديل ناس مدن
غايتو يا محمد خليل سانى او اول ما بيناتنا لكن بالجد رحلة كانت بايخة بياخة مملة وطويلة وبالجد كنت خايفة اول مرة اخاف فى رحلة طويلة رغم انى مفروض اكون اتعودت لكن تقول شنو فى الخرف؟ اول ما جيت اخوات اسيا سالونى ـ اها الرحلة طولها كم ؟ فقلت ليهم ـ كان سبعين كان سبعتاشر ساعة مش قلت ليك مملة الطيارة زاتا خدماتها عجيبة ياخ فى طيارة المضيفات (رجال ) ليه ؟دى طيارة كيزان ؟ وشينين كمان ولا زول ببتسم ليك مافى عارف المرة الفاتت سافرت بالقطرية والاماراتية واحلاتن المضيفات واحلاتا الطيارة ظاتايا قول هشام هبانى هسى دى رجال وشينين ليه يعنى ؟ ولسه القصة ما تمت
ضياء مرغنى معليش ياخ ما حاقدر اجيكم لكن اتفقت مع منعم شوف انه حنعمل شغل لمجدى النور عليه الرحمة وحنجيكم نقعد لينا كم يوم كده فى حضرة بلادكم قصرت معاكم ؟
يا محمد على الملك ما تنمغس جاياكم فى القريب العاجل كان الله هون عشان لازم نتلاقى ولازم كمان اشوف فردتى رؤوف مسعد خليك قاعد ومنتظر لانه كان قلت ليك خليك واقف منتظر حتطول القصة مش؟ تسلم اخوى ونتلاقى فى ساعة خير
Post: #35 Title: Re: سلمى سلامة و الاشواق ... ربنا يوصلهم بالسسسسسسسسلامة Author: محمد على طه الملك Date: 05-05-2008, 05:25 PM Parent: #33
ممغوسين يا آسيا .. لكن برضو بنقول حمد الله علي سلامة الوصول لسلمي.. يمكن .. مين عارف؟ كل أمنياتي لها بإقامة سعيدة .
عبد الله الشيخ يا الهى زمن طويل ورفقة كانت جميلة الايام الجريدة السياسة وعثمان كباشى وكمبال وعالم كان جميل شكرا ليك اننا لسه فى البال وتحياتى لعثمان كباشى
Post: #36 Title: Re: سلمى سلامة و الاشواق ... ربنا يوصلهم بالسسسسسسسسلامة Author: Adil Osman Date: 05-05-2008, 08:24 PM Parent: #1
سلمى الجميلة سعدت بالتحدث اليها اليوم بالتلفون. مشيت المدينة يا سلمى زى ما قلت ليك. لقيت الاعلان الظريف ده فقلت اوريك ليهو
... .. بت ربيع الشيخ سلامات باللنقليزي اللزيزي . ياربي جيت قبل المطار .. و للا القطر .. . حاجه فيك .. . طبعا يا هازااته ... الضحكه زاااته و فرحتو . متكيف ليكم . لاكين .. . اعملي حسابك ما تقول ليك مسرح و شنو ما عارف . البت دي سواقت بصات . و متصوره مع المسدس . صور تذكاريه .. . كان ما ضربتو لي عنتر . بكلم سوميتا . و الدول المجاوره ..
خطاب يا جدو كيف مريود؟ وكيف انت فرحان مش ؟ والله زاتى فرحانة ليك لكن عنتر اخوى دا ما عارفة اسيا عندها تلفون ليهو ولا لا لكن بنحاول هسى بدينا العد التنازلى للعودة واحشانى البت المفعوصة
البنت الشربت موية النيل الازرق كحل عينها كساها سواد وسمارة لون الابيض بيض قلبها ذاب في الدم سكر وليمون كيف مايكون البنت الشامخة بين الناس رحبة ومتسامحة
يا صديق الموج وحات الله مافهمتك اول مرة تجلى ؟ مش انت بالجد ما فهمت ليه ما نطلع سوا ؟ وهو الكاشف اخوى بدون كلامك دا نادر يطلع داير تبوظ لينا الخطة ؟ مستمتعين بالونسة جدا عارفاك داير تتونس معانا لكن حندوكة
يا خدر ياخ اول حاجة زعلانة شديد لانى لغيت البرنامج المهم امس اتكلمت مع منعم شوف واتفقنا حنتلاقى شهر اغسطس حيكون فى شغل مشترك بيناتنا توثيق اعمال مجدى النور وحتكون فعالية دايرة شغل وتحضير شفت كيف؟ بنتلاقى
هسى المقاشيش ارضا سلاح والزعافات برضو تمام يا فندم
النحكى ليك يا ماجدة امس كان الشباب عاملين جلسة استماع قمنا مشينا جينا راجعين بعد الساعة اتناشر قعدة واحدة لغاية سبعة صباحا وصحية من الساعة حداشر ما وزنت لسه حكاية فارق التوقيت اسوى ليكم شنو ؟ مش مفروض نتلاقى ؟
ابو الزوز يا خدارنا يا الكنت دارنا انت فى حبك ودارنا انت غيرك مافى راحة الاغنية دى بتذكرنى سمية حسن وزينب الحويرص ليه ما بعرف وامكن عشان كده بحبها النعمنهن ديل فرداتى وعاين الدنيا شتتنا كيف ؟ لكن يا ابو الزوز كنت مشتاقة الاقيكم لكن يبدو لى التوقيت كان ما مظبوط عموما بنتلاقى كان الله مد فى الايام وشكرا على التلفونات اللذيذة والونسة (نص المشاهدة )
Post: #81 Title: Re: سلمى سلامة و الاشواق ... ربنا يوصلهم بالسسسسسسسسلامة Author: Adil Osman Date: 05-08-2008, 02:34 PM Parent: #1
Quote: عادل عثمان اول حاجة شكرا على التلفون الممتعة ونستو لكن انتو ناس بخيلين ياخ ما تزورونا
لو بايدى كنت طوعت الزمن يا سلمى. انا فى مدينة تانية والشغل كمان. مافى فضا الا السبت والاحد. لو قاعدة يوم السبت البعد بكرة ده بجيك. بجيك شايل الفرح
Post: #87 Title: Re: سلمى سلامة و الاشواق ... ربنا يوصلهم بالسسسسسسسسلامة Author: Raja Date: 05-09-2008, 03:51 PM Parent: #86
الحبيبات سلمى وآسيا وناس لندن الجميلين..
سلامات ومحبة.. والف حمد لله على سلامة وصولك يا سلمى.. وبجد حاسداكم في اللمة دي.. وزي ما قلتي لندن ذكرتني بمدني. وبالتحديد الحتة بتاعت السكة حديد جنب مدرستنا في كلية المعلمات..