Post: #1 Title: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 05:53 PM
ايوه ابكر عندو كلام كثير خلاص الليلة.. وقبل ما يقول الكلام لازم (كيتا) وترم ترم وموسيقي وازا وطيور تحلق باجنحة من ورق الورود وترفرف وتقول (وجع وجع الرنين رجع)..!!! داير يسافر عبر التاريخ ويجيب شعر الناس القبيل بتاعين مكر مفرا مقبلا مدبرا معا وناس قفا نبكي وين كده ماعارف وناس كاسا قد شربنا ببعلبكي واخر في القضارف ولا ويين كده ماعارف..!!! ناس فلان بني فلاني الخزعي وعمر ابن كلتوم القريشي وهكذا نقة عربية..!! زنقة ابكر ذكرتني بقصة شهيرة لاحد بلدياتنا ذكر بان العربي في اثناء رغبتك في التحدث به ياتي من الداخل صحيح الا انه يتكلوج عندما يصل اللسان..
Post: #2 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 06:06 PM Parent: #1
وقبل ان يقول لابد من زيارة عبر الزمن القهقهري الي (وادي عبقر) واركانه الشهيرة التي كانت الاعراب تقرض الشعر قرضا وفليقف في احدي الحلقات علي (جنبة) وهو يستمع الي العرب وهم يتحدثون بشعر جزلا عن (عودة الارواح الجميلة)..ويمتع ناظريه من شعر فتي من ارض نجد يخلد سيرة العودة.ولا يمانع وقبل ان يتحول الي حلقة اخري ان يتناول (جعة) من تمور الحجاز حتي تساهم في امتصاص الجرعات التي سيعود بها لكي يقولها في ظل هذا العربي القاسيييي وصعيب من اولو
Post: #3 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 06:16 PM Parent: #2
بعد شفط الكلمات والجمل والصور الشاعرية من افواه شعراء وادي عبقر لابد من زيارة ليلية الي حانات نجد ولملمة جمل موسيقية واصوات نسائية موغلة في الشفاف والرقة تغني كلمات كبار شعراء ذلك العصر البعيد مثل امروء القيس لاعبتها الشطرنج خيلا ترادفت....!!! وهكذا كلمات تخلد سيرة الالفة والوف الكتال ثم قلب صحفة وطي مسافات زمنية ومعانقة عصور هارون الرشيدوسيرة العشاق الكبار وتطفل علي مجلس الهارون حتي تستمع في الليالي الحسان والاغاني التي تغني بلسان الاعراب.
Post: #4 Title: Re: الليلة ابكر عندو كلام كثير خلاص..الا العربي قاسسسي...!!! Author: noon Date: 05-03-2008, 06:20 PM Parent: #2
Quote: (وجع وجع الرنين رجع).
الرنين دة منو???
Post: #5 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 06:26 PM Parent: #4
Quote: الرنين دة منو???
هلا يانون هلا ومشرفة والله سيرة كلام ابكر الكثير العاوز يقولو الا العربي وقف ليهو في حلقو بسال ليك ابكر ولو كلمني بديك خبر طوالللي وبعدين انتو ما تشوفو ليكم زول عمل ليهو رنين تجو تكابسوهو فيهو
Quote: يتناول (جعة) من تمور الحجاز حتي تساهم في امتصاص الجرعات التي سيعود بها
أها ونحنا نعمل كيف؟؟
Post: #8 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 06:31 PM Parent: #6
Quote: أها ونحنا نعمل كيف؟؟
هوووي يا عمار هوووي جعة تمور الحجاز دي ما بقدر ليها الا ابكر بقة منها بدور بحلة كاملة تقوم تهبش معاهو فيها نبقي في واي واي لكن صبرا ستذهب في رفقة ابكر الي جولة مسائية لفريق يهود بني قريظة فقد قيل انهم يتحدثون عربية ذات تون يليق بابكر ان يجازف منه بعض الجمل وياتي بها الي هنا
Post: #7 Title: Re: الليلة ابكر عندو كلام كثير خلاص..الا العربي قاسسسي...!!! Author: اساسي Date: 05-03-2008, 06:30 PM Parent: #4
Quote: زنقة ابكر ذكرتني بقصة شهيرة لاحد بلدياتنا ذكر بان العربي في اثناء رغبتك في التحدث به ياتي من الداخل صحيح الا انه يتكلوج عندما يصل اللسان..
ياخي انت اخبث مني طلعت , وحات الله انا طلعت قدامك شويفع ساكت اطلق صراح البوست ياخي عليك الله كان تصرح وتمرح ان شاء الله ما زنقتي
Post: #9 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 06:35 PM Parent: #7
Quote: اطلق صراح البوست ياخي عليك الله كان تصرح وتمرح ان شاء الله ما زنقتي
هلا يا اساسي وحياتك البوست معسم جنس عسيمة وما قلنا العربي صعب يا اساسي( نبقي )نفك التعسيمة الا الكيبورد بكلوج الكلامات كلوجة شديدة خلاص
Post: #10 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 06:49 PM Parent: #9
وطوي الزمان والمكان لا يزال مدورا حتي يساعد ابكر بالعودة بالدرر والمرجان والياقوت الشعري والاركلوجي من العربي العجيب وهذه المرة سنتقحم مجالس سيف الدولة الحمداني ونجازف ما تجود به اشعار المترددين علي مجلسه ولكن الاضان سترخي الي اشعار المتنبي وابوفراس وخاصة عندما ياتي الي فقرة معللتي بالوصل والموت دونه وفرصة ايضا لابكر في قبقبة المتنبي علي جنبة في اشعاره العنصرية بحق كافور الاخشيدي... ونعود
Post: #11 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 06:57 PM Parent: #10
هنالك اعرابي جزل شعره ولكنه مسخوت انه ابي نواس سنبحث عنه في كل الفيافي والوديان والازمنة ولكن علي ابكر ان يعمل ساتر ولا ينغمس في عوالمه الضاجة باللقاويس والبلبصة وسنسمع الي اشعاره ولا مانع من كاس او كاسين فقط معه اكراما له فقط ثم نتسلح بغزلياته واشعاره الطاعمة ونتركه عائدين محملين ثملين بمالذا وطاب من شعر ..
Post: #12 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 07:10 PM Parent: #11
اللفة والجازولين الاتحرق ده كلو والزمن الاتلفة لفة بكرت ومقابلات الناس الشعراء بتاعين العرب التقيل كل الكلام ده عشان ينطلق اللسان العربي ودايرين نقول (وجع وجع الرنين رجع).. ولمن يرجع الرنين ترجع زهور وتغني طيور وتصدح موسيقي هنااااك وتغرد فيروز ويعزف الرحباني ويعزف سالف كيتا الحان من الغابة الافريقية وتقرع طبول الزولو وتشدو استير اويكي.. ده كلو ابكر عاوز يطلعو في شكل وردة بموشحة بلغة الضاد الا الكيبورد دوما هو من يكلوج الاشياء ولذا ستستمر رحلة البحث علنا نجدها في شعراء العصر الحديث ناس قباني وشوقي وجويدة ونعود
Post: #13 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 07:33 PM Parent: #12
عندما ينطلق العربي القاسي وصعيب عند صديقي ابكر سيقول ان الدنيا كانت كسواد الليل والفيلم شاسته سوداء بها ذرات من الهلل (موغلة في العربيه هلل هذه) السوداء تتحرك تشابه ما يجري في التلفزيون عقب انقطاع الارسال ليلا في سوداننا الجميل في ذلك الزمان. وكان ليلا كموج البحر يرخي علي ابكر يانواع الهموم ويبتلي وبقي مسسسكين خلاص وواقف بعيد يرتجف يعاين في المدي وقابع علي رصيف انتظار المجهول... ............................ هامش 1
Quote: بمناسبة التعداد ....
كان فى واحد زهجان قاعد تحت شجرة أمام بيته ، جوهو ناس التعداد سألوهو ( الأخ من أهل البيت ) قال ليهم ، لا... من كفار قريش !!
Post: #14 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 07:57 PM Parent: #13
هنالك شاعر عربي قافلة معه دوما وله شعر موغلا في الدبرسة والزهج وكرهان لروحه (هو بشار بن برد) لو اتيح في ساعتها لابكر المزيد من المساحة والزمن لحلق له وجلس اليه وجازف منه كلمات من شعره السوداوي بتاع الدشمان الذاتي والهجاء وظللنا به مرحلة الهلل تلك ولكن نحمد الله ان كفانا تبعات التحليق في مدارات بن برد ملك الزهجة والقفلة..وعادالحنين ليفتح نفاجات تحلق صوب الشعر والكلامات الفرايحية
Post: #16 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 08:12 PM Parent: #15
Quote: OR clear up
hi ican not clear up maaaaan العربي صعب يا ابو شيمة وخلينا كدي في البداية بتحاوم في وسط الشعرا والاعراب بتاعين الكلامات وممكن الجولة تجيب ليها مريسة تام زينو وبعد داك ممكن (نفشر القصة)
Post: #17 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 08:32 PM Parent: #16
Post: #19 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 08:45 PM Parent: #18
Quote: وبعدين يا أخي أنينا رتانة
هلا يا ابوشيمة واحنا ذاتنا (رتانة) رطانة ورتانة برضو تبع عوضية رتينة.. وما تشيل هم مافي تيارات لسان بس في عربي صعبببب ضاد تهبشها تطلع ليك (دال).. اصبر لاخوك يفك المعضلة دي وبعدين i will chup chup
Post: #20 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 09:05 PM Parent: #19
بعد مغادرة حقبة بن برد سنهبط هبوط اضطراري في مجالس شعراء هذا الزمان بكل انواعهم المختلفة ومدارسهم المتعددة.. وكما يذهب سيد الرايحة الي خشم البقرة يمكننا الذهاب ولو الي نوعية الشعر الاتي طلتك زهرة اقحوان في بنفسج الدهشة وعلي شاكلة ايضا حضورك مهرجان وقصيدة بلون البن لايضر حضور هذه الجلسات فانها رحلة البحث عن كلمات تخرج ابكر صديقي من زنقته اللغوية الحادة في حضرة عودة الرنين
Post: #21 Title: Re: الليلة ابكر عندو كلام كثير خلاص..الا العربي قاسسسي...!!! Author: Emad Abdulla Date: 05-03-2008, 09:16 PM Parent: #19
Quote: الا العربي قاسسسي
آآآآآآآآآآآآخ يا كراعي يا الله .. يا ربي .. هاهاهاهاهاهاهاهاهاها الله ياخ .. لا حولا .. المصارين ياااااااخي
.... قاسي ؟؟!! .. و الله الليلة يا أبكر .. إلا تقطعوا في حشاك .. و للا كمان .. الدق .
Post: #22 Title: Re: الليلة ابكر عندو كلام كثير خلاص..الا العربي قاسسسي...!!! Author: فيصل محمد خليل Date: 05-03-2008, 09:29 PM Parent: #21
Quote: العربي في اثناء رغبتك في التحدث به ياتي من الداخل صحيح الا انه يتكلوج عندما يصل اللسان..
يا زول انت قاصدني ولا شنو
Post: #23 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 09:31 PM Parent: #21
Quote: و الله الليلة يا أبكر .. إلا تقطعوا في حشاك .. و للا كمان .. الدق .
هلا ياعمدة و عربي ده بعد مرات قاسسسسسي يا زول و ابكر الليلة مزنوق زنقة بوبي في طاحونة فريق زنقو... عربي مافي لكن شويةهرفنة في
.... بعدين اعمل نايم يافردة ما تلم لينا مرجفين المدينة يكرهونا شوية العربي الجازفناهو من ناس عبقر ديل
Post: #24 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-03-2008, 09:35 PM Parent: #23
Quote: يا زول انت قاصدني ولا شنو
هلا يا فيصل ومشتاقين والله وكلنا يا فيصل (سيم سيم بالكربون) من نكات الاصدقاء الجميلة ايام الطفولة عندنا ود اهلنا حبوبتو مشت دفعت ليهو (قروش المدرسة) ومن اول حصة عربي جاء راجع البيت لحبوبتو وقال ليها بالرطانة يا حاجة هوووي امشي شيلي قروشك دي وما تخسريها ساكت انا كلام الناس ده لا بفهمو ليك لاحاجة
Post: #25 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-04-2008, 07:57 AM Parent: #24
الليلة ابكر عندو كلام كثير خلاص..الا العربي قاسسسي...!!!
Post: #26 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-04-2008, 06:38 PM Parent: #25
سيضرب ابكر صوب بلاد الامازيق بحثا عن اللغة وسيرة المنافي البعيدة في حضرة ناس مخائيل نعيمة وجبران خليل جبران فانهم اهل شعر جزل وكلمات سابحة في بحور اللاتيني المخلوط باللبننة التي انتجت في عصرنا هذا المدهشة (شاكيرا) ومنهم سنلملم شعورات وجمل تكتيكة تتيح التحليق في امر (وجع وجع الرنين الذي رجع)
Post: #27 Title: Re: الليلة ابكر عندو كلام كثير خلاص..الا العربي قاسسسي...!!! Author: حليمة محمد عبد الرحمن Date: 05-04-2008, 06:48 PM Parent: #26
Quote: الليلة ابكر عندو كلام كثير خلاص..الا العربي قاسسسي...!!!
عربي مقطوع طاري ...حَرَنْ..
اتلوم عربي دا.. ككيف لابكر العشمان.. فنقل عويناتا كالفنجان..
Post: #28 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-04-2008, 06:54 PM Parent: #27
Quote: عربي مقطوع طاري ...حَرَنْ..
اتلوم عربي دا.. ككيف لابكر العشمان.. فنقل عويناتا كالفنجان
هلا حليمة شفتي عربي لمن يحرن يا حليمة بسوي شنو ابا كلو كلو وقدر ما ابكر جابدو بجاي وجاي ما قدر يطلع منو (كلام دغري) نمشي لي بهنا يجيك بهنا تمشي لي بهناك يجيك بهنا
غايتو جنس قاسسسسسسسسي غايتو عربي ده
والكلام ده كلو عشان صحبي ابكر يقول وجع وجع الرنين رجع
Post: #30 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-04-2008, 09:27 PM Parent: #29
Quote: اعترف عدلت شنو.??.
هييي انتي جيتي..!!! والواحد في البلد دي ما يعدل ياجماعة الخير وبعدين بالله سسسسسسسسسيدا علي البروفايل بتاعك ده وغيري الاسم بتاعك في البروفايل مش كل مرة انا مقبقب وشمارتي شايلين حسها في الاسافير العربية ....... عاوزة تترجمي التعديل ولا الرنين ابو عربي ابا يطلع ده غايتو الشمارات عندكم جنس غايتو ...
Post: #32 Title: Re: الليلة ابكر عندو كلام كثير خلاص..الا العربي قاسسسي...!!! Author: عبدالكريم الامين احمد Date: 05-04-2008, 09:41 PM Parent: #31
Quote: دة بس عشان ابكر يآآآآآآآآآآآآآآآآآآآآآآآمن
هلا يا دكترة وعمنا سالف كيتا دي مش يخلي ابكر ياااااااامن ده ياحبيب بجنن ابكر جن قبورة ويعذبو يخلي ابكر يقتننننننع ذاااتو بالمزيكة الافركاني الجدجد بالطريقة دي ابكرونا ده لسانو بنطلق في العربي ده وحرم تاني بالبوليس ما يقيف:
