Post: #1 Title: ليس للفاتح وديدي من يكاتبه!!!!! Author: مطر قادم Date: 05-03-2008, 02:54 PM Parent: #0
الفاتح وديدي ..او ان شئت قل وديدي فاظن ان الاسم مشتق من المودة والود..واكاد أن أكون قد عرفته تماما فالصديق الغالي الودود ان صح ظني فيك فأنت ذلك الإنسان الفاضل الذي عرفت فيه سماحة النفس والقلب والضمير والذي وهبه الله سبحانه وتعالي القدرة علي العطاء للآخرين بلا حدود ومنحه نعمة القبول لديهم فما يكاد يعرفه أحد أويقترب منه حتي يصبح وكأنه من خاصة أصدقائه الحميمين.... فقط دعها الايام تجود لك به وبمعرفته اذن انت امام احد اهم الاشخاص في دهاليز الحياة وذلك برغم انه شاب في مقتبل العمر وريعانه الا ان تجربته جديرة بالوقوف عندها لما توفرت لديه من معارف ووعي طفقان به ليقدم نفسه اليك كاحسن ماتري وتود.بعدها يترك عندك مالايمكن نسيانه علي مر الزمان ولايمكن القفز عليه انها المنظومة الطبيعية للنفس البشرية بجاذبية وكاريزما لاتخطئهما العين والوجدان السليم. لله در الفتي المجالد في ردهات المعرفة والوعي ناصبا عطائه الانساني ورقيق حاشيته وذوقه وذائقته امام فصيل الاصدقاء من حوله وقد تلخص لي في حرصه الشديد علي شعلة الوعي ..وتوهج المعرفة الذي يحدثه...!! مادفعني لهذا القول غيابه عن المنبر وهو احد الاقلام بالغة الاهمية والضرورة لرفد المنبر في مسيرة قاطرته صوب الاهداف المرجوه. فيا اعزائي الاعضاء واصدقائه فلنكاتبه ونستكتبه فالكتابة من الصلات الطيبة...فياوديدي مدّ لنا وجود لتثري الحياة من حولك بكل ما هو نبيل وجميل وتواصل عطاءك المخلص دوما للآخرين...وسلام يحمل مودة يحمل كلام
منال ووديدي في رحلة البورداب لجبل اولياء واظنهما ينصتان في اطراق للفنان سيف الدين محمد الحاج(سيف الجامعة)
Post: #2 Title: Re: ليس للفاتح وديدي من يكاتبه!!!!! Author: فيصل محمد خليل Date: 05-03-2008, 03:05 PM Parent: #1
قريبي مطر قادم
مسكاقنا
الفاتح وديدي ود حلتنا
ابقوا عشرة عليه
Post: #4 Title: Re: ليس للفاتح وديدي من يكاتبه!!!!! Author: مطر قادم Date: 05-03-2008, 03:19 PM Parent: #2
العزيز فيصل محمد خليل عاطر التحايا
Quote: ابقوا عشرة عليه
من عشرة لغاية ما لانهاية.
Post: #40 Title: Re: ليس للفاتح وديدي من يكاتبه!!!!! Author: محمد حنفي Date: 05-04-2008, 05:56 PM Parent: #4
Post: #55 Title: Re: ليس للفاتح وديدي من يكاتبه!!!!! Author: مطر قادم Date: 05-06-2008, 11:00 AM Parent: #40
محمد حنفي الصور عندك
Post: #3 Title: Re: ليس للفاتح وديدي من يكاتبه!!!!! Author: انعام عبد الحفيظ Date: 05-03-2008, 03:17 PM Parent: #1
Quote: فقط دعها الايام تجود لك به وبمعرفته اذن انت امام احد اهم الاشخاص في دهاليز الحياة وذلك برغم انه شاب في مقتبل العمر وريعانه الا ان تجربته جديرة بالوقوف عندها لما توفرت لديه من معارف ووعي طفقان به ليقدم نفسه اليك كاحسن ماتري وتود.بعدها يترك عندك مالايمكن نسيانه علي مر الزمان ولايمكن القفز عليه انها المنظومة الطبيعية للنفس البشرية بجاذبية وكاريزما لاتخطئهما العين والوجدان السليم. لله در الفتي المجالد في ردهات المعرفة والوعي ناصبا عطائه الانساني ورقيق حاشيته وذوقه وذائقته امام فصيل الاصدقاء من حوله وقد تلخص لي في حرصه الشديد علي شعلة الوعي ..وتوهج المعرفة الذي يحدثه...!!
الفاتح وديدي يأثرك بتهذيبه العالي وهدوئه وإحترامه لنفسه والذي تلمحه دوماً
يدهشني بثقافته العالية ومعرفته العميقة وحسه الإنساني العالي
له مني الود الذي يعلمه
وشكراً يا مطر لإنصافك للرجل
Post: #5 Title: Re: ليس للفاتح وديدي من يكاتبه!!!!! Author: مطر قادم Date: 05-03-2008, 03:26 PM Parent: #3
العزيزه انعام عبد الحفيظ عاطر التحايا
Quote: يدهشني بثقافته العالية ومعرفته العميقة وحسه الإنساني العالي
وديدي ...عيني عليك بارده
Post: #65 Title: Re: ليس للفاتح وديدي من يكاتبه!!!!! Author: مطر قادم Date: 05-08-2008, 03:09 PM Parent: #3
__________
Post: #6 Title: Re: ليس للفاتح وديدي من يكاتبه!!!!! Author: محمد البشرى الخضر Date: 05-03-2008, 03:49 PM Parent: #1
قاعد متجدع في الفيس بوك
Post: #17 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 07:07 AM Parent: #6
محمد البشري الخضر سلام انت متاكد
Post: #7 Title: Re: ليس للفاتح وديدي من يكاتبه!!!!! Author: طارق جبريل Date: 05-03-2008, 04:17 PM Parent: #1
قلنا ليكم اولاد الامتداد ديل وبناتهم سمحين لمن غلت ما صدقتونا
مطر كيفنك وديدي رجل لا تملك الا ان تحبه
Post: #19 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 07:46 AM Parent: #7
العزيز طارق جبريل كل التحايا
Quote: قلنا ليكم اولاد الامتداد ديل وبناتهم سمحين لمن غلت ما صدقتون
المابصدقك داقس بس
Post: #8 Title: Re: ليس للفاتح وديدي من يكاتبه!!!!! Author: الطاهر عثمان Date: 05-03-2008, 04:35 PM Parent: #1
مطر شكرا للبوست ده وما حتصدق يا مطر لو قلته ليك والله قبل يومين ثلاثة بس جاء في بالي وديدي ولاحظت اختفائه له مني التحية والود ... واظهر ياوديدي
Post: #9 Title: Re: ليس للفاتح وديدي من يكاتبه!!!!! Author: Amira Elsheikh Date: 05-03-2008, 08:00 PM Parent: #8
Quote: لله در الفتي المجالد في ردهات المعرفة والوعي ناصبا عطائه الانساني ورقيق حاشيته وذوقه وذائقته امام فصيل الاصدقاء من حوله وقد تلخص لي في حرصه الشديد علي شعلة الوعي ..وتوهج المعرفة الذي يح
مطر قادم..
سلام يغشاك...
دائما ما اتساءل عن غياب وديدى ..
وديدى....
لك فى القلب الكثير الكثر ياصديقى الجميل..
Post: #10 Title: Re: ليس للفاتح وديدي من يكاتبه!!!!! Author: Amira Elsheikh Date: 05-03-2008, 08:09 PM Parent: #9
Post: #21 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 08:13 AM Parent: #10
اميره الشيخ عاطر التحايا والشكر
Post: #20 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 08:03 AM Parent: #8
الطاهر عثمان
Quote: له مني التحية والود ... واظهر ياوديدي
التحايا والشكر
Post: #11 Title: Re: ليس للفاتح وديدي من يكاتبه!!!!! Author: nourelhadi awad Date: 05-03-2008, 08:27 PM Parent: #1
مطر سلامات يازوق من أجمل من قد عرفت هذا الوديدي الودود حد النسمة ظل في الذاكرة رغم معرفتي بذاكرتي التي تهتري كل حين من فعل المحق له القوافي الدندنات شكرا مطر فلا يعرف قدر الرجال إلا الرجال
Post: #22 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 08:23 AM Parent: #11
العزيز نور الهادي
Quote: مطر سلامات يازوق من أجمل من قد عرفت هذا الوديدي الودود حد النسمة ظل في الذاكرة رغم معرفتي بذاكرتي التي تهتري كل حين من فعل المحق له القوافي الدندنات
.....ياسلام يانور
Post: #12 Title: Re: ليس للفاتح وديدي من يكاتبه!!!!! Author: نهال كرار Date: 05-03-2008, 08:36 PM Parent: #1
وديدي
صديق حقيقي لكن من حوله, يدهشك من وجوده المتواصل حول أصدقاءه إهتمامه وإخلاصه الشديد عارفه انه الكلام الزي دا بخجلك ياوديدي لدرجة إنك بتتمنى مافي زول يكتب عنك لكن برضو حنقولوا وحنقولوا .. لأنه من حقك إنك تعرف بإنك شخص مميز بالنسبة لكل من هم حولك من أصدقاء ورفقاء.. محظوظة أنا ومحظوظين كل من أسعدهم الحظ بمعرفتك وصاروا أصدقاءك
ياوديدي والله مشتاقيين ..
________________
شكرا مطر قادم وبتمنى زيك عودة وديدي للمنبر
Post: #24 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 08:31 AM Parent: #12
نهال كرار عاطر التحايا
Quote: وديدي
صديق حقيقي لكن من حوله, يدهشك من وجوده المتواصل حول أصدقاءه إهتمامه وإخلاصه الشديد عارفه انه الكلام الزي دا بخجلك ياوديدي لدرجة إنك بتتمنى مافي زول يكتب عنك لكن برضو حنقولوا وحنقولوا .. لأنه من حقك إنك تعرف بإنك شخص مميز بالنسبة لكل من هم حولك من أصدقاء ورفقاء.. محظوظة أنا ومحظوظين كل من أسعدهم الحظ بمعرفتك وصاروا أصدقاءك
Post: #13 Title: Re: ليس للفاتح وديدي من يكاتبه!!!!! Author: Osama Mohammed Date: 05-03-2008, 08:40 PM Parent: #1
Quote: قاعد متجدع في الفيس بوك
I hope he'll find this post and come back and write ...... this board needs someone like him..
Al Baz
Post: #14 Title: Re: ليس للفاتح وديدي من يكاتبه!!!!! Author: Raja Date: 05-03-2008, 09:08 PM Parent: #13
الأعزاء مطر ووديدي..
مريًت أسلم وأكاتب..
يا ود البشرى إنتا وينك في الفيس بووك؟
Post: #15 Title: Re: ليس للفاتح وديدي من يكاتبه!!!!! Author: عبدالكريم الامين احمد Date: 05-03-2008, 09:12 PM Parent: #14
وديدي شاب عالي التهذيب والالفة وعندما تلتقيه تحس بانك تعرفت عليه منذ الف عام وعام وله مني كل التحايا والحب الكثيف
Post: #16 Title: Re: ليس للفاتح وديدي من يكاتبه!!!!! Author: عصام عبد الحفيظ Date: 05-03-2008, 11:15 PM Parent: #15
Quote: وعندما تلتقيه تحس بانك تعرفت عليه منذ الف عام وعام
,,
وبلاها الصور فهو وديدى
وكما القلب والحياة
وديدى
Post: #32 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 01:19 PM Parent: #16
وديدى
Quote: وكما القلب والحياة
وديدى
ياعصام .......اوجزت فاوفيت
Post: #31 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 12:55 PM Parent: #15
العزيز عبدالكريم التحايا الحاره نصحوني ان الردود والتعقيب علي البوست امرا متعبا وقد تدرعت مهمة شاقة فاما علي بالرد الاجمالي او ترك البوست للاستمرار اتوماتيكيا لان دائرة اصدقاء وديدي ممتدة بلاحدود. وامر الرد عليهم فردا فردا لاقدرة لي عليه ولكني ساحاولــــــــــ
Post: #30 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 12:33 PM Parent: #14
العزيز رجاء كل التحايا والسلام
Post: #25 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 08:36 AM Parent: #13
اسامه محمد كل التحايا والسلام
Quote: I hope he'll find this post and come back and write ...... this board needs someone like him..
انها دعوة اخري...تنتظر وديدي
Post: #18 Title: Re: ليس للفاتح وديدي من يكاتبه!!!!! Author: naeem ali Date: 05-04-2008, 07:19 AM Parent: #1
وديدي... (تعرفت) عليه قبل فتره قليله.. وذلك تبعا لمقياس الوقت المرتبط (بالشمس او القمر).. وكان احد اسباب انضمامي لهذا الوطن هذا ان لم يكن هو (السبب)... الا اني (اعرفه) منذ البرزخ.. اظننا التقينا ذات (حليوه) علي ضفاف الروح وتخامسنا البنابر كان هذا قبل دهشة الماء الاولي علي اليابسه الف عام قبل الطوفان... العظيم.. ثم افترقنا عند تلك الصخره علي امل الالتقاء في الطين...
وديدي.... .. يجدك بخير..
شكرا مطر قادم
Post: #23 Title: Re: ليس للفاتح وديدي من يكاتبه!!!!! Author: abdulhalim altilib Date: 05-04-2008, 08:29 AM Parent: #18
أخي مطر ، تحياتي وتقديري،
Quote: الفاتح وديدي ..او ان شئت قل وديدي فاظن ان الاسم مشتق من المودة والود..واكاد أن أكون قد عرفته تماما فالصديق الغالي الودود ان صح ظني فيك فأنت ذلك الإنسان الفاضل الذي عرفت فيه سماحة النفس والقلب والضمير والذي وهبه الله سبحانه وتعالي القدرة علي العطاء للآخرين بلا حدود ومنحه نعمة القبول لديهم فما يكاد يعرفه أحد أويقترب منه حتي يصبح وكأنه من خاصة أصدقائه الحميمين.... فقط دعها الايام تجود لك به وبمعرفته اذن انت امام احد اهم الاشخاص في دهاليز الحياة وذلك برغم انه شاب في مقتبل العمر وريعانه الا ان تجربته جديرة بالوقوف عندها لما توفرت لديه من معارف ووعي طفقان به ليقدم نفسه اليك كاحسن ماتري وتود.بعدها يترك عندك مالايمكن نسيانه علي مر الزمان ولايمكن القفز عليه انها المنظومة الطبيعية للنفس البشرية بجاذبية وكاريزما لاتخطئهما العين والوجدان السليم.
أخي مطر ، أيها المنصف ،
لم تقل إلا الحق ، فهذا الشاب يمثل الإنسان الحقيقي في أسمى صوره .. وأحسب ود بادي قد قصده عندما قال :
(يمين كل الكلام القلتو فيهو قليل وما قارب عٌشر عٌشرو ..)
شكراً لك إذ تسأل عن أصدقائك وأحبابك ، أحبابنا من أمثال الفاتح ، الذي فتح الله عليه بمحبة الناس له واتفاقهم على أدبه الجم وثقافته العالية وتهذيبه الذي يسمو به لمرتبة الرسل . عرفته وصادقته، فوجدت فيه نعم الصديق الوفي لأصدقائه، المحب لهم. متعه الله بالصحة والعافية أينما كان .
أخي مطر ،
لك وله مطرٌ هتون من المودة والاعزاز .
( ليمو )
Post: #36 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 02:28 PM Parent: #23
العزيز ليمو عاطر التحايا وشكرا علي كلماتك القيمة والعميقه
Post: #33 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 01:39 PM Parent: #18
نعيم علي
Quote: وديدي... (تعرفت) عليه قبل فتره قليله.. وذلك تبعا لمقياس الوقت المرتبط (بالشمس او القمر).. وكان احد اسباب انضمامي لهذا الوطن هذا ان لم يكن هو (السبب)... الا اني (اعرفه) منذ البرزخ.. اظننا التقينا ذات (حليوه) علي ضفاف الروح وتخامسنا البنابر كان هذا قبل دهشة الماء الاولي علي اليابسه الف عام قبل الطوفان... العظيم.. ثم افترقنا عند تلك الصخره علي امل الالتقاء في الطين...
كل التحايا والود
Post: #26 Title: Re: ليس للفاتح وديدي من يكاتبه!!!!! Author: محمد البشرى الخضر Date: 05-04-2008, 09:09 AM Parent: #1
لنا صديقة كتاب وش مشتركة فلقيت دعوة صداقة وش من وديدي طبعا قبلتها بدون تفكير لقيت منو رسالة تاني يوم بقول فيها إنت اي زول يدعوك تقبل طوالي ما بتتقل شوية - او شيئ بهذا المعنى فرديت عليه " هو لكن انت اي زول" و يبدو من هذا البوست انني كنت على حق
Post: #27 Title: Re: ليس للفاتح وديدي من يكاتبه!!!!! Author: محمد عكاشة Date: 05-04-2008, 09:34 AM Parent: #26
ليس لوديدى من يكاتبه.. حليوه شاهده..
Post: #35 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 02:02 PM Parent: #27
محمد عكاشة حليوه شاهده ايضا علي غيابك الطويل عنها وعنا.......فتعال
Post: #28 Title: Re: ليس للفاتح وديدي من يكاتبه!!!!! Author: عادل عوض بلال Date: 05-04-2008, 09:38 AM Parent: #26
دائماً سطور الشكر ما تكون في غاية الصعوبة لأنها تشعرنا بقصورها وعدم إيفائها لمن نكتب له هذه السطور ...وخاصة إن كان صاحب هذه السطور هو الأخ الفاتح وديدي .. هذا الفتى الذي ما إن تطرقت إلى جانب من جوانب حياته إلا وجدتها ينبوع العطاء المتدفق بالخير . فهو أخ عزيز وابن حارتنا المتفردة بمربع 13 وهذا ماجعلني أعرفه عن قرب وخاصة جانبه الاجتماعي فهو كما يقول أهلنا الكبار "إنسان ذو مروة" فهو مفخرة للإمتداد عامة ولمربع 13 خاصة .. أتمنى أن يعود ليتحفنا بكتابته .. فلك التحية والود.
عادل عوض بلال
Post: #37 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 03:01 PM Parent: #28
الاخ عادل عوض كل التحايا والسلام
Quote: وعدم إيفائها لمن نكتب له هذه السطور ...وخاصة إن كان صاحب هذه السطور هو الأخ الفاتح وديدي .. هذا الفتى الذي ما إن تطرقت إلى جانب من جوانب حياته إلا وجدتها ينبوع العطاء المتدفق بالخير .
نشاركك الامنيات بعودة وديدي......وحديثك الطيب
Post: #82 Title: Re: ليس للفاتح وديدي من يكاتبه!!!!! Author: مطر قادم Date: 06-05-2008, 04:57 PM Parent: #28
***
Post: #29 Title: Re: ليس للفاتح وديدي من يكاتبه!!!!! Author: Ibrahim Algrefwi Date: 05-04-2008, 10:59 AM Parent: #1
...
عبداً منسى ونسوه ، والخلان حسسوه
...
Post: #39 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 03:41 PM Parent: #29
الجريفاوي الا رحم الله فنان السودان الكبير العميري مبدعا في الغناء وفي المديح فقد كان نجم وعلق في سماوات الغياب رحل باكرا مخلفا ارثا فنيا عظيما خالد في وجدان شعبه (النومسوه) ...اي من اتيحت له النواميس الكبري ...نبينا وعلي الخلوق ريسوه الجريفاوي قفلوا .. الطاش.... فلسوه المدحة دي لازم تقوم بادائها لنا في رحلة البورداب القادمه او اجتماع البورداب الاسبوع القادم ايهما اقرب...!!!!!!!!!
Post: #34 Title: Re: ليس للفاتح وديدي من يكاتبه!!!!! Author: ناهد بشير الطيب Date: 05-04-2008, 01:56 PM Parent: #1
الاخ مطر...... تحياتى الخالصه لك وانت تتفقد احبابك .....
الاخ الفاتح وديدى كان مشرفا لموقع منتدى الخرطوم الجديده فى العام 2001 اعتقد ان لم تخنى الذاكرة الخربة.....وكنت احدى عضوات المنبر و لقرابة العامين تقريبا....ولكن الموقع لم يحالفه الحظ ويستمر.....رغم انه كموقع كان موقعا قويا ولطيفا .....ويجمع بين مجموعه من الشباب والكتاب والكاتبات الرائعات... وكان الفاتح وديدى وخالد عطا والشاعر الصادق الرضى ...وابراهيم برقوم من اعضاءه المميزين .....وعدد من الاسماء لم تحضرنى الذاكرة بهم ......
له كل الود ووالتقدير ...........اينما كان....
وحقيقة نتمنى ان نرى الاستاذ الفاتح وديدى مرة اخرى ......
شكرا مطر.....شكرا كل الاخوان والاخوات المتداخلين
Post: #38 Title: Re: ليس للفاتح وديدي من يكاتبه!!!!! Author: مطر قادم Date: 05-04-2008, 03:24 PM Parent: #34
الاخت ناهد بشير الطيب عاطر التحايا لا اعرف المنتدي لكن عرفت بعضا مما اوردت اسماءهم اما الخرطوم الجديدة المدرسة فقد تخرج فيها وديدي في او بعد2001 ومنها الي جامعة الجزيرة ومازال علي درب المعرفة الشاق يسير. وعمل لفترة مدير التحرير لمجلة اوراق جديدة وهو ماض في حقل الصحافة حتي اشعار اخر. وشكرا علي المرور والتعليق
Post: #41 Title: Re: ليس للفاتح وديدي من يكاتبه!!!!! Author: Ahmed musa Date: 05-04-2008, 08:57 PM Parent: #1
Quote: وديدى....
لك فى القلب الكثير الكثر ياصديقى الجميل..
الللااااااااااه يا بت الشيخ مالك دايرة تكرهيني الزول ده ... ههههههههههههههه مطر أخوي ..... أنا صاحبي وديدي ده محيراني فيهو حاجة واحدة .........عندوا قدرة على الإبتسام ومحبة الآخرين بتاعة قبيلة كاملة .... أوأكثر .بس !!!!
Post: #42 Title: Re: ليس للفاتح وديدي من يكاتبه!!!!! Author: مزن ابوعبيدة النيل Date: 05-04-2008, 09:10 PM Parent: #41
يا سلام!!!
دة وديــــــــدي
و الكلام وقف!!!
Post: #44 Title: Re: ليس للفاتح وديدي من يكاتبه!!!!! Author: عمرو كمال ابراهيم Date: 05-04-2008, 09:59 PM Parent: #42
مطر
عرفتك مع وديدى
وصرت صديقا وحبيبا
هكذا هو وديدى
ترى كل من حوله أصدقاء لك ومعارف، كما لو مرت عليك معهم سنوات وأمتزجت بذكريات وحاكتها إلفة ومودة وغمرتها طمأنينة حانية
كل من يعرف وديدى يعرف الخير والجمال والهدوء
يعرف الحب
والرحمة
والقلب الكبير، بكبر قامته وسمو هامته
والتواضع والأدب الجم
وألأدب سمة ضافية على شخصيته.. أدب فى السلوك والرقة
وأدب ومعرفة
فالرجل موسوعة تمشى على ساقين
كثيرا ما أكون بصحبة بعض الأصدقاء فيصعب على أمرا
أو أود التعرف على شخص ما
أو معلومة محددة
أو رأى سديد
فمن لى غير وديدى ألجا إليه صادقا طائعا قانعا بالسؤدة والرجحان
ومن غزارة معرفته تكاد تحسبه فقير
وهو كذلك ...
فقير من التعالى والتكلف والتباهى
والتناطح بالكلمات.. وبصق المعانى والمعارف
فهو يضع بين جنابيه ما يكاد يفيض علينا.. ويغمر
ولكن يمتعك بما يحمل من معرفة دون سابق إشارة
يضع لك الأمر كما تود وبهدوء يختلس لحظة ما ويفيدك بما لديه دون ضجيج
Quote: عارفه انه الكلام الزي دا بخجلك ياوديدي لدرجة إنك بتتمنى مافي زول يكتب عنك
كلامك صح... انا فكرت فى القصة دى ايام كان فى القاهرة لانو عارفة ما برضى وبيتحسس
قلت هو بعيد.. وممكن نتكلم ... ويرجع كمان للكتابة
لكن عشان اتناقشت كتير معاه وقفت من التنفيذ
لكن مطر كسر القاعدة
تحياتى يا مطر... وانت تخترق صمت الكثيرين، لرقة الرجل ورهافته، وتجعلنا نعبر عن بعض ما لدينا له
يا وديدى.. يا وديدى .. ويا يا يا وديدى
Post: #53 Title: Re: ليس للفاتح وديدي من يكاتبه!!!!! Author: مطر قادم Date: 05-06-2008, 10:11 AM Parent: #44
الصديق عمرو كمال تحياتي ومودتي وتقديري ماكنت عارف....لكن لقيتك...ولو كنت عارف كان خليتك كتبت البوست انت....يا الهيييي.
Post: #59 Title: Re: ليس للفاتح وديدي من يكاتبه!!!!! Author: عمرو كمال ابراهيم Date: 05-06-2008, 07:57 PM Parent: #53
Post: #52 Title: Re: ليس للفاتح وديدي من يكاتبه!!!!! Author: مطر قادم Date: 05-06-2008, 10:01 AM Parent: #42
العزيز مزن ابوعبيده
Quote: يا سلام!!!
دة وديــــــــدي
و الكلام وقف
ومشي كمان!!
Post: #43 Title: Re: ليس للفاتح وديدي من يكاتبه!!!!! Author: ودرملية Date: 05-04-2008, 09:54 PM Parent: #41
سلامات وعوافي وديدي .. نسمة .. ومثقف واعي ... مجنون في الكتابة .. بالرغم من انه مقل "الا انه صاحب الصمت الولود" .. لك المودة يا فاتح .. ولك المودة يا مطر .. معزتي الشديدة
Post: #45 Title: Re: ليس للفاتح وديدي من يكاتبه!!!!! Author: عصام عبد الحفيظ Date: 05-04-2008, 10:05 PM Parent: #43
Quote: لكن مطر كسر القاعدة
جنس كسر يا عمرو
Post: #48 Title: Re: ليس للفاتح وديدي من يكاتبه!!!!! Author: عمرو كمال ابراهيم Date: 05-04-2008, 10:22 PM Parent: #45
Post: #46 Title: Re: ليس للفاتح وديدي من يكاتبه!!!!! Author: عمرو كمال ابراهيم Date: 05-04-2008, 10:07 PM Parent: #43
Quote: بالرغم من انه مقل "الا انه صاحب الصمت الولود" ..
ود رملية
قصدك الصمت الودود
صح؟؟؟
Post: #47 Title: Re: ليس للفاتح وديدي من يكاتبه!!!!! Author: ودرملية Date: 05-04-2008, 10:22 PM Parent: #46
سلامات وعوافي ياعمرو كيفك "يادفعة" .. ودفعة لانه صدف ان جمعتنا جامعة ام درمان الاهلية الصرح الشامخ .. اما بخصوص الصمت الولود فانا اقصدها تماما .. الصمت الولود بمعنى انه مقل لكن اذا كتب تحس انه كان يكتب بصورة متواصلة لذا كان صمته ولودا.. تخريمة:- شايف اخوك ركب مكنة مختار الصحاح وكدا.. تسلم..
Post: #49 Title: Re: ليس للفاتح وديدي من يكاتبه!!!!! Author: محمد صباحى Date: 05-05-2008, 00:33 AM Parent: #47
الفاتح ويدي احترت............ ولكنئ أخير.... قررت أن أهديك هذه الوردة.... لأنها نقية طاهرة وجميلة..... مثلك تماماًًًَُ....
Post: #50 Title: Re: ليس للفاتح وديدي من يكاتبه!!!!! Author: قاسم المهداوى Date: 05-05-2008, 01:34 AM Parent: #49
Quote:
الفاتح وديدي ..او ان شئت قل وديدي فاظن ان الاسم مشتق من المودة والود..واكاد أن أكون قد عرفته تماما فالصديق الغالي الودود ان صح ظني فيك فأنت ذلك الإنسان الفاضل الذي عرفت فيه سماحة النفس والقلب والضمير والذي وهبه الله سبحانه وتعالي القدرة علي العطاء للآخرين بلا حدود ومنحه نعمة القبول لديهم فما يكاد يعرفه أحد أويقترب منه حتي يصبح وكأنه من خاصة أصدقائه الحميمين....
خالص التحايا واعطر الامنيات لهذا الخلوق جدا ( وديدى ) وكـــيف ان يا ايها المطر
قاسم
Post: #60 Title: Re: ليس للفاتح وديدي من يكاتبه!!!!! Author: مطر قادم Date: 05-08-2008, 09:17 AM Parent: #50
قاسم المهداوي التحايا الحاره ,كصيفكم الغائظ علي مرتفعات المقطم والقطامية هذا ان لم يصحبه زلزال من اي نوع. قاسم بنتم وبنا,فما ابتلت جوانحنا ...سلام مربع
Post: #54 Title: Re: ليس للفاتح وديدي من يكاتبه!!!!! Author: مطر قادم Date: 05-06-2008, 10:32 AM Parent: #43
العزيز ود رميله تعرف في الصمت حكايات قالوا الصمت فعلان...فعلا يتاسس علي تامل الخارج دون المشاركه فيه والثاني من دلائل الوجود والاندغام فيه والابحار معه الي بدايات الحلول الاول خضوع مستلب بفعل التشيؤ..والثاني ارجاع الداخل لصدي تفاعله مع الخارج ..للخارج مرة اخري ولكن فنانا الاستاذ خضر بشير يقول (ان في الصمت كلام) هذا مع تحياتي العطره وشكري
Post: #51 Title: Re: ليس للفاتح وديدي من يكاتبه!!!!! Author: مطر قادم Date: 05-06-2008, 09:45 AM Parent: #41
Quote: أنا صاحبي وديدي ده محيراني فيهو حاجة واحدة .........عندوا قدرة على الإبتسام ومحبة الآخرين بتاعة قبيلة كاملة
احمد موسي تحياتي وبعد قبيلة ...بس يا احمد!!فيك الخير
Post: #56 Title: Re: ليس للفاتح وديدي من يكاتبه!!!!! Author: محمد عبدالرحمن Date: 05-06-2008, 11:03 AM Parent: #51
هووى ياناس الودود والولود .. الفاتح وديدى قيمتو مافى كتابتو .. قيمتو فى انسانيتو العالية وذوقو الرفيع .. مشيت الخرطوم وجيت راجع والفاتح وديدى يتصدر عندى القائمة مع العلم بأنه لم يكن لنا سابق معرفة على الرغم من تواجدنا هنا لفترة طويلة.. الفاتح زول (بتحبا) ..وكفى ..
Post: #57 Title: Re: ليس للفاتح وديدي من يكاتبه!!!!! Author: مجدي عبدالرحيم فضل Date: 05-06-2008, 11:24 AM Parent: #56
يامطر ياخير الله يديك العافية أخوي
الفاتح ود حلتي لا تملك إلا أن تمد يدك له بالسلام ورقم في مربعي الآخير بأمتداد الأحباب
،،،،أبوقصى،،،،
Post: #58 Title: Re: ليس للفاتح وديدي من يكاتبه!!!!! Author: مريم عزالدين صديق Date: 05-06-2008, 01:22 PM Parent: #57
مطر سلام
وديدى اول بوردابى عرفته
وكانت نعم المعرفه ................ ................... ................
Post: #64 Title: Re: ليس للفاتح وديدي من يكاتبه!!!!! Author: مطر قادم Date: 05-08-2008, 02:41 PM Parent: #58
مريم عز الدين كل التحايا
Quote: وديدى اول بوردابى عرفته
وكانت نعم المعرفه
...صدقت
Post: #63 Title: Re: ليس للفاتح وديدي من يكاتبه!!!!! Author: مطر قادم Date: 05-08-2008, 02:25 PM Parent: #57
الاعزاء محمد عبدالرحمن ومجدي عبدالرحيم كل التحايا والامتنان
Post: #61 Title: Re: ليس للفاتح وديدي من يكاتبه!!!!! Author: Osama Mohammed Date: 05-08-2008, 09:24 AM Parent: #1
يا مطر تحياتي
الفاتح وأنا نتكاتب يومياً ( بالمييت كده) والزول ده أرى أن الكثيرين يحبونه فلذلك لا تخف لن يخذلهم...
سنمد له حبل الصبر فهو يستحق أن ننتظره...
لك التحايا مرة أخرى وسلم لي على محمد عكاشة...
- أبو سولارا -
Post: #62 Title: Re: ليس للفاتح وديدي من يكاتبه!!!!! Author: مطر قادم Date: 05-08-2008, 09:39 AM Parent: #61
Quote: يا مطر تحياتي
الفاتح وأنا نتكاتب يومياً ( بالمييت كده) والزول ده
أرى أن الكثيرين يحبونه فلذلك لا تخف لن يخذلهم...
سنمد له حبل الصبر فهو يستحق أن ننتظره...
لك التحايا مرة أخرى وسلم لي على محمد عكاشة...
- أبو سولارا -
ابوسولارا تحياتي ومودتي وتقديري .واتفق معك فيما ذهبت اليه تماما وتحياتك لعكش ستصل الليله مع شكري الجزيل
Post: #66 Title: Re: ليس للفاتح وديدي من يكاتبه!!!!! Author: فرح Date: 05-08-2008, 03:27 PM Parent: #62
الفاتح زول اصيل ولطيف وفى غايه الموده والهدوء اتمنى له كل الامانى الطيبه
Post: #67 Title: Re: ليس للفاتح وديدي من يكاتبه!!!!! Author: Saifeldin Gibreel Date: 05-08-2008, 04:27 PM Parent: #66
تحية خاصة لكل اصدقاء الفاتح وديدى.. وأتمنى ان التقى به واتعرف عليه فى مساحات ارحب..فقد شوقتونا للقاءه أتمنى ان يكون الفاتح بصحة وعافية أنشاءالله.ز
Post: #70 Title: Re: ليس للفاتح وديدي من يكاتبه!!!!! Author: مطر قادم Date: 05-14-2008, 08:07 PM Parent: #66
ساعود
Post: #68 Title: Re: ليس للفاتح وديدي من يكاتبه!!!!! Author: mustafa bashar Date: 05-08-2008, 05:24 PM Parent: #1
وديدي يا جميل مساء الخير تحياتي لك .. وانت لا تجد من تكاتبه اهو انا كتبت ليك .. تحياتي للبقية
Post: #69 Title: Re: ليس للفاتح وديدي من يكاتبه!!!!! Author: خدر Date: 05-08-2008, 06:59 PM Parent: #68
يا وديدي ياخ ما تظهر ياخ والله روحي حرقتني من الانتظار اركب اسه اجيكـ هناكـ ؟؟ تعال ياخ و جيب معاكـ سفيان نابري
عليكـ الله تعال مشتهين نفقراكـ وما ترجع تلبد تاني تعال و اقعد
Post: #71 Title: Re: ليس للفاتح وديدي من يكاتبه!!!!! Author: مطر قادم Date: 05-30-2008, 09:07 AM Parent: #69
الي كل الاصدقاء الذين مروا من هنا الصديق وديدي غادرنا الاسبوع الماضي وحط رحاله بالقاهرة وربما هو في طريقه الي احد دول الاتحاد الاوربي رافقتك السلامه وموفق ياصديق
Post: #72 Title: Re: ليس للفاتح وديدي من يكاتبه!!!!! Author: نهال كرار Date: 06-01-2008, 10:12 AM Parent: #71
Quote: الصديق وديدي غادرنا الاسبوع الماضي وحط رحاله بالقاهرة وربما هو في طريقه الي احد دول الاتحاد الاوربي رافقتك السلامه وموفق ياصديق
خبر محزن ...
Post: #74 Title: Re: ليس للفاتح وديدي من يكاتبه!!!!! Author: مطر قادم Date: 06-01-2008, 03:59 PM Parent: #72
نهال كرار
Quote: خبر محزن ...
ده من ناحية.ولننتظر لنري...من ناحية اخري
Post: #73 Title: Re: ليس للفاتح وديدي من يكاتبه!!!!! Author: Sahar Yousif Date: 06-01-2008, 10:45 AM Parent: #1
وديدي قابلته في الايام الماضية ..معرفة في زمن قصير جدا و ان ادخل جواي كميات من الفرح الازلي ..
و اداني الاحساس ... حق الحنين ..احساس لا يوصف
ماعارفة هل اقول لكم هنيئا لكم بمعرفتكم بهذا الوديدي ..ام اقول انه الزول الجميل في الزمن الردئ
Post: #75 Title: Re: ليس للفاتح وديدي من يكاتبه!!!!! Author: مطر قادم Date: 06-01-2008, 04:45 PM Parent: #73
Sahar Yousif
Quote: ماعارفة هل اقول لكم هنيئا لكم بمعرفتكم بهذا الوديدي ..ام اقول انه الزول الجميل في الزمن الردئ
كل صحيح فهو قول علي قول هذا مع شكرنا وتحياتنا
Post: #76 Title: Re: ليس للفاتح وديدي من يكاتبه!!!!! Author: ibrahim kojan Date: 06-01-2008, 05:41 PM Parent: #75
سأكتب لك يا وديدي
بعد ان نستاذن من الماركيز وكل الجنرالات
لا يمر احد (حليوة ) ولا يذكر وديدي بالود والجمال لك الجمال يا مطر لانك تتذكر الجميلين
ك
Post: #77 Title: Re: ليس للفاتح وديدي من يكاتبه!!!!! Author: Omayma Alfargony Date: 06-01-2008, 07:52 PM Parent: #76
مطر!!!!!!!!!!!
ماقلت بعد العيد!!!
لك ود وديدي.
Post: #80 Title: Re: ليس للفاتح وديدي من يكاتبه!!!!! Author: مطر قادم Date: 06-03-2008, 06:17 PM Parent: #77
العزيزه اميمه الفرجوني عاطر التحايا
Quote: ماقلت بعد العيد!!!
في منتصف يوليو....تجديني هناك في زوايا وحواري القاهرة
Quote: لك ود وديدي
وده طبعا قدر الكون ده كله واكتر بكتير تحياتي العاطرة لوديدي
Post: #78 Title: Re: ليس للفاتح وديدي من يكاتبه!!!!! Author: مطر قادم Date: 06-02-2008, 02:30 PM Parent: #76
دكتور ابراهيم عاطر التحايا وافتقدناك كثير...خصوصا في العصاري عند (حليوه) وروائح الشاي والحكايات
Post: #79 Title: Re: ليس للفاتح وديدي من يكاتبه!!!!! Author: عصام علي أحمد Date: 06-02-2008, 07:19 PM Parent: #1
مطر قادم كل الود لك
الفاتح ولد امتدادنا الحبيب التحيه له فهو من اجمل الناس
لن نكاتبه حتى يكتب عقد قرانه
Post: #81 Title: Re: ليس للفاتح وديدي من يكاتبه!!!!! Author: مطر قادم Date: 06-03-2008, 06:37 PM Parent: #79
