Post: #1
Title: معتز قريش وبكري ابوبكر احرجتونا مع اللغة العربية
Author: Nasir Ahmed Elmustafa
Date: 05-03-2008, 01:06 PM
Parent: #0
| Quote: لا والله لم ولن نفرح باطلاق صراحك يا سامي الحاج |
احرجتونا يا معتز وبكري وافسدتو خبر اطلاق سراح سامي الحاج
كمان الباشمهندس رفعوا فوووق
سراح بالسين وليس بالصاد
بكري عفناهو في امريكا يمكن يكون نسى العربي
لكن معتز في السعودية ...العرب يقولوا علينا شنو؟؟؟؟؟؟؟؟؟؟؟؟؟؟؟؟
صلحوها ربنا يصلح حالنا وحالكم
|
Post: #2
Title: Re: معتز قريش وبكري ابوبكر احرجتونا مع اللغة العربية
Author: كمال سالم
Date: 05-03-2008, 01:23 PM
Parent: #1
الاخ ناصر ,, تحياتى ,, وشكرا لك على التنبيه والذى أعتقد جازما بأنه حدث نتيجة
إستعجال فى الكتابه , فأنا أشهد بأن الاخ معتز القريش ضليع
فى اللغه العربيه بل متمكن , لكن يظهر إنو غلطة الشاطر بعشره
عشان كده فتحت ليها بوست . تحياتى ,,
ود القريش ,, تعال مارق مرق جلدك ,, صلح الهببتو ده ,,
|
Post: #10
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-03-2008, 02:38 PM
Parent: #2
كمال سالم كيفنك
يا أخوي اها مرقت وماني داير لي غلاط مع الزول دا
إلا كلمة صراح برضها صحيحة بس هو كان شوية صبر
وفتش كان عرف ..
ما معنى كدا اني كنت قاصد أكتبها (صراح)
انا كنت قاصد (سراح)
بس ربما الفرحة والغيظ والرجفة كانت السبب
بس حتى (صراح) ما فيها لا غلط ولا إحراج
لا لمعتز القريش ولا لبكري ابوبكر ولا للغة العربية
|
Post: #3
Title: Re: معتز قريش وبكري ابوبكر احرجتونا مع اللغة العربية
Author: humida
Date: 05-03-2008, 01:27 PM
Parent: #1
دا حال سودانيزاونلاين .. ( الفلسفة العورا ) ..!!
|
Post: #11
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-03-2008, 02:43 PM
Parent: #3
| Quote: دا حال سودانيزاونلاين .. ( الفلسفة العورا ) ..!! |
يا حميدة هسي وينا (الفلسفة العورا)
واحد عاوز يكتب (سراح) كتب (صراح)
وين (الفلسفة العورا) هنا ...؟
أها يالحبيب كلمة (صراح) ذاتا صاح
(رأيك شنو)
رجّعنا ليك الفلسفة العورا في مسمّاها
|
Post: #4
Title: Re: معتز قريش وبكري ابوبكر احرجتونا مع اللغة العربية
Author: الزبير صالح الزبير
Date: 05-03-2008, 01:29 PM
Parent: #1
Quote: احرجتونا يا معتز وبكري وافسدتو خبر اطلاق سراح سامي الحاج
كمان الباشمهندس رفعوا فوووق
سراح بالسين وليس بالصاد
بكري عفناهو في امريكا يمكن يكون نسى العربي
لكن معتز في السعودية ...العرب يقولوا علينا شنو؟؟؟؟؟؟؟؟؟؟؟؟؟؟؟؟
صلحوها ربنا يصلح حالنا وحالكم |
ناصر تحياتي
يعني ممكن نفتح بوست منفصل لكلمةعفناهو دي
ما كلو غلط كي بورد ومردة للإستعجال ليس إلا
|
Post: #12
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-03-2008, 02:56 PM
Parent: #4
Quote: ناصر تحياتي
يعني ممكن نفتح بوست منفصل لكلمةعفناهو دي
ما كلو غلط كي بورد ومردة للإستعجال ليس إلا |
يا الزبير يا اخوي اهلنا قالوا الجمل ما بشوف عوجة رقبتو
أنا ما شفت عوجة رقبتي وأخوي الكاشف دا برضو ما شافا
|
Post: #5
Title: Re: معتز قريش وبكري ابوبكر احرجتونا مع اللغة العربية
Author: عبود عبد الرحيم
Date: 05-03-2008, 01:32 PM
Parent: #1
يا ناصر
تحية وتقدير
أحسب أنهاأخطاء مطبعية عادية للاستعجال وعدم المراجعة عبر (شاهد قبل النشر)
وانت يا أخوي كمان وقعت في نفس الخطأ ...
أنظر هنا :
| Quote: بكري عفناهو في امريكا يمكن يكون نسى العربي |
أعتقد انها كلمة (عرفناهو)
|
Post: #8
Title: Re: معتز قريش وبكري ابوبكر احرجتونا مع اللغة العربية
Author: زهير حيدر صديق
Date: 05-03-2008, 01:43 PM
Parent: #5
غايتو أسوأ من الخطأ محاولة التبرير له من قبل الأخوان أعلاه.
خطأ العنوان استعجال، طيب وتكراره في المتن يطلع شنو؟
Quote: عادل سهل يا غالي
يتباركن ايامك ان شاء الله
نعم يا عادل اطلق صراح سامي
ولا ندري عن الشروط
ولكن شروطنا نحن ليكتمل فرحنا
أن يسترد سامي حقه من ظالميه
<a href="http://www.sudaneseonline.com/cgi-bin/sdb/2bb.cgi?seq=post&board=160&msg=1209719896&rn=14[/QUOTE" target=_self>Re: لا والله لم ولن نفرح باطلاق صراحك يا سامي الحاج]
|
Post: #37
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 07:57 AM
Parent: #8
Quote: غايتو أسوأ من الخطأ محاولة التبرير له من قبل الأخوان أعلاه.
خطأ العنوان استعجال، طيب وتكراره في المتن يطلع شنو؟ |
يا زهير يا أخوي برضو يطلع خطأ
والصاد ما زالت فوق السين في الكيبورد
انت حاكيها كدي مالك لمن جابت الدم 
|
Post: #35
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 07:47 AM
Parent: #5
Quote: يا ناصر
تحية وتقدير
أحسب أنهاأخطاء مطبعية عادية للاستعجال وعدم المراجعة عبر (شاهد قبل النشر)
وانت يا أخوي كمان وقعت في نفس الخطأ ...
أنظر هنا :
Quote: بكري عفناهو في امريكا يمكن يكون نسى العربي
أعتقد انها كلمة (عرفناهو) |
يسلم فمك يا عبود يا ود عبد الرحيم
شفت يا ناصر
|
Post: #6
Title: Re: معتز قريش وبكري ابوبكر احرجتونا مع اللغة العربية
Author: محمد البشرى الخضر
Date: 05-03-2008, 01:39 PM
Parent: #1
العيب ما في الغلط نفسو
العيب انو جاي من معتز القريش
الفي يوم من الأيام فاتح بوست طويل عريض بندد بأخطاء كتابة زملاء هنا
وسخر منهم ما شاء له الله ان يسخر
|
Post: #39
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 09:01 AM
Parent: #6
Quote: العيب ما في الغلط نفسو
العيب انو جاي من معتز القريش
الفي يوم من الأيام فاتح بوست طويل عريض بندد بأخطاء كتابة زملاء هنا
وسخر منهم ما شاء له الله ان يسخر |
انت يا ود البشرى الله يخليك لوليع النيران
ونصيحة ليك من اخ
(لا تشمت في اخيك فيعافيه الله ويبتليك)
ومن الليلة آدي توبة ان شاء يكتبوا بالهيروغليفي
|
Post: #7
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-03-2008, 01:40 PM
Parent: #1
يا سيدي أنا آسف على الخطأ الغير مقصود
ولو رجعت للكيبورد ستجد أن السين والصاد فوق بعض
.
.
ولا أزكي نفسي ... فمن يعرفني يعرف كيف أنني استطيع
وبكل سهولة التفريق بين (صراح) و(سراح)
.
.
ولا أريد ان ادخل معك في جدال لغوي
واقول لك أن كلمة (صراح) أيضا تصلح في هذا الموضع
وقد قالت العرب :
Quote: - وخَرَجَ لهم صَرْحَةً بَرْحَةً، أي: بارِزاً لهم،
- وإنَّ خُروجَ صَرْحَةٍ بَرحَةٍ لكثيرٌ.
- وانْصَرَحَ: أي بانَ.
|
|
Post: #9
Title: Re: معتز قريش وبكري ابوبكر احرجتونا مع اللغة العربية
Author: Mohamad Shamseldin
Date: 05-03-2008, 01:49 PM
Parent: #7
| Quote: لكن معتز في السعودية ...العرب يقولوا علينا شنو؟؟؟؟؟؟؟؟؟؟؟؟؟؟؟؟ |
يا ناصر جماعتنا بيعرفو عربى أكثر من العرب ....
مش ياهم العرب البيجمعو
سيارة ..... سيايير
فار ..... فوارين
بعير .... بعران
بس نحن لسع عندنا جماعة بيقولو "نقطة بوليس" و "إسبتالية أو إستبالية"
|
Post: #48
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 11:19 AM
Parent: #9
Quote: يا ناصر جماعتنا بيعرفو عربى أكثر من العرب ....
مش ياهم العرب البيجمعو
سيارة ..... سيايير
فار ..... فوارين
بعير .... بعران
بس نحن لسع عندنا جماعة بيقولو "نقطة بوليس" و "إسبتالية أو إستبالية"
|
يا محمد (بسراحة) كدا انت زول (عثل) والله
إلا يا اخوي مالا الاستبالية
دا تشكيك في لغتنا الدارجة
وهو من الأفعال غير المقبولة (شفت غير المقبولة دي كيف)
|
Post: #13
Title: Re: معتز قريش وبكري ابوبكر احرجتونا مع اللغة العربية
Author: Deng
Date: 05-03-2008, 03:10 PM
Parent: #1
Quote: احرجتونا يا معتز وبكري وافسدتو خبر اطلاق سراح سامي الحاج
كمان الباشمهندس رفعوا فوووق
سراح بالسين وليس بالصاد
بكري عفناهو في امريكا يمكن يكون نسى العربي
لكن معتز في السعودية ...العرب يقولوا علينا شنو؟؟؟؟؟؟؟؟؟؟؟؟؟؟؟؟
صلحوها ربنا يصلح حالنا وحالكم |
الاخ ناصر المصطفى.
ملاحظة قوية منك.
دينق.
|
Post: #55
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 12:42 PM
Parent: #13
Quote: الاخ ناصر المصطفى.
ملاحظة قوية منك.
دينق. |
دينق
يدقك في راسك الكبير دا
هو أصلا لو ما رئيسك بوش
اعتقل سامي الحاج
ما كان فتحنا بوست
ولا كان غلطنا ذاتو
وبعدين انت مالك ومال العربي كمان 
|
Post: #14
Title: Re: معتز قريش وبكري ابوبكر احرجتونا مع اللغة العربية
Author: Deng
Date: 05-03-2008, 03:14 PM
Parent: #1
Quote: يا أخوي اها مرقت وماني داير لي غلاط مع الزول دا
إلا كلمة صراح برضها صحيحة بس هو كان شوية صبر
وفتش كان عرف ..
ما معنى كدا اني كنت قاصد أكتبها (صراح)
انا كنت قاصد (سراح)
بس ربما الفرحة والغيظ والرجفة كانت السبب
بس حتى (صراح) ما فيها لا غلط ولا إحراج |
ود القريش.
وين عروبتك العامل لينا بيها إزعاج في البورد وأنت لا تستطيع أن تفرق بين حرفي الصاد والسين؟
دينق.
|
Post: #15
Title: Re: معتز قريش وبكري ابوبكر احرجتونا مع اللغة العربية
Author: عبدالماجد موسى
Date: 05-03-2008, 04:23 PM
Parent: #14
سَرَحَ ـ سَرَحاً وسُرُوحاً ـ وسَرَحَت ِ المواشى : ذهبت ترعى
سرح السيل : جرى جرياً سهلاً
سرح سَرْحاً المواشي : أرسلها ترعى
سرحه ُ : أرسله
سرح ما فى صدره : أخرجه
سَرِحَ سرحاً الرجل : خرج فى أموره
سرّح المواشي : أرسلها ترعى
سرّح القوم : أرسلهم وأطلقهم
سرّح الزوجة : طلقها
سرّح إليه رسولاً : أرسله
سرّح الله فلاناً للخير : وفـّـقه
سرّح الشعر : مشـّـطه
سرّح الأمر : سهـّـله
سرّح عنه : فرّج
تسرّح من المكان : خرج
تسرّح عنه : فرّج
السَرَاح : الإسم من التسريح
السِرْحَان : جمع سِرَاح ٍ وسَرَاح ٍ وسَرَاحِين وتطلق على الذئب والأسد وكذلك وسط الحوض يطلق عليه السِرحان ، ذنب السِرحان بمعنى الفجر الكاذب .
صَرَحَ صَرْحَاً الأمر : بـيّنه
صَرُحَ صَرَاحَة ً وصُرُوحَة ً : صفا وخلص وبان ، فهو صَريحٌ جمع صُرحاء ، مؤنث صريحة .
صَارَحَ صِرَاحَاً وصُراحَاً ومُصَارَحَة ً : جاهرهُ ، يقال شتمه مصارحة أو صرَحاً أي مواجهة ً وشفاهاً .
صَارَحَ بما فى نفسه : أبداه وأظهره
أصْرَحَ الأمر : بيّنه
تصرّح الزبد عن الخمر : إنجلى فخلص
إنْـصَرَحَ الحقُّ : بان وإنكشف
الصَرَح والصَرَاح والصِرَاح والصُرَاح : الخالص من كل شىء
الصَرَاحَة والصُرُوحَة : الخلوص والوضوح
مُصَرّح : ليس فيه غيم
صَرّحَ الرامى : رمى ولم يُصب
|
Post: #65
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-05-2008, 12:10 PM
Parent: #14
Quote: ود القريش.
وين عروبتك العامل لينا بيها إزعاج في البورد وأنت لا تستطيع أن تفرق بين حرفي الصاد والسين؟
دينق. |
هوووي يا دينق
انت كمان (بتغالت) في عروبتي
يا زول أنا جدي العباس عم الرسول (ص)
أجيب ليك شجرة (العيلة) ؟
|
Post: #16
Title: Re: معتز قريش وبكري ابوبكر احرجتونا مع اللغة العربية
Author: Mannan
Date: 05-03-2008, 04:53 PM
Parent: #1
اخى معتز القريش
سلام
كنت اول من اشار الى الخطآ اللغوى فى بوست "اطلاق صراح سامى الحاج" ورغم اننى نوبى من جماعة سيبويه وخالويه والموالى والعجم إلا اننى استطيع القول بإجادتى للغة العربية "ومن عرف لغة قوم امن شرهم"
اما اصرارك على ان كلمة"صراح" صحيحة وفى موضعها الصحيح فهذا ينم عن عجز لغوى بين وركوب للراس انت فى غنى عنه حتى لا تفتح على نفسك بابا تتمنى الخروج منه هاربا...
Quote: يا سيدي أنا آسف على الخطأ الغير مقصود
ولو رجعت للكيبورد ستجد أن السين والصاد فوق بعض
.
.
ولا أزكي نفسي ... فمن يعرفني يعرف كيف أنني استطيع
وبكل سهولة التفريق بين (صراح) و(سراح)
.
.
ولا أريد ان ادخل معك في جدال لغوي
واقول لك أن كلمة (صراح) أيضا تصلح في هذا الموضع
|
وفى معرض ردك ودفاعك عن الخطآ اللغوى ترتكب خطآ لغويا أخر شاع بين اهل السودان واعاريبه حين تقول:
| Quote: أنا آسف على الخطأ الغير مقصود |
فكلمة غير للاستثناء لا تعرف بالف لام التعريف وجملة المستثنى والمستثنى به هنا فى محل رفع خبر لمبتدأ ويمكنك حسب معلوماتى القديمة ان تضيف الف لام التعريف لكلمة غير فى موضع الفاعل او المفعول به وقد يرى "الغير" او غيرى غير ذلك ... والله اعلم..
نورالدين منان
|
Post: #17
Title: Re: معتز قريش وبكري ابوبكر احرجتونا مع اللغة العربية
Author: عبدالكريم الامين احمد
Date: 05-03-2008, 05:01 PM
Parent: #16
يا ويلك يا قريش وكمان بتغالط وعامل فيها سيبويه.
احنا نغلط ونكوجن العربي عادي
ولكن السيد الاستاذ السابق للغة العربية والاديب الاريب
سس قريش يطبظ طبيزة زي دي لالا ده كلام كبار
وبالله بطل الفلسفة والعكلتة الفاضية واعتذر للجمهور
وارجع اولي كتاب تاني ياكيشة 
|
Post: #66
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-05-2008, 12:21 PM
Parent: #16
Quote: فكلمة غير للاستثناء لا تعرف بالف لام التعريف وجملة المستثنى والمستثنى به هنا فى محل رفع خبر لمبتدأ ويمكنك حسب معلوماتى القديمة ان تضيف الف لام التعريف لكلمة غير فى موضع الفاعل او المفعول به وقد يرى "الغير" او غيرى غير ذلك ... والله اعلم..
نورالدين منان |
نورد الدين منان
خلاص بطلت شغلك وقعدت لي
يقعد فيك جمل يهرس عضامك
يعني هسي فرقت شنو غير ولا الغير
بس حركات منكم
|
Post: #18
Title: Re: معتز قريش وبكري ابوبكر احرجتونا مع اللغة العربية
Author: haroon diyab
Date: 05-03-2008, 05:46 PM
Parent: #1
ناصر
ازيك
| Quote: لكن معتز في السعودية ...العرب يقولوا علينا شنو؟؟؟؟؟؟؟؟؟؟؟؟؟؟؟؟ |
اها ده غلط املائي ولا انت متأكد انوا في السعودية ....؟
ولا يمكن رسلت ليه فيزا ونحنا ماعارفين
المهم الرسالة وصلت وسامي وصل السودان
وياود البشري
ربنا يقدرني علي لساني
|
Post: #19
Title: Re: معتز قريش وبكري ابوبكر احرجتونا مع اللغة العربية
Author: haroon diyab
Date: 05-03-2008, 05:50 PM
Parent: #1
ياود القريش
مساء الخير
انت عارف كله كوم
ودينق....
وكيكي....
نقدر عليهم كيف
والله يادينق جاتك في الطبطابة
|
Post: #20
Title: Re: معتز قريش وبكري ابوبكر احرجتونا مع اللغة العربية
Author: Salwa Seyam
Date: 05-03-2008, 05:51 PM
Parent: #1
Quote: سَرَحَ ـ سَرَحاً وسُرُوحاً ـ وسَرَحَت ِ المواشى : ذهبت ترعى
سرح السيل : جرى جرياً سهلاً
سرح سَرْحاً المواشي : أرسلها ترعى
سرحه ُ : أرسله
سرح ما فى صدره : أخرجه
سَرِحَ سرحاً الرجل : خرج فى أموره
سرّح المواشي : أرسلها ترعى
سرّح القوم : أرسلهم وأطلقهم
سرّح الزوجة : طلقها
سرّح إليه رسولاً : أرسله
سرّح الله فلاناً للخير : وفـّـقه
سرّح الشعر : مشـّـطه
سرّح الأمر : سهـّـله
سرّح عنه : فرّج
تسرّح من المكان : خرج
تسرّح عنه : فرّج
السَرَاح : الإسم من التسريح
السِرْحَان : جمع سِرَاح ٍ وسَرَاح ٍ وسَرَاحِين وتطلق على الذئب والأسد وكذلك وسط الحوض يطلق عليه السِرحان ، ذنب السِرحان بمعنى الفجر الكاذب .
صَرَحَ صَرْحَاً الأمر : بـيّنه
صَرُحَ صَرَاحَة ً وصُرُوحَة ً : صفا وخلص وبان ، فهو صَريحٌ جمع صُرحاء ، مؤنث صريحة .
صَارَحَ صِرَاحَاً وصُراحَاً ومُصَارَحَة ً : جاهرهُ ، يقال شتمه مصارحة أو صرَحاً أي مواجهة ً وشفاهاً .
صَارَحَ بما فى نفسه : أبداه وأظهره
أصْرَحَ الأمر : بيّنه
تصرّح الزبد عن الخمر : إنجلى فخلص
إنْـصَرَحَ الحقُّ : بان وإنكشف
الصَرَح والصَرَاح والصِرَاح والصُرَاح : الخالص من كل شىء
الصَرَاحَة والصُرُوحَة : الخلوص والوضوح
مُصَرّح : ليس فيه غيم
صَرّحَ الرامى : رمى ولم يُصب |
معتزالقريش وقع فى شر اعماله ..
|
Post: #21
Title: Re: معتز قريش وبكري ابوبكر احرجتونا مع اللغة العربية
Author: عبدالكريم الامين احمد
Date: 05-03-2008, 05:58 PM
Parent: #20
وقعة التاباني والياباني هو وقعة نصاح يا سلوي
قال صراح قال
|
Post: #22
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-03-2008, 06:02 PM
Parent: #21
دينق وكي كي وسلوى
أها شوفوا البرد عليكم منو
.
.
علم شمشارة جنس شمشرة
|
Post: #23
Title: Re: معتز قريش وبكري ابوبكر احرجتونا مع اللغة العربية
Author: haroon diyab
Date: 05-03-2008, 06:25 PM
Parent: #22
يااخوي نحنا نصلح وتجي تخر
| Quote: علم شمشارة جنس شمشرة |
عاااااااااااااالم ياعاااااااااااااالم
|
Post: #24
Title: Re: معتز قريش وبكري ابوبكر احرجتونا مع اللغة العربية
Author: الصادق صديق سلمان
Date: 05-03-2008, 06:55 PM
Parent: #23
له ..
| Quote: فأنا أشهد بأن الاخ معتز القريش ضليع فى اللغه العربيه بل متمكن |
عليه ..
| Quote: فكلمة غير للاستثناء لا تعرف بالف لام التعريف وجملة المستثنى والمستثنى به هنا فى محل رفع خبر لمبتدأ ويمكنك حسب معلوماتى القديمة ان تضيف الف لام التعريف لكلمة غير فى موضع الفاعل او المفعول به |
المُحصلة ..
| Quote: معتزالقريش وقع فى شر اعماله .. |
|
Post: #25
Title: Re: معتز قريش وبكري ابوبكر احرجتونا مع اللغة العربية
Author: محمد البشرى الخضر
Date: 05-03-2008, 07:04 PM
Parent: #1
انا برضو ما حترد علي يا معتز
ياخوانا مافي زول عندو تلفون تراجي
|
Post: #27
Title: Re: معتز قريش وبكري ابوبكر احرجتونا مع اللغة العربية
Author: haroon diyab
Date: 05-03-2008, 07:23 PM
Parent: #25
| Quote: ياخوانا مافي زول عندو تلفون تراجي |
التلفون: 19053883918
|
Post: #26
Title: Re: معتز قريش وبكري ابوبكر احرجتونا مع اللغة العربية
Author: Salwa Seyam
Date: 05-03-2008, 07:21 PM
Parent: #1
Quote: دينق وكي كي وسلوى
أها شوفوا البرد عليكم منو |
ما دايرين رد ..
بس تانى ما دايرين نشوفك فتحت ليك بوست تقول فلان غلط فى الاملا ولا فلان غلط فى الانشا ..
|
Post: #29
Title: Re: معتز قريش وبكري ابوبكر احرجتونا مع اللغة العربية
Author: د.فاروق ابوكساوي
Date: 05-03-2008, 07:35 PM
Parent: #26
لقيته مصارحة اي: واجهته
وشتمت فلانا مصارحة: وصراحا: اي : مواجهة
ويقال جاء بالكفر صراحا:خالصا اي جهارا
الصراح : اللبن الرقيق الذي كثر ماؤه
والصراح : عرق الدابة
والله اعــــــــــــلــــــــم
|
Post: #28
Title: Re: معتز قريش وبكري ابوبكر احرجتونا مع اللغة العربية
Author: عادل سهل
Date: 05-03-2008, 07:32 PM
Parent: #1
يا ربى يا سيدى ما ترمينى فى مطب زى دا
بكرة ناس أبشنب وأبو حتوت يشبكونى ليك قال شيخ عرب قال
لكن يا معتز يأخوى الشينة منكورة
كنت تبقى على كلام كمال سالم داك وتركز عليه
نحن كنا جينا من بعدك شايلين طبولتا
الخطأ ذاتو ما خطأ ود القريش ، كلو من بتاع الكى بورد الغبى دا خاتى لينا السين لصق الصاد عديل كدة
وهاك من ما خلق الله لإمرىء فى جوفه من قلبين ، يا جماعة كيف عايزينو يركز وهو من الفرح يتراجف
وكان لقينا عكاليت زى ابشنب منقيف ليه غلاط عديل ونبقى فى إنو الكلمة دى إنت ذاتك كاتبها صاح والناس ديل كلهم عميانين ساكت ، أسع السين الكاتبها إنت دى كلهم شايفنها صاد؟
وطبعاً ممكن نستنفر كل البورداب الباقين بقيادة هارون دياب وكمال وندق على وتر جل من لا يسهو
لكن إنت ما ركزت لينا
مشيت للتخريجات وشتت علينا اللعب
بس إنت أركز لينا على خطأ مطبعى دى والباقى خليه علينا.
ود البشرى الحافظ كل بوست إترفع فى البورد دا منجيهو ليك تب ومنطلعوا داقس ساكت.
لكن والله بينى وبينك تبقى فوق فى راس البورد شينة عديل.
بس بعد دا كلوا بعرق أمنا الجعلية دى البرشك بالصاد نرشه بالسين.
شيخ العرب
( ولن نحيد يا أبو حتوت)
ـــــــــــــــــــــــ
لك التحية أخى معتز وقلنا نسيب الموضوع شوية.
التعديل لحذف كلمة ممكن تجيب هوا يا عمك
|
Post: #30
Title: Re: معتز قريش وبكري ابوبكر احرجتونا مع اللغة العربية
Author: Tabaldina
Date: 05-03-2008, 11:26 PM
Parent: #1
..
.
عارف يا دينق انا جيت ليك انت مخصوص
وان شاء الله تكون فى المكتب او اون لاين ..
الان اعتبرتها ملاحظة قوية .. يا اما انت تركيزك قل بسبب عامل السن
او قاصد معتز دا تحت قائمة شماته الاعداء اراك انبريت وكتبت
Quote: الاخ ناصر المصطفى.
ملاحظة قوية منك.
دينق. |
..
والغريب فى الأمر بالامس التقينا فى دهاليز احد البوستات وكنت قد كتبت
هذا التعليق :
Quote: .
اصبحت صحيفتك الالكترونية هذه - كما قال استاذنا فضيلى -
من اشهر الصحف الالكترونية ومصدر اساسي للاخبار فى صحف السودان وقنواته
لذا .. عندما تضع خبر كعنوان اساسي ( مانشيت ) الرجاء التاكد من مراجعته
وتصحيه لغوياً واملائيا ..
لا اود ان احراج بعض الزملاء ولكن اعتقد انك تحتاج لمصحح لغوى ..
__________________
بوست كمال عوض ( اطلاق سراح سامى الحاج ) يعتبر سبق صحفي
ويستحق ان يوضع كمانشيت .. |
وجيت انت يا الفصيح المقددها ورددت على قائلا :
Quote: تبلدينا بطل مشاترة.
دينق. |
واضطررت للتوضيح لك :
Quote: المشاترة ووين ؟ يا ود العمارات
البوست دا قديم ذو هدف ونقد بناء - وجهة نظر فى النهاية -
بس لمن تجى مناسبة وتكتب بعض العناوين الرئيسية خطأ ولم يتم تعديلها من قبل
سكرتير التحرير والمراجع اللغوى لازم نلفت نظر الريس ولا شنو رأيك ..
_____________________
شوف بس ( لن نرضى باطلاق صراحك يا سامى ) فى ذمتك عاجباك
ولا ها .. انت عربيك برضو عربي جوبا
نو هارت فيلنغ بليززززززز .. ( دا انجليزى ابيي  ) |
ولقد دار هذا الحوار هنا :
يا حبيب .. عملتها ظاهرة .. نفترض ما عايز اشــاركـ !!
حسي البخليك جاى تستهجن شنو ؟؟
ولا شمتان فى معتز؟؟
اها اما شمتان او فهمك تقيل .. عامل السن يا مان
________________
دينق يا اكوى .. المنبر دا المقصات فيهو ما بتطول ..
معتز ؛؛
بالجد اديت شماتك فرصة الله يعينك ..
قول امين ...
|
Post: #31
Title: Re: معتز قريش وبكري ابوبكر احرجتونا مع اللغة العربية
Author: Rasha Hatim
Date: 05-04-2008, 06:14 AM
Parent: #30
الله يسألني بوست أنتي دبريشن بدرجة ما عادية
معتز, نو هارد فيلينقز بالله
|
Post: #32
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 07:26 AM
Parent: #1
والله البوست بقى سمح سماحة
لكن معليش يا شباب
نحنا عارفين ومتاكدين من النظرية البتقول
دائما القمم مستهدفة
.
.
جاييكم واحد واحد
.
.
دي زنقة شنو دي يا ربي
يااااا لطييييف
العفو والتخفيف
|
Post: #34
Title: Re: معتز قريش وبكري ابوبكر احرجتونا مع اللغة العربية
Author: Balla Musa
Date: 05-04-2008, 07:46 AM
Parent: #32
ياشباب
معتز دا متواضع معاكم ساى..
لكن لو قام عليكم صراحة حا يسرحكم..
ياخى دا عندو لسان ينضف اللحم من العضم.
يامعتز أى زول يغالطك هنا ليك اللحم ولينا العضم.
|
Post: #33
Title: Re: معتز قريش وبكري ابوبكر احرجتونا مع اللغة العربية
Author: almogira alemam
Date: 05-04-2008, 07:44 AM
Parent: #1
يامعتز
والكديس لمن مايلقى اللبن بقول عفن
والمابتلحقو جدعوا...........
|
Post: #36
Title: Re: معتز قريش وبكري ابوبكر احرجتونا مع اللغة العربية
Author: عبدالكريم الامين احمد
Date: 05-04-2008, 07:55 AM
Parent: #33
معتز ردك ما بلزمنا
لكن تاني اوع اشوفك عامل فيها ابودنان ضكر بتاع عربي
|
Post: #38
Title: Re: معتز قريش وبكري ابوبكر احرجتونا مع اللغة العربية
Author: عادل سهل
Date: 05-04-2008, 08:45 AM
Parent: #1
| Quote: دائما القمم مستهدفة |
والتور كان وقع بتكتر سكاكينو
يا معتز
ياكيكى بس يأخى أديها نفس شوية
إنت عارف صاحبك ود القريش دا جعلى
والجعلى لو فتحوا ليه مية بوست ما بقول الروب
لكن الزول خلاص إعترف بإنها غلطة مطبعية وإعتذر ياجماعة
Quote: يا سيدي أنا آسف على الخطأ الغير مقصود
ولو رجعت للكيبورد ستجد أن السين والصاد فوق بعض |
أهو بنحاول نلم الموضوع يا معتز ما تركب راس المك نمر وتخرب عليتا الإعتذار اللطيف دا.
|
Post: #42
Title: Re: معتز قريش وبكري ابوبكر احرجتونا مع اللغة العربية
Author: Nasir Ahmed Elmustafa
Date: 05-04-2008, 09:38 AM
Parent: #38
معتز يا اخوي معليش ..والله ما قاصدك
انا قلت ضربة ركنية والموضوع بعدي
ما عارف في تصفية فواتير
وكمان بكري ابوبكر راجل صاحبي من جامعة الخرطوم قبال اكتر من عشرين سنة (ما تكلم زول)
يازول حمدا لله على سلامة سامي ورفاقه ونسأل الله ان يعوضهم حقوقهم
اما الادارة الامريكية فهي في حالة هلع وخوف من كثرة الهزائم التي تلقتها من العرب والمسلمين
هؤلاء الثلاثة الذين جيئ بهم مقيديين كان الامريكان يرتعودون خوفا وهم ينزولهم من الطيارة خشية
ان ينفجر احدهم فيحرق كل شيئ حوله
حسبنا الله ونعم الوكيل
|
Post: #40
Title: Re: معتز قريش وبكري ابوبكر احرجتونا مع اللغة العربية
Author: Elmosley
Date: 05-04-2008, 09:29 AM
Parent: #1
معتز انت كنت تبقي حبرتجي وتقول ليهم السودانين ينطقونها بالصاد
وتختها بين قوسين (صراحهم)
اها وعشان ابيتو تعملو لي دعوه للدوحه وكيتن عليك
لاتقل
بل قل
غير المقصود
لك التحية ولصاحب البوست
وضيوفه
|
Post: #41
Title: Re: معتز قريش وبكري ابوبكر احرجتونا مع اللغة العربية
Author: محمد البشرى الخضر
Date: 05-04-2008, 09:34 AM
Parent: #1
معتز اشكرك على النصيحة واتمنى ان يوفقنا الله و نعمل بها جميعا إن شا الله
و بدوري اهديك نصيحة بيت القزاز الشهيرة مقروءة مع بيت الشعر بتاع كلك عورات و للناس السن
واختم ليك بتاني لو جاي المولد تعال لابس نعالك باللاي
|
Post: #43
Title: Re: معتز قريش وبكري ابوبكر احرجتونا مع اللغة العربية
Author: Mohammed Kaddam
Date: 05-04-2008, 09:44 AM
Parent: #1
يا صقر قريش
كتر البتابت عيب
|
Post: #44
Title: Re: معتز قريش وبكري ابوبكر احرجتونا مع اللغة العربية
Author: عثمان دغيس
Date: 05-04-2008, 09:47 AM
Parent: #1
والله يا ود القريش مصيبتك مصيبة( مسيبة ..!!) ....!!
الموصلي زاااااااااااتو دخل الميدان ..
وشكلهم كده الناس ديل لابدين ليك من زمان ..
عشان كده قلنا كم مرة خليك مع ماشي الحيط ...
من خاف سلم ..
|
Post: #49
Title: Re: معتز قريش وبكري ابوبكر احرجتونا مع اللغة العربية
Author: haroon diyab
Date: 05-04-2008, 11:21 AM
Parent: #44
دغيس
دي محنة ولا انتباهة وتركيز شدييييييييييد
الله يمحن ....المحنك
|
Post: #45
Title: Re: معتز قريش وبكري ابوبكر احرجتونا مع اللغة العربية
Author: عادل سهل
Date: 05-04-2008, 09:55 AM
Parent: #1
| Quote: عشان كده قلنا كم مرة خليك مع ماشي الحيط ... |
" مــشى الحيــط "
دغيس صباح الخير يأخوى
قلت لى من خاف سلم؟
إنت خايف مالك؟
تحياتى ياعثمان
|
Post: #46
Title: Re: معتز قريش وبكري ابوبكر احرجتونا مع اللغة العربية
Author: عبد اللطيف بكري أحمد
Date: 05-04-2008, 10:15 AM
Parent: #1
والله يا معتز أثبت أنك أكتر واحد روحه رياضية في
المنبر دا،، الجماعة غايتو أديتهم فرصة فيك ، وبقيت
زي الشريف في الفلم الكاوبوي لما يرتكب حماقة البلدة
كلها سكر ومسدسات في السهلة،، شوف الحكاية جاطت كيف
هسي وأستباحوا الضاد (صراحا) وأطلقوا سراح أخطائهم عينك
تعاين وياحسرة يا ود قريش ما ح تقدر (تفتح عينيك)،،
المهم تناول ظريف ورائع ،، وكلنا خطاؤون وخيرنا التوابون،،
Quote: ما دايرين رد ..
بس تانى ما دايرين نشوفك فتحت ليك بوست تقول
فلان غلط فى الاملا ولا فلان غلط فى الانشا |
|
Post: #47
Title: Re: معتز قريش وبكري ابوبكر احرجتونا مع اللغة العربية
Author: عبدالرحمن الحلاوي
Date: 05-04-2008, 10:36 AM
قل ولاتقل
|
Post: #50
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 11:44 AM
Parent: #1
مداخلة ظريفة كتبها المجنون عماد عبد الله في بوست مجاور
وقمت بالرد عليها ... وبما أنها ذات صلة بموضوع البوست
رأيت مشاركتكم (هسي أكتب شنو)
مشاركتكم فيها ولا بها ولا لها
الله يحيركم كان حيرتونا
دي المداخلة ونعود بعدها الى موضوع (صراحه)
Quote: السيد عثمان بن دُغيس ..
سلامٌ من الله يغشاكُم و رحمةٌ منه و بركات ..
أما بعد ..
و إمعاناً في التشبث بالعربيةِ و التصدّي لمِن يستفشخُ في النيلِ منها .
و كيتاً ( كات يكيتُ كيتا ) .. أقولُ , و كيتاً في شيخ الأعراب عادلٌ بن سهل ..
نلفتُ نظركم إلى أنكم أخطأتم بفداحةٍ تستطلب لفت نظركم إلى إعادة صياغة جملة ما كتبتموه من عربيةٍ عاجمةٍ و شينةٍ ..
عليهِ نربأ بكم من السقوط الداوي في دارجةٍ مكلوجةٍ عقيمة و كعبة ..
و أن أكتبوها ثانيةً و كما ينبغي .. هكذا :
( تجيهو الطاوية حبالها ) .. خطأ ..
تُقال و تُكتب :
( تجيئهُ تلك التي تجئُ وهي تطوي حبالها ) .
أعد يا عثمان .. أعد .
و شكراً .
.....
عائدٌ عائدٌ يا أبا ساندرةٌ
|
عماُد بنُ عبِد اللِه
أسألُ الله َ أنْ يقطّع مصارينِك إرباً إرباً
كما قطّعت مصاريني بالطريقةِ التي دعوتُ عليك بها
|
Post: #51
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 11:58 AM
Parent: #1
Quote: عبد الرحمن الطقي
Quote: اذهبا وربك قاتلا انا ههنا قاعدون
قرآن كريم
جنى
تصحيح كتابة الآية الكريمة :
( فاذهب أنت و ربك فقاتلا إنا ههنا قاعدون ) المائدة |
يا شيخ الطقي تلحقني وتفزعني
يا شيخ عبد الرحمن
القلب الناموس ضبان
يا ود خورطقت
العاين للجبل اتفتفت
يا اب جلابية
القلب الحمار عربية
.
.
تعال ألحقني هنا وفكني من الورطة دي
أنا مش صاحبك وقاعد أحامي ليك
.
.
قسما عظما ما تحلني إلا أنضم للجموريين والشيوعيين كمان
وأبقي ناصري وحركة شعبية وتقدمي ومستنير ولجان ثورية
ولا نامت أعين الجبناء ـ كي كي ودينق وسلوى صيام
ومحمد البشري وفيصل نوببي واساسي ذااااتو
معتز قريش وبكري ابوبكر احرجتونا مع اللغة العربية
وخليني من جني دا
الجن اللجننك يا كي كي اللعين
|
Post: #52
Title: Re: معتز قريش وبكري ابوبكر احرجتونا مع اللغة العربية
Author: عادل سهل
Date: 05-04-2008, 12:04 PM
Parent: #1
| Quote: مداخلة ظريفة كتبها المجنون عماد عبد الله في بوست مجاور |
البوست المجاور دا فى الحارة كم يا ود القريش ؟
طلب مساعدة:
أرجو أن أجد متطوع ليساعدنى فى قراءة هذا الإسم بالتشكيل الجميل الذى به| Quote: عماُد بنُ عبِد اللِه |
ــــــــــــــ
والله يا ود القريش أنا الليلة فاضى وما عندى شغل وبالمناسبة كل بوستات المنبر بايخة شديد فقلنا نجى نتونس معاك
|
Post: #53
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-04-2008, 12:13 PM
Parent: #52
| Quote: والله يا ود القريش أنا الليلة فاضى وما عندى شغل وبالمناسبة كل بوستات المنبر بايخة شديد فقلنا نجى نتونس معاك |
يا عادل سهل والله مشكور على المناصرة
لكن مناصرتك دي زي واحدة أختنا هنا قالت لتراجي
(تبوسي بي جيهة وتشلضمي بي جيهة) 
بجيك صاد ... أصبر لي
وبختك مع كي كي اللعين ودينق السكر
|
Post: #54
Title: Re: معتز قريش وبكري ابوبكر احرجتونا مع اللغة العربية
Author: shammashi
Date: 05-04-2008, 12:33 PM
Parent: #53
معتز
أنا زمان قلت ليك كمبيوترك دا اتبرع بيهو لي ناس السفارة. لكن كلام الشماشة ما بتسمع.
أمانة ما وقع راجل
تتذكر قبل سنتين تقريبا ملاسي كان مجنن الناس بملاحقة أخطاءهم النحوية والإملائية. أها قام مرة كتب ليهو سطر فيهو أربع كلمات كان فيهن تلاتة خطأ.
واحد من عكاليت المنبر نبه للتلات أخطاء وكتب ليهو "أعــــــــــــــــــــــــــــــــد"
واحد تاني قال ليهو خلي ولي أمرك يجي يقابلني.
ملاسي كب الزوغة من المنبر.
أها اسي إنت إلا تشوف ليك زوغة.
|
Post: #56
Title: Re: معتز قريش وبكري ابوبكر احرجتونا مع اللغة العربية
Author: عبدالكريم الامين احمد
Date: 05-04-2008, 01:25 PM
Parent: #54
| Quote: ياكيكى بس يأخى أديها نفس شوية |
هلا يا شيخ العرب
نفس وين مع المولد البلوشي ده
ده انا يادوبك فضيت للمصححاتي ابودقن ده تقول لي هدي يا شيخ العرب
| Quote: ملاسي كب الزوغة من المنبر. |
وده يا شماسي قانصين ليهو قنصة بت لذينة
بس الله يجيب يومو ساكت عشان الناس تشوف الرمبة الجد جد
اللهم انلنا من المرجف ملاسي كما انلتنا من الظلامي ود القريش
ولك الحمد يارب
|
Post: #59
Title: Re: معتز قريش وبكري ابوبكر احرجتونا مع اللغة العربية
Author: ALazhary2
Date: 05-04-2008, 01:52 PM
Parent: #56
عبد الكريم يازميل
أنا قاعد أصحح الأخطاء الإملائية وبالذات الاخطاء الواضحة زي الناس البكتبوا ليك مثلاً (اللة).
لكن ماقاعد أقول أنا أستاذ في العربي بالعكس دائماً بعترف إنو نادر أكتب لي سطر مافيه أخطاء إملائية أو لغوية .
عشان كدا عليكم الله ما تلبدوا لي زي لبدتكم لي أستاذنا ملاسي .
طبعاً أنا كنت متلح هشام أمين . هشام زميلنا دا عنده مشكلة كبيرة مع الهاء والتاء المربوطة.
وهسع إتلحت ولدنا محمد عادل لأنه كمان بيغلط غلطات توجع القلب لدرجة إنو الزول البشوف كتابته بيضع خط أحمر تحت الكلمة الصاح لأنها بتكون نادرة في وسط الأسطر البيكتبها .
والليلة كمان لقيت لي زول جديد مبشتن العربي بشتنة شديدة كنت معاه قبال شوية .
المهم في الزمن العايشين فيه دا صعب تلاقي ليك زول يكتب بدون أخطاء إملائية لكن بنحاول نجتهد قدر الإستطاعة عشان نكتب سطر جزء كبير منه صاح.
تحياتي وتقديري
ملاحظة(الكتابة بالدارجي) مامعانا في التصحيح
|
Post: #57
Title: Re: معتز قريش وبكري ابوبكر احرجتونا مع اللغة العربية
Author: Deng
Date: 05-04-2008, 01:42 PM
Parent: #1
ود القريش الاعجمي.
يعني خلاص عروبتك راحت شمار في مرقة وقامت عليك حملات التصحيح بالبورد.
علشان كده تعال وخليك معانا وأحتمي بنا نحن الافارقة، ونحن بالنسبة لنا اللغة العربية ليس لغتنا الاولى. وشعارنا هو "عربي فألعب به".
بعدين الكارثة كانت هي الاصرار الشديد على الخطاء نفسه. وتنصيب نفسك كمصصح على أخطاء الناس من قبل. مسكينة هذا العروبة التي يدعيها معتز القريش
وبريمة بهذا البورد.
دينق.
|
Post: #58
Title: Re: معتز قريش وبكري ابوبكر احرجتونا مع اللغة العربية
Author: طلحة عبدالله
Date: 05-04-2008, 01:48 PM
Parent: #1
السلام عليكم يا اخونا معتز والمتداخلين
بصراحة حاجة ملفتة للنظر
انت يا معتز ازاي تكتب سفروت بالزين وهو سفروت بالسين ..
طرأأأأأأأأأأخ .
|
Post: #60
Title: Re: معتز قريش وبكري ابوبكر احرجتونا مع اللغة العربية
Author: Salwa Seyam
Date: 05-04-2008, 04:05 PM
Parent: #1
Quote: ما دايرين رد ..
بس تانى ما دايرين نشوفك فتحت ليك بوست تقول
فلان غلط فى الاملا ولا فلان غلط فى الانشا |
عبد اللطيف البكرى سلام
شايفاك عملت لى خطوط تحت الاملا والانشا ياسيد ..
انا ما عكليتة زى معتز القريش اقول ليك اصلو الهمزة ملاصقة الألف ولا ملاصقة الباء ولاكنت فرحانة ولا زعلانة لما كتبت ..
بس كنت قايلاك حصيف .. تعرف لماذا حذفت الهمزة من كلمة املا وانشا ..
التعديل لادخال لام فى لماذا
|
Post: #61
Title: Re: معتز قريش وبكري ابوبكر احرجتونا مع اللغة العربية
Author: عبدالفتاح أبوشيمة
Date: 05-04-2008, 08:50 PM
Parent: #1
ما من زمان قلت ليكم
ماسمعتوني
ولا هو ذاتو سمعني
نعمل شنو غايتو
سلام يا ناصر
لا حول ولا قوة إلاّ بالله
|
Post: #62
Title: Re: معتز قريش وبكري ابوبكر احرجتونا مع اللغة العربية
Author: معتصم الطاهر
Date: 05-04-2008, 11:26 PM
Parent: #1
غايتو انا ما بكَلِّم عفيف ..
انت بس ما تجيب السِيرة ..
|
Post: #63
Title: Re: معتز قريش وبكري ابوبكر احرجتونا مع اللغة العربية
Author: PLAYER
Date: 05-05-2008, 00:30 AM
Parent: #62
يا ود قريش
| Quote: وبعدين انت مالك ومال العربي كمان |
العربي بقي خشم بيوت ونحن ما عارفين...ولا الاختشوا حيين
الخطأ ما فوقها عوجة تب ...العوجة في الفلهمة,,,
وللحقيقة: بكري بمجاملتوا لك برفع البوست...شرطوا عيننا مع الأعراب
حكمة اليوم
تفسير الغلط بصاح أضافة غلط فوق الغلط وليس تصحيح للغلط
|
Post: #64
Title: Re: معتز قريش وبكري ابوبكر احرجتونا مع اللغة العربية
Author: عبدالرحمن الحلاوي
Date: 05-05-2008, 06:20 AM
Parent: #63
قل ولاتقل
|
Post: #67
Title: Re: معتز قريش وبكري ابوبكر احرجتونا مع اللغة العربية
Author: معتز القريش
Date: 05-05-2008, 04:45 PM
Parent: #1
كي كي اللعين شمتان في عنواني
أها رايكم شنو في عنوان البوست دا
| Quote: مابين اطلاق سراح سامي الحاج وذكري استشهاد علي فضل يجري نهرا من دراما الزيف الانقاذي...!!! |
الصواب
يجري نهرٌ لأنها فاعل يا كي كي
أخوك ملاسي
|
Post: #68
Title: Re: معتز قريش وبكري ابوبكر احرجتونا مع اللغة العربية
Author: عبدالرحمن الحلاوي
Date: 05-06-2008, 03:38 AM
Parent: #67
الصواب :
يجري الزيف الإنقاذي نهراً.( قدم المفهول على الفاعل ) أين الخطأ.
أو يجري من الزيف الإنقاذي نهراً ) ( نهراً : تمييز منصوب .!!
|
|
|