هووي يا مريخاب غيرو ريتشارد دا قبل ما تبقى فضيحة ......

Quote: قبل ما تبقى فضيحة

هي بقت أولريدي
لكن تلاتة برضك اخير من ستة

و الزهرة دا خلاس يعني الأمانة قاتلاه
ما يسوي زي كلتشي و يشوت النجيلة

شلتو الزهرة وباولينو طيب
لكن مادام ريتشارد في مافي فايدة

النعيم احد اشبال الهلال ....

ابراهومة قلت لسفاري شنو مع بداية الشوط التاني

زووووووووووووووووووووووووط
خمسة في عين العدو

محمد البشري

أسي يجو يقولو ليك دي مباراة إستعراضية والعجب مافي والطابق الثاني وباقي الكلام الحافظينو داك

لكن خمسة زي الوردة

Quote: دي مباراة إستعراضية والعجب مافي والطابق الثاني وباقي الكلام الحافظينو داك

ما تنسى كمان

لن يبطرنا نصر و لن تهوززنا هزيمة
وطوينا ملف كاس سوداني

Quote: أسي يجو يقولو ليك دي مباراة إستعراضية والعجب مافي والطابق الثاني وباقي الكلام الحافظينو داك

يا قالو ليك : نحنا رخينا للهلال عشان عندو مباراة مهمة مع واحد من كبار
القارة...نظام مشهيات حمرا..لذيذة وسهلة الهضم..شفتو ليكم موج هادر بحتاج
لى مشهيات ??..ده ببلع من طرف .
ود البشرى..تهانى ليك ولكل الهلالاب.

اقوان باولينو والزهرة دي نيران صديقة يا اهلة



سليمان محمد

يامان
فنائل الهلال دي كان لبستها لي خيال ماته برضو بغلبو...

والاحمر ده كان لبسو ريتشارد ولا كلتشي ياهو الاحمر دائما موشح بالهزائم والفضائح.

صباح الخير يا عمك
المباراة كانت استعراضية في الشوط الأول
وهلال مريخ عديل كده في الشوط الثاني..
لاعب بمواصفات علاء عبد الزهرة حرام أن يلعب مع الوصيف
لو دفع مدرب المريخ بمرق منذ البداية لنائت شباك الهلال بالأهداف
علاء وباولينو لعبا في الشوط الأول مع الهلال وفي الثاني مع المريخ
كلاتشي وسولي لعبا في الشوط الأول مع المريخ وفي الثاني مع الهلال
الحكم لعب في الشوط الأول مع المريخ وفي الشوط الثاني مع المريخ
الشوط الاول كان 35 دقيقة والشوط الثاني 55 دقيقة (دي ما حصلت قبل كده)
كلاتشي غلبو كلو كلو يكون مريخابي ولو بالتمثيل..
مخرج المباراة لما علاء جاب القون الأول ما عرف يسجل القون للهلال ولا للمريخ
وأنا ذاتي ما صفقت رغم حلاوة القون لاني افتكرتو في الهلال (لا قدر الله)
كل لاعبي الهلال كانوا نجوماً خاصة بتاعين الصف الثاني..
تلاحظ غياب إدارة الهلال عن حضور المباراة فجلس الوالي رئيساً للهلال في
الشوط الأول وللمريخ في الشوط الثاني..
المريخ كان مغلوب لكن رغم كده شال كاس ودي أول مرة أشوف لي فريق مغلوب
بدوهوا كاس، وناس سوداني ديل طلعوا تفاتيح وقالوا ما عاوزين نحرج الوصيف..
لو زيكو كان لاعب، المباراة دي ما كان تمت..
عموماً المباراة كانت ممتعة وشيقة نسبة لعدم وجود حساسية فيها..
نبارك للمريخ كاس الفريق المغلوب وبالمناسبة هو أول فريق سوداني مغلوب
يحصل على كاس وهذا إنجاز يضاف للمريخ..

ود البشرى وكل الإخوة الهلالاب

مبروووووووووك والله ناس الهلال ديل ما عندهم حق قالوا المباراة احتفالية برضو زعط
الناس ديل حا تجيهم عقدة عديل كدا يعني ضرب في اي مكان وفي اي زمان
ونحن برضو بنحب الهلال في كل الاوقات
الوصيفاب تاني ما تجونا لا في الاحتفاليات لا في الدوري قولوا واااااي وااااي ما دايرين
وبرضو رفعنا كاس سوداني في استادكم
وسوداني وخليك هلالابي

أبو كريم

دائما

احس الهلالاب ديل زي الاطفال ..


بريئيين







ماعارف ليه ؟؟

Quote: دائما احس الهلالاب ديل زي الاطفال ..

Quote: دائما احس الهلالاب ديل زي الاطفال ..

حرام عليك يا ود المايقوما !!


ياخي الاطفال مرات بيخجلوا

المشكلة في المريخاب

لا فيهم براءة

ولا بعرفوا الخجل

نقول فيهم شنو ديل

مغلوبين ومنظراتية

الرش

وا فضيحتاااااااااااااااه

5 + 3 = 8

احرزت فى المباراه ثمانيه اهداف
كان نصيب لاعبى المريخ منها خمسه اهداف
ونصيب لاعبى الهلال منها ثلاثه فقط

نجح لاعبى المريخ فى تقديم افضل المستويات
احرزوا فى فريقهم وقلبوا فى الشوط التانى
واحرزوا فى الخصم وامتعوا الجماهير بالاهداف
الملعوبه
بينما فشل لاعبى الهلال فشلا زريعا
واصل كلتشى رحلة الفشل فى احراز الاهداف وكان
عاله على هجوم المريخ فى الشوط الاول وكان عاله
على هجوم الهلال فى الشوط التانى
رتشارد لم يستطيع ان يفعل شيئا امام باولينو وعلاء
الزهره وفتح دفاع المريخ شوارع
بينما وقف سفارى سدا منيعا امام هجوم المريخ ومنعه من
التسجيل طيلة الشوط الاول
سولى شريف اثبت انه لاعب فاشل بدرجة ممتاز ولا يستحق الهيلمانه
التى افتعلها الارباب مع الاتحاد بسببه وكان ريكاردو محقا بعدم
اعطاءه الفرصه للمشاركه فى مباريات الهلال

الحصيله
نجاح لاعبى المريخ فى احراز الاهداف مع الهلال فى شباك فريقهم
واحراز الاهداف مع المريخ فى مرمى الهلال
وفشل لاعبى الهلال فى تقديم مستوى يضيف للاحمر شيئا يزكر
او اضافوا لفريقهم ايضا شيئا يزكر

ويجى ود البشرى يقول ليك ظوووط الهدف الخامس فى عين العدو
هن كلهن ثلاثه اهداف احرزها رماتك فى شباك المريخ
بينما احرز رماة المريخ خمسه من اهداف المباراه التمانيه
رغم وجود عجوز الغابرين حقكم الاسمو رتشارد

وبرضو تقول ظووووط
غايتو الا اخجل ليكم انا بعد دا ..
مع العلم انو امس قدم لكم المريخ محاضره فنيه ودروس مجانيه ومتعه
غير مدفوعة الاجر فى فنون كرة القدم
ووريناكم كيف تحرز الاهداف ونوعية المحترفين الذين يضمهم كشف المريخ
ليس كثل حفيانى وسورى شريف وكلتشى

غايتو امس عرفتوا حاجه ..

Quote: غايتو امس عرفتوا حاجه ..

آي والله عرفنا
فنايلنا براها كان حتى لبسوها لعيبة الوصيف جوة استادكم بترشكم
بعدين يا خي دايرني اقول زوووووووط الهدف الكم يعني
اغالط الحكم

خلي روحك رياضية ياخ دي مباراة استعراضية ساي
لكن شديدة
و خليك سوداني

(مجموعة من الوشوش الحامضة)

يا ابو علوة :

Quote: احرزت فى المباراه ثمانيه اهداف كان نصيب لاعبى المريخ منها خمسه اهداف ونصيب لاعبى الهلال منها ثلاثه فقط

لاعبي المريخ لعبوا بضمير واخلاص حتى
يعوضوا الجماهير عن تعبها ..
ولكن لاعبي الهلال دفنوا ضميرهم في مقبرتهم
وحضروا .. وصدق من أسماها مقبرة الضمير
عقب كتاحة بورندي الفضيحة ..

وصدق عزيزنا كولا حين كتب :

من خسائر المرّيخ فى هذه المهزلة :

1) إصابة علاء ..!!

2) إصابة سفارى بالبرجم بعد ارتدائه للفنيلة المشؤمة ..
و الجماعة ديل ما حيعالجوهو ،، بالكتير حيجيبوا ليهو
(طين بحر) من بقايا ردم الحوض ..!!

3) إصابة باولينو بداء (الزراق) حيث تحوّل لونه من الأصفر
إلى لون محلول فهلنج ..!!

4) إعادة التخطيط العشوائيّة لدفاع المرّيخ بفتح شارع رئيسى
ذى أربعة مسارات فى منطقة يفترض فيها وجود (سد) ( لو دفّقوا
موية ما يخلّيها تمر) ..!!

** نحنا زاتنا بنبالغ ... ندّيهم معدّاتنا ، و ندّيهم باصّاتنا ،،
و كمان ندّيهم أقواننا ؟؟!!!

** المصيبة بكرة رمضان أحمد السيد يكتب معانا..
والأستاذ مزمل أبو القاسم يكتب معاهم ..

معليش يا كاكا .. ديل دفنوا ضميرهم
في مقبرتهم من بدري ..



إنت يا كروجر جنيت ولا شنو ؟؟
ديل أصحاب الضمير الميت ..
والصفر الدولي ..



صدقت يا ساحر الأمازون ..

والله يا ود البشرى احنا ما زعلانين
لاننا كالانبياء يأتون للناس بالهدايه والرشاد ويقابلون بالجحود والنكران

وبرضو ما زعلانين
لا من رتشارد
ولا من كلتشى
ولا من سورى شريف

لان ما قدموه هو اقصى ما عندهم
فرتشارد اصبح كبير السن ولا يقوى على مقارعة الشباب
ومباراة الهلال الاخيره امام صن داونز تثبت ذلك

كلتشى نفس الشئ عاد للهلال مجبرا بعد ان طار منه عقد بولندا
واصبح يلعب للهلال كاداء واجب وخاصه بعد رحيل قودوين
وكنت اعتقد واعتقد كثيرين غيرى ان كلتشى لم يحرز فى الهلال متعمدا
ولكنه فى الشوط التانى لم يحرز فى المريخ ايضا , فهل كان متعمدا ايضا
وللعلم هذا اقصى ما عند كلتشى المغبون من الارباب

سورى شريف معزور جدا
فأصلا هو لا يملك شئ ليقدمه لنا او لكم
فهو صفقه مضروبه كايد بها الارباب لخالد عز الدين والجميع يعرف هذا الامر
وقاتل من اجله الارباب قادة الاتحاد العام وكاد ان ينسف الموسم الرياضى باكمله
من اجل سورى شريف .. واثبتت الايام صحة رؤيه ريكاردو فيهو

وبعد
ان يقدم المريخ ولاعبيه تلك اللوحه الكوراليه الممتعه
وان يفشل الهلال فى تقديم اى شئ
هذا هو بيت القصيد ويجب ان تقفوا عنده كثيرا
وحكاية رزق اليوم باليوم بتاعة ريكاردو دى ما عادت تجدى

وسازكرك يا ود البشرى قريبا جدا بهه الكلمات
فقط انت لاتنساها .. سمح ابوى

Quote: والله يا ود البشرى احنا ما زعلانين

لا حولا يا ابو علوة
دي الحالة ما زعلان, مقال كامل
الله لا ورانا زعلك ياخ كان كدا
سجم ام الباندودث اليوم داك

لكن و للامانة دي شديدة

Quote: لاننا كالانبياء يأتون للناس بالهدايه والرشاد ويقابلون بالجحود والنكران

يا الأنبيا السادة طيب وقت القصة هداية و رشاد
مالكم غيرتوا المهاجمين الشوط التاني

بعدين ياابوعلوة دي ياتو لوحة كورالية دي البتتكلم عنها غايتو إلا كان غنية خالد حسن القبل الكورة
ياخي المريخ يومو كلو في منطقة جزاء الهلال يشيلوها منهم براحة يجدعوها ليوسف يا إنفراد يا قون
و تقول لي لوحة , ولا يمكن اللوحة الإلكترونية قاصد إحتمال

Quote: وسازكرك يا ود البشرى قريبا جدا بهه الكلمات فقط انت لاتنساها .. سمح ابوى

كان نسيت ذكرني ابوي
لكن كمان كان كعادتكم كل سنة الحال ما عجبك و عملت رايح وما ذكرتني ما بريحك


حسين يا عمك....
السلام سنة يااخ
خليييييييك سودانييييي