الاخ الكريم سيف اليزل... في بعض الروايات تقول ان ود باقير () والخبير ابوحماده.. كانوا فى طريقهم لمصر ومعاهم تقريبا دبوقتين والدبوقه اخي الكريم هي المية راس من الإبل (ألبل) متجهين لي إثنا (من محافظات الصعيد المصرى).. لانو قطر شحنهم لامبابه بيقف هناك... قبل ما يجبوهوه .. دراو القريبه من اسوان.. ود باقير توفى بالعطش... لانو قالوا كانوا كان فى واحد معاهم مشي علي البحر واخد الخشب بتاع الفقراء العندهم قبب ...بين العرضى و الخندق..عندما ذهب ليملأ القرب مويه .. .. ويقال ان ان لعنة الاولياء اصابتهم ... وتقول الروايه انو لامن الناس تنوم باليل ياتى ثلاث رجال... ويشربوا من كل قربه موية كتيره..... والناس لامن تصحى الصباح... تلقي القرب مليانه هوا.... وفي المنطقة المحاذيه لابو سمبل الحاليه علي مسيرة ثلاث ليالى ... على الشمال الغربي... بين عقبة جبل توماس وعقبة ود باقير الحاليه ... عطش الرفاق... وكان معهم الرجل الشديد القوي الخبير ابوحماده... وهنا اوعز الخبير ود باقير ان يذهب و يمتطي اسرع الجمال ويذهب الى اصدقاءهم الجعافره...وياتهم بالماء... وانطلق ود باقير كالسهم فى جوف البيداء... وغاب ... وترك اب حماده.. وبعض الرفاق... طبعا اخوي الكريم... فى الغالب.. اهل الصحراء.... يحسون بدنو اجلهم...لذا عندما...ذهب (ود باقير ) ارسل اب حماده... ود عكام على اثره....وغابا معا.... وتقول الروايه... ان ود باقير استطاع ان يحصل على الماء...واصدقاء اب حماده من الجعافره... ام الفراجين لا ادرى...وارسلوا معه رجلا مصريا... ولم تحدد الروايه ان كان ود عكام... وود باقير التقيا ام لا... ولكن الحدث الاهم... ان هناك عاصفه هبت.. بينما ود باقير في منتصف السكه...وكانت شديده جدا...وافترق ود باقير والمصرى لان ودباقير اصر ان يواصل الطريق... لكي ينقذ رفاقه.... وفي خضم تلك العاصفه رجع المصري بقرب الماء ولم يخطر ودباقير بذلك....لان عواصف الصحراء عادة تحجب البصر....وتاه ود باقير في رمال الصحراء... اخى الكريم من الاشياء التي تذكر لاؤلئك الرجال العظماء... انهم وجدوا ميتين وكل واحد فيهم يده مليئه بالعقل (بضم العين) جمع عقال وهو يستعمل لتوقيف الابل... كانو ا يفعلون بدافع المحافظه على اموال الاخرين فهذه الابل هيل تجار... ياود باقير ما قلت خبير وين السلمه ودرب البير... طبعا السلم نبات علي شاكلة شجيرات صغيره تنمو في الصحراء...
معليش الكتابه بالماوس صعبه... لكن لانى مررت بتلك المناطق عدة مرات بحكم اننا بدو... نرتبط ببعضنا ونعرف تلك الصحارى والبيد شبرا شبرا....