Post: #6 Title: Re: نادر خضر حاج الامين * فن * ايقاع *ثقافه (حــبـيـبـــــو) Author: كمال سالم Date: 04-29-2008, 11:48 PM Parent: #1
والله ذوقك راقى ياعتبانى ,, ماتتخيل كمية الطرب والتطريب البمنحنى ليها هذا النادر ,, الود ده بغنى بإحساس مذهل ,, وعندو تعبير درامى مصاحب ماسبقو عليهو زول . لكن صدقنى معظم الناس حتعيد إكتشافوا قريبا ,, وحيكون فى الصفوف الاماميه هكذا نحن السودانيين , مانجى إلا فى اللفه ,, تصدق فى ناس يادوبهم إكتشفوا صالح الضى . تحياتى ,,[/B]
Quote: لكن صدقنى معظم الناس حتعيد إكتشافوا قريبا ,, وحيكون فى الصفوف الاماميه هكذا نحن السودانيين , مانجى إلا فى اللفه ,, تصدق فى ناس يادوبهم إكتشفوا صالح الضى .
والله كلامك عين الحقيقه ياخى لحدى الان الناس مفتكره انو محمود عبد العزيز هو شقيق جمال مصطفى لكن البميز نادر يا كمال انو عندو لونيتو الخاصه فى الغناء ومعظم المطريبن الجداد بحاولو تقليدو وبفشلو " target="_blank">
الليلة جيت الليلة جيت ...... جيت وجيت يا حبيبو جيت شايل الفرح قصدك تعوضني اللي فات حسيت بحنية عيون ما لقيتا في اقرب صفات ادتني احساس بعمر حاضنو الربيع ونسايمو جات يوم كنا في جلسة نديم
نحكي ونعيد في الذكريات ما تشيل مع الحنية هم ما تخاف من الايام تدور ما تخاف يغيرني الزمن واعبر بدون عينيك بحور انا روحي تعرف عزتك زيك كمان صادق شعور انا روحي تعرف عزة الشوق زيك كمان صادق شعور وانا بيتي منور والدنيا ليل ليلنا هالي هالي عليهو نور خليتني ليه عشت الشقا قبال اعرفك من زمان مرة لا قيتك انا ... لمحت ليك وابيت كمان خليتني ليه عشت الشقا قبال اعرفك من زمان مرة لا قيتك انا ... صرحت ليك وابيت كمان ومن بدري ليه ما قلت لي انا قلبي ليه مليان حنان وبالريد كمان صارحتني شوف كان يسوي الزمان