|
Re: ما بين خطل المئوية والهتافية الهلالية .. اكيد عقدة نفسية .. (Re: abas)
|
Quote: حسين يوسف العلامة
قلنا في استادنا مافي استاد الخرطوم
بطلو شلاقة بقي
|
عبس اللذيذ .. برضو في استادكم الصفر حاسبنو ولا ما حاسبنو .. لأنو كتييير بطيروكم من جوة استادكم .. يعني إنتو زاااتكم بتكونوا ضحية جوة استادكم .. مصلا أورلاندو طيركم جوة استادكم ( الضحية منو ؟) خريبكة مرمطكم جوة استادكم ( الضحية منو ؟؟)
Quote: المهم انتو في استادكم اخر مره فزتو علي الهلال متين بالمستندات |
إنت جادي داير تعرف آخر مرة فزنا متين على الهلال جوة استادنا .. والله شلاقتك شلاقة ، عاين طيب عشان نفوقك من النوم ..
تيمان ايدو وسيدو كانو وين ؟؟ بتذكرهم ولا ما بتذكرهم ؟؟
هزيمة آخر الموسم التي نصرفها للهلال نهاية كل موسم ..
| |
|
|
|
|
|
|
Re: ما بين خطل المئوية والهتافية الهلالية .. اكيد عقدة نفسية .. (Re: abas)
|
Quote: حسن يوسف انت ما عارف بتقول في شنو
يا سيد قود ايداهور الاخير كانت في استاد الخرطوم يعني لا في استادكم لا في استادنا لي معلوميتك يعني
ونهاية موسم 2006 دي كاس السودان ده بيدوهو ليكم هدية وطبعا المباره دي هداها ليكم شداد لو بتزكر ولا طبعا ما بتعترفو بالاشياء دي |
والله يا عبس إنت الما عارف بتقول في شنو ؟؟ أو عارف ولكنك ورطت نفسك وعايز تتخارج ..
إنت سألتني متين آخر مرة الزعيم فاز على الهلال في أستاد الزعيم .. أنا قلت ليك هزمناك بهدفي ايدو وسيدو نهاية عام 2006 وهي هزيمة نهاية الموسم ، المرتب الذي نصرفه لكم ونقفل عليهو الموسم ونشيل المفتاح .. وما تزوغ بي شداد وما شداد .. لأو الكأس المكتبي بتاع شداد ومجدي شمس الدين شاهد .. وعشان ما نحرف مسار البوست ..
كدا عرفت متين آخر مرة فزنا عليكم ولا أجيب ليك تيمان ايدو وسيدو ؟؟
| |
|
|
|
|
|
|
Re: ما بين خطل المئوية والهتافية الهلالية .. اكيد عقدة نفسية .. (Re: طلحة عبدالله)
|
تقبلوا عذري فما ان كتبت العنوان وشرعت في تدبيج الموضوع خاصته حتى تكالبت علي المشاغل من كل لون ونوع لتنتزعتني من الكيبورد كما ينتزع سافري الرهيب الكرة من مهاجمي الخصوم .. ( وش بي كدوس دخانو سما) أعود آملا في التواصل بلا انقطاع هذه المرة .. ولتكن البداية من هنا.. قال بتاع النكت الصهيونية:
Quote: شكلو العيناوي مزنوق
|
وتبعه الاستاذ عوض احمد طه بقوله:
Quote: شكلو عمل ذو القعدة
|
غايتو الواحد كان عايز يعمل زغبير ما تريحوا.
| |
|
|
|
|
|
|
Re: ما بين خطل المئوية والهتافية الهلالية .. اكيد عقدة نفسية .. (Re: طلحة عبدالله)
|
بالطبع الموضوع يكفيكم عنوانه .. وأولي الألباب من الهلالاب فهموا الإشارة وتداخلوا تأسيسا علي ما فهموه بنوايا تفنيد الطرح قبل أن يتسوي علي البوست مستصحبين مبدأ .. السعي للموت ولا انتظاره .. إن الهلالاب يؤكدون يوما بعد الآخر أن خلو سجلاتهم من الإنجازات والبطولات الخارجية لا يزعجهم ولا يلقون له بالا بقدر ما يثير حنقهم ويضاعف حقدهم إحتكار المريخ العظيم لهذا الشرف الرفيع الذي يصطفي أهله وناسه من علية القوم وصفوتهم . محزن جدا والله أن يصل الحال بالهلالاب إلي درجة ان يتسعينوا بالخزعبلات والأوهام والبدع لتجميل تاريخهم الاغبش الخاوي من بريق الكوؤس الخارجية علي نحو ما يقومون به من هرطقات وخرطفات وصراخ وطنين وأنين . منذ متي إعتمد حساب الإنجازات وتوثيقها دوليا علي أن الفريق الفرتكاني لم ينهزم بارضه في مائةاو مليون مباراة .. ؟ ومتى كان الإنجاز يقاس باسماء المقابر والموت والتوابيت ..؟ إننا لم نسمع من قبل أن الإنجازات الخارجية تقاس بالوصافة والكابتن القيافة إلا عند اهل البدع والضلال والذين عندما لم يجدوا مكانا لهم بين قائمة الأبطال والزعماء سخروا حقدا منهم ونعتوا بطولاتهم وإنجازاتهم بالضعف ناسين او متناسين أنهم لم يقووا حتى علي هذا الضعف المزعوم . ان المريخ الذي صال وجال وسط الأحراش الأفريقية وعاد مرصعا بالأوسمة ومتأبطا للكؤوس والدروع ومتأنقا بصولجان الملك والزعامة والسيادة لم يفعل كما يفعل هلال البور والبلقع والصعيق الموحش من اي دفء إنجاز خارجي لانه ( اي المريخ ) لا تبطره الإنتصارات والإنجازات وإن كانت في قامة الفوز بكأس مانديلا فلماذا يزعجنا الهلالاب صباحا ومساء باوهام المئوية والمقابر والموت ..؟ من قبل وفي حقبه من تاريخه المؤطر ببريق الذهب والمجد حصل المريخ علي بطولة الدوري من دون هزيمة او حتي تعادل وكرر ذات الإنجاز بتعادل واحد ولكنه فعل ذلك للتاريخ والتوثيق ثم مضي يبحث عن إعجازا آخرا يضيفه إلى سجلاته الماجدة بعد أن زهد في البطولات المحلية التى يتشدق بها المحليون ويقيمون لها الأفراح والليالي الملاح . يتبع ..
| |
|
|
|
|
|
|
Re: ما بين خطل المئوية والهتافية الهلالية .. اكيد عقدة نفسية .. (Re: طلحة عبدالله)
|
Quote: بالطبع الموضوع يكفيكم عنوانه .. |
لم يكن عندك جديد ياطلحة
وابصم بالمائة سوف اقابلك عام اخر بنفس الاسلوب والنسق والكلمات والحرف وانت تهضرب هلال هلال هلال تمجد وصيفا وتخفض من قدر بطل,,,
من الان عام اخر ,,سوف تمجد هذا الوصيف وان صعد الهلالاب على العارضة يهتفون بكاس الدورى
سوال مطروح لديك...ماهو الكاس الذى رفعه العجب طيلت وجوده فى المريخ
على فكرة لا يفوتك لقاء العجب يوم السبت مع سعد والله ولد ظريف ووناس وحيقولك بعضمة لسانه ناس الهلال بقولو لى ياعجوز,,
وايضا لا يفوتك لقاء نادية عثمان مع جمال الوالى,,,ودا طبعا بعد لقاء صلاح ارديس
يا كافى البلاء حتى فى اللقاءات وصيفاب؟؟؟؟؟ ودمت
| |
|
|
|
|
|
|
Re: ما بين خطل المئوية والهتافية الهلالية .. اكيد عقدة نفسية .. (Re: abuguta)
|
واحد شايقي قال داير يبطل شراب الشاي وفعلاً صبر أول يوم لكن تاني يوم بدأ في النضمي كل ما يقعد مع جماعة ويكونوا ماسكين موضوع يقول ليهم بالمناسبة إنتو الشاي دا كان خليتو بحصل ليكم شنو ؟؟؟ أسي أنا لي يومين فرد جغمة ما شربتها أها حصل لي شنو؟ ولا أي شئ. الجماعة يقولوا ليهو : والله كلامك صاح ويواصلوا في موضوعهم ،،، تاني يتنحنح ويقول ليهم إنتو الشاي دا يوم كتلوا زول؟؟؟ خلوهو ،، هسه أنا بطلتو كلو كلو يقولوا ليهو سمح ،،، ويواصلوا في حديثهم تالت ورابع وعاشر يقول ليهم فجأة كدا : إنتو يا جماعة الشاي دا كان خليتهو بحصل ليكم شنو؟؟ بطلوا يا أخوانا قام واحد قال ليهو: آآ فلان نحن شراب الشاي دا ما بنخليهو عشان جنس سواتك دي ،،، فيا شباب شوفوا حكاية طلحة دا شنو وحلوها ليهو
| |
|
|
|
|
|
|
Re: ما بين خطل المئوية والهتافية الهلالية .. اكيد عقدة نفسية .. (Re: Fadl Karrar)
|
Quote: فيا شباب شوفوا حكاية طلحة دا شنو وحلوها ليهو |
فاضل كرار
طيب على حسب تقرير الطبيب المتابع لحالته مشكلة طلحة ان الهلال يبقى وصيف فى هذا العام وصلاح ادريس يتنحى ان الرئاسة ويرجع جدة زى زمان ويبطل الكورة وكتابة الشعر والتلحين وما يجيب خبر لشداد,,, عندك علاج للمشكلة دى
لكن سحس داعاوز ينزل ينزروه بياتو باب ,,الحافلة مقلوبة
| |
|
|
|
|
|
|
|