|
صورة معبرة...قال ليك جندرة للطيش..
|
ليس هنالك ما هو أجمل من جسد امرأة حامل
حياة تنبض بالحياة.. برة وجوة ..
يا سلام على هذا الانتصار والصورة المعبرة
الصورة لوزيرة الدفاع الاسبانية وهي تتفقد أفراد قوات بلادها المشاركة مع قوات اليونيفيل في لبنان.. (المصدر - الشرق الأوسط)
عقبال ما نشوف بناتنا قدام..
وبرج الحمل زينة للمرأة
|
|
|
|
|
|
|
|
Re: صورة معبرة...قال ليك جندرة للطيش.. (Re: Mahmoud Mustafa Mahmoud)
|
وشوف دي يا حلاتها
Quote: تقف اوبايي ماري الحامل في شهرها السابع على بعد نصف متر من لغم صمم ليمزق اي جسم يزيد وزنه عن ثلاثة كيلوجرامات ولكنه بالنسبة لها مجرد جزء من عمل اليوم. وتقود ماري فريقا من النساء يعملن في ازالة الالغام لصالح منظمة بيبولز ايد النرويجية في واحدة من اكثر المناطق خطورة بجنوب السودان في الميل 38 الذي كان ميدانا للقتال ابان الحرب الاهلية.
ويقع الميل 38 على بعد 61 كيلومترا من جوبا عاصمة الجنوب على خط النار في الحرب التي دارت رحاها لعقود من الزمن بين المتمردين الجنوبيين واغلبيتهم من المسيحيين والوثنيين والحكومة المسلمة في الخرطوم.
وسقط مليونا قتيل في الحرب وشرد اربعة ملايين قبل توقيع اتفاق السلام في عام 2005.
واليوم تحاول حكومة جنوب السودان التي تتمتع بما يشبه الحكم الذاتي اعادة بناء المنطقة التي تفتقر لاهم منشات البنية التحتية. وتجري حكومة الجنوب استطلاعا للرأي بشأن الانفصال في عام 2011.
وازالة آلاف الالغام جزء مهم من جهود اعادة بناء المنطقة المدمرة حيث ادى تلغيم الطرق لصعوبة السفر ونقل السلع.
وتعترف ماري "كنت خائفة جدا حين تعاملت مع أول لغم". وبعد عامين اضحت مسؤولة عن سلامة مجموعتها وتفجير الالغام التي ترفع من المنطقة غير المأهولة.
وتقول ماري بابتسامة "رفعت أكثر من 20 لغما حتى الان. بل يمكنني ان احمله في يدي".
وتحت اشراف ماري تقوم جوان جنتي بازالة لغم بحرص شديد. |
http://gmrna.com/modules.php?name=News&file=article&sid...read&order=0&thold=0
اخونا خالد كودي كان اورد الخبر دا في البوست دا :
النساء يشاركن في مهمة ازالة الالغام في جنوب السودان
طبعاً انامنحازها لماري واستدارة بطنها الواعدة لمليون سبب
وان كان وجود النساء في المؤسسة العسكرية بخلينا نحلم بانه يسهمن بشكل فعال في دفع بلدانهن لخفض الانفاق الحربي ، ونزع الاسلحة والتوقيع على الاتفاقيات التي تحظر الالغام دي احلامنا وياربي تحقق الاحلام
| |
|
|
|
|
|
|
Re: صورة معبرة...قال ليك جندرة للطيش.. (Re: الجندرية)
|
Quote: تقف اوبايي ماري الحامل في شهرها السابع |
الغريبة يا أماني الخواجية برضها في شهرها السابع.. نسوان (سبعانات) خلاص..
Quote: طبعاً انامنحازها لماري واستدارة بطنها الواعدة لمليون سبب
وان كان وجود النساء في المؤسسة العسكرية بخلينا نحلم بانه يسهمن بشكل فعال في دفع بلدانهن لخفض الانفاق الحربي ، ونزع الاسلحة والتوقيع على الاتفاقيات التي تحظر الالغام دي احلامنا وياربي تحقق الاحلام |
لا عليك الله أحسن ما تنحازي..
غايتو بالغتي في حكاية خفض الإنفاق الحربي دي.. وطاتنا أصبحت أكان كدي... غايتو المرا مرا .. والراجل راجل... هسي في زول قال إشراقة مصطفى؟؟ جندرن جندركتن ساكت..
تحياتي..
| |
|
|
|
|
|
|
Re: صورة معبرة...قال ليك جندرة للطيش.. (Re: شول اشوانق دينق)
|
Quote: قطعاً صورة غاية فى الجمال
Quote: لكن هنا عندنا المرأة فى الجيش والشرطة ماعندها تحية ، بيصرفو ليها بدل تحية
الناس ديل قصروا معاكم عديل يا شمائل |
العزيز شول أشوانق دينق..
وجودك هو الجميل..
مرحباً بك.. إضافة حقيقية للمنبر والنقاش
| |
|
|
|
|
|
|
Re: صورة معبرة...قال ليك جندرة للطيش.. (Re: Amira Osman)
|
العزيزة أميرة عثمان..
Quote: الصوره زينه و تعجب و بلغه الجندر الدور الانجابي للمراه من ولاده و تربيه اطفال و حمل، زي ما بتقول الصوره، ما بمنع المراه من العمل و القياده بما فيها، طبعا، قياده الرجال، عسكربا... |
موش كدا؟؟
شكراً يا أميرة على وجودك هنا
| |
|
|
|
|
|
|
Re: صورة معبرة...قال ليك جندرة للطيش.. (Re: Mahmoud Mustafa Mahmoud)
|
يازول هوي..ده وزير دفاع كُهنة ساكت..!!.. مالها ما لابسة رسمي؟..
غايتو لو طلع وزراء الدفاع في اسبانيا ممكن يكونوا ما عساكر (يعني مدنيين)..اكون ضهبان و الضحك شرطني..
الظاهر عليكم كلكم الجيتو من هنا ديل.. السبعة شهور دي ما مرت بيكم ؟..انا غايتو مرة بي..و عارف البيحصل فيها شنو..
الزولة وجيهة..
و حبابك يا مصطفى يا صديق..
كبر
| |
|
|
|
|
|
|
Re: صورة معبرة...قال ليك جندرة للطيش.. (Re: Kabar)
|
كبِّر..
كيفك أخوي..
Quote: غايتو لو طلع وزراء الدفاع في اسبانيا ممكن يكونوا ما عساكر (يعني مدنيين)..اكون ضهبان و الضحك شرطني.. |
والله يا كبر بالغت عاد يا ود أمي.. .. شكلك مستكتر الوزارة على الولية دي؟؟ هسي متخيلها كدا بالعقل تكون اندرشت كلية حربية ودورات قادة وأركان وما إلى ذلك؟؟ حاشاك الضهب لكن الضحك شارطك شارطك..
Quote: الظاهر عليكم كلكم الجيتو من هنا ديل.. السبعة شهور دي ما مرت بيكم ؟..انا غايتو مرة بي..و عارف البيحصل فيها شنو..
الزولة وجيهة.. |
والكلام دا طبعا ما بجيب ليك الهواء البارد.. موش؟؟
غايتو أنا بررررررررررررة..
سلمت يا صاحب..
| |
|
|
|
|
|
|
|