Post: #2
Title: Re: معاناه مصوره لابناء دارفور بسويسرا
Author: Nasir Ahmed Elmustafa
Date: 04-29-2008, 06:15 AM
Parent: #1
البشمهندس الحبيب بكري صباح الخير مع احترامنا للمشاركين في المظاهرة والندوة الذمن اتغير واصبح النضال من الداخل ممكنا حقوالناس ييخلو حكاية المظاهرات في العواصم الغربية الباردة كل شئ صار ممكنا في السودان المظاهرات والندوات والفيديو كونفرانس والقنوات الفضائية و SNG وفوق كدة حوارات السلام لم تنقطع ودايرين مساهمة ابناء دار فور في التنمية والسلام المستدامين شكرا على الصور ونرحب بكل طائر مهاجر في وطنه فهو احق باحتضانه واهلنا بقولو تمرق من بيتك حزين تلقا الفرح عن مين
|
Post: #6
Title: Re: معاناه مصوره لابناء دارفور بسويسرا
Author: Rihab Khalifa
Date: 04-29-2008, 10:22 AM
Parent: #2
و بره و جوه مالو؟
|
Post: #3
Title: Re: معاناه مصوره لابناء دارفور بسويسرا
Author: معتز جعفر الحسن
Date: 04-29-2008, 07:51 AM
Parent: #1
(كل شئ صار ممكنا في السودان المظاهرات والندوات والفيديو كونفرانس والقنوات الفضائية )
ياراجل؛ من متين الكلام ده بعد ما وقفوا الجرائد قبل كم يوم ولابعدو؟
|
Post: #4
Title: Re: معاناه مصوره لابناء دارفور بسويسرا
Author: خدر
Date: 04-29-2008, 10:06 AM
Parent: #3
|
Post: #5
Title: Re: معاناه مصوره لابناء دارفور بسويسرا
Author: esam gabralla
Date: 04-29-2008, 10:19 AM
Parent: #1
يا خدر
اسه كلام ناصر ده مالو؟
كلامو كلو صاح:
كل شئ صار ممكنا في السودان المظاهرات والندوات والفيديو كونفرانس والقنوات الفضائية و SNG
بس ما قال ممكن لى منو؟ مسموح لى منو؟
بتذكر كلام قالو لى د. حيدر ابراهيم ، انو السودان بدا ينتقل ليصبح دولة "عادية" زى باقي الدول "الشقيقة والصديقة" زى مصر و الاردن و ما شابه. مسموح تتكلم في حدود و تطلع جريدة في حدود و مرة مرة تعمل ندوة او مظيهيرة كده، بس الرئيس يظل الرئيس والحكومة هى الحكومة والحزب الحاكم هو والحزب الحاكم و... كل شئ على ما يرام...
اهلنا برضو بقولو: ايه اللى جبرك على المر ... الامر منه
تقول انحنا عاجبانا الزيفة و السقط ده!!!!
|
Post: #7
Title: Re: معاناه مصوره لابناء دارفور بسويسرا
Author: محمد مكى محمد
Date: 04-29-2008, 10:38 AM
Parent: #1
Quote: معاناه مصوره لابناء دارفور بسويسرا |
العنوان كأن أبناء دار بسويسرا يعانون.. أعتقد أن العنوان غير موفق..فقرأتى لعنوان البوست مخالف لما فهمته من المضمون... وتحياتى
|
Post: #8
Title: Re: معاناه مصوره لابناء دارفور بسويسرا
Author: خدر
Date: 04-29-2008, 10:44 AM
Parent: #7
Quote: حقوالناس ييخلو حكاية المظاهرات في العواصم الغربية الباردة |
عصام قالو ليكـ الباردة البااااااااااااردة ركز ياخ ناس استراليا بره القصه دي
|
Post: #9
Title: Re: معاناه مصوره لابناء دارفور بسويسرا
Author: محمد يسن علي بدر
Date: 04-29-2008, 10:52 AM
Parent: #1
Quote: مع احترامنا للمشاركين في المظاهرة والندوة الذمن اتغير واصبح النضال من الداخل ممكنا حقوالناس ييخلو حكاية المظاهرات في العواصم الغربية الباردة كل شئ صار ممكنا في السودان المظاهرات والندوات والفيديو كونفرانس والقنوات الفضائية و SNG
|
السيد/ Nasir Ahmed Elmustafa
تأكيداً لكلامك ادناه .. خطاب من رئاسة شرطة محلية وادي حلفا- قسم شرطة عبرى .. قبل أقل من أسبوع .. طبعاً محلية وادي حلفا ... ياعزيزي تتبع لدولة النرويج ... حيث البرودة ...
سبب ارسال الخطاب : هو وقف الحراك الجماهيري المناض لسد دال.. افتكر من حق اهالي المنطقة ... الوقوف ضد مسح النوبة من الوجود ...!!!!
ولك فحوي المرسوم ... _______________________
بسم الله الرحمن الرحيم
رئاسة شرطة محلية حلفا
قسم شرطة عبري السيد / رئيس اللجنة الشعبية لقرية -------- المحترم
الموضوع: منع اقامة الندوات والسمنارات غير الرسمية
بالإشارة إلى خطاب السيد مدير شرطة محلية حلفا رقم ن س /ح أ52/ع1 والخاص بالموضوع اعلاه يمنع بتاتاً اقامة ندوات وسمنارات غير رسمية الا بعد الحصول على اذن مسبق وموافقة من السلطات الأمنية على اقامة هذه الندوات أو السمنارات. هذا الأمر ينطبق كذلك على الندوات التي تقام داخل الأندية والساحات العامة والتي تدخل في نطاق الاعمال المخالفة للقانون، كل من يخالف ذلك يعرض نفسه للمساءلة القانونية . والله من وراء القصد ،، رئيس قسم شرطة عبري
وقد تسلم نسخة من هذا الخطاب كل رؤساء الاندية بالمحلية
|
Post: #10
Title: Re: معاناه مصوره لابناء دارفور بسويسرا
Author: M A Muhagir
Date: 04-29-2008, 12:58 PM
Parent: #1
Quote: البشمهندس الحبيب بكري صباح الخير مع احترامنا للمشاركين في المظاهرة والندوة الذمن اتغير واصبح النضال من الداخل ممكنا حقوالناس ييخلو حكاية المظاهرات في العواصم الغربية الباردة كل شئ صار ممكنا في السودان المظاهرات والندوات والفيديو كونفرانس والقنوات الفضائية و SNG وفوق كدة حوارات السلام لم تنقطع ودايرين مساهمة ابناء دار فور في التنمية والسلام المستدامين شكرا على الصور ونرحب بكل طائر مهاجر في وطنه فهو احق باحتضانه واهلنا بقولو تمرق من بيتك حزين تلقا الفرح عن مين |
حاضر
كلامك على العين والراس
من الليلة بطلنا المظاهرات وخلينا الحكومة تعمل زى ما عاوزة فى دارفور
ان شاء الله تكون كدة ارتحت
|
Post: #11
Title: Re: معاناه مصوره لابناء دارفور بسويسرا
Author: الصادق صديق سلمان
Date: 04-29-2008, 02:54 PM
Parent: #10
Quote: يمنع بتاتاً اقامة ندوات وسمنارات غير رسمية الا بعد الحصول على اذن مسبق وموافقة من السلطات الأمنية على اقامة هذه الندوات أو السمنارات |
إشارة للنقطة في المرسوم أعلاه ... أود القول أن هذه الفقرة والإستثناء الذي تحته خط في الإقتباس أعلاه معمول به في الكثير من الدول العريقة جداً ديمقراطياً ... لذلك فالمتابع للأخبار العالمية دائماً ما يلحظ تواجد الجهات الأمنية وهي مسايرة للمسيرة .. ذلك للحيلولة دون وقوع الكثير من الأشياء ولإعطاء المسيرة الطابع الرسمي .. هذه النقطة هي عين النظام وهي لا أعتقد أنها تتنافي مع قيام المسيرة نفسها وإبدأ وجهات النظر المعارضة بطريقة حضارية محترمة ومهذبة ..
|
|