Post: #1 Title: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-29-2008, 01:41 AM Parent: #0
نطل عليكم برائعة أخري من رائعات العبقري سيد عبدالعزيز.. وتكمن عبقرية الشاعر في أنه ينقلك وبكل حواسك إلي حيث نظم القصيدة..صباح كانت أم مساء..في المشرق كانت أم في المغرب.. أجد صعوبة في الحديث والتنقل بين أبيات القصيدة دون أن أتوقف في كل بيت لأستظل به ولأتنشق ذاك الحب العفيف الطاهر..
يالزهر الفي رياض وزهور في خدرك وحسنك مشهور هلال محياك المابي ظهور هلال ماهلت مثله شهور ده كلام ياأخوانا!!!! والله الزول ده بالغ!!!
أترككم مع تلك الرائعة لتنعموا مثلي بجمال كل بيت وأن تتلمسوا معي سحره وروعته..
صباح النور عليك يازهور صباحك يوم يقاس بدهور
يالزهر الفي رياض وزهور في خدرك وحسنك مشهور هلال محياك المابي ظهور هلال ماهلت مثله شهور **** زاهر طاهر مالمغرور عليه جناح الرضا مفرور صباحه سعادة وكلو سرور جماله يغني عليه سرور **** نظرتك جالس بين خدور بدري حداك أنخسفوا بدور تفوق نيشان ممتاز في صدور العظما ء المثلوا أعظم دور **** جلاله جلال ملكاً منصور دلاله دلال مقصور في قصور فيه جمال الكون محصور بديع ماشافت مثله عصور **** يلوح للعين من نورك نور شعاع الشمس على البلور جهرت عيوناً كفاك يانور قلوبنا رميتن في التنور **** فريد حسنك ودلك موفور وأنا دمعي يجر مجرى البسفور تزيد في عناد ودلال ونفور وبرضي أقول ذنبك مغفور **** أيا صاحب الطرف المكسور كسرت قلب شجاع وجسور تتجاهلني وأنا بيك مأسور حسابي معاك بقى كله كسور
صباح النور عليك يازهور بأصوات كثر أتمني أن نتال رضاكم...
Post: #16 Title: Re: صباح النور عليك يازهور****إهداء لكل عشاق الحقيبة Author: عبدالكريم الامين احمد Date: 04-29-2008, 05:54 AM Parent: #14
هكذا تعودين يا نهي وهكذا تعودنا ونحلق معاك في جرعات الاوفر دوز هذه ويسكرنا ويطربنا الطرب النضيف ويا سسسسسسلام عليك ياخييييييي
Post: #18 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-29-2008, 05:59 AM Parent: #16
المتألق دائما عبدالكريم
شكرا ليك كتير وشكرا علي الإطلالة الجميلة.. لم نفق بعد من بوستك الرائع رفيق سووي تفكيك مال وروح.. فقد أثبت فيه قدرتك علي جذب القارئ علي قول ناس روتانا (مش حاتقدر تغمض عينيك)
ليك علي تاني أخفف ليك الدوز لكن لو مانفع القصة ممكن تقلبtoxicity وبعد داك انا مامسؤولة ..
ربنا يجمل حياتك كمان وكمان
Post: #15 Title: Re: صباح النور عليك يازهور****إهداء لكل عشاق الحقيبة Author: ABUHUSSEIN Date: 04-29-2008, 05:52 AM Parent: #1
الله إديك العافية و إحفظك من كل شر
عذبتي الحقيبة و عذبتينا معاها دا الفن يا فنانة يا نهى
أمنياتي ليك بالسعادة و التوفيق
و ما تحرمينا من الإبداع دا بالله
Post: #17 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-29-2008, 05:55 AM Parent: #15
أخي الفاضل أبوحسين...
أسعدتني طلتك كثيرا وشرفتني
تسلم يارب وربنا يبعد عنك الهموم وماتشوف شر يارب
مودتي
Post: #19 Title: Re: صباح النور عليك يازهور****إهداء لكل عشاق الحقيبة Author: احمد العربي Date: 04-29-2008, 06:10 AM Parent: #17
يا سلالالالالالالالالالالالام الزوله البتجيب الحاجات السمحه ازيك وسلام لكل الحضور جمال متناهي
Post: #20 Title: Re: صباح النور عليك يازهور****إهداء لكل عشاق الحقيبة Author: Mohamed Yassin Khalifa Date: 04-29-2008, 06:23 AM Parent: #19
العزيزة نهى
صباحك نور وليك منا أجمل باقة زهور
جميل وعرض قدير وخطير... بس زيدينا
شنو كانت مناسبة القصيدة وفي منو قالها سيد عبدالعزيز
محمد يسين
Post: #21 Title: Re: صباح النور عليك يازهور****إهداء لكل عشاق الحقيبة Author: Emad Abdulla Date: 04-29-2008, 07:51 AM Parent: #20
نقول شنو يا نها !!!
ده صباح براهو .. و الصباحات في غنانا تفرحك و تخليك حاسي إنك زول كويس و تفتح نفسك للدنيا . زماااااااان كانت إذاعتنا المجيدة أيام الشنة و الرنة تديك جرعة زي دي يومياً .. و إنت لسه في سريرك يهدهدك صوت ليلى المغربي .. و يتبعو إبراهيم عوض : يا صباح يا زاهي العبير .. سلم عليهم كتير . و العاقب : نوّرت الكون يا صباح يا جميل .. و غيرهم و غيرهم .. هسه البلد خرفت بدري .. و هوا الصباح الخريفي ده شي عجيب .. تقوم تخلط معاهو : صباح النور عليك يا زهور .. و تحس بسلام جواك و راحة عجيبة ( حتى لو مؤقتة ) . نوع الغنا ده .. فيه شفاءٌ للناس .
غايتو يا نها ( يا سيدي أقول ذنبك مغفور ) .. و ليكي الجنة على السماحة الصباحية دي .
Post: #28 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 00:58 AM Parent: #21
أخي الرائع والمتألق عماد كيف أخبارك والله مشتاقين؟؟
Quote: و الصباحات في غنانا تفرحك و تخليك حاسي إنك زول كويس و تفتح نفسك للدنيا . زماااااااان كانت إذاعتنا المجيدة أيام الشنة و الرنة تديك جرعة زي دي يومياً .. و إنت لسه في سريرك يهدهدك صوت ليلى المغربي .. و يتبعو إبراهيم عوض : يا صباح يا زاهي العبير .. سلم عليهم كتير . و العاقب : نوّرت الكون يا صباح يا جميل .. و غيرهم و غيرهم ..
ياحليل أيام زمان وناس زمان... لكن تفتكر الحصل شنو؟؟ شنو الغير الناس وخلاها تبعد عن الجمال وترويج الفرح والإبداع.. ياريت نلقي إجابة يمكن نقدر نصلح الحال..
Quote: صباح النور عليك يا زهور .. و تحس بسلام جواك و راحة عجيبة ( حتى لو مؤقتة ) .
نوع الغنا ده .. فيه شفاءٌ للناس .
فعلا صباح النور عليك يازهور من الأغنيات التي تبعث الطمأنينة والراحة في النفس...وتسمو بك فوق الهموم والنكد... ربنا يرحم الشاعر بقدر ما أسعدنا وأمتعنا...
Quote: غايتو يا نها ( يا سيدي أقول ذنبك مغفور ) .. و ليكي الجنة على السماحة الصباحية دي .
ربنا يجمل حياتك ويسعدك وماتشوف إلا فرح وزهور..
مودتي
Post: #27 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 00:52 AM Parent: #20
أخي الفاضل محمد ياسين كيفنك...
شكرا ليك علي الإطلالة والتي أسعدتني جدا جدا...
Quote: شنو كانت مناسبة القصيدة وفي منو قالها سيد عبدالعزيز
نحن في بوستات أغنيات الحقيبة عندنا سياسة نافذة ... وهي إننا بننتظر الدكتور الفاضل أحمد القرشي ليأتي لنا بطيب السرد والحقائق الخافية علينا عن ذاك الجيل.. لهذا فنحن في إنتظارك د.أحمد القرشي
تسلم يامحمد أخوي ويديك ألف عافية
Post: #26 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 00:48 AM Parent: #19
فنانا الجميل أحمد العربي
يامن تزرع المحبة في طيات البورد... شرفت ونورت تسلم من كل شر مودتي
Post: #22 Title: Re: صباح النور عليك يازهور****إهداء لكل عشاق الحقيبة Author: salma subhi Date: 04-29-2008, 08:57 AM Parent: #17
صباح النور عليك يازهور صباح الخير يا نهى....
كل الود
Post: #23 Title: Re: صباح النور عليك يازهور****إهداء لكل عشاق الحقيبة Author: Azhari Nurelhuda Date: 04-29-2008, 09:28 AM Parent: #22
صباحك خير يا نهى..... شكرا على كل هذه الصباحات المسرجة بالنور....
و إبتسمت روحي مع علي السقيد.....
Post: #30 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 01:02 AM Parent: #23
أخي الفاضل أزهري أسعدني حضورك وتشريفك للبوست
فعلا الرائع علي السقيد من الأصوات البارزة في الساحة الفنية والتي لم تلقي ماتستحق من تكريم وإشادة... وحقيقة أنا من أشد المعجبين بهذا الفنان الإنسان...
يديك ألف عافية
مودتي
Post: #29 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 01:00 AM Parent: #22
الرائعة سلمي صباح النور عليك ياملكة .. شكرا علي طلتك البهية... وتسلمي من كل شر محبتي الصادقة
Post: #24 Title: Re: صباح النور عليك يازهور****إهداء لكل عشاق الحقيبة Author: محمد عثمان Date: 04-29-2008, 10:13 AM Parent: #1
نها..
صباااحك نور...
بصوت الفنان سيف الجامعة
Post: #25 Title: Re: صباح النور عليك يازهور****إهداء لكل عشاق الحقيبة Author: WAD ELGAALI#4 Date: 04-29-2008, 06:36 PM Parent: #24
والصمت فى حرم الجمال سنة حسنه
Post: #32 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 01:06 AM Parent: #25
أخي الرائع ود الجعلي
كيفنك ياخ والله ليك وحشة...
لكن والله أنا عرفت ليك حاشرك ليك ببوست حقيبة كل مرة عشان تظهر لينا وتنور البورد من جديد ياريت ماتحرمنا من إطلالتك ومن مشاركاتك.. مودتي
Post: #31 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 01:04 AM Parent: #24
المتألق دائما والرائع محمد عثمان
تسلم ياناثر الدرر ومروج البهجة والفرح..
ياسلاااااااااااام أعجبني أداء سيف الجماعة كثيرا
يديك مليار عافية
مودتي وتقديري الخالصين
Post: #33 Title: Re: صباح النور عليك يازهور****إهداء لكل عشاق الحقيبة Author: احمد العربي Date: 04-30-2008, 02:49 AM Parent: #31
وتاني صباح ننشد التواصل ابعاد تزوق الجمال التمرق في خيوط الفجر حتى نكتسي اللون الزهبي كل الود ولك السماح دوما
Post: #34 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 03:12 AM Parent: #33
الرائع المتألق أحمد العربي
صباحك ندي صباحك فرح وجمال ربنا يسعد أيامك ويحميك من كل شر يارب قول امين
مودتي
Post: #35 Title: Re: صباح النور عليك يازهور****إهداء لكل عشاق الحقيبة Author: عبدالله وداعه الامين Date: 04-30-2008, 03:54 AM Parent: #34
الاخت العزيزة نهى
تحية وسلام
شكرا على البوست الرائع والاغنية الرائعة وتسلمي على المجهود الكبير نضيف لمجهودك الاغنية وبصوتي حامد ابو سبح وطه سليمان
Post: #37 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 04-30-2008, 04:12 AM Parent: #35
أخي الفاضل عبدالله وداعة كيفنك ياخ تسلم علي مشاركتك وإضافتك بالفعل كنا محتاجين لأصوات شبابية عشان نقدر نشوف التطور الحدث في التوزيع والألحان...
حامد أبوسبح طه سليمان أصوات لها قيمة فنية كبيرة في الساحة الشبابية..
ربنا يديك الف عافية يارب...
مودتي
Post: #36 Title: Re: صباح النور عليك يازهور****إهداء لكل عشاق الحقيبة Author: لؤى Date: 04-30-2008, 04:12 AM Parent: #1
نُهَىَ سلامات
دا شغل جميل ومجهود مُقدّر
أدام الله أمثالِك
أنـا في البـعـيـد مُـشـتـاق لهـمـسـة من الوطن يا نـسـمـة
Post: #38 Title: Re: صباح النور عليك يازهور****إهداء لكل عشاق الحقيبة Author: ابوبكر يوسف إبراهيم Date: 05-01-2008, 06:25 AM Parent: #36
الأخت العزيزة نهى
سلام على روحك الطيبة
لعمري أن هذا عمل توثيقي يدعو للإعجاب والدهشة .. هذا يفترض أم يكون جهد دولة إن كانت تهتم بالموروث أما أن تقومين به منفردة فهذا يكتب لك بمنتهى الإعجاب .. ليتك أيضاً تنقبين عن أغنية( ملك الطيور ) وأرى أن فيها لوحات غنية مثل " ذهب الأصيل في النيل عبر عنها بالحرف.. نثقل كاهلك بمزيد من البحث والتنقيب .. إنه قدرك .. تستحقين الشكر جله .. لا، بل كله!!
Post: #41 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-02-2008, 00:52 AM Parent: #38
أخي الفاضل أبوبكر تحيات طيبات تغشاك وأنت تزين هذا البوست بحضورك المشرف... الشكر كل الشكر علي هذا الإطراء وإنشاءالله أكون قدره...
Quote: .. ليتك أيضاً تنقبين عن أغنية( ملك الطيور ) وأرى أن فيها لوحات غنية مثل " ذهب الأصيل في النيل عبر عنها بالحرف.. نثقل كاهلك بمزيد من البحث والتنقيب .. إنه قدرك
إنت تأمر ياأستاذنا وإنشاءالله البوست القادم سيكون عن ملك الطيور... أمهلني فقط بعض الوقت لأجمع مادة البوست وبأصوات الفنانين المختلفة... وأنا تحت أمرك في أي طلبات... وياريت نقدر نوثق أعمال أولئك الرائعين فتراثنا زاخر بالكثير الكثير...
مودتي
Post: #40 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-02-2008, 00:48 AM Parent: #36
أخي الرائع الشفيف لؤي
كم أنا سعيدة بزيارتك ووجودك معنا في هذا البوست والذي تشرف وإزدان بهذه الطلة
ربنا يديم عليك الروعة يارب
مودتي
Post: #39 Title: Re: صباح النور عليك يازهور****إهداء لكل عشاق الحقيبة Author: الجندرية Date: 05-01-2008, 07:15 AM Parent: #1
صباح النور عليك يا نهى
ان نصتبح بصوت السقيد ، هذه وحدها كفيلة باغراق الباندوث شكراً لك
لكن لكنات الحفظ جميعها لا تعمل ماذا نعمل ؟ تقديري ومحتبي
Post: #42 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-02-2008, 00:55 AM Parent: #39
الرائعة الجندرية والله العظيم شرفتينا كتير ومن زمان منتظرين منك طلة جميلة زي دي.. كم أنا سعيدة بوجودك..
تسلمي يارب..
محبتي الصادقة...
تخريمة: _______________________
راجعت اللينكات كلها ولقيتها شغالة.. كده حاولي تاني يمكن تشتغل معاك..
Post: #43 Title: Re: صباح النور عليك يازهور****إهداء لكل عشاق الحقيبة Author: عامر تيتاوى Date: 05-02-2008, 01:10 AM Parent: #42
صباح النور عليك يازهور ياسلام يانهى هذه الكلمات الجميلة تجعل هذا الصباح سعادة وكلو حبور شكرا على الهدية
Post: #44 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-02-2008, 03:00 AM Parent: #43
أخي الفاضل عامر
Quote: صباح النور عليك يازهور ياسلام يانهى هذه الكلمات الجميلة تجعل هذا الصباح سعادة وكلو حبور شكرا على الهدية
Post: #45 Title: Re: صباح النور عليك يازهور****إهداء لكل عشاق الحقيبة Author: doma Date: 05-02-2008, 05:06 AM Parent: #39
Quote: لكن لكنات الحفظ جميعها لا تعمل ماذا نعمل ؟
سلام يا الحبان دون فرز الجندريه انت بس في لنكات الحفظ انا السمع زاتو بقي لي طرش ناس الترب من بكري غير السيرفر تاني ما سمعت شئ غايتو دخلت واتخيلت الاغنيه بصوت اولاد المورده . والله يا عماد عبد الله انا ما في شئ بكربني الا المداحين المن غير تابلت ديل ( تابلت دي
كان بتقولها امي ). زمان كنا لما نسمع اولاد حاج الماحي ( اسد الله البضرع ينهر في المجمع من شوفتوا تفرزع ) نعرف انه اليوم جمعه اسه ايام الله السبعه الطار يدق التقول البلد كلها بقت الدايره . قلت لي اختي رسلو ل اغاني يا جماعه انا في البلد البعيد اها رسلوا لي وردي والكابلي حنان النيل وما لقو عثمان حسين طبزوها بي اولاد شنو كدا ما بعرف شباب مداحين . جاء صديق لزيارتنا قلت ليهو تخيل رسلو لي مدائح فقال لي يا زوله الله دي فرقه جميله قلت ليك هاك ليهم بيدي الطويله مع اجمل الامنيات بامتاع لك مستديم . يا اخي قوموا فكونا كدا بلا مدائح في بيت الاعراس بلا لمه .
Post: #46 Title: Re: صباح النور عليك يازهور****إهداء لكل عشاق الحقيبة Author: تولوس Date: 05-02-2008, 05:23 AM Parent: #45
صباح النور عليك يازهور
عمل جميل ومميز اختي نهي وتشكري عليه
Post: #47 Title: Re: صباح النور عليك يازهور****إهداء لكل عشاق الحقيبة Author: Ahmed al Qurashi Date: 05-02-2008, 06:41 AM Parent: #46
الاخت العزيزة / نها
شكرا جزيلا على هذا المجهود الذى اسعدنا واطربنا.....
من الاشياء الطريفة التى ذكرها لى الفنان بادى محمد الطيب له الرحمة انه كان يدندن بهذه الاغنية فى القطار وكان ذلك فى محطة ام روابه وكان هو فى طريقه الى الابيض ولقد سمعه احد الاشخاص وهو يغنى هذا الييت..
زاهر طاهر مالمغرور عليه جناح الرضا مفرور
فقال الرجل ( صلى الله عليه وسلم) ... ولقد ظنّ الرجل ان بادى يمدح الرسول (ص)
Quote: من الاشياء الطريفة التى ذكرها لى الفنان بادى محمد الطيب له الرحمة انه كان يدندن بهذه الاغنية فى القطار وكان ذلك فى محطة ام روابه وكان هو فى طريقه الى الابيض ولقد سمعه احد الاشخاص وهو يغنى هذا الييت..
زاهر طاهر مالمغرور عليه جناح الرضا مفرور
فقال الرجل ( صلى الله عليه وسلم) ... ولقد ظنّ الرجل ان بادى يمدح الرسول (ص)
الزول ده أكيد حلفاوي من أندنا..(ماركة مسجلة)..
رحم الله الفنان الراقي والكروان الرائع بادي.. ورحم كل أولئك الرائعين والذين قلما أن يجود الزمان بأمثالهم...
مودتي وتقديري الكبيرين
Post: #55 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-03-2008, 07:47 AM Parent: #46
Post: #54 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-03-2008, 07:44 AM Parent: #45
الرائعة دوما تسلمي علي الإطلالة
Quote: قلت لي اختي رسلو ل اغاني يا جماعه انا في البلد البعيد اها رسلوا لي وردي والكابلي حنان النيل وما لقو عثمان حسين طبزوها بي اولاد شنو كدا ما بعرف شباب مداحين . جاء صديق لزيارتنا قلت ليهو تخيل رسلو لي مدائح فقال لي يا زوله الله دي فرقه جميله قلت ليك هاك ليهم بيدي الطويله مع اجمل الامنيات بامتاع لك مستديم . يا اخي قوموا فكونا كدا بلا مدائح في بيت الاعراس بلا لمه .
الحمدلله والله ستر مانزلنا أغاني بأصوات الجماعة ديل كنا الليلة إتفلقنا
أنت تأمري ونحن نجيب ليك الأغاني العايزاها من تحت الارض...
محبتي
Post: #48 Title: Re: صباح النور عليك يازهور****إهداء لكل عشاق الحقيبة Author: الجندرية Date: 05-02-2008, 08:45 AM Parent: #1
نهى صباح الخير
راجعت اللينكات كلها ولقيتها شغالة.. كده حاولي تاني يمكن تشتغل معاك..
ما شغالة واللهي ما شغالة وانا قربت ابكي عديل كدا
وما عندي اي طريقة غير الحاجات دي تكون في جهازي ان شاء الله ترسليهم لي في الايميل
Post: #57 Title: Re: صباح النور عليك يازهور****إهداء لكل عشاق الحقيبة Author: سيف الدين مصطفى كرار Date: 05-03-2008, 10:39 AM Parent: #1
صابحنى دايما وابتسم
فى الحقيقة يا نها الزهور والورود عند الصباح تكون مشرقة وتنثر التحايا لكل البشر
لافرق بين هذا او ذاك ,المهم عندها ادخال التفاؤل والمحبة فى صباح جميل للنفس البشرية.
لكن تذوق وفهم هذة الرسالة الرومانسية واستقبالها بختلف من شخص لاخر ,هنالك شخص بطى الاستقبال واخرسريع ,لكن المهم هو ادخال المسرة والبهجة فى النفوس , سبحان اللة.
لذلك تجدى كثير من الفنانون والشعراء قصائدهم تبداء بالصباح
اشوفك مرة اخرى, سلام.
Post: #64 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-04-2008, 00:01 AM Parent: #57
أخي الرائع والذي أسعد دائما بوجوده سيف الدين
كيفنك...
لقد خلف لنا أولئك الرائعون إرثا أدخل البهجة والفرح في نفوسنا جميعا.... أتمني أن يتمتع به الجميع كما نتمتع به نحن...
شكرا ليك كتير
مودتي الخالصة
Post: #65 Title: Re: صباح النور عليك يازهور****إهداء لكل عشاق الحقيبة Author: mohmed khalail Date: 05-04-2008, 03:19 AM Parent: #64
صباح النور عليك يا زهور..
رغم ان الوقت مساء د نها..
جميل..هذا البوست الذي ينضم الي دررك السابقات
وحريص جدا على التوقيع في دفتر الحضور..
كل الود
Post: #66 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-04-2008, 03:46 AM Parent: #65
أخي الرائع محمد خليل
مساك ونهارك سعيدين دوما
ونحن حريصون علي تقديم مايليق بوجودك المشرف في البوست
كامل مودتي وتقديري
Post: #67 Title: Re: صباح النور عليك يازهور****إهداء لكل عشاق الحقيبة Author: Nasr Date: 05-04-2008, 04:10 AM Parent: #1
شكرا جزيلا ممكن تكوني أفيد زول وزولة في هذا البورد
Post: #69 Title: Re: صباح النور عليك يازهور****إهداء لكل عشاق الحقيبة Author: عبدالكريم الامين احمد Date: 05-04-2008, 07:06 PM Parent: #68
هلا يانهي تاخذنا الخطاوي والمدارات ونذهب بعيد ورنينا الحقيبة هو من يرن في الدواخل ودوما نعود الي هذه المساحة لارتشاف ضيائها فهي زاد يسمو بالوجدان ويصفي الدوخل وكل الود
Post: #70 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-05-2008, 00:55 AM Parent: #69
أخي المتألق عبدالكريم
كالعادة منور... وجودك بضفي روح جميلة جدا في البوست ربنا يديك ألف عافية...
Quote: تاخذنا الخطاوي والمدارات ونذهب بعيد ورنينا الحقيبة هو من يرن في الدواخل ودوما نعود الي هذه المساحة لارتشاف ضيائها فهي زاد يسمو بالوجدان ويصفي الدوخل
وتسعد المساحات وتفخر بدنوك منها وإرتشاف الضياء من طياتها....
مودتي
Post: #71 Title: Re: صباح النور عليك يازهور****إهداء لكل عشاق الحقيبة Author: حسن الطيب يس Date: 05-05-2008, 03:56 AM Parent: #1
نهي يا رائعة ربنا ينور عليك
Post: #72 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-05-2008, 05:35 AM Parent: #71
أخي الفاضل حسن
الله ينور عليك حياتك يارب ويملاها فرح وجمال
مودتي
Post: #73 Title: Re: صباح النور عليك يازهور****إهداء لكل عشاق الحقيبة Author: Marouf Sanad Date: 05-05-2008, 06:15 AM Parent: #71
يا سلام
Post: #75 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-06-2008, 01:27 AM Parent: #73
أخي الفاضل معروف
تحيات طيبات
شكرا علي الطلالة
مودتي
Post: #74 Title: Re: صباح النور عليك يازهور****إهداء لكل عشاق الحقيبة Author: محمَّد زين الشفيع أحمد Date: 05-05-2008, 08:50 AM Parent: #1
الأُستاذة / نُهى مُحْسِن أبو راس ..
قدْ تَسَلَّقْتُ شَوْقي
وقَدِمْتُ نازلاً بِسُوحِ
حَرْفِكِ الجميلْ ..
فشُكْرَاً لكِ ولهذا
النَّـفَقِ المُضيءِ
صَوْتاً ومعنىً
واخضرارا ..
فالمرحومُ الأُسْتاذُ الشَّاعرُ / سيِّد عبد العزيز ..
بليغُ الحرفِ جدَّاً ، ثريُّ المعرفةِ باللُّغةِ
العربيَّةِ ودهاليزِ مفرداتِها ..
Quote: ( صباحك يوم يقاس بدهور )
اختزالٌ لمَوْسُوعةٍ من لغةِ الجمالِ بخمسِ
مفرداتٍ تَنُمُّ عنْ تَرَاكُمٍ لُغَويٍّ
عالٍ وذائقـةٍ حَرْفِـيَّةٍ فريدةٍ
وهذا ما أكَّدَ عليهِ
باقي النَّصِّ ..
****
Quote: ( نظرتك جالس بين خدور ) ..
( نَظَرْتك ) : كانَ يُمكنُهُ أنْ يَقُولَ :
( لمحتك جالس بينَ خدور )
لكنَّهُ كانَ واعيَاً بدلالةِ المفردة
فلمحَ : تعني اختلاس النظر
أو النظرة الخاطفة ، ومن المعروف
أنَّه لو استخدمَ هنا ( لمحتك) لما أتى
لنا بوصْفٍ جيِّدٍ عنْ تلكَ المحبوبة ، وذلكَ لأنَّ
النظرةَ الخاطفةَ أو الخِلْسَة للمنظورِ لا تَعطي النَّاظِرَ
Post: #76 Title: Re: صباح النور عليك يازهور****إهداء لكل عشاق الحقيبة Author: نهي محسن أبوراس Date: 05-06-2008, 01:58 AM Parent: #74
أخي وأستاذي الفاضل محمد زين الشكر لك أجزله وأن تطوف بنا في جماليات اللغة والبلاغة في شعر الراحل سيد عبد العزيز..وهذا وإن دل علي شئ إنما يدل علي معرفة ودراية تامة بأصول اللغة ومعانيها...فشكرا لك.......... الرائع سيد عبد العزيز تمكن وبحنكة بأن يبحر بنا في سفينة المفردة القوية والبلاغة المتمكنة في بحور من العاطفة القوية والمشاعر الجياشة..بحور ملأي بالجمال المثير للغموض...
أعجبني كثيرا تصويرك وشرحك المدهش للمعاني من وراء الأبيات...وهذا لعمري مانرنو إليه دوما... إكتشاف الأسرار التي خلفها أولئك الرائعون...وهذه قمة المتعة.. ان تصل إلي تلك الاسرار وانت متمتعا بها.. شكرا لك علي وجودك القيم والفعال.. وربنا يزيدك علم كمان وكمان
ملحوظة:
Quote:
Quote: ( أيا صاحب الطرف المكسور )
أظُنُّكِ هُنا تَقْصِدينَ الطَّرْفَ المَسْحُورَ
وليسَ المكسورْ .. قَوِّميني إنْ أخطأْتُ
معرفتَها.
أعتقد أنه يقصد بكسر الطرف هنا (غض الطرف) من شدة الحياة وهو معني جمالي .. والله أعلم.. وحاشاك من التصويب .. لهذا أترك الامر لكم ياذوي الخبرة
سسلام عليك ياخييييييي
...
