Post: #1
Title: مـرحـبا بالهـلال في الكـونفدراليـة !!
Author: حسين يوسف احمد
Date: 04-28-2008, 06:29 PM
• وعندما نقول أن المريخ سيحقق الفوز.. فإن الكثير من المعطيات قد توفرت أمامنا..
وهاهو النجم القاهر فوق السماء يسعد جماهيره بفوز تأريخي جعل إدارييو وأنصار الهضاب
يلعنون اليوم الذي أوقعهم في طريق الزعيم.. وهم الذين ظنوا أن بتعادلهم السلبي مع
الأهلي المصري قبل عامين.. يمكنهم تحقيق الفوز بسهولة علي الزعيم السوداني..
كان النجم الغالي فوق كبد السماء يعلن عن نفسه بقوة.. ونجومه يتسلقون الهضاب العالية
بهدفين حلوين.. فكان إنتصاراً(في السلك) بعد أن سلّك لاعبو الزعيم دروب الهضاب الوعرة
وتسلقوها تسلق المقتدرين.. أوفي نجوم الزعيم بما وعدوا وصدقوا فكان الإنتصار العظيم
الذي أنذر كل فرق الكونفدرالية بأن هناك فريقاً لا يعترف بلغتي الأرض والجمهور..
هو النجم القاهر فوق السماء.. نجم العز البهز وبرز..!!
• أمس عرف كروجر كيف يطوع مقدرات نجومه من أجل كسب الجولة وحسم التأهل إلي الدور
الثالث من هراري.. فوضع تشكيلة مثالية للغاية.. ووضع لها خطة لعب كانت السبب الرئيسي
في الفوز الذي تحقق.. ساعده في ذلك الإنضباط التكتيكي الرهيب الذي طبقه نجوم الزعيم..
كان كل نجوم المريخ أبطالاً.. أحسوا بعظم المسؤولية.. التي أفرزت أداءاً رجولياً ونصراً غالياً..
نتيجة الأمس أكدت شطارة المدرب الألماني كروجر الذي تدرج بفريقه في الأداء والخطط حتي
بات أقرب للإنضباط التكتيكي الذي يؤدى الى تحقيق النتائج الجيدة.. نتيجة أشارت بوضوح
إلي أن الألماني إستطاع أن يفهم لاعبيه جيداً وبالتالي تلقينهم ماهو مطلوب منهم..
بل أشارت إلي أن لاعبي المريخ قد وصلوا مرحلة متقدمة للغاية لتقديم أفضل ما عندهم من
إمكانيات.. فظهر ذلك جلياً في لقاء الأمس الذي أكد فيه نجوم الزعيم علو كعبهم وإستفادتهم
من المباريات السابقة والتي كانت بمثابة الدروس التي تعلموا منها الكثير في سبيل الوصول
إلي مراحل متقدمة من الكونفدرالية الأفريقية.. مراحل لا تحتمل علي الإطلاق أي هنات أو أخطاء..
وأي فريق يريد أن يتقدم في أي منافسة تلعب بنظام الذهاب والإياب عليه أن يهتم بمبارياته
خارج الأرض.. لأنها توضح بجلاء الفارق الكبير بين الفرق التي تعتمد علي الحظ أو تلك التي
تعمل من أجل تحقيق البطولات بالعرق والجهد..!!
• وبالأمس منح لاعبو المريخ جماهيرهم إحساساً جميلاً بإعادة أمجاد هذا النادي العظيم والوحيد
الذي شرف الكرة السودانية في المحافل الخارجية.. وأنا علي ثقة بأنه إذا إستمر المريخ
بهذا المستوي الممتاز فإنه له رأي كبير في البطولة.. فالمريخ العام الماضي وصل إلي
نهائي الكونفدرالية الأفريقية.. ولكنه لم يخرج بأي بنتيجة إيجابية في لقاءات الذهاب سوي
التعادل مع الشباب التنزاني والإسماعيلي المصري.. والنتيجة التي حققها المريخ بالأمس لم
تحدث قريباً.. حيث أنني لا أذكر آخر مباراة ذهاب عاد منها المريخ بهذه النتيجة..
وقد حقق المريخ أفضل من هذه النتيجة في بعض مباريات الإياب آخرها بالطبع أمام بور ديناموز
الزامبي بهدفي هيثم الرشيد وفيصل العجب وفيلا الأوغندي والتي تعادل معه المريخ بهدفي أبوحشيش
وهيثم الرشيد.. وهذا دليل علي أن مريخ اليوم يختلف كثيراً عن مريخ السنوات الماضية..!!
• ونتيجة لقاء الأمس منحتنا الكثير من المؤشرات عن ما يمكن أن يحدث للفريق في الفترة
القادمة.. وأعلم أن الألماني كروجر وبما يفعله حالياً في فريق الكرة يمد لسانه طويلاً لكل من
شكك في مقدراته التدريبية.. والألماني مدرب يعشق المغامرات بدرجة جنونية.. وهو لا يعترف بأن
هناك مستحيل في كرة القدم.. ومايفعله الألماني في فريق المريخ الحالي يشير إلي أنه يسعي
لتقديم أفضل ماعنده للنادي الذي وجد فيه الراحة النفسية والمادية..!!
رياح موجهة..!!
• نتيجة لقاء الأمس جعلتنا نفخر بلاعبي المريخ وهم ينتزعون التصفيق من الجمهور الزيمبابوي
العريض بعد أن ارغموا فريق الهضاب علي الرجوع للخلف وحماية مرماه من سيل الهجمات الحمراء..
وهذا الوضع فقط يكفي لأن يعرف جميع المريخاب ماذا فعل نجومهم في لقاء الأمس..
والمريخ بالأمس إمتلك الجرأة وبادل الهضاب الهجمة بالهجمة.. بل كانت هجماته هي الأخطر
والأكثر تنظيماً..
بينما إعتمد الهاي لاندرز علي الحماس والدفع الجماهيري.. ولكنهم نسوا أن المريخ الذي
هزم التنجيم والتحكيم والألوف قادر علي إسكات هذه الجماهير التي جاءت من كل أنحاء هراري
لمؤازرة فريقها..
وبدلاً من مؤازرة نجومها تمايلت في المدرجات سكري من لذيذ خمر السحر الأحمر الخالص الذي تمدد
في كل الساحات والأنفس المتعطشة للإنتصارات.. فمثل هذا الإنتصار الغالي منحنا ثقة لاحدود لها
في نجومنا الذين باتوا يمثلون لنا جيل البطولات الذي عرفه المريخ من قبل.. وهم لايقلون بأي
حال من الأحوال عن أجيال البطولات المريخية السابقة..
نجوم يعرفون تماماً ماذا يعني هذا الشعار الذي يرتدونه.. هذا الشعار الذي تلوّن بعدم
الإستهتار.. تلوّن بالعز والفخار ورسم اللوحات الزاهيات في أسفار التاريخ الذي يشهد للمريخ
أنه صاحب الصولات والجولات..!!
رياح عنيفة..!!
• اللعنات لاحقت قلق.. مثلما لاحقت الرئيس الزامبي روبرت موغابي..!!
• شوارع هراري التي كانت صاخبة في الأيام الماضية إحتجاجاً علي نتائج الإنتخابات الرئاسية..
بدأت هادئة للغاية بعد الفوز الغالي..!!
• زعيم الكرة السودانية نجح فيما فشل فيه الأهلي القاهري قبل عامين عندما تعادل مع الهضاب سلبياً..!!
• الهضاب.. فيها كم نقطة.. أنا غلبتي أعدها.. عدوها أنتو..!!
• علاء الزهرة القادم من أرض الرافدين.. صاروخ قادم بقوة.. كم تمنيت أن يكون لقاء القمة
قريباً حتي يرد علي الذين هاجموه..!!
• والمريخ ملئ بالزهور..!!
• سعد عطية مية المية.. والباشا يومياً يؤكد أنه إرتكب خطأ العمر باللعب للهلال..!!
• النجمة ياغالية.. فوق السماء عالية.. الأهداف جد حالية.. في الهضاب العالية..!!
• فاز المريخ في هراري.. ومن قبلها أعلنت المعارضة فوزها في الإنتخابات الزيمبابوية..
مع إحتمال إعادة فرز بعض صناديق الإقتراع.. ولكن من يعيد لقاء الزعيم..!!
• الذين يتحدثون عن الحكم البتسواني عليهم أن يصمتوا والحكم البورندي يمنح الهلال ضربة
جزاء لا وجود لها كانت سبباً في عودته للمباراة..!!
• الحكم البورندي أدار لقاء المريخ ورايون هنا بالقلعة الحمراء.. ولم يبدي تعاطفاً مع صاحب
الأرض ووقف مع جيرانه لاعبي ريون الرواندي.... ولكن بالأمس إختلف تماماً.. ومارس شتي أنواع
الظلم ضد أحفاد مانديلا الذين كتموا الأنفاس حتي درجة الإحتباس..!!
• كيف يدير حكماً مباراتين لناديين من دولة واحدة في منافستين مختلفتين في أقل من شهرين..؟!!
• لو ركزت كاميرات التلفزة علي مدرب صن دوانز لـ(طقطق) من كثرة محاباة الحكم لصاحب الأرض..!!
• مرحباً بكم في الكونفدرالية بطولة الضعفاء والحمام الميت كما وصفتوها.. فإستاد بريتوريا
سيشهد فضيحة لا تقل عن فضحيتي سوسة ومركب محمد الخامس..!!
• خيخة.. وبطيخة.. وو(سيخة) تتحدث عن أقدمية الهلال علي المريخ..!!
• تزوير في الإنتخابات.. ونتيجة مبرأة من العيوب.. لا تحكيم.. ولا تنجيم..!!
ـــــــــــــــــــــــــــــــ
الأستاذ ابراهيم عبدالرحيم : أشرف الاصدارات
|
Post: #2
Title: Re: مـرحـبا بالهـلال في الكـونفدراليـة !!
Author: abas
Date: 04-28-2008, 06:48 PM
Parent: #1
لا اسكت لك الله حسا
بركه الجيت
الهلال مستمر في بطولة الابطال وحا يتأهل للمرحلة الجاية
ومبروك عليكم فريقكم اختو فريقنا
|
Post: #3
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-28-2008, 07:00 PM
Parent: #2
بارك الله فيك يا عبس ..
| Quote: وحا يتأهل للمرحلة الجاية |
وح يمشي وين تاني ؟؟
يا مشى دور التمانية وأضاف صفر جديد ..
يا جاء بطولة الضعفاء والمهمشين والوصفاء ..
مش لمن الهلال ما بشترك فيها بتكضبوا على نفسكم
وبتسموها كدا ؟؟
ولمن الهلال يلعب فيها بتبقى بطولة الكبار والدولار ..
أثبتوا على واحدة يا عبس ..
وتاني مرحب بيكم في بطولة الوصفاء والمهمشين ..
بالمناسبة :
صن داونز السنة الفاتت جاء تالت مجموعتو في
بطولة الوصفاء والمهمشين والوصفاء ..
|
Post: #4
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-28-2008, 07:03 PM
Parent: #3
Quote: صن داونز السنة الفاتت جاء تالت مجموعتو في
بطولة الوصفاء والمهمشين والوصفاء .. |
يعني نفس ترتيب الهلال في الكونفدرالية سنة 2004
تاني الطيش ، أو الوصيف بالعكس !!!
وكلو فراريج مشوية في فراريج مشوية ..
إلا يا عبس الهلال في كونفدرالية 2004 جاب كم
نقطة وكم قوون ودخلن فيهو كم قوون !!؟؟
|
Post: #5
Title: Re: مـرحـبا بالهـلال في الكـونفدراليـة !!
Author: معتصم مصطفي الجبلابي
Date: 04-28-2008, 07:54 PM
Parent: #4
الاخ الحسين
اها الهلال كان اتغلب حينزل الكنفدراية
بحساب Lose one take one free
لكن انتو كان طرتو من الدويره دي بتمشو وين
|
Post: #6
Title: Re: مـرحـبا بالهـلال في الكـونفدراليـة !!
Author: وليد محمد المبارك
Date: 04-28-2008, 08:04 PM
Parent: #5
هاهاهاهاهاهاهاهاهاها
يا معلم يمشي وين ؟
ديل شغالين بنظرية سمبل بعد المليون
لطفي : بييييييييييييييييييييييييييييييييييييييع
|
Post: #13
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 01:55 PM
Parent: #5
Quote: اها الهلال كان اتغلب حينزل الكنفدراية
بحساب Lose one take one free
لكن انتو كان طرتو من الدويره دي بتمشو وين |
الأخ معتصم .. تحياتي ..
لمن يجي في الكونفدرالية إنت قايلو بجي وين ؟؟
بجي المرحلة بتاعة أولمبيك خريبكة ..
بتذكر أولمبيك خريبكة ؟؟
أوع تكون مفتكر ح يخش المجموعات اللي جاء فيها
تاني الطيش قبل كدا زيو زي صن داونز السنة الفاتت ..
الزعيم يا صاحبي حدو الكاس ..
|
Post: #7
Title: Re: مـرحـبا بالهـلال في الكـونفدراليـة !!
Author: Omar Bob
Date: 04-28-2008, 08:17 PM
Parent: #1
سلامات يا حسين
Quote: إلا يا عبس الهلال في كونفدرالية 2004 جاب كم
نقطة وكم قوون ودخلن فيهو كم قوون !!؟؟ |
الهلال كان بينافس علي بطوله المجموعه حتي اخر لحظه وكان يكفيه النعادل فقط - احسب -في اخر مباره لصدارة المجموعه
لكن ده ما السؤال
السؤال انو لمن الهلال كان في دوري المجموعات في 2004 غض النظر عن دخل فيهو كم قون ولا ترتيبو الكم
المريخ كان وين؟؟؟؟؟
|
Post: #8
Title: Re: مـرحـبا بالهـلال في الكـونفدراليـة !!
Author: مزاحم الضوي
Date: 04-28-2008, 09:19 PM
Parent: #7
هو خلط الأمور والتمنيات الخايبه لزومها شنو
فريق كبير بلعب مع الكبار
الأهلى الزمالك النجمه اسيك
وفريق صغير بلعب مع الصغار
القطن والهضاب والهباب
يامريخاب اختونا لكم مستوياتكم ولنا مستوياتنا
لمن نخيب حننزل نلعب مع الخايبين
|
Post: #9
Title: Re: مـرحـبا بالهـلال في الكـونفدراليـة !!
Author: Elsamani A.Malik
Date: 04-28-2008, 10:12 PM
Parent: #8
يعني في النهاية كدا حنلعب في كل البطولات بتاعت الكاف.
هاك البرنس دا
|
Post: #15
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 02:10 PM
Parent: #8
| Quote: لمن نخيب حننزل نلعب مع الخايبين |
والله ما خايب إلا هلالك اللي عمرو
80 سنة معديها خيابة ..
80 سنة من الخيابة والاهانة الدولية ..
80 سنة وهلالك عتبة يصعد عليها الكبار
يتناولوا الكاس ويجوا نازلين بعد أن يطأوا
عليه بأحذيتهم ..
|
Post: #14
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 02:06 PM
Parent: #7
مرحبا يا بوب ..
| Quote: الهلال كان بينافس علي بطوله المجموعه حتي اخر لحظه وكان يكفيه النعادل فقط - احسب -في اخر مباره لصدارة المجموعه |
ينافس كيف يا أبو عمار هو جاء تاني الطيش ؟؟
الهلال ترتيبو كان تاني الطيييش ..
وصيف بالعكس ..
دي ما المشكلة ، المشكلة إنو الهلال الكبيييير
زي ما بتقولوا عمل شنو في بطولة الوصفاء والمهمشين ؟؟
طبعا دي غير بتاعة أولمبيك خريبكة !!!
| Quote: السؤال انو لمن الهلال كان في دوري المجموعات في 2004 غض النظر عن دخل فيهو كم قون ولا ترتيبو الكم |
ممكن تكون بغض النظر في الحالات الآتية :
1/ لمن تحترموا كل منافسات الاتحادات والتي تشاركون
فيها وحين تفشلون في احراز بطولتها تبخسونها ( كاس السودان
تشاركون فيه وحين نضبحكم تبخسونه ، سيكافا تشاركون فيها وحين
تفشلوا في ازالة الصفر تبخسونها ، الكونفدرالية تشاركون فيها
وحين تفشلون وتجوا تاني الطيش تبخسونها )
2/ حين تحتمون تاريخ الهلال ولا تبصقوا عليه وأنتم لا تدرون ..
فتاريخ الهلال يقول أنه اجتهد وشارك في كل هذه البطولات وكنتم
تفرحون حينا وتزعلون أحيانا كثيرة ..
في الحاليتن ديل ممكن نغض الطرف ..
| Quote: المريخ كان وين؟؟؟؟؟ |
كان قاااعد في الخرطوم منتظر الهلال يجيب صفر
جديد والهلال ما خزلو جاب الصفر وجاء قعد معاهو
|
Post: #10
Title: Re: مـرحـبا بالهـلال في الكـونفدراليـة !!
Author: waleed dawash
Date: 04-28-2008, 10:14 PM
Parent: #1
شوف يا حسين انا كلامك الكتيييييييييييييييييييير الفوق دا ما قريتو ..عشان عارف
موضوعكم ممكن يكون شنو و فاهم نفسياتكم..
لكن نصيحه مني ليكم يا معشر الوصيفاب.. تقومو انصاص الليالي و تتدعو لي ربنا
انو الهلال ده ما يتغلب و يجي الكونفدراليه و تقولو حوالينا ما علينا ...لانو لو جاكم بوريكم ليه....
بوريكم الويل و سهر الليل
بوريكم النجوم عز الضهر
بغتس حجركم
|
Post: #11
Title: Re: مـرحـبا بالهـلال في الكـونفدراليـة !!
Author: Abd Alla Elhabib
Date: 04-28-2008, 10:58 PM
Parent: #10
والله كل ما أشوف لي مريخابى متشدد
طوالي أتذكر المشجع الطلع فنيلتو
من الإحباط الصفاقسى !!
يا حسين..أحبب مريخك هونا ما عسي
أن يخذلك يوما ما..وما بركة عنكم
ببعييــــــــــــد !!
|
Post: #16
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 02:16 PM
Parent: #10
| Quote: انو الهلال ده ما يتغلب و يجي الكونفدراليه و تقولو حوالينا ما علينا ...لانو لو جاكم بوريكم ليه.... |
والله يا وليد ، منانا ..
طالما الضباح عائد ..
وطالما عجبكو الملك موجود ..
وكاكا الحالف يكسر ضلع عجائز ورواكيب الهلال ..
يا ريت تلاقونا عشان تاني ما تقوم ليكم قائمة ..
ونخلف ليكم ضبحة الضباح من تاني ..
إنت يا وليد ناسي آخر مباراة كانت كيف ولا شنو ؟؟
المجوم عز الضهر وراك ليها ايداهور مع العيد ..
|
Post: #12
Title: Re: مـرحـبا بالهـلال في الكـونفدراليـة !!
Author: Mohamed Foto7li
Date: 04-28-2008, 11:52 PM
Parent: #1
| Quote: ومبروك عليكم فريقكم اختو فريقنا |
|
Post: #17
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 02:24 PM
Parent: #12
Quote: يا حسين..أحبب مريخك هونا ما عسي
أن يخذلك يوما ما.. |
شكرا عبدالله ..
المريخ لن ولن يخزلنا وحبنا للمريخ
يجعلنا أكثر ايمانا بأن ماضيه عظيم
وحاضره رائع وغده أجمل وأنضر ..
الهلالاب هم من يجبروننا على أن نوضح لهم الحجم
الصفري الطبيعي للهلال ..
الهلال الذي فشل طوال 80 عاما في تحقيق أي انجاز
خارجي للوطن يتحدث عشاقه عن الزعيم ..
طيب ديل لو خرجوا من خانة الصفر ح يعملوا شنو ؟؟
طبعا أنا واثق أنهم مش ح يخرجوا أبدا لأن لا قدرة
لهم على تحقيق اي بطولة خارجية ..
فكل لاعبي الهلال قبل جكسا ولي هسا فاشلين بدرجة
امتياز في تحقيق بطولة خارجية .. ولي بكرة كمان ..
|
Post: #18
Title: Re: مـرحـبا بالهـلال في الكـونفدراليـة !!
Author: osman abdala
Date: 04-29-2008, 02:54 PM
Parent: #1
اخونا حسين هاك نتائج الهلال في بطولة الحمام الميت...
اقصد بطولة الفراريج ...
الفريق المضيف الضيف النتيجة التاريخ
بيترو أتليتكو لواندا - أنغولا الهلال – السودان 3-1 8 أغسطس 2004
إينوجو رينجرز - نيجيريا الهلال – السودان 4-0 11 سبتمبر 2004
كوتوكو - غانا الهلال – السودان 3-0 13 نوفمبر 2004
شكراً موقع كورة ..
|
Post: #22
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 03:32 PM
Parent: #18
| Quote: اخونا حسين هاك نتائج الهلال في بطولة الحمام الميت... |
شكرا عزيزي عثمان ..
وأنا كنت عايز الهلالاب يقولوا النتائج
لأنها موثقة كلها بفضائحها في منتدى المريخ ..
|
Post: #19
Title: Re: مـرحـبا بالهـلال في الكـونفدراليـة !!
Author: محمد الطيب يوسف
Date: 04-29-2008, 03:04 PM
Parent: #1
بالمناسبة يانس الكورة
تيمين فايزين
بتتناقروا في شنو
أقول ليكم حاجة
قولوا كووووووووووووووووووووووووووع
|
Post: #20
Title: Re: مـرحـبا بالهـلال في الكـونفدراليـة !!
Author: kamalabas
Date: 04-29-2008, 03:17 PM
Parent: #1
,,,,العزيز حسين
تحياتي
مالها الكونفدرالية كعبة والله شنو? وبعدين يا أخي هل الهلال سيصعد للعب في الكونفدرالية أم سيهبط للعب
بها بأ أعتبارها دوري الثواني والمهازيم?
لايفوت علي مهتم رياضي مثلك أن المنافسات القارية تتفاوت في أهميتها
ودرجاتها ومستوياتها وترتيبها,,,,فلا يوجد مشجع يمكن أن يقول أن بطل
درجة ثانية أفضل من ثاني درجة أولي!!!
عموما هناك وسط الهلالاب من يقول لنا الصدر أو القبر اللعب في
القمم مع الابطال أو العودة للدار
ومن يقول صحيح أن الفدرالية دون المستوي ولكن يمكن أن نلعب فيها عملا بالمثل
السوداني القحة ولا صمة الخشم!!!!! طبعا دا أذا سكت الأسد الهلالي عن الزئير في البطولة الكبري~!!!!
كمال
|
Post: #23
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 03:48 PM
Parent: #20
عزيزي استاذ كمال ..
تحياتي وأشواقي ..
| Quote: مالها الكونفدرالية كعبة والله شنو? |
السؤال دا أحق به الهلالاب .. الهلالاب الذين يبخسون
هذه البطولة كأنهم ما اشتركوا فيها من قبل ..
الهلالاب الذين يبصقون على تاريخ ناديهم ..
المريخاب يا عزيزي يحتمرون ناديهم فلا يبخسون
بطولة اشتركوا فيها لمجرد فشلهم في تحقيق بطولتها ..
السؤال محول للهلالاب ..
Quote: وبعدين يا أخي هل الهلال سيصعد للعب في الكونفدرالية أم سيهبط للعب
بها بأ أعتبارها دوري الثواني والمهازيم? |
3
وتاريخ الكونفدرالية يقول أن الفرق الهابطة من
الأبطال دوما تواصل هبوطها وتنهزم أمام فرق
الكونفدرالية الأصلية ..
وحتى الآن ـ لا أعتقد ـ أن هناك فريق هبط من الأبطال
أثبت جدارته في الكونفدرالية ..
Quote: لايفوت علي مهتم رياضي مثلك أن المنافسات القارية تتفاوت في أهميتها
ودرجاتها ومستوياتها وترتيبها,,,,فلا يوجد مشجع يمكن أن يقول أن بطل
درجة ثانية أفضل من ثاني درجة أولي!!! |
لا يا عزيزي ، الأمر هنا مختلف ..
مختلف في احترامنا لتاريخ فرقنا في المشاركة
بهذه البطولة أو تلك ..
فأنتم معشر الهلالاب جعلتم من الكونفدرالية بطولة
الكبار والدولار حين اشتركمتم فيها ( وكتاباتكم
موجودة في هذا المنبر أو على الصحف ) وحين لا تشتركون
فيها تعتبرونها بطولة درجة تانية ومهمشين ...الخ
الآن ما رايك في تغزلكم في الكونفدرالية عام 2004
وسخريتكم منها الآن ؟؟
ودا الفرق بينا وبينكم ، أننا لا نقيم الامور وفق
مصلحة نادينا ونعطي كل ذي حق حقه ..
وممكن ببساطة تامة أن يشارك الهلال العام القادم
في الكونفدرالية فماذا أنتم قائلون ؟؟
Quote: عموما هناك وسط الهلالاب من يقول لنا الصدر أو القبر اللعب في
القمم مع الابطال أو العودة للدار |
المشلكة دوما ليكم القبر ..
مرة واحدة ما وصلتو الصدر ولن تصلوه اطلاقا
طالما هذا مستوى فريقكم على مدار 80 عاما ..
سيظل الهلال في قبره هذا يعانق صفره الأبدي
لأنه لا يمتلك اللاعبين القادرين على ذلك ..
Quote: ومن يقول صحيح أن الفدرالية دون المستوي ولكن يمكن أن نلعب فيها عملا بالمثل
السوداني القحة ولا صمة الخشم!!!!! طبعا دا أذا سكت الأسد الهلالي عن الزئير في البطولة الكبري~!!!! |
وكيف ترضى أن تلعب في بطولة دون المستوى ؟؟
وما هو مستوى الهلال ؟؟
مستوى الهلال يا عزيزي دون الصفر ولو اللعب
بالمستويات مكان الهلال دوري كادقلي فقط ..
تحياتي ..
وأوصيك ألا تبصق ايضا على تاريخ الهلال لأني الآن
أجهز في بوست كارب عما كتبه أعضاء المنتدى الهلالاب
عن الكونفدرالية سابقا وحاليا..
وما كتبه اعلام الفول سابقا وحاليا ..
|
Post: #21
Title: Re: مـرحـبا بالهـلال في الكـونفدراليـة !!
Author: عبدالله كع
Date: 04-29-2008, 03:25 PM
Parent: #1
سلامات ياحسين.
Quote: الهلالاب هم من يجبروننا على أن نوضح لهم الحجم
الصفري الطبيعي للهلال ..
الهلال الذي فشل طوال 80 عاما في تحقيق أي انجاز
خارجي للوطن يتحدث عشاقه عن الزعيم ..
طيب ديل لو خرجوا من خانة الصفر ح يعملوا شنو ؟؟
طبعا أنا واثق أنهم مش ح يخرجوا أبدا لأن لا قدرة
لهم على تحقيق اي بطولة خارجية ..
فكل لاعبي الهلال قبل جكسا ولي هسا فاشلين بدرجة
امتياز في تحقيق بطولة خارجية .. ولي بكرة كمان .. |
الصفري دي زي العسل........
سنة سنة كم سنةكم ياااااااالله.................... نسيت
ياحبا اصح للون ياخ انت لسه بتقول كاسات والوضع الصفري
انت عارف لو الهلال جاكم في الكونفدراليه دي ح نتف ريشكم وريش الحمام الميت المعاكم ده
احسن ليكم تبرطعو فيها بدون ابو الهل يا مان . كدا فكر في الكلام وانا متاكد بتلقاهو احسن
للمريخكم 
ولا كيف يا مان...
|
Post: #24
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 03:59 PM
Parent: #21
مرحبتين ابو عبد الله ...
| Quote: الصفري دي زي العسل........ |
أعمل حسابك طيب ما يشرقك ..
بعدين هو ما صفر ، هو أصفااااااار ..
شئ سيكافا وشئ كونفدرالي وشي ابطال ...
Quote: انت عارف لو الهلال جاكم في الكونفدراليه دي ح نتف ريشكم وريش الحمام الميت المعاكم ده
احسن ليكم تبرطعو فيها بدون ابو الهل يا مان . كدا فكر في الكلام وانا متاكد بتلقاهو احسن
للمريخكم |
والله الشئ البعرفو أنا واللي ما ناسيهو إنت :
إنو الزعيم مرمط بالهلال الواطة في آخر لقاء ..
وإنو الهلال اتمرمط كويس جدا في الكونفدرالية سنة 2004
وجاء تاني الطيش في مجموعتو مرة ..
ومرة ما وصل المجموعات زاتو من بدري بدري طار ..
دا تاريخ الهلال في الكونفدرالية يا عزيزي ..
عشان كدا مرحب بيهو لأنو نحن فترنا من الحمام الميت
الأجنبي عايزين حمام ميت بلدي ..
|
Post: #25
Title: Re: مـرحـبا بالهـلال في الكـونفدراليـة !!
Author: Tareq Siddiq
Date: 04-29-2008, 05:05 PM
Parent: #24
العزيز حسين يوسف
دا عيبك بس تاني ما شايف ليك أي عيب ....!!
مشتاقين يا جميل .. !!
|
Post: #26
Title: Re: مـرحـبا بالهـلال في الكـونفدراليـة !!
Author: حسين يوسف احمد
Date: 04-29-2008, 05:17 PM
Parent: #25
صديقي الغالي والعزيز استاذ طارق ..
مشتاقين ورب النبي العربي ..
| Quote: دا عيبك بس تاني ما شايف ليك أي عيب ....!! |
نفس الشعور يا حبيب ..
مالك شغال معانا بالقطاعي ؟؟
|
Post: #27
Title: Re: مـرحـبا بالهـلال في الكـونفدراليـة !!
Author: Tareq Siddiq
Date: 04-29-2008, 05:45 PM
Parent: #26
Quote: نفس الشعور يا حبيب ..
مالك شغال معانا بالقطاعي ؟؟ |
يااااااااا صديقي الأريب
كثير الوصال معكم مميت ومن النوع الذي لا يحتمل فغيابكم ربما كان صحياً لذاتي القلقة بكم ..!!
ربما ساعدتنا الأيام القادمات كي نكون قريبين يا جميل ...!!
|
|