أشرقت نزار عثمان/السمندل..مرحباً بك في عالمك/نا

كعادتنا

= نحن أبناءَ هذا الجنونْ
نكايد أحزانَنَا بالفرحْ
نشتهي أن يكونْ
المساءُ صباحاً أصَحْ
والصباحُ كيومِ ألحْ
أن يطيل إقامتَنا في المتونْ
التي كالمصحْ
نستقيمُ بإكسيرهاأو "نَنُون".


ها هي الواو- كدأب السمندل - تفسح للنون متسعاً خارج اللغة/داخل الحياة... فقد "أشرقت" شمسهما- هو وحبة القلب الذي في الجهة اليمين "أميمة" بحبيبة كل من يحب ذاك الجنون القح.

"أشرقت" نزار عثمان /السمندل على يومنا فلنكايد بها الحزن والحرب و "الوحوحات".

كيداً لسدنة الشؤم والحرب ..و حمداً لكل آلهة الجمال والحب..على سلامتك أميمة..حباب "أشرقت" ..وألف مبروووووك لكما ولنا ...حبي لكما.

أعذروني إن شطحت
فقد أطلت على حياة الحبيبين أميمة ونزار "السمندل" مولودة أمس هي بكرهماولم أحتمل هذه الفرحةً وحدي.
ألف حمد الله على السلامة ومليون مبرووووك

اشــرقت..
تتربى في عزكم .. بكل الجمال
مبروك المولودة يا سمندل واميمة .. ربنا يخليها ليكم..

يا محمد يا مدني
تتخيل مشيت وهاجرت ليك لحدي هناك ..
قالو لي في الامارات ..
شفت كيف..؟

الف مبروك يا نزار..حمدالله على سلامتيهما..

عزيزي محمد مدني...
تحايا وموده صادقه...
ولنزار مثلها...
بخخخختك يانزار والف مبروك وحمد لله علي سلامةوالدتهاأميمه
البت بتجيب معاها الحاجات الحلوه بس راقب حيحصل شنو..وبعدين حتعرف ...
"أشرقت"إسم جميل

Quote: ها هي الواو- كدأب السمندل - تفسح للنون متسعاً خارج اللغة/داخل الحياة... فقد "أشرقت" شمسهما- هو وحبة القلب الذي في الجهة اليمين "أميمة" بحبيبة كل من يحب ذاك الجنون القح

صادق جدا يا محمد مدني "ذاك الجنون"

تصور بيني وبين نفسي بسأل وين إنتو؟ و حصل شنو؟ لاي إختفيتو كلكم؟
أنا نطيت الخيران الكبار ديك مشيت الخرطوم و رجعت, فما لقيت ولا زول منكم!!!

مخيرين أنا صاحبتكم..
خالص مودتي

مهــا

و أخيرا "أشرقت" شمسك يا نزار ..

ألف مبروك للأخ نزار و للأخت أميمة قدوم "أشرقت" .. جعلها الله شروقا عليكم/لكم


وشكرا لك أخى ود مدنى

ياخي دة خبر سمح خلاص
الف الف الف مبروك

يا نزار ما بنرضى بي سماية خارج الرباط

محبتي الاكيدة

محمد يا لذيذ، أشواق.

ومبروك إشراق "أشرقت" على سماء نزار وأميمة،
وعقبال ما يخاووها بى "أينعت" إنشاء الله .













تخريمة :-

Quote: الحزن والحرب و "الوحوحات". إحنا بنعرف الحزن والحرب، لكن الوحوحات دى ما أدونا ليها يا أستاذ، وتعال هنا، إنت الوداك الأمارات شنو، مش كنت مستقر فى السعودية، خلاص قمت على جِنّك ؟؟؟ " غايتو بركة الليقيتلك بلداً تطلع منها، عقبالنا" . مشتاق ليك كتير، ولبيت الترعة الشاسع، ولآؤلئك النفر الوسيمين، أين هم؟؟؟

ألف مبروك المولودة يا نزار
و إن شاء الله تتربى في عزكم

امير الرفاعي- الرباط

الف مبروك
نزار عثمان
ان شاء الله تتربى في عزكم
ويجعلها الله من بنات الوطن الصالحات

أشرقت!!

اشرقت فى عيون السمندل
وضوت عيون امها


الف مبروك
ولتشرق فى كل الكون بالجمال







------

ازيك يامحمد مدنى!! وبركة أشرقت الخلتك تظهر وتشرق فى الفضاء

محمد سلام
مبروك لحبايبك اشرقت
ومبروك لينا شوفتك فى الاسافير

وزى ما قالت اشراقة

Quote: وبركة أشرقت الخلتك تظهر وتشرق فى الفضاء

يايابا اشرقت قديمها بخيت وسعيد

الف مبروك لسمندل واميمة ورهط الصحاب





يا محمد مدني
شوق السنين

ألف مبروك يا سمندل

يا سلام يا مدني
خبر ولا اجمل
مبروك اشرقت يا سمندل
اسم جميل حقيقة

Quote: قالو لي في الامارات ..

جميل والله
سررت جدا لهذا الخبر

فيا محمد مدني هل أنتم ذلك ألأريتري ألأليف ????
{كارلوس} أو{عبدالله عبدالوهاب} أو{عبدالله الشيخ}..فيامحمد شفت كيف كم حاصرتنا هذي{ألأقواس}....مبروك للشباب بالبنيه الجديده..ولا جديد تحت الشمس علي قول الصعلوك{حاتـم محمد صالح} مضافا إلبه{محمد محي الدين وسامي سالـم في مضجعه ألآخير}

مليون وردة ،
وقدرها من الزهور ،
وأكثر من التبريكات ،
والسلامات
للسمندلِ وسمندلته في إشراقهما البهي .


شكراً يا ود مدني
ووين الحي بيك ؟

نزار

التهانى والامنيات لكم

صديقى الاستاذ محمد مدنى
الف الف الف مبروك لنزار وزوجته باشرقت
مرحبا بها فى العالم الفسيح نغما سمندلاويا عطرا
والتحية لك وسائلين عنك عزيزى مدنى وين انت ووين اخبارك
وكيف هو صديقنا امين محمود هدهد
ارقد عافية

ألف مبروك...
البنية......
السكرية......
حلاوة لبن.......

تربى في عزكم......
إنشاء الله.........

مباركٌ أن أشرقت بداركم (أشرقت)
حمداً لله على سلامة أمها
وتتربى في عزكم

العزيز نزاروالعزيزة أميمة
ألف مبروك.
بس يا نزار يا أخي ما تتصل وتقول لينا الخبر السعيد ده، حتى مدني "عمل نايم"

Quote: أعذروني إن شطحت فقد أطلت على حياة الحبيبين أميمة ونزار "السمندل" مولودة أمس هي بكرهماولم أحتمل هذه الفرحةً وحدي. ألف حمد الله على السلامة ومليون مبرووووك

ألف مبروك......وربنا يحفظها ويهنيهم ويسعدهم بها..

شكرآ ألأخ/محمد مدنى..

إسماعيل محمد احمد عباس...

خارج النص

في البدء .. مبروك المولوده

ثم


اسأل عن ذاك المدني الثائر في بطن الصحراء .. كيف وجدتها... الإمارات؟؟

سماح

حبيبنا نزار والاخت العزيزة اميمة

الف مبروك المولودة وتتربى في عزكم يا رب

الف حمد لله على السلامة اميمة ومبروك نزار

تحياتي و ودي لكم ولاشرقت

ألف ألف مبروك قدوم أشرقت ..
نزار - أميمة ..
تتربى في عزكم إن شاء الله ..




محمد مدني ..
ليك وحشة شديدة يعلم الله ..
وين أراضيك يا صديق ..

مدني يا ابن أمي

تشعرني دائماً بسطوع اللغة .. وهي تشوي الحنين في موقد الشجن ؛
وتحيلني ـ في كل قراءة مضيئة لك ـ إلى جملة فرجينا وولف الرائعة :
طاقة الرجل ليس في عناقه الحار ... بل في لغته .


الآن ، أشرقت
وأضاءت لنا العتمات والكواكب كلها ،
وأنعشت ذكريات المجرات الفالتة ..
كما لو أنها هنا لتعتذر عن خطأ تتنكـّبه الخليقة ،
وتلوّن الكون بالصور والكمنجات والبيادر والأحصنة ..

أشرقت بأمر ربها ،
مفسحةً الطريق للضوء وفلول النساء الآتيات من مكائد الصمت والأغلال ،
النساء الـ يمزقن الآن بضراوة فهارس القهر ونير السنوات المعقوفة الظهر .

جاءت لتجمع شمل الزنابق ، وتـنفخ في ذيول العصافير لذة الطيران ، وتفتتح قرائح الأشجار،
مشكـّـلة من براعمها تويجات فارعة في القلب والذاكرة المزدهرة بها منذ أزمان ..


شكراً لله ،
ثمّ شكراً لأمها ..

عزيزي علاء تمبس :
جمــّـل الله أيامك وأيام أحبابك ..
وللمناسبة ، كنتُ أرتب نفسي لمأمورية للرياض قبل هذا الحدث ،
وكنتُ أودّ حثكم هناك على إنجاز مشروع لتكريم (مدني) لكن للأقدار تصاريفها ..
فـ (مدني) هجر السعودية إلى الإمارات ، ومأموريتي استبدلتها مع زميل آخر أنوب عنه في ذهاب قريب إلى تونس ..
لكن حتماً سنلتقي يا حبيب ..
شكراً يا علاء ،

أخونا دكتور محمد ود المكي ، سلام وتحية
مشكور على التهنئة والسلامات ،
ومردودالك في الأفراح المستدامة بإذن الله ..

الأخت مها بشير ،
مشكورة على التهنئات اللطاف ،
سمـّح الله دروبك ، وغمرك ومن تحبين بالسعادة الدائمة ..

أخونا علي الحلاوي :
.. وأخيراً أشرقت يا علي ،
شكراً على المحبة التي لامستها بقلبي ، منك ومن أسرتك الكريمة ، هنا
أمنياتي لك ولها بدوام الصحة والسعادة ..

أخونا دكتور طارق جبريل :
إزيك يا صاحب ،
والأشواق ليك وللناس الـ هيها ،
تتبارك أيامك ان شاء الله ،
وحاضرين يا حبيبنا ..

الأخ عبد الله شمس الدين :
شكراً على التهنئة والامنيات الجميلة ،
دمت طيبا يا أخي الكريم..

أخونا دكتور أمير الرفاعي :
تحيات جميلات يا أمير ،
وشكراً على التهنئة يا جميل ..

أخونا عمر عبد السلام:
تتبارك أيامك يا أبا أنس ،
شكرا على التهنئات ،
وتحياتي لناس البيت ..

عزيزتي اشراقة مصطفى :
تسلمين يا روعة الإشراق وكينونة الفصحى ونجمة الحفاوة التي في خاطرنا دائماً ..
أسعدني مرورك . أسعدني جدا ..
شكراً لكِ يا أم واصل ومرافئ ..

الأخت تيسير النوراني :
تحياتي وتقديري ، وشكرا كثيرا على التهنئة ..

عزيزتي أماني الجندرية :
نضـّـر الله أيامك يا أماني ،
وأدام عليكِ وعلى الأسرة نعمه الجميلة ،
شكراً حنوناً يا أخت أيامنا الحلوة ..

عزيزي الوليد مصطفى :
سلام يا صاحب ،
وشكراً على التهنئة .. وليك وحشة .

عزيزي خالد العبيد :
شكراً يا صاحبي الجميل ،
والله الاشواق إليك في صراع دائم من شدة التوق إلى تلك الأيام في (البلاد) التي أكلتنا كما تؤكل الفواكه ..
ما زلتُ أُمنـّـي نفسي بمجيئك إلينا في قلب هذه الصحراء ..
عسى الله يحقق الأمنيات ..

الأخ عبد الله الشيخ :
شكراً على التهنئة ،
وأدام الله عليك السعادة والفرح ..

عزيزي منوت :
تحيات جميلات يا دكتور ،
وشكراً على الكلام الباهي ..
لا تزال ترنّ في خاطري تلك الأيام التي زرتنا فيها في الرباط ،
وتلك الغمامات التي رفــّيتها علينا وأنتَ تحكي عن الشاهق والمعذّب مصطفى سيد أحمد في بيت الراحل المقيم الخال أبو بكر الشريف ..
يا لها من أيام ..

عزيزي ناظم ابراهيم علي :
شكراً على التهنئات يا ناظم ،
وتحياتي لك وللأسرة ..

أخونا زمراوي :
شكراً على التهنئات ،
دمتَ طيباً وسعيدا ..

عزيزي ازهري نور الدين :
تحيات طيبات يا أزهري ،
أسعدتني تبريكاتك ..

عزيزي بلة محمد الفاضل :
تباركت أيامك وأيام أحبابك ،
دُم بهياً يا صاحب الحرف الجميل ..

عزيزي خالد عويس :
أدام الله عليك وعلى أسرتك السعادة والبهاء ،
أكيد مفروض أتصل بيكم ،
بس إنت عارف الجوطة الـ بكون فيها الواحد في ظروف زي دي ..

عزيزي اسماعيل عباس :
مشكور يا اسماعيل ،
أسعدني حضورك وتهنئاتك ..

الأخت سماح :
شكراً على التهنئة ،
وأمنياتنا لكِ بوافر الصحة والسعادة ..

عزيزي عبد الله وداعة :
سلام كبير يا عبد الله ،
تباركت أيامك ومماشيك وكل دروبك يا زول يا سمح ،

مشتاقون ، يعلم الله ..

عزيزي معتصم دفع الله :
تتبارك إنت يا راقي ،
مشكور على التهنئات الجميلة ، والحضور البهيّ ..

ألف مبروك مقدم الامورة أشرقت ..

جعلها الله من الصالحات وقرة عين لابويها

ألف مبروك أخى نزار طلة أشرقت على دنياكم الرائعة وتتربى فى كنفكم العامر ....
ليك وحشة أيها الخال الجميل .. أدخل على الخاص ، لكم الود