Post: #1 Title: شـــمــاســـه Author: محمد سنى دفع الله Date: 04-28-2008, 11:56 AM
شماسي1: شنو ياشباب شماسي2:شنو ، الليلة وين؟؟ شماسي3:والله قاعدين، شماسي4: والله اخونا داك شال العلبة شماسي2:الزول ده شرد بيها (( تدخل الأغنية )) ** يرقص الشماسة بمتعةفي دائرة كل مرة ينفرد واحد منهم في رقصة فردية** ينفلت شماسي 4 ويتقدم الى مقدمة المسرح.. ش 4: شمس بتعذبوا تحت هجيرها بتحرقهم الرمضا ياكلوا من الكوش والمزابل بنوموا في الخيران بسافروا كل يوم للمجهول شماسه شماسه شماسه ( تعلوا الموسيقى )) ش 2 : نتقاسم اللحظة الفرحة والأحزان بنعيش تحت المطر والبرد والحر شماسه شماسه ش3: آصحاب آصحاب ناكل سوا نصحى سوا نتقاسم اللقمه نلبس سوا كل شئ بينا وحقنا آصحاب آصحاب ش!: لافين في الشوارع لابنعرف قراية لابنعرف كتابة بنعرف نشوف ونسمع نحس بي النغام وبرنقص في كل فرح شماسة شماسة ((تعلو الموسيقى )) ** يواصل الشماسة في الرقص بمتعة)) نواصل ...
Post: #2 Title: Re: شـــمــاســـه Author: محمد سنى دفع الله Date: 04-28-2008, 12:26 PM Parent: #1
ش4: ياعمك .. انا ما حكيت ليكم ن ما مشيت الســيـنما ش2: كذاب ش2 : اتو ما كنتو قايلين ماشين بيت العرس عشان العضا ش4: ايوة لكن في بيت العضا لقينا واحد حنين حنكناو ادانا قروش السينما لكن فيلم عجيب اول ما ىقرينا من السينما لقينا نجاة واقفة وكندورة عامل انتباه عايز اعمل فيها تفتيحه لقانا بي قروشنا ش1: ده ما احراج عدييل ش3 اها الفيلم كيييف ش4: لكن فيلم بطلو ابوجله وابوشخته وكمان فيهو ابوطويله الساعة الضرب ابوجله ابوشخته واتشاكلو وادخل ليك ابوطويلة وقال ليهم نهي كرتاالجماعه ما نططو عيونهم زي الشافو الموت وتعال ياكاسوري لمن جات حبيبة البطل وقالت ليهو ،، فترت بس ابوطويلة الروح ردت ليهو الساعة الوقف وقال ليها انا بفتر وقام دقاهم تاني .... ((( هنا يتدخل السني ويجمد الممثلون )) السني هذه البداية ولكن يمكنكم ان تغيروها وهنا وقفت استاذة كان لها دور في العمل مع المنظمات وطلبت من المجموعة ان يحولوا القصة الى اهمية دور المنظمات في اعادة تاهيل الشماسةومن كلامها اعاد وا الحكاية ش2 كنت وين يافردة ليك زمن ماطليت علينا ش4: يا جماعة يوم لموا ليك فيني بنات قالولا لي لوعايز مكان تغير فيهو وتاكل تعال لينا ومشيت ليك معاهم يازول بيت كيف عضا وتلفزيون وهدوم طوالي كسرت ليك ركبة السني : طبعا كان إرتجال مهند استند على كلام الأستاذة وفعلا كان مبدع وفعلا تغيرت النهاية والان يمكنكم وضع نهاية مغايرة بل يمكنكم وضع حوار ممتد جديد عليكم ان تتفاعلوا مع هذا النص يلا معانا... هذا بداية ورشة الدوحة ملتقى التشكيليين السودانيين حينما طرح مسابقة الهواة يوم الجمعة 25 /4/ 2008 المركز الثقافي
Post: #3 Title: Re: شـــمــاســـه Author: محمد سنى دفع الله Date: 04-28-2008, 12:49 PM Parent: #2
المسرحية شماسه كانت ضمن الورشة الفنية يالدوحة واليوم تم الإعـــــلان عن ورشــــة الـــخـــرطــــوم والتي من المفترض انطلاقها بأذن الرحمن يوم الأربــــعــــاء القادم الموافق / 30 / 4/ 2008 المجد لفناني بلادي وهم ينقلون الوعي لكل الموهوبين .. ورشة الخرطوم تضم 30 متشرد من الشماسه من سن 15 ومعهم مجموعة من ذوي الحاجات الخاصة وذوي الظروف الخاصة جداوالأسر ذات الدخل المحدود معكم من اجل ورشة ناجحة ... من أعمال ورشة الدوحة 25/4/8
Post: #4 Title: Re: شـــمــاســـه Author: محمد سنى دفع الله Date: 04-28-2008, 12:52 PM Parent: #3
الدكتور : اسماعيل هلالي يتحدث عن التسول الظاهرة
Post: #5 Title: Re: شـــمــاســـه Author: محمد سنى دفع الله Date: 04-28-2008, 12:55 PM Parent: #4
الأستاذة : اسماء عبد الحليم العنف ضد المرأة
Post: #6 Title: Re: شـــمــاســـه Author: محمد سنى دفع الله Date: 04-28-2008, 12:59 PM Parent: #5
Quote: المجد لفناني بلادي وهم ينقلون الوعي لكل الموهوبين .. ورشة الخرطوم تضم 30 متشرد من الشماسه من سن 15 ومعهم مجموعة من ذوي الحاجات الخاصة وذوي الظروف الخاصة جداوالأسر ذات الدخل المحدود معكم من اجل ورشة ناجحة ...
و دمت أنت حاملاً لهذا المشعل
Post: #16 Title: Re: شـــمــاســـه Author: محمد سنى دفع الله Date: 04-28-2008, 03:59 PM Parent: #10
غاندي اعطيك العافية الشغل بدا مع بداية الكلام الفي الأغنية يعني عملنا المسرحية زي الفيديو كليب عارف الأولاد عملو (( لبيسينق )) زي الما حصل شئ والأغنية بقت خلفية للكلام تعلو وتنخفض مع كلامهم وطلبوا العرض لنقدمه بعد الكتابة النهائية في المدرسة السودانية لك الشكر وللفنان ابوبكر والفنانة ميري تحياتنا ومودتي
Post: #15 Title: Re: شـــمــاســـه Author: محمد سنى دفع الله Date: 04-28-2008, 03:53 PM Parent: #8
أبوذر بابكر صاخب الحروق الوريفة ومورقة صاحب الكلام الوديع الله اجبر بي خاطرك ليك المودة والمحبة الصافية عايزين نشوفك مع التشكيليين بتاعين السعودية في ورشتهم الأسبوع القادم دام صفانا
Post: #17 Title: Re: شـــمــاســـه Author: محمد سنى دفع الله Date: 04-28-2008, 09:29 PM Parent: #13
ابوجهينة الفنان الروائي التحيات والمحبة النقية تخيل فنانين وفنانات يبحثوا في متاهات الدروب عن فنان الفكرة مدهشة وعبقرية ولكنه حال الفنان السوداني الحقيقي ربما يكتشفوا فنان عبقري وأكيد سوف يكتشفوا اكيد ..
دهشة يا السني دهشة وكلنا في الهم والاشواق شماسة واصل ها الامطار الفنية الكثيفة
Post: #19 Title: Re: شـــمــاســـه Author: محمد سنى دفع الله Date: 04-28-2008, 09:36 PM Parent: #17
الأخت العزيزة ناهدبشير الطيب جاتني كحة بس..؟؟ وعشراقا وحمى ومورود وسخونية لكن بعد ده اديك العافية والسماح وعافين ليك دنيا وأخره ويدك معانا وقلمك نزيل الجهل ونوعي الناس بي قيمة الأسرة وعي لكل الناس ليهتموا لأمر هولاء الأطفال والشباب الذين يتجولوا في الشوارع دون أمل دون حلم
Post: #20 Title: Re: شـــمــاســـه Author: محمد سنى دفع الله Date: 04-28-2008, 09:57 PM Parent: #19
كيكي يا صديقي المهموم بالبسطاء يايها التربادور غني وحلق مع الشماسة الىمملكة الإبداع
Post: #21 Title: Re: شـــمــاســـه Author: محمد سنى دفع الله Date: 04-28-2008, 10:01 PM Parent: #20
لاتنسوا يا اصدقائي نهاية هذا الأسبوع ورشة السودان ورشة الخرطوم
Post: #22 Title: Re: شـــمــاســـه Author: عبد الناصر الخطيب Date: 04-28-2008, 10:19 PM Parent: #1
صاحبي الجميل ... محمد السني دفع الله ... إينما كنت تصنع ( الجمال ) لك التحية وكبير التقدير... _____________________________________________________________
Post: #23 Title: Re: شـــمــاســـه Author: محمد سنى دفع الله Date: 04-28-2008, 10:47 PM Parent: #22
صديقي في الجمال عبد الناصر الخطيب الا نشرك ليك بهكذا مواضيع دورك معانا باسيد الحرف الصادق ومنتظرينك واولادنا في شوارع لافيها الهجير معاك الأمل محبتي
ما نحن ذاتو بالملايين مرقنا من الوطن وبقينا شماشة لافين في مدن الغير وشوارع الغير في بلاد الغربة
حتى لمن نرجع للوطن في اجازة بعد فترة لا بنعرف نقرا مع ناس البلد ولا نكتب ولا نتكلم ذاتو
اول كلمة يقول ليك ( مغترب ) تبقى ذي ناس الحاجات الخاصة الكل يتعامل معاك معاملة خاصة من البحملو العفش في صالة الدخول في المطار لحدي بتاع التفتيش الشخصي في صالة المغادرة وما بين الوصول والمغادرة كثير من الحاجات الخاصة والخاصة جدا جدا
نحن برضو شماشة بس بنحمل جوازات شماشة دبلوماسية تسمح لنا بالتنقل بين مدن العالم
الحقيقة العمل جميل وفكرة رائعة ممكن تنسحب على كثير من قطاعات المهمشين وفي كل مكان في العالم
لك كل الحب يا محمد السني ولكل من شارك في هذا العمل
جمال
Post: #25 Title: Re: شـــمــاســـه Author: مامون أحمد إبراهيم Date: 04-28-2008, 11:13 PM Parent: #23
وكلنا فى الهوى شماسه يارجل !
معاك يازول يافنان الخطوه بالخطوه ,
باعاً بباع , وجحراً بجحر ! نبيت فى الخيران ,
وناكل من الحرايق , ونستحم فى الترع مع أهلنا أولاد قِرِف
انت نبي ..والانبياء بشراً..! انت نبي ..والفكرة الجميله هي رساله ! الناس يعاملونهم هؤلا دون إنسانية ..فانت ابو الانسانية الناس كلاب ..! في هذا الزمن الارعن ! لكني اتسال اين المؤتمرات التي تقام من اجلهم ؟؟؟ وهل يوجد اهتمام بالانتهاكات التي تحدث لهم يوماً؟؟ لماذا تعاملهم السلطات بانهم مجرمون ولماذا لم تفعل لهم آليات ومعالجات والاهتمام إلي شكواهم ؟؟ اين الاعلام ولماذا يتستر علي انتشار الظاهره في كل العواصم ؟؟؟
هل وفرت لهم الدوله الامن /العلم /الحلم /المدن الجميلة ومستحيلة/ التعليم /ال..خ أين وزارة الرعاية الاجتماعية ..ووزارة التخطيط الاجتماعية ألم يكن هؤلا المشردون نتيجة للسياسات الطائشه والحروب وجحيمها والان في الشوارع ونيرانها اين الانسانية ؟؟ إن كانوا اطفالنا من اصلابنا كانا ننظر اليهم هكذا؟؟؟ لماذا لا نطبق السياسات من دمجهم في المجتمع وابسط الاشياء علي المجتمع الذي يشكله الافراد .! القلب ينزف الصديد..من نظراتهم ولكن العواطف لا تحل إشكالياتهم ماذانحن صانعون .؟؟؟
لوسمحت لي إقتراح تكوين صندوق ثابت لدعمهم من خلال الموقع ماديا ومعنوياً كما اتمني من بكري رفع هذا البوست عالياً .. عاجز عن الشكرلك
Post: #27 Title: Re: شـــمــاســـه Author: كمال سالم Date: 04-29-2008, 00:56 AM Parent: #1
غايتو ياالسنى ماعندى غير أقول ليك ,, إنت من أى فسيخ بتطلع شربات ,,
Post: #28 Title: Re: شـــمــاســـه Author: محمد سنى دفع الله Date: 04-29-2008, 05:42 AM Parent: #27
جمال السنوسي الشماسي الكبير أول مرة اعرف ان المغتربين هم نوع من الشماسة قبلنا بالتعريف وهو تعريف جديد لنج وظريف كل المرجو منك ان تقدم خدمة من أجل الشماسة كل ما تنزل البلد اجازة تقدم كل ما تقدر عليه للـشــماســــة ايها الشماسي الكبير
كيفنك مجهود رائع يستحق أن نقف له جميعا أكبارا وأحتراما... ماشاءالله عيني باااااااااااااااردة
تسلم إنشاءالله ويديك ألف عافية
Post: #30 Title: Re: شـــمــاســـه Author: محمد سنى دفع الله Date: 04-29-2008, 06:03 AM Parent: #29
مأمون ياقريبي لك المحبة ومعا من أجل الخير والحق والجمال ابدا
Post: #31 Title: Re: شـــمــاســـه Author: جمال السنوسي Date: 04-29-2008, 08:24 AM Parent: #30
Quote: جمال السنوسي الشماسي الكبير أول مرة اعرف ان المغتربين هم نوع من الشماسة قبلنا بالتعريف وهو تعريف جديد لنج وظريف كل المرجو منك ان تقدم خدمة من أجل الشماسة كل ما تنزل البلد اجازة تقدم كل ما تقدر عليه للـشــماســــة ايها الشماسي الكبير
والله يا ود السني ( وانت عارف حالات المغتربين)
والله في مغتربين شماسة بي حق وحقيقة وليهم سنين مندسين ما قادرين يمرقوا الشارع ولو مرقو مشوار ( الخوف من الكشة) وما قادرين يرجعوا الوطن لأنهم بي صراحة ما عندهم قروش ترجعهم وزي ديل كتار وفي كل الدول
اها عني انا شماشي كبير ويا ريت كل الشماشة المقتدرين في الخارج يقيفوا مع بعض ويعملوا مشروع خيري لي شماشة الداخل ( بكرة يطلع لينا بوش ويجمد حساباتنا بدعوى دعم الإرهــــ شــمــاســةــارب)
معاك يا زول يا جميل في كل شارع وكل ضل وكل دعوة للجمال
Post: #32 Title: Re: شـــمــاســـه Author: محمد سنى دفع الله Date: 04-29-2008, 08:38 AM Parent: #31
الزول الجميل جمال السنوسي ديل شماسة ولا ضلاله ديل قاعدين جو الغرف خوف المروق والكلبوش لكن طبعا طالما عايشين خوف بكرة ابقوا شماسه وشماسه كمان بي رخصة ربنا ارد غربتنا وابعد عنا شبح التحول لي شماسة منتظر اقتراحك ماذا نفعل لي الشماسة؟؟؟
Post: #33 Title: Re: شـــمــاســـه Author: محمد سنى دفع الله Date: 04-29-2008, 10:10 AM Parent: #32
الشكر أجزله للمكتب الثقافي الجالية السودانية والشكر للفنان عبد الرحمن نجدي لصوره البديعة
ممكن فهمت خطأ بس زي فهمت أنك عايز تفاعل مع هذا النص فهل من الممكن أغير كامل معالمه من طقطق إلى السلام عليكم (كتجربة أولى لي) ينفع!!!
وتحايا كبيرة لروحك المعطاءة والمختلفة
Post: #35 Title: Re: شـــمــاســـه Author: محمد سنى دفع الله Date: 04-29-2008, 01:02 PM Parent: #34
بله محمد الفاضل هي كده المسرح التفاعلي هوان تتفاعل مع الفكرة وتحوله الى فضاءات جديدة من حقك ان تكتبه وفق لرؤيتك والمساحة براح يلا للكتابة ونحن معك وبرضو مستعدين نشتغل العمل بتاعك يا بله مودتي
شماسي (1) داخل في تعسيلة وأحلام بين يقظة وغفلة (في مكان بائس ومظلم وحوله الكثير من الشماسة) عدد من اللقطات الصامتة (لشلاليت وبلنجات وعفيص وكدا) أثناء النوم بالإضافة إلى (زوغانات واتنين تلاتة متمحنين وزي واحد بشم في سلسيون وواحد مولع بابور وكدا...) ينتقل المسرح إلى فيلا شكل آخر مختلف والدنيا صباح والناس في بدأت في الصحيان ينط من ضمنها شماسي (1) ليفرك عينيه كثيرا ليتأكد أنه لا يحلم يقفز من السرير المريح ويبدأ في البحلقة إلى تفاصيل الفيلا ينتشله صوت شماسي (2): شنو يا عمك، مروح شنو؟ شماسي (3): والله زولك مخلوع خلعة، مالك؟ شماسي (4) من الصالة: يلا الفطور يا مان عشان نشتت نشوف أرزاقنا يمضي شماسي (1) متثاقلاً إلى السفرة التي لا مجال فيها لصحن إضافي وعيناه تكادان تقفزان من مكانيهما
شنو يا عمك نواصل
Post: #39 Title: Re: شـــمــاســـه Author: محمد سنى دفع الله Date: 04-30-2008, 07:10 AM Parent: #36
بله منتظرين ـــــ لكن دقيقة نسلم على اختنا نهى محسن ابوراس ونقول ليها المودة والسلام والتحية واعذرينا طولنا عليك الرد لكن فرحانين بي حروفك وربنا اسلمك من كل بلا والمودة ولنتفاعل مع نص شماشة
Post: #40 Title: Re: شـــمــاســـه Author: محمد سنى دفع الله Date: 04-30-2008, 09:07 AM Parent: #39
ماهو الدور الذي من المفترض تلعبة المؤسسات الحكومية والمنظمات الطوعية والدور المدعومة لتأهيل أطفال الشوارع ؟؟ ماهو دورنا ؟؟ شاركونا ... http://www.nccm.org.eg/UserFiles/Image/st.jpg
أستاذنا محمد السني - تحياتي أيها الفنان الذي ما فتيء يضيء اركان الوجع الحقيقي في مجتمعنا
Post: #42 Title: Re: شـــمــاســـه Author: محمد سنى دفع الله Date: 04-30-2008, 09:28 AM Parent: #41
محمد عبد الجليل الأستاذ الجليل رائد مسارح البراح وواضع برامج المنوعات لآطفال المدارس واهب الفرح ومكتشف المواهب رؤيتك معانا ومشاركتك الواعدة ومعا من اجل الشماسة
Post: #43 Title: Re: شـــمــاســـه Author: ابوبكر يوسف إبراهيم Date: 04-30-2008, 09:44 AM Parent: #41
أخي السني
سلام على روحك الطيبة
هنا يكمن الأبداع .. قرأت وبإهتمام ويبدو لي أن المعضلة هي معضلة " وطن..الوطن رجل كئيب يدخن تبغا رديئاويشرب الكثير من القهوة. الوطن لا يحلق وجهه كل صباح..و لا ينظر في المرآة. الوطن سروال واسع كل يفصله على مقاسه الخاص..الأبرياء يفضلونه حرا كما الأغاني ليسمنوا و يتوالدوا بسلام. الجنود يفضلونه محاصرا على آخره ليستعملوا بنادقهم بطلاقة أكبر. الأثرياء يفضلونه خارجا للتو من حرب ويفضلونه أكثر أن يكون مدمرا بشكل رائع ليقسطوه بأثمان مبالغ فيها..الفقراء ينامون على رصيفه..السياسيون يعترفون له دائما بالحب..اليائسون يرون ضرورة استبداله بغيره.." الشماسةكانو ذات صباح أطفال ،الأطفال يعتقدون أنه مجرد نشيد قصير أمام راية قديمة في ساحة المدرسة..الأمهات لا يفهمن لماذا هو قاس هكذا..المحاربون القدامى اعتقدوا أنه في مكان آخر لذلك ذهبوا في حروب لا تخصهم كثيرا..الشباب منشغلون عنه بمطاردة الفتيات..الفتيات منشغلات عنه بمطاردة الفتيان..الفتيات منشغلات عنه بمطاردة الحظ..الحظ رجل غير عربي إطلاقا..المناضلون يفضلونه مظلوما ليمتحنوا حناجرهم بالشعارات.زالمناضلات يتذكرنه كل8مارس. المهاجرون المغتربون قسراً في منافي الأرض يبعثون إليه بالقبلات الحارة..الصحافيون يلتقطون له الصور في أوضاع مخجلة..الشرفاء يتمنون الموت لأجله.. المستغلون الأنانيون يعتقدون أنه وجد هكذافسيحا فقط ليكون لهم وحدهم. المعتقلون خاب أملهم فبه..المعتقلات السابقات انقطعن عن التدخين وأنجبن الأولاد و تحولن إلى مواطنات فاضلات. الشعراء الأمجاد تبعوا الحق وأما ماسحي الجوخ منهم ، لاعقي نعل السلطان تخلوا عنه...الشيوعيون أصبحوا يقلون لأجله...الجبناء يحبونه خاضعاحتى لا يجبروا على المثول أمام الآخرين في كامل ارتجافهم. العاطلون يطالبون برأسه.. العاملون يطالبون بجيبه. أما المتآمرون يتسترون به.. الموظفون يعرفونه مرة آخر كل شهر.. الجماهير تحثه على النهوض دون أن تكلف نفسها عناء مغادرة السرير.. المثقفون يفضلون الحديث عنه قبل النوم.
أما أنا فأفضله بسكرتين ونصف بعد الأكل!! الوطن المر لا أستسيغه!!!!!
وهكذا تأكل الهرة أولادها!!!!!
Post: #44 Title: Re: شـــمــاســـه Author: جمال السنوسي Date: 04-30-2008, 10:17 AM Parent: #43
عزيزي محمد السني
اول حاجة بقترح انه نحن نوقف ونجفف (نقطة) المواسير البتتسرب دي وتنقط لينا شماسة جدد في الشوارع لانه النقطة دي بتكبر مع الزمن وتتحول الى بركة ثم نيل يفيض بالاجرام ويغرق المجتمع
وزي ما نحن ممكن ننتهي بمحو الاميه في عام ما بأن يعرف كل افراد المجتمع القراءة والكتابة كذلك ممكن منظمات المجتمع المدني أن تتكفل وبوضع برامج استيعاب لشماسة الشوراع الحاليين وتحويلهم الى افراد مفيدين في مجتمعاتهم ووقف اي تسرب جديد للاطفال في الاعوام القادمة حتى تنتهي هذه الظاهرة بمرور السنين ولا بد من ان يلزم الأثرياء بالمساهمة في تكاليف هذه المشاريع كجزء من التربية الوطينة في حل مشاكل المجتمع والانسانية
باب آخر :
عندما اشتكت الصين من تكاثر الفئران وتواجدها بأعداد كبيرة تضر بالمحصولات الزراعية كانت طريقة القضاء على هذه الآفة التي تضر بالاقتصاد ان يأكل الصينين الفئران وقد كان وانقرضت الفئران الصينية ( حل صعب ولكن هكذا تتقدم الدول وتصبح في المقدمة)
وكما قالت مستشارة فنلندا البلد الصغير جدا في لقاء بلا حدود في قناة الجزيرة للمذيع احمد منصور عن سؤاله لإعطاء وصفة نهضة للدول العربية لتنهض مثلما شركة نوكيا الفنلندية التي تساوي ميزانيتها ميزانية كل الدول العربية مجتمعة قالت : اوصي العرب باتباع ثلاثة أشياء : التعليم
التعليم
التعليم
وشوف نحن وين ونوكيا وين
Post: #46 Title: Re: شـــمــاســـه Author: جمال السنوسي Date: 04-30-2008, 11:07 AM Parent: #43
عزيزي محمد السني
اول حاجة بقترح انه نحن نوقف ونجفف (نقطة) المواسير البتتسرب دي وتنقط لينا شماسة جدد في الشوارع لانه النقطة دي بتكبر مع الزمن وتتحول الى بركة ثم نيل يفيض بالاجرام ويغرق المجتمع
وزي ما نحن ممكن ننتهي بمحو الاميه في عام ما بأن يعرف كل افراد المجتمع القراءة والكتابة كذلك ممكن منظمات المجتمع المدني أن تتكفل وبوضع برامج استيعاب لشماسة الشوراع الحاليين وتحويلهم الى افراد مفيدين في مجتمعاتهم ووقف اي تسرب جديد للاطفال في الاعوام القادمة حتى تنتهي هذه الظاهرة بمرور السنين ولا بد من ان يلزم الأثرياء بالمساهمة في تكاليف هذه المشاريع كجزء من التربية الوطينة في حل مشاكل المجتمع والانسانية
باب آخر :
عندما اشتكت الصين من تكاثر الفئران وتواجدها بأعداد كبيرة تضر بالمحصولات الزراعية كانت طريقة القضاء على هذه الآفة التي تضر بالاقتصاد ان يأكل الصينين الفئران وقد كان وانقرضت الفئران الصينية ( حل صعب ولكن هكذا تتقدم الدول وتصبح في المقدمة)
وكما قالت مستشارة فنلندا البلد الصغير جدا في لقاء بلا حدود في قناة الجزيرة للمذيع احمد منصور عن سؤاله لإعطاء وصفة نهضة للدول العربية لتنهض مثلما شركة نوكيا الفنلندية التي تساوي ميزانيتها ميزانية كل الدول العربية مجتمعة قالت : اوصي العرب باتباع ثلاثة أشياء : التعليم
أثناء الفطور شماسي (2): مالك يا فردة في شنو؟ شماسي (1): ديل نحن، ولا ناس تانيين، الحاصل شنو، أنا ما ناقش أبو النوم؟ شماسي (3): يعني حيكونوا منو، يا اخي ما تصحا، انتا ما عارف ربك كريم، أمبارح يا فردة وأنت بتجلد في النوم بعد ما جينا من السينما، جاء واحد عمك جلك وساقنا ليك كلنا في عربيتو وجابنا هنا.. شماسي (1): أها وبعدين! يدخل رجل وقور، يرتدي عراقي وسروال طويل وفي يده سبحة طويلة يحركها بين أصابعه - أها فطرتوا ولا لسه شماسي (4): لسه أهو بنسفسف يا عمك. - علي مهلتكم، ما لاحقين شيء، بعد تخلصو تعالوا الصالون. شماسي (2): جداً يا عمك. شماسي (1) وفمه ممتلئ على أخره: وبعدين، فهمونا الحاصل شنو! شماسي (2) كدي خلينا نكمل عضتنا دي وبعدين نتفاهم. شماسي (3): والله يا فردة عمك دا حيرنا ليك عديل كدا، تصدق قال ليك من الصباح نحنا هنا وهو وأولاده هناك!! شماسي (2): يا اخي ما قلنا ليك خلينا نخلص المنجرية دي، فكنا يا اخي من الوهم دا. شماسي (1): كيف، والله ما فاهم حاجة، قلتا شنو؟ شماسي (3): أها سمح، خليناهو يا معلم، بعدين براك بتشوف الحاصل شنو. في الصالون، الرجل الوقور وأولاده وقد ارتدوا ملابس تشبه تماماً ملابس الشماسة، رغم آثار النعمة البادية على وجوههم، إلا أنهم اجتهدوا في إخفاء معالمها الزوجة: خلاص يا أولادي فطرتوا الحمد لله. شماسي (4): الحمد لله، أها خلاص ماشين؟ الأبن البكر (فارس): أي، يلا خلوا بالكم، ما نوصيكم. الرجل الوقور: المهم في الموضوع، زي ما وصيتكم خليكم طبيعيين جداً، واتعاملوا زي ما فهمتكم مع أي واحد يجي هنا، والأوراق كلها معاكم، يعني مافي واحد بقدر يتعدى عليكم ولا يمسكم، يلا ودعناكم الله، ربنا يغطي عليكم ويحفظكم، وأبقوا عشرة.. ينقل شماسي (1) عينيه يمنة ويسرة وهو غير مصدق لما يراه ويسمعه شماسي (1): كدي دقيقة بالله يا عمك، الحنك دا كيف؟ الرجل الوقور: معليش يا ابني أخوانك حيفهموك، ما حبينا نزعجك لأنك كنت نائم فخليناك تكمل نومتك، بس خلاص نحنا متفقين على كل التفاصيل، ولا يهمك. شماسي (1): يا عمك، والله كلامك دا كلو ما وقع لي في رأسي. شماسي (2) وهو يلكز شماسي (1): أصبر يا حبة بنوريك، مالك داير تبوظ الخلطة. تنصرف الأسرة بأكملها من المنزل. فيبدأ مهرجان من الفرح والتنطيط والغناء ووووو
فحوى الأمر عزيزي الجميل أظنها فكرة لتجريب حياة فئة لحياة فئة أخرى ولعلي أكتفي بذلك ومن الممكن إن راقت أن يواصل من يملك سعة خيال عكس ما تمر به كل فئة في واقعها الجديد
ولك كامل الحب والإعزاز ودمت مشرقا مشعا بالجمال والألق
المبدع السنى سلام من الله عليكم ورحمة وبركات طيبات. مبروك الورشة وعديييل حاسدنكم على نشاطكم فى الدوحة. نتمنى ان تعمم الفكرة ونشوفها هنا فى الامارات. لك الود والف باقة ورد
Post: #47 Title: Re: شـــمــاســـه Author: محمد سنى دفع الله Date: 04-30-2008, 11:58 AM Parent: #45
الأن وفي الخرطوم أكبر ورشه ملتقى التشكيليين السودانييين يقيم ورشته الأولى في الخرطوم الشكر للفنانة سليمى بابكر وسلمى مكي الشكر لفناني الملتقى بالخرطوم من دكتور المعز العجيمي الى شيخ الشباب عصام عبد الحفيظ وبينهما شباب كثر متفتح لجميل الأعمال الأن في الخرطوم عمل ابداعي عنيف وجمالي وزخم اعلامي تابعونا وتابعو ا ورشة الخرطوم بالصورة
Post: #48 Title: Re: شـــمــاســـه Author: محمد سنى دفع الله Date: 04-30-2008, 01:07 PM Parent: #47
الفنان محمد حسن هارون يتابع ورشة الخرطوم مع سليمى وسلمى والتحية للفنانيين تيسير عبد القادر وشهاب دياب كم تعبوا في التحضير لورشة الخرطوم يلا نشاهد ابداع الشماسة
Post: #49 Title: Re: شـــمــاســـه Author: محمد سنى دفع الله Date: 04-30-2008, 05:11 PM Parent: #48
ورشـــــة الــخـــرطـــوم
Post: #50 Title: Re: شـــمــاســـه Author: محمد سنى دفع الله Date: 04-30-2008, 05:16 PM Parent: #49
اندماج مع اللون والورقة والرؤية المشروع اليوم الخرطوم ملتقى التشكيليين السودانيين الخر(.........)م 30/4/3008
Post: #51 Title: Re: شـــمــاســـه Author: محمد سنى دفع الله Date: 04-30-2008, 05:54 PM Parent: #50
ضحكة كلها أمل شكراكل من ساهم في انجاح هذا اليوم
Post: #52 Title: Re: شـــمــاســـه Author: محمد الطيب حسن Date: 04-30-2008, 06:18 PM Parent: #51
هاله الابداع وبوتقه الجمال روح الشباب وبراءة الاطفال المتفشي فينا جمالا الفنان الكبير السني دفع الله
حقا كما قالها العزيز كمال سالم بتعمل من الفسيخ شربات حتي الشماسه لم يسلمو من سيناريوهاتك التي طالما حلمت بوطن يملاوه الخير والجمال
الدكتور المعز العجيمي الفنانة سليمى الفنانة سلمى مكي والشكر موصول لكل من ساهم وفعل هذا اليوم البهيج وجعل للورشة طعم ولونواكسبها حياة
Post: #56 Title: Re: شـــمــاســـه Author: محمد سنى دفع الله Date: 05-01-2008, 08:22 AM Parent: #55
الشكر للفنانة سلمى مكي والشكر أجزله لجمعية آمل وللأستاذة سحر ابو شوك ساري أحمد يسن غلام مروةالعباس والأخت رباب وللرجل في البلاد البعيدة الصين ولكن قلبه مع الشباب شهاب دياب
Post: #57 Title: Re: شـــمــاســـه Author: محمد سنى دفع الله Date: 05-01-2008, 09:06 AM Parent: #56
جاي بالمهله عشان ارد على المتداخلين الظرفاء وجايكم بالنص الجديد للشماسة
Post: #58 Title: Re: شـــمــاســـه Author: محمد سنى دفع الله Date: 05-02-2008, 08:21 AM Parent: #57
محمد الطيب الوجيه الفنان بالله عليك شوف شباب الخرطوم بعملوا شنو ورشة تهز وترز بي امكانات بسيطة لكن فرحوا الخلق وبسطو أ الأطفال
نولد جميعنا على الفطرة تأخذنا تصانيف الحباة هو تحت الأرض يقتات الفتات وغيره يتعاطى الأكسحين من السحاب يخرج الأحمر قاتما والأخضر مـوات وآخرون بعشقهم البنفسج لهم ولكم عشق يخرج من تلافيف التواجد شكرن جميلا .. أن نتقاسم اللون .. الخبز.. في قارعة الطريق...
Post: #61 Title: Re: شـــمــاســـه Author: محمد سنى دفع الله Date: 05-03-2008, 01:33 PM Parent: #60
Post: #63 Title: Re: شـــمــاســـه Author: محمد سنى دفع الله Date: 05-04-2008, 05:59 AM Parent: #61
المعتمد نور الهادي محمد بله الشوامخ جاييكم بالمهلهلاتنسوا ياناس الدوحة اليوم معرض هيثم الطيب في المركز الفرنسي
Post: #64 Title: Re: شـــمــاســـه Author: محمد سنى دفع الله Date: 05-05-2008, 07:54 AM Parent: #63
محمد بدوي اخوي محمد التحية والتقدير لك المودة والمنى كل المنى ان تنجح في مقاصدك عزيزي ود البدوي يمكمنكم ان تقوموا بعمل ورشة كامله في الفاشر كل المطلوب منكم ان تملاء الغستمارة الخاصة بالمسابقة وتجمع الشباب من فناني التشكيل في الفاشر هناك اساتذة الفنون بالمدارس والمهتمين بالتشكيل في المدينة والمواد يمكن ان تجدوا جهة تتيرع بالمواد من الوان اقلام والوان موية وشوفوا نادي او مركز او مكاتب الشباب او الثقافة او الجمعيات الطوعية المختلفة يمكن ان تتحركوا وتعملو ا حركة كل الذي نحتاجه ارسال الغستمارة لملتقى التشكيليين السودانيين والرسوم لتتدخل المنافسة قصرنا معاك عند ضوء اخضر للعمل نسمع عنك كل جميل ود البدوي ودام صفانا
Post: #65 Title: Re: شـــمــاســـه Author: محمد سنى دفع الله Date: 05-05-2008, 01:46 PM Parent: #64
اي مواد تنفع
Post: #66 Title: Re: شـــمــاســـه Author: عبدالعظيم محمد أحمد Date: 05-06-2008, 10:29 AM Parent: #1
الاخ الاستاذ محمد السني
عمل جميل ورائع ما قمتم به وما تقومون به
اتمني تتواصل مبادرتكم مع الشماسة
بالامس اتصلت علي سحر ابوشوك ومجموعتها
حدثتهم عن المراسلات بيننا التي بدأت عبر الماسنجر
وعلمت منها ان فريقهم الرياضي والمجموعة التي يعملون معها من الشماسة
قد شاركت بمجموعة منهم في ورشة الخرطوم التي انزلت جزء من صورها هنا
مصادفة جميلة حيث انني لم اكن اعلم ان مبادرتكم هذه لديها علاقة بما حدثتك عنه
سوي اهتمامك الذي لمسته من هذا البوست ....
شكرا لكم جميعا علي اعمالكم الجميلة من اجل هؤلاء الاطفال
Post: #67 Title: Re: شـــمــاســـه Author: عبدالعظيم محمد أحمد Date: 05-06-2008, 10:47 AM Parent: #1
خرجت اكثر من مرة برفقة صديقي احمد وهو احد أعضاء فريق عمل مع الأطفال المشردين بمشروع حماية الطفل الذي تنفذه جمعية أمل لفترة تنتهي مع نهاية هذا الشهر وهو كعادته منذ أن عمل في هذا المشروع قد أصابه القلق وبدأ في زحم تفاصيل لقاءاتنا المسائية بالأسئلة وأطراف الأفكار حول التواصل مع الأطفال ، وكان الهدف من خروجنا للشارع هذه مساء ذلك اليوم هو التقاء مجموعات من هؤلاء الأطفال متابعته التي لم تنتهي نهارا اثناء دوام عمله فلاحقها ليلاً و محاولة بحث إمكانية حماية احد هؤلاء الاطفال أثناء تشرده ، وجدناه مع مجموعة وحينما وصلنا إليهم وبدأنا في إدارة حواراتنا معهم تأكدت أنهم تعلموا في الشارع أن هذا واقعهم وعليهم التكيف معه والسيطرة عليه، ونمت لديهم روح التضامن والاعتماد على النفس، ولهم مهاراتهم وقدراتهم وطرقهم الذكية وابتكاراتهم في العيش و اللعب والترفيه وقضاء أوقات الفراغ ، لقد تكونت شخصياتهم بصورة غير التي قد يراها بهم الكثيرون تعلمت من لقائهم هذه المرة أن كل من يفكر في مساعدة هؤلاء الأطفال لا يجب أن يسلخ هؤلاء الأطفال عن جلودهم والشارع الذي أتوا منه فهو ماضيهم الذي يجب أن يُحترم كما يجب أن يكون الطفل المشرد وقدراته وأفكاره وأحلامه هي المدخل لأي عمل يتم تقديمه إليه، و أن تنطلق أي مساعدة نقدمها له من احترام كامل لقيمهم ومحتوى حياتهم في الشارع ...
الاستاذ محمد السني
اري ان هذا العمل الذي تقومون يصب في هذا المنحي الجميل ويجب ان يستمر لان هناك حاجة فعلية له فقط موضوع المسابقات ... والجوائز لا ادري ل ترون ان من المهم ربط مثل هذه الاعمال بمسابقات وجوائز ؟
Post: #68 Title: Re: شـــمــاســـه Author: محمد سنى دفع الله Date: 05-06-2008, 11:58 AM Parent: #67
إحترامي و تقديري للأستاذ السني دفع الله وكل من شارك في هذا العمل
Post: #70 Title: Re: شـــمــاســـه Author: عبدالعظيم محمد أحمد Date: 05-06-2008, 12:45 PM Parent: #1
الي ان تعود اخي السني
ما أود اقوله من ملاحظتي لكثير من الاعمال الموجهة للطفل من كثير من المنظمات والمؤسسات العاملة في هذا المجال
هو انها لاتري هذا الثراء الهائل لدى الأطفال وبالتالي فهي لا تعتبره أساسا ومدخلا للبناء في حياة الاطفال ........
وكثير من المشروعات تبدأ عادة بنماذج جاهزة وبما يقرره اكاديميون يبدون من منطلقات نظرية واساليب تقنية بدلا
عن البدء بالقدرات والمهارات المتوفرة لدى كل طفل والمكونة من خبرات وتجارب وقصص وعلاقات تفاعله
وحياته في حركته اليومية سواء كانت في اسرة - مدرسة - شارع ..... الخ او جميعها في ومن الشارع ...
وانا اري ان من المضر أن تبدأ عملية اكتشاف هذه القدرات والمهارات وفقاً
لمعايير مبنية علي قيم الفوز والهزيمة والتنافس ...
ورغم ذلك اري انه جميل جدا ان نبحث كما تفعلون عن مساحات لتعلمهم في سياق طبيعي ........
وحق لي ان احتفي بمثل هذه الاعمال والمبادرات
التي تخاطب ذات الطفل وتعترف بها ..
واري ضرورة العمل علي تطوير وتوسعة مجال حركتها
دمتم جميعا
ومزيد من الاهتمام بهذا المجال
وفي انتظار عودتك
Post: #71 Title: Re: شـــمــاســـه Author: محمد سنى دفع الله Date: 05-07-2008, 09:02 AM Parent: #70
Post: #72 Title: Re: شـــمــاســـه Author: محمد سنى دفع الله Date: 05-07-2008, 09:25 AM Parent: #71
لنطرح عمل متواصل من أجل الشماسة عمل مثلما قلت يقدم لهم الفائدة والمتعة عمل يحترم انسانيتهم يرتقي بهم الى مقام المعرفة والعلم من أجل الشماسة برنامج جديد اخي عبد العظيم علينا وضع الخطوات الفعلية والمهمة لهذا العمل نداء الشماسة منتظرك عبد العظيم
Post: #73 Title: Re: شـــمــاســـه Author: محمد سنى دفع الله Date: 05-07-2008, 02:51 PM Parent: #72
مبادرة نداء الــشــمــاســــــة
Post: #74 Title: Re: شـــمــاســـه Author: عبدالعظيم محمد أحمد Date: 05-07-2008, 03:00 PM Parent: #1
مبادرة جميلة تستحق العناء
سابذل كل جهد ممكن في سبيل دعمها وتطويرها
وسادعو اخرين لذلك
شكرا لشعب ينبض مبدعيه بالحب والعطاء للناس
واصل ... ونواصل
Post: #75 Title: Re: شـــمــاســـه Author: عبدالعظيم محمد أحمد Date: 05-07-2008, 03:14 PM Parent: #1
بالامس كنت اتحدث للاخت اسماء علي
هي رئيسة جمعية امل وتعمل في دارفور
طرحت لها اكثر من فكرة بخصوص اعمالكم الجميلة هذه
وهي عضوة معنا هنا بالبورد ... ستتداخل معنا
هل هناك ورشة بنيالا ؟
يمكن ان نساهم في ذلك عن طريقها ؟
Post: #76 Title: Re: شـــمــاســـه Author: محمد سنى دفع الله Date: 05-07-2008, 08:25 PM Parent: #75
عبد العظيم لك المودة شكرا على جديتكم لهذا النداء وانتم الذين اطلقتوه وصلتني الرسائل افرحتني جدا وسوف نقوم بعمل اتمنى ان يرضي طموحاتكم بس اديني يوم بكرة ونشوف التفكيرة بتودينا وين
Post: #77 Title: Re: شـــمــاســـه Author: عبدالعظيم محمد أحمد Date: 05-07-2008, 10:27 PM Parent: #1
اخي السني
كل تفكيرة .. فيها خيرة
Post: #78 Title: Re: شـــمــاســـه Author: عبدالعظيم محمد أحمد Date: 05-08-2008, 10:25 AM Parent: #1
شماسة
فوق
Post: #79 Title: Re: شـــمــاســـه Author: محمد سنى دفع الله Date: 05-09-2008, 00:09 AM Parent: #78
لقيت الفكرة وجاييك بالمهلة نتقابل في البريد الجاي وكل حركة وليها بركة ربنا اقدرنا على عمل يخدم اخوانا في الإنسانية الشماسة
Post: #81 Title: Re: شـــمــاســـه Author: محمد سنى دفع الله Date: 05-09-2008, 00:21 AM Parent: #79
وروورررروك شكري الجزيل على القصيدة والمشاركة الفاعلة مودتي وتحياتي العطرة
Post: #82 Title: Re: شـــمــاســـه Author: محمد سنى دفع الله Date: 05-09-2008, 00:25 AM Parent: #81
ناهد بشير الطيب لك الود النقي والتحايا المعطرة والشكر الجزيل لمرورك النبيل في مقبل الأيام القادمة لنا مشروع جديد للشماسة في السودان اتمنى ان تشاريكنا بقلمك وجهدك ولك امنياتنا بالتوفيق في كل خطوة ودام صفانا
Post: #84 Title: Re: شـــمــاســـه Author: محمد سنى دفع الله Date: 05-09-2008, 08:08 AM Parent: #82
ودالريح سيد العلم وابو السخرية المبهجة وصاحب الفنون المغلفة بنهكة الفواكه كلامك عين العقل ودرجنا على قول شماشة تقول شنو فلسفة كبر لكن ليك على عندنا بوست جاي لي نداء لعمل ليهم ليك على اكون مكتوي الــشــمــاشــــة دام صفانا
أستاذي السني بعد التحية والإستمارات دي نلقاها وييين علشان نكون ورشة مدني؟
كل الود
Post: #86 Title: Re: شـــمــاســـه Author: محمد سنى دفع الله Date: 05-09-2008, 11:20 AM Parent: #85
ممدوح ..خير الصباح ده في سيرتك وينك ؟؟ والإستمارة تلقاها في موقع ملتقى التشكيليين السودانيين ، www.sudanartistunion.com ولك كل المودة بالمناسبة يمكن ان تجمع الفنانيين التشكيليين وتعملوا ورشة بادوات بسيطة ومواد ابسط ويمكن تجميعها من المدارس اذا وجدت فيها ومن المكتبات بالتبرعات والهبات والورق والمكان ممكن تختاروا وتفاضلوا بين اماكن تحددوها بمعرقتكم والمنى لكم بالنجاح والتوفيق عارفكم ناس ابداع مودتي
سأل عنك الخير أستاذي موجود بس الوالد بعافيه شويه إلا أنه والحمد تماثل للشفا
سنعمل علي إقامة ورشة بإذن الله
Post: #88 Title: Re: شـــمــاســـه Author: محمد سنى دفع الله Date: 05-10-2008, 11:55 AM Parent: #87
ممدوح وين علما والشباب التشكيلي الفنانيين الكبار ارجوكمو لازم ورشة مدني تكون الجمال الحقيقي وفي البال مشروع لمن اصل مدني باذن الله نتقابل ونتحاور شهر 7 القادم مودتي
Post: #89 Title: Re: شـــمــاســـه Author: محمد الطيب حسن Date: 05-10-2008, 12:02 PM Parent: #88
السني المخضرم كيفنك ياخي عايزنك تحكي لينا عن عبد الرحمن سعود العلي الفتي القطري وتجربته في فلم الرسوم المتحركه ( مدرستي )
Post: #90 Title: Re: شـــمــاســـه Author: محمد سنى دفع الله Date: 05-10-2008, 02:30 PM Parent: #89
محمد الطيب الزول الوجيه ياخي دي فكرة لي بوست جديد بجيك بالرواقة للفنون وابداع الفتيان في مدرسة عبد الرحمن بن جاسم وليك المحبة
Post: #91 Title: Re: شـــمــاســـه Author: محمد الطيب حسن Date: 05-10-2008, 02:45 PM Parent: #90
Quote: محمد الطيب الزول الوجيه ياخي دي فكرة لي بوست جديد بجيك بالرواقة للفنون وابداع الفتيان في مدرسة عبد الرحمن بن جاسم وليك المحبة
سمح منتظرك
Post: #92 Title: Re: شـــمــاســـه Author: محمد سنى دفع الله Date: 05-21-2008, 09:27 AM Parent: #91
الفت انتباه الأخوة في هذا الموقع الفريد اننا نحتاج اليهم جدااااا لهذا سوف نلتقي في بوست جديد عن الشماشه نرجوا منكم المساعدة ولكم مودتي
Post: #93 Title: Re: شـــمــاســـه Author: عبدالعظيم محمد أحمد Date: 05-21-2008, 10:28 AM Parent: #1
فليستمر هذا العطاء الجميل
يا سلاااام عليك يا السني
ويا سلاااام علي ارادتك والتزامك نحو العمل والاخرين
