وزير الخارجية مجهودات مضنية لملاحقة الحرائق الدبلوماسية

وزير الخارجية مجهودات مضنية لملاحقة الحرائق الدبلوماسية
دينق الور سيفاوض الحكومة البريطانية بعد فشل لقاء روما مع المبعوث الامريكي
الذي وجه انتقادات مهينة لحكومة الخرطوم
ومجلس الامن اطاح المشروع الامريكي تحويل الجنوب قاعدة حربية
شبكة اخبار السودان/الصحافة

وزير الخارجية مجهودات مضنية لملاحقة الحرائق الدبلوماسية

يبذل السيد دينق الور وزير الخارجية السوداني مجهودات مضنية في ملاحقة الحرائق الدبلوماسية ومشاكل حكومة الانقاذ مع بعض الدول الغربية بسبب قضية دارفور وقضايا اخري, فبعد ايام قليلة من فشل مباحثات روما مع مبعوث الادارة الامريكية من المفترض ان يتوجه وزير الخارجية الي العاصمة البريطانية لندن غدا الاثنين حسب ما جاء في صحافة الخرطوم لبحث المسائل المتعلقة بالعلاقات الثنائية بين البلدين يرافقه الدكتور مصطفي اسماعيل مستشار رئيس الجمهورية.
هذا وبينما تحدثت مصادر حكومية عن نجاح المفاوضات التي جرت مع الجانب الامريكي في روما قام مبعوث الرئيس الامريكي بتوجية انتقادات لاذعة ومهينة لحكومة الخرطوم واصفا اياها في تصريحات صحفية نشرت علي نطاق واسع بالكذب والمرواغة نافيا اي تقارب بين حكومته وبين حكومة الانقاذ التي قال في نفس الوقت انها من تسعي الي التقارب مع الحكومة الامريكية. ومن ناحية اخري فقد اطاح مجلس الامن المشروع الامريكي لتحويل الاقليم الجنوبي الي قاعدة عمليات حربية كان من المفترض ان تتم في اقليم دارفور وذلك بعد رفض المجلس توسيع تفويض بعثة الامم المتحدة في جنوب السودان (يونميس) ليشمل اعمالا قتالية ضمن مشروع واشنطون الذي كان يهدف في الاساس الي استخدام الجنوب كقاعدة للاعمال الحربية في اقليم دارفور.
وعلي يبدو ان مجلس الامن قد اتخذ قرار الرفض خوفا من امساك الادارة الامريكية منفردة بملف قضية دارفور بصورة قد تنسف الاستقرار في كل السودان نسبة لما عرف عن الادارة الامريكية من المعالجات الانفعالية والغير ناضجة استنادا علي السابقة العراقية التي تحولت من مشروع اطاحة نظام سياسي الي احتلال وحروبات طائفية ومذابح جماعية.
وفي هذه الاثناء حذر الامين العام اطراف اتفاق نيفاتشا الذي رعته الادارة الامريكية من ضرورة حسم قضية ابيي مناديا بالحفاظ علي الشراكة بين المؤتمر الوطني والحركة الشعبية

يجب أن لا يضيع السيد دينق الور وقته وسمعته وسمعت حزبه في تحسين صورة مجرمي الخرطوم. إذا كان الكيزان لهم وزير خارجية أخر يعمل من القصر الجمهوري(مصطفى عثمان إسماعيل) فلماذا لا يقوم هو بنفس تلك المهام المعروفة نتائجها بالفشل؟ على الحركة الشعبية أن تكون أذكى من أن تقوم بعمل الكيزان القذر في السودان. كلنا نعلم أن الولايات المتحدة لن ترفع أي عقوبات مفروضة على الحكومة السودانية لأسباب يعرفها الكيزان قبل أي شخص أخر.



دينق.

اخي دينق

هو في النهاية موظف في حكومة السودان وعاد البلد بعد الاتفاقيه التي وقعت عليها الحركة الشعبية ... يبقي المشكلة في شنو تاني المفروض وزير الخارجية يلتزم بسياسية الحكومة الهو اصلا موظف فيها ... انا شخصيا بتمني كل الناس بتخدم السودان واتمني كل شباب الجنوب او الشرق او الغرب يخدموا السودان .

وتسلم ...

دينق ألور يضيع وقته
في ترويج بضاعة الجبهة الكاسدة

والعالم ليس مغفلا ليشتريها


ثم

هذا الإسماعيل

إذا كان مستشارا للرئيس
فليكتف بتقديم إستشاراته للرئيس
وليس من حقه التغول على صلاحيات الوزير
بلعب أي دور تنفيذي

على ألور أن يرفض ذلك


الباقر موسى

Quote: على ألور أن يرفض ذلك

الاخ الباقر.

أتفق معك.

على دينق الور أن يرفض حتى السفر مع مصطفى عثمان إسماعيل. لأن في ذلك احراج للحركة الشعبية ولسياستها.

كما أقترح على الحركة الشعبية أن توجه وزيرها دينق ألور أن يسلم هذا الملف(ملف تحسين العلاقات بالغرب) الى وزير الدولة بالوزارة فورا.

لأنه كوز مثل مصطفى عثمان، في النهاية هم كيزان ودعهم يكذبون ويعزفون على نفس النوتة.



دينق.

دا كنت ملصقه في الراي العالم ويصب في نفس المنحي

العلاقات السودانية البريطانية زي العلاقات المصرية السودانية بس الفارق هو المسافة هي نفس الأفكار نفس طريقة إدارة الأزمة مع السودان كل من مصر وبريطانيا تخاف على مصالحها وما زالت تعيش على الوهم القديم ان السودان جزء من دويلاتها او مستعمراتها،
دينق الور من مسكو الخارجية مصطفي عثمان رجع ليها وكأنه هو الوزير جميع سفرات دينق لابد من وجود مصطفي عثمان يعني ثقة تب ما في ياحليلك ياكول ثقة البشير فيك كانت اكبر من ثقته في مصطفي عثمان ظاتتتتو

Quote: دا كنت ملصقه في الراي العالم ويصب في نفس المنحي

شكرا ابراهيم وده ملصق اليوم في وكالات الانباء ويصب في نفس مساعي الوزير لطفي الحرايق ..

مباحثات سودانية بريطانية

Quote: 27 ابريل 2008م واس تبدأ في العاصمة البريطانية /لندن/ يوم غد /الاثنين/ مباحثات مشتركة بين السودان وبريطانيا لبحث المسائل المتعلقة بترقية العلاقات الثنائية. ويضم الوفد السوداني الذى سيتوجه الى لندن اليوم مستشار الرئيس السودانى مصطفى عثمان إسماعيل ووزير الخارجية دينق ألور. وأوضح اسماعيل ان بلاده تلقى إخطارا رسمياً من الحكومة البريطانية لإجراء هذه المفاوضات معربا عن أمله في أن تسهم هذه المفاوضات ونظيرتها التي بدأت في روما مع الإدارة الأمريكية في تطبيع علاقات السودان مع هاتين الدولتين.

Quote: اخي دينق هو في النهاية موظف في حكومة السودان وعاد البلد بعد الاتفاقيه التي وقعت عليها الحركة الشعبية ... يبقي المشكلة في شنو تاني المفروض وزير الخارجية يلتزم بسياسية الحكومة الهو اصلا موظف فيها ... انا شخصيا بتمني كل الناس بتخدم السودان واتمني كل شباب الجنوب او الشرق او الغرب يخدموا السودان . وتسلم ...

الانقاذي سمير إبراهيم.

هل أنت تقصد الالتزام بسياسة الكيزان في السودان؟

لسخرية القدر يا سمير إبراهيم. خدمة السودان بقت محصورة على الحركة الشعبية ولكن نهب أموال السودان وأرساء سياسة غبية تقود البلاد الى الهلاك لا تحرك فيك

أي شعرة. البتعمل فيهو ده عيب كبير.



دينق.

الاخ دينق ..

تحياتي ..

Quote: الانقاذي سمير إبراهيم.

يا ريت تشرح لي ماذا يعني لغب انقاذي ؟؟؟؟ هل قول الحق يعني انقاذي ؟؟؟؟ وزير الخارجية وكل الوزراء موظفين يعملون داخل الحكومة ولا بد من اطاعة رؤسائهم في العمل .. اليس كذلك ؟؟؟؟؟؟

Quote: هل أنت تقصد الالتزام بسياسة الكيزان في السودان؟

عندما جلست الحركة الشعبية ووقعت اتفاقا مع حكومة الانقاذ الم تكن تعلم سياستها ؟؟؟؟ ام كانت خافيه عليهم ؟؟؟

Quote: لسخرية القدر يا سمير إبراهيم. خدمة السودان بقت محصورة على الحركة الشعبية

الحركة الشعبيةاصبحت حزبا سياسية وشريك اساسي في الحكم .. خدمة السودان واجب علي كل سوداني ايا كان توجهه او انتمائه السياسي ومصلحة السودان وخدمته يجب ان تكون فوق كل المصالح الشخصية .. ولكل من يعمل لصالح السودان مليون تحيه لو كان جبهة او شيوعي او ناصري او اتحادي او من خور العمايا او من ساق النعام ..

Quote: ولكن نهب أموال السودان وأرساء سياسة غبية تقود البلاد الى الهلاك لا تحرك فيك أي شعرة.

كان علي السياسة الغبية مقدور عليها ولكن المصيبة في ناس الحرائق الداخلية والدولية .. دي البتحرك فينا مليون شعرة ..

ولوزير الخارجية منا مليون تحيه وهو جاري من حريق دولي الي حريق آخر !!!!

Quote: البتعمل فيهو ده عيب كبير.

دي برجع ليك فيها برووواقة



دينق.

هل الحكومة لا تزال حكومة الإنقاذ؟

والسياسة هي سياسة الإنقاذ؟

طيب

إيه لازمة يافطة "حكومة الوحدة الوطنية"؟

دي حاجة أكرم للحركة ما تشارك فيها

ولا أي من القوى السياسية الأخرى


الباقر

يا سمير لا يحق للمؤتمر الوطني بإسم خدمة السودان إختزال سلطات و صلاحيات السيد دينق ألور كوزير للخارجية الي مجمّل لصورة القتلة في المؤتمر الوطني .

المؤتمر الوطني يريد أن يسيّر الحكومة كما يهوي .
في التعامل مع وزارات الحركة الشعبية ... الخارجية مثلا يصر المؤتمر الوطني علي التغول علي صلاحيات وزير تلك الوزارة .
لكن نجد المؤتمر الوطني في وزارة الداخلية مثلا تعامل الحركة الشعبية بحقارة بائنة فتسير فرق تفتيش علي مقراتها و أماكن سكن كبار ضباطها ... بإسم خدمة السودان أيضا .
You can not have it both ways
أكبر إهانة للقاء روما هي التي وجهها المبعوث الخاص الأمريكي في مجلس الشيوخ لحكومة الخرطوم بنعته لهم بالكذبة .
عادة هذه كلمة غير ديبلوماسية لوصف حكومة أخري . لكن هذا يدل علي مدي إحتقار الحكومة االأمريكية لمن يحكمون السودان .
هل يود السيد دينق ألور أن يلطخ سمعته و التي يحترمها أناس كثر في داخل إدارة بوش و الغرب عموما بالتنازل عنها خدمة للمجرمين بالمؤتمر الوطني ؟؟!!!!

Quote: يا سمير لا يحق للمؤتمر الوطني بإسم خدمة السودان إختزال سلطات و صلاحيات السيد دينق ألور كوزير للخارجية الي مجمّل لصورة القتلة في المؤتمر الوطني

الاخ محمد سليمان ..

لا اعتقد ان يستطيع اي احد ان يحد او يختزل سلطات وصلاحيات السيد دينق فالرجل مشهود له بالدبلوماسية والحنكة والعلاقات الطيبة وهو جدير بالوزارة ولكن لا بد ان يؤدي عمله في اطار سياسة الدولة التي يعمل فيها .

ودمتم

Quote: إيه لازمة يافطة "حكومة الوحدة الوطنية"؟ دي حاجة أكرم للحركة ما تشارك فيها ولا أي من القوى السياسية الأخرى الباقر

كان الأفضل للحركة الشعبية وكل أحزاب التجمع التى تهافتت للحكم..أن تصنع معارضة قوية تبدي العين الحمراء للانقاذ..لا أن تشارك الانقاذ.. فاذا كانت الانقاذ بهذه الدرجة من السوء القذر.. فلماذا يشاركها الآخرون فيه..، الحاصل..أن الكل يضرب ويدعي المسكنة..

Quote: كان الأفضل للحركة الشعبية وكل أحزاب التجمع التى تهافتت للحكم..أن تصنع معارضة قوية تبدي العين الحمراء للانقاذ..لا أن تشارك الانقاذ.. فاذا كانت الانقاذ بهذه الدرجة من السوء القذر.. فلماذا يشاركها الآخرون فيه..، الحاصل..أن الكل يضرب ويدعي المسكنة..

الاخ صلاح الفكي

سلمت يداك .....

Quote: يا ريت تشرح لي ماذا يعني لغب انقاذي ؟؟؟؟ هل قول الحق يعني انقاذي ؟؟؟؟ وزير الخارجية وكل الوزراء موظفين يعملون داخل الحكومة ولا بد من اطاعة رؤسائهم في العمل .. اليس كذلك ؟؟؟؟؟؟

الانقاذي سمير إبراهيم.

يعني أنت من مؤيدي مجرمي الانقاذ. فهمت ولا داير ذيادة شرح؟

Quote: عندما جلست الحركة الشعبية ووقعت اتفاقا مع حكومة الانقاذ الم تكن تعلم سياستها ؟؟؟؟ ام كانت خافيه عليهم ؟؟؟

الحركة الشعبية ملتزمة بتنفيذ بنود إتفاقية نيفاشا وليس تنفيذ أجندة المؤتمر الوطني الاجرامية.

Quote: الحركة الشعبيةاصبحت حزبا سياسية وشريك اساسي في الحكم .. خدمة السودان واجب علي كل سوداني ايا كان توجهه او انتمائه السياسي ومصلحة السودان وخدمته يجب ان تكون فوق كل المصالح الشخصية .. ولكل من يعمل لصالح السودان مليون تحيه لو كان جبهة او شيوعي او ناصري او اتحادي او من خور العمايا او من ساق النعام ..

أين تكمن مصلحة السودان الحقيقية؟ هل هي الدفاع على السفاحين أمثال هارون وكشيب؟

Quote: كان علي السياسة الغبية مقدور عليها ولكن المصيبة في ناس الحرائق الداخلية والدولية .. دي البتحرك فينا مليون شعرة .. ولوزير الخارجية منا مليون تحيه وهو جاري من حريق دولي الي حريق آخر !!!!

أطفاء "الحرائق " التي أوقدتها الجبهة الاسلامية ليس مسئولية الحركة الشعبية أطفائها، بل هي مسئولية الذين أشعلوها وهم الانقاذين الذين تدافع عنهم.

أكرر وأقول. يجب على وزير الخارجية أن لا يضيع وقته في الدفاع على القتلة والمجرمين. وعلى الطفل المعجزة عثمان مصطفى إسماعيل أن يسافر لوحده ويتحمل

مسئولية ما أقطرفوه بأيدهم ككيزان مجرمين. ولا نامت أعين الكيزان.

دينق.

Quote: أكرر وأقول. الانقاذي سمير إبراهيم. يعني أنت من مؤيدي مجرمي الانقاذ. فهمت ولا داير ذيادة شرح؟.

يا دينق الانقاذي ...

شايف كل ما احاول اكون مؤدب معاك القاك زايد في مداخلات فارغه ..

يا خي لو عايزين نتناول مسائل شخصيه علي الطلاق نطلعك زي ورل كوستاريكا .. انت باين عليك اتعودت علي اللغه دي ..

وعشان اثبت ليك يعني انا ممكن اكون اكوز بالمراسله ياخي ما تخاف الخلقك وانا لي تمنتاشر سنه في امريكا وفي السودان زياراتي اسرع من زيارة بوش لمن كان وزير خارجيه .... والحمد لله باكل من عرق جبيني لكن امشي شوف الناس التابعة للانقاذ ناس حركتكم متجدعين في فنادق الخرطوم والكندشة

بالمناسبة يا دينق الاشاعات بتقول انت شغال مع الانقاذ وبوق للانقاذ ...

يا اخي اتعلم الادب . وانت قايل نفسك علي عبد اللطيف ولا شنو ....وانت انقاذي من طقطق للسلام عليكم . وارجوك يا دينق لو ما بتعرف تتكلم باحترام اياك ثم اياك ان تصفني باي لقب غير اسمي .... والا حا ارد عليك بصورة ما جميلة ...

قال انقاذ قال ... ليه شايفني ببيع في سكر الاغاثه ولا شنو ... ولا فاتح لي بوتيك بالملابس البيرسلوها ناس الاغاثه او شايفني ساكن لي في شقه مكندشه في قلب الخرطوم ..

اها يا دينق يا الماسك الناس ده انقاذي وداك انقاذي .... الاشاعات والمصادر القويه بتقول انك غرقان في الانقاذ لاضنينك

...

Quote: أطفاء "الحرائق " التي أوقدتها الجبهة الاسلامية ليس مسئولية الحركة الشعبية أطفائها، بل هي مسئولية الذين أشعلوها وهم الانقاذين الذين تدافع عنهم. أكرر وأقول. يجب على وزير الخارجية أن لا يضيع وقته في الدفاع على القتلة والمجرمين.

واكرر انا واقول ..


مسئولية اطفاء الحرائق مسئولية وزير خارجيتنا ومسئولية كل سوداني .. تّأتي الحكومات وتذهب الي سلة مهملات التاريخ ولكن يبقي السودان .. الناس الحادبين علي السودان وعلي مصلحة والحادبين علي بقاء السودان سواءا موظفين او غير موظفين وجب عليهم اطفاء الحرائق الدولية .. لان السودان اولا واخبرا ومصلحته فوق مصلحة الكل

ندعى إلى الحرب
ولا ندعى إلى المجالسة

أمل دنقل


دينق آلور قاعدين يشاوروهو لما يقصفوا دارفور
أو يغزوا تشاد

وعاوزينو يجي يبرر ذلك للعالم!!!

أكرم له أن لا يكون ديكورا لنافع وعبد الرحيم وغوش

الوزراء "الأساسيين"
كما قال عبد الرحيم


الباقر موسى

.............................هذه الحرائق التي اصبحت منظرا معتادا في دارفوراولي بالملاحقة

..

Quote: ...........................هذه الحرائق التي اصبحت منظرا معتادا في دارفوراولي بالملاحقة

الاخ بشير

تحياتي

اتفق معاك مليون في المائة وانا شخصيا قبل السلام لا بد من العدالة واي انسان اجرم في حق اي انسان لا بد ان يقف امام العدالة وقبل السلام وقبل الوفاق لا بد من العدالة ويجب ان لا يفلت اي مجرم ايا كان جريمته .

انا شخصيا فخور بوزير الخارجية ودعواتي ان نري ابناء الجنوب في الكثير من الوظائف الحيوية لحنكتهم ودبلوماسيتهم والرجل حفت ارجله فله منا كل تقدير واحترام .

ومن الذي قام بإشعال الحرائق؟

هل قام بذلك كل سوداني

أم للإنقاذ حق إشعال الحرائق

وعلينا نحن إطفاءها



الباقر موسى

الانقاذي سمير إبراهيم.

أنا متابع كتاباتك في البورد وأنت من الذين يدافعون على الانقاذ، وهذا ليس شئ جديد. أنت زعلان مالك؟

نسيت لمن مشيت جبت أغاني الانقاذ بهذا البورد ولا شنوا؟ وبعد ده كلوا زعلان لأنني وصفتك بالوصف المناسب؟

أمرك عجيب جدا أيها الانقاذي. أليس أنت نفس سمير إبراهيم الذي طرد من هذا الموقع من قبل؟ أم أنت شخص جديد؟

بعدين يا القاعد في أمريكا لك 18 سنة. متين جورج بوش كان وزير خارجية؟


دينق.

دينق

الحمد لله البقت علي الاناشيد الانقاذيه وانا اي نشيد يلاقيني في الطريق بجيبو ... وشغال بضراعي المصيبة في الناس البتاكل فتات الانقاذ وتقبض في السمسرة والواحد من البدله للكرفته للشراب من خير الانقاذ وبرضو تلقاهو عامل معارض بيشتم الانقاذ .

حكومة الجنوب قاعدة متحكره في قلب القصر الجمهوري انت يا زول وهمان ولا شنو .؟؟؟؟؟؟؟؟ والانقاذ متقسمين معاها السلطة . .. اها انت الما تامي انقاذي وعايش من فضلة خيرها وعينك قوية بتشتم في الانقاذ ... وعايزين تعملوا كراع بره وكراع جوا ..!!!! ولا يربي القصر الجمهوري اصبح الغابه ... فاكيها في نفسك وعامل لينا فيها معارض وواعظ .

انت كان معارض ما تمشي الغابة !!!؟؟؟ عمر البشير لمن زهج ما قال ليكم اديتكم ستين مليون دولار ومن قروش الشعب السوداني المسكين .. ولمن ناسك حالوا يلعبوا نفس لعبتك ما ظهر ليكم عمر البشير الجعلي وقال ليكم انا اديتكم ستين مليون .

عفارم على وزير الخارجية دينق الور لم يسافر اليوم مع الطفل المعجزة مصطفى عثمان إسماعيل.

الذين اشعلوا النيران في السودان عليهم أطفائها بنفسهم وليس بواسطة الاخرين.


دينق.

يا الانقاذي بتاع ال18 سنة في أمريكا.

متين جورج بوش كان وزير خارجية؟


ياهم ديل وزراء الخارجية الذين تولو الوزراة.


Former Secretaries of State
2001-2005: Colin L. Powell
1997-2001: Madeleine Korbel Albright
1993-1997: Warren Minor Christopher
1992-1993: Lawrence Sidney Eagleburger
1989-1992: James Addison Baker III
1982-1989: George Pratt Shultz
1981-1982: Alexander Meigs Haig, Jr.
1980-1981: Edmund Sixtus Muskie
1977-1980: Cyrus Roberts Vance
1973-1977: Henry Alfred Kissinger
1969-1973: William Pierce Rogers
1961-1969: Dean David Rusk
1959-1961: Christian Archibald Herter
1953-1959: John Foster Dulles
1949-1953: Dean Gooderham Acheson
1947-1949: George Catlett Marshall
1945-1947: James Francis Byrnes
1944-1945: Edward Rielly Stettinius, Jr.
1933-1944: Cordell Hull
1929-1933: Henry Lewis Stimson
1925-1929: Frank Billings Kellogg
1921-1925: Charles Evans Hughes
1920-1921: Bainbridge Colby
1915-1920: Robert Lansing
1913-1915: William Jennings Bryan
1909-1913: Philander Chase Knox
1909: Robert Bacon
1905-1909: Elihu Root
1898-1905: John Hay
1898: William Rufus Day
1897-1898: John Sherman
1895-1897: Richard Olney
1893-1895: Walter Quintin Gresham
1892-1893: John Watson Foster
1889-1892: James Gillespie Blaine
1885-1889: Thomas Francis Bayard
1881-1885: Frederick Theodore Frelinghuysen
1881: James Gillespie Blaine
1877-1881: William Maxwell Evarts
1869-1877: Hamilton Fish
1869: Elihu Benjamin Washburne
1861-1869: William H. Seward
1860-1861: Jeremiah Sullivan Black
1857-1860: Lewis Cass
1853-1857: William Learned Marcy
1852-1853: Edward Everett
1850-1852: Daniel Webster
1849-1850: John Middleton Clayton
1845-1849: James Buchanan
1843-1845: John Caldwell Calhoun
1843-1844: Abel Parker Upshur
1841-1843: Daniel Webster
1834-1841: John Forsyth
1833-1834: Louis Mclane
1831-1833: Edward Livingston
1826-1831: Martin Van Buren
1825-1829: Henry Clay
1817-1825: John Quincy Adams
1815-1817: James Monroe
1811-1814: James Monroe
1809-1811: Robert Smith
1801-1809: James Madison
1800-1801: John Marshall
1795-1800: Timothy Pickering
1794-1795: Edmund Randolph
1789-1793: Thomas Jefferson
بالاضافة الى الوزيرة الحالية كاندي رايس.

هاك ده الموقع بتاع الخارجية الامريكية.

http://www.state.gov/secretary/former/index.htm


دينق

اما بالنسبة لوظيفة بوش عام 1984 لو غلطنا فيها دي ما مشكله لكن بالنسبة للناس المستجدين زيك وعاملين فيها فاهمين اي حاجه بقول ليك هاك شوف بوش زار السودان بتين ولماذا وجلس كم يوم !!!!! وفي ياتو فندق ...




George Bush in Khartoum
Gayle Smith
MERIP Reports, No. 135, Sudan's Revolutionary Spring (Sep., 1985), pp. 25-26 (article consists of 2 pages)
Published by: Middle East Research and Information

وبوش وباربرا شربوا من نهر القاش واستمتعوا بي كسلا ولا يربي انتو بتعرفوا بوش لابن وبث ...

اGeorge and Barbara Bush at a refugee camp in Kassala, eastern Sudan Dave ... in Sudan in recent years was the December 1984 suspension of $194 million in

يا ولد يا دينق بطلوا الهبل البتعملوا فيهو ده وانتوا نص الانقاذ الثاني وما في تعض اليد الاتمدت ليك ...


تخريمة ... بالمناسبة الفندق كان اسمو صحاري علي وزن الهليتون ...

Quote: أم للإنقاذ حق إشعال الحرائق وعلينا نحن إطفاءها

في النهاية السيد الوزير موظف في حكومة الانقاذ نصفها البشير والنصف الاخر الحركة الشعبية وبث ...

Quote: اما بالنسبة لوظيفة بوش عام 1984 لو غلطنا فيها دي ما مشكله لكن بالنسبة للناس المستجدين زيك وعاملين فيها فاهمين اي حاجه بقول ليك هاك شوف بوش زار السودان بتين ولماذا وجلس كم يوم !!!!! وفي ياتو فندق ... George Bush in Khartoum Gayle Smith MERIP Reports, No. 135, Sudan's Revolutionary Spring (Sep., 1985), pp. 25-26 (article consists of 2 pages) Published by: Middle East Research and Information وبوش وباربرا شربوا من نهر القاش واستمتعوا بي كسلا ولا يربي انتو بتعرفوا بوش لابن وبث ... اGeorge and Barbara Bush at a refugee camp in Kassala, eastern Sudan Dave ... in Sudan in recent years was the December 1984 suspension of $194 million in يا ولد يا دينق بطلوا الهبل البتعملوا فيهو ده وانتوا نص الانقاذ الثاني وما في تعض اليد الاتمدت ليك ... تخريمة ... بالمناسبة الفندق كان اسمو صحاري علي وزن الهليتون ...

عبيط الانقاذ سمير إبراهيم.

أنت كذبت وقلت بوش كان وزير خارجية، وأنا فضحتك وفضحت أكاذيبك للناس. والان أنت تكذب للمرة الثانية وخجلان تقول بوش زار السودان في ياتوا مهمة.

المصيبة هي أنك تكون ما عارف سبب زيارة بوش للسودان عندما كان نائب للرئيس رونالد ريجان.

هل سمعت بالعملية العسكريةالتي بموجبها تم نقل اليهود الفلاشا من السودان الى إسرائيل مباشرة؟

أها ده كان السبب الاساسي لتلك الزيارة ورئيسك النميري قبض دولارات نصيبه من دولارات ترحيل الفلاشا. هل سمعت بضابط المخابرات الامريكية في ذلك الزمان جيري

ويفير؟ ولا سمعت بالفاتح عروة بطل الامن الذي أشرف على ترحيل الفلاشا و اللواء الجيلي. أنا ما عارف الانقاذ دي بتستعين بناس هبل زيك وزي صلاح غريبة ديل

كيف!! يعني ما في زول نصيح رضى يشتغل معاهم إلا أنتو الهبل؟


دينق.

Quote: عبيط الانقاذ سمير إبراهيم.

كلامك ده كلو بنعتبروا قلة ادب وما بنرد عليهو .... بمناسبة ابو عاج الزول ده لمن كان مفتل قالوا لف السودان ده كلو والمعلومات الاكيدة انو في ناس بيتذكروه حتي الآن .. وانت يا دينق بالمناسبة وين اخونا يوسف الكو

وفتك بي عافيه ..

عبيط الانقاذ سمير إبؤاهيم.

من هو يوسف الكو؟

شايفك بتنطط من موضوع الى أخر.

ياهو ده إفلاس العناصر الانقاذية التعيسة.

Quote: عبيط الانقاذ سمير إبؤاهيم. من هو يوسف الكو؟ شايفك بتنطط من موضوع الى أخر. ياهو ده إفلاس العناصر الانقاذية التعيسة.

نكرتوه ... عموما انا قررت اوفر الفلسكاب ...

لم أكن أعرف أن دينق ألور
موظف (وليس وزيرا)
وأنه موظف في حكومة الإنقاذ

Quote: في النهاية السيد الوزير موظف في حكومة الانقاذ

طيب

لماذا تضعون عليها لافتة
"حكومة الوحدة الوطنية"

وتظاهرتهم بالتزامكم بنيفاشا
التي تضمنت إنهاء حكومة الإنقاذ

حبل الكذب قصير


الباقر

الاخ الباقر

اولا شكرا جيزلا للحوار المفيد وانا شخصيا حا استفيد منك .. هل حكومة الانقاذاليوم تتكون من الحركة الشعبية وشريكها البشير ام لا .....



تخريمة .... نشيد انقاذي .....