الكبكبه حاصلة والحمى الف ..اللهم انصر الهلال ..

مقياس الهلالية عندنا هو الكبكبة والجرسة عندما
يلعب سيد البلد ..حتى لو لاعب الهلال فرق الروابط
يجب ان تكون الجرسة حاصلة ..ليس عدم ثقة او خوف
بل حب وعشق لهذا الكيان ..و(الحين) الكبكبة وصلت
اعلى مستوياتها ..والحمى بدات تدب فى المفاصل ..واللقاء
صعب والتشكيلة غامضة وكل الاحتمالات واردة فى التشكيلة ..
والاحتمال الوحيد هو انتصار الهلال ان شاء الله ..

وقولوا معاى يارب ...

Quote: مقياس الهلالية عندنا هو الكبكبة

الاعتراف بالحق فضيلة

الليله هضربوا هضربة الملاريا وورونا الداخلكم

ابومصطفى

ياكيقا ..

انت قايل داسينها نحن كان لعبنا مع العامل مدنى
الكبكبة بتكون حاصلة برضو ..قلنا القصة ماخوف ..
مشكلتك ماجربت تشجع الهلال نقنعك كيف اسى ..

* وعلينا الا ننسي صن داونز
* صن داونز قام الينا بكل ثقله·
* في جنوب افريقيا يعتبرون انفسهم اهل الكرة!
* ولايهزمهم احد ابدا·
* والهلال اذا تحدي انجز التحدي·
* دعونا نستعد للمباراة الحاسمة ·· الجمهور له عشقه·· وحلاوته!
* الهلال نادي تاريخ وانجاز··
* دعونا نستعد
* تبقت أيام اظنها معدودة·· وننتظر الفرسان بوقفتهم المعهودة!
* والخوف وارد وان منعوني عند الرجفة وهتفوا له بالطمأنينة·· ونصحوني بنسيانها الا ان حتي الذين يمنعون الرجفة يمارسونها سرا·
* والرجفة في بلاط الهلال محبة·
* كونوا معنا يوم صن داونز·
* انا ضد التحقيق·· ولجنة التحقيق· والاختلاف في مجلس الهلال!
* هذه الامور تؤخر ولا تقدم!
* انتبهو للهلال سادتي ضعوا الهلال في اولياتكم!
* لا يوجد ماهو اهم من الهلال·
* الهلال يجب ان ينتصر!
* دعونا نحلم·· دعونا نتألم في سبيل الهلال!
* الالم في سبيل الهلال دواء وشفاء!
* ليلة صن داونز تقترب!!
* دعونا نعيشها ونتعايش معها منذ الان!
* الذين يعشقون الهلال هم الذين يعيشون الآمه واماله!
* الهلال·· آهـ يا الهلال!
* انت يا هلال العز والشموخ لك المحبة والمودة·
* دعنا نتألم لحظة العروض التي لاتشبهك!
* دعنا ياعزيزي نرتجف·· نرتعش·
* كل ذلك في سبيلك!!
*حبك أنت ·· يجعلنا نخاف من مواجهة صن داونز!
* لانخاف لاننا لانثق في فرسانك ولكن لانني اخاف عليك حتي من النسائم الباردة عندما تهب وفرسانك يعزفون لحن العشق الازرق!
* لابد من تكثيف الاعداد وتجهيز البدائل!
* الهلال يفقد بعض فرسانه ولكنه ينجب في كل يوم فارس جديد·
* الهلال الحب الذي لاينضب ، نريده يوم صن داونز هو الحب الأكبر·
* اخاف عليك من الحساد والمتربصين ·
* اخاف عليك من الذين لايعجبهم ان تكون هلالاً ينبض بالانتصارات!
* مباراة صن داونز صعبة·· صعبة!
* مباراة تهتز لها اوصال كل عشاق الهلال بحسن نية·
* وينتظرها اهل التربص ولكن خاب رجاءهم لو كانوا يدركون!
* نوصي الهلال ·· والهلال لايوصي فهو الوصية!!
* جماهيره·· مجلس ادارته·· جهازه الفني فرسانه كلهم علي الخط ينتظرون ان يطل علينا النصر المبين!
* صن داونز·· لا اظنه سيكون سهلاً·· والهلال عملاق ولايستسلم ابداً!!
* مجموعة المصابين في الهلال وصلت الى نصف التشكيلة·· وارادة الهلال وقوته وصموده أكبر من الاحباط!
* يوم صن داونز!
* نقول ·· انتباه!
* الايام معدودات·· والزمن القادم ·· يحسب بالدقائق!
* اليقظة والحذر والاستعداد

دا ملك الكبكبة الاستاذ عبدالمولى صديق فى احدى (كبكاته) ...

* مباراة اليوم الهلال وصن داونز مباراة تحير اذا قلت صعبة وصفوني بالخوف والرجفة واذا نطقت بسهولتها كذبت علي نفسي والذين من حولي·
* لكنها مباراة بكل رعشاتها تشبه الهلال عودنا الهلال علي الجماليات في اصعب المباريات·
* عودنا علي الرجفة الحلوة التي نزرعها في دواخلنا الما ونحصدها افراح وافراح الذين قابلتهم من فرسان الهلال وعدوني بهزيمة الخوف في دواخلي ومغادرته دون رجعة·
* اتصل بي احدهم ليقول يا استاذ الرجفة كيف·
* قلت له بهدوء ما المسئول عنها باعلم من السائل·
* فضحك وضحكات الموبايل لا ترسم الواقع احيانا فجهازي الكحيان لا ينقل الصورة علي الهواء لاقرا الملامح·
* وانا خائف·
* كل الذين هاجموا رجفاتي انتظرهم ان يمارسوا الثبات دعوني ارجف لوحدي·
* اتركوني ارتعش
* العذاب في بلاط الهلال محبة·
* صن داونز·
* جاء من جنوب افريقيا التي تنظم كاس العالم بعد عامين·
* والهلال له تجربة مع هذا الصن داونز·
* تجربة ذات طابع مخيف·
* كادوا ان يظفروا بنا ولكننا والحمد لله ظفرنا بهم وهذا ما نامله اليوم·
* اولادنا ثقة بلا حدود·
* هم اهل القتال واهل النزال·
* والمجنونة عليها ان تخضع لقوة الاداء التحكيم مخيف وفرسان الهلال لا يعرفون المحال·
* ملحمة بلا شك ذات مضامين كثيرة·
* ريكاردو له بصماته والمعز موجود وحمودة عطاء بلا حدود·
* وهيثم يقود الابطال بعد ان عاش افراح اجمل واروع كرنفال·
* داريوكان ، يوسف محمد، كلتشي، وحتي افياني، هي مباراة تحدي·
المعلم الصغير وربما مرق وجوليت·
* لا يوجد في الهلال كنبة احتياطي كل الفرسان اصبحوا تشكيلة كاملة ومتكاملة مساوي، مهند، مانديلا، ويا ربي اوعدنا بريتشارد·
* ومنو تاني؟
* نسيت لكننا لم اتناسي·
* المريخ يلعب عصرا والهلال في المساء·
* المتربصون باحد العملاقين عليهما يراجعوا الحسابات·
* نريدهم معا منتصران·
* المسافات بعيدة ولكن كل شيء عبر الاثير قريب·
* الهلال عنقود متكامل··
* عناقيد تلتف مع بعضها فتمنح صاحب المقام الرفيع القوة والابداع·
* الادارة ، الجهاز الفني الجمهور الاعلام والاعلام
* الاعلام الثانية لها عندي معاني كبيرة·
* عندما يرفع الجمهور الاعلام مكتوب عليها سيد البلد·· الزعيم يكون فعلها وسط الفرسان عجيب·
* حتي انا عندما يرتفع علم الهلال يراودني الاحساس بان اخلع النظارة وارتدي الشورت وانطلق نحو شباك الخصم لاحرز هدفا·
* الاطفال عندنا يرفضون ان يكون علم صاحب المقام الرفيع فوق سارية منخفضة·
* ما ده الهلال·
* حكاوي الاطفال عن الهلال تصلح كتاب عن مستقبل الازرق·
* منو القال·· في الهلال محال·
* نعم في الهلال اهل رجفة من امثالي ولكن حالهم احسن مليون مرة من حالي·
* ليس لديهم قولون عصبي ولا غيره وعندهم الروشتة تمزقها تمريرات هيثم حتة·· حتة·
* اه من الليلة مباراة يخوضها الهلال الذي عودنا علي لقاء الابطال وقهر المحال·
* رايكم شنو في فريق ما بيلعب في الكونفدرالية ولا الوصافة·
انت يا الهلال الله يطول عمرك ويذل البحاول يذلك·
ايقاعات خفيفة:
* كثيرون اتصلوا بي يسالون عن الحال وينتظرون الطمانينة فحولتهم الي تاريخ الهلال·
* قلت احسن ابو امين اول من اطلق علي البرنس الملك فتحولت الي ابو مرين معذرة وكلو عند الهلالاب حلاوة·
* اسال نفسي دائما لماذا يتفق كل الناس علي العزيز عبد الرحمن ابو مرين فاجد الاجابة في ابتسامته ورحابة صدره وعشقه للهلال·
* الاخ الهلالي المتيم سليمان محمد سليمان كيف حالك وين انت·
* اشتاق لرسائل استاذ طلال من الحصاحيصا وميسرة رسائل الاساتذة دائما كلها ابداع·
* الو·· الو حمودة الهدف الثالث علي مسئوليتك·


ودا برضو استاذ عبدالمولى فى آخر كبكباته اليوم

Quote: مشكلتك ماجربت تشجع الهلال نقنعك كيف اسى ..

ونحمد ربناعلى ذلك .... كان لحقت ودملاح
قلوبنا معكم اخي محمد

اقول ليك امشي الكورنيش اقعد بمزاج وماترجع البيت
الا بعد العاشرة وانشاء الله منتصرين
انت عارف انا اخذت لي نومه قوية كدا

صحيت لقيت اخوي الصغير (الهلالي) شوف الاسم دا وطبعا هلالابي فرحان قال لي المريخ غالب 2/ صفر

وانشاء الله يبشروك بانتصار الهلال بالأربعة والخمسه قول أميييييين

والنصر للسودان

ابوالنقـــر

Quote: ابوالنقـــر

ابوالنقر والله كتير خيرك ..ماقصرت ..

طالما مابقيت ابوالنقر معناها الليلة زولنا تب
ومبروك انتصار المريخ ..وبالمناسبة انتو زى الفرق
البتتغلب فى بلدها دى بتلقوها وين ..؟

Quote: .وبالمناسبة انتو زى الفرق البتتغلب فى بلدها دى بتلقوها وين ..؟

ما دا المحير بوبي ظاااااااااااطو

طبعا معاى هنا هلالاب كبكبتم اكتر من كبكبتك دى
وذلك كما قالوا قياسا على اخر لقاء للهلال امام اتحاد مدنى
والمستوى الضعيف الذى قدمه الهلال والتشكيله الغير منسجمه
التى لعب بها الهلال

ولكنى ارى غير ذلك
فالهلال والمريخ مبارياتهم فى الدورى المحلى لاتعتبر مقياس
لهم حينما يلعبون قاريا
لذلك ارى ان الهلال سيلعب اليوم احسن وافضل من مباراته امام
الاتحاد مدنى وسينتصر انشاء الله
وسيمثل انتصار المريخ اليوم اكبر حافز للاعبى الهلال لينتصروا
هم ايضا ويسعدوا قاعدتهم الرياضيه

وما النصر الا من عند الله
وموفقين انشاء الله

على شكرا ليك ...

ومبروك للمريخ الانتصار المستحق ..والمباراة صعبه ..
والهلال عودنا ركوب الصعب ..والكبكابين المعاك قول ليهم
منتصرين بأذن الله ...

كتر خيرك ياعلى

كل الامنيات بالمزيد من التوفيق
و المزيد من سمـوالتـالق ..

فعلهــا المريخ ..
ونتمناهـا للهلال ..

فرحــه اكبر لمحمد احمــد

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

لما نقول الهلال فريق كبير بنقصد البنقولو ..
تحويل خسارته بهدفين الى نصر باربعة اهداف
ونتوقع المزيد ...


الف مبروك لشعب الهلال ..

Quote: البتتغلب فى بلدها دى بتلقوها وين ..؟

بلعبه لينا شداد مقشره

اها لقيت الكورنيش كيف انشاء الله عملت بنصيحتي غايتو لو حضرت الهزيمة بهدفين مباشرة بكره امشي افحص ساكت

ومبروك عليكم الانتصار واتخلصوا من المعز دا بتصعدوا ولو صعدتوا بتصلوا النهائي انشاء الله


ابومصطفى

هيييييييييييع ابو الهل
اربعة ضربات زي الورد
وشكرا يامحمد عبدالرحمن علي دوزنة عصب زمنا الاشتر

Quote: اها لقيت الكورنيش كيف انشاء الله عملت بنصيحتي غايتو لو حضرت الهزيمة بهدفين مباشرة بكره امشي افحص ساكت

ياكيقا ..كورنيش شنو انا اقول ليك الكبكبة حاصلة تقول لى كورنيش ..
لكن تعرف لما الناس دى جابت القونين ارتحت جدا لانو عرفت انو
بعد دا ابوالهل حايغلب ..ودى قاعدة ثابتة البتجرا ويحرز
هدف فى مرمانا انتظر الجاييه ..صنداوى عرف حاجة وتانى مابتهور ..

ياكيكى ..

مبروك ليك وللهلالاب ..لكن كان سالتنى الحصل
شنو ماعارف ..غايتو الناس من جابت اقوانا
العجيبة وغريبة دى تانى بقيت مامركز ..اللعب
منو والمالعب منو ماعارف ..غايتو مع اى قون
بقوم اخد لى تنططا وارجع تانى ..لكن المتأكد
منو انو يوسف محمد دا لعب دور كبير فى النتيجة
دى احرز هدف وصنع هدف وانقذ مرمانا من هدف مضمون
ميزة الهلال انو مابتحير فى الكيفية التى يصنع بها
الاهداف مرة من الاطراف ومرة من الوسط ومرة من الخلف ..
شغل عجيب ..بس لو الدفاع يكون فى مستوى الوسط والهجوم
بكون تمام التمام ..

عموما الجماعة لحقو (غنم زهرا)