Post: #1
Title: المريخ دا جنّ ولى شنو..؟
Author: عادل فضل المولى
Date: 04-26-2008, 03:26 PM
المريخ جايب اثنين في الشوط الثاني والدقيقة 28 ولسه الكورة ما انتهت
الحاصل شنو يا ناس..؟
|
Post: #2
Title: Re: المريخ دا جنّ ولى شنو..؟
Author: عادل فضل المولى
Date: 04-26-2008, 03:29 PM
Parent: #1
هل يصمد المريخ في باقي زمن المباراة ويحافظ على شباكه نظيفة..؟
المعلق قال ان الهضاب محتار
والدقيقة تجاوزت الـ32
|
Post: #3
Title: Re: المريخ دا جنّ ولى شنو..؟
Author: عادل فضل المولى
Date: 04-26-2008, 03:32 PM
Parent: #2
المذيع بقول خلاص باقي 5 دقايق ونحن في الدقيقة 35 ولا باقي 10 دقايق
الحاصل شنو على المذيع
|
Post: #4
Title: Re: المريخ دا جنّ ولى شنو..؟
Author: عادل فضل المولى
Date: 04-26-2008, 03:44 PM
Parent: #3
الجمهور يغادر الملعب - حسب المذيع
مساااااك ممتاز يا الشغيل
|
Post: #5
Title: Re: المريخ دا جنّ ولى شنو..؟
Author: عادل فضل المولى
Date: 04-26-2008, 03:46 PM
Parent: #3
في هذه الاثناء الحكم اعلن انتهاء المباراة
مبروك للمريخ
وحقيقة هذه نقلة كبيرة في مستوى الكرة السودانية
|
Post: #6
Title: Re: المريخ دا جنّ ولى شنو..؟
Author: haider osman
Date: 04-26-2008, 03:46 PM
Parent: #1
انتهاء المباراة بفوز المريخ 2/0
|
Post: #7
Title: Re: المريخ دا جنّ ولى شنو..؟
Author: عادل فضل المولى
Date: 04-26-2008, 03:49 PM
Parent: #6
مبروك يا حيدر وعقبال فريق الهلال
وقريش قال النتيجة جات محكّمة وصعبت مهمة الهضاب في الخرطوم
++
اها يا ناس المريخ دا جنّ ولى شنو..
ماكان يتنظر حتى مباراة الرد ويغلبهم في الخرطوم..
ما كدا مباراة الرد في الشهر الجايي بتكون مسيخة..ولى شنو..؟
|
Post: #8
Title: Re: المريخ دا جنّ ولى شنو..؟
Author: شهاب الفاتح عثمان
Date: 04-26-2008, 04:45 PM
Parent: #1
Quote: ماكان يتنظر حتى مباراة الرد ويغلبهم في الخرطوم..
ما كدا مباراة الرد في الشهر الجايي بتكون مسيخة..ولى شنو..؟ |
نجوم و تالق الف مبروك
الفرحه اليوم كبيره و جميله .. اعتدنا على السمــو في القلعه الحمــراء
ولا يضـر هـذا الاســد الافريقي اظهــار البطــش
هععيييع..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #9
Title: Re: المريخ دا جنّ ولى شنو..؟
Author: عادل فضل المولى
Date: 04-27-2008, 10:25 AM
Parent: #8
الرائع شهاب
ألف مبروك فوز المريخ وكمان الهلال
والواحد شايف انو الفرق السودانية بقت حكاية الارض والجمهور بقت ما فارقة معاها
يعني شوف في المباريات الفاتت، الفريقان خرجا بالتعادل امام ريون اسبورت وزيسكو، واهو المريخ يفوز هذه المرة بهدفين..هذا تطور ملحوظ وان شاء الله يظهر على مستوى الفريق القومي
مبروك ومبروك لكل المريخاب
والتهئنة ايضا للهلالاب بالفوز الصعب وتحويل الهزيمة الى انتصار كبير.
|
Post: #10
Title: Re: المريخ دا جنّ ولى شنو..؟
Author: Nasruddin Al Basheer
Date: 04-27-2008, 11:30 AM
Parent: #9
الحبيب أبو محمود
أولاً: مشتاقين (بالقاف)
ثانياً: مبروك للمريخ
ثالثاً: وين الحي بيك؟
أما بعد،،
والله يا عادل وما طالبني حليفة،
بتأثر أشد التأثير لما أعرف واحد بحبو شديد،
إنو مريخابي..
يا اخ والله إنت مسكين..
معقول عادل الراجل ال....... مريخابي؟
يا سلااااااام يا اخ...
والله ما رضيناها ليك تكون مريخابي
حننتني بجد...
نسأل الله السلامة ليك وللبنحبّهم..
مريت للسلام والتعبير عن الحب
أنا باقي اليومين ديل الحب قايم عليْ..
بالمناسبة يا عادل عملت لي شنو للنكتة؟
|
Post: #12
Title: Re: المريخ دا جنّ ولى شنو..؟
Author: waw
Date: 04-27-2008, 11:40 AM
Parent: #10
مبروك للزعيم ............
ثقافة الفوز الخارجي .....هي طريق الكبار نحو الانجاز الخارجي ..
الي الامام الاحمر الوهاج ......
فوق فوق سودانا فوق .............
|
Post: #14
Title: Re: المريخ دا جنّ ولى شنو..؟
Author: عادل فضل المولى
Date: 04-27-2008, 12:40 PM
Parent: #12
الحبيب واو
سلامات
| Quote: ثقافة الفوز الخارجي .....هي طريق الكبار نحو الانجاز الخارجي .. |
هنا مربط الفرس
الفرق السودانية كان ينقصها التكتيك واللياقة البدنية
اعتقد ان هذه المشاكل في طريقها للحل
الفوز خارج الارض يحتاج الى خطة محكمة وتكتيك عالي
الآن اعتقد ان هناك انضباط تكتيكي من قبل اللاعبين خاصة في الشوط الثاني، وزي ما ملاحظين انو الفرق السودانية دايما ما تنهزم او تنهار في الشوط الثاني، وهذه الظاهرة في طريقها للاختفاء حسب معظم نتائج الهلال والمريخ في الموسمين الماضي والحالي، مما يدل على وجود نقلة نوعية في ذهنية اللاعب السوداني، الذي بات يهتم بكورته باعتبارها اكل عيشه، وهذه برضو خطوة جيدة عشان مستوى الكورة في البلد يتطور..
شكرا يا حبيب
|
Post: #13
Title: Re: المريخ دا جنّ ولى شنو..؟
Author: عادل فضل المولى
Date: 04-27-2008, 12:28 PM
Parent: #10
ابو حازم
كيف احوالك يا لذيذ يا رايق
Quote: والله يا عادل وما طالبني حليفة،
بتأثر أشد التأثير لما أعرف واحد بحبو شديد،
إنو مريخابي.. |
غايتو انا زمان وقت الجامعة وقبل ما تسافر شايف عندك عينين اتنين ، مالك بقيت تعاين بي عين واحدة..؟
يا زول استهدى بالله..
المريخ فريق سوداني والهلال فريق سوداني
والمريخ قام يوم السبت غلب الجماعة في بلدهم 2/صفر
والهلال غلب الجماعة هنا4/2
وعشان انت ما بتشجع المريخ ما عايز زول صاحبك يكتب عنو
يا اخوانا السودان دا يجيب كاس العالم كيف لو ما قلنا مبروك للمريخ والهلال سوا سوا
***
ياخ مبروك صاحبك معاذ ظهر في المنبر..
| Quote: بالمناسبة يا عادل عملت لي شنو للنكتة؟ |
قربت تركبني الزلط..
كلما اتذكرها اضحك واتلفت اشوف زول لاحظ لي اعمل فيها مصهين..
|
Post: #11
Title: Re: المريخ دا جنّ ولى شنو..؟
Author: حمزاوي
Date: 04-27-2008, 11:39 AM
Parent: #1
مبروك لكل الرياضيين والمريخاب
تهانينا والــ1000ــف مبروك
عقبال الكأس أن شاء الله
عظمة يا المريخ هيبة يا النجمة
|
|