محتار اسمي الكلام ده شنو هل هو معالجه لي الفكره الاصليه ؟
ام تعديل لي الفكره الاصليه ؟
واستعمال المصطلحين في عمل معروف لي المستمع قد يكون مشكله
كثير من الفنانين غنو هذه الاغنيه بي فكرتها الاصليه المألوفه لديكم
ودي تجربه موسيقيه فقط واتمني ان لا تكون بعيده عن الاصل
لكم الود اجمعين
غاندي
Post: #2 Title: Re: الحنين البيه (موسيقه) ميسره غاندي Author: سلمى الشيخ سلامة Date: 04-26-2008, 01:50 AM Parent: #1
موسيقى تشرح الصدر اول حاجة تانى حاجة عجبنى استخدام البيانو/الاورغ مقدار من الجمال لمقطوعة تبدو عادية حين تستمع اليهافى اصلها لكنك خلقت لها انسجاما غير عادى واضيف الاوركسترا واستخدام الالات الوترية ايضا اضاف بعدا موسيقيا رائعا هذا ما تحتاجه الموسيقى السودانية ادعم تيارك الموسيقى بشدة لانك كل مرة تدهشنى بكثير من الموسيقى الموسيقى البحته تحديدا تسلم يا ميسرة تسلم يا ميسرة اتمنى لك كل يوم نجاحا اكبر من سابقه
Post: #3 Title: Re: الحنين البيه (موسيقه) ميسره غاندي Author: اسيا ربيع Date: 04-26-2008, 03:43 AM Parent: #2
Post: #4 Title: Re: الحنين البيه (موسيقه) ميسره غاندي Author: محمد سنى دفع الله Date: 04-26-2008, 06:41 AM Parent: #3
بعيدة عن الأصل ؟؟ حرام عليك دي روح الأصل وإبداعك ان الأغنية كاسرة فيني ضلعة عديل ما بعتقد انها اغنية عادية ولا مكان اخترتها زي ما قلت ليك الأغنية شجيةوالموسيقة نقلتنا الى شجن ناعم لو بجوز الوصف للشجن بالنعومة الحوار بين الآلات فيهو تناغم اختيار البيانو لاداء الغناء والإستريتغز للمحاورة وبقية الألات لتردد صدى الحكاية فيهو كثير من الصدق الفني والمحافظة على الطابع العام للأغنية الأصلية وده الكلام القلناه زمان لمن الكوريين وزعوا الأغاني الخالدة وقامت الدنيا وما قعدت وقلنا حيجي يوم اولادنا بوزعوا بي احساسهم وفد حدث واليوم انت بتأكد كلامنا بانو الأحساس بالنغم موجود والحفاظ على اللحن ـ الميلودي ـ موجود توزيع دوت استعراض عضلات بمهنية راقية وإحساس متناهي في الرقة واموت في الخلفية نهاية العمل حينما غنى البيانو ودخلت بقيةالوتريات والبراصات في الخلفية وهنا انبرى لنا الساكسفون في دخول خجل يعلن اصراره على المشاركة حتى ولو نهاية الموسيقى كأنه يعلن لنا نهاية الحالة الدرامية للأغنية وزع واطبع وصور وانقلنا الى مملكة الجمال الموسيقي المجرد خلي الخلايق تحس
ميسره ياجميل حاجه روعه برغم حرارة الجو في السوق العربي بليت جوفنا بالحنين البينا نحنا ذاتنا انشاء الله قريبا بطرفكم وبيناتنا مزازيك كتيرة انتظرني في بلور سلامي لحمد وحموده وطارق ووليد عبدالله وفريد لي قدام
Post: #31 Title: Re: الحنين البيه (موسيقه) ميسره غاندي Author: محمد مكى محمد Date: 05-08-2008, 01:11 AM Parent: #1
طبعا ما داير أقول شغل نجيض ومكرب ,لأنو دى مفروغ منها..لفت نظرى المدخل والنهايه..أكثر من العضم نفسه,,ولأنى من محبى الجاز الmain streem والrag time ..ف دى أول مره أسمع سودانى بشتغل الشفل ده,بلونيه ونكهه جميله وجديده..ياخ واصل فى الاتجاه ده.. وأنا أيضا عاشق للبلوس blues وحاولت أعادة توزيع بعض الاغانى السودانيه,وأعطيتها كل مفاتيح البلوس وإحاسيس ممفيس والمسيسبى ,وطبعا لازم يكون فى دكوه وشمار وزيت سمسم عشان الطعم السودانى..أها الشغل عجب الخواجات والسودانين خستكوا لى بالموضوع.ومن ديك زى ما قال أستاذنا الباشكاتب : ولا بنقز.. تحياتى وفى أنتظار جديد اعمالك..
Post: #33 Title: Re: الحنين البيه (موسيقه) ميسره غاندي Author: محمد مكى محمد Date: 05-08-2008, 02:03 AM Parent: #1
تعرف يا ميسره ,مشكلتنا فى السودان مجتمع محافظ ,ومتزمت جدا للمحافظه ,وسلوكنا تقريبا واحد ,يعنى الناس كلها بستعمل نوع أو نوعين من الصابون وكذلك معجون الاسنان ووو بناكل فول الصباح وكمان باليل,دى مشكله كبيره..لأنه حتى الاضان بقت محافظه ,والحاجه الجديده,بتبقا ليها مشكله.. زمان زارنى صديق فى الداخليه ,وقعد عندى كم يوم,المهم يوم طلعت وخليته فى الغرفه بيسمع فى الرديو..ولما رجعت قال لى انا سجلتا أغانى من الرديو,ما اهتميت بالموضوع كتير ...فجأه اكتشفت أن صديقى سجل الاغانى على شريط به أوبرا موزارت The Magic Flute,وبعد الثورة والغضب سألته ليه الشريط ده?قال ده الوحيد اللقيتو ما نافع ,كلو واك ويك وجوطه فارغه...تخيل!!!! بعد الرضاء بقضاء الله وقدره لملمت أى شريط فيه(واك ويك,أو يعتبر فى نظر المحافظين نحو ذلك) وقفلتو فىالشنطه.. يا ميسره أنت زول فنان ,والفن تمرد..فتمرد على القديم ,فيوما ما سيبصبح ايضا قديما.. تحياتى حارسل ليك نماذج بعد تسجيلها,تجسيل هواه..وكذلك بعد ما اشترى عضم جديد
شغل جميل وموسيقى تحط على الصميم وتجعله فؤدا مستعرا بالإحساس والنغم الطروب ... يصادف إختيارك ... إختياري ... فقط { أعذرني } على جياشة خاطري الحقيبي جدا والمستصحب للكلمة, وهي شاكوش القلب ومطرقة بابه ... ما عارف أقول ليك شنو ... لكن ... يظل الحنين هو الكتلة الآلقة فى شعورنا السوداني المبين.
أسمع ... أسرح ... أسمع ... حلٍّق ... أسرح ... و حلق ... و برضك أسمع ... شكراً يا فنان ... ميسرة لا تحتاج شهادة مثلي و لكنك فعلاً :ساحر ... هل من مزيد ...