Post: #1
Title: اتنين أوعى تغالطهم!
Author: jini
Date: 04-25-2008, 05:55 PM
الكمسارى عادة فى العشرينات أو ست الكسرة عادة فى الخمسينات!
خبرة فى تحديد العمر قومسيون طبى عديل!
ست الكسرة اوعى تقول ليها زيدى الكسرة!
يا اخوى كسرتك دى حقة خمسة وانت دافع حق تلاتة بس!
الكمسارى اذا قال ليك ادفع ليهو ما تغالطوا ادفع ليهو تانى!
والا
يا عم انت خرفت ولا شنو!
كلامى دا ما تيتموهو!
جنى
|
Post: #2
Title: Re: اتنين أوعى تغالطهم!
Author: Elawad
Date: 04-25-2008, 06:16 PM
Parent: #1
تعرف يا جني أول تنبيه لي بتوديع مرحلة الشباب كان لمن كمساري جا يرجع لي الباقي و قال اتفضل يا خال. أما التنبيه التاني و الأحر مرة بتكلم مع أختي الصغيرة و هي بتحاول توصف لي في زول قمت قلت ليها هو ما كبير كدا! تصور قالت لي شنو؟ قالت لي لا كبير يكون قدركم كدا.
طبعا في ناس حكاية خال و خالة دي بتزعلهم... مرة واحد صاحبنا في ز حمة مواصلات وسع الطريق لي واحدة قال ليها اتفضلي يا خالة و الولية ركبت و قعدت و صاحبنا طويل شوية لما جا يدخل ضرب راسه بالباب... المرة طوالي نطت ليهو قالت ليهو تستاهل... أتاريها محروقة من كلمة يا خالة.
|
Post: #3
Title: Re: اتنين أوعى تغالطهم!
Author: jini
Date: 04-25-2008, 06:33 PM
Parent: #2
| Quote: أما التنبيه التاني و الأحر مرة بتكلم مع أختي الصغيرة و هي بتحاول توصف لي في زول قمت قلت ليها هو ما كبير كدا! تصور قالت لي شنو؟ قالت لي لا كبير يكون قدركم كدا. |
تستاهل!
عندنا قريبتنا اوعى تقول ليها يا حاجة!
طوال تدعو لك الله ان تحج فوق جمل اعور!
يعنى مع عقارب الساعة!
وكان جاملتك تقول ليك شايفنى فارشة مررو (فول حاجات)!
جنى
|
Post: #4
Title: Re: اتنين أوعى تغالطهم!
Author: رأفت ميلاد
Date: 04-25-2008, 10:01 PM
Parent: #3
Quote: يا اخوى كسرتك دى حقة خمسة وانت دافع حق تلاتة بس!
الكمسارى اذا قال ليك ادفع ليهو ما تغالطوا ادفع ليهو تانى!
والا
يا عم انت خرفت ولا شنو!
كلامى دا ما تيتموهو! |
تعرف يا جنى جيت طاير .. قلت جنى ده جنا ولا شنو .. الما بتغالطوا فى البورد إتنين بس 
تعرف هى ياخوى بتاعة ست الكسرى وياعم بتاعة الكمسارى ذكرتنى فى السعودية إتعودنا نخاطب النساء بـ ياحجة .. وطبعآ هن حاجات جد جد ما عندها علاقة بالعمر .. رجعت السودان ويوم فى البنك داير أمر وقدامى واحدة فى التلتينات كدة .. قلت ليها لو سمحت يا حجة .. إنتفضت فوقى زى قريبتك .. إنشاءالله تحج على جمل أعور 
|
Post: #5
Title: Re: اتنين أوعى تغالطهم!
Author: محمد سنى دفع الله
Date: 04-25-2008, 10:13 PM
Parent: #4
اتنين بس ياجني
ده كان زمان
انا كنت قابل
روحي متفائل
لكن انت بالغت عدييل
اتنين بس ؟؟؟
|
Post: #6
Title: Re: اتنين أوعى تغالطهم!
Author: Raja
Date: 04-25-2008, 10:14 PM
Parent: #4
جني سلامات..
وحاتك (خالتو) و(طنط) زي الترتيب بتتقال لي من زمان.
الغريبة زمان وأنا صغيرة ما كنت بتحسس. لكن هسع بقيت أحس فعلا إني (طنط)
عندي زميلة في الشغل براحة اقول ليها يا خالة. عندها بنت عمرها 17 سنة (فتاة أطول مني ).
البت ما عندها غير تقول لي يا خالتو ..
* حبوبات الزمن ده برفضو أحفادهن يقولو ليهن حبوبة. كلهم بيقولو: أمي
|
Post: #7
Title: Re: اتنين أوعى تغالطهم!
Author: ناهد بشير الطيب
Date: 04-26-2008, 00:11 AM
Parent: #1
جنى
المرة اوع تغالطها فى عمرها
والراجل اوعك تغالطوا فى ماهيته ....
بوست دمه شرباااااااااااات
|
|