Post: #1 Title: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 08:15 AM
........... يتبع ...
Post: #2 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 09:23 AM Parent: #1
بصراحة التمني والتوقع معكوسين تماما في عنوان البوست أعلاه وذلك من باب مناكفة اخواننا الهلالاب هنا والذين نكن لهم التقدير ونرجو أن يحققوا الأمنيات التى ظلت عصية عليهم طوال أكثر من سبعين عاما من الجفاف والكفاف للدرجة التى جعلت قائد الفريق (المحلي جدا ) هيثم مصطفي يحدد سقف امانيه الكروية (قبل أن يجبره العمر علي الإعتزال) بالحصول مع الفريق علي بطولة خارجية وهو الامر الذي يبدو بعيد المنال كون أن الفريق الهلالي لا يملك ثقافة البطولات الخارجية كما شقيقه الأكبر المريخ . للحق حتى ولو تمني الناس خسارة الهلال علي ملعبه أمام فريق ( الشمس الغاربة) فأن الهلال قادر علي إحالة هذه الامنيات إلى سراب كما فعل من قبل خلال مشاركته في ذات المسابقة بنسختها السابقة حيث ظل الهلاليون يحققون إنتصارات عريضة علي كل الأندية الزائرة ما جعل محبي الفريق يصفون ملعب استاد الهلال ب(المقبرة) وهو وصف يبدو دقيقا ولائقا بالنظر للحالة المزرية للإستاد الذي أصبح خرابة ينقصها نعيق البوم نتيجة الإهمال الذي عاناه طوال عهد (المتعنتر الموهياب) الذي وعد بكل شىء ولم يف باي شىء حتى الآن . ان فوز الهلال علي الفريق الجنوب أفريقي علي ملعب الهلال الأسبوع المقبل هو مسألة وقت ليس إلا ولكن سيبقي السؤال المهم .. هل سيواصل الفريق مشواره بالبطولة أم يفعل كما ظل يفعل منذ سبعين عاما أو يزيد .. ملاحظة : قلت أتمني فوز الهلال بالثلاثة واتوقع العكس والحقيقة أنني اتوقع فوز الهلال بالثلاثة وأتمني العكس ( التمني هنا من باب المناكفة فقط ) يتبع ..
Post: #3 Title: Re: اتمني فوز الهلال بالثلاثة وأتوقع العكس تماما .. Author: ابراهيم تون Date: 04-24-2008, 09:36 AM Parent: #1
طلحه خليك فى المقصورة لحدى ما تكتمل ونجى نرفع ليك فيها كاس الممتاذ للمرة السادسة اما البطولة الخارجية بتجى بتجى بتجى بس انتو اختونا وخليك فى كاساتك المحمولة جوا" والتى اكل عليها الدهر وشرب
Post: #5 Title: Re: اتمني فوز الهلال بالثلاثة وأتوقع العكس تماما .. Author: tmbis Date: 04-24-2008, 09:45 AM Parent: #3
Quote: بالحصول مع الفريق علي بطولة خارجية وهو الامر الذي يبدو بعيد المنال كون أن الفريق الهلالي لا يملك ثقافة البطولات الخارجية كما شقيقه الأكبر المريخ .
مسكين .. جعــان بطولات خارجية .. يرعبه اللــون الأزرق في السماء حتى ولو ترصع بالنجـوم
بركـــة كيف ؟؟
Post: #4 Title: Re: اتمني فوز الهلال بالثلاثة وأتوقع العكس تماما .. Author: محمد عبد الماجد الصايم Date: 04-24-2008, 09:40 AM Parent: #1
غايتو يا طلحة كلامك دا كلو ما فيهو إلا دي
Quote: والذين نكن لهم التقدير
Post: #6 Title: Re: اتمني فوز الهلال بالثلاثة وأتوقع العكس تماما .. Author: عبود عبد الرحيم Date: 04-24-2008, 09:54 AM Parent: #1
طلحة... تمنياتك وتوقعاتك خليناها ليك الا ... الفيك اتعرفت
Post: #7 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 09:57 AM Parent: #1
لكن ومع كل هذا التفاؤل تظل خسارة الهلال أمام ضيفه واردة طالما إن كرة القدم لا تعترف إلا بالأجدر والأقدر والأكثر عزيمة والأوفر عطاءا علي أرضية الملعب . صحيح أن كل العوامل مهيأة لفوز الهلال في المواجهة المقبلة إلا أن هذه العوامل الأرض ,والجمهور, والثقة ,والخبرة ,وما إلى ذلك قد تتحول إلى نقمة علي أصحابها في حال لم تقابلها تهيئة نفسية تبعد الضغوط ومؤثراتها وتجلب العطاء للاعبين لأن مجرد المعسكرات الكلاسيكية التى تبدأ بالتمارين وتنتهي بتناول المرطبات والنوم علي وسائد التفاؤل الأحلام لم تعد ذات جدوي مالم تتبعها التهئية النفسية المكملة للإعداد البدني . أخشي أن يكون المستوي المتواضع الذي ظهر عليه الفريق الهلالي في مباراته الأخيرة أمام ضيفه الإتحاد بالدوري الممتاز هو نتيجة تداعيات ما ظلت تتناقله المجلس بخصوص تصاعد الخلافات والإضطرابات الإدارية داخل أروقة النادي والتى راح ضحيتها أولا مدير الكرة (صاحب السر الباتع في إنتصارات الهلال) فوزي المرضي قبل أن يلحق به مساعد المدرب بكري عبد الجليل والذي كانت له أفضاله في تصاعد المستوي الفني للفريق برفقة الممرن ريكاردو علاوة علي خلافات أدارية أخري مازالت نذرها تتجمع في سماء النادي. وإذا ما كان الأمر هو بالفعل كذلك فأرجو ان ينجح الهلاليون الخلص في إبعاد اللاعبين من مثل هذه المؤثرات قبل المباراة المقبلة وإلا فأن العواقب ستكون وخيمة علي نحو يمكن ان يتبخر معها الحلم الأزرق بفعل حرارة الشمس وإن كانت غاربة .
Post: #8 Title: Re: اتمني فوز الهلال بالثلاثة وأتوقع العكس تماما .. Author: tmbis Date: 04-24-2008, 10:06 AM Parent: #7
Quote: لأن مجرد المعسكرات الكلاسيكية التى تبدأ بالتمارين وتنتهي بتناول المرطبات والنوم علي وسائد التفاؤل الأحلام لم تعد ذات جدوي مالم تتبعها التهئية النفسية المكملة للإعداد البدني .
.. والله يا مسكين البسمع كلامك تقول بتعسكرو عند ناس مانشستر يونايتد خلاص مسكتك .. ( أم هله هله ) .. وقمت تاني للهضريب ..؟
خلي يرسلو ليك بسكويت من السودان
بريحك
اضرب اللــون
Post: #9 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 10:19 AM Parent: #1
قد يسأل رشاشة لماذا لا يتكلم المريخاب عن فريقهم المواجهة بمباراة مهمة في الكونفدرالية ويتحدثون عن الهلال .. الإجابة بكل بساطة هي ان المريخ ما منو خوف ومعروف في البطولات الخارجية التى خبر دروبها وإعتلي عروشها وحصد ذهبها وترصع باوسمتها. الكلام ناس قريعتي راحت ديل ..
Post: #10 Title: Re: اتمني فوز الهلال بالثلاثة وأتوقع العكس تماما .. Author: Fadl Karrar Date: 04-24-2008, 10:25 AM Parent: #9
طلحة,,,,,, رحمة بنفسك ورفقاً بنا إن كنا نعني لك شئ آخر غير الحسد ياخي ركزوا علي العندكم وأنسونا شوية عشان ما نقول ليكم لا يضير السحاب ،،،،،،،،،
Post: #11 Title: Re: اتمني فوز الهلال بالثلاثة وأتوقع العكس تماما .. Author: tmbis Date: 04-24-2008, 10:34 AM Parent: #10
Post: #32 Title: Re: اتمني فوز الهلال بالثلاثة وأتوقع العكس تماما .. Author: abas Date: 04-24-2008, 01:54 PM Parent: #9
تلحه
الدليل قالولو
الهلال اخد 4 في استادو صاح
يا راجل مريخ مين والناس نايمين
خلي عدم الموضوعيه
واعترف بتفوق الهلال علي نويديكم ده
Post: #12 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 10:42 AM Parent: #1
إبراهيم تون كتب :
Quote: البطولة الخارجية بتجى بتجى بتجى
انت يا تامبا الوشوش الخدرا البتضحك وتتناقز ديك بجيبوها كيف .. ؟؟ غايتو موقتا يا ابراهومة نخت ليك دا ما قدر المقام لكن العين بصيرة والليد قصيرة ياخ .
Post: #13 Title: Re: اتمني فوز الهلال بالثلاثة وأتوقع العكس تماما .. Author: tmbis Date: 04-24-2008, 10:57 AM Parent: #12
Post: #15 Title: Re: اتمني فوز الهلال بالثلاثة وأتوقع العكس تماما .. Author: محمد عبد الماجد الصايم Date: 04-24-2008, 11:05 AM Parent: #12
Quote: انت يا تامبا الوشوش الخدرا البتضحك وتتناقز ديك بجيبوها كيف .. ؟؟
نيابة عن تامبا
بتقصد يا تو وش يا حبيب دا ولا دا ولا يا ربي دا
وكلو يا حبيب ضحك على الدقون
Post: #14 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 10:59 AM Parent: #1
قائد جحافل المساكين عبر تماما عن حالتو :
Quote: جعــان بطولات خارجية ..
تعجبني بلاغتك ياخ .
Post: #16 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 11:15 AM Parent: #1
Quote: غايتو يا طلحة كلامك دا كلو ما فيهو إلا دي
دي ذاتا لزوم المجاملة يا ودو ما تصدقوا
Post: #18 Title: Re: اتمني فوز الهلال بالثلاثة وأتوقع العكس تماما .. Author: محمد عبد الماجد الصايم Date: 04-24-2008, 11:27 AM Parent: #16
Quote: دي ذاتا لزوم المجاملة يا ودو ما تصدقوا
يا عمك نجاملك قريب بي بسكويت بركة
أو كمان في برج البركة
بــركــة في الـ
Post: #17 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 11:27 AM Parent: #1
Quote: الفيك اتعرفت
لو تصدقني يا عبود الفيني امنيات حدادي مدادي اكبر من بتاعت هيثم البارك ليها في الواطة ديك .. ربنا يفكفك جنازريكم عشان تطلعوا برة وتشموا هوا البطولات الخارجية دا ياخ .
Post: #19 Title: Re: اتمني فوز الهلال بالثلاثة وأتوقع العكس تماما .. Author: حمزاوي Date: 04-24-2008, 11:29 AM Parent: #1
Quote: هل سيواصل الفريق مشواره بالبطولة أم يفعل كما ظل يفعل منذ سبعين عاما أو يزيد ..
يا طلحة اخوي هل تترك حليمة عادتها القديمة بصفر الدولي حقهم وفي زريبة العيش مقرهم دوول ناس المحلي ساي والمحلي داخل عطبرة
Post: #20 Title: Re: اتمني فوز الهلال بالثلاثة وأتوقع العكس تماما .. Author: محمد عبد الماجد الصايم Date: 04-24-2008, 11:35 AM Parent: #1
اسمعني شايف صحبك في الحضور وكدا
يعني تبقو علينا الاتنين
كدا ما نفع البوست ريـحتـو حتـطـق وكدا
Post: #46 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-26-2008, 09:14 AM Parent: #20
Quote: شايف صحبك في الحضور وكدا يعني تبقو علينا الاتنين
العامل ليكم إرهاب بالصور والأرشيف .. ؟
Post: #21 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 11:43 AM Parent: #1
Quote: والله يا مسكين البسمع كلامك تقول بتعسكرو عند ناس مانشستر يونايتد خلاص مسكتك .. ( أم هله هله ) .. وقمت تاني للهضريب ..؟
غايتو يا تامبا مسكنة أنا ما بعرف لكن صدقني ما ح تستفيدوا من خبرتنا كزعماء ورواد للبطولات الخارجية المحمول منها وغير المحمول طالما ظل راسكم كبير وما بتسمعوا الكلام الببكيكم .. نحن دايرين مصلحتكم كان الله يصلح حالكم ويقيل عثرتكم دي .. تقولوا هضربة . غايتو صحي محلي الله ما في زول بعولمو .. (وش اخدر ناطي مترين ونازل برآآآآآآحة) حاشية: غايتو هنا ما عندها اية علاقة بغايتو بتاع الكماين .. إنتهي .
Post: #22 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-24-2008, 11:54 AM Parent: #1
Quote: طلحة,,,,,, رحمة بنفسك ورفقاً بنا إن كنا نعني لك شئ آخر غير الحسد ياخي ركزوا علي العندكم وأنسونا شوية عشان ما نقول ليكم لا يضير السحاب ،،،،،،،،،
Post: #23 Title: Re: اتمني فوز الهلال بالثلاثة وأتوقع العكس تماما .. Author: almogira alemam Date: 04-24-2008, 11:57 AM Parent: #1
لك التحية طلحة انت عارف الناس ديل ما بعرف ليهم الا مزمل ابو القاسم ياخى ده بسكت حنانم (زى ماقلت جيعانين بطولات خارجية) ربنا ارزقم با الجنا البركة ده اصلو اى زول اجيب قون فى المريخ اقومو اسجلوهو اها سجلوهو بركة ده انشاء الله ينور ليكم
وقالو الكباتن بتاعين الفرق كلها فى البطولة الافريقية (الافقيرية) جمع فقيرة جابو اهداف معداااا؟؟؟؟؟؟؟؟؟؟؟؟؟ صاحبنا ربنا يعينو ....... انت عارف لوكان الكبتن الملك فيصل العجب كان جاب اهداف ...... ولاشنووووووووووو احسن من الصيام ده
Quote: قلت أتمني فوز الهلال بالثلاثة واتوقع العكس والحقيقة أنني اتوقع فوز الهلال بالثلاثة وأتمني العكس
صرح احد الصفوة من كبار مشجعي المريخ اسمو{ ابو ليمونة او برتكانة مابتذكر المهم احد الخضروات } للصحف بأنه يزعل جدا اذا فاز الهلال ولا ينام
يبقي الحال من بعضه يا طلحة يا خوي
علي العموم كتر لينا من الاولي
ولك التحية
Post: #26 Title: Re: اتمني فوز الهلال بالثلاثة وأتوقع العكس تماما .. Author: عامر تيتاوى Date: 04-24-2008, 12:16 PM Parent: #23
Quote: للحق حتى ولو تمني الناس خسارة الهلال علي ملعبه أمام فريق ( الشمس الغاربة) فأن الهلال قادر علي إحالة هذه الامنيات إلى سراب كما فعل من قبل خلال مشاركته في ذات المسابقة بنسختها السابقة حيث ظل الهلاليون يحققون إنتصارات عريضة علي كل الأندية الزائرة ما جعل محبي الفريق يصفون ملعب استاد الهلال ب(المقبرة
طلحة ياصحبى فوبيا الهلال تعمل اكتر من كده بنسمع بالدفع المقدم لكن عمرنا ماشفنا مقدم جرسة حالتكم تحنن كلو من بركة
Quote: طلحة ياصحبى فوبيا الهلال تعمل اكتر من كده بنسمع بالدفع المقدم لكن عمرنا ماشفنا مقدم جرسة حالتكم تحنن كلو من بركة
يا تيتا ياخ انتو اصلو ما قادرين تنسوا محليتكم دي .. خلاص لسانكم اتعوج علي المحلية وعيونكم بقت ما بتشوف إلا بركة وحي العرب وقوز الناقة الا يكون في عونكم ياخ .. (وش مشفق عليكم)
إلا بالموناسبة يا تامبا الغنوة الفوق دي موش دحين بتاعت ندوية (كما تحب ان يناديها معجبيها ) .. غايتو احلي ما فيها النجمة البتترسم مع كل مقطع دي . واخد بالك انت .. ( واحد من وشوش ود بتاعت السيجارة )
Post: #27 Title: Re: اتمني فوز الهلال بالثلاثة وأتوقع العكس تماما .. Author: waw Date: 04-24-2008, 12:35 PM Parent: #25
الاخ طلحة ..
كلامك يعني الصفر الدولي خالد مخلد في الزريبة ...........
يا اخي ده بزيد الحقد علي الزعيم واهله ........
Post: #28 Title: Re: اتمني فوز الهلال بالثلاثة وأتوقع العكس تماما .. Author: غباشي Date: 04-24-2008, 12:41 PM Parent: #1
تمبس ... سلامات ياخ وش معبِّر جداً .... و قهران للطيش .. لأنها كانت هزيمة بمرارة الحنضل ... بيني و بينك أنا لو محل المشجع دا كان لميت معاي الناس الفي المدرج وفلَّقت ناس المريخ ... في نوفمبر الأسود زي ما قلت كنت في النرويج ... كنا حايمين في السنتر و بعد داك مشينا لمعاوية حسين (معاوية عنكبة) قبل ما يخش البورد الكورة كانت شغالة مديت يدي أسِّلم عليهو .. طوالي قال لي المريخ مغلوب 3 .... طبعا ً هو يعجبك في الحركات دي الوقت داك و الله قربت أعمل زي المشجع ده وأطلِّع المريخ من راسي نهائي
طلحة تحياتي و أن شاء الله المرة دي نعمل حاجة و حقو نركز على الممتاز عشان نديهم فرصة الظهور خارجياً
Post: #29 Title: Re: اتمني فوز الهلال بالثلاثة وأتوقع العكس تماما .. Author: تاج السر محمد حامد Date: 04-24-2008, 12:51 PM Parent: #28
الاخ .. طلحه .. والله العظيم ماقلت إلا الحق وليت كل مايتمناه المرء يدركه .. وعاش المريخ ذاك الاحمر الوهاج قاهرالـ ........ والحدق يفهم ..
تامبا المسكين طوالي لا وانت الصادق فعلا نوفمبر أسود عند المريخاب .. لكن أمسك الشهور الهلالية العرجونية دي : يناير الكارثة فبراير الكابوس مارس الكحلي ابريل اللبني مايو الكج يونيو الغول يوليو ال.... الخ ... أها طلع لينا شهر واحد للهلال من سنة كم تلاتين ما أسود ورابط قرون .. قال أسود قال .
Post: #35 Title: Re: اتمني فوز الهلال بالثلاثة وأتوقع العكس تماما .. Author: محمد عبد القادر Date: 04-24-2008, 04:26 PM Parent: #34
Quote: فأن الهلال قادر علي إحالة هذه الامنيات إلى سراب
بالله
بركة
Post: #36 Title: Re: اتمني فوز الهلال بالثلاثة وأتوقع العكس تماما .. Author: حسين يوسف احمد Date: 04-24-2008, 06:04 PM Parent: #35
Quote: للدرجة التى جعلت قائد الفريق (المحلي جدا ) هيثم مصطفي يحدد سقف امانيه الكروية (قبل أن يجبره العمر علي الإعتزال) بالحصول مع الفريق علي بطولة خارجية وهو الامر الذي يبدو بعيد المنال كون أن الفريق الهلالي لا يملك ثقافة البطولات الخارجية كما شقيقه الأكبر المريخ .
وتأكيدا لكلامك يا طلوح .. الزول دا من سنة 2004 وهم مشاركين في الكونفدرالية ظل يردد في هذه الأمنية المستحيلة حتى أول أمس ..
بس عليك الله أمير دامر دا مش حقار ؟؟ هسع في داعي يسألو السؤال دا ؟؟
الرغيبة يا طلحة السودان حقق بطولة خارجية .. الباقي أهل الصفر الدولي الدائم يا ود الصائم ..
Post: #37 Title: Re: اتمني فوز الهلال بالثلاثة وأتوقع العكس تماما .. Author: محمد البشرى الخضر Date: 04-24-2008, 09:24 PM Parent: #1
طلحة تنظير
Quote: أها طلع لينا شهر واحد للهلال من سنة كم تلاتين ما أسود ورابط قرون .. قال أسود قال .
امسك عندك نوفمبر دا ذاتو بقدر ما كان اسود عليكم كان سويت نوفمبر عندنا
بالمناسبة تعال لي بي هناك خاشي على الليلة الأخيرة مذكرها ليلة 29 يا راجل هاك المناظر لا يفوتك الفلم
اخد ساتر يا زول لا تتعوق كرنقو حيشوت
Post: #38 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-25-2008, 08:31 AM Parent: #1
تعتيل
Post: #39 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-25-2008, 10:55 AM Parent: #1
Quote: دا ولا دا ولا يا ربي دا وكلو يا حبيب ضحك على الدقون
بلاي يا ودو كماين الوشوش دي كلها لمها وخليها لي علي جنب كدا نأنو بنحتاج نصرفا في الزنقات . أصلو تاني هنا التفاهم وشوش خدرا بس .
Post: #40 Title: Re: اتمني فوز الهلال بالثلاثة وأتوقع العكس تماما .. Author: keiga2000 Date: 04-25-2008, 11:47 AM Parent: #39
الثلاثة الشويه دي
اكيد بتقصد الشوط الأول
لسع الشوط الثاني مابدأ
وربنا يكضب الشينه اصلو وصيفنا مشهور بالفضائح الخارجية
Post: #45 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-26-2008, 08:11 AM Parent: #1
حمزاوي
Quote: يا طلحة اخوي هل تترك حليمة عادتها القديمة
كما ولا يمكن ان يتحول ابو الهول من مكانو .. الناس دي بتعبوا شديد لو باروا الزعماء ديل .. ليك الف تحية .
Post: #47 Title: Re: اتمني فوز الهلال بالثلاثة وأتوقع العكس تماما .. Author: عماد محمود علي Date: 04-26-2008, 09:58 AM Parent: #45
Quote: بيني و بينك أنا لو محل المشجع دا كان لميت معاي الناس الفي المدرج وفلَّقت ناس المريخ ...
غباشي يا أخوي ده ماركة مسجلة باسم الرشاشات نحن ما بنعملها ... هسه بقولوا البشير ناوي يعلن الجهاد في فلسطين والخطه أنه ح تطلع إشاعة يعمل مباراة للهلال أمام ليفربول ولما جماهير الهلال تدخل الاستاد لمشاهدة المباراة يقوم الجيش يغلق الاستاد ويقبضوا على الجماهير الهلالية ويسفروهم فلسطين أصلهم معروفين برمي الحجار وح يقدروا يساعدوا ويعلموا كمان شعب فلسطين فن رمي الحجار . ، وكمان قالوا البشير ح يسفر وراهم كم طياره كده محملة بالقصب ذي الجدعوا بيهو إبراهومه .
مودتي أيها المريخي الأصيل
عماد
Post: #54 Title: Re: اتمني فوز الهلال بالثلاثة وأتوقع العكس تماما .. Author: محمد البشرى الخضر Date: 04-26-2008, 01:08 PM Parent: #47
أؤمن على حديث الزميل عماد محمود لغباشي
Quote: غباشي يا أخوي ده ماركة مسجلة باسم الرشاشات نحن ما بنعملها ..
فجماهير الصفوة لا تعرف استخدام الحجار و القصب و غيرها من الوسائل البدائية في الفليق اللتي يستخدمها الرشاشات الصفوة ناس كريستال ساااااااااااااي قاليك
Post: #48 Title: Re: اتمني فوز الهلال بالثلاثة وأتوقع العكس تماما .. Author: waleed dawash Date: 04-26-2008, 10:17 AM Parent: #1
تعرف يا طلحه بتذكرني بي الصحاف ويونس محمود...
__________________ طولة لسان في الفاضي(وش مغيوظ منك غيوظيه)
Post: #49 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-26-2008, 10:46 AM Parent: #1
Quote: لك التحية طلحة انت عارف الناس ديل ما بعرف ليهم الا مزمل ابو القاسم ياخى ده بسكت حنانم (زى ماقلت جيعانين بطولات خارجية) ربنا ارزقم با الجنا البركة ده اصلو اى زول اجيب قون فى المريخ اقومو اسجلوهو اها سجلوهو بركة ده انشاء الله ينور ليكم وقالو الكباتن بتاعين الفرق كلها فى البطولة الافريقية (الافقيرية) جمع فقيرة جابو اهداف معداااا؟؟؟؟؟؟؟؟؟؟؟؟؟ صاحبنا ربنا يعينو ....... انت عارف لوكان الكبتن الملك فيصل العجب كان جاب اهداف ...... ولاشنووووووووووو احسن من الصيام ده
ولك التحية يا المغيرة وعبرك للأخ مزمل أبو القاسم وكل المريخاب الخلصاء.. كل الشكر للمرور والإضافة الضاحكة.
Post: #50 Title: Re: اتمني فوز الهلال بالثلاثة وأتوقع العكس تماما .. Author: طلحة عبدالله Date: 04-26-2008, 11:44 AM Parent: #1
Quote: صرح احد الصفوة من كبار مشجعي المريخ اسمو{ ابو ليمونة او برتكانة مابتذكر المهم احد الخضروات } للصحف بأنه يزعل جدا اذا فاز الهلال ولا ينام يبقي الحال من بعضه يا طلحة يا خوي
يعني نفهم من كلامك دا يا ياسر انك بتفرح لو فاز المريخ .. ؟ كدا بلاي عيني في عينك .. ( وش مستحيل يصدقكم )
Quote: قد يسأل رشاشة لماذا لا يتكلم المريخاب عن فريقهم المواجهة بمباراة مهمة في الكونفدرالية ويتحدثون عن الهلال .. الإجابة بكل بساطة هي ان المريخ ما منو خوف ومعروف في البطولات الخارجية التى خبر دروبها وإعتلي عروشها وحصد ذهبها وترصع باوسمتها. الكلام ناس قريعتي راحت ديل ..
والله لكن ياطلحة غايتو قاعد تقول ليك جنس كلامات !!
غيّاظ خلاص .......................................... ثقيل ده . يارب تحققي لي مناي ....................................!!
Quote: كلامك يعني الصفر الدولي خالد مخلد في الزريبة ...........
يا اخي ده بزيد الحقد علي الزعيم واهله
حكاية الحقد دي حكاية عمرها 24 سنة يا waw ومستمرة منذ أيام أول كأس جوي يدخل الخرطوم بامر المريخ .. والمشكلة الأكبر أنو هم ما زعلانين لانهم ما جابوا كاس خارجي بقدر زعلم لانو المريخ جابن يطاقشن . شفت كيف بلاي .. (وش حزين لحالم )
Quote: طلحة تحياتي و أن شاء الله المرة دي نعمل حاجة و حقو نركز على الممتاز عشان نديهم فرصة الظهور خارجياً
إتا عارف يا غباشي .. لو أصلا في تقديم مصلحة عامة علي الخاصة ولو كان الناس بتتكلم بمنطق حقو طوالي المريخ دا يكون أول واحد يمثل خارجيا وبعد كدا ممكن يختوا بعدو موردة واللا هلال الخرطوم واللا هلال كادقلي . طبعا ما أظنك محتاج لشرح ..
قبل من نواصل .. مبارك للحمر الصناديد إعتلاء هضاب زامبيا مرة واتنين .. طبعا حاجة متوقعة وما جديدة علي زعماء التاريخ إنهم يفجروا الدهشة والفرحة وسط اهلي الغبش .. لكن انا متأكد لو كان ديل ناس فريعتي راحت كان قلبوا البورد دا فوق تحت .
