Post: #1
Title: مساخة رباطاب!
Author: jini
Date: 04-23-2008, 05:13 AM
Parent: #0
الرباطابى للسنجك بعد ان التهم خروف السماية: اها التومات سميتن شنو!!
السنجك: عبير واريج
الرباطابى : مناديل ورق!
جنى
|
Post: #2
Title: Re: مساخة رباطاب!
Author: الحاج حمد الحاج
Date: 04-23-2008, 06:55 AM
Parent: #1
غايتو يا جني أهلي ديل (الرباطاب) ما مريحنهم!!
هاك دي:
الرباطابي و ولدو ماشين و دار بينهم الحوار التالي:
الولد : يابا شوف الفار دااك.
الأب: يا ولد أنا كديسة.
الولد: يابا أنا قلت ليك أكلو؟
تحياتي لأهلي الرباطاب أصحاب المساخة الحلوة..تحياتي لك
|
Post: #3
Title: Re: مساخة رباطاب!
Author: المر
Date: 04-23-2008, 09:08 AM
Parent: #2
رباطابى قال لى بتو
سوى لى شاى.البت سوت لو الشاى ونست
(تصوط) السكر اللة يكفينا شر الصواطة.
وجابت السكر ختت لو الكباية جمبو.
قام اخدلو (خغيمة ) من الشاى لقاهو مسيخ والسكر تحت فى القعر
نادا بتو قالها تعالى. البت جاتو...
قال لها السكر دة اغطسلووووو؟؟؟
|
Post: #31
Title: Re: مساخة رباطاب!
Author: MOHAMMED ELSHEIKH
Date: 05-16-2008, 07:10 PM
Parent: #2
أيضا في محطة الشريك
انا وصاحبي مهدي مجذوب قاعدين في المحطة على بنش اسمنتي .
قطار حلفا واقف وهناك عربة بها شباب(صبيان و صبايا) طلبة جامعيين جايين من مصر.
واحد عاوز يخفف دمو و يشاغلنا:
كيف يا شباب الشريك الدكاي(العرقي) بتاعكم قالو رهيب؟
أجاب عليه صاحبي مهدي:
" والله من ما روحتو انت وامك العرقي بقي مصماص"
أيضا وفي نفس المحطة انا مسافر وعايز اشوف لي طريقة في قطر بضاعة مع فرملة الكمساري ونعصر ليهو حاجة.
كنا مجموعة كبيرة واقفين امام الفرملة منتظرين الكمساري يجي نحنسو عشان يدينا فرصة .
واحد مار من جنبنا نادى على الكمساري:
" يا عبد العاطي تعال شوف فرملتك دي تقول رافعين لها كورنر"
|
Post: #4
Title: Re: مساخة رباطاب!
Author: Ammar Eldaw
Date: 04-23-2008, 11:41 AM
Parent: #1
رباطابي نزل ضيف عند جماعة .. جابو ليه الفطور سليقة.. والغداء سليقة
والعشاء سليقة .. سأل صاحب البيت إنت شغال شنو ؟ قال ليه جزار .
الرباطابي قال ليه الليله ضابح ليك صهريج ؟
|
Post: #5
Title: Re: مساخة رباطاب!
Author: خالد الجبل
Date: 04-23-2008, 12:29 PM
Parent: #1
قال ليك شافع مصيبة ومنحوس .. عمرو خمسة سنة ما إتكلم .. أها أول ما إتكلم قال خالي .. بعديها بيوم خالو إتلحس . تاني كلمة قال أخوي .. بعديها بيوم أخوه إتلحس .. أها الشافع قال أبوي .. الراجل كتب وصيتو .. بعديها بيوم .. جارهم إتلحس !!!
|
Post: #6
Title: Re: مساخة رباطاب!
Author: هاشم أحمد خلف الله
Date: 04-23-2008, 12:46 PM
Parent: #5
| Quote: أها الشافع قال أبوي .. الراجل كتب وصيتو .. بعديها بيوم .. جارهم إتلحس !!! |
لا حولا ولا قوة إلا بإلله!!!!!!!!!!!!!!!!!!
قوية يا خالد الجبل
|
Post: #7
Title: Re: مساخة رباطاب!
Author: خالد الجبل
Date: 04-23-2008, 01:18 PM
Parent: #6
يا هاشموتو
أديك دي كمان..................
واحدة عندها دولاب خاتاهو في الاوضة الفاتحة علي الشارع .. بس كلما يمر بص الثورة جنب البيت باب الدولاب ينفتح
كلمت نجار الحلة بالحاصل ... النجار عاين للدولاب تمام ... لكن البص جا الباب انفتح
النجار قال ليها لازم اتقفل جوة الدولاب عشان اعرف البيحصل شنو لما يجي البص
عمنا اتحكر جوه الدولاب
راجل الولية جا البيت فجاة يشيل حاجة ناسيها في الدولاب
راح فاتح الدولاب ... لقي النجار جوه
النجار قال ليهو:
لو قلت ليك راجي بص الثورة ...بتصدقني؟
|
Post: #8
Title: Re: مساخة رباطاب!
Author: Elsamani A.Malik
Date: 04-23-2008, 06:20 PM
Parent: #7
شباب كيفينكم
قالو واحد رباطابي مرتو قالتلو :جيب لي قميص نوم
قال ليها: اللبساهو دا بيساهر بيك
|
Post: #26
Title: Re: مساخة رباطاب!
Author: نهي محسن أبوراس
Date: 05-16-2008, 06:43 PM
Parent: #7
Quote: واحدة عندها دولاب خاتاهو في الاوضة الفاتحة علي الشارع .. بس كلما يمر بص الثورة جنب البيت باب الدولاب ينفتح
كلمت نجار الحلة بالحاصل ... النجار عاين للدولاب تمام ... لكن البص جا الباب انفتح
النجار قال ليها لازم اتقفل جوة الدولاب عشان اعرف البيحصل شنو لما يجي البص
عمنا اتحكر جوه الدولاب
راجل الولية جا البيت فجاة يشيل حاجة ناسيها في الدولاب
راح فاتح الدولاب ... لقي النجار جوه
النجار قال ليهو:
لو قلت ليك راجي بص الثورة ...بتصدقني؟ |
والله بااااااااااااااااااااااااااااالغت ..
هاهاهاهاهاهاهاهاهاهاهاهاهاهاهاهاهاهاهاها
|
Post: #9
Title: Re: مساخة رباطاب!
Author: ismeil abbas
Date: 04-24-2008, 11:05 AM
Parent: #1
يا جنى
دى ما مساخة..دى سرعة بديهة..
خليك واضح يا جميل...
والله الرباطاب ديل يقبلوا عليك يخلوك جنى جد جد..
تحياتى ..
أديك دى حقيقية..
جالسين جلسة أسرية ..صلاح عمرو 9سنوات..أمو عايزة تقول كلام وما عايزاهو يسمع..أدتنى نظرة وهو مراقب
زى مراقبين ألأمتحانات..وأديتا نظرة..على طول هو فهمنا إنو فى راسنا كلام
قال لينا :يابابا والله دى إلا ترسلها لى ماما بلوتوز..
شفتوا أولاد زمن العولمة..
مودتى..
|
Post: #10
Title: Re: مساخة رباطاب!
Author: Elsamani A.Malik
Date: 04-24-2008, 09:50 PM
Parent: #9
| Quote: قال لينا :يابابا والله دى إلا ترسلها لى ماما بلوتوز.. |
خطيييييييييييييييير
|
Post: #11
Title: Re: مساخة رباطاب!
Author: عبدالله ادريس محمد
Date: 04-25-2008, 00:10 AM
Parent: #1
الاخ جنى تحايا
رباطابى عندو مخبز جاءهو مسكين قال ليهو لى تلاتة يوم ما ذوقت طعم العيش قال ليهو طعمو هو هو ما تغير امشى ؟؟؟
رباطابى دخل المسجد الحرام لقى تلاتة هنود حالقين صلع جديدة قال اكياس الدكوة دى شنو ؟؟
مع خالص الاحترام
|
Post: #12
Title: Re: مساخة رباطاب!
Author: mohamed osman bakry
Date: 04-25-2008, 03:43 AM
Parent: #11
|
Post: #13
Title: Re: مساخة رباطاب!
Author: غباشي
Date: 04-25-2008, 04:00 AM
Parent: #1
رباطابي مشى وكالة سفر عشان يقطع تزكرة في رمضان ....
الوكالة زحمة و الموظفة شغالة براحة ... عمك الرباطابي تِعِب و زِهِج و عِطِش ...
اها لما دورو جاء الموظفة قالت ليهو بحنكشة : دايرا ذهاب و إياب ؟
رد عليها بمساخة شديدة : لا لا بخروج المهزوم
|
Post: #14
Title: Re: مساخة رباطاب!
Author: jini
Date: 04-25-2008, 09:02 AM
Parent: #13
Quote:
رباطابي مشى وكالة سفر عشان يقطع تزكرة في رمضان ....
الوكالة زحمة و الموظفة شغالة براحة ... عمك الرباطابي تِعِب و زِهِج و عِطِش ...
اها لما دورو جاء الموظفة قالت ليهو بحنكشة : دايرا ذهاب و إياب ؟
رد عليها بمساخة شديدة : لا لا بخروج المهزوم
|
حلوى ى ى باللهجة الصعيدية
واحد براية فى بص سفرى نجض البص نجاض بالنقة وقبل على الرباطابى عاوز يبراهو : انت من الجزيرة!
الرباطابى : لا من أم بى سي
جنى
|
Post: #15
Title: Re: مساخة رباطاب!
Author: خالد الجبل
Date: 04-25-2008, 03:12 PM
Parent: #1
رباطابي مشى لصاحب دكان سمعو تقيل خالص ، فقال ليهو : أديني معجون حلاقة وأمواس ، فظل صاحب الدكان يستفهم والرباطابي يصرخ إلى أن ظن صاحب الدكان انه سمع فأعطاه قلم رصاص وكراس ، أخذهم صاحبنا مضطراً حتى لا يدخل في دوامة أخرى معه وأعطاه ثمنها ... فسأله صاحب الدكان : أديك بالباقي شنو ؟ فقال له الرباطابي بدون تردد : أديني بيهو إملاء
|
Post: #16
Title: Re: مساخة رباطاب!
Author: jini
Date: 04-25-2008, 06:28 PM
Parent: #15
رباطابى مستغربا ومندهشا من صاحب مطعم به حلة واحدة وهو يخرج للزبائن منها عدة طلبات عدس و لحمة وشوربة!
الرباطابى مخاطبا صاحب المطعم : انت يا دا حلتك دى فيها أدراج!
توضيح
االعدس دائما ما يكون فى قعر الحلة واللحمة فى النص فوق العدس والشوربة طافية والطباخ حريف!
جنى
|
Post: #17
Title: Re: مساخة رباطاب!
Author: ismeil abbas
Date: 04-26-2008, 09:51 AM
Parent: #1
واصل يا جنى
لك تحياتى..
شكرآ أخ عبدالملك السمانى..عجبتك بتاعة صلاح والبلوتوز..ده ولد الله يديهو الصحة والعافية..
مودتى.إسماعيل محمد احمد عباس....
|
Post: #18
Title: Re: مساخة رباطاب!
Author: Elsamani A.Malik
Date: 04-26-2008, 11:48 AM
Parent: #17
واحد بتونس مع صاحبو الرباطابي قال ليهو: إنت عارف إنو الثعبان لما يعضي ليهو زول بيخلي سنونو جوة جسم الزول.
الرباطابي قال ليهو: أها وكان بعد دقيقتين لاقاهو زول تاني داير يعضيهو؟
قال ليهو: بيكون قاموا ليهو سنون جديدة.
الرباطابي قال ليهو:ياخي دا دبيب ولا دباسة.
|
Post: #19
Title: Re: مساخة رباطاب!
Author: معتصم مصطفي الجبلابي
Date: 04-26-2008, 03:15 PM
Parent: #18
شديدة يالسماني
|
Post: #20
Title: Re: مساخة رباطاب!
Author: azhary awad elkareem
Date: 04-26-2008, 03:32 PM
Parent: #19
رباطابى ببيع جنازير وفارشهم قدامو فى السوق..
واحد سألو..الجنازير ديل للبيع؟؟
الرباطابى قال ليهو "لا شاريهن ييبسن"
جنى وضيوفك سلامات..
|
Post: #21
Title: Re: مساخة رباطاب!
Author: jini
Date: 04-26-2008, 04:50 PM
Parent: #20
Quote: واحد بتونس مع صاحبو الرباطابي قال ليهو: إنت عارف إنو الثعبان لما يعضي ليهو زول بيخلي سنونو جوة جسم الزول.
الرباطابي قال ليهو: أها وكان بعد دقيقتين لاقاهو زول تاني داير يعضيهو؟
قال ليهو: بيكون قاموا ليهو سنون جديدة.
الرباطابي قال ليهو:ياخي دا دبيب ولا دباسة.
|
لووووووووووووووووووول
واحد فارش ليهو عروق كتار ببيع فيهن اها رباطابى يقلب فى العروق ويسأل دا عرق شنو! والبايع يجاوب دا عرق منع العين ودا بتاع منع حسد ودا عرق سلاح ما يمشى فيك ودا عرق محبة ودا عرق بيع وهلمجرا اخونا الرباطابى سألو عرق بيع يعنى شنو!
البائع : يعنى تختو فى الدكان البضاعة تتباع هوا.
الرباطابى : طيب مالو ما باع اخيانو الجنبو ديل!
جنى
|
Post: #22
Title: Re: مساخة رباطاب!
Author: الزوول
Date: 04-26-2008, 06:46 PM
Parent: #21
السلام عليكم
جني ازيك
الرباطابي دخل بتو مدرسة خاصة ، امتحان الشهادة سقطت
مشى يقابل المدير قاليهو: والله الفصل فيهو خمسين ، نجحت منهم واحدة بس
الرباطابي قاليهو :
يا خوي انت فاتح لك فصل والا كرتلة
.............................
وما الناس إلا هالك وأبن هالك *** وذو نسب في الهالكين عريق
|
Post: #27
Title: Re: مساخة رباطاب!
Author: نهي محسن أبوراس
Date: 05-16-2008, 06:47 PM
Parent: #18
Quote: واحد بتونس مع صاحبو الرباطابي قال ليهو: إنت عارف إنو الثعبان لما يعضي ليهو زول بيخلي سنونو جوة جسم الزول.
الرباطابي قال ليهو: أها وكان بعد دقيقتين لاقاهو زول تاني داير يعضيهو؟
قال ليهو: بيكون قاموا ليهو سنون جديدة.
الرباطابي قال ليهو:ياخي دا دبيب ولا دباسة.
|
لالالالالا دي قوية ...
هاهاهاهاهاهاهاهاهاهاهاهاهاهاهاهاهاهاها
|
Post: #23
Title: Re: مساخة رباطاب!
Author: أبوبكر أبوالقاسم
Date: 04-26-2008, 09:50 PM
Parent: #1
إثنين رباطاب قالوا دايرين يتباروا بالدعوة على بعضهم البعض :
الأول قال : إنت إنشاء الله بالقُصُرْ اللى يخلِّيك تتشابّا لفنجان القهوة .
الثانى ردّ عليهو : إنت إنشاء الله بالقُصُرْ اللى يخلِّى طاقيتك تجُر بالواطة .
|
Post: #24
Title: Re: مساخة رباطاب!
Author: تماضر الخنساء حمزه
Date: 04-27-2008, 08:27 AM
Parent: #23
Quote: إثنين رباطاب قالوا دايرين يتباروا بالدعوة على بعضهم البعض :
الأول قال : إنت إنشاء الله بالقُصُرْ اللى يخلِّيك تتشابّا لفنجان القهوة .
الثانى ردّ عليهو : إنت إنشاء الله بالقُصُرْ اللى يخلِّى طاقيتك تجُر بالواطة . |
التالت قال ليهم: انت ان شاءالله بالقصر وانت قاعد كرعيك يدلدلن من البرش
هم كانوا تلاتة ياخ
|
Post: #25
Title: Re: مساخة رباطاب!
Author: jini
Date: 05-16-2008, 06:37 PM
Parent: #1
الرباطابى داعك شافعوا دعك الجن فى المزرعة
الشافع لى أبوهو يابا خلاس الشمش مغربت!
الأب : ما تمغرب كان مغربت عليها سكر ولا شاى!
جنى
|
Post: #28
Title: Re: مساخة رباطاب!
Author: Emad Abdulla
Date: 05-16-2008, 06:50 PM
Parent: #25
| Quote: ياخي دا دبيب ولا دباسة |
|
Post: #29
Title: Re: مساخة رباطاب!
Author: MOHAMMED ELSHEIKH
Date: 05-16-2008, 07:02 PM
Parent: #28
الراجل الضيف الخرتومي وصل الشريق وقعد اثناء الونسة ارسل الشافع يجيب ليهو موية شراب .الولد مشى جاب الموية كانت عكرانة لأنو الدنيا دميرة.
الضيف: ياولد الموية دي عملت فيها شنو؟
الشافع: والله ياعمي اندفقت مني وخميتها جيبتا ليك.
|
Post: #30
Title: Re: مساخة رباطاب!
Author: Elsamani A.Malik
Date: 05-16-2008, 07:05 PM
Parent: #25
رباطابي باب بيتو مكسور ومابيقفل مرتو الصباح جابت ليهو الفطور في الحوش أها لما بدء ياكل جاهو جارو الشايقي ناطي و قبل مايقول ليهو اتفضل صاحبنا قعد ياكل معاهو، اها بعد مانضف الصحون قال لي الرباطابي: سبحان الله ولا مخطط اجيك بس جابني رزقي دا.
الرباطابي رد ليهو: والله ولا رزقك ولا حاجة بس عدم باب.
|
Post: #33
Title: Re: مساخة رباطاب!
Author: خالد سند
Date: 05-16-2008, 07:31 PM
Parent: #30
واحد قال لي مرتو لما اموت عرسي جارنا داك
قالت ليهو ليه
قال ليها : زمان باع لي تلاجة خسرانة وداير اتسداها فيهو
|
Post: #32
Title: Re: مساخة رباطاب!
Author: MOHAMMED ELSHEIKH
Date: 05-16-2008, 07:31 PM
Parent: #1
العم عابدين موسى من ناحية فتوار عليه رحمة الله.
ابنه يوسف كان بيجي كل يوم من البابور يقول ليه الليلة البحر شارد شردة شديدة خلاص وحفرنا كتيرعشان نوصل الموية للطرمبة.
و يتكرر السيناريو يوميا .
في احد\ الأيام اجاب العم عابدين:
" ياولدي نحن بابورنا هين ان شاء الله ينستر في حوتو(سمكو).
أما سايق القطر ود بركات فقد دهس مجموعة من الغنم بين الكربة وندي وعملو ليهو مجلس محاسبة في عطبرة .
وكان السؤال الأول من رئيس اللجنة:"بس ممكن تورينا البهايم ديل كتلتهن كيف؟"
أجاب ود بركات" والله جيت سايق الوابور نمرة 1917 ولمان قاصدت زريبتن كسرت عليهن كتلتهن وجيت راجع ركبت القضيب"
العمدة سلمان ابوحجل كان له أخ عندو عتبة في رجلو(معوق) وعندو شنب ما شاء الله فرامة.
جات اختو يوم قالت ليه و بمسخرة: " دا الشنب اريتو اكان في سلمان أخوي"
فرد عليها:
"انشاء الله مع كراعو".
ابنة شقيقتناعلا (5 سنوات) تدرس بروضة اسمها "القلم".
عمتها سألتها يابت بتقري وين؟
"بقرا في روضة القلم."
وحبت مداعبتها "قلتى لي الغنم؟".
"لا يا عمتي القلمممممممممممممممممم"
وهكذا حتى زهجت و قالت لعمتها" ايوة الغنم"
" اها بدوكم شنو يابتي؟"
اجابت علا:" بدونا برسيم"
|
|