هسه وقبل ماا قول نص كلمة يجينى الفاروق ناطى لى ياقول تراجى ,, فى حلقى !! ويجيب لى عشرميية نص لاغانى البنات
الهابطة ,,, اصلو بس قايل البنات ديل حقاتو هو !
الحمد لله ،، اساسى ما بفهم حاجة فى البنات .... على الله ينقطنا بى سكاتو ,,, وان كنت شاكة انا انو الحلبى دا شكلتو معاك كانت فى بت ,,, بتكوووووون مشيت تهبش فى بنات الحلب وبقت ليك بى توووبة غايتو يا اساسى الله يحبطك البشوف القبة يقول تحتها فكى !!
محسن خالد حاجة وصافة ... عامل ذى المدرب فى الموضوع دا .. عليهو الرك والناس كلها بتعتمد عليهو وبعزلو عزل واللعيبة بسمعهو وبنفذو كلامو بالحرف لكن هو ما عليه فى اللعب ذاتو ,,, بينهى دورو برسم خارطة الطريق للجماعة يعنى اى موضوع بنات بنجضو بالوصف ,,, غايتو كان ما كنت ود اقاليم ما كنا قدرنا نقعد معاك ... لله الحمد من قبل ومن بعد
اما اذا سمع بطرف العنوان دا دكين !!! فلا نملك الا الدعاء المتواصل بان دكين جانا ما يغشانا ,,, دكين جانا ما يغشانا كما تقول صديقتى دايما
ددكين فى هكذا مواضيع يملك لسانا لو انطلق كفيل بادخال مائة بوست مثل هذا الى الخور ... وتسقيط حجر كل البنات واللى يتشددولهن !! هذا الدكين لا نستطيع ان نجيب سيرة هكذا موضوع الا فى اذنيين من نعنيهم عشان ما يكسر راسنا بسيرتهن فى اثر عشا البايتات والبحث فى كتبه الصفراء ! دكين حدااااااث ,,, عكس ما تبديه التصاوير ادناه
اما اذاا سمع خدر باسم البنات هذا ,, يا سلام ياسلام فخدر يا سادتى ليس فى جسده موضع الا فيه ضربة شاكوش او طعنة سائبة او رمية عيون فاتنة ما تشوفوهو يرقد الان فى هذا المكان البارد ويعاين كما يعاين اى رجل عادى طبعا متمترس وراء انو فنان وشخصية عامة وكدا وما حدش له كلمة علييا ،، سمح !
اما عماد ,, وبعد قصة ايلول الكالح ,,, فقد امتشق الوقار وتقل كراعو شوية التقل صنعة ،، ولكنه لايتمالك نفسه باطلاق عنان اللون الطوبى ليعانق اى حسن وكل جمال ,,, ياتى صوته خافتا شارح معانى الحسن و الجمال التى لا تتبينها عيننا العادية ,, فاضحا بجسارته وهمته كل من تولوا يوم الزحف ,, فعماد كنز لايفنى
اها اما لو سمع حسين ملاسى ذلك الكارثة التى تمشى على الارض ... دا لعبوا على نارهادية ح بنتظرنا نقول كلامنا كلو وببرود هدام يجى يقول لينا اها ياها بنات دى الفرحانين بيها ؟؟؟ تحية خاصة للحلاق !
اما نوبى داك ف سيتحدث حديث العارف المتمكن من هكذا مواضيع !! وسيضع كل امكانياتهو كتكنيشن حاذق متطوعا ل اب لوود والداون لوود والتصاوير والمزيكا .. باخ كل الخبرات تحت الخدمة مش المهم بنات ,,, بس ذواق وجنو وجن القشة المرة فى الموضوعات دى !! ناسف لعدم وجود صورة ,, فهو اطول من ان تطاله التصاوير ,, ( الطول بتاع الكرعيين الواحد دا )
ـــــــــــــــ الصور من الارشيف وكدا ح نواصل همتكم معانا
بقى ان نقول انو البوست دا صيحة فى اذن تراجى مصطفى وامنة مختار واشراقة مصطفى ,,,,, تعالن فهناك من وحشتوهم جدا ,,, وهناك من هم سعداء بغيبتكن ونحن ما بين هذا وذاك بنقول ليكم يا بناااااات مالكن فى شنو ؟؟ طيب كلمونا بس .... فقد اصبح يا قول حسين ،، منبر لا يطاق !! تعالوا هذا بمثابة عرضحال .... فهل من مجيب !!
اما بكرى دا ,,, لو شاف كلمة بنات دى ولالالا بدخل ولالالا بجى جنبو هسه الا زول يكلمو لينا بالتلفون !! بكووور نظرة يا ابو هاشم الرسول كان ما شفت الحاصل شنو
ـــــــــــ كنت بقرا العالي في الخرطوم القديمة وراجعين من المدرسة لي بري بي رجولنا فقمنا مرينا علي دكان في بري المحس , عشان نعمل فتة انا ومعاي اتنين اصحابي اها وصلنا الدكان قلنا ليهو دايرين عيش قال العيش الا بالبطاقة التموينية اها قمت سخنت معاهو قام طلع لي برة داير يتشاكل معاي اها قمت اليوم داك قشرت بي سيد الدكان اخدت فيهو حق الحلبي كله اها وانحنا في نص الشكلة كدا جو تلاتة شباب من اولاد بري المحس اتشبكو فيني قالوا انا شاغلت اختهم في حفلة في الديم ؟؟ اها بعد شوية واحد جري بيتهم جاب ليهو سكين وداير يختها لي ؟ وحات الله لا عرفت اجري ولا عرفت اشاكله ولا عرفت ازوغ غايتو كان موقف بايخ جنس بوخ , المد لله في اولاد الحلال المرة التانية مشيت مع اصاحبي نادي الضباط حفلة من ام درمان طعا كنا ضهب اها ما اكتر واحد من اصحابي قام شاغل ليهو بت اها بعد شوية جا ولد كدا قال لي صاحبنا دا دايرك دقيقة اها قام مرق معاهو انحنا قلبنا اكلنا قمنا طلعنا بعد شوية لقينا صاحبنا معلق ما بين الثريا والثرى , طبعا بحكم النخوة وكدا اتوكلنا علي الدايم وقلنا نحجز لانه ناس الحفلة ديل كلهم واقفين صف دايرين يخلصو حقهم في صاحبنا اها بعد شوية القي ليك روحي في قسم شرطة الشرقي وانا مورم وريمة الحلبي الزمان ديك , الحفلة برضو حفلة حلب من ام درمان بس ديل كانوا صحابة اجلاء طول وعرض وضباط
Post: #8 Title: Re: يااااااا بــنــــــــات !!! Author: فيصل نوبي Date: 04-23-2008, 10:41 AM Parent: #6
Quote: وانا مورم وريمة الحلبي الزمان ديك , الحفلة برضو حفلة حلب من ام درمان
إعترافات أساسية
_ ياخ والله قصتكـ مع الحلب دي قصة ؛ كتر من الحلب و الاعترافات
الاخت العزيزه دينا طبعا انا ما بت , امرأه وكده او محسوبه مره . لكن جيتك لانى لا برضى فى البنات ولا فى النسوان
انا مريضه والله وماخده اجازه مرضيه وقاعده من الصباح دا بتصفح فى المنبر واول موضوع جزبنى بتاعك دا ودخلت توششششششششش امبارح لو بتشاهدى تلفزيون السودان كان فى حلقه عن التعداد(القدننا به الايام دى) اتكلمت فيها استاذه نعمات كوكو الباحثه فى علم الاجتماع. والله مراه بمليون راجل, كلامها مركز ومرتب وتقنعك من اول كلمه. كنت بحضر فى الحلقه ومعى الكاشف اخوى( ابو مهند) زوجى. قلت له: السودان دا مفروض بعد دا يحكمه النسوان ديل لانهم اصبحن خطرات جدا ومفروض بالعقل كدا وبعدا فشل حكومات الرجال المتتاليه يدو الفرصه للنسوان ديل والله بقى عندنا مفخره من النساء القويات ليس لهن حد. كذلك يا حبيبه البورد دا مدام ناس تراجى واشراقه ومى وتماضر وغيرهن من النساء القويات اختفن يبقى حيقع زى ما السودان ترا واقع . تحياتى وواصلى بس بدون صور حلوم
Post: #9 Title: Re: يااااااا بــنــــــــات !!! Author: عمر الفاروق Date: 04-23-2008, 10:48 AM Parent: #1
الصورة أعلاه تم إلتقاطها لي وانا طالب في الأزهر الشريف حتى لا يتشابه عليكم البقر سادتي .. حينها كنت أفكر في إخراج فتوى شرعية تفوق فتوى الرضاعة ضجيجاً وقريباً سترى النور .. أما إن دار محور سؤالكم عنا فنحن بحمد الله لا ينقصنا شئ سوى رؤيا شخصكم الغالية كما أرجو ان تحوول لنا مصاريف الشهر ومعليش خطي شين عشان كنت بكتب مستعجل !!! ونحن صغار كنا نشارك البنات العابهن وهن يشاركننا العابنا فيلعبن معنا الفلفلت والكورة وأم الصلص ونشاركهن في الحجلة وأم الحفر .. بيد أن هناك لعبة لاتزال عالقة في ذهني حين تخطط لنا محاسن الأرض خطوطاً مربعة أو دائرية ليدخل الأول ويردد همهمات قبل الإنطلاق .. الهمهمة المناسبة من هذه اللعبة ولها علاقة بالموضوع حين يقول الواحد منّا : البنات البناااااااااااااااااااااااااااااااات برّة .. محاسن - ندى - علوية - التاية - نفيسة - خالدة - تقوى -سلافاااااااااااااااااااا .. حينها نكون وصلنا نقطة البداية .. الأن سألعب اللعبة مع نفسي وأقول : البنات البناااااااااااااااااااااااااااااااات برررررررررررررررررة : دينا - دينا - دينا - دينا - دينا - دينا -دينا - ديناااا.
الجميل إنها أقحمت نفسها في هذا العالم الأنثوي الذي أخرج لنا سلاف فاخورجي وياسمين عبد العزيز ومن قبلهم سعاد حسني وذينب والعرش (إحدى فاتنات جامعتنا)...
تخريمة : وسووووووووووووحي ..ألّي لالا .. بي الجمبة موووحي ..ألّي لالا.. من حلاة سوما ..ألّي لالا .. وقعت في الحفرة .. يا جميل يا داااااااااااااااااااا..
دينا خالد سلام رجال قوى وكده يعنى هسه بناتك الندهتين ديل كلهن الحكاية خايله فيهن عمر الفاروق،اساسى،دكين،محسن خالد،خدر ،عماد عبد الله.. لكن بكرى ابوبكر ده ممرمرة معاهن مالك.. نسيتى كمال سالم جاتك ناطه براها.. بس فى بتين مهمات الرسول ما تكوركى ليهن.. مصطفى سرى ودينق... وحاتك باروكتين ومتر ونص لبان ،ينفعوا زى الطلقه.. ياربى موضوع البوست شنو؟؟
الموضوع يا ود الموج انه دينا خالد قررت انه تختنا زي الصارقيل في السنارة وتشرك بينا للسمك الغلاد ... يا دكين الحق ام عشا البايتات عمرها دا كله تعبانة تحاحي فيك وتربي فيك وتكبر فيك وفي اقرب ملف ترميك دينا خالد رمية الصارقيل ... بطولاتك يا دكين في المين رود وكفتريا قانون كلها اتحسبت زي لمة اي دود في حفرة طينها رطب , زمان شبكتني انسان فوكوياما وما قبل التاريخ الاتمترس خلف كهف وشبكتني صيد وما ادراك ما غزلان اجي القاك في النهاية الشرك الرامينه لي ام ضراع ,
الرواية تختلف باختلاف البلد التى تسكن فيها !!! وبماانك من سكان الدوحة فالرواية الراجحة هناك اننى معلمة ولست بمعلم ،،،،،،، ولست عليكم بمسيطرة ,,, كنننننننننننننننن صديقى ،، ( ياخ انت بالذات لا !)
Post: #23 Title: Re: يااااااا بــنــــــــات !!! Author: دينا خالد Date: 04-24-2008, 00:14 AM Parent: #18
تراجى امونة اشراقة
ياااااااا بنات !!
فى احلى من كدا ؟؟؟ تانى عندكم كلام ؟
ـــــــــــــــ ياخى دا الشرك ولا بلاش ،، تقولى شنو يا اساسى وتقولى منو ؟؟؟؟ فى طعم يا اخوانا اجمل من كدا ؟؟؟؟
Post: #24 Title: Re: يااااااا بــنــــــــات !!! Author: دينا خالد Date: 04-24-2008, 00:27 AM Parent: #23
عمده ياااااااا عمده
اما واذا ما حضر دكين ,, فما اشبه الليله بالبارحة
وهى اصلها (عدل) دى عملوها لببه ؟؟
ـــــــــــــــــ نبقى ذى ناس كدا ... كلام الليل يمحوه النهار ! تسلفنى استيكتك من ابو نهار ؟؟
Post: #26 Title: Re: يااااااا بــنــــــــات !!! Author: Ishraga Mustafa Date: 04-24-2008, 00:55 AM Parent: #24
Quote: Re: يااااااا بــنــــــــات
يسال منك الخير يادينا
اما واذا سألتينى عن الخير فستجدينه بخير
--------- لكن جابينا ووين فى الديوان ده؟ انا غايتو كلهم اخوانى بدون فرز كدى - بس ماخلوا عنقريب فاضى الزول يقعد فيهو ويقولو لينا كان النفوس تطايبت- شفتى امثلة الفقراء دى كيف؟ خليهم يوطوا صوتهم شوية والتمباك ده يشوفوا ليهو طريقة والموج ده مايحلف بالطلاق- اصلوا السيرة دى بتعيد لى الذاكرة- والفاروق دة يسيب ولو شوية قصة الكورة دى- اساسى ده اكتر زول أخوى عامل جلابيتو السمنية دى، والسياسة ابعدوا لينا منها الله يفتح عليكم خلونا فى غناء ندى القلعة دى- الزولة دى حنتها سمحة خلاااااس وانا بريد غناها عديل-!!
بعدين شنو كلهم جلااااااااااااااابة ساى - تراجى ياتراجى ووينك يا ام حازم امونة.... السمحة خلاااااااص اظنها خافت من عينى- شكلى سحارة!! بالغتى لكن يا امونة اهون عليك؟ طبعا ده شمار بتقال فى الزقاق الورانى البعيد شديد من ديوان الرجال ده!!
اشراقة مصطفى ..حبيبة اخلاق قلبى زاتو واختى البريدها من عند البطين الايمن للاورطه ازيك انا زول جعلى وحكاية حليفة الطلاق دى عندنا من موجبات الزواج.. وقبال ده عندنا عمنا قاعد مع ود اخوه وجوهم جماعة ،والوقت (زالف) فطور.. والولد شابك الجماعه بالله تقعدو تفطروا عليكم النبى..عليكم الله.. عمنا ده لكزوا بالعصايه قال ليه: خليك من الحليفه الميته دى، انت الجوه دى ماخدها لى شنو؟ اشراقه تصدقى لما تجيبى اسمى بفرح زى فرحة الشفع بحصان المولد.. تسلمى ..وتسلم دينا خالد ويسقط دينق ومصطفى سرى..
الهوامش: زالف: بمعنى بين بين يعنى نوع الناس البجوك الساعة حداشر ديك لاتعرف تقول ليهم افطروا معانا والا انتظروا الغداء.. ماخدها: مصطلح سودانى مستفز بمعنى متزوجها ولاتحبذه النساء عامة ويمدن قدومن دبر كل نطق به وهو من عامية عموم اهل السودان..
Post: #29 Title: Re: يااااااا بــنــــــــات !!! Author: Ishraga Mustafa Date: 04-24-2008, 10:18 AM Parent: #28
قصة صورنا المشتتة دي ممكن نرفع فيها قضية و نكسبها عادي واخير انت محتشم شوية لكن صورة اخوكـ فيها عنصرين ممكن يحظروا دخولي السودان والمنبر صورة عارية / سجارة غير واضحة المعالم
لحدي أسة ما عارف العلاقة شنو بين الحجلة والقلوب التي ترسم على الأرض.. أولون تانيون تالتون رابعون خامسون وفي سادسون يجر خطان متوازيان تستريح عندهما بعد رحلة التعب بين هاتيك القلوب .. الغريبة وعند كل فورة تستريح في هذا القلب وتقول (ده بيتي) إستراحة ثم تواصل رحلتك باحثاً عن قلب اخر تستريح فيه ويا ويل من يخطط حتى القلب (الخامس).. عييييبو لي الكمبلت ؟؟؟ عاينت في الصور المدرجة ولم أجد علاقة تربطني بهذه الشخصيات لا لوناً ولا فهماً ولا طعماً .. فأنا أخدرهم وانا اقلاهم فهماً وإن كنت أصغرهم سنّاً .. لعبت مع نفسي لعبة الإختلافات السبعة وسريعاً إستخرجت هذه الاختلافات بيني وبين خيرة رجال البورد في هذه الصور يبدو انا هذه الدينا وضعت صورتي كفاً للعين ودرءاً للشبهات فلا تجارينها يا معشر النساء !!!! غنا البنات ده يا نوبي لو تعرف هيبته وعزته وشموخه لخرجت له في انصاص الليالي حافي حالق وقدلة يا مولاي .. غنا البنات ده يا نوبي السهل الممتنع البت تكون قاعدة بتغسل في العدة في بمبر بالجنبة والطشت ما بين رغوة الصابون وبقايا دهن من حلّة مسكونة الأقعار وهي تدندن : انا عايزة لي عريس .. لازم يكون لبيس.. ومن هيئة التدريس..
البت الفي الهامش حيث لا ماء ولا نور ولا موبايل سوداني كان أم زين تتفقد حبيبها مرددة : ألمني سااافر وما كلمني حماده ده .. حماده بابو جمب بابنا وحماده بوووظ اعصابنا ..
بنات كل طموحهم في الراجل ان تصل حلاوته حد البسكويت محشي كان أم كرم أو حتى كمبال : ااااااااااااااي سمح انت وعسل انت .. ااااااااااي سمحة انت وبسكويت ... اااااااااااااي بركة الجيت بركة الجيت .. وبركة هنا لا علاقة له بحي العرب
بنات كل همهم الريدة والخوة : وبعد ما خلخلت قلبي فيني ما خليت مرووووة .. جيت تقوووول ..جيت تقول الريدة خوة .. خوة إيه بتبكي سيدا ..إلا دي الخوة الجديدة ..
بجيكم لسة كان ربنا هوون..
Post: #41 Title: Re: يااااااا بــنــــــــات !!! Author: احمد التجانى احمد Date: 04-25-2008, 00:33 AM Parent: #1
بعد اذنكم ياشباب دى مابفوتها
ياحليلنا نحن والله ممكن تحلف براحة انك ماقدامنا بدفعتين الساعة دى سواتش المونيوم ؟ الكيلو منها بكم عندكم بالله اقلاها نستفيد منكم وكدة واكون اديتك فرصة لتطبيق ماتؤمن به (الراسمالية طبعا)
Post: #44 Title: Re: يااااااا بــنــــــــات !!! Author: كمال سالم Date: 04-25-2008, 12:02 PM Parent: #1
دينا ,, جمعه جامعه إنشاء الله ,,
إتصلت بأبوساندرا طالبا منه الدخول لهذا البوست بالتحديد ( طبعا هو اليومين دى مقاطع سودانيز أون لاين ) إستجاب لطلبى ودخل,, لكن ضرب لى زعلان منك قال لى دينا دى قايلانى ( عجلاتى ) ولا شنو ,, قال سيرتو ماجبتيها مع إنو هو سيد الشئ ذاتا !!
تقول لي صديقتي في اختشاء وانا امد يدي نحونحرها في شوق الضباحين: (عزيز اوووعك ما تهبشني..)
ولما تحملة هذه العبارة من معاني متلتلة تستوجب الاعتذار من قائلها .. ولما كان هذا الحلبي المعنى بهذا الهبيش صديقي رغم المسافات ومساحات النكاف بيننا.. ولما كانت صاحبة البوست مشكوك في ذمتها وسلامةمقاصدها .. فانا اطالب باعتذار مُـنتخب لصديقي الحلبي ليس اقله (انا ما قاصدة بهذا الـ(تهبش) ما عنته صديقة دكين عند ذلك المذبح)..
Quote: بقى ان نقول انو البوست دا صيحة فى اذن تراجى مصطفى وامنة مختار واشراقة مصطفى ,,,,, تعالن فهناك من وحشتوهم جدا ,,, وهناك من هم سعداء بغيبتكن ونحن ما بين هذا وذاك بنقول ليكم يا بناااااات مالكن فى شنو ؟؟ طيب كلمونا بس .... فقد اصبح يا قول حسين ،، منبر لا يطاق !! تعالوا هذا بمثابة عرضحال .... فهل من مجيب !!
طبعا يا ناس البورد ده حيرتونا.. ناس يطردونا.. وناس ينادونا ؟!!
أنا غايتو قررت يا دينا.. انو تانى دخلتى للمنابر الاسفيرية السودانية ستكون للهزار..ولا شئ سوى الهزار.. خوفا من ( فقع المرارة ) الذى أشعر انه قد صار وشيكا
وهذا (الهزار) سيشمل أيضا المعابثة ( الخشنة ) لأن بصراحة من خلى عادتو ..قلت سعادتو
وبما انى واحدة من ( البنات والنساء السائبات) فى هذا المنبر.. سأحاول الاستجابة لندائك :
Quote: الله يسالك يا اساسى فى اغلد منك ,, خلى اللبط !
غايتو دى بالغتى فيها ..قولى ماشاء الله
العزيزة اشراقة :
Quote: امونة.... السمحة خلاااااااص اظنها خافت من عينى- شكلى سحارة!! بالغتى لكن يا امونة اهون عليك؟ طبعا ده شمار بتقال فى الزقاق الورانى البعيد شديد من ديوان الرجال ده!!
غايتو يا دكترة حظك كعب معاى...وخجلانة منك جد.. عارفة ده كلللو من كراهيتى للموبايل ..ربنا يعلم معظم الوقت بكون مرمى تحت المخدة أو منسى فى الشنطة.. على العموم الجايات أكتر من الرايحات ..
Quote: إتصلت بأبوساندرا طالبا منه الدخول لهذا البوست بالتحديد ( طبعا هو اليومين دى مقاطع سودانيز أون لاين ) إستجاب لطلبى ودخل,, لكن ضرب لى زعلان منك قال لى دينا دى قايلانى ( عجلاتى ) ولا شنو ,, قال سيرتو ماجبتيها مع إنو هو سيد الشئ ذاتا !!
ــــــــــــــــــ عزوز ؟؟؟ فرحت بالتعديل فى اخر مداخلتك للحد الذى لم يمكننى من فهم المداخلة نفسها... تصدق ؟؟!! ياسلام يبدو ان عقلك قد نضج تماما مع شمس السودان !! شوق شديد
قصة صورنا المشتتة دي ممكن نرفع فيها قضية و نكسبها عادي واخير انت محتشم شوية لكن صورة اخوكـ فيها عنصرين ممكن يحظروا دخولي السودان والمنبر صورة عارية / سجارة غير واضحة المعالم
الله لا كسبكـ يا براكة
يا خدر ... هو براكه غير المصايب قاعد يجيب حاجه ...؟؟
Post: #61 Title: Re: يااااااا بــنــــــــات !!! Author: Ishraga Mustafa Date: 04-26-2008, 09:51 AM Parent: #59
Quote: بجيكم لسة كان ربنا هوون..
انا غايتو مستنية جيتك يالفاروق كلامك الكتبتو عن غنا البنات ده عميق قرايتك ليهو وانت بتشمل بنات المدن والهامش عبر المتغييرات كيفنى وخلانى اسأل اسئلة كتيرة واصل لاتو عندى قول كتير ممكن ينفجر فى حتة تانية
رغم انو الموضوع عن {البنات}
------
يادينا انا صدقت انى بنت خليتينى اقوم افتش على فستانى بتاع قماش {الكرمبلين}- ده فى زمنكم انقرض-رغم انو مشروع الجزيرة نفسو انقرض وياحليل القطن طويل التيلة
-----
أمونة- قلتى لى عافية لى الهدايا؟!! يازولة انا بجيب ورق بس، جنى ورق رغم انو صاحبتنا نجوى ماقصرت من لملة الفتايل من يومها ساكنة فى حلة ريحة- الهدية كانت محاولة تجى هنا ترافقينا سنة سنتين رسلى لى الايميل- ايميلى فى البروفايل- ايميلك كان مخزن فى الهكروه علىّ
------
تراجى ووينك- والله البورد ده من غير حركتك مسييييييييييييييييييييخ!!
Post: #62 Title: Re: يااااااا بــنــــــــات !!! Author: عبدالكريم الامين احمد Date: 04-26-2008, 09:56 AM Parent: #61
Quote: والله يا عصام طلت مقلب لا خلقة لا اخلاق
اساسي انت
Post: #63 Title: Re: يااااااا بــنــــــــات !!! Author: عمر الفاروق Date: 04-26-2008, 10:07 AM Parent: #1
تعرفي يا إشراقة موضوع قراية الأولاد ده مسلسل طويييل الغرض منه الخوف من مجهول علاقة ما بنعرف معناها وعايز نحدد ليها فترة زمنية يب الرجااااااااااااالة كده وجوه عين البت !! الواحد مننا من قولة تيت بيقعد مع البت زي التقول عايز يشتري ليهو قميص ويفتح الله ويستر الله .. أول حاجة تلقي الواحد مننا بيبدا للبت قصص مأساوية تؤكد تحمله لمسئولية البيت وشايل البيت ومصاريف البيت وعشان ياخد نفس شوية دي اقل شي عايزة ليها 5 سنة لحدي ما اخوهو الصغيير يشيل منو شوية .. يقوم يضيف ليها سنتين تانيات عشان هو عايز يكمل الماستر وتبقى 5+2 = 7 سنوات !! معاها 3 سنوات عايز يكوّن فيها نفسو ليصبح المجموع 7+3 = 10 سنوات ليضع بعدها السؤال المباشر : أها بتقدري تنتظريني 10 سنوات ؟؟؟؟؟ كان بتقدري انا ما عندي مشكلة لكن لو ما بتقدري اي زول يروح في حالو احسن !!!! البنات بيحسبوها حسابات غير تماااااماً وبالرغم من إنو البت هي الأكثر تضرراً من مسألة الزمن وعامل السن تلقيها بالرغم من كده ما بترد ليهو رد قاطع وتقول ليهو لالالالا عشرة كتيرة بل تجديها تفكر جاااهدة معاك عشان تقصّر ليك مشوار العشرة سنين ده بينما تصر إنت على تصعيب المشورا بإضافة متاريس جديدة مفادها ما عندي بيت وبيتنا صغيير وما حا تقعدي مع نسيبتك و و و و و و.. نعم نحن مرات الأولاد بيكون فعلاً خايفين على البنات والواحد يظلمها معاهو وممكن عاااادي تنقضي التسعة سنوات وفي السنة العاشرة الواحد مننا ينط زي الما حصل شي مع عبارة بسييييطة: والله ماااااااااااا بي يدّي وبالجد انا بحبك وأييييي شي لكن الظروف !!!! معادلة يفتح الله ويستر الله في الارتباط صعبة خلاص والحل الجزري وقطع الفترة الزمنية حاااارة عشان كده نحن بنحاول نحمّلها للبت والواحد مننا بيقرّب يسجّل المكالمة البتكون دارت بخصوص الموضوع ده عشان بعدييين لو البت جقلبت في السنة التالتة تقوم تقول ليها : أحييييييييييييينا نسيتي كلامك داك ؟؟؟ اها هاك اسمعيهو !!! لسة باقي سبعة سنة !!! ماف ولد عايز يقرا وماف بت عايزة تقرا ده كلللو زوغان سااااااااي وعدم تحديد أهداف .. قسيييم ريدي تعال لي .. المنام فارق عيني.. تعال لي يا البلال ..تعال لي يا الحنان .. تعال ليّ وتعال ليّ مااااا تشمت الناس عليّ .. وقسيم ريدي تعال لي..
شوفتي همها صغمبروتي كيف ؟ كلللو إلا الشماتة بس تعال والباقي بتم .. هاجر كباشي كانت تطمئن من زاغ حبيبها قائلة : ما قال بجي ماااالو ما جا .. ما قال بجي انا في رجا ... بجي بجي بجي... كلمنا بجي ..أوعدنا بجي .. قال لينا بجي.. بجي بجي بجي ..بجي بجي بجي ..
(ما عارف ليي الحروف دي تحديداً لكن أذكر جيدا ترترة العروس وهي تشير بسبباتها لعيونها وهي مبتسمة في هذه الوصفة تحديدا )
ومسكينة التي طاردته حتى بعد زوغانه متعللاً بالحج والعمرة فلحقت به : بركب الطيارة .. ياليل .. انا بحدد مسارا...يا ليل.. وانا بخش السفارة .. يا ليل.. طالبة عمرة وزيارة .. يا ليل ..
وها هي تشكو للعمّات والخالات الصدمة التي أصابتها من زوغة المحبوب : امااااااانة ما إتلومتي .. مالك علي طولتي.. الليلة يا الخلالات ..الليلة يا العمات .. حصلن علي صدمات .. راجياها وهي ما جات .. ما كملن الساعات .. وشوفوا الزول أكان فات ..
الليلة يا جيراني الليلة يا حباني .. ألمي القديم ما جاني ...
ياخ البنات ديل مسكينات حتى أحزانهن بيعبرن عنها بي الغنا والغنا البسيييط وبالرغم من إنو حزن بعد ده كلللو بيستخدموهو في أجمل مناسبة في العمر وهو رقيص العروس ..
تخريمة : يا أمنة مختار زولتك دي عايزة ياتو نوع من غنا البنات ؟ انا معاها من يسلملي خال فاطمة لحددددددددي جك جررررك سحبو منّي تاني جوة الجك سبحو منّي ..
Post: #64 Title: Re: يااااااا بــنــــــــات !!! Author: Ishraga Mustafa Date: 04-26-2008, 10:30 AM Parent: #63
ياعمر شكرا والله
القلتو ده ضمن مايشغلنى فى الموضوع ده
لكن تعال شوف {الحب فى زمن العولمة}
..........
غنا البنات الزار الطمبرة كلها دروب بتحاول النساء من خلالها التنفيس عن نفسهن دى دروب لتعزيز الذات
قصة الحب دى عجيبة انا انتميت لجيل كان بيؤمن ب { العشة الممكن نبنيها قشة قشة} ولمن العشة اتبنت كان قش الحب اتحرق معادلة صعبة جدا.... الثمرة الفيها انو الزول يكون عاش حبو زى ماحساهو- تبكى- تغضب- تزغرد- ترقص وانت باكى- تغنى وانت شاهق كلو بينتمى للحياة- لقد انتميت لها يوما تماما!!
طبعا ماعاوزة اخرب سير الموضوع عشان كل ده ياعمر بيرتبط عندى بالسياسة عشان كدى قلت ليك الموضوع دة ممكن افجرو معاك فى حتة تانية...... شوف بالله لغة التفجيرات دى- لاحولا ولاقوة الا بالله- جيل صعب يا اخوى نحنا { انت صغير وجاهل} ده انا فى الحسبة كان ما امك اختك الكبيرة بمزاج- حتى اسأل عصام جبرالله خليهو يجىء يقول هو أصغر!!
واصل عليك الله خليتنى قمت شغلت لى أغنية اشركك فيها
Post: #65 Title: Re: يااااااا بــنــــــــات !!! Author: عمر الفاروق Date: 04-26-2008, 11:18 AM Parent: #1
Quote: لكن تعال شوف {الحب فى زمن العولمة}
الحب في زمن العولمة وصل مزاحمة البنت لأختها ناهيك عن صديقتها : بختي .. بختي يا اب شرا .. بختي إن شاء الله راجل أختي .. يا ابشرا ..
وبي الضرا بي الضرا يا اب شرا .. بي الضرا إن شاء الله راجل مرا ..
وماااا أدراك ما راجل المرا وهي تغويه وتستدرجه حتى الصالون : انا بنادي في الصالون .. انا بشربو الليمون .. وانا بجيبو بي القانون.. وهيييي مقددددددّرا ..كدي الدكوة حلوة حلا ..
ثقافة الزواج العرفي الحالية ومصطلحات مثل (المساكنة) ساقت غنا للبنات للحتة دي وده كلو في باب العولمة ..
بالمناسبة وعلى ذكر العولمة التي إجتاحت السودان بنات الأقاليم اللي لسة ما جو العاصمة محافظات جداً على بساطة التعبير في الأغنية البنوتية بعكس الإقليمية التي تأتي من الجامعة للبلد محاولة تثقيف الناس فنيّاً بأغاني بنات العاصمة الطالعة موضة .. حتى وقت قريب سمعت إحدى الإقليميات تمسك الدلوكة وحولها باقي البنات يرددن : يا حسبو يعاين لي شتت قصبو يعاين لي.. حمارتو عارت يعاين لي ..فنيلتو طارت .. يعاين .. وريالتو سالت بعايين لي.. يا حسبو ..
الكلام ده بيشبه كلام ناس الحقيبة الزمان لمن بيقول ليها يوم ما رأيتك فاض قلبي السعادة وفي محراب جمالك واليت العبادة ..
كل زول بيعبر عن شوفو حسب بيئته وحسبو ما عندو غير يرمي القصب والهبوب تشيل فنيلتو في الحواشة بينما تسيل الريالة وهو فاقر فاه (حلوة مش حكاية فاقر فاه دي ؟ )..
Quote: الزار- دى دروب لتعزيز الذات
هييييييييييييييييه يا إشراقة ده موضوع كمان عجيييب جداً المرأة عندنا في السودان بتتناوله بي طريقة ما بتشبه حق الناس .. الزار أي نعم فهموهو لينا إنو حالة تخاطب مع الجن والحضرة وما أدراك ما السفلي لكن عند نسوانا فهم غير .. الزار هو تجمع لقبيلة النساء دون بطاقة دعوة او كرت أفراح .. الباب الصغيير البيدخلك لي حوش النسوان وهن يأتين من كل فجّ عميق يتبعون أنوفهم إلى رائحة ذلك البخور الذي لا يوقد إلا للزار بينما اخريات فقدن حاسة الشم وأرخينا الإضنين حتى يصلن لذلك المنادي الذي ينادي : دقووووووولك يا بشير .. شن قولك يا بشير.. وبين هذا وذاك لابد من إشراك نعمة البصر في هكذا موقف للبحث عن (ست الزار) صاحبة التوب الأحمر ولازم تكون سمينة فالزار ليس للضعاف !!! اليوم داك يباح السجاير دون إستحياء وتتعلل الكثيرات بي إنو الزار جاهم وليس هناك لا زار ولا يحزنون ولكنها الفرصة .. الأجمل إنو الزار دوماً ما يعجب الفتيات وتجديهن الأكثر فرحاً به ويشغل حيزا كبيرا من الونسة والإعجاب بتلك المرأة التي نزلت وطلباااااااااااااااتكم يا اولاد ماما فتجد منهن التجشيع بين مصفّرة ومصفقّة وضاحكة والكل يردد: تمااااااااااااااام ...تماااااااام ..تمااااااااااام .. لاحظت في هذه الأيام تغليف الزار داخل حفلات الأعراس وما أن تغني الفنانة في حنة عريس أو صبحية أغنية إيقاعها إيقاع الزار حتي وتجدي جميع النساء يلتفتن لإمرأة بعينها ويلتففن حولها مدّعين أن الزار قد أتاها وتتحول الأنظار فتستجيب هي وتأتيها الحضرة فتكشف عن شعر رأسها منزلة التوب ومتبلمة به على وجهها وواضعة يدها على ظهرها من الخلف إيذاناً ببدء النزول ..
Quote: قصة الحب دى عجيبة انا انتميت لجيل كان بيؤمن ب { العشة الممكن نبنيها قشة قشة} ولمن العشة اتبنت كان قش الحب اتحرق معادلة صعبة جدا.... الثمرة الفيها انو الزول يكون عاش حبو زى ماحساهو- تبكى- تغضب- تزغرد- ترقص وانت باكى- تغنى وانت شاهق كلو بينتمى للحياة- لقد انتميت لها يوما تماما!!
حب زمان ده والله شهوني فيهو خيلاني يا إشراقة .. كانوا ريّادييين والواحد منهم يشهيك في الريدة ..باب الدولاب مكتوب فيهو : أكثر الناس إحساساً بالعذاب أشدهم إحساساً بما هم فيه .. في الذاكرة فستان الماكس والباروكة وولبان ماكس مع طق ..طق ..طق ..وإنتظار نهاية الحفلة حتى يبدأ الخلط الصباحي ورحلة توصيل المحبوبات .. الزمن ده إنتهت فيهو القصص العجيبة ديك حقت ناس بحبها ليهو عشرة شنة وادتو شاكوش ورفض العرس وفلانة ديك بالرغم من انها عرست لكن لو شافت هناي داك قلبها يسوي شحححححح.. أعرف من قصص زمان يا إشراقة نساء الواحدة منهن لو رأت إبن محبوبها في الذي لم تتزوج به وتزوجت باخر حين رؤيتها لهذا الطفل تحضنه دونما إستحياء وتقول : تعااااااااااااام لي أمك يا ولد .. ..
تخريمة : غايتو يا دينا عايزة ليك عضّة في العصبة الخامسة ورّطينا وزوغتي
Quote: أمونة- قلتى لى عافية لى الهدايا؟!! يازولة انا بجيب ورق بس، جنى ورق رغم انو صاحبتنا نجوى ماقصرت من لملة الفتايل من يومها ساكنة فى حلة ريحة- الهدية كانت محاولة تجى هنا ترافقينا سنة سنتين رسلى لى الايميل- ايميلى فى البروفايل- ايميلك كان مخزن فى الهكروه علىّ
العزيزة اشراقة.. كان ورق أمرو هين.. برسل ليكى الايميل واعملى سكان ورسلى..
أنا ... هنا ... لأعلن فرحي بهذا الموضوع ... وتلك ... الدينا وهؤلاء الناس الميامين ... يسكبون جلاءآتهم وخباياهم ويعيدون إخراجهما على سبيل الدعابة ... أو الشغب , أو مظنة التواصل تحت خيمة { تآلف محتمل } للمشاعر السودانية, أو ... هكذا أرى الإسفير.