Post: #9 Title: Re: عادل الصديق .. يابنيه مالكي.. أديني شبالكي Author: ahmed khidir Date: 04-24-2008, 01:32 AM Parent: #8
يا سلام عليك يا عزيز كما عهدناك دائما التحية عبرك الى الفنان الجميل عادل الصديق ومزيدا من التواصل والابداع
احمــد خضــر
Post: #19 Title: Re: عادل الصديق .. يابنيه مالكي.. أديني شبالكي Author: عزيز Date: 04-25-2008, 09:32 AM Parent: #9
صديقي الحميم وأخي الجميل أحمد
الشوق كتر من آخر تواصل أطنان
كيفك بين الحل والترحال؟؟
عادل فى كل يوم يحملني جميل قدر فيكيني فخراُ وعزاً بأنه جمع بيننا فى محبة صادقة..
الوعود بيننا تتمدد واللقاء حتمي بأذن الله..
سلم لي علي أميرتنا ومالكة قلوبنا وبوسات كتاااااار شدييييييييييييد ليها من عمو عزيز..
وعايز تلفون الفنان الجميل أسامة الشيخ لأنه تلفونه القديم لا يجمع معي..
نسمع صوتك ياحلو
موده وأمنيات صادقة
عزيز
Post: #10 Title: Re: عادل الصديق .. يابنيه مالكي.. أديني شبالكي Author: Sabri Elshareef Date: 04-24-2008, 04:26 AM Parent: #1
الا خ عزيز لك السلام الاغنية ما شغاله هل يا تري المشكلة خاصتي او عامة
Post: #16 Title: Re: عادل الصديق .. يابنيه مالكي.. أديني شبالكي Author: عزيز Date: 04-24-2008, 11:06 AM Parent: #10
الأخ العزيز صبري
مودة وتحية
الأغنية شغالة وعند فتح البوست بشكل تلقائي..
كدي شوف مشغل الميديا عندك وحاول أعمل ليه أب ديت ربما كان هو السبب
وأستمتع معنا بهذا الجمال
أمنياتي
عزيز
Post: #11 Title: Re: عادل الصديق .. يابنيه مالكي.. أديني شبالكي Author: وضاحة Date: 04-24-2008, 06:18 AM Parent: #1
عزو
والله الاغنية لذيذة وتخلى الزول يرقص فى كرسيه
لكن بعيد عنك قالوا هنا فى المنتدى دا البتمد راسة علشان تدى شبال بقطعوا ليها طوالى
وبقولوا عليها بت فاكة
الله يحمينا شر القوالة اها بدى الكى بورد شبال فيها حاجة
Post: #12 Title: Re: عادل الصديق .. يابنيه مالكي.. أديني شبالكي Author: malamih Date: 04-24-2008, 08:11 AM Parent: #11
التحية للفنان عادل صديق
وهو يستحضر أغنية ( يالبنية مالكي) للراحل المقيم أبراهيم
موسى أبا.. وأبراهيم موسى أبا عرف بتقديم لونياته الخاصة عن الفن
الكردفاني .. وسمعت من أكثر الموسيقيين السودانيين بأن أعمال
موسى أبا صعبة الأداء لا يعزفها إلا أمهر الموسيقيون..
ومنها البنية مالكي ماثلة البوست ...
آلاف الرحمات تنزل على قبر الراحل المقيم إبن كردفان إبراهيم موسى أبا
Post: #13 Title: Re: عادل الصديق .. يابنيه مالكي.. أديني شبالكي Author: خدر Date: 04-24-2008, 08:45 AM Parent: #12
يا عزو سلامات سبقتني والله باللبوست .. كنت ناوي احكي عن عادل في بوست تاني عموما البوستات واحده و بجيكـ بي رواقة كيفكـ و كيف الاهل بطرفكم
Post: #14 Title: Re: عادل الصديق .. يابنيه مالكي.. أديني شبالكي Author: الجندرية Date: 04-24-2008, 09:00 AM Parent: #13
سلام يا استاذ خطاب شكراً على هذا العود الرنان والصوت الفخيم
يا خدوري خلاص اخونا خطاب سبقك بالبوست الحقنا بلنكات ايها
Post: #25 Title: Re: عادل الصديق .. يابنيه مالكي.. أديني شبالكي Author: عزيز Date: 04-28-2008, 10:04 AM
أخت الزمن السمح وكل الأزمنة
يارفيقة النت أيام الناس كانت صحبه حلوه..
مودة وسلام ليك ولصديقي العزيز دكتور أسامه..
كان خدوري مارسل ليك اللنكات أنا سأتكفل بها ..
كامل إحترامي
عبدالعزيز خطاب
Post: #24 Title: Re: عادل الصديق .. يابنيه مالكي.. أديني شبالكي Author: عزيز Date: 04-28-2008, 10:01 AM Parent: #13
Quote: يا عزو سلامات سبقتني والله باللبوست .. كنت ناوي احكي عن عادل في بوست تاني عموما البوستات واحده و بجيكـ بي رواقة كيفكـ و كيف الاهل بطرفكم
خدوري
سلام ليك وللحلوين
عرفت من الأخ الصديق عادل الصديق بأنه سعد بمحادثتك ..
تعال أحكي لمعجبيه عن رقة وروعة إحساس عادل الفنان الأنسان.
عزيز
Post: #23 Title: Re: عادل الصديق .. يابنيه مالكي.. أديني شبالكي Author: عزيز Date: 04-28-2008, 09:57 AM Parent: #12
Quote: التحية للفنان عادل صديق
وهو يستحضر أغنية ( يالبنية مالكي) للراحل المقيم أبراهيم
موسى أبا.. وأبراهيم موسى أبا عرف بتقديم لونياته الخاصة عن الفن
الكردفاني .. وسمعت من أكثر الموسيقيين السودانيين بأن أعمال
موسى أبا صعبة الأداء لا يعزفها إلا أمهر الموسيقيون..
ومنها البنية مالكي ماثلة البوست ...
آلاف الرحمات تنزل على قبر الراحل المقيم إبن كردفان إبراهيم موسى أبا
الأخ الفنان ملامح
مودة وسلام..
ملامح مداخلتك تفضح جمال ذوقك وسعت معرفتك فى مجال الفن والفنون
والمتتبع لمسيرة مبدعين بلادي لابد وأنه مبدع..
حقاً الفنان الراحل المقيم موسي أبا كان متفرداً وكان فناناً مطبوع بالموهبة وصاحب ملكة صوتية فريده
أتى للعاصمة وهو يحمل معه إرث فني واضح الملامح جميل المعاني متفرد الأيقاع والموسيقي
رحل وهو يترك لنا ميراث جميل أتمنى معك أن يكون يوماً محل دراسة..
عادل الصديق عندما تغني بهذه الأغنية كانت مرادفة لأغنية لصديقة الفنان عباد الجوهر وكان ذلك فى جلسة إستماع أحب عادل أن يدلل علي المقامات العربية فى أغنية كردفان وخاصة أغاني الفنان الراحل المقيم موسي ابا ..
ستكون الأغنية المشار اليها هي عنوان البوست القادم حيث ستكون حاضرة البوست أتمني أن تستمع إليها وتفيدنا فى مداخلة نستفيد منها جميعاً
مودة صادقة
عبدالعزيز خطاب
Post: #22 Title: Re: عادل الصديق .. يابنيه مالكي.. أديني شبالكي Author: عزيز Date: 04-28-2008, 09:46 AM Parent: #11
الأخت الكريمة وضاحة
تحية ومودة وتقدير..
لك عظيم الثناء علي جميل مداخلتك .. وشبالك وصل الأخ الحبيب عادل الصديق وزاده تطريباً
سأنزل المزيد من هذا الجمال.. والوعد منك .. تنوري الدائرة وشبالات تلهب حماسة المطرب
صادق الأمنيات
عبدالعزيز خطاب
Post: #15 Title: Re: عادل الصديق .. يابنيه مالكي.. أديني شبالكي Author: Abu Mariam Date: 04-24-2008, 09:22 AM Parent: #1
يا سلام عليك يا دُولي
شكرا يا عزيز
المقام ده يستعمل كتير في الالحان الكرفانية وهو يسمى في الموسيقى الشرقية بالكُرد
وهو داير مُجودين زي عادل ده، عشان يأديهو طعمه
في مرة كنت اتحدث مع دكتور بولا عن الالحان الكردفانية وفنانيها
قال تعليق لازالت اذكره جيداً،،، قال
أبراهيم موسى أبا ده، كان اتكلم ساي تسمع ارباع التون و نبرة كردفان الشرقية
Post: #21 Title: Re: عادل الصديق .. يابنيه مالكي.. أديني شبالكي Author: سارة عمر Date: 04-25-2008, 02:21 PM Parent: #1
عزيز العزيز
شكرا علي عادل/الهدية بالجد الشمع كتر والاضنين صنوا ياريت تنزل لينا اغاني تانية ولو عندك فلق الصباح حتكوووووووووووووون رووووووووووووووعة في انتظارك ما تتاخر علينا
Post: #27 Title: Re: عادل الصديق .. يابنيه مالكي.. أديني شبالكي Author: عزيز Date: 04-29-2008, 09:15 AM Parent: #21
Quote: عزيز العزيز
شكرا علي عادل/الهدية بالجد الشمع كتر والاضنين صنوا ياريت تنزل لينا اغاني تانية ولو عندك فلق الصباح حتكوووووووووووووون رووووووووووووووعة في انتظارك ما تتاخر علينا
الكريمة الأخت ساره
التحية وود
طلبك أمر ولا نستطيع غير أن نلبية بكل إحترام وتقدير
سأنزل المزيد من الأغنيات بصوت الجميل عادل الصديق..