تعرف انني لم اتهنأ بكل الغناء الجميل منذ فراقنا سماعه كاف ليتلبد سماء القلب بغيوم الدمع
ولكن ديمة ( معــاك ) تسح منذ مساء البارحة ولن تكف لن تكف يا ابن امي حتى تسمعني اياها بعزفك الذي اعرف الذي تعرفه ورود طربي التي تفتحت عليه ليحل ربيعي وتكون ديمة ( معــاك ) (عينة الخرسانة) والايذان بنهاية خريف الفراق
في تق في تقديري هو ان الباب قد لا يفتح للمبدع من أول مرة ولكن بالمثابرة تفتح له الأبواب التي أغلقت دونه، خاصة في عصر ما عاد يلتفت الي أعراف المهنة المتوارثة ويظهر علي السطح كثير من الأدعياء بفعل آلة الإعلام التي تضخ أعمالها ليل نهار علي أعين ومسامع المشاهدين دون اي مصفاة تسمح بالجيد منها، وما أقله، وتمنع الرديء وما أكثره،
تعرف اسامة لم يسعى لتلك الابواب قط تعلم العزف ليمتع نفسه التواقة للجمال ويمتعنا نحن ناس البيت اذكر اوقات العصاري وبعد لمة الغداء في البرندة دندناته وطارق حتى يشاركنا عامر ووليد ابناء الجيران الذين يفصلهم عنا الزقاق وعندما يحل العيد العيد الذي تخطفته المطارات عندما يحل العيد ويجتمع مدثر ود خالي ( كمان) واسامة ( عود او جيتار او اكورديون ) وطارق ( هارمونكا ) ومحمد بصوته ذاك يا سلاااااااام ميييين زينا وهل من عودة هل ؟
Post: #6 Title: Re: معــــــاك يا ......... Author: امل احمد عمر Date: 04-22-2008, 05:08 PM Parent: #1
معاك يا .................. (كتبنا بالحبر السري)
وتعودي بالفرح الاصيل .. وتركي بي في حضرة الزمن الجميل
غايتو الله يجازي العلمك تنزيل الغنافي البوساتات .. لي وجع قلبنا نحن
بعد ما اتجرست وخلصت ووعيت اكتشفت اني ما سمعت الغنية دي نهائي
تسلمي امونة .. وسلام لي اسامة وجمع شملكم يارب
Post: #19 Title: Re: معــــــاك يا ......... Author: الجندرية Date: 04-23-2008, 05:31 AM Parent: #6
امول صباح الخير
Quote: معاك يا .................. (كتبنا بالحبر السري)
حقو اجيب مكوتي اختها في ورق البوست دا
واصبح واطاتك
Quote: بعد ما اتجرست وخلصت ووعيت اكتشفت اني ما سمعت الغنية دي نهائي
سعادتي اتضاعفت باني عرفتك على الاخت ياخ دي من اجمل جميلات عركي
شكراً يا امولة
Post: #20 Title: Re: معــــــاك يا ......... Author: الجندرية Date: 04-23-2008, 05:48 AM Parent: #19
امولة تاني
ياختي قبيل نسيت موضوع الدعوة دي
Quote: غايتو الله يجازي العلمك تنزيل الغنافي البوساتات .. لي وجع قلبنا نحن
اعملي حسابك قالو الداعي مدعي يعني الدعوة بترجع لي سيدها لوووووووووووووووووول كدا تكوني دعيتي روحك مرتين يا اشطر معلمة نجحتي في الفشل فيه تمبس وخالد الحاج وباقي الفطاحلة وسلامة قليبك الانضر
Post: #7 Title: Re: معــــــاك يا ......... Author: Adil Osman Date: 04-22-2008, 05:34 PM Parent: #1
معاك يا عينة الخرسانة. عينة الجلبت خريف. شكرآ يا جندرية. تتلاقوا فى ساعة خير.
الاستاذ الطيب شكراً على المرافعة العصماء لكن كنا داخرنا لوقت نحتاجه فيه فعلاً باقي ناوين ندخل سوق البزنس مع ناس نادر وشكلها حكايتهم دي داير محامين شطار
Quote: معاك ببقى الزمان حاضر بجي العالم قريب مني و يكون أجمل
بعيد منك بموت صوتي و يغيب فرح الزمن يكمل
هواك مد الأفق جواي رسم قامة الشمس أطول و خلاك أخر المرسى و كأنك نجمي من أول
هواك لاقى الوطن جواي رجع صوت الحواري يحوم بقى الزمن الجديد أخضر و رنت ضحكة الخرطوم..
نعس جرحي القديم و ارتاح عرف رمش الليالي النوم
و غسل نبعك ملح دمعي و انزاح الظلام مهزوم
معاك يبقى الزمن حاضر
معاك رجع الصفا الصداح من الهجرة و اتكتبت على الأبواب معاني النظرة لبكرة همد موج الحزن و غابت حرقة الذكرى وأصبح يقيني معاك هوى و إلفة و جمال فكرة
معاك يبقى الزمان حاضر أحبك أحبك تدي لعمري الأمان و ترجعي الشمس النست عمر الزمان و تعودي بالفرح الأصيل و تسافري بي من فوق وهاد المستحيل و تركي بي في حضرة الزمن الجميل و أحبك أحبك أحبك
Post: #22 Title: Re: معــــــاك يا ......... Author: Abomihyar Date: 04-23-2008, 06:48 AM Parent: #17
الله في يا أماني
بنتلاقى إن شاء الله..
الصورة دي كانت أمس في إحتفال الثقافات المتعددة في كلية كيركود.
Post: #23 Title: Re: معــــــاك يا ......... Author: خدر Date: 04-23-2008, 07:12 AM Parent: #22
والله انا عاجباني صحبتكم دي كيف اشمعني اميرة طيب بتهرشني دايما
_____ لنكـ الحفظ يا جندورة بلييييز
Post: #39 Title: Re: معــــــاك يا ......... Author: الجندرية Date: 04-24-2008, 11:55 AM Parent: #23
Quote: والله انا عاجباني صحبتكم دي كيف اشمعني اميرة طيب بتهرشني دايما
خدوري يعجبك السمح
اميرة بتكون هرشتها انت زمان لمن شبعت عشان كدا هسي بيتسدا
لكن ود امي حبيبي دا ولد ديموقراطياً وعاش ديموقراطياً وسيبعث كذلك الله يخليهو لي ويهديك انت تبطل تهديدك
لنك الحفظ قرررررررررب باقي ستة سنين بس
Post: #35 Title: Re: معــــــاك يا ......... Author: الجندرية Date: 04-24-2008, 08:19 AM Parent: #22
Quote: بنتلاقى إن شاء الله..
اسامة ود امي الحي بيلاقي ربنا يحفظك ويجمعنا في ساعة خير لكن اهو شهدت عليك ناس البورد ديل ما تقول لي معـــاك دي والله ناسيها ولا ما اشتغلت عليها كويس طالباك ليها وادينا كتبنا الدين بشهادة
عاين بنتلاقى دي تجيب ليها الاكوردين من ابو جديري ومعاهو يوسف ياسين ونطلع ليها الترس عديل كدي
امي فرحت بالصورة شديد وقالت لي لكن وليداتو وينهم ؟ وطبعاً شغالة قول هو الله احد من عين كل حد وياقول امك امنة يا عيوني ما تسحرو بطوني
والتعويذ من امس ما وقف
Post: #36 Title: Re: معــــــاك يا ......... Author: الجندرية Date: 04-24-2008, 08:28 AM Parent: #22
كر علي يا الممكونة هو ما معاكم ؟ فرق الوليف عصرتو للحجار
ربي يجمع شملكم وتستمعتو بالغنية سوا
شكراً على الطلة العزيز مقدارها
Post: #37 Title: Re: معــــــاك يا ......... Author: مريم بنت الحسين Date: 04-24-2008, 09:40 AM Parent: #1
Quote: عايني
اخبار الناقط كيف ؟
انا نقاطي خليته، بقيت متابعة حق نادر، رامي رمي صاح... ونتقسمه النص بالنص 70% 30% لمريم ونادر على التتابع
بنت الحسين
Post: #55 Title: Re: معــــــاك يا ......... Author: الجندرية Date: 04-26-2008, 09:00 AM Parent: #37
ونتقسمه النص بالنص 70% 30% لمريم ونادر على التتابع لوووووووووووووووووول غايتو يا مريومة القسمة دي حتبقى عادلة في حالة واحدة بس انك تستثمري القصة دي في اكتشافاتك الزمان ديك بتاعت المقشاشة العجيبة والالة بتاعت حنة الاصابع وكمان شوفي لينا واحدة لي حنة بطن الكراع اشكال والله الايام دي محتاجة ليها بشكل ولا محمود قطع ليك عبقريتك في راسك ؟
Post: #38 Title: Re: معــــــاك يا ......... Author: Safia Mohamed Date: 04-24-2008, 09:45 AM Parent: #1
اماني ازيك شوق بالكوم
يا اختي انا بس بقت علي البياكل على الوصف لا سمعت لا شفت حاجة منهن اها دي بحلوها كيف
ما عارفة المشكلة في جهازي ولا اميتي الالكترونية
غايتو سلام ليك ولابومهيار ولكل المتداخلين والمتداخلات لحدي ما نسمع/نشوف
صفية
Post: #56 Title: Re: معــــــاك يا ......... Author: الجندرية Date: 04-26-2008, 09:21 AM Parent: #38
صفو عروس الجنا
خيرك ما دنا ؟ معقول لحدي هسي ما سمعت حاجة ؟
عايني حبيبة القسا
كان غلبتك الحيلة برسل ليك الاغنيةوالصور في الايميل
ازيك يا دكتور شوفتك ولا هلال رمضان لا لا الهلال دا ما كل شهر الكل ستة سنين شنو ؟
Quote: ممكن يكون ده الوالد ومعاه أسامة والبي جاي دي إنتي..ولا شنو!..
دا اكيد اسامة الباقين ديل شنو لوووووووول الصورة لعمي محمد علي الله يرحمه واسامة الصغيرون دا يا عمر او بتول اختي
أنا اصغر مما تتخيلون يا قماعة
Quote: أها أنا عايز أقول ليك عندي فيديو بغني فيهو الأخ أسامة في إيوا.. بس ماتقولي ليا نزلو.
انت شغال معانا طواااااالي يا دكتور "ما تقولو لي وما تسالوني" ،من زمن لقاءات ابو فاطمة ديك متذكرها ؟ لكن هسي دي نحلها كيف ؟ طيب رسل لينا حقنا ناشف في البوسطة وبنتصرف
طلتك والله طربها يعادل الطرب بمعاك زاتو تسلم كتير
Post: #57 Title: Re: معــــــاك يا ......... Author: الجندرية Date: 04-26-2008, 10:05 AM Parent: #41
انت لساك جديدة وما عارفة شهر 2 دا اناكنت غاطسة في ياتو حلةكمونية خلتني ما اشم ريحة دخلت
مليون مرحب وشكراً ليك على الدعوات ربك يتقبل ان شاء الله
Post: #58 Title: Re: معــــــاك يا ......... Author: محمد عبد الماجد الصايم Date: 04-26-2008, 06:47 PM Parent: #1
مُـشــتاقــون يا ......
Post: #63 Title: Re: معــــــاك يا ......... Author: Maha Bashir Date: 04-28-2008, 04:35 PM Parent: #58
حلآلآلآلآلآلاتكم يا أماني واسامه... مودتي ليكم
وبالله زي ما قالوا الجماعه القبلي الاختراع الاسمه لنك الحفظ كيف يعني تنسيه مهـــا
Post: #66 Title: Re: معــــــاك يا ......... Author: salma subhi Date: 04-29-2008, 08:01 AM Parent: #63
الأخت الجندرية....
جعل الله داركم عامرة بأهلها وبالمودة والسعادة...
تقديري
Post: #67 Title: Re: معــــــاك يا ......... Author: مطر قادم Date: 04-29-2008, 09:06 AM Parent: #66
اسامة والله ايام يازمان فقد تحرك ركبنا لحضور حفل زواجك البهي برفاعة العام1989تراث ومعاوية واناوكانت تخيفنا المعدية وامضينا اسبوعا كاملا معكم عشرون عاما الاقليلا. وحينما كنت اتردد عليك كثيرا في مقر عملك بوزارة الشئون الاجتماعية او جامعة افريقيا لنتجه بعدها لابو الدفاع بالفتيحاب او طارق بالثورة وفي معيتك العود واغنيات كثيرة الا انه اكثر مايطلبه المستمعون هي تلك الاغنيات الخالدات في جدار الروح الاول.كزهرة في اقحوانه.مشتاقين يا اسامة والله يجيبك وفي امان الله
Quote: اسامة والله ايام يازمان فقد تحرك ركبنا لحضور حفل زواجك البهي برفاعة العام1989تراث ومعاوية واناوكانت تخيفنا المعدية وامضينا اسبوعا كاملا معكم عشرون عاما الاقليلا
شفت كيف يا مطر ؟
بعد اقل من عشرة ايام سيحل عيد ميلاد مهيار الثامن عشر تصدق ؟ وانا لسه زعلتي من تضيع فاصل كامل في حفل عرس اسامة عشان اسوي عشا الفنان ما راحت لس جيدن شفناك يا مطر وربنا يجمع شمل الجميع
لا اشتهي ان بقى في العمر ساعة سوى ان ادلف تحت توب محنتك لثواني كل ما اسمع يا تيسير ريدة الحمامة لي وليدها اتذكر ايامنا ااااااااايه يا تيسير هل ستعود ، هل سنعود ؟ وتسمعيني بصوتك ذاك وعزف اسامة اذكري ايام صفانا ؟ لم انس ايام الصفا وصادح صوتك ، ووافر محبتك التي ما عرفت مثلها قط.
Quote: حرام عليكم الشوق قتلنى
تشرقني الدمعة يا تيتا وتعرفينها دمعتي حين تسح يوقفها الجليل تاني