Post: #1
Title: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-21-2008, 10:29 PM
د كسلا وصف إتحاد الكرة السودانى بأنه يصنف الناس ( مع أو ضد ) وذى ما قال إذا واحد إنتقد الإتحاد العام فهو ( ضد ) وكمان قال الجماعة منتفعين بمميزات الكراسى الجالسين عليهامن سنين وفى كل دورة بترشحوا للإنتخابات وكمان عارفين إنه الدولة عندها أولويات فى الصرف وليست الكرة من بينها فى الوقت الحالى والكلام ده قادة الإتحاد عارفنوكويس لأنه فى نفس الكراسى من عشرات السنين يعنى مش جديد أو مفاجئ لهم لذلك عليهم الجلوس والبحث عن مصادر للتمويل ومافى داعى كل مرة تظهر أسطوانة الدولة مابتدعم وده كلام المقصود منه الهروب من المحاسبة وقال اللوم على القواعد الرياضيه لأنها إختارت ناس بدون برامج لذلك فلا لوم يقع عليهم لأنهم أصلاً بدون برامج وبالرغم من ذلك هم محل إحترام لأنه جاءوا بإنتخابات
وكان بعده الرد العصبى والغير مقنع والذى لم يغطى كل المداخلة من الدكتور معتصم جعفر نائب رئيس الإتحاد والذى بدأ النقه تحت تحت (إثناء مدخلةالدكتور) مع مقدم البرنامج كابتن عمر النقى ويبدو أنها كلمات تذمر من المداخلة
|
Post: #2
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: malamih
Date: 04-22-2008, 06:02 AM
Parent: #1
مرحب بيك يا حواتي ..
وكنا نتمنى أول بوست لك في غير الرياضة..
أصلو المنبر ميل ( كورة + دين ( شيعة + وهابيون + صوفيون)
المنبر محتاج رفعة ثقافية أو فنية أو إقثصادية أو هشام هباني..!
|
Post: #4
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-22-2008, 06:09 AM
Parent: #2
malamih
تحياتى وشكراً للمرور لكن الواحد لازم يســخن بالرياضــه
وطبعاً دى من عمليات الإحمــاء
|
Post: #3
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-22-2008, 06:04 AM
Parent: #1
الدكتور كابتن/محمد حسين كســلا ـ
الآن عضو بلجنة تحويل اللاعب الهاو
الى محترف بإتحاد الأمارات
وبالرغم من كــده كان رد معنصم جعفر !!!!!!!!!!
|
Post: #5
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: مأمون
Date: 04-22-2008, 06:48 AM
Parent: #3
سلام
في تقديري أنها مداخلة شترا... خارج السياق، شغل تصفية حسابات...
|
Post: #6
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: على محمد على بشير
Date: 04-22-2008, 07:25 AM
Parent: #5
لا كرامه لنبى فى بلده
الدكتور محمد حسين كسلا بيعتبروه الاماراتيين فلتة زمانه
سوى ان كان لاعبا او اداريا
وهنا معتصم جعفر بيسلخه نهارا جهارا لمجرد انو ابدى وجهة نظره
تخريمه : -
فى نهائيات ابطال افريقيا التى لعبها الهلال امام الاهلى وتعادل فى الخرطوم
وخسر فى القاهره .. كان محمد حسين كسلا مساعدا لمدرب الهلال البروف كمال شداد
|
Post: #7
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-22-2008, 10:28 AM
Parent: #6
شكراً أخى/ على محمد على بشير
طبعاً سمعت خلال البرنامج رد معتصم جعفر لدكتور كسلا (أن عهدكم لم يكن به أية إنجازات)
طبعاً من إنجازات ناس معتصم جعفر إنه المنتخب لم يحرز هدف واحد خلال الإعداد أو بطولة
أمم أفريقيا ولا حتى بعدها مع ليبيريا وكمان حققنا المركز الأخير فى البطولة وده برضو
إنجاز كبير جداً لم يحققه الأوائل
|
Post: #8
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-22-2008, 07:30 PM
Parent: #7
أخى مأمون شكراً للمرور
وفى تقديرى هى مشاركة خبير كروى
حتى وهو خارج وطنه يجد التكريم
والتقدير لموهبته وخبرته
وهم فعلاً خبراء القوم الذين نحتاجهم
|
Post: #9
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: عوض محمد احمد
Date: 04-22-2008, 08:21 PM
Parent: #8
| Quote: طبعاً سمعت خلال البرنامج رد معتصم جعفر لدكتور كسلا (أن عهدكم لم يكن به أية إنجازات) |
للاسف كلام د. معتصم صحيح
فطيلة مشاراكات كسلا فى السودان (ابتدا مع الهلال حوالى 1972 ثم مساعد مدرب بعد ذلك) لم يتحقق اى انجاز للسودان و لا بطولة خارجية للهلال و لا حتى مشاركة فى نهائيات الامم الافريقية
ثم ارجو الا ينسى الجميع قصة خروج كسلا الى الامارات و لم تكن موفقة و لا لايقة
|
Post: #12
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: مأمون
Date: 04-23-2008, 03:52 PM
Parent: #8
سلام
أخوي صابر......... أشكرك على الاهتمام
بتذكر بعد مباراة منتخبنا مع مصر...... بيني وبينك بالجد كدا الجمهور المصري كان خايف من منتخبنا تحت تحت.. عشان يمكن يحقق مفاجأة البطولة... وفي ذاكرتهم فوز الهلال على الأهلي وإقصائه للزمالك... وكذلك تأهل المريخ على حساب الإسماعيلي.......
أها بعد المباراة المصريين طولوا لسانهم.. وقدروا يتنفسوا... واحد منهم كتب تعليق ضحكني للطيش.. قال: خاوتننا إحنا الزول وإحنا الإيه معرفش... وقعتو دماغنا... ياعم فوؤوا.....
بس باين علينا ما حنفوق بالشايفو دا......
|
Post: #10
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: مأمون
Date: 04-23-2008, 12:32 PM
Parent: #6
سلام
أخي علي....... لم أقصد تقييم شخصية كسلا ولا تجربته
إجابتي عبارة عن رد على السؤال "رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟"
كسلا قفز فوق السؤال... ليهاجم الاتحاد وشداد... وكأن المنتخب ملك لهذا أو ذاك.
تخريمة:
قرأت اليوم في الأخبار عن عودة الكابتن مازدا لتدريب المنتخب بالإتفاق مع الإتحاد العام!!
يا جماعة أنحنا بندور في حلقة مفرغة.. لأننا نكرر نفس الأخطاء... ولا تتحقق النتائج.
اين وصلت الجهود لإقناع المالية الإلتزام بتكاليف المدرب الإجنبي؟
وفي ذاكرتنا كلامم معتصم جعفر عن وكيل وزارة المالية... صاحبنا وراجل ما بقصر وراجل رياضي
غايتو جنس سراب
|
Post: #11
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-23-2008, 02:30 PM
Parent: #10
الأخ/ مامون
شكراً للمرور ــ لكن يا صديقى خلينا أقول ليك حاجة فى موضوع المدرب الأجنبى دى
أولاً/ الإتحاد العام مفروض يحدد المدرب العاوز يتعاقد معاه
ثانيا/ً يخاطب الوزارة التى يتبع لها ( وزارة الشباب والرياضة )
ثالثاً/ وزارة الشباب تقوم تخاطب الماليه عشان تحصل على المبلغ المخصص للمدرب الأجنبى
والقصة كلها سراب فى تنطيط على سراب ... والقصة كيف ؟؟ إمكن أكون أنا إتلخبط
على الموضوع ـ وكمان ماذدا ده ماقالوا إستقال ؟؟؟ إمكن يكون عند شهر إنذار حسب نظام
العمل ولا القصة كيف ؟؟ إمكن مافى غيره ؟؟؟؟؟ إمكن ناس الإتحاد العام ديل بحبوا الملح !!!!
مش قالوا شغال بدون مرتب ؟؟؟؟؟؟
|
Post: #13
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: ناهد بشير الطيب
Date: 04-23-2008, 04:12 PM
Parent: #1
اخونا ودالحواتى
دخلت اطايبك واشوفك كيفنك......واخبارك
هاك دى ....
الحلبى المعاى بيغريك كل التحاياوقال جاييييك
|
Post: #14
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: Abuobeida Ali Abdullah
Date: 04-23-2008, 04:28 PM
Parent: #13
مرحبا بك صابر في هذا الفضاء الأسفيري
ما يحدث للكرة السودانبة لايمكن عزله من الصياغ العام لسياسة الحكومة في ادارة شئون الدولة
خالص الود
أبوعبيدة
|
Post: #15
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: ناهد بشير الطيب
Date: 04-23-2008, 05:22 PM
Parent: #1
[B]ود الحواتى
عن اذنك داخله دقايق ومارقه
دايرة اشوف الزول ده بيختفى وين
ابو عبيده
ازيك ياخى......وييينك مختفى ليك فترة
وبرضو الحلبى المعاى...او الانا معاه مابيفرق .....
بيديك كل التحايا :razz2:
|
Post: #16
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-23-2008, 07:49 PM
Parent: #15
مامون مساء الخير
بمناسبة كورة المصريين مع منتخبنا أخوك عمل فيها على المصريين إنه مابتاع
كورة وماشاف المباراة ولا عارف أى حاجه عنها؟؟؟ لأنى بينى وبينك بعد موضوع
معسكر إسبانياأنا مسكته على لسانى !!!!
|
Post: #17
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-23-2008, 07:54 PM
Parent: #16
الأستاذه/ ناهـد
صدقى أنا لسه بقطع فى النجيلة وشكلى حأمشى أفتش ليك عن الحلبى ده مشى وين
لو لقيتى كلمينى عشان ما أقوم أفتش عليه
تحياتى لك وللحلبى المعاك أو للحلبى الإنتى معاه
|
Post: #18
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-23-2008, 08:05 PM
Parent: #17
العزيز الغالى / أبوعبيده
شكراً ليك ياراجل يا فنان ـ طبعاًكل شئ جميل متوقع منك ( عارف بالك مع الإتحاد والمباراة مع
الفريق الإيرانى إنتهى شوطها الأول بالتعادل فى جده والإيرانيين عندهم كورة ضربت فى العارضة
اليمنين لمرمى مبروك زايد )
أرجعك شويه لندوة دكتور شداد رئيس الإتحاد العام الذى قال:
( إحنا حتى البوليس قاعدين ندفع أجرته يعنى بنأجر البوليس عشان
يحفظ الأمن فى الملاعب ـ وكمان قال الأمن مسؤلية الدولة مش مسؤليتنا!!
|
Post: #19
Title: Re: رأيكم شنو فى مداخلة الدكتور كابتن / محمد حسين كسلا فى برنامج الرياضة يوم الجمعه الماضى ؟؟
Author: saber alhawatti
Date: 04-24-2008, 06:50 PM
Parent: #18
اتمنى أن يخصص كابتن عمر النقى فى حلقة برناج الرياضة يوم غدا الجمعه
جزء من وقت البرنامج للتناول أزمة التدريب بالمنتخب القومى ويقوم بإلإتصال
بالكابتن بشارة ودكتور قاقارين وكابتن عبده مصطفى ودكتور كسلا
|
|