Post: #1
Title: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-21-2008, 10:22 PM
Parent: #0
سيد احمد خليفة
الشفيع احمد الشيخ
جيرفس ياك
|
Post: #2
Title: Re: اربعون عاما على ميلاد مدينة الصحافة ( تعانق اجيال )
Author: HAYDER GASIM
Date: 04-21-2008, 10:35 PM
Parent: #1
إتخيل وبالنسبة لي وأسرتي ... هي إثنان وأربعون عاما,
فالعامين ما قبل تأسيس الصحافة ... يخصان حلمنا بقطعة
أرض والتنعم بحق { الملكية الفردية } والتخلص من وش
صاحب الإيجار ومظهره { الشهري } اللئيم, فقد سكنا الصحافة
فى خيالنا وفي ملفات التقديم ورسوم التسجيل قبل أن نقطنها
على الأرض.
تابع يا راجل ... فهنا سيرة جليلة
شكرا ... صديقي علاء ...
مع مودتي
|
Post: #4
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-21-2008, 10:45 PM
Parent: #2
الحبيب / حيدر قاسم
التحيات النواضر
قلت ريثما انتهي من القامات التي حققت حلم الالاف استاذنك في ان يكون لهذا الحدث بوستا خاصا فهو يحمل تفاصيل اجمل الاحلام لاكبر اسرة في التاريخ ... فالصحافة بيت واحد في مساحة كبيرة ..
سوف نقول وتقول اخي حيدر عن اجمل البقاع ...
مديتة الصحافة التي احببناها كثيرا ...
|
Post: #3
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-21-2008, 10:36 PM
Parent: #1
الصادق عبد الله عبد الماجد
عبد الرحمن مختار
فاطمة احمد ابراهيم
|
Post: #5
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-22-2008, 07:17 PM
بشير محمد سعيد
ابراهيم المفتي
عز الدين عدلان
العم محمد عبد الله ابو صديق
|
Post: #7
Title: Re: اربعون عاما على ميلاد مدينة الصحافة ( تعانق اجيال )
Author: james
Date: 04-22-2008, 07:30 PM
Parent: #5
قبل ايام.... فقط... كنت افكر في شارعنا بالصحافة التي اصبحت موطني منذ بداية السبعينات... اافكر.. في ناس شارعنا.. عندما جئنا اليه
كانت الحياة تنضح من تلك البيوت... الاباء شبابا والامهات صغيرات... ونحن اطفال... اطفال نلعب الكورة.. والدسوسية..والكمبليت... الخ.
جالت في خاطري تلك الصورة... تحسرت حيث لم يتبقى من الاباء الشباب الا اسمائهم على الابواب.... والامهات الحلوات الصغيرات.. رحلن.
والاطفال الذين كانوا يلعبون... تفرقوا في شتى انحاء البلاد..... بحب الصحافات لانها بتذكرني بكل الاشياء الجميلة التي نشات فيها وافتقدتها وافقتقدها الكثيرون.
حيا الله الصحافات واهلها.... ورحم وغفر لمن احياها.
|
Post: #9
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-22-2008, 08:08 PM
Parent: #7
الغالي / جيمس
احييك
محتاجين فعلا لان نحتفل بمرور اربعة عقود من الزمان على ميلاد هذه المدينة الجميلة ..
شكرا ليك وخليك معانا ..
|
Post: #8
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-22-2008, 07:43 PM
Parent: #5
قبل ان نحكي عن جمال الصحافة لابد لنا ان نقف وقفة احتراما وتقديرا واجلالا للذين صنعو ميلاد الصحافة ..
عانوا كثيرا حتى بشروا بثمرة مجهوداتهم في ايجاد ظل لالاف الاسر والذين اغلبهم من الطبقة العاملة ...
( الف رحمة تنزل على الذين فارقوا دنيانا وعمرا مديدا مباركا للذين بيننا )
لقد اهمل تكريمهم فهم يستحقونه ..
وكل الكلمات الجميلة في حقهم لا توفي ما صنعوه ..
نعود لهم بالتفصيل ...
|
Post: #6
Title: Re: اربعون عاما على ميلاد مدينة الصحافة ( تعانق اجيال )
Author: omer abdelsalam
Date: 04-22-2008, 07:29 PM
Parent: #1
العزيز علا ء
هذا البوست اثار شجوني لتلك الأيام الأولى للصحافة شرق وهي تتشكل بيتا وراء بيت
سأعود لنحكي سويا معية الزعيم حيدر وبقية الأخوة عن اعلام تلك المرحلة
|
Post: #10
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-22-2008, 08:25 PM
Parent: #6
| Quote: سأعود لنحكي سويا معية الزعيم حيدر وبقية الأخوة عن اعلام تلك المرحلة |
الحبيب / عمر
عاطر التحايا
الكلام عن الصحافة لا يمكن ان يقتضب في سطر او سطرين ...
تعالوا كلنا نحتفل بالاربعين سنة دي ..
ما تنقطع ..
|
Post: #11
Title: Re: اربعون عاما على ميلاد مدينة الصحافة ( تعانق اجيال )
Author: منزول محمد توفيق
Date: 04-22-2008, 11:05 PM
Parent: #1
أخي علاء الدين حيمورة
الصحافة ذات الشجون
شجر البسكيت وقت كانت بيوتها واحد هنا وواحد هناك
تشوف الحزام الأخضر وانت بجوار الخور
تمشي لين ترعة أركويت ما يقابلك ولا بيت
أكثر من أربعون عاما وباصات الديم وتكمل الباقي مشي إلا إذا فتح الله عليك بتاكسي
حليل أيامنا اللذاذ
حفلة هنا وحفلة هناك
كورة هنا وكورة هناك
ومعهد 38
وسوق 17
وونسة 35
وفرن37
ومدرسة 40و41
وكسر في36
وحاجات تانية حامياني
آآآآآه يا علاء الدين - شكرا
|
Post: #14
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-23-2008, 11:48 AM
Parent: #11
| Quote: الصحافة ذات الشجون |
الحبيب منزول
الصحافة احببناها واحبتنا ..
فهي صحافة العظام من سبعة ولحدي الحزام ..
كونوا معنا في هذه المناسبة الرائعة
تسلم اخي منزول
|
Post: #12
Title: Re: اربعون عاما على ميلاد مدينة الصحافة ( تعانق اجيال )
Author: انعام حيمورة
Date: 04-22-2008, 11:24 PM
Parent: #1
يا صحافة يا قيافة
يا نخلة وجريدك فادع
حاضن الأحلام فى واحة
يا ثمرة ونعيد إنتاجا
بشاير خير ومنزلة أفراحا
يا مرحى وتشيل سحائبك
تنهمر وتزيدك إنشراحا
يا صحافة يا سيرة فواحة
تغشانا وين ما نمشي
تعطر الدنيا توسع براحا
تسلم أراضيك وبنيك
تهيم بيك القلوب سواحة
ماخدة منك كل حنك
تبراك غدوا ورواحا
جايلة فى أعماق شجن
ما إنت بلسم لي جراحا
يا مقدرة ويا مفخرة
يا شجرة حبنا وبذرة لقاحا
جايينك من كل الدروب
وياكي فينا مساء وصباحا
حارنك فى كل القلوب
يا مداخيرنا وفائض أرباحا
يا صحافة يا قيافة
يا نبع طيب مندلق
رافد البستان سلافا
يا سكة الفرح العليل
ومعشر الناس اللطافى
يا معبد الفن الأصيل
يا كفر
يا وتر
يا ثقافة
مدنية الصحافة ... وكما نحبها
|
Post: #18
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-23-2008, 06:42 PM
Parent: #12
شكرا انعام على القصيدة ..
يا ريت تسعي لينا في تلفون سيد احمد خليفة ..
سنعد احتفالا بهذه المناسبة ..
|
Post: #13
Title: Re: اربعون عاما على ميلاد مدينة الصحافة ( تعانق اجيال )
Author: منزول محمد توفيق
Date: 04-23-2008, 10:09 AM
Parent: #1
مدنية الصحافة ... وكما نحبها
|
Post: #15
Title: Re: اربعون عاما على ميلاد مدينة الصحافة ( تعانق اجيال )
Author: انعام حيمورة
Date: 04-23-2008, 12:57 PM
Parent: #1
| Quote: مدنية الصحافة ... وكما نحبها |
وانا اعشقها يا منزول ..
فيها ترعرنا وربينا
ارض خصبة وفيها نمينا
يا صحافة .. يا صحافة
|
Post: #16
Title: Re: اربعون عاما على ميلاد مدينة الصحافة ( تعانق اجيال )
Author: هاشم أحمد خلف الله
Date: 04-23-2008, 01:51 PM
Parent: #15
معقولة مرت اربعين سنة علي ميلاد الصحافة
والله وكبرنا يا علاء الدين اخوي
الصحافة صحافة العظام من سبعة لحد الحزام
وكلام يا عوض دكام
|
Post: #20
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 04-25-2008, 10:15 PM
Parent: #16
Quote: وكبرنا يا علاء الدين اخوي
|
نحن في عز الشباب اخوي هاشم
|
Post: #17
Title: Re: اربعون عاما على ميلاد مدينة الصحافة ( تعانق اجيال )
Author: Alsa7afa_30
Date: 04-23-2008, 03:14 PM
Parent: #1
|
Post: #21
Title: Re: اربعون عاما على ميلاد مدينة الصحافة ( تعانق اجيال )
Author: جمال السنوسي
Date: 04-25-2008, 11:09 PM
Parent: #19
علاء حيمورة
الرجل الجميل
الذي جمعتنا به وببقية الاخوة والاصدقاء الصحافة
وكانت وما زالت الى اليوم اجمل العلاقات والصداقات والاخوة النبيلة
تسلم يا اخي وانت تسرد هذه الوقائع عن مدينة تنبض شرايينها بالحياة منذ اكثر من اربعون عاما وما زالت
جمال
|
Post: #22
Title: Re: اربعون عاما على ميلاد مدينة الصحافة ( تعانق اجيال )
Author: james
Date: 04-26-2008, 06:41 AM
Parent: #21
.
|
Post: #23
Title: Re: اربعون عاما على ميلاد مدينة الصحافة ( تعانق اجيال )
Author: نبيلة عبد المطلب
Date: 04-26-2008, 12:04 PM
Parent: #22
الصحافة ..ماأروعها ..
من الصدف الجميلة أن تكون أول مشاركة لي في المنبر عبرهذا
البوست الخاص بالصحافة التي نحبهاكثيرا وعشنا فيها اجمل سنوات العمر ولانزال..
وأمضينا فيها أطيب الذكريات ..
|
Post: #24
Title: Re: اربعون عاما على ميلاد مدينة الصحافة ( تعانق اجيال )
Author: عماد محمود علي
Date: 04-26-2008, 12:25 PM
Parent: #23
| Quote: محتاجين فعلا لان نحتفل بمرور اربعة عقود من الزمان على ميلاد هذه المدينة الجميلة .. |
ياسلاااااام ،، معقووووول أربعون عاماً على مدينتنا الجميلة الصحافة ... ربي أدمها نعمه وأحفظها من الزوال .
وياسلام عليك يا الصحافة30 ومزيد من هذه الصور الرائعة .
تخريمة :
ياللا يا أنعام أتحفينا بالصور مع الصحافة30 لهذه البقعة الجميلة .
مودتي علاء الدين
جاركم من الامتداد / عماد
تخريمة :
على فكرة يا علاء نحن عندنا بيت في الصحافة شرق مؤجر ، يعني برضه من ناس الصحافة .
|
Post: #30
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 05-05-2008, 12:10 PM
Parent: #24
العمدة /
تحياتي ليك يا راقي
ونحن حقيقة حا نعد لشكل احتفال كبير للمناسبة دي
خليكم قراب
|
Post: #29
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 05-05-2008, 11:45 AM
Parent: #21
الحبيب / جمال
وبيكم كانت الصحافة من اعظم الاحياء
شكرا ليك وتعالوا نحكي في الاربعين سنة دي ماذا قدمت لنا الصحافة ؟؟؟
|
Post: #25
Title: Re: اربعون عاما على ميلاد مدينة الصحافة ( تعانق اجيال )
Author: عادل جبارة
Date: 04-26-2008, 01:04 PM
Parent: #1
علاء الدين حيمورة
من ربوع الصحاقة سلام ,,,
نعم من حقنا أن نحتفل بالماضي الجميل ولكن !!!! أين الصحافة الآن من ذاك الألق والوميض ؟ أين تلك الساحات والميادين التي كانت تعج بالشياب والصبيان ؟ أين رجال الحي ذوي الهيبة والشموخ بل أين نساء الحلة وهن يجبن البيوت مشاركين قي الأقراح والأتراح !!!
أصبحت الصحاقة الآن مكتظة بالركشات التي تجوب الشوارع طولا وعرضا .. ولا تجد قي ساحاتها ذاك التنافس الرياضي الشريف بل تحولت تلك الميادين الى بنايات وعمارات ومحلات وورش ..
ظاهرة أخرى لفتت نظري بشدة وهي أن كثير من أهل الصحافة ( الورثة ) بدأوا ببيع منازلهم والأتجاه لمناطق طرفية أخرى بعد أن أصيبت تلك المنازل والبيوت بداء الهرم وصعب صيانتها بل أتاح القانون الجديد تجزئة البيوت وبيعها بالمتر .. أو أحيانا الأتجاه لتأجير المنازل بمبالغ طائلة والأنتقال لمنطقة أخرى .. خاصة مع مغريات بعض الجهات التي حولت الصحافة لسكن العمالة العزاب مما أثار بعض المشاكل .
من الظواهر الملحوظة أيضا عدم الأهتمام بسفلتة الطرق من قبل الجهات المعنية بينما تجد أن أحياء مثل جبرة والشجرة وأركويت قد تم سفلتة معظم طرقها العرضية والطولية .. ولا أدري سببا لهذا الأهمال فالطرق العرضية بالصحافة واسعة وتحظى بتخطيط جيد وسليم .
سأحاول توثيق بعض الأحداث الحية وإيرادها عبر هذا البوست إن ساعدتني ( التقنية الفنية )
ولك التحية أخي علاء الدين ..
|
Post: #26
Title: Re: اربعون عاما على ميلاد مدينة الصحافة ( تعانق اجيال )
Author: عماد محمود علي
Date: 04-26-2008, 01:12 PM
Parent: #25
ياعادل يازقت ....
ولا يكفك ولا حاجة .... 
بالله عليك ما بتخجل كمان جاي داخل بي هنا ، تسافر ولا تقول لي واكون آخر من يعلم ، غايتو الفيك إتعرفت والبركة في هشام ( ياخوفي بكره يبقى زيك كمان وتصبح الدنيا ظلام ) .
الحساب لما ترجع بالسلامة إنشاء الله .
لا مودتي ولا حاجة ( وش صاري لامن داير يقع ) ( الوشوش الهنا دي كلها ما بتنفع تعبر ) .
|
Post: #27
Title: Re: اربعون عاما على ميلاد مدينة الصحافة ( تعانق اجيال )
Author: عادل جبارة
Date: 04-26-2008, 02:02 PM
Parent: #1
Quote: بالله عليك ما بتخجل كمان جاي داخل بي هنا ، تسافر ولا تقول لي واكون آخر من يعلم ، غايتو الفيك إتعرفت والبركة في هشام ( ياخوفي بكره يبقى زيك كمان وتصبح الدنيا ظلام ) .
الحساب لما ترجع بالسلامة إنشاء الله .
لا مودتي ولا حاجة ( وش صاري لامن داير يقع ) ( الوشوش الهنا دي كلها ما بتنفع تعبر ) . |
العمدة ؟؟؟
والله مشتاق ليك وكمان مابتكفي !!!
معقووولة .. ناس الصحافة كلهم عاملين لي حفلة وداع وجايبين الساوند وانت قاعد وما عارف .. وأنا إفتكرتك جاي تودعني !!!
وحالتي دي مع اللخمة ما عارفك ما ودعتني .. طيييب شوف عامر سنجراب صاحب الدعوة للحفل ليه ما بلغك ودعاك .. وبعدين نجي نحنا نتحاسب .. مع أنو عارف قلبك طيب وحنين وما بتحاسبني ..
مشتاق ليك والله يا عمدة .. وكيف صحتك إنشاء الله تكون طيب ... ولك كامل مودتي ومجموعة من الوشوش العاملة قبل وبوس وسلالالام كتير ..
|
Post: #28
Title: Re: اربعون عاما على ميلاد مدينة الصحافة ( تعانق اجيال )
Author: علاء الدين حيموره
Date: 05-05-2008, 11:35 AM
Parent: #27
حا نرجع ونقول انو الصحافة سفارة
|
Post: #31
Title: Re: اربعون عاما على ميلاد مدينة الصحافة ( تعانق اجيال )
Author: mohanad haimoura
Date: 05-05-2008, 01:09 PM
Parent: #28
الصحافه يا قيافة
تقاطع محطة 7
مركز شباب الصحافة
|
|
