طارق الامين يسربع بالتعداد

Post: #1
Title: طارق الامين يسربع بالتعداد
Author: محمد صباحى
Date: 04-21-2008, 07:52 PM
Parent: #0

Post: #2
Title: Re: طارق الامين يسربع بالتعداد
Author: محمد صباحى
Date: 04-21-2008, 08:11 PM

اهااااا(كن مستعداً .. وعد نفسك)

Post: #3
Title: Re: طارق الامين يسربع بالتعداد
Author: Mahmoud Mustafa Mahmoud
Date: 04-21-2008, 08:14 PM

هسي أنا موش أول زول يعمل مداخلة؟؟

هسي تلقاني التالت

غايتو جنس تعداد

مبروك يا أستاذ.. العمل لذيذ

التحية للمجموعة وخاصة يحيى الحيوان

صادق المودة

_____________

التعديل عشان أقول للأخ محمد صباحي شكراً على البوست اللذيذ...
صافية لبن؟؟ صافية ابتسامتك والله...
صافية وكتفية؟؟
الليلة الله ساكت يوقف السربعة دي

Post: #4
Title: Re: طارق الامين يسربع بالتعداد
Author: Mahmoud Mustafa Mahmoud
Date: 04-21-2008, 08:22 PM

الضربو الفولة كم؟؟ يعلم الله
أها ناس الفتة كم؟؟ يعلم الله
الدكو الحصة كم؟؟ يعلم الله
ياخ ناس الحمى كم؟؟ يعلم الله
تايفوت وملاريا كم؟؟ يعلم الله
لحقو امات طه كم؟؟ يعلم الله
شوف ناس الإيدز كم؟؟ يعلم الله
نسربع بي مزاااااج..
ما عرفنا الناس دي كم!!!

يعلم الله...

لي قدام

Post: #5
Title: Re: طارق الامين يسربع بالتعداد
Author: محمد صباحى
Date: 04-21-2008, 09:28 PM
Parent: #4

الاستاذ محمود أنت السربعة ليك شنو

اهااااا(كن مستعداً .. وعد نفسك)

التعديل
عشان أقول الاستاذ محمود شكراااا علي السربعة

اهاااااااااااااا

سربع داني بمزااااااج

Post: #6
Title: Re: طارق الامين يسربع بالتعداد
Author: طارق الأمين
Date: 04-21-2008, 09:30 PM
Parent: #4

البعدني بعدو في النار

مثل سوداني سري

العدادين زاتو كم

والواحد عدادو كم

وهل يقبض مقدم

فيغدو والله اعلم

عداد دفعا مقدم

الدخلو البوست كم

والامتنعو كم

والاتعشو كم

والضربو ونامو كم

يالماشي لي باريس

جيب لي معاك عداد راقي وانيق لبيس

شرطابعطر نفبس

مازي صناح ابلبس

Post: #7
Title: Re: طارق الامين يسربع بالتعداد
Author: جمال السنوسي
Date: 04-21-2008, 09:45 PM
Parent: #6

الفطرو فتة كم
والفطرو بقشطة كم
والما اتغدوا كم

والاتغدو بضلعة كم
الشربوا موية كم
والشربوا تانج كم
الحلقو صلعة كم
والحلقو كارلي كم
الركبو عجلة كم
والركبوعربة كم
اللبسو باتا كم
واللبسو جزمة كم

نعد من الصباح
الناس دي كم

Post: #9
Title: Re: طارق الامين يسربع بالتعداد
Author: جمال السنوسي
Date: 04-21-2008, 09:54 PM
Parent: #7

عدادي عدادي ... عدادي الليلة بي غادي .. انا يا عدادي

.....

طال علينا عدادكم والله يا ماشين

...

عديتوا ما عداني .. وحسبتوا من اخواني الليلة وانا مالي

...

في تعدادك تقول لي عد وتعال وبقليبك تقول لي العد ده محال

..

عديناك من قلوبنا وحسبناك يا حلو

..

عدادي يحسب الحبة .. ويطلع برضو غلطان

....

جمال

Post: #8
Title: Re: طارق الامين يسربع بالتعداد
Author: محمد صباحى
Date: 04-21-2008, 09:52 PM
Parent: #6

طارق الامين
ياخي أنت عديد الناس دي كله ماعوز يعدوك

البعدني بعدو في النار

طيب (كن مستعداً .. وعد نفسك)

Post: #10
Title: Re: طارق الامين يسربع بالتعداد
Author: محمد صباحى
Date: 04-21-2008, 10:16 PM
Parent: #8

وناس الحكومة الوطنية كم
وناس الانغاذ كم
وناس الحركة الشعبية كم
وناس ياسر عرمان كم
وناس الاتحادين كم
وكم
وكم
وكم

عدساي اهااااااا

Post: #11
Title: Re: طارق الامين يسربع بالتعداد
Author: محمد صباحى
Date: 04-21-2008, 10:25 PM
Parent: #10

بوداب الخرطوم كم

عشان بوداب العالم مامعنا

اهاااااااااااا

Post: #12
Title: Re: طارق الامين يسربع بالتعداد
Author: شهاب الفاتح عثمان
Date: 04-22-2008, 04:08 AM

تعداد سعيد وبخيت للخروج لاجابات لكل هذه الكميــات من الكم

الفيديوكليب ابداع طـريف.

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

Post: #13
Title: Re: طارق الامين يسربع بالتعداد
Author: طارق الأمين
Date: 04-22-2008, 07:30 AM
Parent: #12

للتخمين

او التنبؤ

ماهي توقعاتكم

للعدد الحقيقي لسكان السودان

نبد الجرس

ابن حلال الياب

Post: #14
Title: Re: طارق الامين يسربع بالتعداد
Author: جمال السنوسي
Date: 04-22-2008, 08:05 AM
Parent: #13

التعداد داخل البص على مسئولية صاحبه

.......

سهر العداد ولا نومو

....

العداد بيحسب .. والعدد للتعداد

...

من عد الناس مات عداً

...

عد وتعال .. تلقانا نحن يا نحن

جمال

Post: #15
Title: Re: طارق الامين يسربع بالتعداد
Author: د.محمد حسن
Date: 04-22-2008, 08:24 AM

في حوالي 2 مليون مابين شهيد ومفقود جراء الحروب الاهلية
من الشعب لسوداني الفضل
الباقي
خشخمية وزير

تاني ما في زول

Post: #16
Title: Re: طارق الامين يسربع بالتعداد
Author: مرتضى الكجم
Date: 04-22-2008, 10:59 AM
Parent: #15

الجوة السودان كم

والبرة السودان كم

اها انحنا كيف

ومنو البعدنا

السفارة ولا جهاز المغتربين

ولو عدونا نكون تابعين لى مناطقنا ولا ...

اها يا جمال لو ركبت البص من بورتسودان

يعدوك مع منو

بالمانفستو ولا هيا ولا خشم القربة

Post: #17
Title: Re: طارق الامين يسربع بالتعداد
Author: محمد صباحى
Date: 04-22-2008, 12:33 PM
Parent: #16

ماهي توقعاتكم

للعدد الحقيقي لسكان السودان

Post: #18
Title: Re: طارق الامين يسربع بالتعداد
Author: طارق الأمين
Date: 04-22-2008, 02:33 PM
Parent: #17

الساعه ماشه علي خمسه

وناس التعداد ما جونا

ضربت اركويت فالو ما عدوهم لسه

الصحافه برضو ما جو

الثورات ر حس لا خبر

الديم ما عدو ولا زول

الناس كلها قاعده في بيوتا محتاره

ناس قالو الهوا طير ليهم الورق

ناس قالو ورقن زايد

مامفهوم الحاصل شنو

كدي العدوهو يرفع اصيعو

Post: #19
Title: Re: طارق الامين يسربع بالتعداد
Author: Rihab Khalifa
Date: 04-22-2008, 02:38 PM

نفسسسسس كلام ناس بيتنا يا طارق، و كلام ناس حبوبتي و ناس خالتي و كل زول فيهم ساكن تثليثه من العاصمه

امال العدوهو منو يا ربي؟

Post: #20
Title: Re: طارق الامين يسربع بالتعداد
Author: طارق الأمين
Date: 04-22-2008, 02:57 PM
Parent: #19

الاخت الاستاذه رحاب

السلااااااااااااام وغليكم

اولا سعيد بي سماع اخبار طيبه عنك تفوق اكاديمي بانجلترا

رفغتي راسنا والله تحياتي لك وال السنهوري وال الخليفه

فعلا مافي زول بنعرفو عدوهو لحدي اسي

احتمال يكون عاوزين يعدو بالليل عشان يغرفو منو الفقري وبنوم بدري

تحياتي

Post: #21
Title: Re: طارق الامين يسربع بالتعداد
Author: نادية عثمان
Date: 04-22-2008, 03:09 PM
Parent: #20

نحنا زاااااااااااااتو في مصر مافي زول عدانا !!

غايتو جنس قايتو !!

Post: #22
Title: Re: طارق الامين يسربع بالتعداد
Author: طارق الأمين
Date: 04-22-2008, 03:27 PM
Parent: #21

الساعه خمسه مالو ما جا

خمسه وريع مالو ماجا

خمسه ونص مالو ماجا

يمكن شنو مالو ما جا

ياخوانا ياعدونا يا خلونا نمشي ال

المشكله نمشي وين

مافي حل غير التلفزيون

لاحولالالالا

يعني بقي علينا

قد وعدم عد

ناديه عثمان كدي اتسللي ناحيه حلايب

يمكن يكون في عد جدجد

انا غايتو بعد لحدي عشره كان ماجو

خليهم يلمو فيني يعدوني

والسوق قافل كمان

يعني لااتعدينا لااتغدينا

الله في

Post: #24
Title: Re: طارق الامين يسربع بالتعداد
Author: جمال السنوسي
Date: 04-22-2008, 03:33 PM
Parent: #21

عد حسين

عد حسين

نحن من ما قمنا في الخرطوم دي وحسين ده بيعدو فيهو

ولي هسه العد ما انتهي

عد الصحافة

عد اركويت

عد جبرة

اقول ليكم

عد السودان كله

Post: #23
Title: Re: طارق الامين يسربع بالتعداد
Author: Rihab Khalifa
Date: 04-22-2008, 03:33 PM
Parent: #20

طارق

يخليك و يرفع من معنوياتك، استاذه دي ما معانا، عشان بعد شويه ما تقول لي يا خالتو

متابعه اخبارك من احمد المختار دايما

خلاس، بعد ده امرقو، تقعدو تحرسوهم كده لي متين، زمان كانو بيخوفو الناس بي سكر وعيش اللجنه الشعبيه

Post: #25
Title: Re: طارق الامين يسربع بالتعداد
Author: saif addawla
Date: 04-22-2008, 03:33 PM
Parent: #20

التعداد ما بحتاج لرامبو وعابدين
عملية جمع لا تحتاج لالة حاسبة
عداد واحد قدام الميناء البري
وواحد في موقف شندي
وواحد مع بتاع التذاكر في المستشفى
مضروب العدد ف 4 ومقسوم على 3
يطلع ظبط

Post: #26
Title: Re: طارق الامين يسربع بالتعداد
Author: ناهد بشير الطيب
Date: 04-22-2008, 03:36 PM

بالله ياطارق..... تخشوا للزول فى قلبوا

(ناااااس الخرطوم ....بيتعدوأ)

الاسؤال ياطارق

راجل المرتين بيتعد وين ...وكيف وكم مرة

والاهم

هو هس زاااااااااااااتو وين.....

والعجب لو القديمه ماعارفه حاجه عن الجديده
الليله الشمطه بتقوم

نفسى اعرفوا متسنتر وين الليله...

محمد صباحى
بوست دمه خفيف جدا

بس ماعندك فكرة المغتربين حيتعدوا تبع منو ؟

Post: #27
Title: Re: طارق الامين يسربع بالتعداد
Author: طارق الأمين
Date: 04-22-2008, 04:11 PM
Parent: #26

راجل المرتين ياناهد والعهده علي الراوي

يتعدي يتعدي يتعدي

ايوا لقيتا

كراجل مرتين يتعدي مرا ونص

يعني قياسا اذا كان راجل المرا حلو حلا

فيكون راجل المرتين حلو حلاتين

عليه ووفقا لما هو متعارف يقسم راجل المرتين

الي قسمين فيحسب نص راجل مع المرا الكبيره

وراجل الا ربع مع الصغيره لانو اتراجل وعرس تاني

ثم يضاف اليه ربع راجل بدل مواصلات ومساسقه بين المرتين

بعد ذلك يتم النظر في شكل راجل المرتين كل علي حده

اذا كان بعد عرس التانيه بقي شحمان فيضاف حاصل القسمه علي اربعه

باعتبار ان الزواج قسمه ونحيب اما اذا كان ضعف بعد الزواج التاني

وانقسم نصين فيحسب عندها تلاته ارباع راجل

طيب نجمع نص راجل زايد ههمهمهمهمهمهمهمهمهم

اقول ليك حاجه

ماعارف ياخ

اسالي ملاسي معرس مرتين

بس بيني وبينك

لانو الاولي ماعارفا الموضوع دا

والتانيه برضو ماعارفاالموضوع دا

وهو زاتو ماعارف الموضوع دا

Post: #28
Title: Re: طارق الامين يسربع بالتعداد
Author: طارق الأمين
Date: 04-22-2008, 04:35 PM
Parent: #27

لو قاصدين يجو يعدونا باليل

عشان يبقي عد الليل اب كراعا بره

ويعرفو منو الفقري وبنوم بدري

وواحدين يقولو ليهم قولو كه

غيكوني دقسو

لانو ناس يبتنا ماشين عرس

وماوضح لينا كيف ح يعدو ناس العرس

احتمال يكون متفقين غايتو مع التباخ

حسب عدد الصحانه حقه العشا

والله اعلم

غايتو حيرونا

Post: #29
Title: Re: طارق الامين يسربع بالتعداد
Author: محمد صباحى
Date: 04-22-2008, 04:54 PM
Parent: #28

طارق نحنا برطو ماجونا

بحري عموما ماجوها

اهاااااااااااااا نعمل شنو

يالله ياطارق نحنا ماسودانين ولي شنو

طيب تعل نعمل تعداد برانا

بس وري كيف

بفكر بجي راجع

Post: #32
Title: Re: طارق الامين يسربع بالتعداد
Author: MOHAMMED ELSHEIKH
Date: 04-22-2008, 05:42 PM
Parent: #29

العداد عداد يا عدادي نا
الشغال تعداد ياعدادي نا.
تارتاتاتا تارتاتا تيراراراتيرارارارا

Post: #30
Title: Re: طارق الامين يسربع بالتعداد
Author: طارق الأمين
Date: 04-22-2008, 05:00 PM
Parent: #28

الشغل دا اظنو الناس ديل ما جاهزين ليهوس

حقو يعدونا ششنه كده

مثلا يعدو الافران

ويعرفو عدد الرغيف ويقسموهو علي تلاته

ويعدو الطواحين ويخمنو

ويضيفو نسبه كبيره للمابياكلو الا صدفه

ويختو في بالهم الافراد اليستهلكو في اليوم

30 رغيفه( اسي فس زول قال محمد السني دفع الله؟)

كان ما براكم بتاعين مشاكل؟؟

المهم نخلص ياخ

غايتو صدق المثل البقول

عدوك ولا جوك جوك

Post: #31
Title: Re: طارق الامين يسربع بالتعداد
Author: جمال السنوسي
Date: 04-22-2008, 05:30 PM
Parent: #30

صباحي وطارق والناس الما عدوهم

تحياتي

زمان كان بعدو الناجحين في الامتحانات بالمروحة

والعهدة على الراوي

يعني الاستاذ بيخت كراسات الاجابة في التربيزة ويشغل المروحة في نمرة 5

الكراس الخفيف المافيهو كتابة كثيرة بالحبر بيقع والتقيل الفيهو كتابة كثيرة بيظل في التربيزة

اها اي زول وقع ساقط والباقين في الترابيز ناجحين

هسه يا ناس يمكن عدوكم بدون ما تعرفو

يمكن بالطريقة التالية :

كو كو كو

- مين

- ناس التعداد

- اتفضلو

( بعد ملأ الاستمارات وانتهاء عد الاسرة)
- اها يا ناس شكرا انا ماشة
- ماشة وين يا اختي الوقت وقت غدا ما ممكن تمرقي كده
- لسه باقي لي صفكم ده كلو ما عديتو
- صف شنو ما ناس الحلة ديل انا حافظاهم وبمليك ليهم واحد واحد
- لكن ماممكن انا لازم امشي واعد بي نفسي
- تعدي شنو كدي اتغدي ومسافة انا اجهز الغدا ده اقعدي مع ناس البيت ديل ويسمعوا ليك ناس الحلة ديل زول زول حتى ناسهم المغتربين نحن عارفنهم ما لينا 30 سنة معاهم في حي واحد مالنا ما بنعرفهم

- قلتي كدي خلاص سمح بس بي سرعة

( مع انتهاء وجبة الغداء كانت هناك 20 استمارة تعداد مليانة تب )

- اها مع السلامة ونشوفكم في التعداد الجاي
- انشاء الله التعداد الجاي نضبح ليك خروف
- مع السلامة

جمال

Post: #33
Title: Re: طارق الامين يسربع بالتعداد
Author: عمر الفاروق
Date: 04-23-2008, 06:38 AM

ناس المايقوما كم ؟ يعلم الله ..
وجاتهم كوما كم ؟ يعلم الله ..
تحت المجاري كم ؟ يعلم الله ..
وناس الكدّاري كم ؟ يعلم الله ..
في الإلزامية كم ؟ يعلم الله ..
وناس الطعمية كم ؟ يعلم الله ..
خالطين هسة كم ؟ يعلم الله ..
و جايطين هسة كم ؟ يعلم الله ..
في المدارس الخاصة كم ؟ يعلم الله ..
في جامعات لايصة كم ؟ يعلم الله ..
في برج البركة كم ؟ يعلم الله ..
وبوليص الحركة كم ؟ يعلم الله ..
اللابسين موضة كم ؟ يعلم اله ..
الجوووة الأوضة كم ؟ يعلم الله ..
الواعييين زاتو كم ؟ يعلم الله ..
والجنّو يكونوا كم ؟ يعلم الله ..

لابديييييين من الصباااااااااح في زريبة الغنم ..

تخريمة :
اسة عليك الله يا طراق كان خليتني كتبتها ليك ما كان احسن

Post: #34
Title: Re: طارق الامين يسربع بالتعداد
Author: الفاتح خليل الفكي
Date: 04-23-2008, 07:49 AM
Parent: #33

بالله يا طارق جواب لينا السؤال دا
لاعبي المريخ السافروا ديل عدوهم كيف ولا معتبرنهم وصيفاب
بعدين الناس النازله في الاستاد كم ؟
والنازلين السكة حديد كم ؟
والراكبين عربات مكندشة كم ؟
والقاعدين في البيوت والمكيفات شغالة ومنتظرين التعداد كم ؟
والقاعدين في البيون والسخانة فاسخاهم كم ؟
والمرطبين كم ؟
والمفلسين كم ؟

ونحن المغتربين حا يعدونا كييييييييييييييييييييف ؟
ولا نحن يلحسوا قروشنا ناس جهاز المغتربين وما معدودين ؟