Post: #1
Title: الهلال أو فريق النُقلتية!!
Author: سامى عبد الوهاب مكى
Date: 04-21-2008, 06:35 AM
Parent: #0
الفرينس...سيدا(بالفرنسية تعني شنو حماكم الله)
دا الذ زول تخطى الاربعين ، انا لو من الهلالاب افتخر بالمسالة دي واقول كابتن الفريق قضي 2/3 حياتو في الفريق!!
إنجاز جد جد.
الايام دي ابو الهل استحق بجدارة لقب فريق النُُقلتية!!
مش نقلو الكورة اكتر من خمسمائة نقلة ولا الف ما عارف في خط تمنطاشر زي ما قال حبر بني هلال(رمضان)
اها انا حلف تعدوها ليهم بطولة وراكب راسي من امبارح ومصر انها بطولة ارضية جديدة للهلال
حرام عليكم الف نقلة في خط (تمنطاشر) الهلال وما بطولة؟؟
امال البطولة دي إلا يجيبو ليكم كاس عديل؟؟؟
افرض غلبتهم الشغلانة دي!!
ما بتعذرو انتو؟؟
ما سمعتو انه الاعمال بالنيات والكرايتين والمنشطات؟؟
ناس ناوين ودي حقيقة...ناوين جداً يجيبو بطولة جوية...لكن الظروف ما مساعداهم...
القحة ولا صمة الخشم..
واهو الناس ديل شغالين يقحو لحدي ما بلغ كابتن الفريق الحالي سن النبوة (40) سنة ولكن الله غالب...
في مباراة الهلال ضد الاتحاد الفرينس (سيدا) حمانا الله مارس كل حركات الشباب والبهلوانيات(اتشعبط في ضهر واحد!!
حلفو عليه ونزلوهو ادردق في الواطة...
حلفو عليه الحجاج اعمامك ناس داريو وحفياني والشيخ جوليت قام ...تاني عمل حركة جميلة..طقش كرعينو في بعض لحدي ما ولعن نار ووقع...لكن بتاع الكاميرا عمل فيها ظريف ...لكن نحن تفتيحا (شفناها شفناهوووووووووو)
وقريب نهاية المباراة قام عمل لقطة المبارة...واشتغل عفص شديد في كدارات المدافعين....
دا كلو غير البصاق...يعني باص بصقة باص بصقة باص بصقة...في النهاية بقى يطلع هواء...
والله انا متكيف من الفرينس(سيد) جداً
دا كوم وداريو دا فلم موزمبيقى في شكل موزة..
اول مرة اشوف لي مدافع برة خط ( تمنطاشر)يدي الكورة روسية(ما هد) تقلوظ و تقلوظ و تقلوظ و تقلوظ وترجع للمعز في حنانو!!
قام المعز قرر انه ما يرجع الكورة...
الجمهور يكورك..
والمعز يدور
الجمهور يكووووووورك
والمعز يتعاور ويلف ويدور
وطيب ما يدور ما هم بيلفو ويدورو عليه لي يوم الليلة الحصل شنو.
غايتو حركتك يا سيدا ما ظريفة..
إنت راجل طاعن في السن احترم شيبتك.
ههههههههههههههههه
|
Post: #2
Title: Re: الهلال أو فريق النُقلتية!!
Author: عمران حسن صالح
Date: 04-21-2008, 06:49 AM
Parent: #1
والنُقلتي كائن حي ( يٌدعي ) إنسان .. وفي رواية أخرى ( بني آدم ) ...
يأتي برزقه من ( رتق ) أخذية الآخرين ... ونظافتها !!!!!!!!!
تطور عمله في الآونة الأخيرة حتى صار دخله اليومي لا يقل عن (50 الف جنيه سوداني (بالقديم)) ...
وهو بهذا يعتبر من (ذوي) الدخل العالي ...
................
سامي المريخابي اللذيذ (سابقاً) ..
الليلة ما عندك موضوع .....
|
Post: #3
Title: Re: الهلال أو فريق النُقلتية!!
Author: سامى عبد الوهاب مكى
Date: 04-21-2008, 07:18 AM
Parent: #1
| Quote: والنُقلتي كائن حي ( يٌدعي ) إنسان .. وفي رواية أخرى ( بني آدم ) ... |
معناها الهلال كائن حي يعني
والله انا حاسي اني ظلمت النقلتي
امااااااااااااااااااااك الموضوع خلاص قلب دراما!!
|
Post: #4
Title: Re: الهلال أو فريق النُقلتية!!
Author: خالد الجبل
Date: 04-21-2008, 07:52 AM
Parent: #1
Quote: غايتو حركتك يا سيدا ما ظريفة..
إنت راجل طاعن في السن احترم شيبتك.
|
سيدا وسيدك وسيد البلد, برنس ولا فرينس ولا أفراس ولا المؤتمر الوطني زاتو ( مشي دا الراعي الرسمي ليكم)
القصة ما قصة عمر , الحكاية كلها في الرشاقة والاناقة ( هسي عليك الله العجب دا لاعب ولا خاين في فلم هندي)
قالو الباكوورد العملو في فريق الخرطوم خلاه لحدي الليلة نايم علي بطنه مع انه ما قام من الواطة
___________________________________________________________________________
وبرضو سيدا وسيدك وسيد البلد
|
Post: #5
Title: Re: الهلال أو فريق النُقلتية!!
Author: سامى عبد الوهاب مكى
Date: 04-21-2008, 08:01 AM
Parent: #4
| Quote: سيدا وسيدك وسيد البلد!! |
هههههههههههههههههههههه
ما دام جبتو سيرة افراس معناها ناوين ترجعو القروش
| Quote: الحكاية كلها في الرشاقة والاناقة |
فعلاً والله وهو انا قلت حاجة(رشاقة شديدة)
| Quote: قالو الباكوورد العملو في فريق الخرطوم خلاه لحدي الليلة نايم علي بطنه مع انه ما قام من الواطة |
وبيستفرغ في الميدان ويودوه النيل الازرق في كل مباراة زي الفرينس
احب الكرايتين البخلي زول عمرة اربعين سنة يتشعبط في ضهر لعيبة الخصم!!
ياربي يكون متخيل شنو!!!
انا ماقلت ليكم انتو الذ ناس
|
Post: #6
Title: Re: الهلال أو فريق النُقلتية!!
Author: abuguta
Date: 04-21-2008, 08:08 AM
Parent: #5
يا ابو اسيل
مبروك الصدارة,,,,
صدقنى امس ماسك ليكم السبحة,,,
الله ليكم من حمودة الله ليكم من كلاتشى
الله ليكم من داريو كان,,,
تعرف الهلال بقى عندو كترة هدافين غير عادين
اسى الايام دى رتشارد ظاتو قال تانى القاعد ليها وراء شنو
كدى افرحو بالصدارة دى الى حين عودة اهلها
انتو اهلى مدنى دا قابلكم ولا لسع
شايف فيهو شافع صغير كدا
اسمو منو كدا عباس,,,انا خايف يكون اخو الجنى داك
عموما,,السنة دى اقنعو من
الممتاز والكنقدرالية,,
لان ركاردو حالف عليهن الاتنين
اقعد عافية
|
Post: #7
Title: Re: الهلال أو فريق النُقلتية!!
Author: حسين يوسف احمد
Date: 04-21-2008, 08:16 AM
Parent: #5
| Quote: واهو الناس ديل شغالين يقحو لحدي ما بلغ كابتن الفريق الحالي سن النبوة (40) سنة ولكن الله غالب... |
| Quote: لكن بتاع الكاميرا عمل فيها ظريف ...لكن نحن تفتيحا (شفناها شفناهوووووووووو) |
Quote: غايتو حركتك يا سيدا ما ظريفة..
إنت راجل طاعن في السن احترم شيبتك.
ههههههههههههههههه |
يا سامي هو إنتو الشفتوهو شوية ..
ولا حركات ( الفرينس ) القبيحة شوية ..
|
Post: #12
Title: Re: الهلال أو فريق النُقلتية!!
Author: خالد الجبل
Date: 04-21-2008, 09:18 AM
Parent: #5
Quote:
احب الكرايتين البخلي زول عمرة اربعين سنة يتشعبط في ضهر لعيبة الخصم!! |
أحب الكرايتين.. البيخلي ابو اربعين ..يشيل الممتاز خمسة سنين ( كل سنة فيهم مصحوبة بإستقالة لجمال الوالي ... وهاك يا تحانيس)
بالمناسبة مش ابو أربعين مرة حنس ليكم الوالي بتاعكم عشان يرجع .. ما خايف عليكم بس الوالي كراعو خدرا معانا ( من ما خته رجلوا ولا حتي فوز ساي في الممتاز)
السنة الجاية جيبو بركة عشان حتي لو ما غلب ليكم الهلال علي الاقل بتكونوا ضمنتو نقطة من حي العرب
عشان جوليت و كرنقو ما يطلعوا في العراضة زي كل سنة... شداد حول النهائي في استاد الهلال
مافي مشكلة يا شداد .. انحنا حنلعب في استادنا بدون جوليت وكرنقو لانه ديل بيكونا في العراضة في العرضة جنوب ولا أحسن يعلقوهو في الطابق التاني
___________________________________________
|
Post: #8
Title: Re: الهلال أو فريق النُقلتية!!
Author: امير عوض الجمري
Date: 04-21-2008, 08:49 AM
Parent: #1
ابو قوتة
سلامات
| Quote: الله ليكم من داريو كان,,, |
هههههههههههههههههههههههههههههههههههههههههههههههههههههههههههههههههههههههها ابو قوتة والله شرطتني بالضحك .. داريو ده ياخوي مو ياهو بتاع العجب وطمبلكو .. ياخي ده يوم مباراة الزعيم ببقى زي (مافي داعي للتشبيهات عشان ما نزعّل المشبّه بهم). آل داريو آل.. والباقين ديل كان فيهم واحد جاب ليهو قون في المريخ (شنبي الكبير ده يقوم في مرح بتّي)
لان ركاردو حالف عليهن الاتنين
كويس جدا اقتناعك بي خروجكم امام صنداوجونز .. لكن يا ابقوتة كان شلتو زاحد منهن الاتنين كان ممتاز كان كونفدرالي (شنبي الكبير ده يقوم في لمى بتي التانية)
|
Post: #9
Title: Re: الهلال أو فريق النُقلتية!!
Author: طلحة عبدالله
Date: 04-21-2008, 08:52 AM
Parent: #1
غايتو ناس حاقدين بشكل ..
|
Post: #11
Title: Re: الهلال أو فريق النُقلتية!!
Author: على محمد على بشير
Date: 04-21-2008, 09:06 AM
Parent: #9
| Quote: وقريب نهاية المباراة قام عمل لقطة المبارة...واشتغل عفص شديد في كدارات المدافعين.... |
غايتو انا امبارح خجلت ليهو
|
Post: #10
Title: Re: الهلال أو فريق النُقلتية!!
Author: هشام المجمر
Date: 04-21-2008, 09:01 AM
Parent: #1
فعلا نقلتية
وشغالين فى حى العرب كمان
بركة العرفتوهم
|
Post: #13
Title: Re: الهلال أو فريق النُقلتية!!
Author: محمد عبد الماجد الصايم
Date: 04-21-2008, 10:04 AM
Parent: #1
|
Post: #14
Title: Re: الهلال أو فريق النُقلتية!!
Author: سامى عبد الوهاب مكى
Date: 04-21-2008, 10:09 AM
Parent: #1
ما قلت ليكم جنو شعبطة
يلحق يتشعبط في ضهر الراجل دا تاني يهنق حمار الوادي يقوم حمار فوزي ما عندو شغلة
|
|