نقول مالك؟؟؟؟

جميل دلّك..
حلو وصالك..
سماحة البسمة في شفاهك..
عذوبة النيل وقت يصفو..
ويروق بالك..
نداوة وردة زارا الطل..
رقة لطفك وكلامك..

وبس مالك؟؟

تدسدس في القليب طيبتك..
تحاول تخفي حنيتك..
وتلبس هدمة مي هيلتك؟؟
بتمشي في سكة مسدودة..
طريق العتمة مشوارك..

وما بتوصل..
بتتعتر..
وعارف انت ما بتقدر..
تواصل في الكضب أكتر..
تضاري الطيبة في خصالك..
صحيح الوردة وسط الشوك بتتحكر..
لكن رقتا بتظهر..
وبرضو النجمة جوف الليل بتتنكر..
وغصباً عنها بتظهر..

نقول مالك؟؟

كتاب مقفول وبقراكَ..
خريف ممحوق وبرجاكَ..
دليل تايه وببراكَ..
شتا وزيفة..
وبلقى الراحة في دفاكَ..
وعارفاكَ..

بترجع يا جميل تاني..
تردد لحنك وغناكَ..
تفج الغيمة بايدك..
ويشرق في السما بهاكَ..
تغازل الوردة لو ذبلت..
تفرهد نايرة بنداكَ..
وما كفاكَ؟؟

تعاند ياخي في روحك..
تكتل الفرحة جواكَ..
تمسك الدنيا بايدك..
وبرضو تقول معاكساك؟؟
وغيرك ناس بتستنى..
سنين شان لحظة تتهنى..
وتتمنى..
يكون بس حالا زي حالك..
سمِح مالك؟؟؟؟؟؟؟

Quote: سمِح مالك؟؟؟؟؟؟؟

Quote: سمِح مالك؟

موش عليك الله؟

Quote: وبس مالك؟؟ نقول مالك؟؟ سمِح مالك؟؟؟؟؟؟؟

صحى عليكم الله مالو؟[/B]

Quote: صحى عليكم الله مالو؟

ما مايل


انا براااااااي الشليقة

Quote: انا براااااااي الشليقة

شليقة بى كِسرة

Quote: شليقة بى كِسرة

بي عصيدة ياااااااخ

نقول..
يمكن بيدلّل..
صحي الأشواق بتدس
في عينيهو ..هي بتظهر..
وقلبك انت قد حلّل
نشوف في لحظك اللهفة
وتخفي شعورك..الأوّل
يكون الريد بينادي عليك
تمِش..دربو..وبتتحوّل..
أفضح..شوقك العارفو..
وفي جوّاي..اتجوّل..

انا المالي؟!
اريت المالي لو مالك
واريتك بس عرفتي البي
قدرتي تغيري احوالك
عذاب السكة والايام
وقلبا همو يصفالك
يدس الفرحة في عينك
قبل ما يجيهو مرسالك
ويرسالك
يضمك لهفة المشتاق
وأهة زول قدر شالك
محبة وطيبة يفخر بيك
وخلى قليبو وصالك
يختك فيهو زي اول
ويدخل بيكي اوصالك
عشان ما تقولي بس مالي
وانا العمري الصبح مالك
تعالي وشيلي ميل الحال
واعدلي بيهو بس حالك
.

Quote: سمِح مالك؟؟؟؟؟؟؟

سخانه الف ياخ

Quote: سخانه الف ياخ

عشان كدا راجين المطر

أعدل بيهو بس حالي ؟
ده كان حالي :-

كم مُدن بيناتنا حالت
أو ظروف شغلتني عنك
والمده طالت
وفي غمامة شوقي ليك
كنت مشتاق لي رموشك لي عينيك
لي كل همسة وخطوة منك
لي حنانك في يديك
ولمن أتاجسر واريدك
أشوفها لمعة وجنيك
أنتي يا أمل الأماني
وأنتي يا أغلى الأغاني
عارفة كم شوقي ليك
وبرضو عاوزك تعرفي
إني منك
وإني ليك....

Quote: كم مُدن بيناتنا حالت أو ظروف شغلتني عنك والمده طالت وفي غمامة شوقي ليك كنت مشتاق لي رموشك لي عينيك لي كل همسة وخطوة منك لي حنانك في يديك ولمن أتاجسر واريدك أشوفها لمعة وجنيك أنتي يا أمل الأماني وأنتي يا أغلى الأغاني عارفة كم شوقي ليك وبرضو عاوزك تعرفي إني منك وإني ليك....

لو تكون فرقتنا مدة..
يبقى ما بيناتنا سد..
الظروف ما اظن بتمنع..
عن بحر ريدتنا مد..
شان قليبي معاك دقّ..
ونبضو بيك ما ليهو حد..
انت يا صبحي الرجيتو..
ويا امل حارساو مدد..
وبرضو عاوزاك تعرف انك..
في العيون يا حِبي جد..

Quote: انا المالي؟! اريت المالي لو مالك واريتك بس عرفتي البي قدرتي تغيري احوالك عذاب السكة والايام وقلبا همو يصفالك يدس الفرحة في عينك قبل ما يجيهو مرسالك ويرسالك يضمك لهفة المشتاق وأهة زول قدر شالك محبة وطيبة يفخر بيك وخلى قليبو وصالك يختك فيهو زي اول ويدخل بيكي اوصالك عشان ما تقولي بس مالي وانا العمري الصبح مالك تعالي وشيلي ميل الحال واعدلي بيهو بس حالك

وداعة الشوق وكت توصل
نغني الفرحة موالك
ندوزن في العصب وترك
ونعزف بيهو الحانك
نبِل بالريد عروق ريدك
وعرق الريدة تحنانك
خواطر في القليب تنبض
تقول راجياها دقاتك
تتاقي الروح بويباتا
وتحرس ديما نسماتك
اريتك انت بس توصل
واخر الريد محطاتك

Quote: نقول.. يمكن بيدلّل.. صحي الأشواق بتدس في عينيهو ..هي بتظهر.. وقلبك انت قد حلّل نشوف في لحظك اللهفة وتخفي شعورك..الأوّل يكون الريد بينادي عليك تمِش..دربو..وبتتحوّل.. أفضح..شوقك العارفو.. وفي جوّاي..اتجوّل..

نقول..
يمكن دلالو عناد..
ويمكن راجي ليهو ميعاد..
لكن لحظة الاشواق..
ممكن لينا يوم تنعاد؟؟
نقول الريد زمن قاسي..
ابت ايامو بس تنقاد..
وبرضو انحنا فينا عناد..
ولو اشواقنا يوم قدمت..
نعيدا في دربو تاني جُداد..

Quote: Quote: صحيح الوردة وسط الشوك بتتحكر.. لكن رقتا بتظهر.. وبرضو النجمة جوف الليل بتتنكر.. وغصباً عنها بتظهر..

جميــــل يا رشا وضيوفها!

Quote: جميــــل يا رشا وضيوفها!

جميلة طلتك يا نجوان.

ما مشكلة..
لو غلبك الليلة الكلام..
من قلبي بخفق ليك حروف..
تدفق عليك الريد غمام..
وتملا بالاشواق جروف..
ما مشكلة..
يا وردة لو غلبك نداك..
بكرة عطرك لي بفوح..
ولو تضاري في يوم غرامك..
برضو في عينيك بشوف..

زمان انا شن قلتلك
النضمي السمح دة قاعدي تنكتيه من وين

Quote: زمان انا شن قلتلك النضمي السمح دة قاعدي تنكتيه من وين

من جواك الملان طيبة..






خجلتك موش؟؟

Quote: صحيح الوردة وسط الشوك بتتحكر.. لكن رقتا بتظهر.. وبرضو النجمة جوف الليل بتتنكر.. وغصباً عنها بتظهر..

وبرضو كلام مليااااااااااااااااان
يديكي العافية

Quote: وبرضو كلام مليااااااااااااااااان يديكي العافية

يعافيك يا هارون..

كل الود

Quote: صحيح الوردة وسط الشوك بتتحكر..

جميييييييل و الله يا خالتو

Quote: جميييييييل و الله يا خالتو

يخلخل ضروسك انت

رشا
طمطم
وعبدالله وداعة ..

بالجد أبدعتو
حقو الواحد يقفلكم إنتو التلاتة في بوست ويخليكم تتجادعو ..

Quote: رشا طمطم وعبدالله وداعة .. بالجد أبدعتو حقو الواحد يقفلكم إنتو التلاتة في بوست ويخليكم تتجادعو

بركة البقى بوست ما زنزانة بس

رشا
سلامات

Quote: وتلبس هدمة مي هيلتك؟؟

ألبستِ وضيوفك المكان هِدمة هيلة جّمال




وُدّي

ـــــ
أنا في البعيد مشتاق لهمسة من الوطن يا نسمة

Quote: ألبستِ وضيوفك المكان هِدمة هيلة جّمال

وخلعت انت علينا بدلة هيلة رقة ولطافة



ودي (العديل المرة دي)

سمح مالك ؟

ـــــ
أنا في البعيد مشتاق لهمسة من الوطن يا نسمة

Quote: سمح مالك ؟

ملالة

Quote: ملالة

تملّني لمّا أطقطق* ؟



____
* الطقطقة تؤدّي إلى الطّق

ـــــ
أنا في البعيد مشتاق لهمسة من الوطن يا نسمة

Quote: بترجع يا جميل تاني.. تردد لحنك وغناكَ.. تفج الغيمة بايدك.. ويشرق في السما بهاكَ.. تغازل الوردة لو ذبلت.. تفرهد نايرة بنداكَ.. وما كفاكَ؟؟

لسسسسسسسسسسسه !!!!












يا رشا بالجد كتابتك سمحة

Quote: لسسسسسسسسسسسه !!!! يا رشا بالجد كتابتك سمحة

بالغ موش؟؟





وانتي اسمح يا نعومة..

Quote: نقول مالك؟؟

ملّة تملّك

Quote: ملّة تملّك

التشكيل بالله التشكيل شان نعرف البينا والعلينا

اسامة يا قامة

Quote: أعدل بيهو بس حالي ؟ ده كان حالي :- كم مُدن بيناتنا حالت أو ظروف شغلتني عنك والمده طالت وفي غمامة شوقي ليك كنت مشتاق لي رموشك لي عينيك لي كل همسة وخطوة منك لي حنانك في يديك ولمن أتاجسر واريدك أشوفها لمعة وجنيك أنتي يا أمل الأماني وأنتي يا أغلى الأغاني عارفة كم شوقي ليك وبرضو عاوزك تعرفي إني منك وإني ليك....

المدن نبنيها الفة
وطيبة من رمشين دلالك
يالوصالك ديمة اجمل
وانت اجمل من جمالك
دي الظروف يا غالي تسمح
لو سمح قلبك وشالك
جاب حنان الدنيا كلو
وزاد وكتّر من وصالك
يالوصالك من وصالي
ولاهي زايد في اعتدالك
باني بيك انا انشغالي
وما بنحمل انشغالك
ابقى كتر من مجيكا
وما بهم رد انفعالك
يلا جيب الشوق وقلبك
وخلي لي باقي احتمالك

Quote: نقول مالك؟؟

دبرسة وكوم قرف..

Quote: دبرسة وكوم قرف

تبرا انت من الدبرسة ابوي، ان شاء الله ود الفاروق

Quote: يخلخل ضروسك انت

.
.
.
.
.

Quote: وخلعت انت علينا بدلة هيلة رقة ولطافة

!!!!!!!!!

Quote: !!!!!!!!!

بهناك اديك وردة..
وبرضو زعلان يا قلب!!
وانت طبعك كلو رقة..
الا فيك شيتن كعب..
ما بتروق في حالة واحدة..
وديما تختار الصعب..
ابقى عاين للمحنة..
وما تقيف عند الكضب..
ولو تخاف الدعوة تُقبَل..
ياخي بطحن ليك حَب..

Quote: بهناك اديك وردة.. وبرضو زعلان يا قلب!! وانت طبعك كلو رقة.. الا فيك شيتن كعب.. ما بتروق في حالة واحدة.. وديما تختار الصعب.. ابقى عاين للمحنة.. وما تقيف عند الكضب.. ولو تخاف الدعوة تُقبَل.. ياخي بطحن ليك حَب..

منك أزعل ؟
أصلو ما ممكن ده يحصل
لمحة منك و ابتسامتك
الزعل لو شافا يرحل
و طلتك زي الأزاهر
جل من سواك و فصّل
بس فراقنا صعب عليّ
وريني كيف يا روحي أوصل ..

Quote: منك أزعل ؟ أصلو ما ممكن ده يحصل لمحة منك و ابتسامتك الزعل لو شافا يرحل و طلتك زي الأزاهر جل من سواك و فصّل بس فراقنا صعب عليّ وريني كيف يا روحي أوصل ..

ضم عليك الشوق جناح..
وفرو في جوف التعب..
بكرة يغشاك الصباح..
ويمسح الليل الكعب..
ما بطول الروح رواح..
في سكة الريد الصعب..
والمحنة البينا غيمة..
اصلو لازم يوم تصب..

ياسلام يارشا والمتداخلين حقيقى ابداع ..

تسلم الاحاسيس الجميلة

Quote: ياسلام يارشا والمتداخلين حقيقى ابداع .. تسلم الاحاسيس الجميلة

الابداع عندك بقيف يا هند

تسلمي يا جميلة

كل الود

يا عبد الله

الحبيبة والمدينة

لماذا كلما جنّ الليل إشتاقُ إليهنّ ؟....

Quote: الحبيبة والمدينة لماذا كلما جنّ الليل إشتاقُ إليهنّ ؟....

لأن كلتيهما يجيدان فن الاصغاء ليلا..

الأُختُ الرَّاقيةُ / رشا حاتم ..

شكراً لِهَذا الألقْ ..


احترامي ..





أخوك / محمَّد زين ...

Quote: الأُختُ الرَّاقيةُ / رشا حاتم .. شكراً لِهَذا الألقْ .. احترامي ..

وشكرا لرقي مرورك من هنا يا محمد..

كل الود

questions are guaranteed in life; answers aren't

Quote: نقول مالك؟؟

ازهري

انا كويسة غايتو

يارشا
ياكحلية
سبيتى
البردبية
ناس كتار
رايحين
ودرو
درب الجية
براحة
عليه
يابنية
برجع
ليك
رجعة
عصرية
مع
صوت
المراكبية
باعو الرزق
بدرى
فجرا ودغشية


صحى مالك؟؟؟؟؟

Quote: يارشا ياكحلية سبيتى البردبية ناس كتار رايحين ودرو درب الجية براحة عليه يابنية برجع ليك رجعة عصرية مع صوت المراكبية باعو الرزق بدرى فجرا ودغشية صحى مالك؟؟؟؟؟

برجاك
لو طال
عليك
طريق
ما
اظنو
صبري
يضيق
قلبك
شديد
بالحيل
وقلب
الوراك
غريق
رازي
الرزق
بشويش
والريد
معاك
رفيق



وحاة الله ما مايلة

Quote: questions are guaranteed in life; answers aren't

then we have to figure an answer and make sure it's applicable

سلامات رشا حاتم

كنت قد تأسفت بيني وبين نفسي على إختفاء شخصية مثل شخصية دينا فيصل ، بوضوح رؤيتها وجرأة طرحها
لكن إن كان مقابل ذاك الغياب لتلك الأخت مثل هذا الإبداع
فوداعاً دينا فيصل وما قصرتي

متابعة وإستمتاع فقط

ــــــــ

Quote: وبس مالك؟؟

بس بشتاق اتنسم بساتين
حروفك
اغازل عصافير غصون الروض
كلماتك
هوايتي ألملم بلور
ورودك
من سناؤك قمراً ضوه..
عطرا يضمد جراحي ..
وإنتي عارفه الدمعه
جواي مصلوبة ..
عاوز منك تهديني
منديل من
الغيمة..الواقفة
يمسح العتمة مني
وارجع من جديد
ابحلق في وجيهك
ناعم الخضره
في صفحة..النيل
سوف اتنظرك ..
اشتياقاً..إلي منتهي حد الاشتهاء
اوع نقول لي

Quote: نقول مالك؟؟

مالي بسكر بيه خمراً عشق الوطن
مالي لاطفال الشوارع الطالع ..ديـــ.....ا
مالي طائر مع رجفة يد حبيبتي ياسودانية..
وان قلتي المال حال ..فحالي يغني عن السؤال
وانتي ادره بالمقال ..
فالكتابة علي اسوار القمر جمال
دهشة ..وإلتياع ..تزرع نور
تحصد ..نار
تحرق عود وعنبر..
اموت اختناق..
وبرضو تقولي لي ..

Quote: سمِح مالك؟؟؟؟؟؟؟

Quote: جميل دلّك.. حلو وصالك.. سماحة البسمة في شفاهك.. عذوبة النيل وقت يصفو.. ويروق بالك.. نداوة وردة زارا الطل.. رقة لطفك وكلامك.. وبس مالك؟؟ تدسدس في القليب طيبتك.. تحاول تخفي حنيتك.. وتلبس هدمة مي هيلتك؟؟ بتمشي في سكة مسدودة.. طريق العتمة مشوارك.. وما بتوصل.. بتتعتر.. وعارف انت ما بتقدر.. تواصل في الكضب أكتر.. تضاري الطيبة في خصالك.. صحيح الوردة وسط الشوك بتتحكر.. لكن رقتا بتظهر.. وبرضو النجمة جوف الليل بتتنكر.. وغصباً عنها بتظهر.. نقول مالك؟؟ كتاب مقفول وبقراكَ.. خريف ممحوق وبرجاكَ.. دليل تايه وببراكَ.. شتا وزيفة.. وبلقى الراحة في دفاكَ.. وعارفاكَ.. بترجع يا جميل تاني.. تردد لحنك وغناكَ.. تفج الغيمة بايدك.. ويشرق في السما بهاكَ.. تغازل الوردة لو ذبلت.. تفرهد نايرة بنداكَ.. وما كفاكَ؟؟ تعاند ياخي في روحك.. تكتل الفرحة جواكَ.. تمسك الدنيا بايدك.. وبرضو تقول معاكساك؟؟ وغيرك ناس بتستنى.. سنين شان لحظة تتهنى.. وتتمنى.. يكون بس حالا زي حالك.. سمِح مالك؟؟؟؟؟؟؟

رشا عيني عليك باردة والله
اليومين ديل شايفك متألقة
الله يديك الصحة والعافية
وتمتعينا اكتر من كده
شكراً

Quote: يا عبد الله الحبيبة والمدينة لماذا كلما جنّ الليل إشتاقُ إليهنّ ؟....

الحبيب اسامة

الحبيبة والمدينة والليل ثلاثية نعري فيها ارواحنا

نسكن حبية لتسكننا مدينة وفي سكون ليلها نحن لوطننا الحبية

فالحبيبة والمدينة مخدر مفعولة الليلي اقوى يلهب ضغط شرايين الاشواق

.....

....

وكما الحبيبة هي مخدع سرك كذلك المدينة

وعادة ما ندفن اسرارنا داخلنا ولا نبوح بها الا ليلا ولوساداتنا فقط واذن حبيبة