Post: #1
Title: عندما تصل بي القـذافي
Author: د.محمد حسن
Date: 04-20-2008, 11:54 AM
Parent: #0
امسية الجمعة الساعة الحhدية عشر ونصف ساعة قبل منتصف الليل
والعبدلله مهندب بي اغراض البيت واحتياجات الاطفال ، والراس ليس به من مساحىخلية لتذكر اي شي خلاف البامبرز
فجاة يلسعني الموبايل ودون النظر للرقم ااجاوبا
انا: الو
- السلام عليكم
انا : وعليكم السلام
- على مواعدنا بكرة
انا: ان شاء الله ودي قلتها وواضح اني ما عرفت المتكلم
- شكلك ما عرفتني
انا: والله بصراحة ما عاينت للرقم معليش معاي منو
_ انا القذافي
انا : ازيك يا قذافي احوالك
- الحمدلله تمام ، خلاص على مواعيدنا بكرة
انا : ان شاء الله
انتهت المكالمة
، والراس ولع
، انت يا محمد حسن يا سجم مواعد القذافي ده على شنو ، وهسة اقابله وين ؟
في طرابلس والا سرت والا القاهرة
وتاني هو داير منك شنو
عايزك تشوف ليه فيزا والا شنو
وقعدت افكر ايه القواسم البيني وبين القذافي لحد ما يضرب لي ويقول بينا مواعيد كمان
طيب
القذافي بحرسوه بنات وانا بحرسني الله
القذافي بحب خديجة بن قنة وانا بحب بتاعة الشروق ومنى الشاذلي
القذافي عنده اولا دب بلعبوا كورة وانا عندي بنات بلعبو حجلة
القذافي عنده الكتاب الاخضر وانا بحب اغنية الدرب الاخضر لعثمان حسين ( موجوع وصابر)
القذافي قال طظ لامريكا
، وانا زماأأأن استعرت قول مظفر النواب وقلت ( امريكا هي الطاعون والكفر) قال لي احدهم يا شيخ اتق الله ديل اهل كتاب - طبعا الكلام قبل ان يدنو عذابها وقبل الشعار يا الامريكان ليكم تصلحنا ( بالغسيل)
القذافي عنده النهر العظيم ونحن عندنا النهر الرزيم ( من بف نفسك يالقطار ورزيم صدرك قلبي طار) وفي رواية اخرى النهر الازيم لان الازمات عندنا تمتد بمساحة 2 مليون كلم مربع
القذافي عنده اللجان في كل مكان ونحن عندنا الكيزان في كل مكان
طيب يا محمد الجن اللماك مع الزول ده شنو
اها في اللحظة دي جاني فتح رباني ، زي بتاع ادريس الهباني لمن مرقوا ليه الكرت الاحمراني
اتذكرت انو قذافي ده سوداني من مواليد عهد الثورات وفعلا في بينا موعد صباح السبت
احي الحمدلله طلعت سليم
فبالله عليكم يا مواليد زمن الثورات والحارات الجديدة
الاسماء البتودي غوانتاناموا دي غيروها
|
Post: #2
Title: Re: عندما تصل بي القـذافي
Author: طارق عبد اللطيف نقد
Date: 04-20-2008, 01:47 PM
Parent: #1
انا بقترح يا دوك
تغير الصنف
صباح الخير باليل
|
Post: #4
Title: Re: عندما تصل بي القـذافي
Author: د.محمد حسن
Date: 04-20-2008, 08:02 PM
Parent: #2
Quote: انا بقترح يا دوك
تغير الصنف] |
الحبيب طارق ابو صفارة تتخيل دي من غير اي صنف
|
Post: #16
Title: Re: عندما تصل بي القـذافي
Author: طارق عبد اللطيف نقد
Date: 04-21-2008, 02:54 PM
Parent: #4
هووووووووووووى 0000 يا دوك
دي صفارة 000 ادريس 000وقال بتاعت النصر
ما لخبط الاختصاص
|
Post: #17
Title: Re: عندما تصل بي القـذافي
Author: د.محمد حسن
Date: 04-21-2008, 03:37 PM
Quote: دي صفارة 000 ادريس 000وقال بتاعت النصر
ما لخبط الاختصاص
] |
طارق يا ود نقد
اصحى يا بريش
ادريس قال هم صفارتين
بتاعته بتاعة النصر
وانت صفارتك براها
مساء الخير بالنهار
|
Post: #18
Title: Re: عندما تصل بي القـذافي
Author: رأفت ميلاد
Date: 04-21-2008, 04:48 PM
Parent: #17
Quote: دي صفارة 000 ادريس 000وقال بتاعت النصر
ما لخبط الاختصاص |
لميت فيها أهو .. لكن حيرتنى بهناك ..
ياخوى القذافى ده أختاه أى كان ..
|
Post: #3
Title: Re: عندما تصل بي القـذافي
Author: ناهد بشير الطيب
Date: 04-20-2008, 01:55 PM
Parent: #1
غايتوا يامحمد مابسألك........
خلاص كملت الوراك والقدامك.... وقعدت للمحن
ضحكتنى غايتوا فى المفارقات البينك وبين القذافى دى
خاصة الراس الخلاص اذدحم وبقى مافيه مساحه الا للبامبرز دى
|
Post: #5
Title: Re: عندما تصل بي القـذافي
Author: د.محمد حسن
Date: 04-21-2008, 06:52 AM
Parent: #3
| Quote: خاصة الراس الخلاص اذدحم وبقى مافيه مساحه الا للبامبرز دى] |
تعرفي يا استاذة ناهد
العربية لمن تكون فيها مشكلة فرامل مزمنة فبيقوا العربية دي بتاكل قماشات كتير
وعيال البلد دي بياكلو بامبرز كتير
البامبرز ده اخطر من ضرايب السافارة وشئون المغتربين
|
Post: #6
Title: Re: عندما تصل بي القـذافي
Author: مجدي عبدالرحيم فضل
Date: 04-21-2008, 07:10 AM
Parent: #5
يادوووك
شَد الحزام وأربط حزام الأمان وأنت سائق وأعمل حسابك ما ينقطع ليك سير تايم وتفوت السوق أرمي إشارتك وأحمي سافارة المغربين في الأرض والسماء أرحم بنا منهم.
قال قذافي قال (أطرد الأحلام ياجميل وأصحي)
بس بيني وبينك قووووووووووووووووويه.. (دي حالته بشمبر وبرضوا البامبرز لابسنا لابسنا بتمشي وين عاد .....الررررررر......
،،،،أبوقصى،،،،
|
Post: #7
Title: Re: عندما تصل بي القـذافي
Author: ود الباوقة
Date: 04-21-2008, 07:20 AM
Parent: #6
الزمان الجمعة ..
الساعة 11.30 ليلا ..
المتصل القذافي ...
اها يا طارق نقد رايك شنوفي الكلام دا ..
العفش داخل البص على مسؤولية صاحبه ..
اها يوم السبت قابلتو ولا ما جاء قصدي ( القذافي )
ود الباوقة
|
Post: #8
Title: Re: عندما تصل بي القـذافي
Author: د.محمد حسن
Date: 04-21-2008, 07:26 AM
Parent: #7
يا ود الباوق
حيرتني
انا منتظرك في الدفار
تمشي طرابلس
مشتاقين
|
Post: #10
Title: Re: عندما تصل بي القـذافي
Author: د.محمد حسن
Date: 04-21-2008, 08:24 AM
Parent: #6
| Quote: وبرضوا البامبرز لابسنا لابسنا > |
طبعا يا مجدي
ميزة الابامبرز انه كيماوي مزدوج
يدخلك في حالة صمت
ويمرقك من حالة الصمت
|
Post: #9
Title: Re: عندما تصل بي القـذافي
Author: Safia Mohamed
Date: 04-21-2008, 07:29 AM
Parent: #1
د. محمد
ودحلتنا
ازيك
غايتو ضحكتني جنس ضحك
لكن حسع انا فهمت اي حاجة
يا ربي نركز مع الاسامي ودلالاتها وارتباطها بزعماء معينين زي جمال والقذافي ونميري ولا شنو؟؟؟
يا ربي نركز مع ماما امريكا
ولا نركز على اوجه الشبه بين التخبط عند كل من القذافي وقياداتنا في سياساتهم العامة تجاه امريكا
ولا نخلي دة كلو ونبقى علي قصتك مع البامبرز الاغلى من الضرائب
غايتو كان بقى دة صح معناتو ناس المغتربين ما غلطوا معاكم
غايتو جاياك لواحدة فيهن
صفية
|
Post: #11
Title: Re: عندما تصل بي القـذافي
Author: حليمة محمد عبد الرحمن
Date: 04-21-2008, 08:39 AM
Parent: #9
| Quote: عندما تصل بي القـذافي |
الراجل دا جن ولا شنو؟
|
Post: #12
Title: Re: عندما تصل بي القـذافي
Author: ابو جهينة
Date: 04-21-2008, 09:55 AM
Parent: #11
| Quote: القذافي بحب خديجة بن قنة |
في دي القذافي فاتك بمية درجة ...
|
Post: #13
Title: Re: عندما تصل بي القـذافي
Author: عمران حسن صالح
Date: 04-21-2008, 10:22 AM
Parent: #12
يا دكتور ...
زهجتك كيفتني ..
قلت لي كيف !!
فكيته كلها في البامبرز ودوام بعد العاشرة مساء ...
عليك الله يا دكتور محمد نهايتو وييييييييييييييين ده ...؟؟؟
برامجنا الما عارف كيف دي ..
نبداهو من صلاة الصبح وننتهي .. ( صلاة الصبح )
والثلاثي القذر يحاصرنا ( أسفلت أٍسمنت نيون ) .... وبامبرز ....آخر العنقود ....
أححححححححححححححححححححححححححححححححي يا دكتور ...
بالمناسبة :
كتبتو بالليل وجيت عملت ليهو (كوبي بست) صباحاً!!!!!!؟؟؟؟؟؟؟؟؟
|
Post: #14
Title: Re: عندما تصل بي القـذافي
Author: abdulhalim altilib
Date: 04-21-2008, 11:10 AM
Parent: #13
أخي دكتور محمد ،
تحياتي ،
والله فقعتني بالضحك !
أنا في البداية افتكرتك
حاتقول إنو المكالمة فعلاً من
القذافي لكنها ضلت الطريق
إليك وتوقعت أن يكون الزعيم
قد اعتذر لك لأن الرقم خطأ ،
واحتمال ينتهزها فرصة ليطلب
صداقتك .!! لوووووووووووول !
المرة الجايه أعمل حسابك ،
إمكن يتصل بك نميري شخصياً ؟!!
| Quote: والراس ليس به من مساحىخلية لتذكر اي شي خلاف البامبرز |
عشان الجهجهة اللي زي دي ،
واتهامنا بالخرف المبكر .. بطلنا
ولادة .. وسعاية شفع من تاني !!
وبالتالي وجع دماغنا من البامبرز
وتكاليفو ومقاساتو !!
| Quote: القذافي بحب خديجة بن قنة وانا بحب بتاعة الشروق ومنى الشاذلي |
وخليت منافسة سجيمان في مذيعته !!!
يديك العافية ،
مع مودتي ،
( ليمو )
|
Post: #23
Title: Re: عندما تصل بي القـذافي
Author: د.محمد حسن
Date: 04-22-2008, 09:04 PM
Parent: #14
Quote: إمكن يتصل بك نميري شخصياً ؟!!
( áíãæ ) |
بالمناسبة واردة
لانو نحن من حلة واحدة
Quote: وبالتالي وجع دماغنا من البامبرز
وتكاليفو ومقاساتو !!
|
وحاجات تانية حامياك
وليك من المودة اضعاف
|
Post: #22
Title: Re: عندما تصل بي القـذافي
Author: د.محمد حسن
Date: 04-22-2008, 12:55 PM
Parent: #13
Quote: عليك الله يا دكتور محمد نهايتو وييييييييييييييين ده ...؟؟؟
|
]
نهايته يا حبيب
يا تركب الدفار
يا تركب التونسية
او
تبقى من المؤلفة قلوبهم
وتصاحب نجيب زيادة
|
Post: #20
Title: Re: عندما تصل بي القـذافي
Author: د.محمد حسن
Date: 04-22-2008, 07:04 AM
Parent: #11
Quote: الراجل دا جن ولا شنو؟
|
ما ده الجنن عبدالقادر
|
Post: #15
Title: Re: عندما تصل بي القـذافي
Author: د.محمد حسن
Date: 04-21-2008, 02:47 PM
Parent: #9
Quote: يا ربي نركز مع الاسامي ودلالاتها وارتباطها بزعماء معينين زي جمال والقذافي ونميري ولا شنو؟؟؟
يا ربي نركز مع ماما امريكا
ولا نركز على اوجه الشبه بين التخبط عند كل من القذافي وقياداتنا في سياساتهم العامة تجاه امريكا
ولا نخلي دة كلو ونبقى علي قصتك مع البامبرز الاغلى من الضرائب
|
الاخت الفاضلة صفية
البوست ده زي الدفار
مرات يمشي بي شارع الانقاذ
ومرات يمشي بالدقداق
وانت وعلاقتك بالسواق
ممكن تحنكيه وتوديه بالدرب التحت
بي شارع امبدة
زي ما قال طارق نقد ( حسب الصنف)
وانا في انتظارك واحدة واحدة
|
Post: #19
Title: Re: عندما تصل بي القـذافي
Author: طارق عبد اللطيف نقد
Date: 04-21-2008, 08:56 PM
Parent: #1
| Quote: كتبتو بالليل وجيت عملت ليهو (كوبي بست) صباحاً!!!!!!؟؟؟؟؟؟؟؟؟ |
دي 000كيف 000دي000
تحياتي000
|
Post: #24
Title: Re: عندما تصل بي القـذافي
Author: د.محمد حسن
Date: 04-23-2008, 06:56 AM
Parent: #19
Quote: دي 000كيف 000دي000
تحياتي000] |
دي
صباح الخير بالليل
|
Post: #21
Title: Re: عندما تصل بي القـذافي
Author: منزول محمد توفيق
Date: 04-22-2008, 10:52 AM
Parent: #1
دكتور محمد الموضوع ده خلاني متنشن ولميت النس قلت كان حصلتليك حاجة
اجيبم واجي - ثانيا خفت علي حفلة التكريم البديتها دي تقوم تخرب علينا
عشان كده بالله يا اقفل جوالك او غير الشريحة
وبعدين ابعد شوية من ريحة البامبرز احينا بتخدر
|
Post: #25
Title: Re: عندما تصل بي القـذافي
Author: د.محمد حسن
Date: 04-23-2008, 12:31 PM
Parent: #21
Quote: دكتور محمد الموضوع ده خلاني متنشن ولميت النس قلت كان حصلتليك حاجة
|
يا زول ولا تنشن ولا حاجة
الراجل كان ليه اقامة
قلت ليه بشوف ليك
بس كلها تربية مواشي
قال لي مش مهم
ان شاء الله تربية
حواشي
|
Post: #26
Title: Re: عندما تصل بي القـذافي
Author: نادية عثمان
Date: 04-23-2008, 01:13 PM
Parent: #25
وانا اتصل بي حسني مبارك !!
بتاع التلفونات !! 
|
Post: #27
Title: Re: عندما تصل بي القـذافي
Author: منزول محمد توفيق
Date: 04-23-2008, 05:42 PM
Parent: #1
الأخت نادية عثمان
كونوا القذافي او رؤساء العالم يتصلوا بدكتور محمد حسن
ويحصل اليحصل بنقدر نتلافى المشكلة ونعالجهاحتى لو وصل الأمر نعالج الدكتور زاتو
لكن كونو يتصل بيكي حسني او ابن علي او علي عبد الله صالح دي المابنرضاها بكون في دم عديل كده
حتى لو كنتي حلمانة
|
Post: #28
Title: Re: عندما تصل بي القـذافي
Author: ismeil abbas
Date: 04-24-2008, 04:18 PM
Parent: #1
د/محمد حسن..
السلام عليكم..
الحمدلله نحن ما بدينا نوفر إلا بع ما سبنا البامبرز..
Quote: احي الحمدلله طلعت سليم
فبالله عليكم يا مواليد زمن الثورات والحارات الجديدة
الاسماء البتودي غوانتاناموا دي غيروها |
كل أسم وبى زمانو..
أنا عندى ود قريبى إسمو صدام ..وعتدنا برضو قذافى..وعندنا نميرى..زنبهم هم شنو؟كلموا أباءهم..
دى كلها نتيجة إنفعالات موقتة..
مودتى..
إسماعيل محمد احمد عباس...
|
|