Post: #5 Title: Re: عشان اهلك بخليكى اشيل فى جرحى ماضيك Author: محمد عادل Date: 04-19-2008, 11:12 PM
الحبيب صحافه 30 تقول شنو ياحبيب الساطور قسم راسى ياحبيب ياخى لو عندك اغنية خليل اسماعيل بكره ياقلبى الحزين ماتنزلها لى
Post: #6 Title: Re: عشان اهلك بخليكى اشيل فى جرحى ماضيك Author: حنين للبلد Date: 04-20-2008, 04:22 AM Parent: #1
شفت انا عندي الأغنية بتاعت خليل اسماعيل لكن ماااااااااااابنزل ليك.... راجعخيمة العزاء الأولى الناصبة قدام الحلة ديك وشوف قلت ليك شنو... شفت اسه تلقاها هي بتقرا وتتبسم ما ارضيت غرورهاياولد خلي التبكي دا وارمي الفات لانه مات...يا الله قايتو المحب ده بكون لديح خلاص تلقاها اسه هي اتجاوزت الموضوع اسه ده زمن حب التيك اوي ياولد اتنفض من التفينة وكب التراب البتسوي ده وقشقش الدميعات ديل مافترت اسه عليك الله ليك كم شهر هي تلقاها اسه نست اسمك.
ده الكلام المفروض تقوله لي نفسك ...البستغنى يا ابوي انت عنه اغنى.
بكرة اجمل واحلى وانضر وبكرة تقعد تضحك في البتبكي عليه اسه دنيتك لي قدام خضرة والعندك ده بتلقى البقيمه صاح والبستاهله. ياوفي ده مازمن الوفاء...
Post: #13 Title: Re: عشان اهلك بخليكى اشيل فى جرحى ماضيك Author: محمد عادل Date: 04-21-2008, 10:52 AM Parent: #6
والله ياحنين البلد كلامك كلو صاح فعلا ولازم الواحد يفوق مافى حاجه اسمها وفى الباعك لازم تبيعو ولو باقل من ربع جنيه والقادم فعلا احلى
Post: #7 Title: Re: عشان اهلك بخليكى اشيل فى جرحى ماضيك Author: أبوبكر أبوالقاسم Date: 04-20-2008, 08:04 AM Parent: #1
الأخ/ محمد عادل ...تحية طيبة
يا أخى مالك علينا؟
Post: #9 Title: Re: عشان اهلك بخليكى اشيل فى جرحى ماضيك Author: محمد عادل Date: 04-20-2008, 10:10 AM Parent: #7
الحبيب ابوبكر انا فى حالى التعيس دا ياحبيب
Post: #8 Title: Re: عشان اهلك بخليكى اشيل فى جرحى ماضيك Author: almogira alemam Date: 04-20-2008, 08:49 AM Parent: #1
با المناسبة دى انا جادى والله فى واحد فى حلتنا فى الحلفايا اسمو كرم ده مكشكش مرة واحد عمنا قاليهو يا كرم قول قصيدك فى حبيبتك قام قال مطلع الغنية دى (وانا متحيلر الزول ده جاب الكلام ده منوييييين) تاريهو جابو من الغنية دى انا يادوووووب عرفتها مع كل الاحترام لشاعر الغنية والفنان هاشم ميرغنى
Post: #10 Title: Re: عشان اهلك بخليكى اشيل فى جرحى ماضيك Author: نادر الفضلى Date: 04-21-2008, 02:38 AM Parent: #8
فوق .. عشان خاطر هاشم ميرغنى
عشان أهلك بخليك .. بشيل فوق جرحى ماضيك بحاول وبرضى ما قادر عشان أنسى وأنسيك
كتير الدمعة فوق عينيك تشوفينى وتخبيها تخافى على أشيل همك وعيونك تحكى بالفيها
اللهم أرحم هاشم ميرغنى وأغفر ذنوبه اللهم نجه من عذاب النار وعذاب القبر اللهم وسع له فى قبره وآنس وحشته فيه اللهم أجعل قبره روضة من رياض الجنة اللهم أسكنه الدرجات العلا من جنة الفردوس
Post: #11 Title: Re: عشان اهلك بخليكى اشيل فى جرحى ماضيك Author: عادل خياري Date: 04-21-2008, 04:35 AM Parent: #10
الحبيب ابن الحبيب محمد عادل لك التحيه وللاسره الكريمه اتابع بشغف مايخطه يراعك اليافع واقول ماشاءالله عليك ولاغرابه فهذا الشبل من ذاك الاسد وانت ابن الاستاذ واتابع تمردك وانت الذي تعودت عليه منذ الصغر ومازلت اذكر لك ياعسكري ماهيتك كم ورطل السكر بقى بي كم على كل ياحبيب سر وعين الله ترعاك وانت تختار الطريق الصعب تقبل تحيات خالد الجفري وياريت تبعت لي تلفون الهادي الصديق على الايميل [email protected] تقبل تحياتي بس الماحيرني الجابرك على البكاء شنو وانت المصادم القوي
Post: #19 Title: Re: عشان اهلك بخليكى اشيل فى جرحى ماضيك Author: محمد عادل Date: 04-21-2008, 03:04 PM Parent: #11
الحبيب عادل كيف احوالك وصحتك واحوال الاهل فى امريكا عم يحى ومحمد وخالد كيف خال ياخى واخبارو شنو واخبار كل الاهل لعلكم بخير فعلا ذكرتنى بايام الصباء الاولى ايام الانقاذ الاولى والاهل قاعدين يفطرو فى رمضان بره فى الشارع واجى اقول يابوليس ماهيتك كم رطل السكر لقى بى كم نحنا انصار بناكل النار الشعار ياكل شطه هههههههههههههههههههههههههههه كانت ايام سارسل لك تلفون الهادى صديق انشاءالله
Post: #12 Title: Re: عشان اهلك بخليكى اشيل فى جرحى ماضيك Author: محمد عادل Date: 04-21-2008, 10:46 AM Parent: #10
الحبيب نادر الفضلى فوق من اجل روح الراحل المقيم هاشم مرغنى
Post: #17 Title: Re: عشان اهلك بخليكى اشيل فى جرحى ماضيك Author: محمد عادل Date: 04-21-2008, 02:41 PM Parent: #8
الحبيب almogira alemam والله شرطتنى من الضحك ياحبيب
Post: #14 Title: Re: عشان اهلك بخليكى اشيل فى جرحى ماضيك Author: sama7 Date: 04-21-2008, 11:16 AM Parent: #1
محمدعادل
كفّااااااااااااااارة ياخ
لكن هو بالله الحنك بتاع أهلى دا لسة ماشى؟ تمام والله يعنى الواحدة لما تجى تزوغ تقول ليك أهلى
طيب الماجابو ليها سيرة العرس أساسا تتعذر بشنو؟ حنك الأهل ما بنفع كان قام قال السألهم منو حسى
بس قلنا نجى نديك فاتحة وكدا
الغنية خطيرة بالمناسبة... اللهم ارحم هاشم ميرغنى
Post: #16 Title: Re: عشان اهلك بخليكى اشيل فى جرحى ماضيك Author: محمد عادل Date: 04-21-2008, 02:29 PM Parent: #14
ياسماح كيف كفرالله سياتك دا الزول الببارى حواء بتدوى المقابر طوالى ويكون فارش شهرين وداخل فى التالت بيت حبس ماكده مابتقصرى واللهم اغفر وارحم هاشم مرغنى
