Post: #1
Title: اين بشري شفوقة aka بشري سليمان؟؟؟
Author: abubakr
Date: 04-18-2008, 06:10 PM
بشري شفوقة بن خالتي بشري سليمان زول مزاجاتي مما كنا اطفال وهو علي مزاجو كبرنا ولم يكبر مزاجو الا بطريقتو هو ... يكتب شعرا ان اراد ولا يكتب اي حاجة برضو ..يطل علي هذا المنبر مرات متتالية ثم يغيب شهورا ....
انه عشرة عمر -بالاضافة الي حكاية القرابة دي - اشتاق اليه احيانا كثيرا وابحث عنه في عشرات الرسائل اليومية هنا فلا اجده واحيانا اجده في رد سريع لموضوع ثم يغيب....
وووا بشري شفوقة اير هيدويا .....
|
Post: #2
Title: Re: اين بشري شفوقة aka بشري سليمان؟؟؟
Author: محمَّد زين الشفيع أحمد
Date: 04-19-2008, 04:45 AM
Parent: #1
الأُسْتَاذُ / أبُو بَكر ..
مَتَّعَكَ اللهُ بمديدٍ عُمْرٍ
وعافية ..
فهل هُوَ ذاتُ الشَّاعرِ
الذي كَتَبَ نَصَّاً بعنوان " سَقَطَ سَهْوَاً " هُـنَا " على مُنْتَدياتِ عكسِ الرِّيحْ " :
http://drmoiz.com/phpBB2/viewtopic.php?t=24005
Quote: ( هأنا الأن أسقطُ حظـاً
من وقتي ..
لأكتبَ سهوي موتاً كما هو !.
الآنَ أسقطُ نجمة بين يدي سيدي ..
تأكلُ سواد ليلها نوراً فنور
وتقتلني مهلاً .. مهلاً
وأُقبرُ هُنا .. ) |
رَجُلٌ بحَجْمِ هذا الجمالِ حَرِيٌّ بِنَا
أنْ نسألَ عنهُ وأنْ نَقِفَ
لِحَرْفِهِ احتراما ...
فلكَ ولهُ خالصُ الوُدِّ ،
فمَا أنا إلا رَجُلٌ أعْياهُ
حُبُّ المفرداتِ والحُرُوفِ
فاقبلني عندَكَ ضيفاً زائرَا ،
وسأضْمُمُ جَناحي لجَناحِكَ سَـائلاً
ولِيُغْرِقَنا سويَّاً فَيْضُ الإجاباتْ ..
مَنابرُ محبَّةٍ واحترامْ .
أخوك / محمَّد زين ...
|
Post: #3
Title: Re: اين بشري شفوقة aka بشري سليمان؟؟؟
Author: abubakr
Date: 05-05-2008, 05:51 AM
Parent: #1
| Quote: الذي كَتَبَ نَصَّاً بعنوان " سَقَطَ سَهْوَاً " |
الف شكر يا محمد لتنبيهي الي مداخلتك هذه والتي غابت عني...
بشري شفوقة من علامات قريتنا التي تحت الماء منذ اكثر من اربع عقود وكذلك اسرتنا الممتدة ..لم نتقابل منذ عقود تلات الا ان اسمه لن يسقط "سهوا" ولا قصدا ...
|
Post: #4
Title: Re: اين بشري شفوقة aka بشري سليمان؟؟؟
Author: الطيب شيقوق
Date: 05-05-2008, 06:04 AM
Parent: #3
الرطاني
نحييك من هنا ونحيي بشرى
| Quote: بشري شفوقة بن خالتي بشري سليمان زول مزاجاتي مما كنا اطفال وهو علي مزاجو كبرنا ولم يكبر مزاجو الا بطريقتو هو ... يكتب شعرا ان اراد ولا يكتب اي حاجة برضو ..يطل علي هذا المنبر مرات متتالية ثم يغيب شهورا .... |
والله والله نصيحتي ليك انت اول بالتبادي متروس فلوس وعارفك يدك دائما ممدودة للاعمال الخيرية لكن بس نصيحة اقبلها من اخيك ده .
يا اخي في اولاد ناس طيبين ومحتاجين للتعريفة دى ولغتهم العربية والدارجية ما فيها طق يا اخي شوف ليك واحد يراجع كتاباتك لانو راسك مليان حديث كتير وحلو بس عندك مشكلة communication
|
Post: #5
Title: Re: اين بشري شفوقة aka بشري سليمان؟؟؟
Author: abubakr
Date: 05-05-2008, 06:48 AM
Parent: #1
| Quote: والله والله نصيحتي ليك انت اول بالتبادي متروس فلوس وعارفك يدك دائما ممدودة للاعمال الخيرية لكن بس نصيحة اقبلها من اخيك ده . |
الترس اليربطوك فيهو ؟؟ اكان متروس فلوس شن بخليني اهاجر من بلاد النوبة الي بلد العرريب؟؟
| Quote: يا اخي في اولاد ناس طيبين ومحتاجين للتعريفة دى ولغتهم العربية والدارجية ما فيها طق يا اخي شوف ليك واحد يراجع كتاباتك لانو راسك مليان حديث كتير وحلو بس عندك مشكلة communication |
اولا دييل ياخدو من ناس اللغة العربية اما انا فرطاني .. تانيا كيف راسي مليان حديث وما عندي كومينكيشن ؟؟؟اهم مرحلة تسبق الاتصال الشفاهي او المكتوب انو انو راسك يكون فيهو شي قابل للتوصييل وما كل الفي الراس قابل للتوصييل الي اطراف اخري وما كل كلاما بتقال وعربيكم السجم دة رغم انو مليان تعابير انسانية الا ان عالمكم البشري الذي يتحدث به عندو حساسية ضد تلك التعابير وتلقاهو حاضن كل البتودي سقر ولظي .. اها فلوسك ادييها للعرريب الصغار اللغتهم ما فيها شق ولا طق ؟؟
|
|