Post: #1 Title: بخيت وسعيد لأولاد جبل الحديد Author: سمية الحسن طلحة Date: 04-17-2008, 03:35 PM Parent: #0
الصديق الشيخ الطيب الشيخ الزبير و صفاء الزبير الشيخ محمد عثمان
بخيت وسعيد علي الصديق بيتاً قبلة للمساكين بخيت وسعيد عليك ياصفاء حراساً تلوب قارحين أبوكم أبوي عبد الباقي جبلاً ركّز البطاحين يبقالكم ضرا ووقاية من شر كل عارض وعين
كنت عشمانة أخوكا وولدي يكونوا أول الحاضرين يشيلوا معاك ساعة الواجبة يبقولك ضراعاً إيمين بي عزا عريض نتباهى فوق ساساً فديم ومتين حكم الغربة جار علي ناساً هم من أعدل الحاكمين
كنت بدور أشيل الجرتق أجرتق بيه أضوى جبين كنت بدور أشيل الفال وتتلقى الملايكة آمين كنت بدور قليبي الياما عاش فرق الأحبة سنين تملاه الفرحة تتطمح بيه يطير في أعلى عليين
حضرت المال باركت الشبكة والشيلة التكيل العين وجيت مع بنيتي للغربة ومعاي شوقاً كتير صادين مابنساها عبرة هالة وصوتا اللسه في الأذنين عاد ياعيوني أندبن حظي بالدمع الغزير وثخين
ليكم مني ألف سلام و قيدومة و عديلة و زين للضيفان للحبان للجنيات للبنوت وللشايبين يداول ربنا الأيام وباكر نمسي فرحانيين يمسح دمعنا العشاي نكون يوم فرحه مجتمعين
سمية الحسن محمد طلحة
Post: #2 Title: Re: بخيت وسعيد لأولاد جبل الحديد Author: بشير حسـن بشـير Date: 04-17-2008, 03:41 PM Parent: #1
الملكه / سميه الحسن
عبرك نبارك ونهنىء
ومشكوره أختى
Post: #5 Title: Re: بخيت وسعيد لأولاد جبل الحديد Author: سمية الحسن طلحة Date: 04-17-2008, 08:06 PM Parent: #2
أخي العزيز / بشير حسن هناك الله بالتقوى والإيمان وبارك لك وبارك فيك كنت في إجازة قصيرة وقد مررنا بربوعكم العامرة
لك الشكر أجزله
Post: #3 Title: Re: بخيت وسعيد لأولاد جبل الحديد Author: اْسامة اْباّرو Date: 04-17-2008, 05:58 PM Parent: #1
Quote: أبوكم أبوي عبد الباقي جبلاً ركّز البطاحين
نسوق التحايا لجموع اّل الهابر جبل الحديد و عموم أهلنا البطاحين عبر مليكتهم
Post: #14 Title: Re: بخيت وسعيد لأولاد جبل الحديد Author: هاشم أحمد خلف الله Date: 04-19-2008, 01:23 PM Parent: #13
الف الف مبروك يا سمية بيت مال وعيال
Quote: بخيت وسعيد لأولاد جبل الحديد
Post: #15 Title: Re: بخيت وسعيد لأولاد جبل الحديد Author: الطيب شيقوق Date: 04-19-2008, 05:40 PM Parent: #14
الف مبرك يا شيخ الزبير والاخت سمية انشاء الله زواج مبارك
معذرة للتاخير بس كنت باحث عنو كتير وبالصدفة وقلت ارضى على ود الشيخ بالهدية دى .
Post: #18 Title: Re: بخيت وسعيد لأولاد جبل الحديد Author: سمية الحسن طلحة Date: 04-19-2008, 06:21 PM Parent: #15
شكرا شيقوق
ومليون مبروك للعزاز غلينا أسياد النزلة المقابلة السوق
الدموع قرين... مالك علينا ياود الناسِ
Post: #16 Title: Re: بخيت وسعيد لأولاد جبل الحديد Author: سمية الحسن طلحة Date: 04-19-2008, 05:58 PM Parent: #14
الله يبارك فيك أخي العزيز هاشم
لك الشكر والعرفان
Post: #17 Title: Re: بخيت وسعيد لأولاد جبل الحديد Author: أحمد الشايقي Date: 04-19-2008, 06:07 PM Parent: #1
ألاف التبريكات
لأبناء الشيوخ
عزاز وأبناء عزاز
جمع الله بينهم في خيـر
مع وافـر التحيـة
أحمد محمود الشايقي
Post: #19 Title: Re: بخيت وسعيد لأولاد جبل الحديد Author: سمية الحسن طلحة Date: 04-19-2008, 06:27 PM Parent: #17
الأخ الكريم / أحمد الشايقي أعزك الله وبارك لك وبارك فيك وجمع لك خير الدنيا ونعيم الآخرة
ولك جزيل الشكر
Post: #20 Title: Re: بخيت وسعيد لأولاد جبل الحديد Author: الطيب شيقوق Date: 04-19-2008, 07:15 PM Parent: #19
Quote: ألاف التبريكات
لأبناء الشيوخ
عزاز وأبناء عزاز
جمع الله بينهم في خيـر
مولانا احمد الشايقي
كيفك يا اخي والله مشتاقين ليك يا زعيم
Post: #21 Title: Re: بخيت وسعيد لأولاد جبل الحديد Author: Mohamed Abdelgaleel Date: 04-20-2008, 06:56 AM Parent: #20
الاخت سمية .. مبروك لأولاد جبل الحديد وموفقين إن شاء الله
Post: #22 Title: Re: بخيت وسعيد لأولاد جبل الحديد Author: salma subhi Date: 04-20-2008, 07:00 AM Parent: #21
الأستاذة الحبيبة والقديرة سمية الحسن طلحة...
عوداً حميداً وجد مشتاقين ليك شديد.....
الف مبروك
وانشاء الله داركم عامرة دايماً بالأفراح
Post: #23 Title: Re: بخيت وسعيد لأولاد جبل الحديد Author: Ahmed Yousif Abu Harira Date: 04-20-2008, 07:20 AM Parent: #22
سمية حمدلله على السلامة ومبروك لرفيقي الصديق الشيخ الطيب ولزوجته الكريمة.
ومبروك يا شيخ الزبير وربنا يجعلو منزلا مبارك
Post: #27 Title: Re: بخيت وسعيد لأولاد جبل الحديد Author: سمية الحسن طلحة Date: 04-20-2008, 08:36 AM Parent: #23
الأخ أحمد يوسف أبوحريرة يباركوا لك جديد وليداتك ومبروك لرفيقك تمنيت تكون وزيره
Post: #24 Title: Re: بخيت وسعيد لأولاد جبل الحديد Author: على محمد على بشير Date: 04-20-2008, 07:22 AM Parent: #22
الملكه بت طلحه
ديل عيال الشيخ عبدالباقي جبل الحديد أب شام ياخ الف مليار مبرووك ليهم وليكى وبخيت وسعيد انشاء الله
تلقيها البطانه وشرق النيل انقلبت كلها والناس جوهم من كل فج عميق
Post: #28 Title: Re: بخيت وسعيد لأولاد جبل الحديد Author: سمية الحسن طلحة Date: 04-20-2008, 08:49 AM Parent: #24
الأخ الكريم / على محمد على بشير يباركوا ليك ياود الكرام وأنت أدرى بشعاب جنيات البطاحين سلفيق رسمي مافي ضوابط عرضة وصوفرية وبطان شين بالحيل اليوم أب عجاجاً دُكو في السما رابط هيلكم ورثة يا صند الناس الخابت
Post: #26 Title: Re: بخيت وسعيد لأولاد جبل الحديد Author: سمية الحسن طلحة Date: 04-20-2008, 08:24 AM Parent: #22
عزيزتي سلمى صبحي بارك الله فيك وأفرحك دنيا وآخرة
والشوق ماليه قيف
Post: #25 Title: Re: بخيت وسعيد لأولاد جبل الحديد Author: سمية الحسن طلحة Date: 04-20-2008, 08:22 AM Parent: #21
الأخ محمد عبد لجليل يباركوا ليك إنشاء الله الجديد والسعيد
وفقك الله لما يرضي ويفيد
Post: #29 Title: Re: بخيت وسعيد لأولاد جبل الحديد Author: الفاتح الجنيد Date: 04-20-2008, 09:36 AM Parent: #25
العزيزة سمية
جيدا جيتى ،،، وحمدا لله على العودة سالمة غانمة وأنتى تتأبطين الاخبار المفرحة
Post: #30 Title: Re: بخيت وسعيد لأولاد جبل الحديد Author: سمية الحسن طلحة Date: 04-20-2008, 10:07 AM Parent: #29
يباركوا ليكم الجديد ياالفاتح أخوي وحمد الله غلي سلامة شوفة الأهل نتمنى ليهم إقامة طيبة بينكم تحياتي للأسرة الكريمة ولي خيتي أسماء جيدن بلت شوقا
Post: #31 Title: Re: بخيت وسعيد لأولاد جبل الحديد Author: الطيب شيقوق Date: 04-20-2008, 08:51 PM Parent: #30
الشيخ الزبير اتماسك شوية مع المدحة دى
Post: #32 Title: Re: بخيت وسعيد لأولاد جبل الحديد Author: خالد علي محجوب المنسي Date: 04-20-2008, 09:07 PM Parent: #31
Quote: كنت بدور أشيل الجرتق أجرتق بيه أضوى جبين كنت بدور أشيل الفال وتتلقى الملايكة آمين كنت بدور قليبي الياما عاش فرق الأحبة سنين تملاه الفرحة تتطمح بيه يطير في أعلى عليين
أولاً ألف مبروك وتهانينا لآل الشيخ الطيب الشيخ الزبير ثانياً ألف حمدالله على السلامة ريحان البطانة
غناك سمح يعز ويهز ويرز
تحياتي ومودتي
Post: #33 Title: Re: بخيت وسعيد لأولاد جبل الحديد Author: الطيب شيقوق Date: 04-20-2008, 09:13 PM Parent: #32
المنسي
Quote: أولاً ألف مبروك وتهانينا لآل الشيخ الطيب الشيخ الزبير ثانياً ألف حمدالله على السلامة ريحان البطانة
افو افو امانة ما اتلومت ومشيت عريان سااااااااااى الشي يادوب جيت تبارك الله يفكك من بت طلحة الليلة
Post: #34 Title: Re: بخيت وسعيد لأولاد جبل الحديد Author: خالد علي محجوب المنسي Date: 04-20-2008, 09:52 PM Parent: #33
Quote: افو افو امانة ما اتلومت ومشيت عريان سااااااااااى الشي يادوب جيت تبارك الله يفكك من بت طلحة الليلة
ريحانة البطانة قلبها الطيب يحوي كل غفلاتنا وزلاتنا بس انتَ كان تسوي الزين لكن الزين مو شبهك يا المسنوح
العذر لزهرة الحسن ودطلحة مع أني قاطع الشك باليقين تب ماهي زولت لوم
الطيب مابعرف اللوم وبخلق لغيرو الأعذار
الليلة كان ريحانة وكان سعدة وقعت آ الشوم حالفة ايدها ما تمدها ليك تجي تبارك بعد الناس كلهم يتفرتقوا يا سجم الرماد بطلاق خربت سمعتنا ومليت خشمنا طين طاااااااااااااب ونفضناك ده طرفنا منك
Post: #37 Title: Re: بخيت وسعيد لأولاد جبل الحديد Author: سمية الحسن طلحة Date: 04-20-2008, 10:19 PM Parent: #32
مرحبا أخي خالد عقبال عندكم الأفراح والمسرات
تسلم يا بو أحمد قدامي في الواجبة ماك وراني حاشاك اللوم والقصار مابتقصر ياشيقوق في دي ما حزرت
Post: #35 Title: Re: بخيت وسعيد لأولاد جبل الحديد Author: سمية الحسن طلحة Date: 04-20-2008, 10:08 PM Parent: #31
شيقوق فقدناك في المحاضرة كانت قمة الروعة
شكرا للمدخة يعاقبوك في السمح
Post: #38 Title: Re: بخيت وسعيد لأولاد جبل الحديد Author: الطيب شيقوق Date: 04-20-2008, 10:28 PM Parent: #35
Quote: مرحبا أخي خالد عقبال عندكم الأفراح والمسرات
لو بتعرف يا خالد اخوى الكلام الفوق ده تحتو كلام كتيييييييييير بس الله يفكك من كاجور بت الصالحين بتملا الليلة خشمك ت راب .
Post: #39 Title: Re: بخيت وسعيد لأولاد جبل الحديد Author: سلمى الشيخ سلامة Date: 04-20-2008, 10:49 PM Parent: #38
مبروك وبخيت وبيت مال وعيال يا السمحة ام عجن تسلمى ويسلموا اولاد جبل الحديد
Post: #40 Title: Re: بخيت وسعيد لأولاد جبل الحديد Author: سمية الحسن طلحة Date: 04-21-2008, 00:06 AM Parent: #39
سلمى الشيخ سلامة تتبارك حياتك جيدن جات نفحاتك ياالعاجبني وهاطك بفرح بي جياتك
Post: #41 Title: Re: بخيت وسعيد لأولاد جبل الحديد Author: سوسن عبد الله Date: 04-21-2008, 07:43 AM Parent: #40
Post: #42 Title: Re: بخيت وسعيد لأولاد جبل الحديد Author: سمية الحسن طلحة Date: 04-21-2008, 10:11 AM Parent: #41
العزبزة / سوسن عبدالله شكرا لعبق سوسنك الذي يغمرنا أريجه وهذا ليس بمستغرب من سليلة الأستاذ التربوي عبدالله عبيد شكراً لمرورك الأنيق أدام الله عليكم الهنا والسرور
Post: #43 Title: Re: بخيت وسعيد لأولاد جبل الحديد Author: بله محمد الفاضل Date: 04-21-2008, 12:54 PM Parent: #1
يا سلام عليك يا سمية يمثلك ما قلته خير تمثيل
ومبروك ليهم وبيت مال وعيال
Post: #44 Title: Re: بخيت وسعيد لأولاد جبل الحديد Author: سمية الحسن طلحة Date: 04-21-2008, 07:00 PM Parent: #43
الكاتب / بلة محمد الفاضل تشرئب الأعناق لرؤية كتاباتك أما وقد عانقت حروفك المكان فهذا لعمري تكرم وتفضل من فاضل
أسعدتنا إذ هنأتنا لك الشكر أجزله
Post: #45 Title: Re: بخيت وسعيد لأولاد جبل الحديد Author: soma Date: 04-22-2008, 09:34 PM Parent: #44
الاخت سميه حمد الله على سلامة الوصول والف الف مبروك للعرسان الخبر جميل ويفرح حد الدموع وخالة العروس آخر من يعلم مى محرية فيك يا بت طلحة.. نسمع متل البعاد فى النت لكن بخيت وسعيد وبيت مال وعيال ان شاء الله وصفوية تستاهل اكتر من كدة كان هى فى ما كان نستنا .. ربى يسعدها ان شاء الله تهانينا الحارة لكل الاهل وتهنئة خاصة لوالدها الزبيروبقية افراد الاسرة الكريمه
Post: #46 Title: Re: بخيت وسعيد لأولاد جبل الحديد Author: محمد على طه الملك Date: 04-22-2008, 10:47 PM Parent: #45
Quote: بخيت وسعيد علي الصديق بيتاً قبلة للمساكين بخيت وسعيد عليك ياصفاء حراساً تلوب قارحين أبوكم أبوي عبد الباقي جبلاً ركّز البطاحين يبقالكم ضرا ووقاية من شر كل عارض وعين
كنت عشمانة أخوكا وولدي يكونوا أول الحاضرين يشيلوا معاك ساعة الواجبة يبقولك ضراعاً إيمين بي عزا عريض نتباهى فوق ساساً فديم ومتين حكم الغربة جار علي ناساً هم من أعدل الحاكمين
كنت بدور أشيل الجرتق أجرتق بيه أضوى جبين كنت بدور أشيل الفال وتتلقى الملايكة آمين كنت بدور قليبي الياما عاش فرق الأحبة سنين تملاه الفرحة تتطمح بيه يطير في أعلى عليين
حضرت المال باركت الشبكة والشيلة التكيل العين وجيت مع بنيتي للغربة ومعاي شوقاً كتير صادين مابنساها عبرة هالة وصوتا اللسه في الأذنين عاد ياعيوني أندبن حظي بالدمع الغزير وثخين
ليكم مني ألف سلام و قيدومة و عديلة و زين للضيفان للحبان للجنيات للبنوت وللشايبين يداول ربنا الأيام وباكر نمسي فرحانيين يمسح دمعنا العشاي نكون يوم فرحه مجتمعين
أبشري يابت العزاز من جم .. كل التهاني والتبريكات لآل الشيخ الطيب .
Post: #48 Title: Re: بخيت وسعيد لأولاد جبل الحديد Author: سمية الحسن طلحة Date: 04-23-2008, 02:49 PM Parent: #46
محمد على طه الملك مردودة ليك مبروك ياالملك ود الملوك في الحارة إت بلقوك وبي شينة مايفقدوك
Post: #47 Title: Re: بخيت وسعيد لأولاد جبل الحديد Author: سمية الحسن طلحة Date: 04-23-2008, 02:41 PM Parent: #45
بت الجنيد كيفنك وحاة أبوي الشيخ الحسن الما أرخصه الموت ما بسألك ! يابت مالك ؟ كدي أقري الكلام الفوق دا كويس لكن مابلومك نحنا نلخبط الما بتلخبط بتشابه الأسماء والفال قال ...
سلام كتير للكل
Post: #49 Title: Re: بخيت وسعيد لأولاد جبل الحديد Author: سمية الحسن طلحة Date: 04-27-2008, 11:17 PM Parent: #47
سلم على الناسيين يانسيم وطريهم قوليهم الأحباب الوجد شاقيهم
شيل العتاب يانسيم ضوع بيهو في دارن مر بالغرف يانسيم كان تلقى أخبارن