الله يفضحكم..هل السودان فعلا عاجز عن تكاليف علاج سنــاء ؟؟

Quote: الشيخة فاطمة تتكفل بعلاج طالبة سودانية تعرضت لحروق

Quote: سمو الشيخة فاطمة وجهت هيئة الهلال الأحمر بسرعة اتخاذ الإجراءات اللازمة لاستقدام سناء وتوفير الرعاية الصحية والعلاجية لها حيث جاءت مبادرة سمو الشيخة فاطمة تجاوبا مع نداءات أسرة الطالبة السودانية التي أطلقتها مؤخرا لذوي القلوب الرحيمة لعلاج ابنتهم ومساعدتها على تجاوز محنتها الإنسانية. وأشار الكعبي إلى أن سناء التي قدمت الدولة برفقة شقيقها ستغادر خلال اليومين المقبلين إلى الولايات المتحدة حيث سيتم تقديم لها العلاج التجميلي والنفسي والذي قد يستغرق عاما ونصف.

يا ولدي السودان عاجز عن علاج طفل اصيب بصعق كهربائ في مسجد والذي يفترض ان يكون تحت رعايه الدوله وكذلك الاصابات التي تتم داخله وفقد ذراعه الايمن من لوح الكتف والمبلغ المطلوب كله 30 الف دولار والطفل طريح سرير المستشفي منذ رمضان القات والبكتريا تنهش في جسده
انت تتحدث عن علاج سناء الاقل تقدير له 200 الف دولار من غير اعاشتها ومرافقها في بلد كامريكا ؟؟؟!!!

الخالة دومة..
سلام

Quote: يا ولدي السودان عاجز عن علاج طفل اصيب بصعق كهربائ في مسجد والذي يفترض ان يكون تحت رعايه الدوله وكذلك الاصابات التي تتم داخله وفقد ذراعه الايمن من لوح الكتف والمبلغ المطلوب كله 30 الف دولار والطفل طريح سرير المستشفي منذ رمضان القات والبكتريا تنهش في جسده انت تتحدث عن علاج سناء الاقل تقدير له 200 الف دولار من غير اعاشتها ومرافقها في بلد كامريكا ؟؟؟!!!

والله مأساة..

إيه تساوي المائة والمتين ألف دولار بالنسبة لإمكانات دولة..؟؟؟؟؟؟؟
وبالنسة لسمعتنا كسودانيين...وأقل كوز راكب عربية من أموالنا
أغلي من هذا المبلغ.

نتمني لسناء الصفاء العاجل وللطفل أن يجد أمير أو شيخة أو اي فاعل خير
يتكفل بعلاجه سريعا..


الله يفضحهم لكل العالم..دنيا وآخرة...

الواحد فيكم لو حصل ليهو زي الحصل لي سناء ده ..
وطبعا ممكن في بلدنا..

ما ينتظر ليهو (دولة) ولا (فاعل خير) في السودان يعالجو..

ديل أهل الحارة!!

ـــــــــــــــــــــــــــــ
هذا بإستثناء (الفقراء الأغنياء) الذين فعلوا المستحيل لإعادة بسمتها.

أخى العزيز خالد

تحياتى الأخوية

Quote: الله يفضحكم..هل السودان فعلا عاجز عن تكاليف علاج سنــاء ؟؟

ماذا كان يضير آكلى مال البترول وسارقى ثروات الوطن فى أن يتكفلو بعلاج الأخت سناء؟؟؟

الفيلات الرئاسية وشراء ذمم كل من عارضهم(وتسميته بالسلام) هذه هى بنود الصرف فى حكومة على بابا والأربعين حرامى...

ثم كانت المفاجأة الكبرى...وعلى مرأى الجميع....إصطف سفراء النظام وعملائه فى الخليج وأمريكا لاستقبال الأخت سناء وكأنهم ملائكة الرحمة....

إننا نتعامل مع نظام فقد كل ذرة من الحياء وأصبح يراهن على غبائنا وأن مٍنا من يرجع الى منزله جذلان قائلا "والله ناس السفارة ما قصروا وكانوا فى الإستقبال"......

السودان عجز عن حمايتها ، والجاني يقدل في دمغة الجريح ، وملف القضية في خبر كان ، وسناء المسكينة لولا العناية الإلهية لكانت في خبر كان .. والخير في أمتي إلى أن تقوم الساعة ( أمة محمد - صلى الله عليه وسلم ) بخير ... أرقد قفا ... أما حكومة ( الحكم الرشيد والمشروع الحضاري ) ، فلا يحتاج الأمر فيها لعناء واستنتاج واستنباط الأدلة والبراهين في سيرتها ونهجها ...الحكومة ( البودي : مشروع إسلامي تايوان ، والمكنة ( قبلية صرفة)يابان . تحياتي

يا اسامة سلام ..

فعلا ما ذكرته:

Quote: إننا نتعامل مع نظام فقد كل ذرة من الحياء وأصبح يراهن على غبائنا وأن مٍنا من يرجع الى منزله جذلان قائلا "والله ناس السفارة ما قصروا وكانوا فى الإستقبال"......

لو البلد ما فيها قروش نقول معليش..
لو البلد مافيها خرتمية وزير نقول معليش..
لو البلد ما فيها مليون كوز بقوا مليارديرات بي حقنا برضو نقول معليش..
لو البلد ما فيها وزيرة صحة نقول معليش..

لكن في النهاية نقول : معليش لي سنــاء..
ولكل الشعب المغلوب علي أمره.

عبدالرحمن الحلاوي..

تحياتي
اين هي الدولة إذا؟؟
إذا كانت القضايا التي هي من صميم عملها يتكفل بها خيرين من خارج الحدود..

تبا لهم من مجرمين..

تبا لعمر البشير ولعلي عثمان ونافع وعبدالرحيم وصلاح الدين والجميعابي وكل الوزراء
وكل السفراء وكل الكيزان..لعنة الله عليهم أجمعين..

وده واحد من هؤلاء المجرمين:

Quote: من جانبه أكد احمد جعفر عبد الكريم سفير السودان لدى الدولة على أن مبادرة سمو الشيخة فاطمة بنت مبارك الإنسانية أثلجت صدور السودانيين قاطبة ، مشيرا إلى أنها ليست غريبة على ( أم الإمارات ) التي امتدت أياديها البيضاء للقريب و البعيد ، وشدد على أن سموها سباقة دائما في عمل الخير ودعم مجالاته المختلفة ، منوها في هذا الصدد إلى أن سناء تلقت العديد من المبادرات من خارج السودان لعلاجها إلا أن سمو الشيخة فاطمة كانت سباقة كدأبها وبالتالي نالت الفضل واستحقت الإحسان والثناء و التقدير.

اتخيل كيف يكون الحال لو ماكنت سوداني واهل الحاره ديل اهلي ديل اهلي

عادل خياري سلام

Quote: اتخيل كيف يكون الحال لو ماكنت سوداني واهل الحاره ديل اهلي ديل اهلي

والله يا عادل زي الحال الفيها نحنا هسه دي
ولو ما بنقول إنها عابرة وحتعدي..
تقول يا ريت لو كنت أي حاجة غير سوداني..
وأهل الفضائح ديل لا أهلي ولا بعرفهم..


بتنا يتكفل بعلاجها أهل الخير من خارج الحدود..
إحساس مهين لأبعد درجة..

الاخ خالد الطيب
كورلا كل اسبوع...... في بلد الجوع
ورقمك دهب ...... يكاد عقلي يذهب
وفي مارسيدس في الطريق..... ساده (الزقاق) الفي الفريق
والستره والفضيحه متباريات ماشات حفلات التكريم المعقمه بالاوزون وغاز الفريون
الله يفضحنا تااااااني كيفين؟؟؟





سناء قوووول خلاس ربنا سخر ليها (الخلايجه وصلوا) هسي الاطفال المسجونين مع امهاتم في سجن النساء امدرمان ديل , لمن تجي السفاره الانجليزيه ترعاهم سته شهور بلياليها (ما زي ليالي حقتنا) ونجي يوم الجمعه الامام يختم الخطبه ب (اللهم ازل النصاري) ما فضيحه....!!!
استغفرتك يا مالك روحي دي ولده دي...!!!! (من مسلسل اللواء الابيض)

Quote: نالت الفضل واستحقت الإحسان والثناء و التقدير.

كلام إنشائي ، كلام علاقات عامة ، ( وإذا قيل لهم لا تفسدوا في الأرض ، قالوا إنما نحن مصلحون ) .

Quote: الله يفضحنا تااااااني كيفين؟؟؟

بلد التناقضات والإجرام وأكل المال العام..

قصور وفلل رئاسية..
يخت رئاسي..
أبراج..
عربات ما تديك الدرب آخر موديل..
عمم ..ودقون..
وملي بطون..
تلاتين عربية بأيام الشهر..
ورقمك دهب لمدة شهر..



وملاحظة تانية يا نعيم ..إنو الشعوب دي معظمها ما قاعدة تتفاخر
وتتعاور زي عوارتنا البنعمل فيها ..
أهل الكرم..!!
وأهل الجود..!!
وأهل الحــارة..!!
وتصور كيف يكون الحال لو ما كنت سوداني..!!!!

كان حيكون والله أفضل بالذات في زمن الحرامية ده..

Quote: ( وإذا قيل لهم لا تفسدوا في الأرض ، قالوا إنما نحن مصلحون )

صدق الله العظيم..

وكلو واحد فيهم يكبر ويهلل ويعمل ليك فيها أكبر مصلح..
وهو أكبر حرامي..لكن الكويس الشعب إتعلم منهم درس ما حينساه.

إحساس بالخزي وبالعار يفترض أن يهز دواخل اي سوداني
وهو يري أبناء السودان
يتكفل بعلاجهم الخيرين من خارج الحدود..

وفي نفس اللحظة تشاهد أثر النعمة والقروش واضح في كل مسؤول

الدنيا ما بتعدم من الخيرين وأصحاب القلوب الرحيمة
والحمد لله إنو أحباب سناء فكروا وأستطاعوا إيصال نداءهم
لهؤلاء..فالعالم مليء بدول ومنظمات و أفراد تحس وتشعر
بمأسي وألم ومعاناة الآخر..بينما للاسف لا تجده من حكومتك
ولا رئيس جمهوريتها ولا المليارديرات من شعبها..

ويجي يقول ليك نكرم منتخب مصر..!!!
حتكرموا من وين؟؟؟؟
لا تكريم ولا يحزنون..الأولي هو
هذا الطفل وأمثاله..

Quote: إحساس بالخزي وبالعار يفترض أن يهز دواخل اي سوداني وهو يري أبناء السودان يتكفل بعلاجهم الخيرين من خارج الحدود.. وفي نفس اللحظة تشاهد أثر النعمة والقروش واضح في كل مسؤول

أغنى الأنظمة دائما توجد أفقر الدول!!!!!1
رأيت يوما مصابى العمليات من القوات
المسلحة يسدون الطريق وقد خرج معظمهم
من المستشفيات ليعتصموا فى الشارع!!

حتى من تحقق المشروع على أجسادهم
لم يجدوا من يسأل عنهم أو يلبى لهم
طلبا...

يا خالد..مثل سناء يوجد آلاف مؤلفة..
يعانون ظلم الإنسان لأخيه الإنسان داخل
دولة المشروع الحضارى,,,ليس كلهم
إعتدى عليهم أزواجهم ولكن معظمهم
إعتدى عليهم السلطان!!!من لم يعتدى
عليهم الحاكم بإهماله لهم كمواطنين
إعتدى عليهم فعليا بالتعذيب والحرق
والتقتيل والتشريد والتنكيل حتى الموت..
ليس فى دارفور وحدها فكل أهل السودان
مملوكين له بوضع اليد!!!!!!

لقد اصبح العلاج من الملاريا رفاهية حتى
صار بصير الحمير والبهائم مسموحا له أن
يعالج من يستطع إيجادالسبيل لطبيب بشر...

إلى أين وإلى متى الله أعلم..

عارف يا خالد كلامك صاح... مافي داعي للعواره ونحن الساس ونحن الراس (مفروض يكون في احساس جمعي بالخجل اليومين ديل) لكن احقاقا للحق اطلع من دائره مركزها الخرطوم... اطلع في اي اتجاه تختاره وحا تلقي الناس هناك (رغم العوز) أهل الكرم..
وأهل الجود..
وأهل الحــارة..
وتصور كيف يكون الحال لو ما كنت سوداني..





االحكومه قنعانين من خيرا فيها, (بئر معطلة وقصر مشيد)..... لكن الناس زااااااااااااااااتم خيرم يقل...!!!
وناس عالم جميل ودهب وشنو ديل (مع احترامي لحقهم في الاعلان) لكن بدل العربات ممكن يجيبوا لبن لاطفال المايقومه وانشاءالله يعلقوا شعارهم في ضهر اي شافع
بس...
بكره احلي

أيمن سلام

Quote: إلى أين وإلى متى

Quote: الله أعلم..

Quote: مافي داعي للعواره ونحن الساس ونحن الراس (مفروض يكون في احساس جمعي بالخجل اليومين ديل)

دي من رابع المستحيلات يا نعيم..
و تلقاهم بعد الفضيحة دي, وتقديمنا دائما للآخر في أسوأ شكل.
عندهم قدرة غريبة
علي النقة والكلام..!!
لو بلد بي حالها (رئاسة جمهورية ووزراء وولايات ورجال أعمال
ورؤوس أموال)
ما قادرة تعالج واحد أو إتنين من أولادها
إيه لزوم الكلام والجعجعة! والعوارة البعملوا فيها دي!!!

قرفنا خلاص والله يا نعيم وفاض بينا..الحل شنو؟؟؟

Quote: حتى من تحقق المشروع على أجسادهم لم يجدوا من يسأل عنهم أو يلبى لهم طلبا...

اصبر إذا الدهر عليك اعتدى وأثبت على مكروهه والحرج
فالدهر كالدولاب فـــي صرفه وليس بعد الضيق إلا الفرج

Quote: من جانبه أكد احمد جعفر عبد الكريم سفير السودان لدى الدولة على أن مبادرة سمو الشيخة فاطمة بنت مبارك الإنسانية أثلجت صدور السودانيين قاطبة ، مشيرا إلى أنها ليست غريبة على ( أم الإمارات ) التي امتدت أياديها البيضاء للقريب و البعيد ، وشدد على أن سموها سباقة دائما في عمل الخير ودعم مجالاته المختلفة ، منوها في هذا الصدد إلى أن سناء تلقت العديد من المبادرات من خارج السودان لعلاجها إلا أن سمو الشيخة فاطمة كانت سباقة كدأبها وبالتالي نالت الفضل واستحقت الإحسان والثناء و التقدير.

آهـ كم هي كبيرة المأساة
فلتسقط هذه العصابات ..
فلتسقط هذه القلة من أعداء الإنسانية
فلتسقط جميع الشعارات الجوفاء والأقنعة المزيفة بتسييس واستغلال دماء الكادحين ..
وضاحة:-
سنعود يا أماه..أختاه، للوطن رغم الشقاء وقسوة الزمن
رغـــم الليالي العابثات بنا والجوع والتشريد والمحن

خالد يا اخوي

قرفنا خلاص والله يا نعيم وفاض بينا..الحل شنو؟؟؟
هم عاوزننا نحبط والعارفه اننا ما حا نحبط
رغم ده كلو بنلقا لينا (كم) نفاج كده
ولسه في ناس (بترد الجميل لشعبنا الوالد الاحبنا)
ولسه في ناس (يؤثرون) ولو كانوا في المعاش (اجباري او اختياري)




كان عندنا حمله في الفيس بوك لدفع رسوم الامتحانات لاطفال شهادة الاساس وفي زول حربي كده اسمه اسامه مشي مدرسه في المورده. وفي المدرسه كان في طفله (يتيمه) ولانوا بلدنا لسه فيها المعلم يستحق القومه وتوفهي التبجيله, مديرة المدرسه كانت بتدي البت قروش الفطور... اسامه اكتشف انو البنت الصغيره كانت بتقسم فطورا مع بنت تانيه (ومافي زول عارف)
ملحوظه: الفطور ب خمسمائه جنيه
البت دي وجيل البت دي هو الحل
خلينا نحن (نكنس الساحه) للعابرين
وبكره احلي

خالد الطيب أحمد


ديل بسبحوا ويضبحوا


تقول لى علاج


لو بقيت منهم بهتموا بيك

يا وضاحة المجرمين ديل أنا راجي فيهم يوم
جرد الحساب تقولي لي لو بقيت منهم !

وشكلوا قرب شديد

كل كبيرة وصغيرة
كل الشهداء الإغتالوهم ..
وكل الشرفاء العذبوهم..
وكل مليم سرقوهو من المال العام ..
البقي حلال في زمننا الأشتر ده..

خالد

يعلم الله اننى اقصد انهم بهتموا بناسن

هذا ما رميت ليه



ديل وباء هل يتمنى الشخص السليم الوباء

up

معليش يا وضاحة..

Quote: ديل وباء هل يتمنى الشخص السليم الوباء

طبعا أكيد لا..

لكن لو خيروني بين الوباء وبين
الكيزان حا أختار الوباء..

ولو بين الكيزان وبين الشيطان
حا أختار الشيطان..
هو أفضل منهم مليون مرة


لكن نرجع ونقول يوم جرد الحساب قرب..
وإنشاء الله يبقوا قدرو

تحياتي

المكرم / خالد الطيب أحمد

مساء الخير ,,,
_________________________________________

ما كتبت ذكرني عبارة أو جزء من قصيدة لا أتذكر على وجه التحديد تقول :

( إن في السودان لكل أمري في غير مكانه
المال عند بخيله .........والسيف عند جبانه )

لو لاحظت أين المال في سودان اليوم !!!!
وأغنياه ( الجدد ) ماذا كانو ومن أين أتو ... لن تندهش ...
من كانوا يرعون غيرهم بنوايا خيّره ذهبوا لغير رجعة
ورحم الله تلك الايام

* على فكرة حتى لو كنت منهم لن تنال برهم وقصة لمعرفة ومن الراسخين غير أن الايام أمتحنته هاهو اليوم هناك بينهم يعاني وأسرته الامرين وهو يحاول علاج أبنه من مرض عضال دون جدوي أو يد بيضاء منهم تمتد ... ليته يحلق اللحية السخيفة ويفيق من وهمه الجميل
_______________
تقبل صادق تقديري

عصام
ألف تحية

Quote: آهـ كم هي كبيرة المأساة فلتسقط هذه العصابات .. فلتسقط هذه القلة من أعداء الإنسانية فلتسقط جميع الشعارات الجوفاء والأقنعة المزيفة بتسييس واستغلال دماء الكادحين .. وضاحة:- سنعود يا أماه..أختاه، للوطن رغم الشقاء وقسوة الزمن رغـــم الليالي العابثات بنا والجوع والتشريد والمحن

سنذيقهم جُرحاً بجُرح
ودماً بدم
والظلم ليلته قصيرة
ومهما إشتد الظلام وطال الليل
أكيد الصباح حيطل..
ويومها قسما لن نتركهم يهربون بجرائمهم..



ألف تحية

شكرت كوستاوي..

لكن نحنا إنفضحنا بما فيه الكفاية..
و لو نصبر مهما نصبر.. عليك يا ويل
أكيد للصبر حدود..
و لو طول مهما طول.. علينا الليل
ما بنرجي الفجر عهود
حنضوي الليل بجراحنا
ويشرق من نورا صباحنا

عبدالناصر..

صباح الخير..

Quote: ( إن في السودان لكل أمري في غير مكانه المال عند بخيله .........والسيف عند جبانه )

Quote: لو لاحظت أين المال في سودان اليوم !!!! وأغنياه ( الجدد ) ماذا كانو ومن أين أتو ... لن تندهش ... من كانوا يرعون غيرهم بنوايا خيّره ذهبوا لغير رجعة ورحم الله تلك الايام * على فكرة حتى لو كنت منهم لن تنال برهم وقصة لمعرفة ومن الراسخين غير أن الايام أمتحنته هاهو اليوم هناك بينهم يعاني وأسرته الامرين وهو يحاول علاج أبنه من مرض عضال دون جدوي أو يد بيضاء منهم تمتد ... ليته يحلق اللحية السخيفة ويفيق من وهمه الجميل _______________ تقبل صادق تقديري

والله يا عبدالناصر صورة سناء أعلاه مبتسمة
ومبادرة الشيخة فاطمة ربنا يزيدها..
هي التي جعلتني أفرح وأغضب بنفس الدرجة..

أفرح لسناء وهي تحمل أزهار الأمل ,
وتعود للحياة من جديد
وأغضب علي من وصلته نداءات سناء ومعارفها المتكررة أولا
داخل قصره وفيلله وحاشيته
ولم تحرك مشاعره بينما يطالب بتكريم
المنتخب المصري بأموال سناء أولي بها
وحفظ ماء وجهنا!!

والله لم أكن أتخيل أبدا
أن أي سوداني -مهما بلغ ما بلغ من سوء-
سيصل إلي هذه الدرجة ..
إلا في زمن هؤلاء المجرمين.!


الله قريب يا عبدالناصر..وليهم يوم
وما حنغفر ليهم أبدا

Quote: كان عندنا حمله في الفيس بوك لدفع رسوم الامتحانات لاطفال شهادة الاساس وفي زول حربي كده اسمه اسامه مشي مدرسه في المورده. وفي المدرسه كان في طفله (يتيمه) ولانوا بلدنا لسه فيها المعلم يستحق القومه وتوفهي التبجيله, مديرة المدرسه كانت بتدي البت قروش الفطور... اسامه اكتشف انو البنت الصغيره كانت بتقسم فطورا مع بنت تانيه (ومافي زول عارف) ملحوظه: الفطور ب خمسمائه جنيه البت دي وجيل البت دي هو الحل خلينا نحن (نكنس الساحه) للعابرين وبكره احلي

وقفت فترة في قسمة سندوتش الفطور في الخفاء..!

ديل هم الأمل فعلا يانعيم
ويفترض
ننظف ليهم السكة بقدر ما نستطيع..
أو شأن عيون أطفالنا ما تضوق الهزيمة..
رغم أن بعضهم
قد تذوقها في غفلة..
وهذه التي لم تجد المديرة لترعاها
وجدت زميلتها.
هي مدرسة أخري داخل مدرسة..!
ربنا يديكم العافية ..
ونتمني بكرة يكون أحلي..

شكرا المبدع أباذر علي (كفــاية)..

وفي كل مرة تدهشنا بعمل عظيم ..

ولو نصبر مهما نصبر أكيدللصبر حدود
لكن نحنا إنفضحنا بما فيه الكفاية..

لا ما عاجز والدليل أهو

Quote: يا ناس سودانيزاونلاين ويامن تعاطف مع الطفل عبدالله داخل وخارج السودان. انا اليوم جيتكم بالخبر السار. احد الخيرين السودانيين من شركة سكر كنانه فى السودان قد قام بدفع مبلغ العلاج كله (20,800 يورو) صدقة لروح والدته الطاهرة. قد ارسل طلب التحويل من حسابه فى بنك ابوظبي بالخرطوم من يوم الاربعاء الماضي ولآن المبلغ كبير لم يتم التحويل حينها واليوم هو بنفسه ذهب للبنك من الصباح الى ان تم التحويل واحضر لى صورة من التلكس. حسب كلام بنك ابوظبي انشاء الله المبلغ حيكون فى حساب المستشفى فى برلين يوم غدا الاثنين على نهاية اليوم او الثلاثاء الصباح. دعونا نترحم على والدة هذا الشاب التى انجبت مثله. ونسال الله ان يعظم اجره ويقدره على فعل الخير دوماً. الحمد لله السودانيين بخير الهام لطيف

Quote: والدليل أهو

Quote: احد الخيرين السودانيين

Quote: من شركة سكر كنانه فى السودان

Quote: 20.800 يورو

الرحمة والمغفرة لوالدته ولـ أموات المسلمين جميعاً






عصام الحاج

شكرا إنعام علي الخبر المفرح..
والذي أزال الكثير من غمنا علي مصير
إبننا عبدالله..علي أمل أن يتم سفره وعلاجه سريعا


ولهذا الإنسان نقول:
ربنا يزيدك ويبارك ليك في العندك بقدر ما فعلت.

وغفر الله لوالدتك وأسكنها فسيح جناته..ً

وأقتبس دعوات الأستاذة حليمة:

Quote: يعدلها عليك محل ما تقبل..وينزل رحمته على والدتك.. عدد ذرات الرمال ما امسى الانام واصبحوا وما صلوا وما دعوا الله اناء الليل واطراف النهار ما امسوا وما اصبحوا.. فرع طيب من اصل طيب..شجرة مروية بالخير والايمان، تطرح ثمارها الى يوم يبعثون.. لك الشكر، من بعد الله.. اللهم انزل شآبيب رحمتك على والدته، واجعل قبرها روضة من رياض الجنة..وظلها بظلك

شكرا علي الخبر المفرح