Post: #1 Title: عامر تيتاوي اعلنت عليك الحب..!! Author: عبدالكريم الامين احمد Date: 04-16-2008, 09:13 PM Parent: #0
هلالابي بلون وطعم الزمن الجميل وعاشق ولهان للطرب النضيف والمزيكة البتنقرش من جووه حلق عندما حط برحاله ووجدانه الطاعم بيننا هنا بسيرة الليل في الاغاني السودانية فوهب المنبر حلما وليلا يغازل الليل... ثم تركنا قليلا ليحلق بسيرة الطيور في الغناء السوداني الطيور الراحلة عند شفق المغارب وسيرة طير الرهو وسيرة ذلك الطير الذي حثاه وردي في الطير المهاجر ذلك اللحن الخالد بان يسرع ويزيد في السرعة زييييييد....... اتهمه دوما بمقدرات الاعتقال خلف اللحن واختيارات الاغاني من محمد مسكين الي خضر بشير وما بينهما حديقة من الغناوي التي جلبها تيتاوي ذات ليل فادهشنا واسكرنا واطربنا
Post: #2 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-16-2008, 09:18 PM Parent: #1
ومن ان فقنا من سيرة الليل والطير غاب ردهة من الزمن خلف زكريات الامتداد برفقة جميلا اخر هو الدكتور طارق جبريل حتي يعود الينا تيتاوي بسيرة اولاد قرف (عباس الكج وحنفية) وحكاوي من بطن الواقع والنبض السوداني عشنا معها وسرنا مع الكج وحنفية في زقاقات الفريق اللاتيني والهمنا تيتا حكي ودهشة..وهلال
Post: #3 Title: Re: عامر تيتاوي اعلنت عليك الحب..!! Author: عامر تيتاوى Date: 04-16-2008, 11:35 PM Parent: #2
من جديد جيت تانى تكسر صمتى ياكيكى بجمال النفس الاصيلة والمحبة التى لاتعرف سوى ان تهب الغير معنى المودة الصادقة والروح الوثابة المعطاءة فقد غمرتنى باحساس جميل يقاوم هداة الليل ويثير صخب المشاعر الطيبة تجاه الناس والحياة شكرا لكرمك ياعبد الكريم الامين وانى مدين لك طبعا كده انا قلبتها دراما ولكننى وجدت نفسى اسيرا لكلماتك الطيبة ففاض يراعى بقليل من كثير الود الذى احفظه لك فى نفسى وما طيور الاغنيات الا دعوة للتحليق فى فضاءات الحرية اما الليل فهو الرفيق الذى نبث اليه همنا ونتداعى فيه لنشكو نهارات الصبر والعنت اليابسات
ياسلام ياكيكى على الطير المهاجر هذه الاغنية الملحمية كلمات والحان رهييييية وعجيبة
Post: #14 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-18-2008, 08:24 AM Parent: #4
Quote: تيتا الحبيب يستحق كل الحب
حلوة الالقاب مش كدا
هلا وغلا يابابكر وحباب وحباب الامتداد وتيتا يستحق منا الكثير وتحياتي ليك ولكل ناس دخان و الامتداد (وبالله بدون توصيف بيوت تاااني يا ناس الامتداد)
Post: #8 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-17-2008, 03:25 PM Parent: #3
Quote: وما طيور الاغنيات الا دعوة للتحليق فى فضاءات الحرية اما الليل فهو الرفيق الذى نبث اليه همنا ونتداعى فيه لنشكو نهارات الصبر والعنت اليابسات
هلا يا تيتا والف مرحب بيك وبسيرة الطيور والليل والاركلوجيا... فهذا قليل من كثير يا تيتاوي نرد به جمالكم ونثركم للدهشة بيننا هنا.... تعرف يا عامر في هذه الدنيا تلتقي باشخاص تحس بانك عشت معهم الف عام منذ تحليقات الروح في روما القديمة حيث النهر العذب وسيرة الوجدان الطاعم... وشكرا للهلال والليل وطيور الدهشة التي جلبت وجدانكم الينا وشكرا للكج وحنفية اصدقائي اصدقائك
Post: #5 Title: Re: عامر تيتاوي اعلنت عليك الحب..!! Author: نهي محسن أبوراس Date: 04-17-2008, 02:15 AM Parent: #1
أخوتي الأفاضل عبدالكريم وعامر كيفنكم ... ماأجملها من رحلة تلك التي سار فيها الطير المهاجر عابرا حاجز المسافات ومتجاوزا الحدود الضيقة إلي الآفاق الأرحب...
ربنا يديكم مليون مليون عافية
مودتي
Post: #6 Title: Re: عامر تيتاوي اعلنت عليك الحب..!! Author: عامر تيتاوى Date: 04-17-2008, 10:55 AM Parent: #5
حتى الطيور بتوالف ما بعيش وحيد عصفور كيكى وبابكر ونهى تحليق كامل الدسم فى سماوات الطيور شكرا على المشاعر الجميلة
Post: #15 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-18-2008, 08:46 AM Parent: #5
Quote: ماأجملها من رحلة تلك التي سار فيها الطير المهاجر عابرا حاجز المسافات ومتجاوزا الحدود الضيقة إلي الآفاق الأرحب...
هلا بالرائعة نهي محسن وفي ساحات الكرنفال التيتاوي سعيد ايضا بحضورك كضلع لا يستهان به من اضلاع ناثري الفن الجميل بيننا هنا وسيرة الدهشة في المزيكة الطاعمة التي تغسل الوجدان في هذا الزمن الصعب وحقا رحلة الطير المهاجر مدهشة وملهمة وتستحق المتابعة في ورديات ذلك الرجل الفنان الراقي المسمي وردي وكل الود والتحايا يا نهي
و أنا أعلنه عليك ياكيكي فعامر لا يستحق إلا الحب و قد خُلق للحب عامر انسان جميل , مثقف, راقي , أنيق حتى في حديثه لا يكاد يكمل جملة إلا و معها ضحكتة التي الفتها عليه و التي يتميز بها أقول ذلك و أنا أكثركم معرفة به لك يا أجمل خال , تحيه و انت تنعم بحب كبير من أصدقائك , كيف لا و انت اهلٌ له و لك يا أجمل كيكي احني هامتي لوفاءك و معرفتك قدر الآخرين
Post: #10 Title: Re: عامر تيتاوي اعلنت عليك الحب..!! Author: عامر تيتاوى Date: 04-17-2008, 11:10 PM Parent: #7
غباشى الحبيب مهندس الجمال الذى يتمدد فى مساحات القلوب
Quote: و أنا أعلنه عليك ياكيكي
هلا اشركتنى معك على هذا الكريم الامين فما احمله لهذا الانسان من محبة تفوق كثيرا ما يمكننى ان ابوح به وانا ياغباشى الحبيب لا ارى عيبا فى ( كسير التلج ) طالما انه ينبع من نية صافية وبلا غرض فمن لايشكر الناس لايشكر الله وكلماتك الجميلة قلادة شرف على صدرى ياهندسة حمدلا على سلامة العودة من بلاد العم سام جدا
Post: #18 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-18-2008, 05:40 PM Parent: #7
Quote: فعامر لا يستحق إلا الحب و قد خُلق للحب عامر انسان جميل , مثقف, راقي , أنيق حتى في حديثه لا يكاد يكمل جملة إلا و معها ضحكتة التي الفتها عليه و التي يتميز بها أقول ذلك و أنا أكثركم معرفة به
هلا يا هندسة وفعلا هذا هو عامر بالضبط وله ولك كل التحايا والود وفعلا الود خال واجمل الاشياء انو الود والخال كلهم هلالاب كية في طلحة
Quote: وعاشق ولهان للطرب النضيف والمزيكة البتنقرش من جووه حلق عندما حط برحاله ووجدانه الطاعم بيننا هنا بسيرة الليل في الاغاني السودانية فوهب المنبر حلما وليلا يغازل الليل...
وفوق ذلك فلتيتا الجميل سحر الحضور وحميمية التلاقي وشفافية الدواخل ونباهة الفكرة وبداهة الطرفة ورصانة الحكي .. التقيته ذات مساء ضمن كوكبة من أتراب المهنة وسدنة الكلمة جمعتهم بطولة الخليج في نسختها ال18 بالعاصمة الإماراتية (أبو ظبي ) فادهشني بعنفوان ترحابه وبشاشة خلقه ودماثة اخلاقه , وفورا حلق بي علي بساط من الذكريات العتيقة حيث كانت للأسمار طعمها وللأحاديث أشجانها وللطرائف بريقها وظرفها,قبل أن يمطرني بسيل من التساؤلات والإستفسارات عن أصدقاء الأيام الخوال حيث تلتقي نهارات الرهق والأرق بمساءآت الأنس والألق والتلاقي الودود وكان يتنقل بين سيرتهم مستصحبا تداعيات مؤطرة بالنكات والنوادر والحكايا. لقد إكتشفت إن لتيتا دواخل معتمرة بالرقة والشاعرية فلا عجب إن إنساب في البورد بالق الغناء وبوح القوافي المموسقة فله ولك من المشاعر الطفهاومن الود أجله.
Quote: هلالابي
هذا هي الصفة الوحيدة التى تصرخ بالتناقض والشذوذ من بين مزايا تيتاالمؤتلقة.
Post: #11 Title: Re: عامر تيتاوي اعلنت عليك الحب..!! Author: عامر تيتاوى Date: 04-17-2008, 11:21 PM Parent: #9
طلحة عبد الله مااجمل ان نحمل لبعضنا هذه الاحاسيس الطيبة وان نبوح بها فهذا ليس عيبا هل تدرى ياطلحة كم اسعدتمونى فى يومى هذا فما حصلت عليه اليوم من دفعة معنوية هائلة ونظرة متفائلة للحياة يفوق الوصف فما اجمل ان تشعر بان هناك من يحبك فالكلمة الطيبة صدقة وهاانتم تهبونى الكثير الذى ربما لا استحقه ولكنه كرمكم ودواخلكم النقية وحبكم للاخرين وهذا هو اساس الحياة شكرا ياطلحة على كلماتك الجميلة الرائعة والتى تنم عن انسان ودود ومحب يشرفنى ان اكون جميلا فى عينيه
Quote: هلالابي
هذا هي الصفة الوحيدة التى تصرخ بالتناقض والشذوذ من بين مزايا تيتاالمؤتلقة.
بركاوى ينفع
Post: #12 Title: Re: عامر تيتاوي اعلنت عليك الحب..!! Author: طلحة عبدالله Date: 04-18-2008, 07:08 AM Parent: #11
Quote: بركاوى ينفع
قبل كدا واحد صاحبي قال لي زى الكلام الفوق دا قلت ليهو : بارك فيك جمل مجنون .
Post: #27 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-19-2008, 05:59 PM Parent: #9
Quote: هذا هي الصفة الوحيدة التى تصرخ بالتناقض والشذوذ من بين مزايا تيتاالمؤتلقة
هلا وحباب الصهيانة ويا طلحة تيتاوي ده لو كان ما هلالابي حرم اسوق كومر من البوليس القطري (وما ادراك ما البوليس القطري)ونبقيهو هلالابي بالقوة وتسلم يا بسكويت بركة
Post: #13 Title: Re: عامر تيتاوي اعلنت عليك الحب..!! Author: ALGARADABI Date: 04-18-2008, 08:22 AM Parent: #1
Quote: تيتاوي اعلنت عليك الحب
اعلان متأخر يا كيكي فهذا الولد الرائع: نحبو من نشاة الطفولة
وليس وحده بهذه الروعة فالبيت الرائع ( ذو المسطبة الأشهر في السودان) كلو من هذه النمونة الرائعة صلاح كمال عامر كلهم قلوب صافية كذا الحليب ودائما في قلوبهم ومسطبتهم متسع للجميع يعميني مما قمتا ماشفتا واحد فيهم عامل شكلة في زمن كان فيهو الشكل ثقافة عامة أول ماتلاقيك منهم الابتسامة وهي آخر ما يودعونك بة
أولاد عمنا محمد عبدالرحيم (المحامي و موثق العقود) لهم السلام و المحبة
Post: #16 Title: Re: عامر تيتاوي اعلنت عليك الحب..!! Author: بكرى الخليفة الكتيابى Date: 04-18-2008, 09:22 AM Parent: #13
لا استطع ان ازيد لاكنه عامر فشهادتي مجروحه
Quote: اعلان متأخر يا كيكي فهذا الولد الرائع: نحبو من نشاة الطفولة
وليس وحده بهذه الروعة فالبيت الرائع ( ذو المسطبة الأشهر في السودان) كلو من هذه النمونة الرائعة صلاح كمال عامر كلهم قلوب صافية كذا الحليب ودائما في قلوبهم ومسطبتهم متسع للجميع يعميني مما قمتا ماشفتا واحد فيهم عامل شكلة في زمن كان فيهو الشكل ثقافة عامة أول ماتلاقيك منهم الابتسامة وهي آخر ما يودعونك بة
أولاد عمنا محمد عبدالرحيم (المحامي و موثق العقود) لهم السلام و المحبة
Post: #17 Title: Re: عامر تيتاوي اعلنت عليك الحب..!! Author: بكرى الخليفة الكتيابى Date: 04-18-2008, 09:24 AM Parent: #16
Quote: Quote: هلالابي
هذا هي الصفة الوحيدة التى تصرخ بالتناقض والشذوذ من بين مزايا تيتاالمؤتلقة.
Post: #31 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-19-2008, 08:07 PM Parent: #17
Quote: أولاد عمنا محمد عبدالرحيم (المحامي و موثق العقود) لهم السلام و المحبة
هلا يا بكري ولك ولهم جميعا كل الحب والود
ولييييه مريخابي يا بكري ياااخي ماتخليك هلالابي احسن
Post: #28 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-19-2008, 06:43 PM Parent: #13
Quote: اعلان متأخر يا كيكي
هلا يا القرضابي وكل التحايا والود واحنا عاوزين نجي ورا ونحجز الضرا وسوف نتمدد في الامتداد الجميل ده حبة حبة وشوف لينا بيت ناصية بس بالله ختونا منزل رقم 5 مربع 7
Post: #43 Title: Re: عامر تيتاوي اعلنت عليك الحب..!! Author: عامر تيتاوى Date: 04-21-2008, 11:54 PM Parent: #13
القردابى مثال المحبة والعشرة السمحة والاخلاق النبيلة والسيرة الحلوة شهادتك مجروحة لانك واحد مننا وفينا واعلان كيكى ده والله رد فينى الروح وخلى الواحد ينعنش شكرا كتيرا اخوى الكبيرعمر الحبوب
Post: #46 Title: Re: عامر تيتاوي اعلنت عليك الحب..!! Author: عامر تيتاوى Date: 04-22-2008, 11:31 AM Parent: #43
بكرى الخليفة رفيق العمر كيفك مع صقيع كندا وبرغم برودة الطقس الا انك مازلت رائعا كالعهد بك يابكور يعلم الله مشتاقين ليك ابواحمد
عامر تيتاوي من الطيور الجميلة التى تسللت الى اجواء المغرب الأقصى
وتنقل بين رحاب مدنها العتيقة ..من وجدة الى الرباط الى الدار البيضاء مرورا بفاس التي ماوراها ناس تأسفت لأن الزمن والعمر كان قد سبقني ورحلت من المغرب قبل ان استنشق عبير المحبة والزمالة مع تيتاوي لكنه ساكن في الوجدان ..كأن به جاورني في مدينة فاس العتيقة..تمنياتنا له بطول العمر
Post: #42 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-21-2008, 04:14 PM Parent: #19
Quote: من الطيور الجميلة التى تسللت الى اجواء المغرب الأقصى
مرحب اخي عمر وحبابك في ساحات تيتاوي وبذكر سيرة المغرب الاقصي اوكد علي ن الفتية الذين حلقوا في تلك المدارت المغربية ووهج الاطلسي اكتشفت لاحقا بانهم اروع الناس واكثرهم موهبة ودهشة ولطف لهم ولك ولتيتاوي كل الود
Post: #20 Title: Re: عامر تيتاوي اعلنت عليك الحب..!! Author: راشد جبريل Date: 04-18-2008, 08:19 PM Parent: #1
Post: #22 Title: Re: عامر تيتاوي اعلنت عليك الحب..!! Author: محمد عثمان Date: 04-18-2008, 10:30 PM Parent: #1
الاخ عبد الكريم...
لك التحية و صدقت فى كل ما ذكرت رغما عن عدم معرفتى بالاخ عامر الا من خلال بوستاته الجميلة التى يثرى بها هذا البورد..فلقد استطاع دايما ان يجذبنا و بشدة الى ما يقدمه هنا.. فانا اعتبره احد النوارس الزرقاء الذى دايما ما يكون حاضرا فى بااحات الجمال..
لكما التحية..
Post: #23 Title: Re: عامر تيتاوي اعلنت عليك الحب..!! Author: محمد خليل ساني Date: 04-18-2008, 11:18 PM Parent: #22
العزيز كيكي ،،،
لم تسعفني الأيام على التعرف عليك عن قرب ،،،
لكن قد تسمح لنا فى القادم منها بهذا التواصل الجميل ،،،
تيتا شخص يستحق فعلا إعلان الحب على شخصه البديع ،،،
شخصية لا تمل الجلوس معها ،،، تسعد بصحبته ،،، وتنتظر اللحظات التى تجمعك معه ،،،
تفتقده إذا مرت الأيام دون التحدث إليه ،،، تشتاق الى حديثه الشفيف ،،،
شكراً لك على هذا الوفاء الطيب ،،، شكرا كيكي ،،، تستاهل تيتا ،،، مع محبتي.
Post: #24 Title: Re: عامر تيتاوي اعلنت عليك الحب..!! Author: طلحة عبدالله Date: 04-19-2008, 08:16 AM Parent: #1
كيكي قال:
Quote: الود والخال كلهم هلالاب كية في طلحة
الكلام دا لو سمعو واحد صاحبي كدا طوالي بقول ليك إتلم التعيس علي خايب الرجا
ونزل تيتا متواضعا و(متأمرخا) فقال :
Quote: وهاانتم تهبونى الكثير الذى ربما لا استحقه
ما قلت ليك أنتا ما بتشبه ناس قريعتي راحت ياخ ..؟
Post: #25 Title: Re: عامر تيتاوي اعلنت عليك الحب..!! Author: عبدالحليم حامد النعيم Date: 04-19-2008, 09:27 AM Parent: #1
أمسية رمضانية من العام الماضي ، بعد منتصف الليل ، وعادة الدوحة تنام قبل الخرطوم ، وكنت قادما من الرياض حيث ينام الناس بعد صلاة الفجر .
جلست إليه بمكتبه نتذكر ايام مضت ، حيث لم تكن لي إلا تلك السويعات بالدوحة ، فطاف بنا الخيال إلى الرياض ومنها عرجنا إلى الإمتداد، ووجدنا نفسنا دون نحس بالزمن قد جلسنا قرابة الثلاث ساعات لم نفق إلا بعد إتصال مرافقي يلحون بانهم لن يجدوا مكانا للسحور .
عامر وكل اسرته الكريمة لهم نفس الخصال وقد تكون شهادتنا فيهم مجروحة لكن تلك هي الحقيقة المجردة ، وسنجد غير أبناء الإمتداد ممن يتداخلون معكم في هذا البوست .
التحية لك يا كرومة يا غالي وكلنا يبادلك الحب ويكفي أننا ألتقينا لأول مرة في صالون الغناء السوداني الذي فرشه عامر بفاخر الرياش استقبالا لاحبائه وزرنا معا الحي اللاتيني حيث يسكن الكج وحنفية والقرد
رغم جمال هذا الإعلان وقوته وصدقه ولكن لن نقول لك كفيت ووفيت - فأنت يا كرومة لم تجالس عامر تيتاوي ساعة العصارى ولم تسامره في آواخر الليل ولم تستمتع بنكهة الأختلاف معه ولم تذق طعم السعادة حينما تكتشف أن رأيك يطابق فكرته.
قال غباشي
Quote: لا يكاد يكمل جملة إلا و معها ضحكتة التي الفتها عليه و التي يتميز بها أقول ذلك و أنا أكثركم معرفة به
ونقول لك يا غباشي كلا ثم كلا حتى ولو كان عامر خالك!! فأنت لم تعرف عامر كما عرفناه وأسأله وهو يجيبك
غايتو يا كيكي أنا لو في لحظة كده جنيت وتعاطفت مع الهلال!!!!!!!!!!!! - فده بكون عشان خاطر عامر تيتاوي
Post: #29 Title: Re: عامر تيتاوي اعلنت عليك الحب..!! Author: محمد عبد القادر Date: 04-19-2008, 07:47 PM Parent: #26
يا سلام يا كيكي انتو من متين معلنين الحرب على هذا الانسان الجميل ساتطوع فى هذه الحملة يا عزيزي لانني مكتول بحب هذا الرائع الشفيف تيتا اخونا وحبيبنا وصديقنا وبلسم جراحاتنا وهادي طريقنا فى ظلمة الحياة التى لاترحم.. هل تعلم يا كيكي ان هذا الرجل ثروة قومية فهو نموذج للانسان الجميل، تسكنه الطيبة ويظلله الحنين ويحتشد بالمشاعر الجميلة وحب الخير والناس.. كدى خليها قصة هلالابي دي فعامر تيتاوي فنان متكامل ومثقف رائع ومواكب وهو بارع فى الاحتفاء بكل ماهو جميل نغم كان ام احساس اوحتى فريق كورة عامر سوداني كامل الالق.. اعايشه فى اجازات السودان بالجلالبية الماخمج والطاقية يلون مساءاتنا بالانحياز الاصيل لاشواق التراب والبلد ويجمل صباحاتنا بالوقوف على اطلال الذكريات العزيزة وحاضر التواصل الجميل.. عامر تيتاوي يتمتع بحكمة الشيوخ ويحمل قلب رضيع طقسه الداخلى معتدل فى كل الظروف يميزه هدوء استثنائي.. الزول دة مدوزن بي الايمان وحافل بمعاني انسانية اندثرت.. ومليان بالخير لى كل الناس ومسكون بي حب البلد ومكتول فى الامتداد وشوارع الخرطوم ومحتشد روعة وانسانية وحضور فى ذاكرة كل الناس واشهد الله انني عايشته لعامين فى دوحة الجميع ولم اره الا مبتسما ولم ابارح مجلسه الا باضافة او التقاط لحن شارد او حكمة ضالة او كلمة حبيبة.. كنت اقصده حينما تستبد بي وحشة الغربة و(حاجات تانية) فاجده ملاذاامنا يهدئ رعشةالايام باريحيته المحببة.. وعلى الرغم من قرابة العشرين سنة قضاها عامر غربة مابين الدراسة فى المغرب والعمل بالدوحة الا انه مازال سودانيا طازجا ملما بالجديد فى دفاتر الشعر وعالم الكاسيت وشباك الفنانين وتشكيلة الهلال واسماء الاكلات والرقصات والمطاعم والمكتبات الجديدة عامر مؤسسة انسانية متحركة ياكيكي... متعه الله بالصحة والعافية وربنا يحفظو لى محمد وعشعوشة ولينا كلنا وسلمت يا كيكي
Quote: كنت اقصده حينما تستبد بي وحشة الغربة و(حاجات تانية) فاجده ملاذاامنا
واخد بالك انت يا بخاري ..؟
Post: #32 Title: Re: عامر تيتاوي اعلنت عليك الحب..!! Author: امير عوض الجمري Date: 04-21-2008, 05:48 AM Parent: #1
كيكي .. سلامات يا جميل.
Quote: عامر تيتاوي اعلنت عليك الحب..!!
يعني انا وانت حا نبقى ضراير!!!!!!!!!!!!
Post: #33 Title: Re: عامر تيتاوي اعلنت عليك الحب..!! Author: امير عوض الجمري Date: 04-21-2008, 05:59 AM Parent: #1
كيكي..
تعرف حاولت افرّغ كل اللوحات الجميلة والتحف النادرة القاعدة جواي ومرسومة بي ريشة الزول السمح ده ومنحوته بي ازميلو وجبت معاها لوحاتو وابداعاتو المنتشرة في دواخل كل الناس وجيت عشان اعلقها في جدران معرضك الراااااااااائع ده .. لكن لقيت نفسي ببااااااااااااااااااااالغ في الانتقاص من قدره .. لذلك آثرت التريّث !
ومرات اقول ياخي الانتقاص ده يمكن يكون عشان ....................................................هلالابي!!
Post: #34 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-21-2008, 07:20 AM Parent: #33
Quote: ومرات اقول ياخي الانتقاص ده يمكن يكون عشان ....................................................هلالابي!!
هلا يا الجمري والجميع وبنجيكم برواقة عشان نواصل التحليق صوب عوالم الفتي تيتاوي كابستونا يا الجمري في تيتا ده وما لقينا لينا جانص ذاااتو لك ولكل اصدقاء تيتا كل الود وسنعود حبة حبة وبالذات للمريخاب منكم فاما الهلالاب امثل حوتة فلهم ورد وزهور ولهم هدية في الطريق.. وسنعود
Post: #35 Title: Re: عامر تيتاوي اعلنت عليك الحب..!! Author: عبدالله كع Date: 04-21-2008, 07:39 AM Parent: #1
سلامات عبدالكريم افندي
Quote: وتحياتي ليك ولكل ناس دخان و الامتداد (وبالله بدون توصيف بيوت تاااني يا ناس الامتداد)
ليه بدون وصيف؟ يامان
يازول انا بوصف بيت الراجل الاصيل الجميل ده
من الداخل.....
........العم الاستاذ المحامي المرحوم عبدالرحيم تيتاوي
الاخ الرايق اللذيذ كمال تيتاوي صاحب الحنك الشديد
الاستاذ المحترم الراقي في كل شي المحامي صلاح تيتاوي
الاخ الحبيب علاء الدين تيتاوي الاخلاق عندو براهو
الحاجه ام الامتداد كلو عائشه المرة الطيبه طيبة اهل الدار
يقع البيت في اطهر بقعه في حينا المتفرد .. في شارع الكرم
اه يكيكي
Post: #36 Title: Re: عامر تيتاوي اعلنت عليك الحب..!! Author: محمد عبد الماجد الصايم Date: 04-21-2008, 09:55 AM Parent: #1
أدونا فَرَقــه نحب معاكم
Post: #38 Title: Re: عامر تيتاوي اعلنت عليك الحب..!! Author: طلحة عبدالله Date: 04-21-2008, 10:58 AM Parent: #36
Quote: أدونا فَرَقــه نحب معاكم
خوش يا سمين
Post: #37 Title: Re: عامر تيتاوي اعلنت عليك الحب..!! Author: طارق جبريل Date: 04-21-2008, 10:24 AM Parent: #1
تعرف يا هندسة تيتا دة لا تملك امام جمال نفسه الا ان تفتح له اعماق الذات وكل التكوين ابواب الحب عنده مشرعة يتخلل اليك عبر مسام الجمال
تيتا بنحبك ياخي
Post: #39 Title: Re: عامر تيتاوي اعلنت عليك الحب..!! Author: Ashraf El Bagir Date: 04-21-2008, 11:07 AM Parent: #37
Quote: لا تملك امام جمال نفسه الا ان تفتح له اعماق الذات وكل التكوين ابواب الحب عنده مشرعة يتخلل اليك عبر مسام الجمال
اشهد على ذلك
Post: #40 Title: Re: عامر تيتاوي اعلنت عليك الحب..!! Author: محمد عبد القادر Date: 04-21-2008, 01:19 PM Parent: #39
طلوح الجميل قال
Quote: Quote: أدونا فَرَقــه نحب معاكم
ابيييييييييييييييينا الزول دة محجوز لحدي يوم القيامة
Post: #41 Title: Re: عامر تيتاوي اعلنت عليك الحب..!! Author: عبدالكريم الامين احمد Date: 04-21-2008, 01:41 PM Parent: #40
هدية للجميع ولتيتاوي الاتي من الزمن الجميل
Post: #44 Title: Re: عامر تيتاوي اعلنت عليك الحب..!! Author: ودرملية Date: 04-22-2008, 00:45 AM Parent: #41
سلامات وعوافي كيشن وقبيلة المحبين .. اما تيتاوي فيا كيكي"الزول فردة لامن غلط والعبدلله كان معاهو قبل شوية في مشوار الكراع بالكراع" ..يعني في الحب دا ممكن اداوسك عادي "عامر صاحبي ياخي انت مالك معاي بترازيني في جماعتي البحبهم" .. عامر انسان بسيط في تعاملوا مع كل حاجاتو رقيق وشفاف مهذب وانيق وذوق وبعدين عندو قفشات كدة حقتو برااااهو .. يعني لو ما بعرفو بقول "سطلنجي" بيديك النكتة زي كباية موية بعد مشوار من استاد الخرطوم لي ابوجنيز كداري .. عامر لطيف وحبوب .. والله تقعد معاهو تقول بس الزول دا لو لقيت فيهو طريقة اشربوا كلو كدة وما اخلي فوقو الحبة .. وزي ما قال اخونا وحبيبنا محمد عبدالقادر "تيتا مؤسسة" .. واجمل ما في تيتاوي "انو هـــــــــــــــــــــــلابي" .. ياكيكي .. الزول دا ابعد منو عشان ما الفها معاك ..
Post: #45 Title: Re: عامر تيتاوي اعلنت عليك الحب..!! Author: Mohammed Ibrahim Othman Date: 04-22-2008, 10:49 AM Parent: #1
استاذ عامر تيتاوي تحياتنا وحبنا لك... ولود الهندسة الحبيب كيكي .. بس عيبكم هلالاب ... لو اتزينتو بالاحمر والاصفر كنتم حاجة تانية ... بس صحيح ما في انسان كامل...
