Post: #1
Title: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: معتصم محمد صالح
Date: 04-16-2008, 04:38 PM
روى لي أحد اصدقاء زميلنا عبد الكريم الامين ( كيكي ) أنه كان لاعب كرة قدم خطير جداً وكان يراوغ الميدان بأكمله واكد لي ايضاً ان طالبات الجامعة ( وبعض الجامعات الأخرى ) يذهبن للميدان الشرقي لجامعة الخرطوم خصيصا لمشاهدة ابداعات (كيكي ) واضاف انه كان مستهدفا من المدافعين الذين نجح احدهم في اصابته اصابة بالغة جعلته يغادر الملاعب مبكراً ولولا تلك الحادثة اجزم صديق كيكي بانه كان سيكون له ذكر كثير في عالم كرة القدم ...
كيكي .. نرجو تاكيد الرواية واضافة ذكرياتك الكروية..وحبذا لو دعمتها بصور ..
|
Post: #2
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: معتصم محمد صالح
Date: 04-16-2008, 05:06 PM
Parent: #1
كيكي ..
في انتظارك
|
Post: #3
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: فيصل نوبي
Date: 04-16-2008, 05:45 PM
Parent: #2
برضو مافي صور ؟
|
Post: #4
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: معتصم محمد صالح
Date: 04-16-2008, 06:21 PM
Parent: #3
يا عمك ..
انت مابتشوف ولا شنو ؟
ما قلنا الصور عند كيكي ..
|
Post: #5
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: عبدالكريم الامين احمد
Date: 04-16-2008, 06:27 PM
Parent: #3
هلا يا نستا
وحبابك وحباب الخبرية العجيبة وغريبة دي...
وصحبي ده الظاهر عليهو عجز وتداخلت عليهو الكواكي (وهي جمع كيكي) وعاوز يقص عليك علي قولة اهلنا القطريين
...
بكون ياربي قاصد محمد المتوكل ولا شنو بالجكس البطاقش في الميدان الشرقي عشان يتفرج علي الكورة النضيفة والدهشة الكروية..
تحياتي اولا لصحبي ده
وتاني شي انفي هذا الخبر بشدة وكبك بالذات في حتت الميدان الشرقي فالزول ده بكون تداخلت عليه الامكنة والميادين
فالتواجد يا معتصم بالميدان الشرقي كمشجع لتيم الهندسةفي ذلك الزمان به متعة لا تضاهي وتفوق متعة اللعب في الميدان
يتفرجوا في ودالمتوكل ولا انور امدوم ولاحاتم معني ولابهاء الدين الثيردباك ولا في ود كوستي المن الاقتصاد الاسمو راح لي حسع ده...!!!
................................................
الجزء البقدر اكدوا ليك وماعارف الزول الحريف في الكورة مفروض يقول هو حريف ولا لا؟
لكن فعلا كنت حريف وحريف جدا في الكفر وبحاور في قزازة ولكن يعلم الله ويعلم الكثير من الاصدقاء هنا
بانني لم اجضم الكفر في اثناء مرحلة الجامعة في الحرم الجامعي الافيما ندر ....
وممكن انوسك عن تيم الاحلام منذ اشبال الهلال (جوبا) في ساحة مسرح ملكية حيث شومبي وياسر محمد جابر
وامانويل ولويس وكاك
وممكن اديك شبال علي خفيف عن بعض ايام الدويم في ميدان الشاطي بالقرب موقف البنطون وتيم الاصابع الذهبية واديك جولات في بعض اتيام في مدن وفيافي مغمورة...
لكن الميدان الشرقي ده شعرا كانت رقبتو قاسية بالحيل
والفرجة فيهو والهوس الهندسي امتع بالف مرة من صيحات الجكسوس
|
Post: #6
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: معتصم محمد صالح
Date: 04-16-2008, 06:49 PM
Parent: #5
| Quote: بالجكس البطاقش في الميدان الشرقي |
يا كيكي خلي التواضع ياخ .. احكي بالله
|
Post: #7
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: عبدالكريم الامين احمد
Date: 04-16-2008, 07:06 PM
Parent: #6
يامعتصم
قلنا ليك ياوريف ميدان شرقي (نهييييي) كورة كارتي
لكن ممكن نديك لمحات ونبداها ليك من الايام البعيدة ولكن بلسان اخريين
| Quote: كانت جوبا مدينة ذات جو شديد الرطوبة وكنا اشقاء ندرس كلنا في المدرسة الابتدائية الملكية بجوبا وكانت شقيقتنا فايزة تدرس بمدرسة ملكال الابتدائية ،وكان والدنا تاجرا، وكنا احمد وعبدالكريم وأنا كثيرو الاطلاع وكان عبدالكريم اقلنا قراءة وان كان احرفنا في كرة القدم فقد كان لاعبا ماهرا في الهجوم يحرز الاهداف بسهولة .وكان ايضا اقلنا اهتماما بمظهره فقد كان يلبس ملابسه كيفما اتفق وهي صفة لازمته لسنوات لحين تخلصه منها مؤخرا |
سيم..سيم..وبي الكربون ..!!ّ!!
|
Post: #8
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: Abureesh
Date: 04-16-2008, 08:10 PM
Parent: #7
بلاعات!
أولاد بنات سكرتبرات
عييييييلوم
(ناس الجندر يمتنعون)
|
Post: #9
Title: Re: بنات الجامعة يحجزن مواقعهن مبكراً في الميدان الشرقي لتشجيع كيكي الخطيييير
Author: محمد الطيب يوسف
Date: 04-16-2008, 09:31 PM
Parent: #1
| Quote: اظن انه ببعض الاهتمام والتركيز سيكون كاتب قصة جيد خاصة وان بعضا من حكيه ينساب من ذاكرة تشكيلية |
الكلام راجع لي كيكي
أبصم بالعشرة
|
|