Post: #1
Title: كرهتونا.......!!!
Author: AMNA MUKHTAR
Date: 04-15-2008, 11:38 PM
Parent: #0
كل يومين ( جلابة ) المنبر فاتحين ليهم بوست يتباكون فيه ..
بأسلوب درامى عقيم ومثير للسخرية ..على منبر سودانيز اونلاين العام..
ويا حليل أيام زمان..
والمنبر لم يعد كما كان..
والأقلام ( الجيدة ) هربت..
والمنبر صار طاردا..
ومش عارف ايه..!!
ده كلللو ضيقا بأقلام الهوامش ..
وبالآخر المختلف ..!!
انتو لو ما قادرين تستحملونا فى وطن سايبرى افتراضى ..
أمال فى الوطن ( الحقيقى ) كيف..؟!
هذا الضيق بالآخر ..وبرأيه ..وأسلوبه ( المختلف) ..وبما يمثله..
فى المنابر السودانية السايبرية ..
هو ( أبلغ مثال ) على (العقلية الجلابية الاقصائية )..
التى عاثت فسادا فى أرض الهوامش ..
تهميشا وتقتيلا واقصاءا وظلما لأهله .
|
Post: #2
Title: Re: كرهتونا.......!!!
Author: AMNA MUKHTAR
Date: 04-15-2008, 11:51 PM
Parent: #1
سودانيزاونلاين لم يكن يوما أفضل مما هو الان..
فقد صار منبرا يمثل السودان ( كله)..باختلافه وتنوعه وثرائه..
وصار معبرا بصورة واضحة جدا و ( مؤثرة ) و ( ملموسة) عن كل القضايا السودانية
والعالمية الملحة ..
صار مواكبا..ربما أكثر مما يجب..
الأمر الذى يخيف ( الراكدين) من طحالب المياه الضحلة ..
أولئك الذين أدمنوا العيش خارج الزمن وخارج التاريخ..
فليستمتعوا ب(جمودهم ) القاتل و ( الممل ) فى بوستاتهم ( الخاوية ) التى تشبههم..
وليتركونا نعبر عن أنفسنا وقضايانا كما نريد..
وبأسلوبنا ( الدوغرى ) و ( الواضح ) الذى لا يستسيغونه..
فهذا الأسلوب هو ما جبلنا عليه..
ولن نغيره..
فاما تطردونا من المنبر ..
او تخلونا براحتنا ..وتستحملوا..
يللا..أعملوا استفتاء..
أنا شخصيا حا اقبل بالنتيجة مهما كانت..
أعتقد كدا ( فير ) خالص..
|
Post: #3
Title: Re: كرهتونا.......!!!
Author: خالد الطيب أحمد
Date: 04-16-2008, 00:04 AM
Parent: #1
بالعكس يا آمنة..
أنا شايف إنها دي لغة المهزوم هنا دائما..
بعد كل معركة..
حتلاقيهو يتباكي علي الماضي..
وما قادر يتحرك في الواقع الجديد ولو بإقتراحات مفيدة.
ولا حيقدر أبدا..
..
وتلقيهو يغني للغربة في دارو
كأنو سيد البيت والباقين غرباء ودخلاء!
وناسي إنو لا يساوي سوي عضو مثله مثل الجميع هنا.
|
Post: #4
Title: Re: كرهتونا.......!!!
Author: AMNA MUKHTAR
Date: 04-16-2008, 00:43 AM
Parent: #1
Quote: وتلقيهو يغني للغربة في دارو
كأنو سيد البيت والباقين غرباء ودخلاء!
وناسي إنو لا يساوي سوي عضو مثله مثل الجميع هنا. |
العزيز خالد..والله دى حاجة بتحير جدا..
الناس ديل يمكن دافعين ( ايجار ) عضوية لبكرى أبو بكر ونحنا ما عارفين..؟!
مش ياها نفس الباس ويرد الاداها ليهم بكرى أداها لينا..
والله فى حاجة فايتانا ونحا ما عارفنها ؟!!!!
بصراحة الحكاية بقت مملة جدا..
أنا غايتو قرفت خلاص .
|
Post: #5
Title: Re: كرهتونا.......!!!
Author: خالد الطيب أحمد
Date: 04-16-2008, 01:03 AM
Parent: #4
Quote: الناس ديل يمكن دافعين ( ايجار ) عضوية لبكرى أبو بكر
ونحنا ما عارفين..؟!
|
يا ريت يا آمنة ..كنا حنعذرهم وقتها.
لكن لو بكري عمل رسوم إيجار حتلقيهم أول ناس حيكبوا زغبير.
وبرضو حنفضل نحنا ..ووقتها بي حقنا..!
Quote: بصراحة الحكاية بقت مملة جدا..
أنا غايتو قرفت خلاص . |
دي الحتة المختلف معاك فيها..
لأنك ما أستمتعي بالحاصل عليهم ده ..
وهم ما عندهم أكتر من كده زي ما قلت ليك!
ولسه ياما حيبكوا ..وياما حيندموا
لكن هل تفيد الدموع والبكاء والولولة؟؟
غايتو أنا مستمتع جدا..
|
Post: #6
Title: Re: كرهتونا.......!!!
Author: AMNA MUKHTAR
Date: 04-16-2008, 02:16 AM
Parent: #1
Quote: دي الحتة المختلف معاك فيها..
لأنك ما أستمتعي بالحاصل عليهم ده ..
وهم ما عندهم أكتر من كده زي ما قلت ليك!
ولسه ياما حيبكوا ..وياما حيندموا
لكن هل تفيد الدموع والبكاء والولولة؟؟ |
العزيز خلودى ..قلت لى يبكوا بس : عين دمعة وعين مس 
لكن انا خايفة بكرى يقوم يخذلنا ويقيف مع الخيانة.......
| Quote: غايتو أنا مستمتع جدا.. |
أنا مشكلتى بطنى بتطم بسرعة..
بالذات من المسرحيات سيئة الاخراج..
|
Post: #7
Title: Re: كرهتونا.......!!!
Author: AMNA MUKHTAR
Date: 04-16-2008, 02:40 AM
Parent: #1
Quote: ولسه ياما حيبكوا ..وياما حيندموا
لكن هل تفيد الدموع والبكاء والولولة؟؟ |
الجماعة ديل مافضل ليهم الا يغنوا أغنية ( خواطر فيل )..
|
Post: #8
Title: Re: كرهتونا.......!!!
Author: محمد البشرى الخضر
Date: 04-16-2008, 03:21 PM
Parent: #1
كرهتونا الـ...... عناوين
وكدا
|
Post: #9
Title: Re: كرهتونا.......!!!
Author: خالد الطيب أحمد
Date: 04-16-2008, 10:30 PM
Parent: #8
UP
|
Post: #10
Title: Re: كرهتونا.......!!!
Author: سناء عبد السيد
Date: 04-16-2008, 10:41 PM
Parent: #1
كل يومين ( جلابة ) المنبر فاتحين ليهم بوست يتباكون فيه ..
بأسلوب درامى عقيم ومثير للسخرية ..على منبر سودانيز اونلاين العام..
انتي ما عندك موضوع غير الجلابة ديل , مواضيعك بقت مملة , غايتو الجلابة شلتي ذنوبهم كلها
اصلو كان في مواضيع درامية و مثيرة للسخرية هي مواضيع الهامش و الجلابة و خلافه
|
Post: #11
Title: Re: كرهتونا.......!!!
Author: خالد الطيب أحمد
Date: 04-16-2008, 10:58 PM
Parent: #10
| Quote: مواضيعك بقت مملة , |
طيب يا سناء .. ممكن تورينا إنتي عاوزة آمنة تكتب لينا شنو
علشان ما تكون مملة في نظرك؟
نسمع منك ..
وبالمناسبة:
مواضيعك يا سناء -بالرغم من ندرتها- مملة جدا بالنسبة..
لكن بعد ده كلو ما حصل دخلت ليك فيها وكتبت:
| Quote: مواضيعك بقت مملة , |
لسبب أن غيري يمكن أن يستمتع بها..ولولا إختلاف الأذواق لبارت
موضوعات المنبر..
|
Post: #13
Title: Re: كرهتونا.......!!!
Author: خالد الطيب أحمد
Date: 04-16-2008, 11:13 PM
Parent: #11
عارف إنك جديدة ..!
لكن يمكن تكون الموضوعات الما مملة ومفيدة
زي موضوعك اليتيم ده :
امنة الاسفيرية
هسه موضوعك ده حنستفيد منو شنو؟
مع العلم إنو كتبو فيهو ناس كتيرين
وكتابات يمكن تكون مفيدة للبعض..وأنا لست منهم.
ولا يهمني نوع هذه الموضوعات.
و مع العلم برضو كمان أني ما جيتك هناك..
و كتبت ليك إنك ما عندك موضوع !!!
|
Post: #14
Title: Re: كرهتونا.......!!!
Author: سناء عبد السيد
Date: 04-16-2008, 11:34 PM
Parent: #13
خالد سلامات
شنو طوالي جاري و جايب لي اقتباس , و حركات الناس بتاعين الشمارات
خليني ابدا ليك بالرد بتاعي على موضوع امنة , اسة انت شايف فيهو شنو ؟؟
انا قلت انو الحصل شي محبط , و كونو واحدة تجي في منبر عام و تغش القراء و الاعضاء
دى شي ما مقبول , دى رايي كونو ما عجبك ما في شي بزعلني لانه بحترم راييك برضو
|
Post: #15
Title: Re: كرهتونا.......!!!
Author: سناء عبد السيد
Date: 04-16-2008, 11:39 PM
Parent: #13
هسه موضوعك ده حنستفيد منو شنو؟
مع العلم إنو كتبو فيهو ناس كتيرين
وكتابات يمكن تكون مفيدة للبعض..وأنا لست منهم.
ولا يهمني نوع هذه الموضوعات
هو دى موضوع ؟؟ دى راي يا عزيزي
و انت طبعا ما بتقدر تتداخل في الموضوع دى لأنك انت زي امنة شخصية وهمية
و لأنك قبل دى خشيت باسماء مستعارة مش ؟
|
Post: #17
Title: Re: كرهتونا.......!!!
Author: خالد الطيب أحمد
Date: 04-17-2008, 00:03 AM
Parent: #15
يا سناء..لقيتك مذاكرة !
Quote: انت طبعا ما بتقدر تتداخل في الموضوع دى لأنك
انت زي امنة شخصية وهمية
و لأنك قبل دى خشيت باسماء مستعارة مش ؟ |
أيوة صحيح..
لكن الما ذاكرتيهو معاك إني وقتها كلمت الناس هنا من البداية
إنو (عصام أحمد) ده ما إسمي الحقيقي ..وحكيت قصتو كلها
وإستمريت بيهو لفترة طويلة بعلم أمين الموقع..وأعضاءه كمان..
وأزيدك :
بسرق باسووردات وقبل كده سرقت باسوورد الزميل زمراوي
|
Post: #19
Title: Re: كرهتونا.......!!!
Author: سناء عبد السيد
Date: 04-17-2008, 00:11 AM
Parent: #17
وأزيدك :
بسرق باسووردات وقبل كده سرقت باسوورد الزميل زمراوي
ماشا الله , السرقة بقو بفخروا بيها
|
Post: #20
Title: Re: كرهتونا.......!!!
Author: سناء عبد السيد
Date: 04-17-2008, 00:17 AM
Parent: #17
و بعدين في فرق لمن انك تخش باسم مستعار و يكون معروف لصاحب المنبر
و بين لمن تكون خاشي بي اسمين و باعتبار انك شخصيتين
|
Post: #12
Title: Re: كرهتونا.......!!!
Author: علاء الدين حيموره
Date: 04-16-2008, 11:03 PM
Parent: #10
| Quote: انتي ما عندك موضوع غير الجلابة ديل |
استاذة / آمنة
دحين ما كرهتينا بتكرارك لتعبير الجلابة ده ؟؟
|
Post: #16
Title: Re: كرهتونا.......!!!
Author: تاج الدين عبدالله آدم
Date: 04-16-2008, 11:58 PM
Parent: #1
العزيزة آمنة, لك التحية والتقدير
اتفهم واقدر دوافع حنقك وإحباطك من الحاصل ولكن علينا ان
نتذكر جيدا بأن هذا الفضاء السايبري هو صورة كربونية
اخري من سودان الظلم والقهر والاقصاء...ولا يستقيم الظل والعود
اعوج .
في هذا الفضاء يوجد ايضا من جعل همه الاول هو برامج الاطفال في التلفزيون! شفتي كيف ناس عايشة وناس دايشة
في السودان يا آمنة؟!
|
Post: #18
Title: Re: كرهتونا.......!!!
Author: سناء عبد السيد
Date: 04-17-2008, 00:04 AM
Parent: #1
طيب يا سناء .. ممكن تورينا إنتي عاوزة آمنة تكتب لينا شنو
علشان ما تكون مملة في نظرك؟
العفو يا أخوي انا ما بحدد لي الناس يكتبوا شنو
انا من خلال ملاحظاتي لي كتابات الاستاذة امنة لاحظته انه أغلب موضيعا نبذ للجلابة
و دي رايي انت المزعلك شنو ؟؟
و بعدين خلي رافعيين لينا شعارات لا للعنصرية و شنو ما بعرفو , الجلابة دى مش في
اصطلاحكم نبذة للشماليين ؟؟
مش زيها و زي خاسة و حلب و عبيد ؟؟مش كلها مستطلحات تطلق على بعض القبايل بقصد السخرية او الاستهزاء او غيره
يعني انا اسة كان جيت و فتحت بوستات و استعملت واحدة من الكلمات البغيضة دي مش دي عنصرية
ارى انه ارائكم تخدم النظام و ستمد في عمره و دى ما يبغاه النظام , الهاء الناس في بعض
و تمزيق وحدتم
|
Post: #21
Title: Re: كرهتونا.......!!!
Author: AMNA MUKHTAR
Date: 04-17-2008, 10:23 AM
Parent: #1
Quote: سناء عبد السيد
تاريخ التسجيل: 29-03-2008
مجموع المشاركات: 50 |
دى شنو كمان يا خالد الفرفورة دى..وطلعت لينا من وين
ودى هسه يردوا عليها يقولوا شنو دى ؟!
يا شاطرة عشان ما انفض فيكى الكلوش..
أنصحك..نصيحة أخوية ..
ما ترخى أضانك لتحرشات المحرشين ..فهنا فى( لوبيات) ..وعداءات بايتة
فأمشى ذاكرى كويس وعاينى بعيونك شهر شهرين كده
وحاولى أعرفى الحاصل..بعدين تعالى نطى للناس فى رقبتا
وخلال الشهرين ديل جيبى ليكى كرتونة( بيبسى وفشار)..
وأمشى خشى مكتبتى وذاكرى فى أرشيفى كويييييس..
وبعدين لو لقيتى عندك رغبة تردى على ..تعالى..
_____
لاحظت ان هناك من يزودك ببعض المعلومات ربما عن طريق الماسينجر..
( غايتو بكرى ده ما كسب فينا خير بارجاع الماسينجر)
|
Post: #26
Title: Re: كرهتونا.......!!!
Author: سناء عبد السيد
Date: 04-17-2008, 02:48 PM
Parent: #21
لاحظت ان هناك من يزودك ببعض المعلومات ربما عن طريق الماسينجر..
( غايتو بكرى ده ما كسب فينا خير بارجاع الماسينجر)
دي حركاتكم انتوا يختي و قالوا الفي راسو بطحة يحسس عليها
لي يوم الليلة لا دخلت مسنجر و لا بعرف بخشوا ليهو كيف
و حتى الاقتباس بسوا كيف ما عارفة و بالمناسبة ممكن تساعديني بوصفك سينير و بوصفي برلومة
توريني بعملوا الاقتباس كيف و تكوني مشكورة
تخريمة
لو قعدتي تتعاملي معاي اساس اني برلومة ياكي الضعتي
و بعدين المعلومات دي الا بالماسنجر ما كل قراء سودانيز اون لاين متابعين و عارفين البحصل دى
|
Post: #27
Title: Re: كرهتونا.......!!!
Author: سناء عبد السيد
Date: 04-17-2008, 02:57 PM
Parent: #26
يا شاطرة عشان ما انفض فيكى الكلوش..
لا عليك الله كان ما نفضتي فيني الكلوش , مسكينة ما عارفة البرلومة الانتي بتتكلمي معاها دي منو
كان انتي لئيمة انا أضربي في 100
مستنياكي توريني نظام
الاقتباس كيف و كان كمان وريتيني بخشو المسنجر كيف تكوني ما قصرتي
مع انه حيكون وبال عليكي
|
Post: #22
Title: Re: كرهتونا.......!!!
Author: عمر التاج
Date: 04-17-2008, 10:40 AM
Parent: #1
| Quote: كل يومين ( جلابة ) المنبر فاتحين ليهم بوست |
متعودة
دايما
على ذكر كلمة جلابة( وجه باسم)
قالت الجلابة فاتحين بوست
مايفتحو
فاتحنو في بيت مختار؟
التعديل لاجل اصحاب الفهم شبه المنحرف
|
Post: #23
Title: Re: كرهتونا.......!!!
Author: AMNA MUKHTAR
Date: 04-17-2008, 11:11 AM
Parent: #1
Quote: عمر التاج
تاريخ التسجيل: 08-02-2008
مجموع المشاركات: 244 |
غايتو دقيش البرالمة ده بضحكنى وبحننى ..
يا ناس أمشو ذاكروا فى ارشيف المنبر زين..
بعدين تعالوا اتشوبروا..
ما تضيعوا لينا زمننا معاكم ساكت.
|
Post: #24
Title: Re: كرهتونا.......!!!
Author: عمر التاج
Date: 04-17-2008, 11:29 AM
Parent: #1
Quote: غايتو دقيش البرالمة ده بضحكنى وبحننى ..
|
هع هع هع
بقينا على الجقلبة ودا صغير ودا كبير
دقيش البرالمة اخيرلك من دقيش الكبار
ما بعوق
لكن بعدل الدرب
|
Post: #25
Title: Re: كرهتونا.......!!!
Author: عمران حسن صالح
Date: 04-17-2008, 12:02 PM
Parent: #24
|
Post: #28
Title: Re: كرهتونا.......!!!
Author: AMNA MUKHTAR
Date: 04-17-2008, 05:41 PM
Parent: #1
Quote: كرهتونا الـ...... عناوين
وكدا |
ود البشرى ..طبعا لو قلت ليك توارد خواطر يمكن ما حا تصدق..
عشان كده...ليك على حقوق الملكية الفكرية
|
Post: #29
Title: Re: كرهتونا.......!!!
Author: محمد عبد الماجد الصايم
Date: 04-17-2008, 06:13 PM
Parent: #1
قلتي لي
لامة الناس في الهامش وفاتحه مدرسة
بعدين
البرالمة ديل (زي ما بتقولي كدا) خليهم يتمرنو شويه شويه
قلتي لي توارد خواطر مع أبو حتوت
غايتو جنس غايتو!!
|
Post: #30
Title: Re: كرهتونا.......!!!
Author: عمار عبدالله عبدالرحمن
Date: 04-17-2008, 06:33 PM
Parent: #29
العزيزه امنه مختار
لا اظن ثوار الهامش تعجبهم الصراعات الشخصية واللغة الهابطه ,,
ولا اظن ان ثوار الهامش يعجبهم سياسة تفخيخ البوستات وقبيح القول ,,,,,,,,,,,
|
Post: #31
Title: Re: كرهتونا.......!!!
Author: Munir
Date: 04-17-2008, 09:28 PM
Parent: #1
Quote: كل يومين ( جلابة ) المنبر فاتحين ليهم بوست يتباكون فيه ..
بأسلوب درامى عقيم ومثير للسخرية ..على منبر سودانيز اونلاين العام.. |
Quote: هذا الضيق بالآخر ..وبرأيه ..وأسلوبه ( المختلف) ..وبما يمثله..
فى المنابر السودانية السايبرية ..
هو ( أبلغ مثال ) على (العقلية الجلابية الاقصائية ).. |
غايتو يا آمنة مختار إنتي زولة حقودة خلاس !!!.. نيتك سوداء وقلبك أسود ودائمآ متحفزة للشر والكراهية !! .. يا اختي خليك زي صاحبتك تراجي .. نيتها سوداااء لكين قلبها أبياااض .. وعشان كدة رغم عنفها الشديد وكراهيتها للجلابة إلا إنو الجلابة ما قعد يكرهوها .. بل في جلابة مواهيم كده مدشدشين فيها عديل !!!..
أطردي الشر من قلبك وبيضي نيتك وتذكري يوم تسود صفحات المنبر بنعيك ـ بعد عمر طويل إن شاء الله ـ وانظري ماذا ستتركين وراءك من أثر سئ !!..
أرمي قدام ولا تجعلي همك جذب مزيد من الأعداء الذين يكرهون طلتك !!!..
|
Post: #32
Title: Re: كرهتونا.......!!!
Author: خالد العبيد
Date: 04-17-2008, 11:16 PM
Parent: #1
قالت أمنة:
Quote: العقلية الجلابية الاقصائية )..
التى عاثت فسادا فى أرض الهوامش .. |
وتقول تراجي:
Quote: هي جلابة دي بقت قبيلة ولا شنو؟؟؟
الجلابه تعني الاستطاعة وامتلاك العربات الممكن يشيولا بها بت الناس من المولد
يعني مازول جاء حفيان ولا سايق له ترتارة. |
|
Post: #33
Title: Re: كرهتونا.......!!!
Author: AMNA MUKHTAR
Date: 04-20-2008, 06:12 AM
Parent: #1
| Quote: اصلو كان في مواضيع درامية و مثيرة للسخرية هي مواضيع الهامش و الجلابة و خلافه |
سناء عبد السيد (الفرفورة)..
طبيعى ان مواضيع ( الهامش والجلابة ) تكون مثيرة للسخرية ومملة فى نظر أمثالك..
من (الجلابيات الفارغات المارى انطوانيات ) الجايين للونسة والقرقراب وتزجية أوقات الفراغ ..
والدليل لم نقرأ لك شيئا ذا بال حتى الان ..غير مداخلتك فى بوست الشخصية الوهمية العجيبة زيك
آمنة عوض الكريم ولا اسمها منو ما عارفة..
فخليكى فى فراغك..وونستك..
وخلينا فى همومنا البتمس ( اللحم الحى )..
زى ده :
أوكى؟...ولا ما مفهوم؟!
لأنو كان ما مفهوم مستعدة أفضى نفسى
وأجى أديكى درس خصوصى ..وأمحو أميتك حول ما يدور فى السودان الان
وتنعكس تبعاته على هذا المنبر..
يا جلابية شرقانة انتى ..
بس اتمنى الجلابة زاتو يرضوا بيكى ..يا بت عبد السيد..
لأنو زى ما انتى عارفاهم..عنصرييييين وقليلين أدب.
|
|